17.01.2013 နေ့ဖတ်ရန်သတင်းများ

by Myanmar Journal on Wednesday, January 16, 2013 at 4:31pm ·

မန်နေဂျာ ဂွာဒီယိုလာ ဘိုင်ယန်ကို လာမယ်
ဂွာဒီယိုလာဟာ ဖလားပေါင်းများစွာ ဆွတ်ခူးပေးနိုင်ခဲ့
စပိန်က ထိပ်တန်း ဘောလုံးကလပ်အသင်း ဘာစီလိုနားက နာမည်ကြီး နည်းပြဟောင်း Pep Guardiola ဟာ ဂျာမနီက Bayern Munich အသင်းမှာ မန်နေဂျာ တာဝန်ယူတော့ မှာ ဖြစ်ပါတယ်။

စပိန်လူမျိုး ပက်ပ် ဂွာဒီယိုလာဟာ အခု ဘောလုံးအရာသီအကုန်ကနေ ၂၀၁၆ ထိ ၃ နှစ်စာချုပ်ချုပ်လိုက်တာ ဖြစ်တယ်လို့ ဘိုင်ယန်မြူးနစ် အသင်းက ထုတ်ပြန်ပါတယ်။ ဂွာဒီယိုလာဟာ ပြီးခဲ့တဲ့ နှစ်လယ်က ဘာစီလိုးနားက ထွက်ပြီးနောက် အသင်းလက်မဲ့ ဖြစ်နေခဲ့တာပါ။
လက်ရှိ ဘိုင်ယန် အသင်းနည်းပြ Jupp Heynckes က အနားယူတော့မှာ ဖြစ်ပါတယ်။
ဂွာဒီယိုလာကို အင်္ဂလန် ပရီမီးယားလိဂ်က ချဲလ်ဆီးနဲ့ မန်ချက်စတာ စီးတီးတို့ကလည်း စိတ်ဝင်စားကြောင်း သတင်းတွေ ထွက်ခဲ့ပါတယ်။
အသက် ၄၁ နှစ်အရွယ် ဂွာဒီယိုလာဟာ သူမန်နေဂျာအလုပ် တလျောက်လုံးမှာ ဖလား ၁၄ ခု ရရှိခဲ့ဘူးပြီး အဲဒီထဲမှာ ထိပ်တန်း ချန်ပီယံစ် လိဂ် ဖလား ၂ ခုလည်း ပါဝင်ပါတယ်။

ပြင်သစ်တပ်တွေ မြေပြင်စစ်ဆင်မည်
မြေပြင်စစ်ဆင်ရေးအတွက် အသင့်ဖြစ်နေတဲ့ ပြင်သစ် စစ်ကားများ
မာလီက အစ္စလာမ်မစ် စစ်သွေးကြွတွေကို လာမယ့် နာရီပိုင်းအတွင်းမှာ မြေပြင်ကနေ ထိုးစစ်ဆင်တိုက်ခိုက်တော့မယ်လို့ ပြင်သစ် စစ်တပ်က သတင်း ထုတ်ပြန်ပါတယ်။
သူပုန်တွေ တပ်စွဲထားတဲ့ မာလီမြောက်ပိုင်းကို တိုက်ခိုက်ဖို့ စစ်ယာဉ်တန်းတွေဟာ မြို့တော် ဘာမာကို ကနေ အင်္ဂါနေ့ညက ထွက်သွားခဲ့ပြီလို့ ပြင်သစ် စစ်ဦးစီးချုပ် ရေတပ်ဗိုလ်ချုပ်ကြီး အဒ်ဟွာ အီးယိုးက ပြောပါတယ်။
မာလီကို တိုက်ခိုက်ဖို့ သောကြာနေ့က ချခဲ့တဲ့ သူ့ရဲ့ ဆုံးဖြတ်ချက်ဟာ တကယ့်ကို လိုအပ်တာ ဖြစ်သလို အချိန်တခုကို စောင့်နေမယ်ဆိုရင် မာလီ တခုလုံး အကြမ်းဖက်သမားတွေရဲ့ လက်ထဲရောက်သွားနိုင်တဲ့ အတွက် ဝင်ရောက်တာ ဖြစ်တယ်လို့ မာလီအရေးကို ပြင်သစ်ရဲ့ ဝင်ရောက်စွက်ဖက်မှုတွေနဲ့ ပတ်သက်ပြီး ပြင်သစ် သမ္မတ ဖရန်စွာ အော်လွန်းက ပြောခဲ့ပါတယ်။
ဒီအချိန်အတောအတွင်းမှာပဲ ဝေဟင် ကနေ ပြင်သစ် လေကြောင်းက ထိုးစစ်တွေ ဆက်ပြီး လုပ်ဆောင်နေပါတယ်။
မာလီက အစ္စလာမ်မစ် စစ်သွေးကြွတွေနဲ့ အရင်က မဟာမိတ်ဖြစ်ခဲ့ဘူးတဲ့ Tuareg ခွဲထွက်ရေးအဖွဲ့ MNLA ကလည်း အခုထိုးစစ်မှာ ပြင်သစ်နဲ့ ပူးပေါင်းမယ့် အလားအလာတွေ ရှိနေပါတယ်။
အစ္စလာမ်မစ် စစ်သွေးကြွတွေလက်ထဲ နယ်မြေ အတော်များများ ဆုံးရှုံးခဲ့တဲ့ မာလီ အစိုးရကို ပြင်သစ်က ကူညီတိုက်ခိုက်ပေးနေတာ လည်း ဖြစ်ပါတယ်။

လန်ဒန်မြို့လည်မှာ ရဟတ်ယာဉ် ပျက်ကျ
ရဟတ်ယာဉ် ပျက်ကျခဲ့တဲ့နေရာမှာ မီးလောင်ကျွမ်းနေစဉ်
လန်ဒန်မြို့လည်က Vauxhall မြေအောက် ရထားဘူတာရုံအနီး ဗုဒ္ဓဟူးနေ့မနက် အလုပ်သွား ကျောင်းသွားချိန်အတွင်းမှာ ရဟတ်ယာဉ်တစင်း ပျက်ကျခဲ့လို့ လူ ၂ ဦး သေဆုံးခဲ့ပြီး တ ဦးကတော့ ပိုင်းလော့ဒ် ဖြစ်တယ်လို့ လန်ဒန် အရေးပေါ်ဌာနက ပြောပါတယ်။
တခြား လူ ၉ ဦးလည်း ဒါဏ်ရာရခဲ့ပြီး အဲဒီအထဲက တဦးက စိုးရိမ်ရတဲ့ အခြေအနေရှိတယ်လို့ ဗြိတိန် ရဲက ပြောပါတယ်။
အဲဒီ ရဟတ်ယာဉ်ဟာ အနီးအနားက ဆောက်လုပ်နေတဲ့ အဆောက်အအုံမှာ ချိတ်စွဲထားတဲ့ ကရိန်းနဲ့ တိုက်မိပြီး ပျက်ကျသွားတာ ဖြစ်ပါတယ်။
ဒီရဟတ်ယာဉ်ပျက်ကျခဲ့လို့ မီးခိုးအုံကြီး တခုကို သိမ်းစ်မြစ်နားက Vauxhall မြေအောက် ရထားဘူတာရုံအနီးမှာ ထွက်ပေါ်လာတာခဲ့ပါတယ်။

အယ်လ်ဂျီးရီးယား ရေနံလုပ်ကွက် တိုက်ခိုက်ခံရ
အစ္စလာမ်မစ် စစ်သွေးကြွတွေက ဝင်ရောက်တိုက်ခိုက်ခဲ့တဲ့ Amenas Gas လုပ်ငန်းခွင်
အယ်လ်ဂျီးရီးယား တောင်ပိုင်းမှာ ရှိတဲ့ ရေနံ လုပ်ကွက် တခုကို အကြမ်းဖက် သမားတွေက ဝင်ရောက် တိုက်ခိုက်ခဲ့တယ် လို့ ဗြိတိသျှ နိုင်ငံခြားရေး ဝန်ကြီးဌာနက ထုတ်ဖော် ပြောကြားခဲ့ ပါတယ်။
BP ရေနံ ကုမ္ပဏီနဲ့ အကျိုးတူ လုပ်ဆောင်နေတဲ့ အဲဒီ ရေနံသိုလှောင် နေရာကို အစ္စလာမ်မစ် စစ်သွေးကြွ တွေက တိုက်ခိုက် ခဲ့ပြီး အလုပ်သမား တချို့ကိုလည်း ပြန်ပေးဆွဲ ခေါ်ဆောင် သွားခဲ့တယ်လို့ အယ်လ်ဂျီးရီးယားမှာ ရှိတဲ့ သံတမန်အသိုင်းအဝိုင်းက ပြောဆိုနေပါတယ်။
BP ကုမ္ပဏီကလည်း အခုကိစ္စကို အတည် ပြုလိုက်ပြီး လန်ဒန် စံတော်ချိန် မနက် ၅ နာရီ လောက်မှာ တိုက်ခိုက်ခံ ရတာလို့ ပြောကြားခဲ့ပါတယ်။
အယ်လ်ဂျီးရီးယား အာဏာပိုင် တွေကလည်း ဒီကိစ္စအတွက် လုပ်ဆောင် နေသလို ပြင်သစ်၊ ဂျပန်၊ ဗြိတိသျှ နဲ့ အိုင်ယာလန် အာဏာပိုင်တွေ ကလည်း သူ့တို့ရဲ့ နိုင်ငံသားတွေ ပြန်ပေးဆွဲခံ ခဲ့ရတာကြောင့် စုံစမ်းမှုတွေ လုပ်နေတယ်လို့ သိရပါတယ်။
မာလီက အစ္စလာမ်မစ် စစ်သွေးကြွတွေ ကတော့ ပြင်သစ်ရဲ့ ထိုးစစ်ဆင်မှုတွေ အတွက် လက်တုံ့ ပြန်မယ်လို့ ခြိန်းခြောက် ထားခဲ့ပါတယ်။

အလက်ပို တက္ကသိုလ်ထဲ ဗုံးပေါက်ကွဲ
ဗုံးကွဲလို့ ပျက်ဆီးခဲ့တဲ့ အလက်ပို တက္ကသိုလ်
ဆီးရီးယား နိုင်ငံက အလက်ပို တက္ကသိုလ်မှာ ကျောင်းသားတွေ စာမေးပွဲ ဖြေနေ ကြစဉ်မှာ ပေါက်ကွဲမှု ဖြစ်ပွား ခဲ့တဲ့ အတွက် လူပေါင်း ၈၀ ထက်မနည်း သေဆုံး သွားခဲ့ ရတယ်လို့ အတိုက် အခံတွေ ဘက်ကရော အစိုးရ ဘက်က ပါပြော ပါတယ်။
အင်တာနက် ပေါ်မှာ တင်ထားတဲ့ ဗီဒီယို တွေထဲမှာဆိုရင် တက္ကသိုလ် အဆောင်တခုရဲ့ အဝင်မျက်နှာစာ တခုလုံး ပျက်စီးသွားတာတွေ နဲ့ အလောင်းတွေ လမ်းပေါ်မှာ ပြန့်ကျဲ နေတာတွေကို တွေ့မြင် ရပါတယ်။
အစိုးရ အတိုက်အခံ တွေနဲ့ မျက်မြင် သက်သေ တွေက အစိုးရ တိုက်လေယာဉ် တွေက ချလိုက်တဲ့ ဗုံးကြောင့် အခုလို ဖြစ်ခဲ့တာ ဖြစ်တယ်လို့ ဆိုကြပါတယ်။
အတိုက်အခံ တွေဘက်ကတော့ အစိုးရ တိုက်လေယာဉ် တွေက ဗုံး ၂ လုံး ကြဲချ ခဲ့တယ်လို့ပြောပါတယ်။ အဲဒီ ဗုံးတွေထဲက ဒုတိယ တလုံး ကျရောက် ပေါက်ကွဲ ခဲ့တာကို ရိုက်ကူးထားတဲ့ ဗီဒီယိုကို အတိုက်အခံ တွေဘက်က အင်တာနက် ပေါ်မှာတင်ထားပါတယ်။
ဆီးရီးယား အစိုးရ ဘက်ကတော့ အခုဖြစ်ရပ် နဲ့ ပတ်သက်လို့ သူပုန်တွေကို အပြစ်ဖို့ ထားပါတယ်။
လနဲ့ ချီပြီး တိုက်ပွဲတွေ ဖြစ်နေတဲ့ ဆီးရီးယား ရဲ့ ဒုတိယ မြို့တော်ဖြစ်တဲ့ အလက်ပိုမှာ အခု ပေါက်ကွဲမှု ဖြစ်ပွားခဲ့တဲ့ အလက်ပို တက္ကသိုလ်ကို လုံခြုံမှု အရှိဆုံး နေရာတခု အဖြစ် သတ်မှတ်ထား ကြတာ ဖြစ်ပါတယ်။

ကချင်အရေး အမေရိကန် စိုးရိမ်
မြန်မာနိုင်ငံဆိုင်ရာအမေရိကန် သံအမတ်ကြီး ဒဲရစ်မစ်ချယ်
ကချင်ပြည်နယ်မှာ ဖြစ်ပွားနေတဲ့ပဋိပက္ခတွေနဲ့ ပတ်သက်လို့ အမေရိကန် ပြည်ထောင်စုက အထူးစိုးရိမ်ကြောင်းနဲ့ အပြစ်မဲ့ အရပ်သား တွေကို ကူညီခွင့် ပိုရဖို့ တောင်းဆို နေကြောင်း မြန်မာနိုင်ငံဆိုင်ရာ အမေရိကန် သံအမတ်ကြီး ဒဲရစ်မစ်ချယ်က ပြောပါတယ်။
ရန်ကုန်မြို့က ဘီဘီစီ သတင်းထောက် ဦးကိုကိုအောင်က သူ့ကို သီးသန့် ဆက်သွယ် မေးမြန်း ထားတဲ့ အထဲက တချို့ကို ကောက်နှုတ် တင်ပြ လိုက်ပါတယ်။
မေး။ ကချင် ပြည်နယ်မှာ ဖြစ်နေတဲ့ လက်နက်ကိုင် ပဋိပက္ခတွေ ကြောင့် မြန်မာ နိုင်ငံရဲ့ ဒီမိုကရေစီ ပြုပြင် ပြောင်းလဲရေး ကိုထိခိုက်မယ် လို့ ထင်ပါလား။
ဖြေ။ ကချင်ပြည်နယ်မှာ ဖြစ်နေတဲ့ကိစ္စတွေကို ကချင်လူမျိုးတွေ အတွက်သာမကပါဘူး၊ တခြားတိုင်းရင်းသားတွေ အတွက်ပါ အကြီးအကျယ် စိုးရိမ်နေကြတယ် ဆိုတာကိုကရင်နဲ့မွန်ပြည်နယ်တွေမှာရော၊ တခြားနေရာ တွေမှာပါ ကျနော်ကြား ခဲ့ရပါတယ်။ အကြမ်းဖက်ပဋိပက္ခတွေ ဖြစ်နေတဲ့အပေါ်မှာ ခုလိုမေးခွန်း ထုတ်ကြတာ ရှိပေမယ့်၊ တိုင်းရင်းသားတွေနဲ့ ရင်ကြားစေ့ရေး ဆောင်ရွက်နေတဲ့ ဖြစ်စဉ်တခုလုံး အနေနဲ့ခြုံပြီး ကြည့်တဲ့ အခါ ဒီ အပြောင်းအလဲအပေါ် ယုံကြည်မှု ရှိကြတာ တွေ့ရပါတယ်။ နိုင်ငံတကာ မိသားစုကတော့ လူသားချင်း စာနာတဲ့အမြင်က ကြည့်ပြီးစိုးရိမ်မှုတွေ ရှိပါတယ်။ ဒီမိုကရေစီ ပြုပြင်ပြောင်းလဲရေး ကိုထိမလား ဆိုတာတော့ စောင့်ကြည့်ရမှာ ဖြစ်ပါတယ်။ ခုထိတော့ အဲဒီလောက် အကျိုးသက်ရောက်မှု မရှိသေးဘူးလို့ ထင်ပါတယ်။ အမေရိကန် ပြည်ထောင်စုအနေနဲ့လည်း နေရပ်စွန့်ပြေးရသူတွေ၊ တိုက်ပွဲကြားမှာ ပိတ်မိနေတဲ့အပြစ်မဲ့ အရပ်သားတွေ အတွက်အများကြီး စိုးရိမ်ပါတယ်။ သူတို့ကို ကူညီနိုင်ဖို့အတွက် လမ်းဖွင့်ပေးဖို့လည်းတောင်း ဆိုနေတာ အတော်ကြာပါပြီ။ ပြီးတော့ဒီပဋိပက္ခတွေကို ရပ်စေချင်ပါတယ်။ နှစ်ဖက် တွေ့ဆုံဆွေးနွေးပြီး တဖက်နဲ့တဖက် ဘာလိုချင်တယ်ဆိုတာကို ပွင့်ပွင့်လင်းလင်း ပြောစေချင်ပါတယ်။ တိုက်ခိုက်မှုတွေ ရပ်ပြီးနိုင်ငံရေးအရ ညှိနှိုင်းပြီးအဖြေရတာမျိုးကို လိုချင်ပါတယ်။
မေး။ ဒါဆိုရင် အဲဒီလိုပဋိပက္ခတွေရပ်ပြီး ဆွေးနွေးအဖြေရှာနိုင်အောင်လို့ ဘာလိုအပ်နေတယ်ထင်ပါလဲ။
ဖြေ။ ကျနော်ထင်တာတော့ နှစ်ဖက်မယုံကြည်မှုဟာ တော်တော်နက်နက်ရှိုင်းရှိုင်း ရှိနေပါတယ်။ တကယ်လိုအပ် နေတဲ့တွေ့ဆုံ ဆွေးနွေးမှုတွေ ဖြစ်ဖို့အတူတူ မထိုင်နိုင်ကြဘူး ဖြစ်နေပါတယ်။ ကျနော်သိသလောက် အစိုးရ ဖက်က ကမ်းလှမ်းတာရှိပြီး ကချင်ဖက်က တကယ်တမ်း ဘာတွေဆွေးနွေးကြမလဲဆိုတာနဲ့ ပတ်သက်ပြီး သံ သယရှိနေပါတယ်။ ဒီတော့အဓိက လိုအပ်နေတာက ယုံကြည်မှုပါ။ ဘာလိုချင်တယ်ဆိုတာ တဖက်နဲ့တဖက် နားလည်မှု ရှိလာဖို့ပါ။ ဒီတော့ တွေ့ဆုံတာ မတိုင်ခင်တဖက်နဲ့ တဖက်သဘောထားကို နားလည်အောင်လုပ် ဖို့လိုပါလိမ့်မယ်။ ဒီလိုလုပ်ရာမှာ ထင်သာမြင်သာရှိဖို့က အရေးကြီးပါတယ်။
မေး။ ဟုတ်ကဲ့ အမေရိကန် စစ်တပ်နဲ့မြန်မာစစ်တပ်ကြားမှာ ပူးပေါင်းဆောင်ရွက်မှုတွေ လုပ်နေတဲ့အခြေအနေနဲ့ပတ်သက် လို့ရောပြောပြနိုင်မလား။
ဖြေ။ ကျွန်တော်တို့အနေနဲ့ ဒါကိုတဆင့်ချင်း ဆောင်ရွက်နေပါတယ်။ ကချင်ပြည်နယ်မှာ ဖြစ်တဲ့ပဋိပက္ခတွေကို ကျွန် တော်တို့စိုးရိမ်သလို တခြားမေးခွန်းတွေလည်းကျွန်တော်တို့မှာရှိပါတယ်။ ဒါပေမယ့် မြန်မာနိုင်ငံမှာ စစ်တပ် ဟာ အရေးကြီးတဲ့ အဖွဲ့အစည်းတခုပါ။ သူတို့အကြောင်းကို ကျွန်တော်တို့ သိပ်နားမလည်သလို၊ ကျွန်တော်တို့ အကြောင်းကို လည်းသူတို့ သိပ်နားမလည်ပါဘူး။ ဒီတော့ နှစ်ဖက်ကြားတွေ့ဆုံပြီး ကျွန်တော်တို့ စစ်တပ်မှာ လူ့အခွင့်အရေးကို ဘယ်လို တန်ဖိုးထားတယ်၊ ကျွန်တော်တို့ အမြင်အရ၊ ဒီမိုကရေစီ စံနစ်မှာ စစ်တပ်ရဲ့အခန်းကဏ္ဍက ဘယ်လိုရှိတယ် ဆိုတာတွေကို ပြောဖို့အတွက် ထိတွေ့ ဆက်ဆံတဲ့နည်းဘဲ ရှိပါတယ်။ တခြားဘာနဲ့မှ အစားထိုးလို့ မရပါဘူး။ ဒီတော့ ကျွန်တော်တို့ဟာ တဖက်နဲ့ တဖက်နားလည်ဖို့ တဆင့်ချင်း ဆောင်ရွက်သွားမှာဖြစ်ပြီး၊ စစ်ဆင်ရေးတို့လို ကိစ္စမျိုးကိုပူးပေါင်းဆောင်ရွက် တာမျိုး အလျင်စလိုလုပ်မှာမဟုတ်ပါဘူး။ နှစ်ဖက် ပိုနားလည်မှုရအောင် ယုံကြည်မှုပိုရှိအောင်သာ ဆောင်ရွက် သွားမှာဖြစ်ပါတယ်။

ဆက်သွယ်ရေး လုပ်ငန်း တခေတ် ပြောင်းတော့မလား
ဆက်သွယ်ရေး လုပ်ငန်း ပုဂ္ဂလိက ယှဉ်ပြိုင် လုပ်ကိုင်ခွင့် ပေးမယ်။
ဆက်သွယ်ရေး ဝန်ဆောင်မှု လုပ်ငန်း လိုင်စင် ၂ ခု တင်ဒါ အတွက် စိတ်ဝင်စားသူတွေကို ဖိတ်ခေါ်တဲ့အကြောင်း ဇန္နဝါရီလ ၁၆ ရက် ဗုဒ္ဓဟူးနေ့ သတင်းစာမှာ ကြေညာ ထားပါတယ်။
ဒီဝန်ဆောင်မှုလုပ်ငန်းတွေကို လုပ်ခွင့်ရရင် မိုဘိုင်းတယ်လီဖုန်း၊ ကြိုးဖုန်း၊ အင်တာနက်လုပ်ငန်းတွေ ချပေးနိုင်တဲ့ လုပ်ငန်းကြီး တခုဖြစ်လာမှာပါ။
အဲဒီကုမ္ပဏီတွေ ကနေ ကိုယ်ပိုင် ဆာဗာ၊ ကိုယ်ပိုင် Fibre Optics လိုင်း၊ ကိုယ်ပိုင် ဆက်သွယ်ရေး တာဝါတိုင်တွေ ကိုလည်း ဆောက်လုပ်ခွင့် ရမှာ ဖြစ်ပါတယ်။
အခုအချိန်မှာ ဆက်သွယ်ရေး လုပ်ငန်း တွေကို မြန်မာ ဆက်သွယ်ရေး လုပ်ငန်း MPT တခုတည်း ကသာ ဆောင်ရွက်နေတာ ဖြစ်ပါတယ်။
ရုရှား၊ နော်ဝေ အပါအဝင် နိုင်ငံတကာ လုပ်ငန်းရှင်တွေ ကလည်း စိတ်ဝင်စားမှု ပြနေပြီး မြန်မာ့ ဆက်သွယ်ရေး MPT လက်အောက်က ရတနာပုံ တယ်လီကွန်မြူနီကေးရှင်း ကလည်း လျှောက်မယ်လို့ သိရပါတယ်။
တင်ဒါ လာလျှောက်တဲ့ ကုမ္ပဏီတွေ အနေနဲ့ အရည်အသွေး ပြည့်မီခြင်း ရှိမရှိ စံချိန်စံညွှန်း ကိုက်ညီခြင်း ရှိမရှိကိုတော့ အကြံပေး ကုမ္ပဏီ အဖြစ် ငှားရမ်းထားတဲ့ ဂျာမဏီ အခြေစိုက် Roland Berger ကုမ္ပဏီက စိစစ် အကဲ ဖြတ်သွားမှာ ဖြစ်ပါတယ်။
နောက်ဆုံး ရွေးချယ်တဲ့ လုပ်ငန်းကိုတော့ ဒေါက်တာ ကံဇော် ဦးဆောင်တဲ့ တင်ဒါ ကော်မတီက ရွေးချယ် သွားမယ်လို့ ဆိုပါတယ်။
ရွေးချယ်ရေး ကော်မတီမှာ မြန်မာ့ ဆက်သွယ်ရေးဘက်က ဒုတိယ ဝန်ကြီး ဦးသောင်းတင် တယောက်သာ ပါဝင်မယ်လို့ ဆိုပါတယ်။
ဒုဝန်ကြီး ဦးသောင်းတင်ကလည်း ရွေးချယ်ရေးနဲ့ ပတ်သက်ပြီး ဝင်ရောက် စွက်ဖက်မှာ မဟုတ်ဘဲ၊ ရွေးချယ်ရေး လုပ်ငန်းစဉ် ပွင့်လင်း မြင်သာမှု ရှိမရှိ စောင့်ကြည့်ဖို့သာ ပါဝင်တာ ဖြစ်တယ်လို့ မြန်မာ့ ဆက်သွယ်ရေး အင်ဂျင်နီယာချုပ် ဦးဌေးဝင်းက ပြောပါတယ်။
အနှစ် ၂၀ သက်တမ်းရှိမယ့် အဲဒီ လိုင်စင်ကို ဇွန်လ မှာ ချပေးမယ်လို့ သိရပါတယ်။
တခြားတဘက်မှာလည်း ဆက်သွယ်ရေး ဥပဒေကြမ်းကို လွှတ်တော်အတွင်းမှာ ဆွေးနွေးနေကြပြီလို့လည်း သိရပါတယ်။

ပြည်ပရောက် လူ့ဘောင်သစ် နိုင်ငံရေးပါတီ မှတ်ပုံတင်မည်

 ပြည်တွင်းမှာ အစိုးရနဲ့ နှုတ်ကတိရထားပြီး နိုင်ငံရေးပါတီ မှတ်ပုံတင်တော့မယ့် လူ့ဘောင်သစ်ဒီမိုကရက်တစ်ပါတီဝင်များ။ (ဇန်နဝါရီ ၁၅၊ ၂၀၁၃)
(၈) လေးလုံးအရေးအခင်းနောက် ပေါ်ပေါက်ခဲ့ပြီး ထိုင်း-မြန်မာနယ်စပ် မှာ နှစ်ပေါင်း နှစ်ဆယ်ကျော်ကြာ အခြေစိုက်ထားခဲ့တဲ့ လူဘောင်သစ်ဒီမိုကရစ်တစ်ပါတီက  ပါတီ ပြန်လည်မှတ်ပုံတင်ဖို့ အစိုးရတာဝန်ရှိသူတွေနဲ့  နှုတ်အားဖြင့် သဘောတူထားကြောင်း နဲ့ ရှေ့လုပ်ငန်း စဉ်တွေဆောင်ရွက်ဖို့အတွက်ဆက် ဆံရေးရုံးကို ရှေ့လထဲမှာ ဖွင့်သွားဖို့ ရှိနေ ပါတယ်။ သူတို့ပါတီအနေနဲ့ ၂၀၀၈ ဖွဲ့ စည်းပုံအခြေခံဥပဒေကို ဘ၀င်မကျပေမဲ့ အပြောင်း အလဲတွေကို အနှစ်သာရရှိရှိ ပြောင်းလဲအောင် လုပ်ဆောင်ဖို့ဆိုရင် လူထုကြားထဲမှာ ပြန်ရပ် တည်ဖို့လိုတာကြောင့် အခုလို ပါတီကို ပြန်ပြီး မှတ်ပုံတင်ဖို့ ဆုံးဖြတ်ရတာဖြစ်တယ်လို့လည်း ပါတီရဲ့ ပြောခွင့်ရသူတွေက ဒီကနေ့ ထုတ်ဖော်ပြောကြားပါတယ်။ ဒီသတင်းအပြည့်အစုံကို ဗီအိုအေ မြန်မာပိုင်းအစီအစဉ်ရဲ့ ရန်ကုန်အခြေစိုက် သတင်းထောက် ကိုသူရစိုးက တင်ပြပေးထားပါတယ်။ လူ့ဘောင်သစ် ဒီမိုကရက်တစ်ပါတီ ကိုယ်စားလှယ်အဖွဲ့ဟာ မြန်မာပြည်ကို ရောက်နေတာ တလလောက်ရှိနေပြီး အစိုးရရဲ့ ငြိမ်းချမ်းရေးဖော်ဆောင်ရေးအဖွဲ့နဲ့ ဒီမိုကရေစီ အင်အားစုတွေ နဲ့ တွေ့ဆုံဆွေးနွေးပြီးတဲ့နောက်မှာ အခုလို ထုတ်ဖော် ကြေညာလိုက်တာဖြစ်ပါတယ်။မကြာမီမှာ ပါတီကို တရားဝင် ပြန်လည်မှတ်ပုံတင်မယ့် အကြောင်းကိုတော့ ပါတီရဲ့ အထွေထွေ အတွင်းရေးမှူး ဦးငွေလင်းက အခုလို ပြောပါတယ်။

“အစိုးရနဲ့ညှိနှိုင်းပြီးပြီ။ နှုတ်ကတိလည်း ကျနော်တို့ ရထားပြီးပြီ။ အဲဒီနှုတ်ကတိအရ ကျနော်တို့ ဘာမဆို ဆောင်ရွက်လို့ ရပြီဖြစ်ပါတယ်။” ပါတီဗဟိုကော်မတီဝင်ဖြစ်တဲ့ ဦးဇော်ဇော်ထွန်းကတော့ ဘာကြောင့် အခုလို မှတ်ပုံတင်ဖို့ ဆုံးဖြတ်ရသလဲဆိုတာကို အခုလိုရှင်းပြပါတယ်။

“၂၀၀၈ ကို လက်မခံနိုင်ပေမယ့် ဘာကြောင့် ပါတီ မှတ်ပုံတင်ရသလဲဆိုတော့ လက်ရှိအခြေ အနေမှာ ကျနော်တို့ ပါတီက ၂၁ နှစ်ကြာအောင် လူထုနဲ့ဝေးခဲ့တယ်။ နယ်စပ်ဒေသမှာ အခြေစိုက် ခဲ့ရပါတယ်။ အခုနပြောသလို အပြောင်းအလဲတွေကို အနှစ်သာရရှိရှိ ပြောင်းလဲအောင် လုပ်ဆောင်နိုင်ဖို့ဆိုရင် ပါတီကို လူထုကြားထဲမှာ ပြန်ရပ်တည်ဖို့ လိုပါတယ်။ အဲဒီအတွက် လတ်တလောမှာတော့ ၂၀၀၈ ဖွဲ့စည်းအုပ်ချုပ်ပုံ အခြေခံဥပဒေကို ပြင်ရေးဆိုတဲ့ လုပ်ငန်းကို ပဲ ဆောင်ရွက်ဖို့အတွက် ကျနော်တို့ ဒီလို ပါတီမှတ်ပုံတင်ဖို့ ပြန်စဉ်းစားရတာပါ။”

လူထုခေါင်းဆောင် ဒေါ်အောင်ဆန်းစုကြည်ကိုတော့ ခေါင်းဆောင်အဖြစ်နဲ့ သဘောထားပြီး ပါတီရဲ့အဓိက မဟာမိတ် အဖြစ် အမျိုးသားဒီမိုကရေစီအဖွဲချုပ် NLD ပါတီကတော့ တပ်ဦးမှာ ရှိနေမှာဖြစ်ပါတယ်။ ၈၈ မျိုးဆက် ကျောင်းသားတွေ အပါအ၀င် တခြား ဒီမိုကရေစီရေး နဲ့ငြိမ်းချမ်းရေးကို လိုလားသောအဖွဲ့အစည်းတွေနဲ့ မဟာမိတ်ပြုလုပ်သွားမှာ ဖြစ်တယ်လို့လည်း ပါတီခေါင်းဆောင်တွေက ပြောခဲ့ပါတယ်။

အစိုးရက လာမဲ့ရွေးကောက်ပွဲမှာ ကျင့်သုံးနိုင်ခြေရှိတယ်လို့ ပြောဆိုနေကြတဲ့ ရွေးကောက်ပွဲမှာ အချိုးကျ ကိုယ်စားပြုမှု စနစ်ကို တည်ဆဲဥပဒေအောက်က ဆောင်ရွက်ရတာဖြစ်တဲ့အတွက် မူအရ မငြင်းပေမဲ့ မြန်မာပြည်အတွက် ဒီ အချိုးကျ မဲပေးစနစ် ကျင့်သုံးဖို့ အဆင်သင့် မဖြစ်သေးဘူလို့ ဦးဇော်ဇော်ထွန်းက အခုလိုပဲရှင်းပြပါတယ်။

“ဘယ်လို အခြေအနေတွေပဲဖြစ်နေ ဖြစ်နေ ကျနော်တို့က တရားဝင်မှတ်ပုံတင်ပြီးပြီဆိုရင်တော့ လက်ရှိ တည်ဆဲ ဥပဒေအောက်က ပါတီရပ်တည်ရေးအတွက် စဉ်းစားရမယ့် ကိစ္စတွေ ရှိပါတယ်။ အခုနက ကျနော်တို့ ရဲဘော်ပြောခဲ့သလို PR (Prooptional Ratio) စံနစ်နဲ့ ပတ်သက်ရင် မူအရ ကျနော်တို့ မငြင်းပါဘူး။ ဒါပေမဲ့ ဗမာပြည်လက်တွေ့က PR စံနစ်ကို ကျင့်သုံးဖို့ အဆင်သင့်မဖြစ်သေးဘူးလို့ ကျနော်တို့ယူဆပါတယ်။”

 ပြည်ပမှာ နေထိုင်နေပြီး တခြားနိုင်ငံသားခံယူထားတဲ့ပါတီခေါင်းဆောင်တွေအနေနဲ့ သက်ဆိုင် ရာနိုင်ငံသား ခံယူထား တာကို စွန့်လွတ်ကြဖို့နဲ့ နိုင်ငံတော်အစိုးရကလည်း သူတို့ကို နိုင်ငံသား ကဒ် ပြန်ထုတ်ပေးဖို့ကို သဘောတူထား တယ်လို့လည်း ပြောပါတယ်။

လူ့ဘောင်သစ် ဒီမိုကရက်တစ်ပါတီကို ၁၉၈၈ အောက်တိုဘာလ ၁၄ ရက်နေ့မှာ ဗမာနိုင်ငံလုံးဆိုင်ရာကျောင်းသား သမဂ္ဂများ အဖွဲ့ချုပ် အထွေထွေအတွင်းရေးမှူး ဦးမိုးသီးဇွန်က ဦးဆောင်ဖွဲ့စည်းခဲ့ပြီး ၁၉၉၀ ခုနှစ်မှာ စစ်အစိုးရက ပါတီဆိုင်းဘုတ်ကို ဖြုတ်ခဲ့တဲ့အတွက် KNU ထိန်းချုပ်နယ်မြေဖြစ်တဲ့ မာနယ်ပလောကို ပြောင်းရွှေ့ခဲ့တာ ဖြစ်ပါတယ်။

အမျိုးသားညီလာခံ ကာကွယ်တဲ့ဥပဒေကို ရုပ်သိမ်း

မြန်မာနိုင်ငံမှာ အတိုက်အခံ တက်ကြွလှုပ်ရှားသူတွေကို အရေးယူ အပြစ်ပေးနိုင်တဲ့ အရင်စစ်အစိုးရ လက်ထက် ပြဋ္ဌာန်းထားတဲ့ ဥပဒေတရပ်ကို ဖျက်သိမ်းကြောင်း အစိုးရက ကြေညာလိုက်ပါတယ်။

အမျိုးသားညီလာခံရဲ့လုပ်ငန်းတွေကို နှောက်ယှက် ဆန့်ကျင်မှုတွေကနေ ကာကွယ်တဲ့ဥပဒေအဖြစ် ၁၉၉၆ ခုနှစ်ကတည်းက ပြဋ္ဌာန်းထားတဲ့ ပုဒ်မ ၅/ ၉၆ ဟာဆိုရင် အစိုးရကို ဆန့်ကျင်သူတွေ၊ ဝေဖန် သူတွေကို ထောင်ဒဏ် အနှစ် ၂၀ အထိ အပြစ်ပေးနိုင်ပါတယ်။

ဒါပေမဲ့လည်း အခုအခါ ဒီဥပဒေကို အသွင်ကူးပြောင်းရေး အစီအစဉ် တစိတ်တပိုင်း အဖြစ်နဲ့ ပယ်ဖျက်လိုက်ပြီ ဖြစ်တဲ့အကြောင်း သမ္မတ ဦးသိန်းစိန် လက်မှတ် ရေးထိုးထားတဲ့ အမိန့်ကြေညာစာကို ဒီကနေ့ထုတ် အစိုးရပိုင် သတင်းစာတွေမှာ ဖော်ပြခဲ့ကြတာပါ။

ဥပဒေကို ပြင်ဆင်မှုတွေ လုပ်ဆောင်လာတဲ့အပေါ် ကြိုဆိုခဲ့ကြပေမဲ့လည်း ၂၀၀၈ ခုနှစ်တုန်းက အတည်ပြုခဲ့တဲ့ အခြေခံဥပဒေကို မူကြမ်းအဖြစ်ရေးဆွဲချိန်မှာ ဝေဖန်မှုတွေကို ဟန့်တားဖို့ ရည်ရွယ်ထားတာ ဖြစ်သလို အတိုက်အခံ အများအပြားဟာလည်း ဒီဥပဒေနဲ့ အပြစ်ပေး အရေးယူတာတွေ ခံခဲ့ကြရဖူးပါတယ်။ ဒါပေမဲ့လည်း အခုအခါ အခြေခံဥပဒကို အတည်ပြုခဲ့ပြီး ဖြစ်တာမို့ လက်တွေ့မှာ အသက်ဝင်မှု မရှိသလောက်ဖြစ်နေပြီးသားလို့ ဥပဒေရေးရာ ကျွမ်းကျင်သူတွေက ပြောပါတယ်။

ဒီလိုပဲ မြန်မာနိုင်ငံမှာ ဖိနှိပ်တဲ့ ဥပဒေတွေ အများအပြား ရှိနေဆဲဖြစ်သလို လွတ်လပ်ခွင့်တွေ မှာလည်း အကန့်အသတ်နဲ့သာ ရှိနေဆဲဖြစ်တာမို့ ပြင်ဆင်ဖို့တွေ လိုအပ်နေဆဲ ဖြစ်တယ်လို့ လူ့အခွင့်အရေး လှုပ်ရှားသူတွေက ပြောဆိုခဲ့ကြပါတယ်။