Tuesday, January 27, 2015

အသင့်စားအစားအစာများနှင့် ကျန်းမာရေး


ယနေ့ခေတ်မှာ နည်းပညာတွေတိုးတက်ဖွံဖြိုးလာတာနဲ့အမျှ လူ တွေရဲ့နေထိုင်မှုပုံစံတွေပြောင်းလဲလာကြပါတယ်။ ပြောင်းလဲလာတဲ့ လူနေမှုပုံစံမှာ ကျွန်တော်တို့ရဲ့စားသောက်မှုပုံစံပါ ပြောင်းလဲလာ ခဲ့တဲ့အတွက် ကျွန်တော်တို့ရဲ့အချိန်မပေးနိုင်မှုတို့ကြောင့် အသင့် စားအစားအသောက်တွေကိုသာ ပိုမိုခုံမင်ခဲ့ကြပါတယ်။
အရသာ လည်းရှိပြီး လွယ်လွယ်ကူကူနဲ့ရရှိနိုင်တဲ့ အသင့်စားအစား အသောက်တွေဟာ ကျွန်တော်တို့ရဲ့နေ့စဉ်ကဏ္ဍမှာ မပျက်မကွက် ပါဝင်လာကြပါတယ်။
အချိန်ပေးနှပ်တဲ့ကော်ဖီထက် ရေနွေးလေးထည့်လိုက်ရုံ နဲ့ အလွယ်တကူရတဲ့ကော်ဖီကိုသာ အလွယ်တကူသောက်တတ် လာကြရုံသာမက အရမ်းအလုပ်ရှုပ်နေတဲ့အချိန်မှာ ကျန်းမာရေး အတွက်သင့်တော်တဲ့အစားအသောက်တွေအစား အသင့်စား ခေါက်ဆွဲထုပ်တွေဟာ ကျွန်တော်တို့ရဲ့ညစာတွေမှာ နေရာယူလာ တတ်ကြတာကတော့ ခေတ်ရေစီးကြောင်းတစ်ခုလိုဖြစ်ခဲ့ပါတယ်။ ဒါ့ပြင် စားသောက်ဆိုင်တွေမှာ အချိန်ကြာမြင့်စွာစောင့်စားရမယ့် အစား အလျင်အမြန်ရနိုင်တဲ့ဘာဂါဆိုင်တွေမှာသာ သွားထိုင်လေ့ ရှိကြတဲ့အတွက် အသင့်စားအစားအစာတွေဟာ ကျန်းမာရေး အတွက်သင့်လျော်နိုင်ပါ့မလားဆိုတာကို ကျွန်တော်တို့တစ်တွေ သတိလက်လွတ်ဖြစ်ခဲ့ရပါတယ်။
ဒါကြောင့် ကျန်းမာရေးအဖွဲ့စည်းတွေဟာ အသင့်စား အစားအသောက်တွေကြောင့်ဖြစ်လာတဲ့ဘေးဥပဒ်တွေကို စစ်တမ်း ပြုစုပြီး အလွန်အကျွံမစားသောက်ဖို့တိုက်တွန်းထားကြတာကိုလည်း တွေ့ရှိရပါတယ်။ အသင့်စားစားသောက်ဆိုင်တွေမှာ မကြာခဏ စားသောက်ကြတဲ့လူတွေဟာ ခန္ဓာကိုယ်အလေးချိန်ပိုမိုတိုးလွယ်ပြီး အင်ဆူလင်ပမာဏဟာ ပိုမိုများပြားတာကိုတွေ့ရှိရပါတယ်။ လေ့လာတွေ့ရှိချက်တွေအရ အသင့်စားစားသောက်ဆိုင်တွေကို တပတ်နှစ်ခါထက်ပိုရောက်တဲ့သူတွေဟာ တစ်ပတ်ကိုတစ်ခေါက် လောက်ရောက်သူတွေထက် ဆယ်ပေါင်လောက်ပိုမိုဝတတ်ပြီး Insulin Resistance တွေဟာ နှစ်ဆလောက်ပိုများနေတာကို တွေ့ရှိရတတ်ပါတယ်။ ဒီ Insulin Resistance တွေဟာ နှလုံး ရောဂါကိုဖြစ်စေတဲ့အဓိကအကြောင်းရင်းပဲဖြစ်ပါတယ်။
အသင့်စားအစားအသောက်တွေကို မကြာခဏစား သောက်တာဟာ ကျန်းမာရေးနဲ့ပတ်သက်တဲ့ဆိုးကျိုးတွေကို ဖြစ်ပေါ် စေပါတယ်။ တချို့အခြေအနေတွေမှာ ရေရှည်ရောဂါဖြစ်ပေါ်စေ ပြီး ပြင်းထန်ရင် အသက်ဆုံးရှုံးတဲ့အထိဖြစ်ပေါ်စေနိုင်ပါတယ်။ အသင့်စားစားသောက်ဆိုင်တွေမှာ မကြာခဏစားသောက်မှုကြောင့် ဖြစ်ပေါ်လာတဲ့ကျန်းမာရေးအကျိုးဆက်တွေကတော့ အောက်ပါ အတိုင်းပဲဖြစ်ပါတယ်။
လေဖြတ်ခြင်း (Stroke)
အသင့်စားအစားစာတွေကို မကြာခဏဆိုသလိုစား သောက်တာဟာ သွေးပေါင်တက်စေနိုင်တဲ့အတွက် အခန့်မသင့်ရင် လေဖြတ်တတ်ပါတယ်။
အ၀လွန်ခြင်း (Obesity)
Fast Food တွေမှာပါတဲ့ Chloestrol တွေဟာ အ၀ လွန်တာကိုဖြစ်ပေါ်စေပါတယ်။ အထက်မှာဖော်ပြခဲ့တဲ့အတိုင်း တစ်ပတ်ကိုနှစ်ခေါက်ထက်ပိုပြီးစားသုံးတွေဟာ သာမန်လူတွေ ထက် ဆယ်ပေါင်လောက်ပိုဝနေတာကိုတွေ့ရှိရခဲ့ပါတယ်။
နှလုံးနှင့် သွေးကြောများစနစ်
အသင့်စားအစားအသောက်တွေစားပြီး ၀ိတ်လျှော့တာ ဟာ နှလုံးနှင့်သွေးကြောတွေစနစ်နဲ့ပတ်သက်ပြီး နာတာရှည်ရောဂါ တွေလည်းခံစားရတတ်ပါတယ်။
ကင်ဆာ
အထက်ဖော်ပြပါအတိုင်း ၀ိတ်လျှော့ရာမှာ အသင့်စား အစားစာတွေသာစားပြီး အလွန်အကျွံဝိတ်လျှော့ပါက ကျောက်ကပ် ကင်ဆာ၊ အူမကြီးကင်ဆာသာမက အစာပြန်ကင်ဆာများကိုပါ ဖြစ်စေနိုင်ပါတယ်။
အဲဒီလိုအသင့်စားအစားအသောက်တွေရဲ့ဘေးဥပဒ်ကို လူကြီးတွေသာမက ကလေးတွေကပါခံစားရပါတယ်။ ထိုကလေး တွေမှာ အ၀လွန်တာ၊ နှလုံးရောဂါဖြစ်နိုင်တာသာမက အသင့်စား အစားအသောက်တွေကိုပုံမှန်စားသောက်ပါက ရင်ကျပ်ရောဂါ၊ သွေးတိုးရောဂါတို့ကိုပါဖြစ်စေနိုင်ပါတယ်။
အသင့်စားအစားသောက်တွေသာမက အလျင်အမြန်စား သောက်နိုင်တဲ့ ခေါက်ဆွဲခြောက်ထုပ်တွေဟာလည်း ကျန်းမာရေးကို ထိခိုက်နိုင်ပါသေးတယ်။ ခေါက်ဆွဲခြောက်ထုပ်တွေမှာ ဆိုဒီယမ် ဓာတ်တွေပါဝင်ရာ အဓိကအနေနဲ့ သွေးတိုးရောဂါ၊ နှလုံးရောဂါ တို့ကိုဖြစ်ပွားစေနိုင်ပြီး ကျောက်ကပ်တွေကိုလည်း ပျက်စီးစေနိုင်ပါ တယ်။ အသင့်စားခေါက်ဆွဲခြောက်တွေရဲ့ကျန်းမာရေးဆိုးကျိုး တွေကိုလည်း နောက်လတွေမှာ အသေးစိတ်ဖော်ပြသွားပါဦးမယ်။
အသင့်စားအစားအသောက်တွေရဲ့ဘေးဥပဒ်တွေကို တင်ပြသွားပြီးနောက်မှာတော့ အသင့်သောက်ကော်ဖီ (Instant Coffee Mix) တွေရဲ့ဘေးဥပဒ်တွေကိုလည်း ဆက်လက်ဆွေးနွေး သွားပါမယ်။ ဖျော်ရ၊ နှပ်ရတဲ့ကော်ဖီတွေထက် ရေနွေးလေးရှိရုံနဲ့ အရသာကောင်းပြီး ဈေးချိုတဲ့ကော်ဖီတွေကို အလွယ်တကူသောက် သုံးနိုင်တဲ့ အသင့်သောက်ကော်ဖီတွေဟာ ကျွန်တော်တို့ရဲ့လက် တစ်ကမ်းမှာရှိနေပေမဲ့ အန္တရာယ်ဟာလည်း လက်တစ်ကမ်းမှာပဲရှိ လို့နေပါတယ်။
အသင့်သောက်ကော်ဖီတွေမှာ Acrylamide ဆိုတဲ့ ဓာတ်တစ်မျိုးပါဝင်ပါတယ်။ အဲဒီ Acrylamide ဓာတ်ဟာ တိရစ္ဆာန်တွေမှာ ကင်ဆာဖြစ်စေနိုင်ပါတယ်။ ဒါတင်မကပါဘူး။ အဲဒီဓာတ်ဟာ FDA (Food and Drug Association) ရဲ့အဆို အရ အာရုံကြောတွေကိုပါထိခိုက်စေနိုင်ပါသေးတယ်။ အဲဒီလို အန္တရာယ်များတဲ့ဓာတ်ကို သိပ္ပံပညာရှင်တွေက ၂၀၀၂ ခုနစ်နောက် ပိုင်းမှာမှတွေ့ရှိခဲ့ကြပြီး ပမာဏကို Parts Per Billion (PPB) ဆိုပြီး တိုင်းလေ့ရှိပါတယ်။ အသင့်သောက်ကော်ဖီတွေမှာပါဝင်တာ ၄၅၀ PPB၀န်းကျင်လောက်ပါရှိပေမဲ့ သဘာဝအတိုင်းဖျော်နှပ် တဲ့ကော်ဖီတွေမှာတော့ ၁၃ PPB ကျော်ကျော်သာပါဝင်တာကို တွေ့ရှိရပါတယ်။
ဒါကြောင့်လည်း အနောက်နိုင်ငံတွေကို ကျန်းမာရေး အဖွဲ့အစည်းတွေဟာ အသင့်စားအစားအသောက်တွေ အလွန် အကျွံစားသောက်တာကို အပြင်းအထန်ကန့်ကွက်ကြတာဖြစ်ပါ တယ်။ ကျွန်တော်တို့ရဲ့ တိုးတက်လာတဲ့နည်းပညာခေတ်ကြီးထဲမှာ အစားအသောက်အတွက် တကူးတကအချိန်မပေးနိုင်ကြတော့ လွယ်လင့်တကူရှိတဲ့အသင့်စားအစားအစာတွေကိုပဲ စားသုံးလာ ကြရာ လက်တစ်ကမ်းမှာရှိတဲ့ကျန်းမာရေးအန္တရာယ်တွေကို သတိ မထားကြပါ။ ဒါကြောင့် ကျွန်တော်တို့ရဲ့ကျန်းမာရေးအတွက် အသင့်စားစားသောက်ကုန်တွေကို အရင်ကထက်လျှော့စားသောက် နိုင်ဖို့အကြံပေးရင်း နိဂုံးချုပ်လိုက်ပါတယ်။
ရေးသူ-ဒေါက်တာထက်ဝေ ‪#‎drhtetwai‬
‪#‎b2bhealth‬

0 comments:

Post a Comment

စာမရေးဖြစ်တော့တာကြောင့် ကျနော်ကြိုက်ပြီး ဖတ်စေချင်တဲ့ စာလေးတွေကို တင်ထားပါတယ်ဗျာ

Followers

Total Pageviews

အမှာပါးစရာများရှိနေရင်

Pop up my Cbox

Blog Archive

အခြားကဏ္ဍများကို လေ့လာရန်

ရှာဖွေလေ တွေ့ရှိလေ

စာပေမြတ်နိုးသူများ

free counters
Related Posts Plugin for WordPress, Blogger...