13.01.2013 နေ့ဖတ်ရန်သတင်းများ
|
4:58 PM |
No မှတ်ချက် |
ဒေါ်မာမာအေးရဲ့ တကိုယ်တော် ဖျော်ဖြေပွဲ
တကိုယ်တော် ပွဲမှာ အနည်းဆုံး သီချင်း အပုဒ် ၂၀ လောက် ဆိုမယ်
မြန်မာ နိုင်ငံကို မကြာသေးခင်က ပြန်လည် ရောက်ရှိလာတဲ့ အဆိုတော် ဒေါ်မာမာအေးဟာ သူ့ရဲ့ တကိုယ်တော် ဖျော်ဖြေပွဲကို ပြည်သူ့ ရင်ပြင်မှာ စနေနေ့က ပြုလုပ်ခဲ့ ပါတယ်။
ဒီပွဲဟာ အဆိုတော် ဒေါ်မာမာအေးရဲ့ အနုပညာသက် ၅၀ ကျော် အတွင်း ပထမဆုံး တကိုယ်တော် ဖြေဖျော် တဲ့ ပွဲလည်း ဖြစ်ပါတယ်။
အခုလို တယောက်တည်း သီဆိုတဲ့ ပွဲမျိုးကို သူ့တသက်မှာ တခါမှ မလုပ်ခဲ့ဘူးကြောင်း ပွဲမစခင် ဒေါ်မာမာအေးက ဘီဘီစီကို ပြောပြ ပါတယ်။
အကယ်ဒမီ ရန်အောင်၊ အဆိုတော် ဟင်္သာတ ထွန်းရင်နဲ့ အဆိုတော် စိုးစန္ဒာထွန်း တို့ကလည်း ဒေါ်မာမာအေးကို အားဖြည့် သီဆိုကြမှာ ဖြစ်ပါတယ်။
ဒီပွဲမှာ ဒေါ်မာမာအေးဟာ အနည်းဆုံး သီချင်း အပုဒ် ၂၀ လောက် သီဆို မယ်လို့ သိရပါတယ်။
ဒေါ်မာမာအေးဟာ ၁၉၈၈ နောက်ပိုင်း အတော်ကြာမှ ပြည်ပကို ထွက်ခွာ သွားခဲ့သူ ဖြစ်ပြီး၊ အမေရိကန် ပြည်ထောင်စုမှာ အခြေချ နေထိုင် နေတာ ဖြစ်ပါတယ်။
စာနယ်ဇင်း ကောင်စီ (ယာယီ) ရဲ့ သတင်းစာရှင်းလင်းပွဲယာယီ ကောင်စီအနေနဲ့ စတင် လှုပ်ရှား နိုင်တဲ့ ၃ လ အတွင်းမှာ လုပ်ငန်း ကော်မတီ ၄ ခု ဖွဲ့စည်း ဆောင်ရွက်
မြန်မာ နိုင်ငံ စာနယ်ဇင်း ကောင်စီ (ယာယီ) ကနေ သူတို့ အဖွဲ့ရဲ့ လုပ်ငန်း လုပ်ဆောင်ချက် တွေနဲ့ ပတ်သက်လို့ စနေနေ့ မနက်က သတင်းစာ ရှင်းလင်းပွဲ တရပ် ပြုလုပ်ခဲ့ ပါတယ်။
၂၀၁၂ နှစ်လယ် ပိုင်းက စတင် ဖွဲ့စည်း ခဲ့တဲ့ ဒီအဖွဲ့ အနေနဲ့ စတင် လှုပ်ရှားနိုင် ခဲ့တဲ့ ၃ လ လောက် အတွင်းမှာ လုပ်ငန်း ကော်မတီ ၄ ခု ဖွဲ့စည်းပြီး ဆောင်ရွက်နေ ကြောင်း၊ တိုင်ကြားမှု ညှိနှိုင်း ဖြေရှင်းရေး ကော်မတီ တာဝန်ခံ သတင်းစာ ဆရာ ဦးဖေမြင့်က ဘီဘီစီကို ပြောပါတယ်။
အဲဒီ ကော်မတီ ၄ ခု ကတော့ ဘဏ္ဍာငွေ ရှာဖွေ ရေးနဲ့ စီမံ ခန့်ခွဲရေး ကော်မတီ၊ ပြန်ကြားရေး ကော်မတီ၊ အငြင်းပွားမှုနဲ့ တိုင်ကြားမှု ညှိနှိုင်း ဖြေရှင်းရေး ကော်မတီ နဲ့ စာနယ်ဇင်း ကျင့်ဝတ် ရေးဆွဲ ရေးနဲ့ သတင်း မီဒီယာ ဥပဒေ ရေးဆွဲရေး ကော်မတီ တွေ ဖြစ်ကြောင်း ဦးဖေမြင့်က ပြောပါတယ်။
လောလောဆယ် စာနယ်ဇင်း ကျင့်ဝတ်ကို ရေးဆွဲပြီး စာနယ်ဇင်း သမားတွေထံ ဖြန့်ချိထားကာ၊ သူတို့ ဆီက အကြံဉာဏ် တောင်းခံ ထားတယ်လို့ သူက ဆက်ပြော ပါတယ်။ အဲဒီ နောက်မှာတော့ ဒီအကြံပြုချက် တွေနဲ့ နောက်ဆုံး အတည်ပြု ပြီးရင်တော့ ကျယ်ကျယ် ပြန့်ပြန့် ဖြန့်ချိ မယ်လို့ ဆိုပါတယ်။
ရေးဆွဲ ပြင်ဆင် ပြီးပြီ ဖြစ်တဲ့ သတင်း မီဒီယာ ဥပဒေ မူကြမ်း ကိုလည်း စာနယ်ဇင်း သမားတွေဆီ ချပြ အကြံဉာဏ် ရယူပြီး နောက်မှာ သက်ဆိုင်ရာကို တင်မှာ ဖြစ်တယ်လို့ ဆိုပါတယ်။
မာလီမှာ သူပုန် သိမ်းတဲ့ မြို့ကို အစိုးရပြန်ယူစစ်သွေးကြွတွေဟာ နိုင်ငံ တဝက်လောက်အထိ သိမ်းပိုက်ထားခဲ့။
အာဖရိကတိုက်က မာလီနိုင်ငံမှာ အယ်လ်ကိုင်းဒါးအဖွဲ့နဲ့ ဆက်စပ်မှုရှိပြီး နိုင်ငံတဝက်လောက်ကို သိမ်းထားတဲ့ အစ္စလာမ္မစ်သူပုန်တွေကို ရင်ဆိုင်နေရတဲ့ အစိုးရကို ပြင်သစ်က တပ်တွေ စေလွှတ် အကူအညီပေးခဲ့ပြီးတဲ့နောက် အစိုးရတပ်တွေဟာ စောစောပိုင်းက သူပုန်တွေ သိမ်းထားတဲ့ နိုင်ငံအလယ်ပိုင်းက အရေးပါတဲ့ ကိုနာမြို့ကို ပြန်သိမ်းယူနိုင်ခဲ့ပါတယ်။
သူပုန်တွေကြောင့် မာလီနိုင်ငံ တည်ရှိမှုကိုတောင် ခြိမ်းခြောက်ခံနေရပြီလို့ ယူဆရတဲ့ အတွက် မာလီအစိုးရ တောင်းလာတဲ့ စစ်ရေး အကူအညီကို ပေးဖို့ ဆုံးဖြတ်ခဲ့တာ ဖြစ်တယ်လို့ ပြင်သစ် သမ္မတ ဖရန်ဆွာ အိုလန်းက ပြောပါတယ်။
အဲဒီ စစ်ရေး အကူအညီထဲမှာ လေကြောင်းက တိုက်ခိုက်မှုတွေလည်း ပါဝင်တယ်လို့ ပြင်သစ်နိုင်ငံခြားရေး ဝန်ကြီးက အတည်ပြု ပြောပါတယ်။
ဒေသတွင်း အဖွဲ့ အစည်းအဖြစ်တဲ့ အနောက်အာဖရိက နိုင်ငံများအဖွဲ့ ECOWAS ကလည်း မာလီအစိုးရကို စစ်ရေး အကူအညီ ချက်ခြင်းပေးဖို့ အဖွဲ့ဝင် နိုင်ငံတွေကို ခွင့်ပြုခဲ့ပြီး ဖြစ်ပါတယ်။
မာလီသမ္မတ ဒီယန်ကွန်ဒါ ထရာအိုရေကတော့ ဒီ စစ်ပွဲကို သူပုန်တွေက တောင်းဆိုတာ ဖြစ်တယ်၊ ဒါကြောင့် အပြတ်ချေမှုန်းသွားမယ်၊ မာလီနိုင်ငံ နယ်မြေတလက္မမှ သူပုန်လက်ထဲမှာ ကျန်မနေအောင် တိုက်ခိုက်ပြီး ပြန်ယူသွားမယ်လို့ ပြောပါတယ်။
မာလီမြောက်ပိုင်းကို ဧပြီလလောက်ကတည်း အစ္စလမ္မစ်စစ်သွေးကြွတွေ ထိန်းချုပ်နေခဲ့တာဖြစ်ပါတယ်။
သူတို့ဟာ ကိုနာမြို့ကို သိမ်းယူနိုင်ခဲ့ပြီး အစိုးရ ထိန်းချုပ်ရာနယ်မြေတွေဆီ ရှေ့တိုး ချီတက်လာနေတယ်လို့ ကြသပတေးနေ့က အစ္စလမ္မစ်တွေက ပြောပါတယ်။
ဒီလို ရှေ့တိုးလာနေတဲ့ သူပုန်တွေကို တားဆီးနိုင်ရေးဟာ အလွန်အရေးကြီးတယ်၊ မတားဆီးနိုင်ရင် မာလီတနိုင်ငံထည်းသာမက တခြားနိုင်ငံတွေပါ အစ္စလမ္မစ်တွေ လက်ကျသွားနိုင်တယ်လို့ ပြင်သစ်နိုင်ငံခြားရေးဝန်ကြီးက ပြောပါတယ်။
အစ္စလမ္မစ်တွေ မာလီကို သိမ်းလိုက်ရင် မာလီဟာ အရင်က အာဖဂန်နစ္စတန်လို ဖြစ်သွားလိမ့်မယ်ဆိုတဲ့ စိုးရိမ်မှုတွေ ရှိနေကြတယ်လို့ ဘီဘီစီ သတင်းထောက်က ပြောပါတယ်။
နောက်ပြီး ဒါဟာ အာဖရိက တတိုက်လုံးနဲ့ ဥရောပတိုက်ကိုပါ ခြိမ်းခြောက်မှုတခုလို့ သူက ပြောပါတယ်။
အန္တရာယ်ကျနေတဲ့ မာလီနိုင်ငံအပြင် မာလီနိုင်ငံနေထိုင်နေကြတဲ့ ပြင်သစ်လူမျိုးတွေကိုလည်း ကယ်တင်လိုတာဖြစ်တယ်လို့ ပြင်သစ်သမ္မတက ပြောပါတယ်။
မာလီမှာ ပြင်သစ်လူမျိုး ခြောက်ထောင်လောက်နေထိုင်နေတာဖြစ်ပြီး လောလောဆယ် ပြင်သစ် ၇ ဦးထက်မနည်း အစ္စလမ္မစ်တွေရဲ့ ဓါးစာခံအဖြစ် ထိန်းသိမ်းတာကို ခံနေကြရပါတယ်။
စစ်သွေးကြွတွေကိုရှင်းတဲ့ ပြင်သစ်စစ်သားသေဆုံးအကြမ်းဖက် စစ်သွေးကြွတွေကို တိုက်ရမှာ သူတို့ တာဝန်လို့ဆိုတဲ့ ပြင်သစ်က တပ်ဖွဲ့ဝင်များ
ဆိုမာလီယား နိုင်ငံမှာ အယ်လ်ရှာဘတ် အစ္စလာမ်မစ် သူပုန် အဖွဲ့က ဓားစာခံ အဖြစ် ဖမ်းဆီး ထားတဲ့ ပြင်သစ် လူမျိုး တဦးကို ကယ်ထုတ်ဖို့ ကြိုးစား ရာမှာ မအောင် မမြင် ဖြစ်ခဲ့ပြီး၊ ပြင်သစ် အထူး တိုက်ခိုက်ရေး တပ်ဖွဲ့ဝင် တဦး သေဆုံးသွား သလို တခြား တဦးလည်း ပျောက်ဆုံး နေပါတယ်။
ကယ်ဆယ်ရေး စစ်ဆင်မှု အတွင်း ပြင်သစ် အထူး တပ်ဖွဲ့ တွေဟာ အယ်လ်ရှာဘတ် အဖွဲ့ရဲ့ အပြင်း အထန် ပြန်လည် ခုခံ တာကို ရင်ဆိုင် ခဲ့ရတယ်လို့ ပြင်သစ် ကာကွယ်ရေး ဝန်ကြီး ယွန်ယီး လီ ဒရီယန် က ပြောပါတယ်။
ဓားစာခံဟာ ပြင်သစ် ပြည်ပ ထောက်လှမ်းရေး ဒန်းနစ် အဲလ်လက်စ် ဆိုသူ ဖြစ်ပြီး၊ အသတ်ခံ လိုက်ရပုံ ပေါ်တယ်လို့ ဝန်ကြီးက ပြောပါတယ်။ တိုက်ခိုက်မှုတွေ အတွင်းမှာ အစ္စလာမ်မစ် တိုက်ခိုက်ရေး သမား ၁၇ ဦးလည်း သေဆုံး သွားတယ်လို့ ပြင်သစ် ဘက်က ပြောပါတယ်။
အယ်လ်ရှာဘတ် အဖွဲ့ ကတော့ ထောက်လှမ်းရေးဟာ အသက်ရှင်ဆဲ ဖြစ်ပြီး၊ ပြင်သစ် စစ်သား တဦးကိုပါ သူတို့ ဖမ်းမိ ထားတယ်လို့ ပြောပါတယ်။
ဆိုမာလီယား တောင်ပိုင်း ဘူလို မာရာ မြို့ခံတွေ ကတော့ နိုင်ငံခြား တပ်ဖွဲ့ တွေရဲ့ ရဟတ်ယာဉ် တစင်းဟာ သူပုန်တွေ အသုံးပြု နေတဲ့ အိမ်ခေါင်းမိုး ပေါ်ကို ဆင်းလာ တာ တွေ့ခဲ့တယ်လို့ ပြောပါတယ်။
အဲဒီ ဝင်စီးမှု အတွင်းမှာ အပြန် အလှန် ပစ်ခတ်မှု တွေကြောင့် ကိုယ်ဝန်ဆောင် အမျိုးသမီး တဦး အပါအဝင် အရပ်သား အနည်းဆုံး လေးဦးလောက် သေဆုံး သွားခဲ့ တယ်လို့ မြို့ခံတွေက ပြောပါတယ်။
ကရင်နှစ်သစ်ကူး အထိမ်းအမှတ်နေ့ ကျင်းပKNU နဲ့ သမ္မတ ဦးသိန်းစိန် အစိုးရအကြား အပစ်ရပ်ရေး ပဏာမ သဘောတူချက် ရခဲ့ကြ
ဇန္နဝါရီလ ၁၂ရက်နေ့ဟာ ကရင်လူမျိုးတွေရဲ့ ၇၅နှစ်မြောက် နှစ်သစ်ကူးနေ့ ဖြစ်တာမို့ မြန်မာနိုင်ငံတဝှမ်းမှာ ကရင်နှစ်သစ်ကူး အခမ်းအနားတွေ ဆင်နွှဲခဲ့ကြပါတယ်။
ရန်ကုန်မြို့ အလုံမြို့နယ်မှာ ကျင်းပတဲ့ ကရင် နှစ်သစ်ကူးနေ့ အခမ်းအနားပွဲကို ကိုယ်တိုင် တက်ရောက်ခဲ့တဲ့ KNU ကရင် အမျိုးသား အစည်းအရုံး ဗဟိုကော်မီတီဝင် ပဒို မန်းငြိမ်းမောင် ကတော့ ဒီနှစ် နှစ်သစ်ကူးနေ့ဟာ ခါတိုင်းနှစ်တွေနဲ့ မတူ ထူးခြားတဲ့ နှစ်သစ်ကူးနေ့ ဖြစ်တယ်လို့ ဘီဘီစီကို ပြောပါတယ်။
သမ္မတ ဦးသိန်းစိန် ဦးဆောင်တဲ့ အစိုးရ အဖွဲ့နဲ့ KNU အကြား အပစ်အခတ် ရပ်ရေး ပဏာမ သဘောတူနိုင်ခဲ့တဲ့အတွက် ငြိမ်းချမ်းရေး ရှေ့ဆက်သွားဖို့ အားယူပြင်ဆင် နေတဲ့ ဒီလို ကာလမျိုးမှာ KNU ရဲ့ ရုန်းကန် လှုပ်ရှားခဲ့မှု သမိုင်းကြောင်းကို မျိုးဆက်သစ် လူငယ်တွေကို ပြန်လည် ရှင်းပြနိုင်ခဲ့တဲ့ အတွက် ဖြစ်တယ်လို့ ဆိုပါတယ်။
အထူးသဖြင့် လွန်ခဲ့တဲ့ နှစ်ပေါင်း ၆၀ကျော်က ကရင် မိဘ ဘိုးဘွား ခေါင်းဆောင် တွေဟာ ကရင် အမျိုးသားတွေရဲ့ အခွင့်အရေးကို ကရင့်သွေး တစက်မှ မကျပဲ အရယူမယ် ဆိုတဲ့ မူကို ချမှတ်ခဲ့ကြကြောင်း၊ နိုင်ငံရေး ပြဿနာကို နိုင်ငံရေးနဲ့ ဖြေရှင်းပြီး ကရင့် အမျိုးသားတွေရဲ့ အခွင့်အရေးကို ဥပဒေဘောင်အတွင်းကနေ တောင်းဆိုသွားဖို့ မျှော်မှန်းခဲ့ကြကြောင်း၊ ဒါပေမယ့် မျှော်မှန်းထားသလို အခွင့်အရေးတွေ မရခဲ့တဲ့အတွက် လက်နက်ကိုင် တော်လှန်ရေးကို မလွှဲမရှောင်သာ လုပ်ခဲ့ရကြောင်း ကို ရှင်းပြခဲ့တယ်လို့ ပဒို မန်းငြိမ်းမောင်က ပြောပြပါတယ်။
NLD အမျိုးသား ဒီမိုကရေစီ အဖွဲ့ချုပ် ဥက္ကဌ ပြည်သူ့လွှတ်တော် ကိုယ်စားလှယ် ဒေါ်အောင်ဆန်းစုကြည်ကလည်း ကရင်နှစ်သစ်ကူးနေ့ အထိမ်းအမှတ် သဝဏ်လွှာ တစောင် ပေးပို့ခဲ့ပြီး ကရင်အမျိုးသားတွေအနေနဲ့ မိမိတို့အရေး၊ မိမိတို့ ကံကြမ္မာကို ကိုယ်တိုင် ပြဌာန်းနိုင်မယ့် နိုင်ငံရေး၊ လူမှုရေး၊ စီးပွားရေး အပြောင်းအလဲများစွာကို ကိုယ်တိုင် အားထုတ် ပါဝင် ဖန်တီးနိုင်ကြဖို့ ဆုမွန်ကောင်းတောင်းပေးလိုက်ကြောင်း ဖေါ်ပြထားပါတယ်။
ရန်ကုန် ကရင်နှစ်သစ်ကူးပွဲ KNU တက်ရောက်
ရန်ကုန်မြို့က ကရင်နှစ်သစ်ကူးပွဲတော်ကို ကရင်အမျိုးသား အစည်းအရုံး (KNU) တက်ရောက်ခဲ့စဉ်။ (ဇန်န၀ါရီလ ၁၂ ရက်၊ ၂၀၁၃)။
ကရင်အမျိုးသားအစည်းအရုံး KNU အနေနဲ့ ပြည်ထောင်စု မြန်မာနိုင်ငံတော်ကနေ ဘယ်တော့မှ ခွဲထွက်မှာ မဟုတ်သလို နိုင်ငံတော်က ချမှတ်ထားတဲ့ ဒို့တာဝန် အရေးသုံးပါး ကိုလည်း ပူးပေါင်းပြီး ထိန်းသိမ်း စောင့်ရှောက်သွားမယ်လို့ ရန်ကုန်တိုင်း ဒေသကြီး အလုံမြို့နယ်မှာ ပြုလုပ်တဲ့ (၇၅) ကြိမ်မြောက် ကရင်နှစ်သစ်ကူးပွဲတော်ကို တက်ရောက်ခဲ့တဲ့ ကရင်အမျိုးသား အစည်းအရုံး KNU ဗဟိုကော်မတီဝင် ဖဒိုမန်းငြိမ်းမောင်က ပြောလိုက်ပါတယ်။ ဒါ့အပြင် ဒီနှစ်မှာ ကျရောက်တဲ့ ကရင်နှစ်သစ်ကူးနေ့အတွက်လည်း ငြိမ်းချမ်းရေး နိုဘဲလ်ဆုရှင် ဒေါ်အောင်ဆန်းစုကြည်က သ၀ဏ်လွှာ ပေးပို့ခဲ့ပါတယ်။ ဒီအကြောင်းအပြည့်စုံကို နှစ်သစ်ကူးပွဲတော် ကျင်းပတဲ့ အ.ထ.က.(၁) အလုံ ကျောင်းဝင်းထဲကို ကိုယ်တိုင်သတင်း သွားယူခဲ့တဲ့ ရန်ကုန်အခြေစိုက် ဗွီအိုအေ သတင်းထောက် ကိုသူရစိုးရ တင်ပြထားပါတယ်။ နှစ်ပေါင်းများစွာ အတွင်းမှာ ပထမအကြိမ် တက်ရောက်လာတဲ့ ကရင်အမျိုးသား အစည်းအရုံး KNU ဗဟိုကော်မတီဝင် ဖဒိုမန်းငြိမ်းမောင် က ကရင်အမျိုးသား အစည်းအရုံး အနေနဲ့ ညီညွတ်ရေးနဲ့ ငြိမ်းချမ်းရေးကို မဖြစ်ဖြစ်အောင် တည်ဆောက်သွားမှာ ဖြစ်ပြီး နိုင်ငံရေး ပြဿနာ ကိုလည်း နိုင်ငံရေးနည်းနဲ့သာ ဖြေရှင်းသွားမယ်လို့ ကရင်အမျိုးသား အစည်းအရုံးကိုယ်စား အခုလို ပြောသွားခဲ့ပါတယ်။
“ညီညွတ်ရေး၊ ငြိမ်းချမ်းရေးကို ကျနော်တို့ မျှော်မှန်းပြီးတော့ ဘယ်လိုပဲ အခက်အခဲ၊ ဘယ်လိုပဲ စိန်ခေါ်မှု၊ ဘယ်လိုပဲ စမ်းသပ်မှုတွေ ကြုံတွေ့ရပါစေ၊ ကျနော်တို့ ငြိမ်းချမ်းရေးကို မဖြစ်မနေ တည်ဆောက်သွားမယ်။ ကရင်အမျိုးသားတွေရဲ့ အခွင့်အရေး၊ နိုင်ငံရေးပြဿနာကို နိုင်ငံရေး နည်းနဲ့ နိုင်ငံရေး စားပွဲပေါ်မှာ တန်းတူရည်တူ ဂုဏ်သိက္ခာရှိရှိတဲ့ ဖြေရှင်းသွားမယ်ဆိုတာကို KNU ကရင်အမျိုးသား အစည်းအရုံးရဲ့ သဘောထားကိုယ်စား ပြောကြားရင်း နိဂုံးချုပ်ပါတယ်။”
ဒါ့အပြင် ဒီကနေ့ ကျရောက်တဲ့ ကရင်နှစ်သစ်ကူးနေ့အတွက် အမျိုးသား ဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်ကလည်း သ၀ဏ်လွှာတစောင် ပေးပို့ခဲ့ပါတယ်။ တိုင်းရင်းသားအားလုံးအတွက် စစ်မှန်တဲ့ ငြိမ်းချမ်းရေး။ တန်းတူညီမျှရေးအတွက် မိမိတို့ကံကြမ္မာကို မိမိတို့ ပြဌာန်းနိုင်တဲ့ နိုင်ငံရေး စီးပွားရေး လူမှုရေး အပြောင်းအလဲ များစွာကို ကရင်တိုင်းရင်းသားများကိုယ်တိုင် အားထုတ် ဖန်တီး ဆောင်ရွက်နိုင်ပါစေကြောင်း ဆုတောင်းလိုက်ပါတယ်လို့ ဒေါ်အောင်ဆန်းစုကြည် ပေးပို့တဲ့သ၀ဏ်လွှာကို ကရင်တိုင်းရင်းသူ တဦးက အခုလို ဖတ်ပြသွားခဲ့ပါတယ်။
“အခုလို ကရင်အမျိုးသားများရဲ့ နှစ်သစ်ကူး အခါသမယမှာ ကရင်အမျိုးသားများ အပါအ၀င် တိုင်းရင်းသားလူမျိုးများ အားလုံးအတွက် စစ်မှန်ပြီး ငြိမ်းချမ်းတဲ့၊ အားလုံး တန်းတူပြီး မိမိတို့အရေး မိမိတို့ ကံကြမ္မာကို မိမိတို့ကိုယ်တိုင် ပြဌာန်းနိုင်တဲ့ နိုင်ငံရေး၊ လူမှုရေး၊ စီးပွားရေး အပြောင်းအလဲ များစွာကို ကရင်အမျိုးသားများ ကိုယ်တိုင် အားထုတ်ပါဝင် ဖန်တီး နိုင်ပါစေကြောင်း ဆုမွန်ကောင်း တောင်းလိုက်ပါတယ်။ (ဒေါ်အောင်ဆန်းစုကြည်)” ကရင်နှစ်သစ်ကူးပွဲတော်ကို တက်ရောက်လာကြတဲ့ ဗုဒ္ဓဘာသာ ရဟန်းတော်တွေနဲ့ ခရစ်ယာန် သင်းအုပ်ဆရာတွေ အပါအ၀င် တက်ရောက်လာတဲ့ ခေါင်းဆောင်တွေက မြန်မာပြည် ငြိမ်းချမ်းရေး အတွက် ဖယောင်းတိုင် မီးထွန်းပြီး ဆုတောင်းခဲ့ကြပါသေးတယ်။
ကရင်ပြည်နယ်ကို ရောက်ရှိနေတဲ့ အမေရိကန် သံအမတ်ကြီးဟာလည်း ကရင်နှစ်သစ်ကူး ကျင်းပတဲ့ ကျေးရွာတချို့ကို သွားရောက်ခဲ့သလို ကရင်ပြည်နယ် ဖားအံ မြို့မှာလည်း နိုင်ငံရေးပါတီတွေနဲ့ တွေ့ဆုံခဲ့တယ်လို့ NLD ပါတီ ကရင်ပြည်နယ် တာဝန်ခံ ဒေါ်နန်းခင်ထွေးမြင့် က ပြောပါတယ်။
မြန်မာနယ်စပ် တရုတ်လုံခြုံရေး တိုးမြှင့်
တရုတ်-မြန်မာ နယ်စပ် လိုင်ဇာမြို့အဝင်မြင်ကွင်း
မြန်မာနိုင်ငံ ကချင်ပြည်နယ်တွင်းက တိုက်ပွဲအခြေအနေတွေကြောင့် မြန်မာ နဲ့ နယ်ချင်းစပ်နေတဲ့ တရုတ်နိုင်ငံ နယ်စပ်တလျှောက်မှာ လုံခြုံရေးအင်အားတွေကို တိုးမြင့်ထားတယ် လို့ တရုတ်နိုင်ငံ အစိုးရထုတ် Global Times သတင်းစာမှာ ရေးသားဖော်ပြ ထားပါတယ်။ ဒါ့အပြင် နယ်စပ်တိုက်ပွဲ အခြေအနေတွေကြောင့် တရုတ်နိုင်ငံ ယူနန်ပြည်နယ်တွင်း လေယာဉ်ခရီးစဉ်အချို့ကိုရွှေ့ဆိုင်းခဲ့ရတယ် လို့လည်း ဖော်ပြပါတယ်။ တရုတ် မြန်မာနယ်စပ် အခြေအနေနဲ့ ပတ်သက်လို့တော့ စုံစမ်းမေးမြန်းထားတဲ့ ကိုသားညွန့်ဦးက ဆက်ပြီး တင်ပြပေးမှာပါ။
"ကချင်တိုက်ပွဲတွေကြောင့် တရုတ်နိုင်ငံတွင်းကို လက်နက်ကြီးကျည်ဆန်တွေ ကျရောက် လာတဲ့ အပေါ်မှာ တရုတ်ဖက်က မြန်မာကို ကန့်ကွက်ပြောဆိုပြီးတဲ့နောက်၊ တရုတ် မြန်မာ နယ်စပ် တလျှောက်မှာ လုံခြုံရေးတွေ ပို တိုးမြင့်လာတယ်လို့ ဒေသခံတွေက ပြောပါတယ်။ အထူးသဖြင့်တော့ စစ်ပွဲကြောင့် ဒုက္ခသည်တွေ အလုံးအရင်းနဲ့ တရုတ်နိုင်ငံဘက်ကို ၀င်ရောက်လာမှာကို တရုတ်အာဏာပိုင်တွေက ပိုစိုးရိမ်နေတယ် လို့ သိရပါတယ်။ လက်ရှိအားဖြင့်လည်း ဒုက္ခသည်အချို့ ၀င်ရောက်နေတာရှိပေမယ့်၊ ကချင် ကေအိုင်အေ ဌာနချုပ် လိုင်ဇာဖက်ကို ထိုးစစ်ကြီးတွေ ဆင်လာရင်၊ ကချင်အရပ်သား ဒုက္ခသည်တွေအနေနဲ့ တဖက်ခြမ်း တရုတ်ဘက်ကိုပဲ အဓိက ၀င်ရောက်လာနိုင်စရာ ရှိတာကြောင့်လို့ ဆိုပါတယ်။ ဒါ့အပြင် မနေ့က တရုတ်နယ်စပ်မှာဖြစ်ခဲ့တဲ့ တရုတ်ပြည်ထဲမှာရှိတဲ့ ကချင်နွယ်ဖွားတွေ အများအပြား ကချင် နယ်စပ်ကို ရောက်လာပြီး ဆန္ဒပြ တာဟာ တရုတ်အတွက် ပိုပြီး စိုးရိမ်စရာဖြစ်ခဲ့တယ်လို့ တရုတ်နယ်စပ်မှာ ရှိတဲ့ မြန်မာ့အရေးလေ့လာသူ ဦးအောင်ကျော်ဇောက ဗွီအိုအေကို ပြောပါတယ်။
"ပိုဆိုးသွားတာက မနေ့ကတုန်းကဆိုရင် တရုတ်ပြည်တွင်းမှာရှိတဲ့ ကချင်တွေ ၁၆၀၀ လောက် ကားအစီး ၁၀၀ နဲ့ လိုင်ဇာကိုလာကြတယ်။ လာကြပြီးတော့ ကချင်ပြည်နယ်နေ့ကို အသိအမှတ်ပြုတဲ့အနေနဲ့ပေါ့ နောက် ကချင် အိုင်ဒီပီတွေကို စာနာတယ် ကေအိုင်အိုကို စာနာတယ် အဲလိုဟာမျိုး လာပြီးတော့ပြောတယ်။ တရုတ်ကပိတ်ထားတာကိုး။ နယ်စပ်က နစခ က ပိတ်ထားတဲ့ အခါကြတော့ လာပြောတဲ့ အထဲမှာလည်း တရုတ်ပြည်မှာ အမှုထမ်း နေတဲ့ တရုတ်ပြည်ကချင်တွေတရုတ်ကချင်တွေ ဝန်ထမ်းတစ်ချို့ပါတယ်။ ပါတော့ တရုတ်အနေနဲ့ နေ့ညကတော့ အတော် ခေါင်းကိုက်တဲ့ ကိစ္စဖြစ်မှာပေါ့။ လောလောဆယ် ကျနော်တို့ပြင်ဆင်မှုတွေ့တာတော့ လက်နက်ကိုင်ရဲ လို့ ခေါ်တာပေါ့။ သူတို့ မှာတော့နယ်စပ်ဒေသ တည်ငြိမ်ရေး နဲ့လူဝင်မှုကြီးကြပ်ရေး တာဝန်ထမ်းဆောင်နေကြတဲ့တပ်မဟုတ်သေးဘူး။ အဲဒီ အဖွဲ့တွေတော့ တိုးပြီးချလာတယ်။ တပ်ကတော့ကျနော်တို့ သိသလောက် မူလချထားတဲ့ တပ်ရင်း ၃ ရင်းပေါ့နော် ကေအိုင်အေ နယ်မပါသေးဘူး အောက်ဖက်မှာတင် တပ်ရင်း ၃ရင်းဆိုတော့ ကေအိုင်အေနယ်နဲ့ပေါင်းရင် ၅ ရင်းလောက်ရှိတာပေါ့။ အဲဒါကို ထပ်ဖြည့်မယ်ဆိုရင်လည်းနောက်ထပ် သုံး လေးရင်း ထပ်ဖြည့်မယ့် အလားအလာ မြင်တယ်။ ပြီးခဲ့တဲ့ လွန်ခဲ့တဲ့ ၈ရက် ၉ရက် ၁၀ရက် လောက်မှာတော့ ရှင်ထူးစစ်ဒေသကြီးပေါ့။ ကွန်းမိန် စစ်ဒေသကြီးကနေ အရာရှိကြီးတွေကို နယ်စပ်တစ်ကြောကို လိုက်ပြီးတော့လိုက်ကြည့်သွားကြတယ်။"
တရုတ်နိုင်ငံခြားရေးဝန်ကြီးဌာနကနေပြီးတော့ သူ့နိုင်ငံထဲကို ဗုန်းကျည်သုံးလုံး ကျတာနဲ့ ပါတ်သက်လို့ ကန့်ကွက်ထားတာရှိပါတယ်ခင်ဗျ။ အဲဒါနဲ့ ပတ်သက်ပြီးတော့ကော ဘာများထူးခြားတာရှိလဲ။ မြန်မာဖက်က။
"ကန့်ကွက်ပြီးတော့မှ နောက်ထပ် ၃လုံးထပ်ကျတယ်လေ။ ၉ရက်နေ့ နောက်ပိုင်းမှာနောက်ထပ် ၃လုံးထပ်ကျတယ်။ ကန့်ကွက်ပြီးမှကို ထပ်ကျတာ"
ဒီအပေါ်မှာကော တရုတ်ဖက်က ဘာထပ်တုန့်ပြန်တာရှိပါလဲ။
"ကျနော်တို့ အခုထိတော့ သူတို့ ဘာတုန့်ပြန်မယ် မပြောတပ်ဘူးဗျ။ အခုလိုပဲလူကြီးတွေတော့ သူတို့အထဲက လူကြီးတွေကိုယ်တိုင်ဆင်းလာပြီး ကြည့်နေကြတာတွေ့တယ်"
တစ်ချို့က ယူဆတာက ကေအိုင်အေ လိုင်ဇာတို့ လန်ဂျားယန်တို့ကို တိုက်တဲ့ အခါမှာ လေယာဉ်သုံးတဲ့ အခါမှာ တရုတ်နယ်ထဲအထိ လေယာဉ်က ဝင်တယ်။ တရုတ်ဘက်ကပဲ ခွင့်ပြုထားလို့လား။
"တရုတ်လေတပ်က ငြင်းတယ်ပေါ့ဗျာ။ လူတိုင်းမြင်တယ်။ အရပ်သားတွေ လည်းမြင်တယ်ပေါ့။ ကျနော်တို့က လေကြောင်းကိစ္စကတော့ သိပ်တော့နားမလည်ဘူး။ ကျနော်တို့လည်း မေးထားတုန်းပဲ။ ဟိုဖက် ဒီဖက်မှာ ၅ကီလို ဘော်ဒါရဲ့ ဟိုဖက် ဒီဖက်မှာ ၅ကီလိုလောက်ကို အင်တာနေရှင်နယ်ဇုံအနေနဲ့ထားသလား။ သူ့ဖက်ကပြန်ပြောတာက ဒီ ၂၆ရက်ကစပြီးတော့ ၉ရက်နေ့အထိ အဲ၇ရက်နေ့အထိမှာ ဗမာစစ်တပ်က လေကြောင်းအရတိုက်ခိုက်မှုက ၁၁၉ ကြိမ်ရှိတယ်။သူတို့ရေဒါကရထားတာ။ ၁၁၉ ကြိမ်ရှိတယ်ပြောတယ်"
Global Times သတင်းစာမှာတော့ ပြီးခဲ့တဲ့ ဗုဒ္ဓဟူးနေ့မှာ ကချင်ပြည်နယ် နယ်စပ် တိုက်ပွဲတွေကြောင့် ယူနန်ပြည်နယ်တွင်းသွားတဲ့ လေယာဉ်ခရီးစဉ်အချို့ ရွေ့ဆိုင်း ခဲ့ရပြီး၊ ကြာသာပတေးနေ့မှာတော့ ပုံမှန် ပြေးဆွဲခဲ့တယ်လို့ ရေးထားပါတယ်။ တိုက်ပွဲတွေဖြစ်ပြီး မီးခိုးမှိုင်းတွေပြည့်နေတာကြောင့် လို့ဆိုပါတယ်။ ဒါ့အပြင် ကေအိုင်အေ ဌာနချုပ်ရှိရာ နယ်စပ်က လိုင်ဇာမြို့အနီးတ၀ိုက်မှာ မြန်မာဖက်က လေကြောင်းနဲ့ရော မြေပြင်ကပါ ပြီးခဲ့တဲ့ စနေကတည်းက ထိုးစစ်ဆင်ခဲ့တယ်လို့ ဒေသခံတွေကို ကိုးကားရေးသားပါတယ်။ ကချင်ပြည်နယ် အခြေအနေတွေနဲ့ပတ်သက်လို့ ကေအိုင်အေဖက်ကို မေးမြန်းကြည့်တော့ လိုင်ဇာအနီးတ၀ိုက်မှာ ဒီကနေ့သောကြာနေ့ တိုက်ပွဲတွေ အေးနေပေမယ့်၊ ပန်းဝါနဲ့ အခြားဒေသတွေမှာတိုက်ပွဲတွေ ဆက်ဖြစ်နေတယ်လို့ သိရပါတယ်။
0 comments:
Post a Comment