ငြိမ်းချမ်းရေး ချိုး (ဂျိုး) ကူသံ တပြည်လုံး ညံစေချင်....

အား မာန် shared ကြယ် နီ's photo.

စစ်တိုက်တယ်ဆိုတာ တဖက်သတ်ကတော့တိုက်မရတာသေချာပါ တယ်လက်ခုပ်က နှစ်ဖက်တီးမှမြည်တာပါ.. တယောက်တပြန်.. ကျည်ဆံခြုံမှလုံတယ်ထင်ပြီး အတောမသတ် ကျည်ဆံသေနတ်လက်ကမချလို့ ဒီစစ်ပွဲအဓွန့်ရှည်နေ တာပါ.. တကယ်ငြိမ်းချမ်းရေးတကယ်ဖော်ဆောင်လိုစိတ်ရှိရင်မကြာပါဘူး အနှေးနဲ့အမြန်ရနိုင်မှာပါ..

ဘယ်သူကတော့သာတယ်ဘယ်သူကနာတယ် ဘယ်သူကအရင်ဝင်တိုက်တာပြောမနေပဲ တယောက်ချင်းစီကအသိစိတ်နဲ့ တပ်မှူးတွေ တွေ့ဆုံပြီး စစ်မဲ့ဇုန်တွေအမြန်ဆုံးသတ်မှတ်နိုင်ရေးဆောင်ရွက် သင့်ပါတယ်.. စစ်မှာ ကိုယ်ပစ်ရင်ပစ် မပစ်ရင်သူပစ်မယ်ဆိုပီး မဲမဲမြင်ရာ စွတ်ကန်ပစ်နေတော့ ထိခိုက်သင့်တာတွေမထိခိုက်သင့်တာတွေ လူ့အသက်တွေစတေးပစ်နေရပါတယ်.....

တကယ်တော့ ဆုတ်ချင်း ဆုတ်ရင် နိုင်ငံတော်အစိုးရဖက်ကပိုပြီးသဘောထားကြီးသင့်တယ်ထင်ပါတယ် ဒါကိုယ့် တိုင်းပြည်ရဲ့ ပြည်သူတွေပါ တနည်းသားသမီးတွေပါ . သားဆိုးသမီးဆိုးတောင် ပစ်ရိုးထုံးစံမရှိတာ အပြစ်မရှိတဲ့ ပြည်သူတွေကိုပိုပြီးခွင့်လွှတ်သင့်ပါတယ်..

အခုပစ်ခတ်နေတာတွေကိုရပ်စဲဖို့ ပဏာမအနေနဲ့ သ၀ဏ်လွှာတွေ ရာဇသံတွေပေးပို့ပြီး အပေါ်စီးကနေလက်နက်ချရင်ချပါ မချရင်ပစ်မယ် ဆိုတဲ့ရာဇသံ ဆန်နေမယ့်အစား တဖက်နဲ့တဖက်လေးစားမှုရှိရှိနဲ့
တဖက်ရဲ့လိုအပ်ချက်တဖက်ကနားလည်သိရှိ ပြီး ရှဥ့်လည်းလျှောက်သာ ပျားလည်းစွဲသာ win win situation အနေအထားတခုရဖို့ ဆွေးနွေးမှုမဖြစ်မနေလိုအပ်ပါတယ်.. သေနတ်ခါးကြားထိုးပြီးငြိမ်းချမ်းရေးဆွေးနွေးနေခြင်းဟာ ပျက်လုံးတခုလိုပါပဲ .. အခုဟာကတော့ကစားပွဲတခုပိုဆန်ပါတယ် လူတွေအသက်နဲ့လောင်းကြေးထပ်နေတဲ့ကစားပွဲတခုပါ...

ညှိနှိုင်းမှုအနေနဲ့လက်နက်ကြီးတကမ်းစာဆီဆုတ်ကြမယ် သူ့ဖက်လည်းဆုတ် ကိုယ့်ဖက်လည်းဆုတ် အဲဒီကမှ တိုက်ပွဲကိုဦးဆောင်နေတဲ့တပ်မှူးတွေချင်းတွေ့ဆုံ အပြုသဘောဆောင်တဲ့ တွေ့ဆုံမှုလုပ်ပြီး .. သူ့ဖက်ကိုယ့်ဖက်သူ့ဆန္ဒကိုယ့်ဆန္ဒညှိနှိုင်းပြီး ရလာတဲ့ရလာဒ်များကို သက်ဆိုင်ရာလွှတ်တော်တွေ ၀န်ကြီးဌာနတွေကို အဆင့်ဆင့်တင်ပြပြီး လုပ်သွားဖို့မသင့်ဘူးလားလို့လည်းကျနော်တွေးနေမိပါတယ်..

မနေ့က နယ်ခံတယောက်ကတော့ပြောပါတယ် ဒါဟာ သမ္မတနဲ့မဆိုင်သလို လွှတ်တော် တခြားနိုင်ငံရေးအင်အားစု အဖွဲ့အစည်း အရပ်ဖက်ကလူတွေနဲ့ မဆိုင်သလိုဖြစ်နေပါပြီ စစ်တပ် အင်အားစုရဲ့စိတ်ကူး အမိန့်ပေးမှုဖြစ်တာကြောင့် စစ်တပ်ကို ဖိအားတစုံတရာပေးပြီး ရပ်စဲမှသာရမယ်လို့ဆိုပါတယ်..

ဒါပေမယ့် ပြန်တွက်ရမှာက KIA နဲ့စစ်တပ်ဟာတပြိုင်နက်တည်းမှာကို ထုတ်ပြန်ချက်တွေထုတ်ပြန်ထားတာကိုတွေ့ရပြီးကွဲလွဲမှုတွေရှိနေပါတယ်. .ဆိုကြပါစို့ အစိုးရတပ်လေယာဉ်များဟာရိက္ခာအတွက် ပျံသန်းတယ်လို့စစ်ဖက်ကထုတ်တယ် တဖက်ကလည်းမဟုတ်ပါဘူးဖြိုခွင်းတယ်လို့ ဆိုတယ်..

နောက်သမ္မတကနေပြီးအပစ်အခတ်ရပ်စဲရေးလက်နက်ကြီးနဲ့ မတုန့်ပြန်ရေးအမိန့်ထုတ်တယ်ဆိုတယ် တပ်မှူးတယောက်က မပစ်ရင် ကိုယ့်လာပစ်သွားမယ်လို့ ရေးတယ် အဲလိုအဲလို ကွဲလွဲမှုလေးတွေပေါ့နော်..

ဒီတော့ ဒီစစ်ပွဲမှာ ဘယ်သူ ဘယ်အုပ်စုကအခွင့်အာဏာရှိပြီး ဘယ်လိုလုပ်ပိုင်ခွင့်ရှိတာလဲ သမ္မတလား စစ်ဦးစီးချုပ်လား ဒါကိုသေသေချာချာ ပွင့်လင်းမြင်သာမှုရှိရှိပြည်သူကိုချပြသင့်ပါတယ် အဲလိုမှသာငြိမ်းချမ်းရေးလုပ်ငန်းစဉ်တွေရှေ့ဆက်နိုင်မှာဖြစ်ပါတယ်...

ကချင်အရေးဟာမြန်မာတပြည်လုံးအရေးပါ ဒါဟာမြန်မာ့နိုင်ငံရေးအဆုံအဖြတ်ပါ အနာဂတ်နိုင်ငံရေးအခင်းအကျင်းမှာစစ်တပ်ပါဝင်ပတ်သက်မှုကြီးနေဦးမှာလား ၊ နောက်ပြန်လှည့်နေပြီလား စတဲ့ ပြည်သူတွေ သန်း ၆၀ ရင်ထဲက လားပေါင်းများစွာကိုအဆုံးအဖြတ်ပေးမယ့်ပွဲပါ ကျန်ရှိနေသောယာယီငြိမ်းချမ်းရေးယူထားတဲ့တိုင်းရင်းသားလက်နက်ကိုင်များ ငြိမ်သက်မှုနဲ့ မြန်မာပြည်သူလူထုတရပ်လုံးကလိုလားတဲ့ တကယ်စစ်မှန်တဲ့ထာဝရငြိမ်းချမ်းရေးအတွက် အဟန့်အတား ခြောက်လှန့်မှု သို့လောသို့လောပေါင်းများစွာဖြစ်စေတဲ့စစ်ပွဲကြီးပါပဲ ….

နောက်တချက်အနေနဲ့ ဒီလိုမျိုး ( Pressure and Compromise ) လုပ်ပြီးမှ တဖက်ကိုလက်နက်ချပါ ငြိမ်းချမ်းရေးဆွေးနွေးမယ် လာကြဟေ့ဆိုရင် ပြည်ပကသာဓကတွေကိုကြည့်သင့်ပါတယ် ဘယ်သူမှဇာတ်သိမ်းမလှပါဘူး

တိုင်းရင်းသားလက်နက်ကိုင်တွေလက်နက်စွန့်ဖို့ဆိုတာ တကယ့်တကယ်ကျတော့ မလွယ်တဲ့ကိစ္စပါ .. မှန်ပါတယ် ထာဝရရန်သူမရှိဘူး ဘာဝရမိတ်ဆွေမရှိဘူး ဆိုပေမယ့် သူတို့ဖက်ကလည်း ဒီလိုပူးပေါင်းတဲ့အခါ တိုင်းရင်းသားအင်အားငယ်လက်နက်ကိုင်လေးေ တွဟာ တောင်းဆိုချက်တွေရှိနေမှာပါ အဲဒါတွေကိုမြန်မာအစိုးရအနေနဲ့လိုက်လျောပေးဖို့ အသင့်ဖြစ်နေသင့်ပါတယ်.. တဖက်မှာ ဗိုလ်ကျစိုးမိုးမှုဝါဒ နောက်လူမျိုးတုန်းသတ်ဖြတ်မှုစတဲ့စတဲ့အမြင်တွေပပျောက်ဖို့ကလည်း သေသေချာချာကျေကျေလည်လည် တကယ်ငြိမ်းချမ်းရေးကိုလိုလားတဲ့စိတ်နဲ့ဆွေးနွေးမှရနိုင်ပါတယ်..

နောက်ဆုံးတခုပြောချင်မိပါတယ် စီးပွားရေးအရ ကချင်ကိုတိုက်နေတာ ဒီလိုတိုက်နေမှ တရုတ်နဲ့မှောင်ခိုလုပ်ရမယ်လို့ ဆိုပီးတိုက်နေတာဆိုရင်တော့.. မေးပါရစေ
ကိုယ့်သားကိုယ့်မယား ကိုယ့်မိသားစု ထမင်းစားရင် ထမင်းဆန်ပဲစားရတယ် ရွှေစားလို့မရဘူး
ကျောက်စိမ်းအတုံးလိုက်ကိုက်စားလို့မရဘူး နေရာတကာကျောက်စိမ်းတုန်းတကားကားလိုက်သယ်နေလို့မရဘူး
လေယာဉ်ဝယ်စီးလည်းဒီခရီးပါပဲ ကိုယ့်တကိုယ်စာလောဘအတွက်တော့ဒီလိုစတေးနေတာတွေဟာ လူမဆန်တဲ့လုပ်ရပ်လို့မြင်မိယူဆမိပါတယ်ဒါဘယ်သူ့ဖက်ကလုပ်လုပ် ပါ …

တနေ့ကို မ၀ရေစာလေးတွေ စားနေရတဲ့ပြည်သူတွေရဲ့ ဒုက္ခသုက္ခတွေမျက်ရည်သွေးတွေ ငိုသံတွေကိုလျစ်လျူရှုပြီး တဖက်မှာ ကျည်ဆံတတောင့်ကို သိန်းလေးဆယ် ဆိုတာမျိုးတွေဖြုန်းတီးပစ်ပြီး ညီအကိုသွေးချင်းတွေကိုသတ်ဖြတ်ပစ်နေတာ ဟာ မဖြစ်သင့်တော့ပါဘူးရပ်သင့်နေပါပြီ လာမယ့် 2013 မှာ ငြိမ်းချမ်းရေးချိုးကူသံတပြည်လုံးညံစေချင်ပါသည် ..