ကိလေသာဆယ်ပါးကို နားလည်ခြင်း
|
9:32 AM |
No မှတ်ချက် |
ထေရ၀ါဒအခြေခံ အယူအဆများ၌ ကိလေသာဆိုသည့် စကားတစ်လုံးကို အသုံးများ ကြ၏ ။
သို့သော်ကိလေသာ၏အနက်အဓိပ္ပာယ်ကို သေချာမသိသူက များမည်ထင်ပါသည် ။
ကိလေသဆိုသည့်စကားသည် လူ့စိတ်တွင်ဖြစ်ပေါ်တတ်သည့် ထူးခြားသောသဘောတရား
တစ်ခုကို ဗုဒ္ဓမှ ထိုးထွင်း သိမြင်ထားခြင်းဖြစ်၏ ။ မကောင်းမှု ၊ ဒုစရိုက် ၊ အပြစ်ဆိုသည်ကား ကံ
( ကာယကံ ၊ ၀စီကံ ၊ မနောကံ ) ပါမှ ဖြစ်၏ ။
ကိလေသကား စိတ်အစဉ်တွင် ကပ်၍ပါနေသည့် စိတ်ကို
ညစ်ညူးစေသည့် တရား ဖြစ်သည် ။ ကိလေသကို မြန်မာလိုပြန်လျှင် (သတ္တ၀ါတို့ကို) ပူပန်စေတတ် ၊
နှိပ်စက်တတ်သော တရားဟု ပြန်၏ ။ ကိလေသာဆယ်ပါးဆိုသည်မှာ -
(၁) လိုချင်တက်မက်မှု (လောဘ )
(၂) ပြစ်မှားမှု ဖျက်ဆီးလိုမှု ( ဒေါသ )
(၃) အမှန်ကိုမသိမှု တွေဝေမှု ( မောဟ )
(၄) ငါသာလျှင် မြတ်သည်ဟု ထင်မှတ်ပြီး ထောင်လွှားမှု ( မာန )
(၅) အမြင်အယူအဆမှားမှု ( ဒိဋ္ဌိ )
(၆) ယုံမှားသံသယဖြစ်မှု ( ၀ိစိကိစ္ဆာ )
(၇) စိတ်ရဲ့ ထိုင်းမှိုင်းမှု ကျေနပ်မှု ( ထိန )
(၈) စိတ်ရဲ့ပျံ့လွင့်မှု ( ဥဒ္ဓစ္စ )
(၉) မကောင်းမှုပြုခြင်းကို မရှက်တတ်သည့်သဘော ( အဟိရိက )
(၁၀) ကာယဒုစရိုက် မကောင်းမှု ကျူးလွန်ခြင်းကို မကြောက်မှု ( အနောတ္တပ္ပ )
၁ ။ လိုချင်တက်မက်မှု ( လောဘ )
လောဘသည် လူကိုအစဉ်သဖြင့် ပူလောင်စေ၏ ၊ အစဉ်သဖြင့် နှိပ်စက်၏ ၊ အစဉ်သဖြင့်
နစ်မွန်းအောင်လုပ်တတ်၏ ဆိုသည်ကို သဗ္ဗညုတဥာဏ်တော်ကြီးဖြင့်ထိုးထွင်းပြီးမှ ဗုဒ္ဓ မြတ်စွာဘုရား
ဟောကြားထားခြင်းသည် အံ့ဩစရာသိပ်ကောင်း၏ ။
လောဘ၏အရင်းခံသဘောမှာ ၊ တက်မက်ခြင်းသည် လောဘ ဖြစ်၏ ။ ဤလောဘကို
အကြောင်းခံပြီးဖြစ်လာသည့် ပူလောင်စေသောတရားတွေသည် ပုထုဇဉ်ကို မနေသာ မထိုင်သာအောင်
နှိပ်စက်သည့်တရားတွေက သိပ်များ၏ ။ လောဘကြောင့် -
(၁) စွဲလမ်းခြင်းသဘော ( ရာဂ ) ဖြစ်လာ၏ ။
(၂) အပြင်းအထန် စွဲလမ်းခြင်း ( သာရာဂ ) ဖြစ်လာသည့်အခါ လူ့စိတ်သည် အိပ်မရ ၊ စားမ၀င် ရင်ပူနာ
ကပ်လာ၏ ။ လောဘကြောင့် သတ္တ၀ါတို့၏စိတ်သည် မြင်ရာကြားရာနံရာ စားရာ အာရုံအမျိုးမျိုး၏
ဆွဲဆောင်ခြင်းကို ခံရ၏ ။ အာရုံဆွဲဆောင်လာသည့်အခါ မဆန့်ကျင်နိုင်တော့ပေ ။ ရုန်းမထွက်နိုင်
ပဲ လိုက်ပါသွား၏ ။
အာရုံမြင်လျှင်လိုချင်၏ ။ ထို လိုလားသည့်သဘောသည် လောဘ၏သဘောပင် ဖြစ်သည် ။
အဘယ်ကြောင့်လိုချင်သနည်းဆိုလျှင် နှစ်သက်ခြင်းဆိုသည့် နန္ဒီသဘောကြောင့် ပင် ဖြစ်၏ ။ ၎င်းသည်
လည်း လောဘ၏ အခြင်းအရာပင် ဖြစ်၏ ။ မြင်ရာ ၊ ကြားရာ ၊ နှစ်သက် ရုံတင်မက နှစ်သက်သည်ကို
မေ့ပျောက်ပစ်လို့ပင် မရချေ ။ စွဲလမ်းသွား၏ ။ ၎င်းကို (နန္ဒီရာဂ) ဟုခေါ်၏ ။
ရူးသွပ်ခြင်းဆိုသည်များမှာ ထို ( စိတ္တဿသရတာ) ဆိုသည့် စိတ်၏ ပြင်းစွာစွဲလမ်းမှုကြောင့် ဖြစ်
လောဘသည် အာရုံမှန်သမျှကို လိုလား၏ ။ လိုချင်အားကြီးလွန်းသောကြောင့် မိန်းမောမှုတောင် ဖြစ်
၏ ။ မရလျှင်ကိုယ့်ကိုယ်ကိုယ်တောင် သတ်သေပစ် ဖို့ ၀န်မလေးချေ ။ ဆင်ခြင်ဥာဏ်ဖြင့် သတိသပ္ပဇဉ်
လုံးဝကင်းစင်သွားအောင်တောင် လုပ်တတ်၏ ။ ဓမ္မသင်္ဂဏီဟုခေါ်သည့်အဘိဓမ္မာကျမ်းတွင်ဟောထားသည့်
တရားတွေသည် အလွန်ပင် နက်နဲ၏ ။
လောဘသည် အာရုံမရှိလျှင် မနေနိုင်ပေ ။ အာရုံမှန်သမျှကို ရအောင်အားထုတ် တတ်သည့်
သဘောရှိ၏ ။ ဖြစ်ရာဘ၀တိုင်းတွင်လည်း လောဘသည် မိမိ၏ ချစ်ခင်နှစ်သက်သော အဖော် ဖြစ်နေ၏ ။
သတ္တ၀ါများအား ဘ၀သို့ ဆွဲဆောင်တတ်သည့် ဘ၀ကြိုးနှင့်လည်း တူ၏ ။ သို့ဖြစ်၍ လောဘကြောင့်
ချမ်းသာကိုမရနိုင် ၊ အကျိုးမဲ့ဆင်းရဲကိုသာ ရစေတတ်၏ ။ ဆင်းရဲခြင်းကို အလွန်အမင်းဖြစ်စေသည်လည်း
လောဘပင် ဖြစ်၏ ။
- ချစ်ကြိုက် ပေါင်းဖော် ရောနှောခြင်းသည်လည်း လောဘ ၊
- ချစ်ကြိုက်သောကြောင့် ငဲ့ကွက် တွယ်တာခြင်းသည်လည်း လောဘ ၊
- နှောင်ဖွဲ့တတ်ခြင်းသည်လည်း လောဘ ၊
- တောင့်တခြင်း ၊ တမ်းတခြင်း ၊ လွမ်းဆွတ်ခြင်းသည်လည်း လောဘ ၊
- အဆင်း ၊ အနံ့ ၊ အရသာ ၊ အသံ ၊ အတွေ့အာရုံ အားလုံးကို တောင့်တခြင်း ၊ ပစ္စည်းဥစ္စာ
တောင့်တမှု ၊ သားသမီး၌ တောင့်တမှု ၊ အသက်ရှင်ခြင်း၌တောင့်တမှု ၊ ကျန်းမာခြင်း၌
တောင့်တခြင်း သဘောတွေသည်လည်း လောဘ ၊
- ငါ့ဟာ ၊ ငါ့ဥစ္စာဟု ပြောဆိုစေတတ်သည့် တပ်မက်မှုသဘော ၊ အချိန်ရှိသရွေ့ ငါ့ဟာ ငါ့ ဥစ္စာ
ဟု ပြောဆိုစေတတ်သည့် တပ်မက်ခြင်းသဘောသည်လည်း လောဘ ၊
- အမြီးနှံ့သောခွေးလိုပင် လာဘ်လာဘ၌ တပ်မက် တုန်လှုပ်သည့်သဘောသည်လည်း လောဘ ၊
- မသင့်လျော်သောအရာ၌တပ်မက်ခြင်း ၊ အဓမ္မရာဂသည်လည်း လောဘပင်ဖြစ်၏ ။ အဆမတန်
လိုချင်အားကြီးမှု ၀ိသမလောဘ ၊ မျှော်လင့်ခြင်း ၊ တောင့်တခြင်း ၊ ချစ်ခင်ခြင်းသည်လည်း လောဘ ၊
- ၀ဋ်ဆင်းရဲတွင် နစ်မြုပ်စေတတ်ခြင်းသဘော (ဩဃ)သည်လည်း တရားကိုယ်အားဖြင့် လောဘ ၊
- ၀ဋ်ဆင်းရဲတွင် ယှဉ်စေတွဲစေတတ်သည့် ယောဂသည်လည်း လောဘ ၊
- ၀ဋ်ဆင်းရဲတွင် ဆက်စပ်ထုံးဖွဲ့ခြင်း ဂန္ထ သည်လည်း လောဘ ၊
- သတ္တ၀ါများကို ၀ဋ်ဆင်းရဲတွင် နှောင်ဖွဲ့စေတတ်သည်လည်း လောဘ ၊
- စိတ်ကိုကပ်ပြီး ညစ်နွမ်းစေတတ်သော သဘောသည်လည်း တရားကိုယ်အားဖြင့် လောဘ ၊
- ဆင်းရဲခြင်း၏ အခြေအမြစ် ဒုက္ခမူလသည်လည်း လောဘ ၊
- အကုသိုလ်တရားတို့၏ မူလအခြေအမြစ် အကုသလမူလသည်လည်း လောဘ ၊
ပင်ဖြစ်သည် ။
(၂) ပြစ်မှားမှု ဖျက်ဆီးလိုမှု ( ဒေါသ )
ဒေါသ၏သဘောသည်ကား ဖျက်ဆီးလိုမှု ၊ ပြစ်မှားမှုပင် ဖြစ်၏ ။ ငါ့ရဲ့အကျိုးမဲ့ကို ပြုကျင့်ခဲ့ပြီ
ဆိုပြီး ရန်ငြိုးဖွဲ့သည်လည်း ဒေါသပင်ဖြစ်သည် ။ အာဃာတလည်း ဒေါသ ၊ ရန်ငြိုးဖွဲ့ရာတွင် အတိတ်
ကာလကလည်း ငါ့ရဲ့အကျိုးမဲ့ကို ပြုခဲ့ပြီ ။
ခုလည်း ပြုနေဆဲ ၊ နောင်အခါလည်း ပြုဦးမှာပဲ ဆို၍ အတိတ် ၊ ပစ္စုပ္ပန် ၊ အနာဂတ် ကာလ
သုံးပါးစလုံးတွင် ရန်ငြိုးဖွဲ့တတ်သည် ။ ကိုယ့်အပေါ်တွင် ပြုကျင့်ခဲ့သည့် အကျိုးမဲ့ ပြုမှုအပေါ်တွင်သာ
ရန်ငြိုးဖွဲ့တတ်သည် မဟုတ်ပေ ။
ကိုယ့်မိတ်ဆွေ ၊ ကိုယ့်ရဲ့ချစ်သူအပေါ်တွင် အကျိုးမဲ့ပြု လျှင်လည်း အတိတ် ၊ ပစ္စုပ္ပန် ၊
အနာဂတ် ကာလသုံးပါးနှင့်စပ်လျဉ်းပြီး ရန်ငြိုး ( အာဃာတ) ပြုတတ်သည် ။ ထို့နောက် ကိုယ်မချစ်
ခင်သူ ၊ မုန်းတီးသူ၏အကျိုးကို ဆောင်ရွက်လျှင်လည်း ထိုသို့ ဆောင်ရွက်သူအပေါ် ရန်ငြိုးဖွဲ့တတ်
ပြန်၏ ။
ရန်ငြိုးဖွဲ့ရာတွင်လည်း အလွန်အမင်း ရန်ငြိုးဖွဲ့တတ်ခြင်းလည်း ရှိသည် ။ ပဋိဃာတ ဟုခေါ်
သည် ။ ပဋိဃ ဆိုသည်မှာ ထိပါးခြင်း ၊ မုန်းထားခြင်း ဖြစ်သည် ။ ဒေါသကြောင့် အလွန်အမင်း
ဆန့်ကျင်ခြင်းလည်း ရှိသည် ။ အမျက်ထွက်ခြင်း ၊ စိတ်ဆိုးခြင်း ဆိုသည်လည်း ဒေါသပင် ဖြစ်သည် ။
ဒေါသသည် အလွန်ကြောက်စရာကောင်းလှသည် ။ ဒေါသဖြစ်လာလျှင် ဖျက်ဆီး ချေမှုန်းပစ်
ချင်ကြသည် ။ အလွန်အမင်း ပြစ်မှားလိုခြင်း ဖြစ်၏ ။ ကိုယ်မုန်းတီးသူ၏ ပျက်စီးခြင်း ၊ ဆုံး ရှုံးခြင်း ၊
နစ်နာခြင်း ၊ ဘ၀ပျက်ခြင်းကို မြင်ရကြားရလျှင် အားရ၀မ်းသာ ဖြစ်သည် ။ ဤသည်လည်း ဒေါသ
ကြောင့် ဖြစ်သော စိတ်၏ ပျက်စီးခြင်းသဘော ၊ ဖောက်ပြန် ခြင်းသဘောပင် ဖြစ်သည် ။
- ဒေါသကြောင့် စိတ်သည် ကြမ်းတမ်း ခက်ထန်လာသည် ။
- ဒေါသကြောင့် စကားပြောသည့်အခါတွင်လည်း ကောင်းမွန်စွာ ပြည့်ပြည့်စုံစုံ မပြောနိုင်တော့ပေ ။
- ဒေါသဖြစ်ချိန်တွင် မိမိစိတ်သည်လည်း ပင်ကို ပကတိစိတ် မဟုတ်တော့ပေ ။ ဘီလူးစိတ် ၊
သရဲစိတ်လို ဖြစ်လာသည် ။ စိတ်ဖောက်ပြန်လာသည် ။ စိတ်ထဲတွင် မနှစ်မြို့ခြင်း ၊
မလိုလားခြင်းသာ ထင်ရှားရှိနေသည်ပင်လျှင် ဒေါသ၏သဘော ဖြစ်သည် ။
(၃) အမှန်ကိုမသိမှု တွေဝေမှု ( မောဟ )
အမှန်သဘောကို မသိခြင်း ၊ တွေဝေခြင်းကို မောဟ ဟုခေါ်သည် ။ သစ္စာလေးပါး မြတ်တရား (ဒုက္ခသစ္စာ ၊ ဒုက္ခဖြစ်ကြောင်း သမုဒယသစ္စာ ၊ ဒုက္ခချုပ်ကြောင်း နိရောဓသစ္စာ ၊ ဒုက္ခချုပ်အောင် လုပ်နည်း မဂ္ဂသစ္စာ )ကို မသိခြင်း ၊ မောဟ (အ၀ိဇ္ဇာ)ဖြစ်၏ ။ ထို့နောက် သံသရာတွင် ရှေးကဖြစ်ခဲ့ဖူးပြီးသော ခန္ဓာအစဉ်ကိုလည်း မသိ ၊နောင်ဖြစ်လတ္တံ့သော ခန္ဓာအစဉ်ကိုလည်း မသိပေ ။ “ ပုဗ္ဗန္တ ပရန္တေအညာဏ ” တည်း ။ သို့ဖြစ်၍ ဇာတိဆိုသည့် အကြောင်းကိုစွဲ၍သာ ဇရာ ၊ မရဏအကျိုးများဖြစ်နေရခြင်း ဆိုသည် လည်း မသိပေ ။ ပစ္စုပ္ပန်တွင်ရထားသည့် ခန္ဓာငါးပါးသည်လည်း အနိစ္စ ၊ ဒုက္ခ ၊ အနတ္တပဲဟု မသိချေ ။ ထိုခန္ဓာငါးပါး (ရုပ်နာမ်နှစ်ပါး) ကို ငါပဲ ၊ သူပဲ ယောက်ျားပဲ ၊ မိန်းမပဲ ဟု မှားယွင်းစွာ သိမြင်နေခြင်းသည်လည်း မောဟပဲ ဖြစ်၏ ။ အကောင်းအဆိုးကို မဝေခွဲတတ် ၊ မပိုင်းခြားတတ်သည့်သဘောသည်လည်း မောဟ ပဲဖြစ်၏ ။ စိတ်၏ ဖြူစင်သန့်ရှင်းမှုကို မသိခြင်းသဘော ၊ လူမိုက်ဖြစ်ခြင်း အကြောင်းကို အပြား အားဖြင့် မသိခြင်းသဘော ၊ ထက်ဝန်းကျင် တရားအားလုံးတွင် မသိခြင်း ၊ တွေဝေခြင်းကြောင့်ဝဋ်ဆင်းရဲ တွင် နစ်မျောရခြင်းသည်လည်း မောဟ ။ စိတ်တွင် ကိလေသာတွေ ထကြွသောင်းကျန်းခြင်းကိုလည်း မသိခြင်းသဘောသည်လည်း မောဟ ။ ထို့ကြောင့် ဤ မောဟသည် တံခါးကျင်(မင်းတုပ်)လိုပင် စီးပွားချမ်းသာသို့မရောက်အောင် ပိတ်ပင်တားဆီး တတ်သည်ဟူ၏ ။ ထို့ကြောင့်မောဟသည် အကုသိုလ် တရားတို့၏ မူလ အခြေခံပင်ဖြစ်၏ ။ (၄) ငါသာလျှင် မြတ်သည်ဟု ထင်မှတ်ပြီး ထောင်လွှားမှု ( မာန )
ထိုမာနတရားသည်လည်း တရားဆိုး တစ်မျိုးပင်ဖြစ်သည် ။ ပင်ကိုယ်သဘောကဖြင့်ငါသာလျှင် မြတ်သည် ၊ ငါသာလျှင်တတ်သည်ဟု စိတ်ကြီးဝင်ပြီး ထောင်လွှားခြင်း ၊ မောက်မာခြင်းသည် မာနပင် ဖြစ်သည် ။ စိတ်ထောင်လွှားခြင်း ၊ ကိုယ့်ကိုကိုယ်အထင်ကြီးခြင်း ၊ အဆင့်အတန်းအားဖြင့် မြင့်မြတ်သည်ဟု ထင်မှတ်ထားခြင်းသည် မာနဖြစ်သည် ။ ဤနေရာတွင် ဘုရားမှ ကိုယ့်ကိုကိုယ် အဆင့်အတန်းမြင့်သည် ၊ အဆင့်အတန်း တန်းတူဖြစ်သည် ၊ အဆင့်အတန်းနိမ့်သည်ဟုထင်၍ ကိုယ့်ထမင်းကိုယ်စားတာဘယ်သူမှဂရုစိုက်စရာ မလိုဘူးဟု သဘောထားခြင်း ၊ ထောင်လွှားခြင်း အားလုံးသည်မာနချည်းပဲ ဖြစ်သည်ဟု ဟောသည် ။ ကိုယ့်ကိုကိုယ် စိတ်ကို မြှောက်ပင့်ထားတာ ၊ တံခွန်ထူထားတာ ၊ တံခွန်မှန်ကင်းလို ဘ၀င်မြင့်နေခြင်းများ အားလုံးသည် မာနချည်းပင် ဖြစ်သည် ။ စိတ်ဖောက်ပြန်ပုံတစ်မျိုးပင် ဖြစ်သည် ။
(၅) အမြင်အယူအဆမှားမှု ( ဒိဋ္ဌိ )
ဒိဋ္ဌိဆိုသည်မှာ အမြင်မှားခြင်းကို ဆိုလိုသည် ။ လူတွေ၏လောကအမြင်မှားများ (မိစ္ဆာဒိဋ္ဌိ) တွေ အလွန်များသည် ။ ဗုဒ္ဓပွင့်စဉ်အခါက အိန္ဒိယပြည်တွင် ဒိဋ္ဌိ ၆၂မျိုး ရှိခဲ့သည်ဟု ဗြဟ္မဇာလသုတ်တွင်ဟောတော်မူခဲ့ပါသည် ။ ဒီဃနိကာယ် ၊ သီလက္ခန်တွင်လည်းပါသည် ။- အမှန်မှာ လောက (ခန္ဓာငါးပါး ၊ ရုပ်နာမ်နှစ်ပါး) သည် မြဲ၏ ၊- လောကသည် မမြဲပေ ၊- လောကသည် အဆုံးအပိုင်းအခြား ရှိသည် ၊- လောကသည် အဆုံးအပိုင်းအခြား မရှိပေ ၊- ခန္ဓာကိုယ်ထဲတွင် အသက်ဇီဝ ရှိသည် ၊- ခန္ဓာကိုယ်က တစ်ခြား ၊ အသက်ဇီဝက တစ်ခြား ဖြစ်သည် ၊- သတ္တ၀ါသေပြီးလျှင် ဖြစ်သေးသည် ၊- သတ္တ၀ါသေပြီးလျှင် နောက်ထပ် မဖြစ်တော့ပေ ၊- သတ္တ၀ါသေပြီးလျှင် ဖြစ်သည်လည်းမဟုတ် ၊ မဖြစ်သည်လည်းမဟုတ် ၊- သတ္တ၀ါသေပြီးနောက် ဖြစ်တာလည်းရှိ ၊ မဖြစ်တာလည်းရှိ အစရှိသည့် အမြင်မှား ၆၂ပါးကို ဒိဋ္ဌိ ဟုခေါ်သည် ။ အမြင်မှန်ကို ပိတ်ပင်တားဆီးသည့် တရားတွေပင် ဖြစ်သည်။ အမြင်မှန်ကို မရောက်အောင် ခက်ခဲစေသည့် တရားများဖြစ်သောကြောင့် တောအုပ်လိုပင် ဖြစ်၏ ။ အမြင်မှား မှုသည် ခရီးခဲ “ ဒိဋ္ဌိကန္တာရ ”ဟုလည်း ခေါ်သည် ။ အမြင်မှန်ကို ဖောက်ထွင်းဖျက်ဆီးတတ်သည့် သဘောသည်အမြင်မှား ဒိဋ္ဌိပင် ဖြစ်သည် ။ ဖောက်ပြန်သည့် အမြင် ၊ တုတ်နှောင်တတ်သည့်သဘောသည်လည်း ဒိဋ္ဌိ ပဲဖြစ်သည် ။ အာရုံကို များသောအားဖြင့် သုံးသပ်တတ်သည် ၊စွဲယူတတ်သည် ၊ အယူသီးတတ်သည် ။ ဒိဋ္ဌိသည် မှားသော ခရီးလမ်းကြောင်းဖြစ်သည် ။ အကျိုးမဲ့ဖြစ်စေသော သဘော ဖောက်ပြန်သည့်အမြင်သည် ဒိဋ္ဌိ ဖြစ်သည် ။
(၆) ယုံမှားသံသယဖြစ်မှု ( ၀ိစိကိစ္ဆာ ) ဘုရားအပေါ်တွင်ယုံမှားခြင်း ၊ သံသယဖြစ်ခြင်းသည် ၀ိစိကိစ္ဆာပင်ဖြစ်၏ ။ ( ဗုဒ္ဓသည်ဧကန် အမှန်စင်စစ် ဖြစ်ရဲ့လားဟု မဆုံးဖြတ်နိုင်ပဲ စိတ်ပင်ပန်းစွာသို့လောသို့လော ဖြစ် ခြင်း ) သို့ဖြစ်၍ - - ဓမ္မ ၊ ဘုရားဟောတရားများအပေါ်၌လည်း သံသယဖြစ်ခြင်း ၊ ယုံမှားခြင်းသည် ၀ိစိကိစ္ဆာ ။ - သံဃာအပေါ်၌လည်း ယုံမှားခြင်းဖြစ်၏ ။ အကျင့်သိက္ခာ ရှိမှရှိပါ့မလားဟု သံသယဖြစ်၍ တွေးတော ခြင်းသည်လည်း ၀ိစိကိစ္ဆာ ။ - ရှေးဘ၀မှ ဖြစ်ခဲ့ပြီးသောခန္ဓာတွေအပေါ်၌လည်း ဟုတ်ပါ့မလားဟုသံသယဖြစ်၏ ၊ ယုံမှား၏။ သေပြီးလျှင် နောင်ဘ၀၌ ခန္ဓာတွေဖြစ်ပါဦးမလား ဟုလည်း ယုံမှား တွေးတော၏ ။ ဇရာမရဏ ဖြစ်ရခြင်းသည်ဇာတိဆိုသည့် ပဋိသန္ဓေနေခဲ့ရခြင်း အကြောင်းကြောင့် ဖြစ်ရသည်ဆိုခြင်းအားယုံမှားသံသယဖြစ်၍ ဟုတ်ပါ့မလားဟု တွေးတော၏ ။ သဘာဝတရားကို မယုံသင်္ကာဖြစ်၍ တွေးတောပြန်လျှင်လည်း မဆုံးဖြတ်နိုင်ခြင်းကြောင့် ပင်ပန်းခြင်းဖြစ်ရခြင်းသည် ၀ိစိကိစ္ဆာ ပင် ဖြစ်၏ ။ ၀ိစိကိစ္ဆာ ၏သဘောမှာ အမှန်နှင့်အမှားကို ပိုင်းခြား၍ မဆုံးဖြတ်နိုင်ချေ ။ လမ်းနှစ်ခွ ဖြစ်နေသည့်အတွက် စိတ်မတည်မငြိမ် ဖြစ်ရသည့်သဘောပင်ဖြစ်၏ ။ ယတိပြတ် ဧကန္တအား ဖြင့်မဆုံးဖြတ်နိုင်ပေ ။ သို့လောသို့လောဖြစ်တတ်ခြင်းကြောင့် အာရုံမှဆုတ်နစ်တတ် သည့် သဘောသည်ဝိစိကိစ္ဆာ ပင်ဖြစ်၏ ။ မည်သည့်ကိစ္စ ပင်ဖြစ်စေ ယတိပြတ် ဆုံးဖြတ်ခြင်းငှာ မစွမ်းသည့် အတွက်တ၀ဲလည်လည် ဖြစ်၍ ဥာဏ်ဖြင့်မသက်ဝင်နိုင်ပေ ။ စိတ်ရှုပ်ထွေး၍ အာရုံထွေပြားသွားသည့် သဘောသည်ဝိစိကိစ္ဆာ ပဲဟု မှတ်ရမည်ဖြစ်၏ ။
(၇)စိတ်၏ထိုင်းမှိုင်းမှု ကျေနပ်မှု (ထိန) ထိန ဆိုသည်ကား စိတ်၏မခံ့မှု ၊ မခိုင်မာမှု ၊ ထိုင်းမှိုင်းမှုပင်ဖြစ်၏ ။စိတ်၏မခိုင်ခံ့မှုဆိုသည်ကား ကိစ္စတစ်ခုကို ပြီးမြောက်အောင် မလိုက်လျောနိုင်ခြင်း ၊ မဆောင်ရွက်နိုင်ခြင်းကို ဆိုလို၏ ။ မိမိ၌ရှိနေသော က္ကရိယာပုတ်ကို ခိုင်မြဲအောင် မဆောင်ရွက်နိုင်ခြင်းသည် ပျင်းရိခြင်းဖြစ်၏ ။ ထိနပင်ဖြစ်သည် ။ စိတ်၏ မခံ့မှုဆိုသည်မှာ တွန့်ဆုတ်တတ်သောသဘောကို ဆိုလို၏ ။ ထိန ဆိုသည် ထို့ကြောင့်စိတ်မကြံ့ခိုင်ခြင်း ၊ ထိုင်းမှိုင်းခြင်း ၊ ပျင်းရိခြင်း ၊ စိတ်ဝင်စားမှု လျော့ကျသွားခြင်း ၊မေ့လျော့ပေါ့ဆပြီး စိတ်ကျဲပြန့်သွားခြင်းကို ဆို၏ ။
(၈) စိတ်၏ပျံ့လွင့်မှု (ဥဒ္ဓစ္စ)
ဥဒ္ဓစ္စ ၏ အနက်အဓိပ္ပာယ်မှာ စိတ်ပျံ့လွင့်ခြင်း ဖြစ်၏ ။ စိတ်ပျံ့လွင့်ခြင်းဟူသည် စိတ်တုန်လှုပ်ခြင်း ၊ စိတ်မငြိမ်သက်ခြင်း ပင်ဖြစ်၏ ။ စိတ်သည် ရှုပွားခြင်းအာရုံ တစ်ခုခုပေါ်တွင် တည်ငြိမ်မနေပဲအထွေထွေအပြားပြား အာရုံတွေနောက်ကိုပါပြီး လေလွင့်သွားခြင်း ၊ မျောပါသွားခြင်းသည် ဥဒ္ဓစ္စ ပင်ဖြစ်၏ ။ အမျိုးမျိုးသော အာရုံတွေနောက်ကို စိတ်ကလိုက်ပါသွားခြင်း ၊ သစ်ရွက်ခြောက် လေမှာလွင့်သလိုလွင့်သွားခြင်းတွေသည် စိတ်မတည်ငြိမ်သောကြောင့်လည်းကောင်း ၊ မခိုင်မြဲခြင်းကြောင့်လည်းကောင်း ဖြစ်၏ ။စိတ်လှုပ်ရှားသည့်အမူအရာ တစ်မျိုးပင်ဖြစ်၏ ။
(၉) မကောင်းမှု ပြုရသည်ကို မရှက်တတ်သည့်သဘော (အဟီရိက)
အဟီရိက ကာယဒုစရိုက် မကောင်းမှုပြုရခြင်းကို အရှက်မရှိခြင်း ၊ မရှက်တတ်ခြင်းပင် ဖြစ်၏ ။ဤသဘောမှာ နေ့စဉ်ဘ၀ထဲတွင် ထင်ရှား၏ ။ ယုတ်ယုတ်မာမာ အကုသိုလ်တရားများအား လွန်ကျူးရခြင်းကို မရှက်တတ်ခြင်းသည် အဟီရိက ပင်ဖြစ်၏ ။ ရှက်ရကောင်းမှန်းမသိချေ ။ မိမိပြုနေခြင်း ၊ ပြောနေခြင်းများသည် ရှက်စရာကောင်းနေပြီဟု မသိဘဲ ဒုစရိုက်မှု ၊ လွန်ကျူးမှုများ ပြုနေကြခြင်းသည် အဟီရိကပင်ဖြစ်၏ ။
(၁၀) ကာယဒုစရိုက် မကောင်းမှုကျူးလွန်ရသည်ကို မကြောက်မှု (အနောတ္တပ္ပ)
ဒုစရိုက် မကောင်းမှုပြုရသည်ကို မကြောက်မရွံ့ဘဲ ပြုရဲခြင်းသည် အနောတ္တပ္ပ ပင်ဖြစ်၏ ။ လူအများကို အစုလိုက်အပြုံလိုက် လက်ရဲဇက်ရဲ သတ်ဖြတ်နေကြ၏ ။ ထိုသူတို့သည် လူတွေကို သတ်ဖြတ်ညှဉ်းဆဲရသည်ကို ၀န်မလေးချေ ။ သူတစ်ပါးအိမ်ရာကို မီးရှို့ဖျက်ဆီးခြင်း ၊ သူတစ်ပါး သားမယားအား ကျူးကျော်စော်ကားခြင်းတို့အား ကျူးလွန်ရမှာ ၀န်မလေးချေ ။ အကုသိုလ်ကိုလည်း ကျူးလွန်ရမှာ မကြောက်တတ်ပေ ။ ၎င်းတို့သည် အနောတ္တပ္ပသဘောပင်ဖြစ်၏ ။ အဓမ္မပြုခြင်း၌ လက်ရဲဇက်ရဲရှိကြခြင်း တွေသည် ထို အရှက်အကြောက် ကင်းမဲ့မှုကြောင့် လူ့ဘ၀ မငြိမ်းမချမ်း ဖြစ်နေကြရခြင်းပင်ဖြစ်၏ ။
ဤတွင် ကိလေသာဆယ်ပါးသဘော ပြီး၏ ။ ။
ကျမ်းကိုး - ဦးဆန်းလွင် (ရှင်အာဒိစ္စရံသီ) ဗုဒ္ဓဘာသာအခြေခံအယူအဆများ
All Credit to original post owner.
0 comments:
Post a Comment