14.01.2013 နေ့ဖတ်ရန်သတင်းများ
|
7:35 PM |
No မှတ်ချက် |
သီရိလင်္ကာ တရားသူကြီးချုပ်ကို ရာထူးကဖယ်ရှားအတိုက်အခံ ရှေ့နေ အုပ်စု တခု ကတော့ အခုလို ရာထူးက ထုတ်ပယ် လိုက်တဲ့ အပေါ် ပြစ်တင် ရှုတ်ချ
သီရိလင်္ကာ နိုင်ငံက ပထမဦးဆုံး အမျိုးသမီး တရားသူကြီးချုပ် ဖြစ်သူကို ရာထူး ကနေ ထုတ်ပယ် လိုက်ကြောင်း သမ္မတ မက်ဟင်ဒါ ရာဂျာပက်ဆာ က လက်မှတ် ရေးထိုး အမိန့် ထုတ်ပြန် လိုက်ပါတယ်။
အခုလို လုပ်ဆောင် ချက်ကြောင့် အခြေခံ ဥပဒေ ဆိုင်ရာ အငြင်း အခုံ ပြဿနာတွေ ဖြစ်လာ နိုင်ပါ တယ်။
အမျိုးသမီး တရားသူကြီးချုပ် ရှီရာနီ ဘန်ဒရာနာယာကီ ကို အာဏာ အလွဲသုံးစား လုပ်တယ် ဆိုတဲ့ ပြစ်ချက်နဲ့ စွပ်စွဲ ပြစ်တင်ဖို့ ပါလီမန် ကနေ ပြီးခဲ့တဲ့ ၂ ရက်က မဲခွဲ ဆုံးဖြတ် ခဲ့တာ ဖြစ်ပါတယ်။
နိုင်ငံရဲ့ အမြင့်ဆုံး တရားရုံး နှစ်ခု ကတော့ အခုလို စွပ်စွဲ ပြစ်တင် တာဟာ တရားဝင်မှု မရှိဘူး ဆိုပြီး အမိန့် ထုတ်ပြန် ထားတာကြောင့် အခု အချိန်မှာ ဖြစ်နိုင်ချေ ရှိတာ ကတော့ တရားသူကြီးချုပ်ဟာ ရာထူး ကနေ ထွက်ပေးဖို့ ငြင်းဆန်ကောင်း ငြင်းဆန် နိုင်တယ်လို့ သီရိလင်္ကာမှာ ရှိတဲ့ ဘီဘီစီ သတင်းထောက်က ပြောပါ တယ်။
အတိုက် အခံ ရှေ့နေ အုပ်စု တခု ကတော့ အခုလို တရားသူကြီးချုပ်ကို ရာထူးက ထုတ်ပယ် လိုက်တဲ့ အပေါ် ပြစ်တင် ရှုတ်ချ လိုက်ပြီး သူတို့ အနေနဲ့ တရားသူကြီးချုပ်ကို ဆက်လက် ထောက်ခံ သွားမယ်လို့ ပြောပါတယ်။
မစ္စတာ မူဘာရက်ခ်ရဲ့ အယူခံကို တရားရုံးလက်ခံမစ္စတာ မူဘာရက်ခ်နဲ့ ပြည်ထဲရေး ဝန်ကြီး ဟောင်း တို့ရဲ့ အမှုကို ပြန် စစ်ဆေးဖို့ အမိန့် ထုတ်ပြန် လိုက်တာပါ
အီဂျစ် နိုင်ငံမှာ လွန်ခဲ့တဲ့ ၂ နှစ်က ဖြစ်ပွား ခဲတဲ့ သမ္မတကို ဆန့်ကျင်တဲ့ လူထု အုံကြွမှုတွေ အတွင်း ရာနဲ့ ချီတဲ့ ဆန္ဒပြသူတွေ သေဆုံး ခဲ့ရမှု အတွက် ထောင်ဒဏ် တသက် ကျခံ နေရတဲ့ အီဂျစ် သမ္မတဟောင်း ဟော့စနီ မူဘာရက်ခ်ရဲ့ အယူခံကို အယူခံ တရားရုံး ကနေ လက်ခံ လိုက်ပါတယ်။
တရားခံတွေရဲ့ အယူခံ တင်ထားချက်ကို တရားရုံး ကနေ လက်ခံကြောင်း အမိန့် ထုတ်ပြန် လိုက်တဲ့ အချိန်မှာတော့ မစ္စတာ မူဘာရက်ခ်ကို ထောက်ခံသူတွေက ဝိုင်းအော်ပြီး အောင်ပွဲ ခံခဲ့ကြ ပါတယ်။
ကိုင်ရိုမြို့ အယူခံ တရားရုံး ကနေ တရားခံ တွေရဲ့ အယူခံကို အကျဉ်းချုံး ကြားနာခဲ့ ပြီးနောက် မစ္စတာ မူဘာရက်ခ်ရယ်၊ သူ့လက်အောက်မှာ အလုပ် လုပ်ခဲ့တဲ့ အရင် ပြည်ထဲရေး ဝန်ကြီး ဟဘစ် အဲလ် အက်ဒလီတို့ အပေါ် စွပ်စွဲ ထားတဲ့ အမှုတွေကို ပြန် စစ်ဆေးဖို့ အမိန့် ထုတ်ပြန် လိုက်တာပါ။
စုံစမ်း စစ်ဆေးမှုတွေ ပြုလုပ်နေစဉ် အတွင်း မှာတော့ သူတို့ နှစ်ဦးဟာ ဆက်လက် ထိန်းသိမ်းခံ နေရ ဦးမှာ ဖြစ်ပါတယ်။ သူ့ကို ထောက်ခံ သူတွေ က မစ္စတာ မူဘာရက်ခ်ဟာ ရိုးသားတဲ့လူ ဖြစ်တဲ့ အတွက် ရုံး မတင်သင့်ဘူးလို့ ပြောကြပါတယ်။
ပြီးခဲ့တဲ့နှစ် ဇွန်လ ကတည်းက ထောင်ဒဏ် တသက် ကျခံ ခဲ့ရပြီ ဖြစ်တဲ့ မစ္စတာ မူဘာရက်ခ်ဟာ လူထု အုံကြွမှုတွေ အတွင်း ဆန္ဒပြ သူတွေ သေဆုံးမှု မဖြစ် ရအောင် အကာ အကွယ် မပေး နိုင်ခံဘူး ဆိုတဲ့ စွပ်စွဲချက်တွေ အတွက် ပြန်လည် ကြားနား စစ်ဆေးမှုတွေကို ခံရမှာ ဖြစ်ပါတယ်။
အဲဒီတုန်းက လူထု အုံကြွမှုတွေကြောင့် မစ္စတာ မူဘာရက်ခ်လည်း သမ္မတ ရာထူးကနေ ထွက်ပေးခဲ့ရတာ ဖြစ်ပါတယ်။
အိန္ဒိယနိုင်ငံ ပန်ဂျပ်ပြည်နယ်မှာ အုပ်စုဖွဲ့ မုဒိမ်းကျင့်မှု ထပ်ဖြစ်ပွားပန်ဂျပ်ပြည်နယ်က မုဒိမ်းမှု စွပ်စွဲခံရသူများ
အခုနောက်ဆုံး ဖြစ်ပွားတဲ့ အဓမ် မပြုကျင့်မှုဟာ အိန္ဒိယနိုင်ငံ မြောက်ပိုင်း ပန်ဂျပ်မှာ ဖြစ်ပွား သွားတာပါ။ အခုအခါ ရဲက ပစ်မှု ကျူးလွန် တယ်လို့ မသင်္ကာသူ ၇ယောက် မြောက်ကို လိုက်ရှာ နေပါတယ်။
အဓမ္မပြုကျင့်ခံရသူဟာ အသက်၂၉နှစ်အရွယ်ရှိပြီလို့ ရဲအဖွဲ့ကပြောပါတယ်။ အခုပစ်မှုဖြစ်ပွားတာဟာ ညအချိန်မှာဖြစ်ပြီး သောကြာညက သူ့ရွာကို ဘတ်စ်ကားစီးပြန်လာတာဖြစ်ပါတယ်။
ရွာရောက်တဲ့အခါ ဘတ်စ်ကားမောင်းသူနဲ့ လက်မှတ်စစ်တို့က ရပ်မပေးဘဲ ပန်ဂျပ်ပြည်နယ် အမ်ရစ်တာမြို့တော်နဲ့ သိပ်မဝေးတဲ့ လူခြေပြတ်တဲ့ နေရာကို မောင်းသွားပါတယ်။
အဲဒီရောက်တဲ့အခါ ယဉ်မောင်းသူ လက်မှတ်စစ်အပြင် နောက်ထပ် လူ၅ယေက်တို့က အမျိုးသမီးကို တညလုံး မတရားပြုကျင့်ကြပါတယ်။ အဲဒီနောက် သူ့ရဲ့ရွာနားမှာ လာပစ်ထားတဲ့အတွက် အမျိုးသမီးက အခုလိုပြုကျင့် စော်ကားခံရတာကို ဆွေမျိုးတွေကို ပြောပြပါတယ်။
လောလောဆယ် ဒီအမျိုးသမီး ဘယ်လိုဒဏ်ရာ ဒဏ်ချက်တွေ ရတယ် ဆိုတာကိုတော့ ချက်ချင်း သတင်းမရသေးဘူးလို့ အိန္ဒိယရှိ ဘီဘီစီ သတင်းထောက် ဆန်ဂျိုင်း မာဂျွန်ဒါကပြောပါတယ်။
ပြီးခဲ့တဲ့လထဲကဘဲ အသက်၂၃နှစ်အရွယ် ဆေးကျောင်းသူ တယောက် အုပ်စုဖွဲ့ မတရား ပြုကျင့်မှုကြောင့် သေဆုံးပြီး တတိုင်းပြည်လုံး အုံ ကြွဆန္ဒပြခဲ့ကြပါတယ်။ ဒါကြောင့် အစိုးရက မုဒိမ်းမှုတွေအတွက် အလျင်အမြန် စစ်ဆေး အရေးယူပေးမယ့် သီးခြားအထူးခုံရုံးတွေ ထူထောင်ပေးရသလို လိင်ပိုင်းဆိုင်ရာ ကျူးကျော် စော်ကားမှုတွေ အတွက်လည်း ဥပဒေ ပိုပြင်းထန်အောင် တောင်းဆိုမှုတွေ အတွက် စဉ်းစားနေရပါတယ်။
ပြင်သစ်ပြည်တွင်း လုံခြုံရေး တိုးမြှင့်မယ်ပါရီမြို့ မီးရထား ဘူတာရုံရှေ့က လုံခြုံရေးများ
ပြင်သစ်သမ္မတ ဖရန်ဆွာ အိုလောန်းက မာလီနဲ့ ဆိုမာလီယာ နိုင်ငံတွေမှာ ပြင်သစ်ရဲ့ စစ်ရေး လှုပ်ရှား မှုတွေကြောင့် အစ္စလာမ်မစ် အဖွဲ့တွေရဲ့ တုန့်ပြန်မှုတွေ ရှိလာနိုင် တဲ့အတွက် ပြင်သစ် နိုင်ငံ တွင်းမှာ လုံခြုံရေးကို တိုးမြှင့် ထားမယ်လို့ ဆိုလိုက်ပါတယ်။
မစ္စတာ အိုလောန်းက အများပိုင် အဆောက်အအုံ တွေနဲ့ လမ်းပန်း ဆက်သွယ်ရေး တွေဘက်မှာ လုံခြုံရေးကို တိုးမြှင့်ဖို့ ရှိတယ်လို့ ပြောပါတယ်။
မာလီ နိုင်ငံထဲ မှာတော့ ပြင်သစ် တပ်ဖွဲ့တွေက အစ္စလာမ် စစ်သွေးကြွ တွေကို လေကြောင်း ကနေ တိုက်ခိုက် မှုတွေ ဆက်လက် ပြုလုပ် နေပါတယ်။
မစ္စတာ အိုလောန်းက ပြင်သစ် တပ်ဖွဲ့တွေ အနေနဲ့ ထိုးစစ်တွေမှာ အောင်မြင်မှုတွေ ရခဲ့ကြောင်းနဲ့ ဆက်လက် အရှိန်မြှင့် သွားဖို့ ရှိကြောင်း ပြောပါတယ်။
ပြင်သစ် အနေနဲ့ ရန်သူတွေကို အထိနာအောင် ထိုးနှက်ခဲ့ပြီး ဖြစ်ပေမယ့် ဒီစစ်ဆင်ရေးတွေ မပြီးဆုံး သေးဘူး လို့လည်း ဆိုပါတယ်။
မာလီ အစိုးရ တပ်ဖွဲ့တွေကတော့ ပြင်သစ် တပ်ဖွဲ့တွေရဲ့ အကူအညီနဲ့ ကိုနာမြို့ကို ပြန်လည် သိမ်းယူ နိုင်ခဲ့ပြီ ဖြစ်ပြီး အစ္စလာမ် စစ်သွေးကြွ ၁၀၀ လောက်ကို သတ်ဖြတ် နိုင်ခဲ့ကြ တယ်လို့ ပြောပါတယ်။
တခါ ဗြိတိသျှ ဝန်ကြီးချုပ် ဒေးဗစ် ကင်မရွန်းကတော့ မာလီ နိုင်ငံတွင်းမှာ အခြေအနေတွေ ပိုမို ဆိုးဝါး လာနေတာနဲ့ ပတ်သက်လို့ ပြင်သစ် သမ္မတ ဖရန်ဆွာ အိုလောန်းနဲ့ ဆွေးနွေး ခဲ့ပါတယ်။
မစ္စတာ ကင်မရွန်းက ဗြိတိန်ဘက်က မာလီမှာ ပြင်သစ် တပ်ဖွဲ့တွေနဲ့ လက်နက်တွေ သယ်ယူ ပို့ဆောင်ရေးနဲ့ ပတ်သက်လာရင် လိုအပ်တဲ့ စစ်ရေး အကူအညီတွေ ပေးသွားဖို့ ရှိကြောင်း ပြောကြား ခဲ့ပေမယ့် တိုက်ပွဲဝင်မယ့် တပ်ဖွဲ့ဝင် တဦး တယောက် ကိုမှ စေလွှတ် သွားဖို့ မရှိဘူး လို့လည်း ဆိုခဲ့ပါတယ်။
ဗြိတိသျှ ဝန်ကြီးချုပ် ရုံးရဲ့ ထုတ်ပြန်ချက် ထဲမှာတော့ မာလီမှာ ရှိတဲ့ အကြမ်းဖက် သမားတွေရဲ့ အန္တရာယ်ဟာ တကမ္ဘာလုံးကို ခြိမ်းခြောက် နေတယ်ဆိုတဲ့ အပေါ်မှာ သူတို့ ၂ ဦးစလုံး သဘောတူ ခဲ့ကြ တယ်လို့ ဖော်ပြထား ပါတယ်။
ရဟတ်ယာဉ်ပျက်မှု နှစ်ဘက် အပြန်အလှန်ပြောဘန်ကောက်က မြန်မာသံရုံးရှေ့မှာ ဇန်နဝါရီ ၁၁ က ကချင်စစ်ပွဲ ဆန့်ကျင်ရေး ဆန္ဒပြကြသူများ
ကချင်ပြည်နယ်မှာ အစိုးရတပ်ဘက်က ထိုးစစ်ဆင်နေတုန်းမှာ စစ်တပ်ရဲ့ ရဟတ်ယာဉ်တစင်း ပြီးခဲ့တဲ့ သောကြာညနေပိုင်းက ပျက်ကျခဲ့တာမှာ အရာရှိနှစ်ဦးနဲ့ တပ်ကြပ်ကြီးတဦး သေဆုံးခဲ့တာမှာ အစိုးရဘက်ကတော့ စက်ချို့ယွင်းလို့ ပျက်ကြတာပါလို့ ပြောပြီး ကေအိုင်အိုကတော့ သူတို့ ပစ်ချခဲ့တာလို့ ဘီဘီစီကို ပြောပါတယ်။
ရဟတ်ယာဉ်မှူးက ပျက်မကျခင်လေးမှာပဲ မြစ်ကြီးနားလေတပ် အခြေစိုက်စခန်းရဲ့ တာဝါကို သူ့ယာဉ် စက်ချို့ယွင်းကြောင်း သတင်းပို့ခဲ့ပြီး၊ သစ်ပင်တွေထဲ တိုက်မိခဲ့လို့ ယာဉ်ရဲ့ ရှေ့ပိုင်းတခုလုံး ကြေမွပျက်စီးပြီးနောက်မှာ အသက်ဆုံးရှုံးသွားတာပါလို့ ပြန်ကြားရေး ဒုတိယဝန်ကြီး ဦးရဲထွဋ်က ဘီဘီစီကို ပြောပါတယ်။
ကချင်လွတ်လပ်ရေးအဖွဲ့ ကေအိုင်အိုရဲ့ ဗဟိုကော်မတီဝင် ဗိုလ်မှူးကြီး ဂျိမ်းစ် လွမ် ဒေါင်း ကတော့ ရဟတ်ယာဉ်ဟာ ကချင်လွတ်မြောက်ရေးတပ် ကေအိုင်အေကို လာတိုက်လို့ ပြန်လည်ပစ်ခတ်ပြီးနောက်မှာ အခုလို ပျက်ကြခဲ့တာပါလို့ ဘီဘီစီကို ပြောပါတယ်။
ဦးရဲထွဋ်ကတော့ ကေအိုင်အိုရဲ့ အပြောကို လက်မခံဘဲ အခုလို အစိုးရတပ်ဘက်က အဆုံးအရှုံး ရှိချိန်မှာ ဝါဒဖြန့်ချိမှုအတွက် အမှတ်ဝင်ယူတာသာ ဖြစ်တယ်လို့ ပြောပါတယ်။
ကချင်ပြည်နယ်တွင်း အစိုးရတပ်ဘက်က တိုက်ခိုက်မှုတွေဟာ အစိုးရဘက်က ဓာတုလက်နက်တွေ သုံးတယ်လို့ ကေအိုင်အိုဘက်က စွပ်စွဲမှုတွေလည်း ရှိပါတယ်။ ဂျိမ်းစ် လွမ် ဒေါင်း ကတော့ အခိုင်အမာ ပြောဆိုပြီး ဦးရဲထွဋ်ကတော့ အစိုးရတပ် အနေနဲ့ ဓာတုလက်နက် လုံးဝ မသုံးပါဘူးလို့ ဘီဘီစီကို ပြောပါတယ်။
အစိုးရတပ်မှာ နှစ်ပေါင်း ၂၀ ကျော် အရာရှိအဖြစ် အမှုထမ်းခဲ့ဖူးတဲ့ ဦးရဲထွဋ်က သူကိုယ်တိုင် တပ်မှာ သင်တန်းတွေ တက်ခဲ့ဖူးတယ်၊ တပ်မှာရှိတဲ့ စစ်လက်နက်တွေအကြောင်းလည်း သင်ယူခဲ့ရဖူးတယ်၊ ဒါပေမဲ့ ဘယ်တုန်းကမှ ဓာတုလက်နက် ရှိတယ်လို့ မကြားခဲ့ဖူးသလို တွေ့လည်း မတွေ့ဖူးဘူး၊ ကေအိုင်အေဘက်ကသာ စခန်းတွေ လက်လွတ် ဆုံးရှုံးခဲ့ရပြီးနောက်မှာ အခုလို စွပ်စွဲချက်တွေ လုပ်လာတာလို့ ချေပပါတယ်။
အစိုးရတပ်ဘက်ကသာ ဓာတုလက်နက်တွေ သုံးခဲ့ရိုးမှန်ရင် နိုင်ငံတကာက ချက်ချင်း သိနိုင်ပါတယ်လို့ ဦးရဲထွဋ်က ဆိုပါတယ်။
ကေအိုင်အိုရဲ့ ဗဟိုကော်မတီဝင် ဗိုလ်မှူးကြီး ဂျိမ်းစ် လွမ် ဒေါင်း ကတော့ လက်ရှိမှာ နှစ်ဘက် တိုက်နေကြပေမယ့် လက်ရှိ အစိုးရဟာ သူတို့ရဲ့ အစိုးရပဲ ဖြစ်တယ်၊ ကချင်ပြည်နယ်ဟာလည်း မြန်မာပြည်ထဲမှာပဲ ရှိတယ်၊ ကိုယ်လုပ်တဲ့ ကိစ္စကို မလုပ်ဘူးဆိုပြီး မျက်စိမှိတ် ပြောနေတာကိုတော့ စိတ်မကောင်းဘူးလို့ ပြောပါတယ်။
မြန်မာဘဏ်တွေနဲ့ Western Union တို့ စာချုပ်မြန်မာပြည်တွင်းကို မိနစ်ပိုင်းအတွင်း ငွေလွှဲနိုင်ပြီ
အမေရိကန် အခြေစိုက် ငွေလွှဲ လုပ်ငန်း ဖြစ်တဲ့ Western Union ငွေလွှဲ လုပ်ငန်းနဲ့ မြန်မာ နိုင်ငံက ပုဂ္ဂလိက ဘဏ် ၇ ခုတို့ ပြည်တွင်း ပြည်ပ ငွေလွှဲ လုပ်ငန်းတွေ လုပ်ဖို့ အတွက် တရားဝင် သဘောတူ စာချုပ်တွေ ချုပ်ဆို ခဲ့ကြပါတယ်။
အဲဒီ ဘဏ်တွေ ကတော့ ကမ္ဘောဇ ဘဏ်၊ သမဝါယမ ဘဏ်၊ ပထမ ပုဂ္ဂလိက ဘဏ်၊ မြန်မာ ရှေ့ဆောင်ဘဏ်၊ မြန်မာ့ မွေးမြူရေးနဲ့ ရေလုပ်ငန်း ဖွံ့ဖြိုးရေးဘဏ်၊ မြန်မာ အရှေ့တိုင်းဘဏ် နဲ့ ယူနိုက်တက် အမရာဘဏ် တွေပဲ ဖြစ်ကြပါတယ်။
အဲဒီလို ဘဏ် ၇ ဘဏ်နဲ့ ငွေလွှဲဖို့ စာချုပ် နိုင်တဲ့ အတွက် ပြည်ပက မြန်မာ တွေအဖို့ ပြည်တွင်းကို ငွေလွှဲတဲ့ အခါမှာ မိနစ်ပိုင်း အတွင်း ရောက်နိုင် တော့မှာ ဖြစ်တယ်လို့ Western Union ကပြော ပါတယ်။
ဒီလို ငွေလွှဲတာမျိုးနဲ့ အရင်က မြန်မာတွေ အသုံးပြု နေခဲ့ကြတဲ့ ဟွန်ဒီ ငွေလွှဲ တာမျိုးတွေနဲ့ ဘာကွာ သလဲ ဆိုတာကိုတော့ ကမ္ဘောဇ ဘဏ်ရဲ့ ဒုတိယ ဥက္ကဌ ဦးသန်းလွင်က Western Union ရဲ့ ငွေလွှဲ လုပ်ငန်း တွေဟာ ကမ္ဘာ တဝန်းမှာ လည်ပတ် နေတာ ဖြစ်သလို အမေရိကန် အစိုးရရဲ့ စည်းမျဉ်း စည်းကမ်းတွေ အတွင်းမှာ လုပ်နေရတာ ဖြစ်လို့ ပိုပြီး စိတ်ချရတယ်လို့ ပြောပါတယ်။
အခုလို မိနစ်ပိုင်း အတွင်း ငွေလွှဲလို့ ရမယ်လို့ ပြောခဲ့ပေမယ့် ငွေလဲလှယ်နှုန်း နဲ့ ပတ်သက်လို့တော့ ပြောကြားသွားခြင်း မရှိသေးပါဘူး။ တကယ်လို့သာ ငွေလဲနှုန်းက ဟွန်ဒီတွေထက် ပိုပြီး သက်သာမယ် ဆိုရင်တော့ ပြည်ပရောက် မြန်မာ ရွေ့ပြောင်း အလုပ်သမား တွေအတွက် တကယ်ကို အလုပ်ဖြစ် လာနိုင်ပါတယ်။
လောလောဆယ်မှာတော့ ပြည်ပကသာ မြန်မာ ပြည်တွင်းကို ငွေလွှဲလို့ ရနိုင်သေးပြီး ပြည်တွင်းကနေ ပြည်ပကို ငွေလွှဲဖို့တော့ မရသေးဘူးလို့ သိရပါတယ်။
ကချင်အရေး အမေရိကန်အစိုးရ ဖိအားပေးဖို့ ၀ါရှင်တန်မှာ ဆန္ဒပြ
လိုင်ဇာအနီးက ကချင် စစ်ပြေး ဒုက္ခသည်စခန်းတခု။ (မတ်လ ၄ ရက်၊ ၂၀၁၂)။
ကချင်ပြည်နယ်မှာ လက်ရှိဖြစ်ပေါ်နေတဲ့ တိုက်ပွဲတွေကြောင့် အမေရိကန်အစိုးရ အနေနဲ့ မြန်မာအစိုးရကို ဒီထက်ပိုပြီးဖိအားပေးဖို့ အမေရိကန်ပြည်ထောင်စုမှာ ရောက်ရှိနေတဲ့ ကချင်အရေး လှုပ်ရှားသူတွေက တောင်းဆိုလိုက်ပါတယ်။ ၀ါရှင်တန်ဒီစီ မြို့တော်မှာ စနေနေ့က ပြုလုပ်ခဲ့တဲ့ ဆန္ဒပြပွဲကို အမေရိကန်နိုင်ငံ တ၀ှမ်းက ကချင်တိုင်းရင်းသားတွေ အပါအ၀င် တခြား တိုင်းရင်းသားတွေနဲ့ ကချင်အရေး လှုပ်ရှားသူ ရာနဲ့ချီ သွားရောက် တောင်းဆိုခဲ့ကြပါတယ်။ ဒီအခြေအနေ အပြည့်အစုံနဲ့ တခြား ဘယ်လိုအချက်တွေကို အဓိကတောင်းဆိုခဲ့သလဲ ဆိုတာကို ကိုရန်နိုင်က တင်ပြထားပါတယ်။
မြန်မာအစိုးရတပ်တွေဘက်က ကချင်ပြည်နယ်အတွင်း ထိုးစစ်တွေ အရှိန်မြှင့်လာတဲ့ အပေါ်မှာ ကန့်ကွက်တဲ့အနေနဲ့ အမေရိကန်ပြည်ထောင်စုမှာ ရှိတဲ့ ကချင်အရေး လှုပ်ရှားသူတွေက မြန်မာအစိုးရကို ဒီထက်ပိုပြီး ဖိအားပေးဖို့ အမေရိကန်သမ္မတ အိမ်ဖြူတော်ရှေ့မှာ လာရောက် တောင်းဆိုကြတာ ဖြစ်တယ်လို့ ဆန္ဒပြပွဲကို ဦးဆောင်သူတဦးဖြစ်တဲ့ ပင်ဆဲဗေးနီးယား ပြည်နယ်က ကိုဂွမ်ဆန်က ပြောပါတယ်။
“ကျနော်တို့ အခုချိန် ကချင်ပြည်နယ်တွင်းမှာ ဖြစ်ပေါ်နေတဲ့ကိစ္စတွေနဲ့ ပတ်သက်ပြီးတော့မှ ကျနော်တို့ ဆန္ဒပြရခြင်း ဖြစ်ပါတယ်။ ကျနော်တို့ ဆန္ဒပြတာ ကတော့ ဒီအစိုးရ၊ သမ္မတ အိုဘားမားနဲ့ ဟီလာရီကလင်တန်ကို ကျနော်တို့ကနေပြီးတော့ အခုချိန်မှာ ဗမာအစိုးရကို တကယ် ပြောင်းလဲချင်တဲ့ အစိုးရအဖြစ် မသတ်မှတ်သင့်ဘူး ဆိုတဲ့အကြောင်း ကျနော်တို့ လာပြီး ဆန္ဒပြတာပါ။” မြန်မာသမ္မတ ဦးသိန်းစိန် အစိုးရလက်ထက်မှာ နိုင်ငံရေးအကျဉ်းသား အများအပြား လွှတ်ပေးတာ အပါအ၀င် နိုင်ငံရေးနဲ့ တခြား ပြုပြင်ပြောင်းလဲမှုတွေ လုပ်ဆောင်လာတဲ့ အတွက် အမေရိကန် အပါအ၀င် အနောက်နိုင်ငံတွေနဲ့ မြန်မာနိုင်ငံကြား ဆက်ဆံရေးဟာ ပြီးခဲ့တဲ့လပိုင်းတွေ အတွင်း ပြန်လည် တိုးတက် ကောင်းမွန်လာခဲ့သလို၊ မြန်မာအပေါ် ပိတ်ဆို့ဒဏ်ခတ် ထားတာတွေကိုလည်း ပြန်ရုပ်သိမ်းခဲ့ပါတယ်။ ဒါပေမဲ့လည်း မြန်မာအစိုးရကနေ KIA အပေါ် ထိုးစစ်ဆင်မှုတွေကြောင့် လက်နက်မပါတဲ့ အပြစ်မဲ့ပြည်သူတွေအပေါ်မှာ ထိခိုက်မှုတွေ ရှိနေတဲ့အတွက် မြန်မာအစိုးရအပေါ်မှာ ဒဏ်ခတ်ပိတ်ဆို့မှုတွေ ပြန်လုပ်ဖို့အပါအ၀င် အဓိက အချက် ၅ ချက်ကို တောင်းဆိုခဲ့တယ်လို့ ကိုဂွမ်ဆန်က ပြောပါတယ်။
“တခုက စီးပွားရေး ပိတ်ဆို့မှု ပြန်လုပ်သင့်တယ်။ ဘာဖြစ်လို့လဲဆိုတော့ ဒီ တိုင်းရင်းသားတွေကို အတင်းအဓမ္မ သတ်ဖြတ်တာတို့၊ အနိုင်ကျင့်တာတို့ ဖြစ်နေတာကို ကျနော်တို့ မြင်တွေ့ရတယ်။ နောက် အဓိက အချက်ကတော့ ဘာမှ လက်နက်မကိုင်တဲ့ ပြည်သူလူထုကို သတ်ဖြတ်တာ၊ အဲဒါကို ကျနော်တို့ ရှုတ်ချဖို့ အမေရိကန် အစိုးရကို တောင်းဆိုတယ်။ နောက်တခုက ဒီဒုက္ခသည်တွေကို၊ မြို့မှာရှိတဲ့ ဒုက္ခသည်တွေတင်မဟုတ်ဘူး၊ တောမှာရှိတဲ့ဒုက္ခသည်တွေအထိ၊ KIO အုပ်ချုပ်တဲ့နေရာတွေ အထိ ရှိတဲ့ဒုက္ခသည်တွေကို အကူအညီပေးဖို့၊ နောက်တခု အနေနဲ့ကတော့ အစိုးရအနေနဲ့ ဒီစစ်တပ်ကို စစ်ရေးအရ ဆက်ဆံမှုတွေ အကုန်လုံး ရုပ်သိမ်းဖို့၊ ဘာဖြစ်လို့လဲဆိုတော့ ဒီစစ်တပ်က ပြည်သူလူထုကို သတ်တယ်၊ အပြစ်မဲ့တဲ့သူတွေကို သတ်တယ်။ အတင်းအဓမ္မ ပြုကျင့်တယ်။ မကောင်းတဲ့ဟာတွေ အကုန်လုံး လုပ်နေတာပေါ့နော်။ နောက်တခုက စစ်မှန်တဲ့ ဖက်ဒရယ်ပြည်ထောင်စု ပေါ်ပေါက်ဖို့ ကျနော်တို့က တိုက်တွန်းခိုင်းစေချင်တာပါ။ ဒီမှာကတော့ တရုတ်ကိုရော တိုက်တွန်းပေးဖို့ တောင်းဆိုထားတာပါ။”
ဆန္ဒပြသူတွေဟာ စနေနေ့ အစောပိုင်းတုန်းကတော့ အမေရိကန် နိုင်ငံခြားရေးဝန်ကြီးဌာန ရှေ့မှာ လည်း သွားရောက် တောင်းဆိုတာတွေ လုပ်ခဲ့ပြီး၊ အဲဒီကနေ သမ္မတအိမ်ဖြူတော်ရှေ့ကို သွားရောက် တောင်းဆိုခဲ့ကြတာဖြစ်ပါတယ်။ ဒီဆန္ဒပြပွဲကို အမေရိကန်နိုင်ငံတ၀ှမ်းက ကယ်လီဖိုးနီးယား၊ နီဘရားစကား၊ တက္ကဆက်၊ နယူးယောက်၊ မယ်ရီလန်း၊ ဖလော်ရီဒါ၊ မြောက်ကာရိုလိုင်းနား၊ ပင်ဆဲဗေးနီးယား၊ အင်ဒီယားနား၊ အင်လီနွိုင်း အပါအ၀င် ပြည်နယ် အတော်များများက ကချင်တိုင်းရင်းသားတွေ အပြင် မြန်မာနိုင်ငံဖွား ကချင်အရေး လှုပ်ရှားသူ ၅၀၀ လောက် တက်ရောက် ဆန္ဒပြခဲ့တယ်လို့ ပြောပါတယ်။
ဘေဂျင်းလေထုညစ်ညမ်းမှု အဆိုးရွားဆုံးစံချိန်တင်
တရုတ်နိုင်ငံ၊ ဘေဂျင်းမြို့တော်မှာ မီးခိုးမြူတွေ ဆိုးဆိုးရွားရွား ထူထပ်နေတဲ့အတွက် သုံးရက်မြောက် ဆက်တိုက် အန္တရာယ်ဖြစ်နိုင်တဲ့အဆင့်မှာ ရောက်နေပြီး လူတွေ အိမ်ထဲမှာနေကြဖို့ သတိပေးချက် ထုတ်ပြန်ထားပါတယ်။ အသက်အရွယ်ကြီးရင့်သူတွေ၊ ကလေးငယ်တွေ၊ အဆုတ်ရောဂါနဲ့ နှလုံးရောဂါဆိုင်ရာ ကျန်းမာရေး ချို့ယွင်းချက်ရှိသူတွေ အနေနဲ့ အပြင်ထွက်တာ ဒါမှမဟုတ် ပြင်းထန်တဲ့ လေ့ကျင့်ခန်းလုပ်တာမျိုး ကို ရှောင်ရှားကြဖို့ စည်ပင်သာယာ ပတ်ဝန်းကျင်ရေးရာဌာနက သတိပေးထားတာပါ။ အဆုတ်ထဲကို ၀င်ရောက်နိုင်တဲ့ အမှုန် အစအနတွေဟာ ဘေးကင်းတယ်လို့ယူဆတဲ့ အဆင့်ထက် လေးဆနီးပါး ပိုများနေတယ်လို့ အဲဒီဌာနက တနင်္ဂနွေနေ့မှြာေ ပာပါတယ်။ ဒီအဆင့်ဟာ မှတ်တမ်းတင်ဖူးသမျှ သမိုင်းမှာ အဆိုးဆုံးဖြစ်ပါတယ်။
ဒီလို လေထုညစ်ညမ်းနေတဲ့ အခြေအနေဟာ နောက်ထပ် သုံးရက်အထိ ပိုပြီး တာရှည်နိုင်တယ်လို့ တရုတ်အစိုးရအာဘော် ဆင်ဟွာသတင်းဌာနက ခန့်မှန်းထားပါတယ်။
ကချင်အရေးကူညီဖြေရှင်းပေးဖို့ ဒဲရစ်မစ်ချဲလ်ကို မွန်ပါတီများတိုက်တွန်း
အမေရိကန်သံအမတ် ဒဲရက်မစ်ချဲလ် သွေးထွက်သံယို ပဋိပက္ခတွေ ဖြစ်ခဲ့တဲ့ ရခိုင်ပြည်နယ်ကို သွားရောက် လေ့လာခဲ့စဉ်။ (စက်တင်ဘာလ ၈ ရက်၊ ၂၀၁၂)။
မြန်မာနိုင်ငံဆိုင်ရာ အမေရိကန်သံအမတ်ကြီး ဒဲရက်ခ်မစ်ချဲလ် နဲ့အဖွဲ့ဟာ မွန်ပြည်နယ်နဲ့ ကချင်ပြည်နယ် ဒေသတွေအတွင်း အပစ်အခတ် ရပ်စဲပြီးနောက်ပိုင်း ဖြစ်ပေါ်တိုးတက်မှု အခြေအနေတွေကို လေ့လာဖို့ ပထမဆုံးအကြိမ် ရောက်ရှိလာခဲ့ပါတယ်။ အမေရိကန် သံအမတ်ကြီးရဲ့ မွန်ပြည်နယ်ခရီးစဉ်မှာ ဒေသတွင်း မွန်နိုင်ငံရေးပါတီတွေနဲ့ လက်နက်ကိုင် မွန်ပြည်သစ်ပါတီ အဖွဲ့အစည်းတွေရဲ့ အနေအထားကို မေးမြန်းခဲ့သလို မွန်ပါတီတွေဘက်ကလည်း ကချင်ဒေသ ပဋိပက္ခအရေးကို အမေရိကန်အစိုးရက ကူညီ ဖြေရှင်းပေးဖို့ တိုက်တွန်းခဲ့တယ်လို့ မွန်ပါတီ ခေါင်းဆောင်တွေက ပြောပါတယ်။ မြန်မာအစိုးရရဲ့ လက်ရှိဖော်ဆောင်နေတဲ့ ငြိမ်းချမ်းရေး လုပ်ငန်းစဉ်တွေမှာ သံသယ၀င်စရာ အနေအထားမှာ ရှိနေကြောင်း သံအမတ်ကြီးက ပြောဆိုခဲ့တယ် လို့ မွန်ပါတီခေါင်းဆောင်တွေက ပြောပါတယ်။ ဒီအခြေအနေ အပြည့်အစုံကိုတော့ ဗွီအိုအေထိုင်းအခြေစိုက် သတင်းထောက် နိုင်ကွန်းအိန်က သတင်းပေးပို့ထားပါတယ်။
မြန်မာနိုင်ငံဆိုင်ရာ အမေရိကန်သံအမတ်ကြီး ဒဲရက်ဂျေမစ်ချဲလ်နဲ့ အဖွဲ့ဟာ မွန်ပြည်နယ် မော်လမြိုင် မြို့ကို ရောက်လာပြီးတော့ ဇန်န၀ါရီလ ၁၂ နေ့ညပိုင်းမှာ မွန်နိုင်ငံရေးပါတီတွေဖြစ်တဲ့ မွန်ဒေသလုံးဆိုင်ရာဒီမိုကရေစီပါတီ၊ မွန်ဒီမိုကရေစီပါတီ၊ မွန်ပြည်သစ်ပါတီ တို့နဲ့ အတ္တရံဟိုတယ်မှာ တွေ့ဆုံခဲ့ပါတယ်။ မနေ့ညပိုင်းက တွေ့ဆုံမှုမှာ မြန်မာနိုင်ငံဆိုင်ရာ အမေရိကန် သံအမတ်ကြီး ဒဲရက်မစ်ချဲလ် ကနေ မွန်နိုင်ငံရေးပါတီတွေရဲ့ အခြေအနေကို မေးမြန်းခဲ့တယ်လို့ မွန်ပြည်သစ်ပါတီ ဗဟိုအလုပ်အမှုဆောင် ကော်မီတီဝင် နိုင်တလညီ က အခုလို”ပြောပါတယ်။
“အဓိက သူပြောတာကတော့ ကျနော်တို့ မွန်ပြည်သစ်ပါတီနဲ့ဆိုရင်တော့ ကျနော်တို့ ရဲ့ ငြိမ်းချမ်းရေး လုပ်ငန်းစဉ်ရဲ့ အနေအထားရယ်၊ နောက်ပြီးတော့ ကျန်တဲ့ မွန်ဒေသလုံးဆိုင်ရာပါတီနဲ့ နောက်တော့ မွန်ဒီမိုကရေစီပါတီတွေက ကိုယ်စားလှယ်တွေကိုလည်း ပါတီရဲ့ အနေအထားကို လည်း မေးတာပေ့ါနော်။”
ဒီတွေ့ဆုံမှုကနေ လက်ရှိတိုက်ပွဲ ပြင်းထန်စွာ ဖြစ်ပွားနေတဲ့ ကချင်ဒေသအရေးကို အမေရိကန် အစိုးရကနေဖြေရှင်းပေးဖို့ အမေရိကန် သံအမတ်ကြီးကို မွန်နိုင်ငံရေးပါတီတွေက တိုက်တွန်းခဲ့တယ် လို့လည်း မွန်ပြည်သစ်ပါတီ ဗဟိုအလုပ်အမှုဆောင် ကော်မီတီဝင် နိုင်တလညီ က အခုလို ဆက်ပြောပါတယ်။
“ကျနော်တို့အနေနဲ့ အဓိက ကတော့ ကချင်ဒေသမှာဖြစ်နေတဲ့၊ ကေအိုင်အိုနဲ့ ဖြစ်နေတဲ့စစ်ပွဲကို အမေရိကန် အစိုးရဘက်က တတ်နိုင်သမျှ ၀ိုင်းဝန်း ဖြေရှင်းပေးဖို့ ကျနော်တို့က ဆွေးနွေးတာပေါ့နော်။ အခုဖြစ်နေတဲ့တာကို သူတို့အစိုးရအနေနဲ့ သူတို့ အနီးကပ်လေ့လာပြီးတော့ အကောင်းဆုံးဖြစ်အောင် ဆောင်ရွက်နေပါတယ်လို့ ပြောတယ်လေ။”
ပြည်ထောင်စုငြိမ်းချမ်းရေး ဖော်ဆောင်ရေးကော်မီတီရဲ့ လုပ်ဆောင်မှုအပိုင်းတွေမှာ အားမရတဲ့ အနေအထားမှာ ရှိနေတယ်ဆိုပြီး အမေရိကန်သံအမတ်က ပြောဆိုခဲ့တယ်လို့လည်း မွန်ဒေသလုံးဆိုင်ရာ ဒီမိုကရေစီပါတီရဲ့ ဥက္ကဋ္ဌ နိုင်ငွေသိန်း ကပြောပါတယ်။
“ပြောတာပေါ့ဗျာ သူကတော့။ ငြိမ်းချမ်းရေးနဲ့ ပက်သက်ပြီးတော့ ကျနော်က သံသယရှိတယ်ဗျာတဲ့။ ဦးအောင်မင်းတို့ဟာ ကချင်မှာတမျိုး ဒီမှာတမျိုး၊ ပြီးတော့ ဒီမှာပြောတာတမျိုး၊ နိုင်ငံခြားမှာပြောတာ တမျိုး။ သူကသံသယ အမြဲဖြစ်တယ်တဲ့။ ဒါက ရိုးရိုးသားသား ပြောတာပါ။ ပြောပြပါတယ်။ ဒါတွေကတော့ သည်းခံဖို့ လိုတယ်။ ဒါပဲပေါ့လေ သူက အဲဒီလိုပြောတယ်။”
ဒီတွေ့ဆုံမှုမှာ မြန်မာနိုင်ငံဆိုင်ရာ အမေရိကန်သံအမတ်ကြီး ဒဲရက်ဂျေမစ်ချဲလ်၊ မြန်မာနိုင်ငံဆိုင်ရာ စစ်သံမှူး အပါအ၀င် အဖွဲ့ဝင် ၃ ဦး တက်ရောက်ခဲ့သလို မွန်ပြည်သစ်ပါတီ ဘက်ကတော့ ဗဟိုအလုပ်အမှုဆောင် ကော်မီတီဝင် နိုင်တလညီ၊ မွန်ဒေသလုံးဆိုင်ရာ ဒီမိုကရေစီပါတီက ဥက္ကဋ္ဌ နိုင်ငွေသိန်း၊ မွန်ဒီမိုကရေစီပါတီက ဒုတိယဥက္ကဋ္ဌ နိုင်တင်အောင်တို့ တက်ရောက်ခဲ့ပါတယ်။မွန်နိုင်ငံရေးပါတီတွေနဲ့ တွေ့ဆုံပြီးရင် မွန်သံဃာတော်တွေနဲ့လည်း တွေ့ဆုံခဲ့ပါတယ်။
အမေရိကန်သံအမတ်ကြီးအနေနဲ့ ဇန်န၀ါရီ ၁၁ ရက်နေ့မှာ ကရင်ပြည်နယ်ဘက်ကို ရောက်လာခဲ့ပြီး ကရင်နိုင်ငံရေးပါတီတွေ၊ ကရင် လက်နက်ကိုင် အဖွဲ့အစည်းတွေနဲ့လည်း တွေ့ဆုံခဲ့ပါတယ်။ဒီခရီးစဉ်ကတော့ မွန်ပြည်နယ်ဘက်နဲ့ ကရင်ပြည်နယ်ဘက်မှာ အပစ်အခတ် ရပ်စဲပြီးနောက်ပိုင်း ဖြစ်ပေါ်တိုးတက်မှု အခြေအနေတွေကို လေ့လာချင်တဲ့ ခရီးစဉ်တခုလို့လည်း မွန်နိုင်ငံရေးပါတီ ခေါင်းဆောင်တွေက ပြောပါတယ်။
အမေရိကန်သံအမတ်ကြီး မစ်ချဲအနေနဲ့ ၂၀၁၂ ခုနှစ် ဇွန်လလောက်မှာ သံအမတ်အဖြစ် စတင်တာဝန်ထမ်းဆောင်တဲ့ ကာလမှာ ဆူပူအကြမ်းဖက်မှု ဖြစ်ပွားနေတဲ့ ရခိုင်ပြည်နယ်နဲ့ တိုက်ပွဲဖြစ်ပွားခဲ့တဲ့ ကချင်ပြည်နယ်ဘက်ကို သွားရောက် လေ့လာခဲ့သလို ဒုက္ခသည်စခန်းတွေကိုလည်း လူသားချင်းစာနာမှု အကူအညီတွေ ပေးဆောင်ခဲ့ပါတယ်။ အမေရိကန်သံအမတ်အနေနဲ့ တိုင်းရင်းသားပြည်နယ်ဒေသမှာ နေထိုင်သူတွေ တွေ့ကြုံနေရတဲ့ အခြေအနေတွေ၊ တိုင်းရင်းသား လက်နက်ကိုင်အဖွဲ့တွေနဲ့ မြန်မာအစိုးရအကြား အပစ်အခတ် ရပ်စဲရေး အခြေအနေ နိုင်ငံရေးဆွေးနွေးမှု အခြေအနေနဲ့ လတ်တလော ဖြစ်ပေါ်တိုးတက်မှု အခြေအနေတွေကို ဆွေးနွေးနိုင်ဖို့ မျှော်လင့်ကြောင်းလည်း အမေရိကန်သံရုံး ကနေ ဇန်န၀ါရီ ၁၀ ရက်နေ့ ရက်စွဲနဲ့ ကျေညာချက် ထုတ်ပြန်ထားပါတယ်။
0 comments:
Post a Comment