04.01.2013 နေ့ဖတ်ရန်သတင်းများ

by Myanmar Journal on Thursday, January 3, 2013 at 4:55pm ·

လက်နက်ကိုင်တိုက်ခိုက်ရင်း အစိုးရနဲ့ ထိတွေ့ဆက်ဆံနေတဲ့ ကျောင်းသားတပ်မတော်

မကဒတ ခေါင်းဆောင်များ

ကချင်ပြည်နယ်မှာ တိုက်ပွဲတွေဖြစ်နေတာဟာ လက်ရှိ ပဋိပက္ခတွေကို မီးမောင်းထိုးပြနေတာ ဖြစ်တယ်လို့ မြန်မာနိုင်ငံ ကျောင်းသားများ ဒီမိုကရက်တစ် တပ်ဦး(မကဒတ)ရဲ့ ဥက္ကဌ ကိုသံခဲက ပြောပါတယ်။

မကဒတဟာ တဘက်မှာ လက်တွေ့ကျကျ အစိုးရနဲ့ ထိတွေ့ဆက်ဆံမှုတွေ လုပ်နေတယ်လို့ ကိုသံခဲက ပြောပြီး အဲဒီလို ထိတွေ့ဆက်ဆံရင်းနဲ့ တိုင်းပြည်ရဲ့ လိုအပ်ချက်တွေကို တင်ပြတောင်းဆိုနေတယ်လို့လည်း ဆိုပါတယ်။

၈၈ ခေါင်းဆောင်တွေ နိုင်ငံရေး ပါတီတွေနဲ့ ပူးပေါင်းပြီး ပြည်တွင်း ငြိမ်းချမ်းရေး ရအောင် ဆောင်ရွက် သွားမယ်လို့လည်း ဆိုပါတယ်။

မကဒတ ခေါင်းဆောင် တယောက်ဖြစ်တဲ့ မိဆူးပွင့်က ငြိမ်းချမ်းရေး စင်တာ မှာ ရှင်းလင်းပြောကြားရာမှာတော့ မြောက်ပိုင်းမှာ ဖြစ်ပွားနေတဲ့ တိုက်ပွဲတွေမှာ မကဒတ မြောက်ပိုင်းက ပူးပေါင်းတိုက်ခိုက်နေတာဟာ မကဒတ က အပစ်အခတ်ရပ်စဲရေး သဘောတူညီချက် ယူထားတဲ့ အဖွဲ့အစည်း မဟုတ်သေးလို့ တိုက်ပွဲဝင်နေတာလို့ ဆိုပါတယ်။

ကချင်ပြည်နယ်မှာ အစိုးရက ထိုးစစ်တွေကို မြေပြင်ထိုးစစ် သာမက လေကြောင်းကပါ ပူးတွဲပစ်ခတ်ပြီး အကြီးအကျယ် တိုက်ခိုက်နေချိန်မှာ မကဒတ မြောက်ပိုင်းကလည်း ကချင်လွတ်လပ်ရေး တပ်မတော် ကေအိုင်အေနဲ့ ပူးပေါင်း တိုက်ခိုက်နေပါတယ်။

တဘက်မှာ မကဒတ မြောက်ပိုင်းက ခုခံတိုက်ခိုက်နေတဲ့ အချိန်မှာပဲ၊ မကဒတ ဗဟိုက ပြည်တွင်းမှာ အစိုးရနဲ့ ထိတွေ့ဆက်ဆံမှုတွေ လုပ်နေတဲ့ အတွက် မကဒတ ကျောင်းသား တပ်မတော်ရဲ့ မူဝါဒနဲ့ပတ်သက်ပြီး အမြင်ရှုပ်ထွေးမှုတွေရှိနေပါတယ်။

မကဒတ မြန်မာနိုင်လုံးဆိုင်ရာ ကျောင်းသားများ ဒီမိုကရက်တစ် တပ်ဦးကို ၁၉၈၈ အရေးအခင်းအပြီး ထိုင်းနိုင်ငံမှာ တောခို ကျောင်းသာတွေနဲ့ စတင်ဖွဲ့စည်းခဲ့တာဖြစ်ပါတယ်။

မြန်မာနိုင်ငံ သမိုင်းမှာ ပထမဦးဆုံး ပေါ်ပေါက်ခဲ့တဲ့ ကျောင်းသားတပ်မတော်လည်း ဖြစ်ပါတယ်။

အိန္ဒိယ ကျောင်းသူ အဓမ္မပြုမှု တရားစွဲ

အိန္ဒိယမှာ အမျိုးသမီးများရဲ့ လုံခြုံရေး အတွက် ဆန္ဒပြ တောင်းဆို

အိန္ဒိယနိုင်ငံမှာ တနိုင်ငံလုံး အမျက်ဒေါသ အုံကြွခဲ့ကြတဲ့ ဆေးကျောင်းသူ မိန်းမငယ် တယောက်ကို အုပ်စုဖွဲ့ အဓမ္မပြုကျင့်မှုအတွက် လူငါးယောက်ကို တရားစွဲဆို လိုက်ပါပြီ။

ဒေလီမြို့တော်က အထူးအရေးပေါ်တရားရုံး မှာ ရဲအဖွဲ့က တရားစွဲဆိုချက် အသေးစိတ်နဲ့ အတူ သက်သေ အထောက်အထား စာမျက်နှာ တထောင်ကိုပါ တင်ပြဖို့ရှိပါတယ်။

ပြီးခဲ့တဲ့လတုန်းက မြို့တော် ဘတ်စ်ကားတစီးပေါ်မှာ ဒီအမှု ဖြစ်ပွားခဲ့တာပါ။ ပြစ်မှု ထင်ရှားရင် တရားခံတွေဟာ သေဒဏ်အထိ ကျခံရနိုင်ပါတယ်။ ဒါပေမဲ့ ရဲအဖွဲ့ကတော့ အခုအဆင့်မှာ သူတို့ဟာ တရားရုံးကို လူကိုယ်တိုင် တက်ရောက်ဦးမှာ မဟုတ်ဘူးလို့ ဆိုပါတယ်။

ဆဌမ မြောက် တယောက် ကိုတော့ အသက်ပြည့် မပြည့် သူ့အသက်နဲ့ ပတ်သက်ပြီး ဆေးစစ် အတည် ပြုချက် မရသေးခင်မှာ တရားစွဲဆို ဦးမှာ မဟုတ်ဘူးလို့ သိရပါတယ်။

အမေရိကန်မှာ အယ်လ်ဂျာဇီးရား ပြတော့မယ်

အယ်လ်ဂျာဇီးရား ရုပ်သံ အမေရိကန်မှာလွှင့်မယ်

ကာတာ အခြေစိုက် အယ်လ်ဂျာဇီးရား သတင်းဌာနက အမေရိကန် ပြည်ထောင်စု မှာ ရုပ်မြင်သံကြား သတင်းလိုင်း အသစ်တခု စတင် လွှင့်ထုတ်ပါတော့မယ်။

Current TV ရုပ်သံလိုင်းကို အယ်လ်ဂျာဇီးရားက လောလောဆယ် ဝယ်ယူလိုက်တာဖြစ်တဲ့ အတွက် အယ်လ်ဂျာဇီးယား အမေရိက ကို အမေရိကန် ပြည်သူ သန်းနဲ့ချီပြီး ကြည့်ရှုခွင့်ရကြတော့မှာ ဖြစ်ပါတယ်။

နိုင်ငံတော်တော်များများမှာ အယလ်ဂျာဇီးရား ရုပ်မြင်သံကြားကို ဖမ်းယူကြည့်ရှုလို့ မရကြသေးပါဘူး။

သဘောတူစာချုပ်ကို တရားဝင် ထုတ်ပြန်ကြေညာခြင်းမရှိပေမဲ့ တချို့ ဝေဖန်သုံးသပ်သူတွေကတော့ ဒီသတင်းလိုင်း ဝယ်ယူခဲ့တဲ့ ပေါက်ဈေးဟာ ဒေါ်လာသန်း ၅၀၀ လောက်ရှိမယ်လို့ ခန့်မှန်းနေကြပါတယ်။

ကချင်ဒေသစစ်ပွဲ ကုလစိုးရိမ်

ကချင်ဒေသမှ လေကြောင်းစစ်ဆင်ရေး

ကချင်မှာ လေကြောင်းက စစ်ဆင်ခဲ့ကြောင်း မြန်မာ အစိုးရက ဝန်ခံ ပြောကြားခဲ့ပြီးနောက် ဒေသခံတွေရဲ့ အသက်အိုးအိမ် မထိခိုက်အောင် ရှောင်ရှားဖို့ ကုလ သမဂ္ဂ အတွင်းဝန်ချုပ် ဘန်ကီမွန်က သတိပေး ပြောကြား လိုက်ပါတယ်။

အစိုးရနဲ့ ကေအိုင်အေကြား နိုင်ငံရေး စေ့စပ် ညှိနှိုင်း အဖြေရှာကြဖို့လဲ ဘန်ကီမွန်က တောင်းဆို လိုက်ပါတယ်။

ဒီလို ဝန်ခံ ခဲ့မှုဟာ ကချင်မှာ လေကြောင်း စစ်ဆင်မှု မရှိဘူး ဆိုတဲ့ ပြီးခဲ့တဲ့ ၂ ရက်က မြန်မာ အစိုးရ ပြောဆိုချက်နဲ့ ကွဲလွဲ ဆန့်ကျင် နေပြီး ဒီလို လေကြောင်း စစ်ဆင်မှု အတွက် အင်မတန် စိုးရိမ်မိ ကြောင်း အမေရိကန် အိမ်ဖြူတော်က ထုတ်ပြန် ခဲ့ပါတယ်။

အစိုးရ တပ်တွေရဲ့ ထောက်ပံ့ရေး လမ်းကြောင်းကို ဖြတ်တောက်ဖို့ ကြိုးစားတဲ့ သူပုန်တွေကို ရည်ရွယ် တိုက်ခိုက်တာလို့ မြန်မာ အစိုးရ ပြန်ကြားရေး ရုံးက ထုတ်ပြန် ခဲ့ပါတယ်။

ကေအိုင်အေ ကတုတ်ကျင်း ထဲက ရိုက်ကူးထားတဲ့ ဗီဒီယို မှတ်တမ်းမှာတော့ မြန်မာ အစိုးရ ဘက်က ဂျက် တိုက်လေယာဉ်တွေ၊ တိုက်ခိုက်ရေး ရဟတ်ယာဉ်တွေနဲ့ စစ်ဆင်နေတာ ပါရှိပါတယ်။

ဆီးရီးယားမှာ သေသူ ၆ သောင်း ရှိပြီပြော

အရပ်သားတွေကို ပစ်မှတ်ထား တိုက်ခိုက်နေ

၂ဝ၁၁ မတ်က ဆီးရီးယား အုံကြွမှုတွေ စတင်ပြီး နောက် သေဆုံးသူ အနည်းဆုံး ၆ သောင်း လောက် ရှိနေပြီလို့ ကုလ သမဂ္ဂ က ပြောကြား လိုက်ပါပြီ။

ဒီပမာဏဟာ အတိုက်အခံ တွေ ဘက်က ခန့်မှန်း ထားတဲ့ ၄၅,ဝဝဝ လောက် ဆိုတာထက်ကို များနေပါတယ်။

ကွဲပြားတဲ့ အထောက်အထား ရင်းမြစ် ၇ မျိုး ကို ပြန်လှန် စစ်ဆေးပြီး ကုလသမဂ္ဂရဲ့ ၅ လ ကြာ အချိန်ယူ လေ့လာ သုံးသပ်မှုတွေကို အခြေခံပြီး ထုတ်ပြန်တာလို့ ကုလ သမဂ္ဂ လူ့အခွင့်အရေး မဟာမင်းကြီး နာဗီ ပီလေးက ပြောကြား ခဲ့ပါတယ်။

ဒီ ကိန်းဂဏန်း တွေက ဆီးရီးယားမှာ နောက်ထပ် လူသောင်းနဲ့ချီပြီး သေကြေ ဒဏ်ရာရတာတွေ ထပ်မဖြစ် ခင်မှာ ပဋိပက္ခ အမြန် အဆုံးသတ် နိုင်ရေး အတွက် လုံခြုံရေး ကောင်စီ အပါအဝင် ကူညီ ဖြေရှင်းနိုင်သူတွေ အားလုံးကို နှိုးဆော် လိုက်တာပဲ ဖြစ်သင့်တယ်လို့ နာဗီ ပီလေးရဲ့ ပြောခွင့်ရ ရူးပတ် ကိုးလ်ဗီးလ်က ပြောကြား ပါတယ်။

ဆီးရီးယား က နောက်ဆုံး သိရတဲ့ တိုက်ခိုက်မှုတွေ အတွင်း လူ ၇၅ ယောက် သေဆုံးကြောင်း အတိုက်အခံ တွေက ပြောကြား ပါတယ်။

ဒမတ်စကပ် မြို့တော် အရှေ့ပိုင်း ဆင်ခြေဖုံးက ဓာတ်ဆီဆိုင်ကို အစိုးရက လေကြောင်းက တိုက်ခိုက်ခဲ့တာ ဖြစ်ပြီး မီးလောင်ကျွမ်း နေတဲ့ ရုပ်အလောင်း တွေကို တွေ့ရတယ်လို့ မျက်မြင် သက်သေ တွေက ပြောဆိုပါတယ်။

သေဆုံးသူ တွေထဲမှာ အမျိုးသမီးနဲ့ ကလေးတွေလဲ ပါတယ်လို့ ဆိုပါတယ်။

လောင်စာဆီ ပြတ်တာ ၄ ရက် ရှိနေပြီမို့ ဓာတ်ဆီဆိုင်ကို ထွက်လာတဲ့ လူတွေကို လေကြောင်းက တိုက်ခိုက်တာ ဖြစ်ကြောင်း အတိုက်အခံ တွေက ဆိုပါတယ်။

ဒီတနေ့ ထဲမှာပဲ ဒမတ်စကပ်မှာ မုန့်ဆိုင်မှာ တန်းစီနေသူ တွေကို ပစ်ခတ် တာ အပါအဝင် တခြား တိုက်ခိုက်မှုတွေမှာလဲ သေဆုံးသူ ၄ဝ ကျော်တယ်လို့ ဆီးရီးယား လှုပ်ရှားသူ တွေက ပြောကြားပါတယ်။

ထိုးစစ်မရပ်ရင် ငြိမ်းချမ်းရေးအတွက် အဟန့်အတားဖြစ်မယ်

စောစောပိုင်းက ထားခဲ့တဲ့ ကတိစကားတွေကိုတောင် အစိုးရက တည်အောင် မလုပ်နိုင်ဘူးလို့ သုံးသပ်

ဒီဇင်ဘာလကုန်ပိုင်းက စတင်လို့ အခုနှစ်ဆန်းပိုင်းအထိ ရက်ဆက်ဆိုသလို အစိုးရတပ်တွေက ကချင် လွတ်မြောက်ရေးတပ် ကေအိုင်အေအပေါ် ကုန်းကြောင်းသာမက လေကြောင်းကပါ တိုးမြှင့် တိုက်စစ် ဆင်နေလို့ ရှိရင်းစွဲ ငြိမ်းချမ်းရေး ဆွေးနွေးပွဲတွေကို ထိခိုက်သွားနိုင်တာမို့ ''ငြိမ်းချမ်းရေး ဆွေးနွေးရေး အကျိုးဆောင်အဖွဲ့ PCG '' က ဒီကနေ့မှာ ကြေညာချက်ထုတ်လို့ အစိုးရကို သတိပေး ပြောကြားလိုက်ပါတယ်။

ထိုးစစ်တွေ လုပ်နေရင် ငြိမ်းချမ်းရေး ဆွေးနွေးပွဲအတွက် အဟန့်အတား ဖြစ်မယ်လို့ ကချင် ငြိမ်းချမ်းရေး ဆွေးနွေးရေး အကျိုးဆောင်အဖွဲ့ PCG အဖွဲ့ဝင်တဦးဖြစ်တဲ့ ဦးအင်န် ချန် ဆန်အောင်က ဘီဘီစီကို ပြောပါတယ်။ ထိုးစစ်တွေဟာ နှစ်ဘက်ကြား တည်ဆောက်ထားတဲ့ ယုံကြည်မှုကို ပျက်ပြားစေတယ်လို့လည်း သူက ဆိုပါတယ်။

စောစောပိုင်းကတော့ အစိုးရက ကချင်လွတ်လပ်ရေးအဖွဲ့ ကေအိုင်အိုနဲ့ အခုလဆန်းမှာ နိုင်ငံရေး ဆွေးနွေးပွဲတွေ လုပ်မယ်လို့ ပြောထားသလို ကေအိုင်အိုကလည်း အသင့်ပြင်နေတုန်းမှာ အခုလို ထိုးစစ်တွေကို အစိုးရဘက်က လုပ်လာတာလည်း ဖြစ်တယ်လို့ သိရပါတယ်။

ငြိမ်းချမ်းရေး ဆွေးနွေးပွဲတွေ ပြန်လုပ်နိုင်အောင် ထိုးစစ်ကို ရပ်ရမယ်၊ ပျက်ပြားသွားတဲ့ ယုံကြည်မှုကို ပြန်တည်ဆောက် ရမယ်လို့ ကချင် ငြိမ်းချမ်းရေး ဆွေးနွေးရေး အကျိုးဆောင်အဖွဲ့ PCG အဖွဲ့ဝင် ဦးအင်န် ချန် ဆန်အောင်က သုံးသပ်ပါတယ်။ အခုလို ထိုးစစ်တွေ အစိုးရတပ်က ပြုလုပ်လာတာကို သမ္မတဦးသိန်းစိန် မုချ သိမှာပါလို့ သူက ပြောပါတယ်။

အခုလတ်တလောမှာလည်း ဒီငြိမ်းချမ်းရေးကိစ္စအတွက် ဝန်ကြီးဦးအောင်မင်းနဲ့ ဆက်သွယ် ပြောဆိုမှုတွေ ရှိနေတယ်၊ ဦးအောင်မင်းကလည်း သမ္မတဦးသိန်းစိန်ကို ဆက်လက် တင်ပြပေးမယ်လို့ ပြောတဲ့ အကြောင်း ဦးဆန်အောင်က လက်ရှိ သူတို့ လုပ်ကိုင် ဆောင်ရွက်နေတဲ့ အကြောင်းတွေကို ဘီဘီစီကို ပြောပါတယ်။

ပြီးခဲ့တဲ့ ငြိမ်းချမ်းရေး ဆွေးနွေးပွဲတွေမှာ အစိုးရအနေနဲ့ ပြောခဲ့တာတွေကို လက်တွေ့ မလုပ်ဆောင်တာတွေ ရှိနေတယ်၊ အဲဒါတွေကို လက်ဦး လုပ်ဆောင် ပြမယ်ဆိုရင် နှစ်ဘက်ကြား ယုံကြည်မှု တိုးလာလို့ ငြိမ်းချမ်းရေး အတွက် အဆင်ပြေမယ်၊ အစိုးရ အနေနဲ့ ငြိမ်းချမ်းရေး အတွက် ထင်သာမြင်သာ ဆောင်ရွက် ပြသင့်ပါတယ်လို့ သူက ဆက်ပြောပါတယ်။

ဒေါ်အောင်ဆန်းစုကြည်နဲ့ ၈၈ မျိုးဆက် ကျောင်းသား ခေါင်းဆောင်တွေကတော့ နှစ်ဘက်ကြား တိုက်ခိုက်မှုတွေကို ချက်ချင်း ရပ်ကြပြီး ငြိမ်းချမ်းရေး ဆွေးနွေးပွဲတွေကို ပြန်စဖို့နဲ့ လက်တွေ့ ကြားဝင် ကြိုးစားနေတာတွေလည်း ရှိနေပါတယ်။

Google CEO မြောက်ကိုရီးယား သွားမည်

Google- North Korea

ထင်ရှားတဲ့ ကွန်ပြုတာ အင်တာနက်လုပ်ငန်း ဖြစ်တဲ့ GOOGLE  အဖွဲ့ ဥက္ကဌ ဟာ မကြာခင် မြောက်ကိုးရီးယားနိုင်ငံကို သွားရောက်ဖို့ ပြင်ဆင်နေတယ်လို့ သိရပါတယ်။  Google ဥက္ကဌ Eric Schmidt ဟာ New Mexico ပြည်နယ် အုပ်ချုပ်ရေးမှုးဟောင်း Bill Richardson ဦးဆောင်မယ့် လူသားချင်းစာနာမှုဆိုင်ရာ ပုဂ္ဂလိက အဖွဲ့ မှာ ပါဝင်ပြီး ကမ္ဘာပေါ်မှာ အတင်းကျပ်ဆုံး အင်တာနက်ဆိုင်ရာ ကန့်သတ်ပိတ်ပင်မှုတွေရှိတယ်လို့ ယူဆကြတဲ့ ကွန်မြူနစ် မြောက်ကိုးရီးယား နိုင်ငံကို  ဒီလအစောပိုင်းမှာ သွားရောက်မှာဖြစ်ပါတယ်။

အမေရိကန်ပြည်ထောင်စုနဲ့ သံတမန် အဆက်အသွယ် မရှိတဲ့ မြောက်ကိုးရီးယားနိုင်ငံမှာ ဒီအဖွဲ့က ဘယ်သူနဲ့ တွေ့ဆုံမယ်ဆိုတာ အတိအကျမသိရသေးပါဘူး။ အမေရိကန်မြောက်ကိုးရီယား ဆက်ဆံရေး အကဲဆတ်နေတဲ့ အခုလိုအချိန်ကာလမှာ သွားရောက်မယ့် ခရီးရဲ့ လုပ်ငန်းစဉ်နဲ့ ပါတ်သက်လို့  ဘာတခုမှ ထုတ်ဖော်ပြောဆိုတာမျိုးလဲမရှိဘူးလို့ သိရပါတယ်။

ပြီးခဲ့တဲ့လကတော့ကမ္ဘာပါတ်လမ်းကြောင်းထဲ ဆက်သွယ်ရေးဂြိုလ်တု လွှတ်တင်ခဲ့ တာလို့မြောက်ကိုးရီယားဘက် ကပြောဆိုတဲ့ တာဝေးပစ်ဒုံးပျံ စမ်းသပ်ပစ်လွှတ်မှု အောင်အောင်မြင်မြင် လုပ်ခဲ့ပြီးတဲ့နောက် နိုင်ငံတကာ အသိုင်းအ၀ိုင်းက မြောက်ကိုးရီယားကို ပြစ်တင်ဒေါသထွက်ခဲ့ကြပါတယ်။ ဒီစမ်းသပ်မူကို တိုက်ချင်းပစ် ဒုံးပျံစမ်းသပ် မှု တခုအဖြစ် အမေရိကန်နဲ့ တခြားနိုင်ငံကြီး တချို့က ပြစ်တင်ရူံ့ချုခဲ့ကြပါတယ်။ အဲဒိစမ်းသပ်ပစ်လွှတ်မှုအပြီး ရက်ပိုင်း အတွင်းမှာဘဲ ကိုးရီယားအမေရိကန်လူမျိုး ကမ္ဘာလှည့်ခရီးသည် KENNETH BAE ကို အတိအကျ မဖော်ပြတဲ့ နိုင်ငံတော်အပေါ်ဆန့် ကျင်မှု နဲ့ တရားစွဲဆိုဖို့ မြောက်ကိုးရီယားအာဏာပိုင်တွေက ဖမ်းဆီးထားလိုက်ပါတယ်။

ကချင်တိုက်ပွဲကြောင့် နယ်စပ် ကုန်သွယ်ရေး ထိခိုက်

ကချင်ပြည်နယ် လိုင်ဇာမြို့ ဈေးမြင်ကွင်း

ကချင်ပြည်နယ်မှာ အစိုးရတပ်တွေနဲ့ လက်နက်ကိုင် ကချင်လွတ်မြောက်ရေးတပ်မတော် (KIA) တပ်တွေကြားတိုက်ပွဲတွေ ဆက်လက် ဖြစ်ပွားနေတဲ့အတွက်၊ တရုတ် မြန်မာ နယ်စပ်ဂိတ်တွေမှာ ကုန်သွယ်မှု ထိခိုက်နေပါတယ်။ လိုင်ဇာမြို့မှာ ကုန်အရောင်းအဝယ် လာလုပ်နေကြတဲ့ တချို့တရုတ်လူမျိုးတွေဆိုရင်လည်း တရုတ်ပြည်ကို ပြန်သွားကြတယ်လို့ အဲဒီဒေသဖက်က ကုန်သည်တွေက ပြောပါတယ်။ မြစ်ကြီးနား ဗန်းမော်ကားလမ်းကို ပိတ်ထားတဲ့အတွက် တရုတ် မြန်မာနယ်စပ်မှာ ကုန်သည်တွေ အရောင်းအဝယ် ထိခိုက်နေရတဲ့ အကြောင်းကို ဘန်ကောက်ရုံးက မစုမြတ်မွန်က တင်ပြပါမယ်။

ကချင်လွတ်မြောက်ရေးအဖွဲ့ (KIO) ဌာနချုပ်ရှိရာ လိုင်ဇာမြို့နားတဝိုက်မှာ အစိုးရတပ်တွေနဲ့ လက်နက်ကိုင် (KIA) အဖွဲ့တွေကြား တိုက်ပွဲတွေဖြစ်နေတာမှာ ဒီကနေ့အထိ အစိုးရဖက်က လေကြောင်းတိုက်ခိုက်မှုတွေ ရှိနေတာကို လိုင်ဇာမြို့မှာနေတဲ့ ကုန်သည်တယောက်က ခုလိုပြောပြပါတယ်။

"ကျမဆိုင်ကနေ ထိုင်နေရင်းနဲ့တောင် လေယာဉ် ပျံနေတာမြင်နေရတာ၊ အဲ့ဒါလက်နက်ကြီးနဲ့ အသကုန်ချ၊ ဗုန်းတွေလဲကြဲ တော်တော်လေးကိုဆိုးတယ်။ ဒီနေ့က လေယာဉ်ပျံ ငါးစီးလာတယ် အဖြူရောင်ကနှစ်စီး နောက်ပြီး အနီကသုံးစီး သူတို့က နေ့တိုင်းနေ့တိုင်း လာတိုက်နေတော့ လိုင်ဇာမှာရှိတဲ့ ပြည်သူလူထုတွေကတော့ နဲနဲရိုးသလိုလို ဖြစ်နေတာ။ နားထဲမှာ ယဉ်သလိုဖြစ်နေတာ။ တစ်ချို့ တွေကတော့နော် ကတုတ်ကျင်းထဲမှာ အောင်းနေတဲ့လူလည်း အောင်းကြတာပေါ့။ တစ်ချို့တွေကတော့ ရပ်ကြည့်ပြီးတော့ မှတ်တမ်းယူတဲ့လူလည်း မှတ်တမ်းယူတာပေါ့။ သူတို့တရုတ်ဘက်ကမ်းက လည်း မှတ်တမ်းတွေလာယူတာလေ။ ကင်မရာတွေဘာတွေနဲ့ လာယူကြတယ်"

ကချင်ပြည်နယ်ထဲမှာ အပြန်အလှန် ပြစ်ခတ် တိုက်ခိုက်မှုတွေ ရှိနေတဲ့အတွက် မြစ်ကြီးနား ဗန်းမော်ကားလမ်းတွေကို ပိတ်ထားတာကြောင့် မြန်မာနိုင်ငံနဲ့ တရုတ်နိုင်ငံ ၂ ဖက်ကုန်ပစ္စည်းတွေအရောင်းအဝယ် လုပ်ကြတဲ့ ကုန်သည်တွေ ထိခိုက်နေကြပါတယ်၊

"ထိခိုက်တာပေါ့၊ အရမ်းကြီးကို ထိခိုက်တယ်။ ဘာမှ အဝင်အထွက်မရှိ။ လူအဝင်အထွက်မရှိတဲ့ အခါကြတော့ ဒီမှာက ဈေးရောင်းရတာလည်း အဆင်မပြေဘူး။ အဲလိုမျိုးတွေဖြစ်တာ။ နောက်ပြီးတော့ လူတွေကြောက်ကြတဲ့ အခါ ပြန်တဲ့လူပြန်ပေါ့။ ခြောက်သွားတာပေါ့။ စီးပွါးရေးအခြေအနေလည်း မကောင်းဘူး"

အရင်က ကုန်သည်တွေနဲ့ စည်ကားနေတဲ့ လိုင်ဇာ တရုတ်နယ်စပ် မြစ်ကြီးနား ဗန်းမော်သွားတဲ့ ကားဂိတ်မှာဆိုရင် ဆိုင်တွေ တော်တော်များများ အခု ပိတ်ထားကြပြီး ကုန်သည်တွေဟာ နေရပ်ကို ပြန်ကုန်ကြပါတယ်၊ အဲဒီလို ပြန်ကြတဲ့အထဲမှာ တရုတ်နိုင်ငံဖက်ကနေ စီးပွားရေးလာလုပ်ကြတဲ့ တရုတ်လူမျိုးတွေလဲ ပါတယ်လို့ လိုင်ဇာမြို့ခံက ပြောပြပါတယ်။

"အရင်တုန်းကတော့ ဒီမှာ ကားက အမြဲတမ်းဝင်ထွက်နေတော့ ကားဂိတ်မှာ ကားသမားတွေပေါ့နော် ကုန်သည်တွေပေါ့ အမြဲတမ်းလာပြီး စားသောက်ကြတယ်။ ပြီးကြတော့ ကုန်သည်ဆီမှာ သူတို့ဖောက်သည်ယူကြတာပေါ့။  ကားဂိတ်နားမှာပဲ သူတို့ဖောက်သည်ယူပြီးတော့ ဗမာပြည်သွားကြတာလေ။ အခုက ကားတွေကပိတ်လိုက်တဲ့အခါကြတော့ အဲ့ဒီနားမှာ ဖောက်သည်ယူတဲ့လူလည်း မရှိတော့ဘူး။ စာသောက်နေတဲ့ ကုန်သည် နဲ့ ကားသမားတွေလည်း မရှိတော့ဘူး ဆိုတော့ အဲဒါကြောင့်သူတို့ ပိတ်လိုက်ရတာလေ။ အဲဒီဖက်မှာတော့ လူစုံတယ် ဗမာပြည်ကလူတွေလည်းရောင်းတယ် တရုတ်တွေလည်းရောင်းတယ်။ ဗမာပြည်ကလူတွေလည်း ပိတ်ပြီးပြန်ကြတယ်။ တရုတ်ပြည်က လူတွေလည်း ပိတ်ပြီးပြန်ကြတယ်။ နဲနဲပါးပါးပဲ ဆိုင်ကယ်ဆိုင်တွေပဲရှိတော့တယ်။ ဆိုင်ကယ်ဆိုင်တောင်မှ သူတို့လက်ကျန်တွေ ထိုင်ရောင်းနေတာ"

ပြန်သွားကြတဲ့ တရုတ်လူမျိုးအရေးအတွက် အတိအကျကို သူ့အနေနဲ့ မခန့်မှန်းနိုင်ပေမဲ့ တိုက်ပွဲကြောင့် စိုးရိမ်ကြတဲ့ တရုတ်ကုန်သည် ဆိုင်ရှင်တော်တော်များများဟာ  ဆိုင်ပိတ်ပြီး ပြန်သွားကြတယ်လို့ ပြောပါတယ်၊ တရုတ် မြန်မာ နယ်စပ်ကုန်သွယ်မှုအတွက် အဓိကဖြစ်တဲ့ ဗန်းမော် မြစ်ကြီးနား မော်တော်ကားလမ်းတွေ ပိတ်ထားတဲ့အတွက် တရုတ်ပြည်ဖက်ကို သွင်းတဲ့ စားသောက်ကုန်ဈေးတွေလည်း တက်နေပါတယ်

"ဗမာပြည်က ဝင်လာတဲ့ ပစ္စည်းတွေ အကုန်တက်တယ်။ ဗန်မော်ကနေ လွယ်ချေ လွယ်ချေကနေ တရုတ် ဆိုတော့ ခရီးကဝေးသွားတယ်။ စရိတ်စက ကလည်း အကုန်များတဲ့ အခါကျတော့ ဈေးနှုန်းတွေလည်းတက်သွားတာပေါ့။ စားသောက်ကုန်တွေ အကုန်တက်တယ်။ ဆီတို့ ပဲတို့ ငါးခြောက်တို့ အယ်လိုမျိုးတွေ အကုန်လုံးပေါ့ စားသောက်ကုန်တွေ အကုန်လုံးတက်တယ်"

ကားလမ်းတွေပိတ်ထားလို့ လိုင်ဇာ တရုတ်နယ်စပ်ဖက်မှာ ကုန်သွယ်ရေးထိခိုက်နေသလိုပဲ မူဆယ် တရုတ်နယ်စပ်မှာလဲ လူသုံးကုန်ပစ္စည်း အရောင်းအဝယ်တွေ ထိုင်းပြီး ထိခိုက်နေတာကို မူဆယ်ဖက်က ကုန်သည်က အခုလို ပြောပြပါတယ်၊

"ယူနန်ပြည်ဖက်က ဒီဖက်တရုတ်ဖက်ကို လာဖို့လည်းခက်တယ်။ တရုတ်ဖက်ကနေ မြန်မာပြည်ဖက်ကို ပစ္စည်းတွေ ကုန်ပို့ဖို့လည်းခက်တာပေါ့။ ဒီ လမ်းတွေပိတ်ထားတယ်ဆိုတော့လေ။ အခု လမ်းဖွင့်တာဆိုလို့ မန္တလေးလမ်း တစ်ခုလောက်ပဲဖွင့်တဲ့ အခါကျတော့  မန္တလေးဘက်ကဆို ဟိုး မြစ်ကြီးနားဘက်ကဆို တစ်ပါတ်ကြီးဖြစ်သွားပြီလေ။ အဲဒီတော့ ကုန်တွေက ပို့ရခက်တယ်။ ကယ်ရီနဲ့ ပို့ရတာလည်းခက်တယ်။ အဲဒီတော့ အဝတ်အစားတို့ စောင်တို့ ဘိနပ်တို့ စသဖြင့်ပေါ့နော် အသုံးအဆောင်ပစ္စည်းတွေပေါ့" အစိုးရတပ်တွေနဲ့ KIA တပ်တွေကြား တိုက်ပွဲတွေဟာ ဆက်လက် ပြင်းထန်နေတဲ့အတွက် တိုက်ပွဲနဲ့ နီးတဲ့ နေရာတွေဖက်က ကုန်သည်တွေဟာ သူတို့ရဲ့ ကုန်ပစ္စည်းတွေကို ဘေးကင်းလုံခြုံတဲ့ နေရာတွေမှာ ရွှေ့ပြောင်းထားနေကြတယ်လို့ ပြောပါတယ်။

ဂျပန်ဒုဝန်ကြီးချုပ် သမ္မတဦးသိန်းစိန်နဲ့တွေ့ဆုံ

ဂျပန်ဒုဝန်ကြီးချုပ် မစ္စတာတာရိုအာဇို နဲ့ မြန်မာသမ္မတ ဦးသိန်းစိန် နေပြည်တော်တွင် တွေ့ဆုံစဉ်။ (သတင်းမှတ်တမ်း- သမ္မတရုံး)

ဂျပန်အစိုးရသစ်ပြောင်းပေမဲ့ ဂျပန်အစိုးရရဲ့ မြန်မာနိုင်ငံအပေါ် ထားတဲ့ သဘောထားမပြောင်းလဲပဲ အကူအညီတွေကို ဆက်ပေးသွားမယ့်အကြောင်းနဲ့ ရင်းနှီးမြုပ်နှံမှုတွေ ပိုတိုး လုပ်ဆောင်သွားမယ့် အကြောင်း ဂျပန်ဒုဝန်ကြီးချုပ် က မြန်မာသမ္မတနဲ့ တွေ့ဆုံချိန်မှာ ပြောဆိုလိုက်ပါတယ်။ ဂျပန်အစိုးရသစ် ပြောင်းပြီးတဲ့နောက် ပထမဆုံးအကြိမ် အဖြစ် ဂျပန်နိုင်ငံက အကြီးအကဲတစ်ဦး မြန်မာနိုင်ငံကို အခုလိုရောက်ရှိလာတာလည်းဖြစ်ပါတယ်။ ဂျပန်ဒုဝန်ကြီးချုပ်လည်းဖြစ် ဘဏ္ဍာရေးဝန်ကြီးတစ်ဦးလည်းဖြစ်တဲ့ မစ္စတာတာရိုအာဇိုဦးဆောင်တဲ့ ဂျပန်အစိုးရကိုယ်စားလှယ်အဖွဲ့ရဲ့ မြန်မာပြည်ခရီးစဉ်အကြောင်း သမ္မတရုံး ညွှန်ကြားရေးမှူးကို ဆက်သွယ်မေးမြန်းထားတဲ့ မဆုမွန်က အပြည့်အစုံ ဆက်ပြောပြပေးပါ့မယ်။

ဂျပန်နိုင်ငံ ဝန်ကြီးချုပ် ရှင်ဇိုအာဘေးဦးဆောင်တဲ့ ဂျပန်အစိုးရသစ်ပြောင်းပြီးမကြာခင်မှာပဲ ဂျပန်ဒုတိယဝန်ကြီးချုပ် တာရိုအာဇိုဦးဆောင်တဲ့ အစိုးရကိုယ်စားလှယ်အဖွဲ့ဟာ မြန်မာနိုင်ငံကို ဇန်နဝါရီလ ၃ရက်နေ့က ရောက်ရှိလာတာဖြစ်ပါတယ်။ ဂျပန်နိုင်ငံမှာ အုပ်ချုပ်ရေး အပြောင်းအလဲဖြစ်ပေမယ့်လို့ ဂျပန်အစိုးရရဲ့ မြန်မာနိုင်ငံအပေါ် ထားတဲ့ သဘောထားမပြောင်းလဲပဲ အရင်အစိုးရလက်ထက် နှစ်နိုင်ငံကြား ပူးပေါင်းဆောင်ရွက်မယ့်ကိစ္စတွေကို ဆက်ပြီးတော့ လုပ်ဆောင်သွားမှာဖြစ်တယ်ဆိုတာကို ဂျပန်နိုင်ငံ ဒုတိယဝန်ကြီးချုပ် တာရိုအာဇိုက  မြန်မာသမ္မတ ဦးသိန်းစိန်နဲ့ နေပြည်တော်မှာ တွေ့ဆုံစဉ်မှာ ပြောကြား သွားခဲ့တယ်လို့ မြန်မာသမ္မတရုံး ညွှန်ကြားရေးမှူး ဦးဇော်ဌေးကပြောပါတယ်။

“အခုက သူတို့ အစိုးရပြောင်းပြီးတဲ့နောက်၊ ဒုတိယဝန်ကြီးချုပ်ဦးဆောင်တဲ့ ကိုယ်စားလှယ်အဖွဲ့လာပြီးတော့ နှစ်နိုင်ငံကြား ပူးပေါင်းဆောင်ရွက်ဖို့ ချမှတ်ထားတာတွေကို ဆက်လက်ဆောင်ရွက်သွားမယ်ဆိုတာပေါ့။ အဓိကကတော့ ဂျပန်က အစိုးရအပြောင်းအလဲဖြစ်သွားပေမယ့်လည်း မူလကတည်းက လုပ်ဆောင်နေတာတွေကို အရှိန်အဟုန်မပျက် ဆက်လက်လုပ်ဆောင်ဖို့ အပြင် ထပ်ပြီးတော့ မြှင့်တင်ဖို့၊ ပူးပေါင်းဆောင်ရွက်ဖို့ ဂျပန်နိုင်ငံက ထောက်ပံ့ကူညီမှုတွေကို တိုးမြှင့်ဖို့ အဓိကကတော့ အဲ့တာပါ။”

ဂျပန်အစိုးရကိုယ်စားလှယ်အဖွဲ့နဲ့ မြန်မာသမ္မတတွေ့ဆုံချိန်မှာ မြန်မာနိုင်ငံရဲ့ အုပ်ချုပ်မှုနည်းစနစ် ပိုပြီးတော့ကောင်းမွန်ရေး၊ နောက်ပြီးတော့ လူသားအရင်းအမြစ်ဖွံ့ဖြိုးတိုးတက်ရေး၊ ပြည်သူတွေရဲ့ လူနေမှုဘဝမြင့်မားတိုးတက်ရေးတွေအတွက် ကျန်းမာရေး၊ ပညာရေးစတဲ့ အခြေခံအဆောက်အအုံတွေ တည်ဆောက်ရေးဆိုင်ရာ စီမံချက်တွေအတွက် လူသားချင်းစာနာမှုဆိုင်ရာ အကူအညီတွေကို ဆက်ပြီးတော့ ကူညီပေးသွားမှာဖြစ်တဲ့အကြောင်း ဆွေးနွေးခဲ့ကြတယ်လို့လည်း မြန်မာသမ္မတရုံး ပြောခွင့်ရ ဦးဇော်ဌေးက ပြောပါတယ်။

“အဓိကကတော့ ကျနော်တို့နိုင်ငံရဲ့ အုပ်ချုပ်ရေးပေါ့နော်၊ အုပ်ချုပ်ရေးစနစ်ပိုကောင်းဖို့၊ နောက် တိုင်းရင်းသားနဲ့ လူမှုစီးပွားဖွံ့ဖြိုးတိုးတက်ဖို့အတွက် အဲ့တာ ဂျပန်ဘက်က ဆောင်ရွက်ပေးမယ်ပြောတယ်။ စက်မှုလုပ်ငန်းတွေ၊ ဥပဒေရေးရာတွေ၊ နောက်ရင်းနှီးမြုတ်နှံမှုတွေ တိုးမြှင့်ဆောင်ရွက် ဖို့ နောက်တိုင်းရင်းသားဒေသတွေမှာ ဖွံ့ဖြိုးတိုးတက်ရေး၊ ကူညီထောက်ပံ့ရေး၊ လူမှုရေးမှာ ကျန်းမာရေး၊ ယဉ်ကျေးမှုမှာ ပူးပေါင်းဆောင်ရွက်ရေး၊ ကဏ္ဍစုံပေါ့။”

မြန်မာနိုင်ငံက ဂျပန်ကို ပေးဖို့ ရှိနေတဲ့ ကြွေးမြီ ဂျပန်ယန်းငွေ ၅၀၀ ဘီလီယံထဲကနေ ဂျပန်အစိုးရသစ်အနေနဲ့ ဂျပန်ယန်းငွေ ဘီလီယံ ၃၀၀ကို ၂၀၁၃ခုနှစ် အတွင်းမှာ ကြွေးမြီလျော်ပေးမှာလည်းဖြစ်ပါတယ်။ ဒီလို ဂျပန်ဘက်က ကြွေးမြီတွေလျော်ပေးမယ့် အစီအစဉ်တွေအပြင် မြန်မာနိုင်ငံတွင်းက တိုင်းရင်းသားဒေသတွေ ဖွံ့ဖြိုးတိုးတက်ရေးနဲ့ တိုင်းရင်းသားအဖွဲ့အစည်းတွေနဲ့ ငြိမ်းချမ်းရေးလုပ်ငန်းစဉ်တွေ တည်ဆောက်နိုင်ဖို့အတွက်ကိုလည်း ပြည်ထောင်စုဝန်ကြီး ဦးအောင်မင်းဦးဆောင်တဲ့ ငြိမ်းချမ်းရေးအဖွဲ့နဲ့ ပူးပေါင်းဆောင်ရွက်ဖို့ကိုလည်း စီစဉ်လုပ်ဆောင်မှာဖြစ်တယ်လို့ သိရပါတယ်။

“ဝန်ကြီးဦးအောင်မင်းဦးဆောင်တဲ့ Peace Center ကနေ အဲ့တာတွေကို တာဝန်ခံပြီး လုပ်နေတာပါ။ အဓိကကတော့ တိုင်းရင်းသားအဖွဲ့အစည်းတွေကို တိုက်ရိုက်ပံ့ပိုးကူညီတာပါ။”

နောက်ပြီးတော့ ဂျပန်-မြန်မာ နှစ်နိုင်ငံကြား စက်မှုလက်မှုလုပ်ငန်းကဏ္ဍတွေမှာ ဂျပန်ဘက်က ရင်းနှီးမြှပ်နှံမှုတွေ ပိုတိုးမြှင့်လုပ်ဆောင်ပြီး အဓိက စက်မှုကုန်ထုတ်လုပ်ရေးလုပ်ငန်းတွေမှာ နည်းပညာဆိုင်ရာ ကူညီထောက်ပံ့မှု တွေကိုလည်း ဆောင်ရွက်ပေးမှာဖြစ်ပါတယ်။

နောက်ပြီးတော့ မြန်မာနိုင်ငံရဲ့ လမ်းပမ်းဆက်သွယ်ရေးဆိုင်ရာ ပို့ဆောင်ရေးလုပ်ငန်းကိုလည်း ပိုအဆင့်မြင့်လာအောင် ကူညီပံ့ပိုးပေးမှာဖြစ်ပြီး မြန်မာပြည်သူလူထု အဓိကလိုအပ်နေတဲ့ သောက်သုံးရေ၊ လျှပ်စစ်မီး၊ ယဉ်ကျေးမှု၊ ကျမ်းမာရေး၊ ပညာရေးဖွံ့ဖြိုးတိုးတက်ရေးလုပ်ငန်းတွေမှာ လည်း ကူညီထောက်ပံ့ပေးမှာဖြစ်တဲ့အကြောင်း ဂျပန်ဒုဝန်ကြီးချုပ်က မြန်မာသမ္မတကို ကတိပေးပြောဆိုခဲ့တယ်လို့ သမ္မတရုံးညွှန်မှူးဦးဇော်ဌေးကပြောပါတယ်။

အရင်မြန်မာစစ်အစိုးရလက်ထက် ဂျပန်-မြန်မာဆက်ဆံရေး အေးစက်မှုတွေ ရှိခဲ့ပေမယ့် အခုလက်ရှိ အရပ်သားအစိုးရ လက်ထက်မှာ အခုတက်လာတဲ့ ဂျပန်အစိုးရသစ်နဲ့ ဦးသိန်းစိန်အစိုးရတို့ကြား နားလည်မှုတွေနဲ့ သဘောတူညီမှုတွေ ပိုပြီးတော့ တိုးလုပ်ဆောင်နိုင်ဖို့ အလားအလာကောင်းတွေလည်း ဆွေးနွေးခဲ့ကြတယ်လို့ ပြောပါတယ်။

ဂျပန်ဒုဝန်ကြီးချုပ် မစ္စတာ တာရိုအာဇိုဦးဆောင်တဲ့ ဂျပန်အစိုးရသစ် ကိုယ်စားလှယ်အဖွဲ့နဲ့  မြန်မာသမ္မတဦးသိန်းစိန်တို့ နှစ်နိုင်ငံကြား ရှေ့ဆက်လုပ်ဆောင်မဲ့စီမံကိန်းတွေ ဆွေးနွေးကြတဲ့ တွေ့ဆုံပွဲကို မြန်မာဘက်က ကာကွယ်ရေးဝန်ကြီး၊ နိုင်ငံခြားရေးဝန်ကြီး၊ သမ္မတရုံးဝန်ကြီး၊ ဘဏ္ဍာရေးနဲ့ အခွန်ဝန်ကြီး၊ အမျိုးသားစီမံကိန်းနဲ့ စီးပွားရေးဖွံ့ဖြိုးတိုးတက်မှု ဝန်ကြီးဌာနတွေက ပြည်ထောင်စုဝန်ကြီးတွေ အပါအဝင် နိပွန်ဖောင်ဒေးရှင်းနဲ့ ဂျပန်-မြန်မာချစ်ကြည်ရေးအသင်း အကြီးအကဲတွေပါ တက်ရောက်ခဲ့ကြပါတယ်။

အမေရိကန် ကွန်ဂရက်လွှတ်တော်သစ် ကျမ်းသစ္စာဆို

အမေရိကန်ပြည်ထောင်စုမှာ အသစ် ရွေးကောက် တင်မြှောက်ခံထားရတဲ့ လွှတ်တော်ကိုယ်စားလှယ်များကို ကွန်ကရက်လွှတ်တော်အဆောက်အအုံရှေ့တွင် တွေ့ရစဉ်။

အမေရိကန်ပြည်ထောင်စုမှာ အသစ် ရွေးကောက် တင်မြှောက်ခံထားရတဲ့ လွှတ်တော်ကိုယ်စားလှယ်တွေ ကျမ်းသစ္စာကျိန်ဆို ကြပြီိးတဲ့နောက် ကွန်ဂရက်လွှတ်တော်ရဲ့ သက်တမ်းအသစ်ကို စတင်လိုက်ပြီဖြစ်ပါတယ်။ ဒါပေမဲ့လည်း တိုးလာနေတဲ့ ကြွေးမြီကိစ္စ၊  အငြင်းပွားဖွယ် သေနတ်ပိုင်ဆိုင်မှု ထိန်းချုပ်ရေးဆိုင်ရာနဲ့ လူဝင်မှုကြီးကြပ်ရေးဆိုင်ရာ တွေလို ကိစ္စအဟောင်းတွေကိုပဲ လာမယ့် သီတင်းပတ်တွေအတွင်း ရင်ဆိုင် ဖြေရှင်းကြရဦးမှာဖြစ်ပါတယ်။ သက်တမ်းကုန်သွားတဲ့ ကွန်ဂရက် လွှတ်တော်ဟာ အခွန်ကောက်ခံရေးနဲ့ အသုံးစရိတ်ဆိုင်ရာကိစ္စတွေအပေါ် သက်တမ်း ကုန်ခါနီး နောက်ဆုံးရက်တွေ အတွင်း အပြင်းအထန် သဘောထားကွဲလွဲခဲ့ပြီး နောက်ဆုံးမှာမှ အချမ်းသာဆုံး အမေရိကန်တွေအပေါ် အခွန် တိုးကောက်ဖို့ သဘောတူပြီး ပြေလည်မှုရခဲ့တာပါ။

အခု ၁၁၃ ကြိမ်မြောက် ကွန်ဂရက်လွှတ်တော်အသစ်ဟာ နိုင်ငံအနေနဲ့ ချေးယူနိုင်တဲ့ အကြွေးပမာဏသတ်မှတ်ချက် ဒေါ်လာ ၁၆ ဒဿမ ၄ ထရီလီယံကို ထပ်တိုးပေးဖို့ ပြန်ပြီး ဆွေးနွေးကြရဦးမှာဖြစ်ပါတယ်။  အဲဒီချေးယူနိုင်တဲ့ အကြွေးပမာဏ သတ်မှတ်ချက် ဟာ ဒီသီတင်းပတ်အစောပိုင်းကပဲ ပြည့်သွားခဲ့တာပါ။

ကြာသပတေးနေ့က ကျမ်းသစ္စာကျိန်ဆိုပွဲတွေနဲ့အတူ ကွန်ဂရက်အစည်းအဝေး ဖွင့်ပွဲအခမ်းအနားတွေရဲ့ တစိတ်တပိုင်းအဖြစ် အောက်လွှတ်တော်ရဲ့ လက်ရှိဥက္ကဋ္ဌ၊ အိုဟိုင်းယိုးပြည်နယ်၊ အောက်လွှတ်တော်အမတ် ဂျွန် ဘေနာ (John Boehner) ကို အောက်လွှတ်တော်ရဲ့ဥက္ကဋ္ဌအဖြစ် ထပ်ပြီး ရွေးချယ်ခဲ့ကြပါတယ်။ အမေရိကန်ဥပဒေအရ သူဟာ ဒုတိယသမ္မတ ဂျိုး ဘိုင်ဒန် (Joe Biden) ပြီးရင် သမ္မတတာဝန်ကို ဆက်ခံ ထမ်းဆောင်နိုင်တဲ့ ဒုတိယနေရာမှာ ရှိနေသူဖြစ်ပါတယ်။

မြန်မာ့လွတ်လပ်ရေးနေ့ ဝန်ကြီးကလင်တန်ကြေညာချက်

U. S. Secretary of State Hillary Rodham Clinton

မြန်မာနိုင်ငံရဲ့ ၆၅မြောက် လွတ်လပ်ရေးနေ့ဖြစ်တဲ့ ဒီကနေ့မှာ အမေရိကန်ပြည်ထောင်စုက သဝဏ်လွှာ ပေးပို့ခဲ့ပါတယ်။

မြန်မာနိုင်ငံမှာ ပြုပြင်ပြောင်းလဲရေး လုပ်ငန်းစဉ် မှန်မှန်ဖြစ်ပေါ်နေတဲ့အတွက် မိမိတို့ ကျေနပ်ဝမ်းမြောက်ရပါကြောင်း အမေရိကန်သမ္မတ ဘရက်ခ်အိုဘားမား နဲ့ အမေရိကန်လူထုကိုယ်စား နိုင်ငံခြားရေးဝန်ကြီး ဟီလာရီကလင်တန်က ပေးပို့တဲ့ သဝဏ်လွှာထဲမှာ ဖော်ပြထားပါတယ်။

၂၀၁၂ခုနှစ်အတွင်း အမေရိကန်၊ မြန်မာ နှစ်နိုင်ငံကြား ပုံမှန်ဆက်ဆံရေး ပြန်ထူထောင်ခဲ့တာ အပါအဝင် နှစ်ဘက်ဆက်ဆံရေးမှာ သမိုင်းဝင်ဖြစ်ထွန်းတိုးတက်ခဲ့တာကိုလည်း သဝဏ်လွှာမှာ ဖော်ပြထားပါတယ်။

ပြီးခဲ့တဲ့ နိုဝင်ဘာလအတွင်း မြန်မာနိုင်ငံကို လာရောက်ခဲ့တဲ့ ခရီးစဉ်တွေအပေါ် သမ္မတအိုဘားမားရော သူပါ ကျေနပ်ဝမ်းမြောက်ရပါတယ်လို့ ဝန်ကြီးကလင်တန်က သဝဏ်လွှာမှာ ပြောထားပါတယ်။ လာမယ့်နှစ်တွေ အတွင်း မိမိတို့အကြား မိတ်ဘက်ဆက်ဆံရေး ပိုမိုနက်ရှိုင်းအောင် ဆက်လုပ်သွားဖို့လည်း အမေရိကန်နိုင်ငံခြားရေးဝန်ကြီး ဟီလာရီ ကလင်တန်ရဲ့ သဝဏ်လွှာထဲမှာ ဖော်ပြထားပါတယ်။