ချစ်သောအမေ ( ၂ )

Khun Saing

ကမ္ဘာစစ်နဲ့ ပြည်တွင်းစစ်ကြီးထဲမွေးဖွားကြီးပြင်းခဲ့တဲ့.ကျေးလက်ကအမေ။ ခေတ်စနစ်အဆိုးထဲမှာ သားတယောက်ကိုရင်းနှီးခဲ့ရတဲ့အမေ

ပေါက်ပန်းဖြူ-လူတရပ်

တကယ်ဆို  ကျွန်တော် သိသလောက် အမေက ဗေဒင်တွေယကြာတွေ လုပ်လေ့လုပ်ထ ရှိတဲ့လူ မဟုတ်ပါဘူး။သူ့သားထောင်ကျမှလုပ်တတ်သလိုလျှောက်လုပ်လာတာပါ။ အဖွားရှိတုန်းကတော့ တောကသူ့အိမ်ခြံလေးထဲ နန်ကရိုဏ်းမယ်ကိုးထားတာ မှတ်မိတယ်။ ကလေးပီပီအဖွား နတ်ကွန်းသွား၊အင်တုံလေးထဲက- ကနဖေါ့စိုစိုစိမ်းစိမ်းလေးတွေ ဆိတ်လိုက်-ဖဲ့လိုက်လုပ် ။ အဖွားကမြင်ရင်အော်ပေါ့။
သူ့အိမ်ပေါ်နတ်ရုပ်တွေ နတ်မြင်းတွေက ကျွန်တော့်ကစားစရာ။ ကိုးမြို့ရှင်တဲ့။ ဒို့ကလယ်တွင်းကိုးခရိုင်အဆက်တွေဆိုလား။ ကိုယ်စိတ်ဝင်စားတာက နတ်မြင်းဖြူ။ အဖွားလစ်ရင်ကြိုးတွေသွားသွားဆွဲတယ်။  တခြားလူတွေအကျီအမဲဝတ်လာရင်  အဖွား
ဗြစ်တောက်ဗြစ်တောက်လုပ်တာမှတ်မိတယ်။နတ်မကြိုက်ဘူးတဲ့။ကျွန်တော်သိတ်နားမလည်။
အမေကအဖွားလုပ်တာတွေ လိုက်မလုပ်ပါဘူး။ စမ်းချောင်းကို အိမ်ပြောင်းခါစ အိမ်အဟောင်းမှာ အိမ်တွင်းနတ်အုန်းပါလာသေးတယ်။ ဒီလိုပဲဆက်ဆွဲထား။အိမ်အသစ်ဆောက်တော့ သားသမီးတွေ ကအပြိုင်းအရိုင်းအရွယ်ရောက်လာပြီ။
တယောက်တခန်းစီယူလိုက်ကြတော့အိမ်တွင်းနတ်အုန်းဆွဲစရာနေရာမရှိတော့။ဘုရားခန်းမှာလည်းနတ်အုန်းမဆွဲ။ ဒါနဲ့အိမ်တွင်းနတ်အုန်းနေရာ ပျောက်သွားရှာရော။
ဒါပေမယ့်စစ်အစိုးရကာလရှည်ကြီးကြောင့်အမေ့ဘုရားခန်းမှာယကြာတွေပိုပို များများလာခဲ့တယ် လို့ကျွန်တော်ထင်တာပဲ။ကျွန်တော်သရက်ကပြန်လာတဲ့အချိန် ကျွန်တော့်ငယ်ငယ်ကဓါတ်ပုံလေး တပုံ-ဘုရားစင်ပေါ်က မှန်ဒေါင့်တခုမှာတင်ထားတာတွေ့မိပြီ။ ဓါတ်ပုံနားမှာ  ရေချမ်းခွက်ကတခွက်။ ယကြာပန်းလေးတွေကအစုံ။ သားအတွက်အမေဘာတွေများဆုတောင်းနေခဲ့သလဲ။ အမေ့ကို နှိုက်နှိုက်ချွတ်ချွတ်တခါမှမမေးဖြစ်ခဲ့ဘူး။အမေစိတ်သက်သာရင် ပြီးတာပဲဆိုပြီးဖာသိဖာသာ နေလိုက်မိပါတယ်။
ကျွန်တော်ထောင်ထဲကာလတလျောက်လုံးအဝေးကနေမိခင်ကြီးသားဇောနဲ့သူနိုင်သမျှကျွန်တော်အန္တရာယ်ကင်းဘို့ကျန်းမာဘို့ဆိုပြီးကောင်းနိုးရာရာတွေလျှောက်လုပ်ပါတယ်။      ဒီတခေါက်ပဲခူးကိုသွားတဲ့အကြောင်း၊ဒီတခေါက်ညောင်လေးပင်ကိုသွားခဲ့တဲ့အကြောင်း၊….ဘယ်ဆရာတော်ကြီးနဲ့တွေ့ပြီးဘယ်လိုဖူးခဲ့ကြောင်း။သားအတွက်ရည်စူး-ဘာတွေလုပ်ခဲ့ကြောင်း၊ဘယ်လို ကုသိုလ်တွေ
ပြုခဲ့ကြောင်း-ဘယ်မှာ-ဘယ်ဆရာက-သားအတွက် ဘယ်လိုဟောလို့ ဘယ်လိုယတြာတွေ ချေခဲ့ကြောင်း....ဧည့်တွေ့လာတဲ့အခါတွေမှာပြောပြော ပြပါတယ်။ကျွန်တော်က-ဟုတ်ကဲ့-အင်း-လိုက်-အသာနားထောင်-အော်ငါ့အတွက်နဲ့အမေပင်ပန်းလှပါလား - စိတ်ထဲမှာ  -ထိခိုက်မိပါတယ်။
 သရက်ထောင်ဝင်စာခရီးကမိခင်ကြီးအတွက်နွေရာသီမှာဒုက္ခတမျိုးမိုးရာသီမှာဒုက္ခတမျိုး  .....မရိုး အောင်ပေးပါတယ်။ကမ်းပေါ်တက်ရတဲ့မော်တော်ဆိပ်တွေက ပုံသေမရှိ။ နွေတမျိုး မိုးတမျိုး။ နွေရေကျချိန်ဆိပ်ခံကနဂိုကမ်းနဲ့ကွာ၊တခါတခါမြို့နဲ့တမိုင်လောက်ကွာတဲ့နေရာသောင်ပြင်မှာ မော်တော် ကပ်ရသတဲ့။အဲဒီအခါနေပြင်းပြင်းအောက်သောင်ပြင်ပူပူကြဲကြဲကြီးထဲထောင်ဝင်စာ
ထုတ်အလေးအပင်တွေတဖက်နဲ့ဖြတ်ရတာပင်ပန်းလှကြောင်းနဲနဲထုတ်ညည်းရှာပါတယ်။ဧည့်တွေ့ လာချိန်ကအချိန်အကန့်အသတ်နဲ့သတ်မှတ်ချိန် မှီအောင်လာရတာမျိုးဆိုတော့ ဧည့်ချိန်မှီအောင် သရက်ဖက်ကမ်းကူးစရာ-မော်တော်ချိန်အဆင်မသင့်တဲ့အခါမျိုး-ကြုံသလိုလှေနဲ့ကူးရတဲ့ အခေါက် တွေလည်းရှိသတဲ့။မိုးတွင်းကမ်းလုံးပြည့်ရေကြီးချိန်ဆို....အောင်လံ-သရက်-မော်တော်တွေ တောင် ဧရာဝတီမြစ်ကိုအထက်တော်တော်ဆန်ပြီးမှ ဖြတ်ကူးရတာ။လှေနဲ့ကျ ပိုဆိုးတာပေါ့။အမေ ငယ်ငယ်ကတည်းက ရေကြောက်တတ်တာကျွန်တော်သိတယ်။ ရေလမ်းသွားရမှာ သိတ်ကြောက်တတ်တဲ့အမေ-ခုတော့သားဇောနဲ့မကြောက်နိုင်ရှာဘူး။  လှိုင်းလေတွေကြီးရင်-ရင်တုန်ပန်းတုန်-သံဗုဒ္ဓေကိုတွင်တွင်သာရွတ်လာရကြောင်းပြောရှာပါတယ်။ ကျွန်တော်က အမေ့ကိုမညှာနိုင်ခဲ့ပဲ ကိုယ့်ရူးသွတ်မှုနဲ့ ကိုယ်-ကာလရှည်ကြီးကိုဖြတ်သန်းနေခဲ့သူတယောက်။

 ၉၈ မှာ ရွှေဘိုထောင်ရောက်တော့ အမေ လစဉ် မလာနိုင်ရှာတော့ပါ။ အမေမလာနိုင်တဲ့လမျိုးမှာ ညီတလှည့်၊ယောက်ဖညီမကတလှည့်လာပေးပါတယ်။အဲဒီမှာရာသီဥတုကပြင်း၊အစားအသောက်ကလည်းအတော်ဆင်းရဲ။  ကျွန်တော့်ကျန်းမာရေးလည်းအတော်ချူချူချာချာဖြစ်လာခဲ့ပါတယ်။တီဘီမဖြစ်ခင်မှာလေးဖက်နာလိုလိုနာတာရှည်အဖျားနဲ့အဆစ်အမြစ်တွေကိုက်ခဲတဲ့ရောဂါအရင်ပေါ်တယ်။အမေလာတဲ့အခေါက်ဧည့်တွေ့ချိန်တခုမှာ-ကျွန်တော်ကအတော်အားနည်းနေပြီး စကား ပြောရင်အသံတိမ်၊အသံပြတ်နေတော့အမေ အတော်စိုးရိမ်သွားပုံရတယ်။  နောက်တခေါက် ထောင်ဝင်စာကယောက်ဖတော်ဆရာဝန်အလှည့်။သူလာတွေ့တော့ထောင်ဝင်စာထုတ်တွေတဖက်။တခြားတဖက်မှာကသူ့အရပ်ထက်ရှည်တဲ့သစ်ကိုင်းအရှည်ကြီးတချောင်း ။ကို့ယို့ကားရား ကိုင်ဝင်လာတာတွေ့ပါတယ်။ ဘာလဲ လို့မေးတော့ ပေါက်ပန်းဖြူပင်ဖြစ်ကြောင်း။ အမေက သေချာမှာလိုက်တာဖြစ်လို့-မှာတဲ့အတိုင်း-သေသေချာချာလိုက်လုပ်ရန်ဖြစ်ကြောင်းပြောပါတယ်။ ပေါက်ပန်းဖြူကကျွန်တော့်အရပ်နဲ့ဆတူ။  အခက်အလက်ထွင်ပြီးသား။လုံးချောအပင်တပင်ကို
အပြတ်ခုတ်လာပုံ။ယတြာအလိုကတိုက်ခန်းပြန်ရောက်တာနဲ့အဲဒီအပင်ကိုအပိုင်းပိုင်းခုတ်ထစ်မီးရှို့ရမှာ။အဲဒီမီးမှာကျွန်တော့်အ၀တ်တစုံထည့်၊ ပြာကျတဲ့အထိမီးမြိုက်လိုက်ဘို့အမေမှာပါတယ်။ ကျွန်တော် စိတ်အတော်ရှုပ်သွားပါတယ်။ အော် အမေ..အတော်ပူပန်တတ်တာပါလား။  ကိုယ့်မှာ ဒါမျိုးတွေကိုမယုံကြည်သော်လည်းမိခင်ကြီးကိုသနားစိတ်၊စိတ်ချမ်းသာစေချင်သောစိတ်၊ လိမ်မပြောချင်သောစိတ်တို့နဲ့အမေမှာသလို အကုန်လိုက်လုပ်ပါတယ်။နောင်ပြန်သိရတဲ့အခါ အဲဒီပေါက်ပန်းဖြူတရပ်စာထောင်ထဲရောက်ဘို့ဆိုင်ရာပိုင်ရာထောင်ဝန်ထမ်းတွေကိုငွေအတော်များများလာဘ်ထိုးရတယ်လို့သိရပါတယ်။အတော်အဆင်မပြေတဲ့ယတြာပါ။ပေါက်ပန်းဖြူကိုဘယ်ကရှာလာသလဲ-ယောက်ဖကိုခုထိကျွန်တော်မမေးဖြစ်။ ရန်ကုန်ကရွှေဘိုအထိသယ်လာတယ်မထင်။ ဘ၀မှတ်မှတ်ရရတွေက မိခင်တွေရဲ့ သားသမီးအပေါ်ထား တဲ့ မေတ္တာကို -ထာဝရအမှတ်ရစရာ၊စိတ်ဖြေသိမ့်ရာ၊စိတ်မလုံခြုံဘူးလို့ထင်တဲ့အခါတိုင်းပြန်တွေးရင်စိတ်နားခိုလုံခြုံရာနေရာတခု ဖြစ်စေပါတော့တယ်။


  ကျွန်းကုတင် နဲ့ ရှန်သားခြင်ထောင်

 ကျွန်တော်သရက်ကအပြန်အမေက သား အိပ်ခန်းကို သေချာပြန်ပြင်ထားတယ်လို့ပြောပြပါတယ်။ မောင်နှမမွေးချင်းတွေအားလုံးအသီးသီးအိမ်ထောင်ကျ။တချို့အိမ်ခွဲ။အမေမြေးတွေရတဲ့အထိကိုယ်ကအိမ်ထောင်မကျတော့အစစအရာရာအမေကဂရုစိုက်တုန်း။တခြားသားသမီးတွေကသူတို့ကိုဂရုစိုက်မယ့်လူတွေရှိပြီ။သားမှာကအမေပဲရှိတာလို့ မကြာခဏပြောတတ်ပါတယ်။အသက်၄၀ကျော် တဲ့အထိအိမ်ထောင်မကျတဲ့သားဟာကိုယ့် ဖာသာတာဝန်မယူနိုင်သေးတဲ့သားလို့များ အမေမှတ်သလားမသိပါ။အိမ်အပေါ်ထပ်နောက်ဆုံးအခန်းကသီးသီးသန့်သန့်အဖြစ်ဆုံးနဲ့
လေ၀င်လေထွက်အကောင်းဆုံးအခန်းမှာကျွန်တော့်အတွက်တယောက်အိပ်လည်းမက။၂ယောက်အိပ်လည်းမကျတဲ့ ကျွန်းကုတင်သစ်တလုံးဝယ်ဆင်ပေးထားတာတွေ့ပါတယ်။ ကျွန်တော်က ခါးနာတတ်တော့မွေ့ယာနဲ့မအိပ်နိုင်ဘူး။အမေသိတယ်။  သင်ဖြူးချောဖျာအင်မတန်ကြိုက်တာ
လည်းသိတယ်။ခြင်ထောင်ဆိုနိုင်လွန်မကြိုက်။ရှန်သားမှအေးတယ်လို့ထင်-ကြိုက်တဲ့သူ။ရှန်သားက အသားကိုထိရင်-အေးတယ်လို့အမေ့ကိုပြောဖူးတယ်။အမေက အဲလိုပြောထားတာတွေကို မှတ်မှတ်သားသားနဲ့အားလုံးစီမံပေးထားရှာတာ။


 အဝေးက ပို့တဲ့မေတ္တာတွေ... သားရတယ်မေမေ

        မြန်မာပြည်ကထွက်ခဲ့ပြီး ထိုင်းဘက်ကမ်းကူးမိပြီးတာနဲ့ အရင်ဆုံးဖုန်းဆက်မိတာအမေပါ။ အမေ့ကိုကန်တော့ကြောင်း။စိတ်မပူဘို့အကြောင်း။အမေ့စိတ်ပူမှာစိုးလို့ ခွင့်မပန်ခဲ့တာကို ခွင့်လွှတ်ဘို့အကြောင်း။အမေနေကောင်းအောင်နေဘို့အကြောင်း။အမေက ပြန်ပြီးဖုန်းထဲကနေ သူအရမ်းဝမ်းသာကြောင်း။စိတ်နဲနဲအေးသွားပြီဖြစ်ကြောင်း။ပြန်မလာဘို့အကြောင်း။ဒါပဲပြောတယ်။      ဥရောပကိုခြေချတော့လည်းကျန်းမာရေးဂရုစိုက်ဘို့ မိသားစုကိုဂရုစိုက်ဘို့သာ အမေပြောပါတယ်။ အခွင့်ရတာနဲ့ ပြန်လာတွေ့မယ်ပြောတိုင်း-ပြန်မလာနဲ့သားလို့ပြောတယ်။ သားကိုဘယ်တော့မှလွမ်းတယ် မပြောဘူး။ ဘာလိုစိတ်ခိုင်ရတာလဲအမေ။
အမေအသက်ကြီးပြီ။သေပျော်ပြီ။သေချင်းကိုလည်းဆင်ခြင်ပြီးပြီ။သားအဆင်ပြေနေရင်အမေ၀မ်းသာကြောင်းစိတ်ချမ်းသာကြောင်းပဲအမြဲပြောလေ့ရှိပါတယ်။ကျွန်တော့်မိတ်ဆွေ-အင်္ဂလန်က မြန်မာပြည်ကိုပြန်လည်ခွင့်ရတဲ့အခါ-အမေဆီဝင်တယ်။အမေလွမ်းလောက်ပြီ။ ကျွန်တော့်ကိုတခြား ဘာများမှာလိုက်သေးလဲ မိတ်ဆွေအပြန်မှာမေးတော့ အဲဒီမှာပဲအဆင်ပြေအောင်နေ။ အမေအားလုံးပြည့်စုံတယ်။အဆင်ပြေတယ်။ဘာမှစိတ်မပူဘို့။ ပြန်မလာဘို့သာမှာပါတယ်။ အိမ်ကိုဝင်ထွက်နေတဲ့မိတ်ဆွေအရင်းအခြာတယောက်ရန်ကုန်ကအင်္ဂလန်အလည်လာတဲ့အခိုက်
လည်းအမေဘာများမှာလိုက်လဲမေးတော့--ဒီမှာပဲအဆင်ပြေအောင်နေဘို့နဲ့-ပြန်မလာဘို့အကြောင်း မပြောင်းမလဲမှာပါတယ်။ မြန်မာပြည်ကြီးက မပြောင်းလဲသေးဘူးလား..မေမေ။ သားကိုလွမ်းကြောင်း...တွေ့ချင်ကြောင်းမပါသေးဘူး။
             ခုတော့အမေကအစာပိုက်နဲ့အိပ်ယာပေါ်မှာဖြစ်နေပြီတဲ့။ဖုန်းထဲမှာအမေ့အသံကအရမ်းအားနည်းနေတယ်။  အမေအိုကိုခွဲထားခဲ့တာ၈နှစ်တောင်ရှိပြီဆိုတော့အမေ ဒီလောက်ပဲတတ်နိုင် တော့မှာပါ။သားပြန်တွေ့နိုင်ဘို့ ကြိုးစားတာကြာပြီအမေ။ အမေသိမှာမဟုတ်ဘူး။ ဒီတခေါက်သား အိမ်ပြန် ရောက်ခဲ့ရင်အမေ့ဘေးမှာသားအိပ်ချင်သေးတယ်။အမေ့ရင်မှာ သားခဏလေးလောက်-ဖွဖွလေးခေါင်းမှီထားချင်သေးတယ်။သားအိပ်နေပြီဆိုပြီးအမေလာကြည့်။  ခြင်ထောင်ကိုဖျာအောက်သေချာအောင်လာထိုးပေးတာမျိုးလုပ်ဘို့အမေ့မှာ အားမရှိတော့ဘူးဆိုလည်း ကိစ္စမရှိတော့ပါဘူးအမေရယ်။
အမေ့ခြေအစုံကိုသား နဖူးနဲ့ဦးတိုက် ပြီး... သားနှလုံးအိမ်ကိုကြမ်းပြင်နဲ့အနီးဆုံးမှာချပြီး အမေ့ကို အရိုကျိုးဆုံးကန်တော့ချင်လို့ပြန်လာချင်တာပါမေမေ။ ငယ်ဘ၀ကပါးစပ်နဲ့ ကိုယ်တိုင်ဝါး။ အမေ့ကစီဖတ်မှာသားသမီးတပြုံတမကြီးလူဖြစ်လာအောင် ကျွေးမွေးပြုစုခဲ့တာတွေကို ပြန်အောက်မေ့ ရင်း အမေ့ကိုထွေးထွေးပွေ့... သားကိုယ်တိုင်အစာပြန်ခွံ့ပေးချင်လို့ပါအမေ။
 မေမေကိုယ်တိုင်ဈေးမသွားနိုင်၊မီးဖိုချောင်မ၀င်နိုင်တော့ဘူးဆိုလည်းအနည်းဆုံးဟဲ့ ဒန့်ဒလွန်သီး ချဉ်ရည်ဟင်းလေးချက်ပါဟဲ့။မျှစ်ချင်ကသားကြိုက်တဲ့ဟင်းပါဟဲ့။ပဲပုတ်စိမ်းကိုဆီနိုင်နိုင်ကြော်ပါဟဲ့-ဆိုပြီး...သားအတွက်သူများတွေကိုသြဇာလုပ်နေတဲ့အသံလေးလောက်နားထောင်ရရင်သား
ကျေနပ် မှာပါ မေမေ။သား အုတ်နံရံတွေကိုမှီပြီး အမေ့ကိုအောက်မေ့လို့ရေးခဲ့တဲ့ လွန်ခဲ့တဲ့ နှစ် ၂၀လောက်က .. ချစ်သောအမေ... ဆိုတဲ့ သီချင်းလေး အမေ့ကိုညည်းပြချင်သေးလို့ပါ။
။အမေ့ဘုရားစင်မှာသားဓါတ်ပုံလေးတွေတင်ထားတာရှိ သေးလား။သားအန္တရာယ်ကင်းစေဘို့ဆိုပြီး၊ သားနားမလည်တဲ့ပန်း.သစ်သီး.ဆီမီးရေချမ်းတွေနဲ့အမေချေလေ့ရှိတဲ့ယတြာလေးတွေကောရှိနေ သေးလားဆိုတာ (ကျေနပ်စိတ်-ချစ်ခင်စိတ်နဲ့)    စစ်ဆေးချင်သေးတယ်အမေ။
 သားပြန်လာတဲ့အခါ  မေမေ ပေါ့ပေါ့ပါးပါးဖြစ်အောင်၊ပူပန်ကြောင့်ကျမမှုတွေမဖြစ်ရအောင်-ပြောမယ်လေ။သားတို့လူ၂၃ယောက်တိတိကိုထောင်နှစ်ရှည်တွေအပြစ်ရစေ၊မွန်းကြပ်လှတဲ့
အကျဉ်းအကြပ်အုတ်ရိုးထဲအမှုတွဲစန္ဒယားဆရာတယောက်အသက်ရုတ်တရက်ဆုံးရှုံးစေ၊အထင်ကရရှေ့နေကြီး၎ယောက်လည်းလွှတ်ပေးလို့မကြာခင်မှာရခဲ့တဲ့ဒဏ်ချက်တွေနဲ့ဘ၀တွေအပြီး ကျောခိုင်းစေခဲ့တဲ့ကျောင်းသားလှုပ်ရှားမှုသမိုင်းစာအုပ်ကြီး။  အဲဒီ        စာအုပ်ကိုအခုစာရေးသူကိုယ်တိုင်ပြန်ထုတ်ခွင့်ရပြီတဲ့။ သူထောင်ကလွတ်လို့တရားဝင်ပြန်ထုတ်ပြီးပြီ။ လူတွေလည်း စိတ်အေးလက်အေးနဲ့ ဆိုင်တွေမှာဝယ်ဖတ်လို့ ရနေပြီဆိုတဲ့အကြောင်းပြောချင်သေးတယ်မေမေ။ ညအချိန်နောက်ကျကျအိမ်ရှေ့မှာကားရပ်တဲ့အခါ။ လူဆင်းလာတာ သားနဲ့တွေ့ချင်လို့ဆိုပြီး သားနံမည်မေးလာတဲ့အခါထိတ်ထိတ်ပြာပြာဖြစ်စရာ မလိုတော့ပါဘူးမေမေရယ်။ ဒီနေ့သားသူငယ်ချင်းတွေလည်းလက်ကိုင်ဖုန်းတွေကိုင်နိုင်လောက်ပါပြီ။ သူတို့လာမလည်ခင် ဖုန်းအရင်ကြိုဆက်ကြမှာပါ။သားမိတ်ဆွေမဟုတ်-အချိန်မတော်လာတဲ့ဧည့်သည်တွေလည်း ခုတော့သူတို့ ကိုယ်တိုင်ကြုံဖူး။ခံစားဖူးသွားလို့ သားသမီးချင်းကိုယ်ချင်းစာစိတ်ရှိလောက်ပါပြီ။
    ဆင်းရဲနိမ့်ကျဖြစ်ခဲ့တာတွေ သက်တောင့်သက်သာရှိခဲ့တာတွေ စတဲ့အနိမ့်အမြင့်မျိုးစုံဖြတ်ပြီးတဲ့နောက်ဘ၀မှာရလာတဲ့အသိတရားက တန်ဖိုးနည်းတာများတာ အဓိကမကျဘူးဆိုတာရယ်။ တခါတလေခန်းနားလှတဲ့ နိုင်ငံတကာဟော်တယ်ကြီးတခုက ဧရာမအခန်းကြီးတခုထဲသားသားနားနားကုတင်ကြီးပေါ်အိပ်ရပေမယ့်  အိပ်လို့မပျော်တာ။စိတ် ကျဉ်းကြပ်နေတာ။တခုခုလိုနေတာဖြစ်တယ်အမေ။အရေးကြီးတာက သားအိပ်ဘို့အမေ တတ်နိုင်သလိုဝယ်ပေးတဲ့ကျွန်းကတင်လောက်တောင်မကြီးကျယ်လည်းရတယ်။ ဘ၀မှာတကယ် လိုတာသားအိပ်လောက်ပြီဆိုပြီးအမေတိတ်တိတ်လေးအနားလာကြည့်၊သားခြင်ထောင်ကိုသာသာ ဖိပေးသွားတယ်ဆိုတဲ့အသိ။အဲဒီအသိစိတ်နဲ့နွေးထွေးလုံခြုံတဲ့စိတ်လေး။
 နောက်ဆုံးတော့ မေတ္တာဆိုတာ သွားလေရာရာဆောင်လို့ရတဲ့ပစ္စည်း။ ကျေနပ်ခြင်းနဲ့စီးတဲ့-စုန်ရေ။နှလုံးအိမ်တွေကိုရွှင်လန်းစေတဲ့အငြိမ်းဓါတ်၊လောကကြီးကိုချစ်ခင်စိတ်နဲ့စောင့်ရှောက်ပေးတဲ့တရား။ ဒါတွေကိုသင်ကြားနားလည်ခဲ့ပါတယ်မေမေရယ်။


   မိခင်များနေ့ အတွက် သားသမီးများရဲ့ချစ်ခြင်းမေတ္တာဖြင့်
                                                      ခွန်ဆိုင်း ( ၃-၁-၂၀၁၅ )