Monday, August 10, 2015

မှတစ်ပါး အခြားမရှိပြီ။

ဦးလေး ဒီစာကို အသက် နှစ်ဆယ့်ငါးနှစ်နဲ့အောက် လူငယ်တွေကို ရည်ရွယ်ပြီးရေးပါတယ်။ ကျော်နေတဲ့သူတွေကတော့ သဘောပါ။ ဖတ်ချင်လဲဖတ်၊ မဖတ်ချင်လဲ ကျော်သွားပေါ့။
ဒီနေ့ဟာ စင်ကာပူနိုင်ငံ တည်ထောင်တာ နှစ်ငါးဆယ်ပြည့်ပါ။

သတင်းစာဂျာနယ် တီဗီ ဖေ့ဘုတ်တွေမှာလဲ တွေ့ကြမှာပါ။ ယနေ့မြန်မာလူငယ်တွေ ထွက်အလုပ်လုပ်ချင်ဆုံး နိုင်ငံပါဘဲ။ သင့်တော်တဲ့ဝင်ငွေလဲရ အလုပ်အိနြေ္ဒလဲရှိတဲ့ နိုင်ငံဆိုတော့ သွားလုပ်ချင်တာ မဆန်းပါဘူး။ အစိုးရဝန်ကြီးတွေကိုယ်တိုင် အားကျပြီး စင်ကာပူလို လုပ်မယ်ဆို ကြိမ်းဝါးနေကြတာပါ။
.
လူငယ်တွေ သတိပြုမိဖို့က လွန်ခဲ့တဲ့ နှစ်ငါးဆယ်က စင်ကာပူသည် မြန်မာနိုင်ငံထက် အဖက်ဖက်က နိမ့်ကျခဲ့တယ် ဆိုတာကိုပါ။ ယနေ့ စင်ကာပူနိုင်ငံသား ၉၀% အိမ်ပိုင်ပြီလို့ ဟစ်ကြွေးနိုင်အောင် လုပ်ပေးခဲ့တဲ့ စင်ကာပူအိုးအိမ်ဌာန HDBဟာ ရန်ကုန်က ဖဆပလ အိမ်ယာ ရန်ကင်းအိမ်ယာတွေကို လာလေ့လာပြီး ပေါ်ထွက်လာတာပါ။ တမြို့လုံး သန့်ရှင်းနေလို့ ကမ္ဘာကျော်နေတဲ့ စင်ကာပူဟာ ရန်ကုန်မြူနီစီပယ်ဥပဒေ ကို အခြေခံပြီး လုပ်ခဲ့တာပါ။ စက်မှုအတတ်ပညာရှင်တွေ မွေးထုတ်ပေးနေတဲ့ စက်မှုပညာသင်ကျောင်းတွေဟာ ရန်ကုန် နတ်မောက်စက်မှုကျောင်းကို အားကျ လာလေ့လာပြီး ဖွင့်ခဲ့ကြတာပါ။ ဒီလိုဘဲ မြန်မာပြည်က သာလို့ အတုခိုးခဲ့တာတွေ ရှိသေးတယ်ဆို လူငယ်တွေ ယုံကြမလား။
.
အဲဒီအချိန်က မြန်မာပြည်ဟာ စင်ကာပူလောက် မပြောနဲ့။ အာရှမှာ ကိုရီးယား ထိုင်ဝမ်ထက်သာတဲ့ အချိန်ပါ။ အာဆီယံတွေဆိုတာ စာရင်းထဲတောင် မထည့်ခဲ့ဘူး။ ဘောလုံးပွဲဆိုရင် အာရှမှာ ဗိုလ်စွဲဘူးတယ်ဆိုတော့ ယနေ့လူငယ်တွေ မယုံကြဘူး။ အသေအချာပါ။ ဂျပန် အီရန် ကိုရီးယား တွေကို အနိုင်ရ ဗိုလ်စွဲဘူးတာပါ။ ၁၉၆၀ကျော်က မြန်မာ့စက်မှုလုပ်ငန်းတွေဟာ အရှေ့တောင်အာရှမှာ အမြင့်ဆုံး ဖြစ်ခဲ့ပါတယ်။
.
လူငယ်တွေ မေးစရာရှိရမယ်။ ဒါဆ်ို ဘာကြောင့် ခုလို ပြောင်းပြန် ဖြစ်သွားရသလဲ။ မြန်မာပြည်သည် အောက်ဆုံးကို ဘာကြောင့်ရောက်သွားရသလဲ။ စင်ကာပူနဲ့ဘဲ ပြန်ယှဉ်ကြည့် ကြပါစို့။ လူဦးရေမရှိလို့လား။ သယံဇာတ မရှိလို့လား။ မြန်မာတွေ အရမ်းညံ့နေလို့လား။ ခုလောလောဆယ် ပြည်ပထွက်နေရတာ ဘာတွေကြောင့်လဲ။
.
လူငယ်တွေမှာ စဉ်းစားဥာဏ် ရှိပါတယ်။ တိုးတက်ချင်တဲ့ စိတ် ရှိပါတယ်။ နိုးကြားတဲ့ လုံ့လ ရှိပါတယ်။ သူများလုပ်နိုင်ရင် ငါဘာကြောင့် မလုပ်နိုင်ရတာလဲဆိုတဲ့ မခံချင်စိတ် ရှိပါတယ်။ ဒီအချက်တွေ ရှိနေရက်နဲ့ မြန်မာနိုင်ငံ ဘာလို့ အောက်ဆုံးရောက်နေရသလဲ။
.
လူငယ်တွေ သိပါတယ်။ နဲနဲလေး စဉ်းစားမိရင်ကို သိပါတယ်။ ဦးလေးပြောချင်တာက အောက်ဆုံးရောက်ရတဲ့ အဖြေကို သိပြီဆို ရုန်းထွက်နိုင်တဲ့ အဖြေကိုပါ။ လာတော့မဲ့ ရွေးကောက်ပွဲမှာ ဒီလို အခြေအနေဆိုးကနေ ဖောက်ထွက်အောင် လုပ်ပေးနိုင်မဲ့သူတွေကို မဲပေးဖို့ လိုပါတယ်။ ငါတို့က လူငယ်တွေဘဲ၊ နိုင်ငံရေးက ငါတို့နဲ့ မဆိုင်ပါဘူးလို့ မတွေးကြပါနဲ့။ လူငယ်တွေရဲ့ မဲတွေက နိုင်ငံရဲ့ ကံကြမ္မာ၊ တနည်း လူငယ်တွေရဲ့ ကံကြမ္မာကို ပြောင်းပေးနိုင်ပါတယ်။
လူငယ်တွေ မှန်ကန်စွာဆုံးဖြတ် နိုင်ကြပါစေ။

0 comments:

Post a Comment

စာမရေးဖြစ်တော့တာကြောင့် ကျနော်ကြိုက်ပြီး ဖတ်စေချင်တဲ့ စာလေးတွေကို တင်ထားပါတယ်ဗျာ

Followers

Total Pageviews

အမှာပါးစရာများရှိနေရင်

Pop up my Cbox

Blog Archive

အခြားကဏ္ဍများကို လေ့လာရန်

ရှာဖွေလေ တွေ့ရှိလေ

စာပေမြတ်နိုးသူများ

free counters
Related Posts Plugin for WordPress, Blogger...