Wednesday, January 7, 2015

ချစ်သောအမေ ( ၁ )

                      


 ၀န်ခံချက် ။   ။  ( မာတာကျေးဇူး…မြင့်ရ်မိုဦးကို… ရည်စူးဦးတင် ..စာပန်းဆင်လည်း ..ပီပြင်ရင်တွင်း…. အမိချစ်ခြင်းကို …ထင်လင်းခြင်းငှါ ….မဖွဲ့နိုင်ရာ)
 အိမ်အပေါ်ထပ် ဧည့်ခန်းမှာ နေ့လည်နေ့ခင်း သားသမီးတွေခင်းပေးတဲ့ သင်ဖျူးးဖျာလေးပေါ် တမှေးခဏ-အိပ်ပျော်နေရှာတဲ့ မိခင်ကြီးကို ကျွန်တော် အတော်ကြာအောင် စိုက်ကြည့်နေမိပါတယ်။ ဒီတခါ-ငါသွားမယ့်ခရီးကအရင်ခရီးတွေလိုမဟုတ်ဘူး။ ဒီခရီး ဘယ်လောက်ရှည်မယ်ဆိုတာလဲငါ မသိ။
အမေနဲ့ငါ…ဘယ်လောက်ကြာကြာဝေးသွားကြမလဲ မသိ။ဘာမှန်းမသိတဲ့ခရီးတခုကနေ.. ခလုတ်မထိ ဆူးမငြိပဲ အတားအဆီးမရှိပဲ ကျန်းကျန်းမာမာ အမေ့ဆီပြန်လာနိုင်ကောင်းမှာလား။မပြောနိုင်ဘူး။  ပြန်လာခွင့်နဲ့ အမေ့ရင်ခွင်-တခါပြန်ခိုဝင်ခွင့်ကော-ရှိဦးမလား။ အမေကကော-အရင်လိုပဲ-ငါ့ကို အသက်ရှင်ရက် စောင့်နေနိုင်မှာလား။ အဖေသွားလိုက်သလို နှုတ်မဆက်နိုင်ပဲ ထွက်သွားနှင့်မှာလား။ဘယ်ပြောနိုင်မှာလဲ။
                                                                 ဘာမှမသေချာမရေရာတဲ့မေးခွန်းပေါင်းစုံနဲ့နဲနဲတော့ငိုင်နေမိပါတယ်။ဒီမေးခွန်းတွေက တလလောက် ကြာအောင် စဉ်းစားလည်း- ဒီမှာပဲတ၀ဲတလည်လည်နဲ့  ချီတုံချတုံပဲ ။ခုလိုနေ့လည်နေ့ခင်းမှာ      အမေ-အိပ်တယ်ဆိုတာကကြက်အိပ်ကြက်နိုး-ခဏတဖြုတ်လေး။
ဆိုတော့  အချိန်ကသိတ်မရဘူး။ အဲဒီအသိလေး ၀င်လာတာခိုက်မှာထိခြင်းကြီးငါးပါးနဲ့ဦးချရပါတယ်။အမေနိုးသွားလို့ သူ့သားသူ့အနားမှာ ထိုင်နေတာ -ကန်တော့နေတာတွေ့သွားရင် မေးတော့ မှာသေချာတယ်။အဲဒီကျမှငါက လိမ်ပြောရမှာလား။ ဒါသိတ်မလွယ်ဘူး  ။ဘာမှမသိရှာတဲ့အမေ။ဘာမှမသိတာကောင်းပါတယ်။ ဘာမှန်းမသိတဲ့အဝေးတနေရာကို ထွက်သွားမယ်ဆိုတော့ စိတ်မပူတဲ့အမေမျိုး-ဘယ်မှာရှိနိုင်မလဲ။
              သွားတော့မယ်အမေ။သား-သွားတော့မယ်….. စိတ်ထဲက တိုးတိုး-နှုတ်ဆက်။  နောက်ကို  ဖြေးဖြေးဆုတ်လာခဲ့ပါတယ်။“ခွင့်လွှတ်ပါအမေ”--“ခဏခဏခွဲတတ်တဲ့သား” “မိသားစုအပေါ်တာဝန် မယူနိုင်တဲ့သား-တာဝန်မကျေတဲ့သား”“မိဘနှစ်ပါးအတွက်ဘယ်တော့မှလည်း စိတ်အေးချမ်းသာမှုကို မပေးနိုင်တဲ့ခရီးတွေကိုအကြိမ်ကြိမ်သွားတဲ့သား” “သွားတိုင်းလည်း လတွေနှစ်တွေ အများကြီးကြာတဲ့သား ” “ခု-အမေ့ကိုခွင့်မတောင်းပဲ…ထွက်သွားပြန်ပြီအမေ-ခွင့်လွှတ်ပါ-အမေ ‘ ဒီတခါဆို....သားခွဲတာ-စတုတ္တအကြိမ်ဖြစ်မှာပေါ့မေမေရေ ”
                       ဒီခရီးက.အရင်သုံးခေါက်လိုတော့မဟုတ်ပါဘူးအမေရယ်။အရင်ခရီးတွေတုန်းက အမေ့ရှေ့မှာ သူတို့ကချည်းခေါ်ခေါ်သွားကြတာ။အမေ့ခင်မျာသူပိုင်တဲ့ထင်တဲ့သားကိုသူတကယ်မပိုင်ရှာဘူး။
 ဘယ်သူမှလည်း ဘာမှမတတ်နိုင်ပဲထိုင်ကြည့်နေလိုက်ကြရတာ။ဒီတခါဒီခရီးကတော့-သားခရီးသားအပိုင်ပါ၊ ဒါပေမယ့်လည်း သားဘ၀မှာ ဒီတခါအဆုံးအဖြတ်ဟာ.အခက်ဆုံးပါပဲ။ .ကိုယ်တိုင်စိတ်ဆင်းရဲခြင်းကြီးစွာနဲ့...ဆုံးဖြတ်ရတဲ့ ဘ၀ရဲ့ အခက်ခဲဆုံးအဆုံးအဖြတ်လို့ဆိုရင်မမှားဘူးထင်တယ်မေမေ။ကိုယ်ချစ်တဲ့မြေကိုစွန့်ရမှာ။ပြီးတော့လဲပြိုလုဆဲဆဲအမေ၊အပြီးမလဲပြိုခင်လေး- သားကြီးကိုမှီခွင့် လေးများ အချိန်နဲနဲလောက်..သားကပေးဦးမလား ( ပါးစပ်ကထုတ်မပြောပေမယ့်) တွေးနေမယ့်အမေ။ ဒ်ီအမေအိုကိုစွန့်ခဲ့ရမှာ။ ဘယ်လွယ်မလဲအမေ။
                                  ခွဲထားခဲ့ရမယ့်အမေ့ကိုဘယ်လိုပြောရမလဲ။ပြောမထွက်ဘူး။ သားခရီး သားအပိုင်ဆိုပေမယ့်ဘာတခုမှရေရေရာရာမဟုတ်ဘူး။ စစ်ဆေးရေးဂိတ်တွေအဆင့်ဆင့်ဖြတ်ရမယ်။ ရှေ့ဘာဖြစ်မယ်ဆိုတာဘယ်သူမှ မပြောနိုင်ဘူး၊ မသိနိုင်ဘူးအမေ။ဒီတော့ ဒီအခိုက်အတန့်လေး အမေ့ကို တကြောင့်ကျကျ -သား မထားရက်ခဲ့ဘူး။   ဒီခဏတဖြုတ်အခိုက်အတန့်လေးမှာငြိမ်းငြိမ်းချမ်းချမ်းအိပ်ပါအမေ။အမေ့ကိုအိမ်သားတွေ အသိပေးတဲ့ အချိန်ကျရင်သား-အဝေးကြီး ရောက်နေ လောက်ပြီ ။ဒီညတညလုံး သားခရီးနှင်မယ်။ အမေနိုးလာလို့ ခါတိုင်းလိုသူ့သားကြီးကိုမေးရင်သူ့သားကြီးဆေးခန်းမှာအလုပ်တွေရှုပ်နေလို့ဒီတညတော့ အိမ်ပြန်မလာ ဘူးလို့အမေ့သမီးက..ညာပေးထားမှာပေါ့။ အစစအရာရာအစီအစဉ်အတိုင်း အဆင်ပြေရင်မနက်ဖြန် နေ့လည်ဆို  သား ရေခြားမြေခြား-ရောက်နေလောက်ပြီ-အမေ။

ဘ၀-အချိုးအကွေ့တခု(၂၀၀၆)

ဒီတခေါက်ကျွန်တော်ရွှေဘိုကပြန်လာတဲ့အချိန်မှာအမေ-သိသိသာသာ စိတ်ဓါတ်ကျသွားတာတွေ့ပါတယ်။ သားဒီတခါပြန်လာတာက-လူမမာရုပ်နဲ့-ပါးချောင်နချောင်တွေကကျ။တီဘီဆေးပြတ်ခါစ-သားပုံပန်းက သိသာပေမယ့်   အမေ-ပါးစပ်ကထုတ်မပြောဘူး။ အဖေကဆုံးသွားနှင့်ပြီ။ မိသားစုအခြေအနေက နဂိုလိုမဟန်။ အဘက်ဘက်ကယိုင်၊ကိုယ်ပေးတဲ့ဒဏ် အနှစ်၂၀ဆိုတော့ဘယ်သူခံနိုင်ကြမလဲ။  ၈၈ စကတည်းက-ဒီသားမောင်လက်ရုံးက မိသားစုစီးပွါးရေးကိုလှည့်မကြည့်။၈၈ပြီးတော့မင်္ဂလာဈေး-ဆေးဆိုင်ပြုတ်-လူ-ထောင်ထဲရောက်။မိသားစုတွေထောင်ဝင်စာလိုက်တွေ့ကြရ။၉၃အကုန်သရက်-တောရကပြန်လာပြီးပြီးခြင်း မိတ်ဆွေများဝိုင်းဝန်းမှုနဲ့ စိတ်တိုင်းကျလ္ဘက်ရည်ဆိုင်ထူလိုက်တော့ဟုတ်လာမလိုလို။အဖေပင်စင်စားနဲ့အမေမှီခိုနဲနဲအသက်ရှူသာ ။ဒါပေမယ့်ထောက်လှမ်းရေးတွေသတင်းပေးတွေကကိုယ့်ကိုလွှတ်မထားဘူး။သူတို့နေ့တိုင်းလာတတ်တဲ့ဒီဆိုင်လုပ်ငန်းမှာဖင်မမြဲချင်ဘူး။အနေအထားကိုကျွန်တော်မကြိုက်။
ခုလာသွားတဲ့လူကဘယ်သူလဲ။ဟိုနေ့ကခင်ဗျားနဲ့ထိုင်စကားပြောနေတဲ့လူကဘယ်ကလဲ။မကြာခဏ-ဒီလိုမေးတဲ့သူတို့မေးခွန်းတွေကို မဖြေချင်ဘူး။ သည်းညည်းမခံချင်ဘူး။ဝေ့လည်ကြောင်ပတ်လုပ်ရမှာကို စိတ်ကျဉ်းကြပ်ရတယ်။သူတို့ခေတ်မှာစီးပွါးရေး တဖက်နိုင်ငံရေးတဖက်လုပ်တာစိတ်ကူးယဉ်တာပါ။လူက အမှီအခိုကင်းကင်းနေချင်။သူတို့နဲ့ပြေလည်အောင်နေမှစီးပွါးရေးလုပ်နိုင်မယ့်ခေတ် ဆိုတဲ့အသိကိုလည်းလက်မခံဘူး။ သူတို့နဲ့ကင်းကင်းနေချင်တယ်။၁၉၉၇ရောက်တော့လုပ်ငန်းပြောင်းပြီ။သူတို့လာထိုင်မစောင့်နိုင်၊မမေးနိုင်တဲ့-ကိုယ်လည်းစိတ်ပါတဲ့အထူးကုဆေးခန်းတခုမှာ စိတ်ချင်းတူတဲ့ သူငယ်ချင်းတယောက်ကိုကူညီရင်း--အစပျိုးထူထောင်လိုက်တယ်။အဲဒီလိုထူထောင်စ၆လအကြာမှာတင်  ဘ၀ဟာတတိယ အကြိမ်ပြိုလဲသွားပြန်ရော။၉၈အစမှာထပ်ဖမ်းခံလိုက်ရတာ။ရှောင်တိမ်းချိန်ရရက်နဲ့ရင်ဆိုင်မယ်ကွာ-လုပ်လိုက်တာ။မိသားစုကို၇နှစ်ကြာဒုက္ခပေးမိပြန်ရော။ကျွန်တော့်ဒုက္ခ၀န်ထုတ်ကြီးကအိုကြီးအိုမ မိဘတွေ ကိုသေချာ ဖိစီးနှိပ်စက်ခဲ့ပါတယ်။
               ဒီတခေါက် ကျွန်တော်ရွှေဘိုကိုအပို့ခံလိုက်ရတဲ့အခါ မိအိုနဲ့ ဖအို စိတ်တွေဆောင်ကြပေမယ့် လူမပါနိုင်ကြတော့ဘူး။အရင်အခါတွေလို-ပုံမှန်လာတွေ့တာမျိုးမလုပ်နိုင်ကြတော့ဘူး။ကိုယ်တောင်၅၀နား ကပ်လာတာကွာ။နောက်ဆုံးနေ့တွေကိုလက်ချိုးနေတဲ့အဖေ။တသက်လုံးဘ၀ကြမ်းခဲ့တဲ့အဖေစစ်သားကြီး။ အိန္ဒိယနယ်စပ်-ကိုဟီးမားမြို့အထိအင်္ဂလိပ်ကိုကုန်းကြောင်းချီထပ်ချပ်လိုက်တိုက်ခဲ့တဲ့။ဗိုလ်မှူးဗထူးဗိုလ်မှူးစိန်ဝင်းတပ်မှူးတွေအမိန့်အောက်မှာဂျပန်ကိုပြန်တွယ်ခဲ့တဲ့။
အင်းစိန်နဲ့ခ၀ဲခြံတ၀ိုက်အသေအကျေလှံစွပ်ထိုးလုံးထွေးရန်ကုန်အစိုးရကိုကာကွယ်တယ်ဆိုတဲ့အဖေ။ချီဘွေလောခေါင်မချမ်းဘောနော်မုန်းအစွန်အဖျားအထိခြေလျင်တက် စစ်ထိုးရ တဲ့အဖေ။ဒီလိုပြည်တွင်းစစ်တွေမှာရတဲ့မော်တာကျည်သင့်တဲ့ခြေ။ကျည်၂ခါသင့်တဲ့ကိုယ်နဲ့လက်။ သေရာပါ ဒဏ်ချက်တွေကြောင့်ကျေည်မကုတ်နိုင်၊ ဆေးအဆင့်မမှီတော့မှနောက်တန်းမှာနားခွင့်ရတဲ့ အဖေ။သားကြီးဆရာဝန်ဖြစ်ရင်အဖေ တာဝန်ကျေသေပျော်ပြီဆိုတဲ့မျှော်လင့်ချက်တွေကို ရိုက်ချိုးခံရရှာတဲ့အဖေ။
                                သားမိုက်ကြီးရှိတဲ့ရွှေဘိုကိုတခေါက်ပဲကြိုးစားလာတွေ့နိုင်ရှာပါတယ်။ တကြိမ်ထဲ သောဒီထောင်ဝင်စာကသူ့သားကိုနောက်ဆုံးလာတွေ့သွားတာဆိုတာကျွန်တော်သဘောမပေါက်လိုက်ပါဘူး။ကိုယ်ကနိုင်ငံရေးတွေနဲ့သူရဲကောင်းလုပ်။
ဖေါင်ဖွဲ့ကောင်းနေခဲ့တုန်းပေါ့။
ရန်ကုန်ရွှေဘို-ခရီးကအသက်ကြီးသူတွေအတွက်-အတော်ပြင်းတဲ့၂ညအိပ်သွားရတဲ့ခရီးမျိုး။  ရန်ကုန် မန္တလေးအမြန်ရထားတွဲတွေတ၀ုန်းဝုန်း။မြစ်ကူးပြီးရွှေဘိုအထိကားဆက်စီးရတဲ့ဒုက္ခ။စုစုပေါင်းခရီးမိုင် မိုင်၅၄၀။ဒါတွေကတသက်လုံးတောအဆင့်ဆင့်တိုး၊တောင်အဆင့်ဆင့်ဖြတ်။သေနတ်ဒဏ်။ကျောပိုးအိတ်
ဒဏ်။ခါးနာဒဏ်တွေနဲ့အဖေ့ကိုပြန်နှိပ်စက်ကြလေတော့ ကျွန်တော်ဆီကအပြန် အိပ်ယာထဲ အတန်ကြာလဲနေတယ်သတဲ့။၂၀၀၃ထဲရောက်တော့သားပြန်ရောက်တဲ့အထိ မစောင့်တော့ဘူး။သားကိုတမ်းတ-ကွယ်လွန်သွားသတဲ့။ကိုယ်လွတ်လာတော့
ဆွေမျိုးတချို့ပြန်ပြောပြလို့သိရတာ။ အမေကဘာမှပြန်မပြောပါဘူး။
      အဖေကွယ်လွန်ပြီးတလကျော်ကြာညီလာတွေ့တဲ့အခါမှာအဖေဆုံးသွားပြီဆိုတာ သိရတယ်။ကျန်နှစ်တွေကို အမေအိုနဲ့ညီက တလှည့်။ဒါမှမဟုတ်ယောက်ဖနဲ့ညီမတလှည့်စီထောင်ဝင်စာလာ။ကျွန်တော်ရပ်တန့်သေဆုံးနေတဲ့ဒီရွှေဘိုတောရ၇နှစ်လုံးလုံးသားလူမိုက်ထောင်ဝင်စာတွေ့ဖို့
အပူသောကလုံးတွေပိုက်၊အညာနေပူမြေပူကို  အမေ.......အကြိမ်ကြိမ်ဆန်ခဲ့တယ် ပြောရင် မမှားပါဘူး။

၂၀၀၄နိုဝင်ဘာ-၇နှစ်ပြည့်ဘို့၂လအလိုမှာကျွန်တော်ထောင်ကလွတ်။ ၇နှစ်ကြာ ဝေးသွားတဲ့သူငယ်ချင်းဆေးခန်းမှာ ပြန်အလုပ် လုပ်ပေမယ့်အမေကသူ့သားကိုစိတ်မချတော့ဘူး။မယုံတော့ဘူး။သူ့သားဒီတသက်ဒီနိုင်ငံရေးကိုစိတ်ကုန် မှာမဟုတ်တော့ဘူးလို့စွဲသွားပုံပါ။ပြည်တွင်းနိုင်ငံရေးကလည်းဘာမှမတိုးတက်ဘူး။ ၂၀၀၆မတ်လထဲမှာ အလုံမြို့နယ်ကနိုင်ကျဉ်းဟောင်းကိုသက်နိုင်ဦးတယောက်မြို့နယ် အာဏာပိုင်တွေရဲ့လက်မရွံ့တွေက ရပ်ကွက်ထဲမှာပဲဝိုင်းရိုက်လို့အသက်ဆုံးပါးရတယ်။ ဒီသတင်း တနိုင်ငံလုံးဟိုးလေးတကျော်ဖြစ်-အမေ ကတီဗွီသတင်းကတဆင့် သိ။  ကိုသက်နိုင်ဦးမိသားစုနဲ့-အမေ-အင်းစိန်ထောင်ဝင်စာမှာဆုံဖူးနေတော့  သိနေတဲ့ဘ၀တူမိသားစုမို့  စိတ်လည်းအတော် ထိခိုက်သွားပုံရပါတယ်။  ကိုသက်နိုင်ဦးဆုံးပါးရပုံကလည်း  မြို့နယ်လုံခြုံရေးနဲ့ အာဏာပိုင်တွေလက်ချက်ဆိုတော့-သိသိသာသာထိတ်လန့်သွားပါတယ်။ သူ့သား လည်းရပ်ကွက်ထဲမှာမလုံခြုံနိုင်ဘူး။        အချိန်ပြည့်မျက်စိဒေါက်ထောက်စောင့်ကြည့်ခံနေရတဲ့သား ၊ဒါကို သူသိတယ်။ရပ်ကွက်အာဏာပိုင်တွေနဲ့ကိုယ့်အိမ်နဲ့က-မဆလခေတ်ကတည်းကခတ်တန်းတန်း၊ ခတ်စိမ်း စိမ်း။ခုလိုနေရာတကာစွမ်းအားရှင်လိုလိုဘာလိုလိုအာဏာပိုင်မွေးလူတွေခေါင်းထောင်လမ်းသလားစပြုတဲ့အချိန်မှာ ဒီစိုးရိမ်စိတ်တွေနဲ့ အမေအိပ်မပျော်တော့ဘူး။

အေးစက်တဲ့ မနက်ခင်း ကော်ဖီဝိုင်း

ကိုသက်နိုင်ဦးဆုံးလို့မကြာခင်တမနက်-ကော်ဖီဝိုင်းမှာအမေနဲ့ ကျွန်တော်၂ယောက်ထဲကော်ဖီသောက်ရင်း အမေ စကားတွေ အများကြီးစပြောပါတယ်။ သူအိပ်မပျော်ကြောင်း။ တိုင်းပြည်က သိသာထင်ရှားကောင်းမွန်တဲ့ဘက်ကိုမရောက်ပဲပိုဆိုးလာတယ်လို့သူထင်ကြောင်း။ကျွန်တော့်အတွက် အသက်အန္တရာယ်စိုးရိမ်တဲ့အကြောင်း။ဗေဒင်အလိုအရကျွန်တော့်ကံဇာတာကအဆိုးဂြိုလ်စီးထဲကမထွက်
သေးကြောင်း။ဒီတခါကျွန်တော်ထောင်ထဲထပ်ဝင်ရရင်ခါတိုင်းလိုသူလာတွေ့ဘို့ သူ့ကျန်းမာရေးအခြေအနေ မပေးတော့ဘူးထင်ကြောင်း။   ဒါအတွက် နေ့တိုင်းစိတ်ဆင်းရဲနေမိကြောင်း။
“ အမေမသေခင် သားကို လွတ်လွတ်လပ်လပ်ဘ၀နဲ့မြင်သွားချင်တယ်။  သားအဖေလည်း သူမသေခင်သားကိုလွတ်လွတ်လပ်လပ်တွေ့ချင်လိုက်တာ။တွေ့ခွင့်ရမသွားရှာဘူး။သား-ထောင်ထဲမှာ ဆိုတဲ့စိတ်နဲ့ ဆုံးတယ်။ မေမေလည်း အဲဒါကို စိုးရိမ်နေတယ်.. ဒီတော့ သား အဝေးကိုထွက်သွားပါ။ သား စိတ်ချရတဲ့နေရာတခုမှာ လွတ်လပ်နေပြီဆိုရင် အဲဒီအသိနဲ့ မေမေစိတ်ချမ်းသာလိမ့်မယ်။ မေမေ…နောက်ဆံမငင်ရပဲ-အသေဖြောင့်ချင်တယ်။ သားကိုမေမေ အဝေးကပဲလွမ်းပါရစေ .ဒီတသက် သားနိုင်ငံရေးကိုစိတ်မပြတ်နိုင်ရင် လွတ်ရာကျွတ်ရာကို  အရင်ထွက်သွားပါသားရယ်   ”
          ဒီလိုပြောဘို့အမေစကားပုလ္လင်တွေတော်တော်ချီခဲ့တယ်။မပြောပြဖူးတဲ့ အတိတ်ကထောင်ဝင်စာ အခက်အခဲတွေပါလာတယ်။ သရက်ထောင်ဝင်စာ လာတွေ့တုန်းကဧရာဝတီမြစ်လယ်ခေါင်ရောက်မှမုန်တိုင်းမိသတဲ့ ။မြစ်အကူးရုတ်တရက်ရေလည်ခေါင်မှာ--လေနီကြမ်းမိပြီး-စီးလာတဲ့လှေသမားကအနီးဆုံးသောင်ခုံကိုဝင်ထိုး မုန်တိုင်းစဲ တဲ့အထိခိုခဲ့ရတဲ့အကြောင်း။ အဲဒီအတွေ့အကြုံတွေကနေရွှေဘိုထောင်ဘက်ရောက်သွား။ ရွှေဘိုကအပြန်မှာမိုးကြီးလေကြီးမိပြီးငှါးလာတဲ့ကားက ပျက်
သွားလို့လမ်းဘေးကြုံရာအိမ်မှာခွင့်တောင်း-ဖြစ်သလိုအိပ်ခဲ့ရတာလဲပါလာတယ်။နောက်ဆုံး သူဘာပြောချင်လဲ ဆိုတာကို ကျွန်တော် သဲသဲကွဲကွဲ သိလိုက်တဲ့အချိန်မှာ အတော်ကြေကွဲသွားပါတယ်။ “  အော်  အမေ့......ငါ့ကိုနှင်နေတာပါလား။ အမေကို- ငါ တချိန်လုံး နှိပ်စက်သလိုပါလား ။ငါပေးတဲ့ဒုက္ခကကြီးတယ်။  ခု ငါ့ကို အဝေးထွက်သွားဘို့ပြောနေပါပေါ့လား  ”

အဲဒီတချိန်တည်းမှာ  ကိုယ့်ကိုဖိနေတဲ့ အတွေးစတွေက ကိုယ့်ထောင်ထဲက သီချင်းများကိစ္စ။ ကိုယ့်သီချင်းတချို့အခွေကနေ
နားထောင်ရတဲ့အကြောင်း စကာင်္ပူရောက်နေတဲ့ သူငယ်ချင်းတချို့ကလှမ်းပြော၊ ပြည်တွင်းက မိတ်ဆွေတချို့လာပြော။ တချို့က သတိပေးသလိုလိုလုပ်။လုပ်ဖေါ်ကိုင်ဘက် ကျောင်းတော်ပြန်ဟောင်းတယောက်က... ကျောင်းသားလှုပ်ရှားမှုသမိုင်း....စာအုပ် မှာခင်ဗျားဖါသိဖါသာလုပ်လိုက်လို့...ခင်ဗျား ခံလိုက်ရတယ်မဟုတ်လားလို့  ထောက်ပြတယ်။ကျောင်းသားလှုပ်ရှားမှုသမိုင်းစာအုပ်ထုတ်တုန်းက ထောက်လှမ်းရေးက ဖမ်း။စာအုပ်သိမ်း လူကို ပြန်လွှတ်ပြီးမှာ နောက်တဖွဲ့က ထပ်ဖမ်း။ ထောင်ချလိုက်တာကိုဆိုလိုတာ။    သားဘာလုပ်ရမလဲ အမေ.. အမေ ပင်ပန်းနေပြီ ဆိုတာသားသိတယ်။ အမေကိုဒုက္ခ္ခထပ်မပေးချင်တော့ဘူး။

ခေါင်းစွပ်ကိုဖင်ခုခဲ့တဲ့ -ထောင်ဝင်စာကာလများ

                ဒီလိုခေတ်မှာဒီလိုအမေနဲ့ဒီလိုသားတွေကြားမေတ္တာအတိမ်အနက်-အပြန်အလှန် လိမ်ဝှက် သိုသိပ်ခဲ့တာတွေလည်းရှိတယ်ဆိုတာဒီခရီးရှည်ကြီးဖြတ်သန်းမှသိခဲ့ရတာအမေ။တတိယအကြိမ် ထောင် ၀င်တော့ကျွန်တော်တို့ကိုထောင်မှာသီးသန့်အကျဉ်းသားဆိုတဲ့ ဝေါဟာရသစ်ထွင်ပြီး စစ်အစိုးရကအခေါ်အဝေါ်ပြောင်းတယ်။ နိုင်ငံရေးအကျဉ်းသားလို့မသုံးချင်တော့ရှောင်ပြီးသုံးတာ။
သတင်းတွေမှာဖေါ်ပြဘို့လိုရင် တိုင်းပြည်တည်ငြိမ် အေးချမ်းရေးကိုဆူပူနှောက်ယှက်ဖျက်ဆီးလိုသူများလို့သုံးတာပါ့။အင်းစိန်ကနေ....နယ်ထောင်တွေ-ပို့မပစ်ခင်မှာ ကျယ်ကျယ်ပြန့်ပြန့်နေရတဲ့အဆောင်ဆိုတာမျိုးနဲ့မထားပဲကြပ်ကြပ်တည်းတည်းတိုက်မှာလှောင်ထားတဲ့ပေါ်လစီနဲ့ထောင်ဝင်စာထွက်ရင်ခေါင်းစွပ်စွပ်
၊ထောင်ဝင်စာခန်းရောက်မှခေါင်းစွပ်ချွတ်ခွင့်ရတဲ့ပေါ်လစီ။ကိုယ်တွေကထောင်ဝင်စာအတွင်းခြမ်းမှာအရင်နေရာယူထားရတာ။ဒီခေါင်းစွပ်တွေနဲ့သားတွေကို အမေတွေများတွေ့ရင် စိတ်ဆင်းရဲရှာမယ်ဆိုတဲ့အတွေးကြောင့်ခေါင်းစွပ်ကိုဖင်ခုထိုင်ထားကြတယ်။ထောင်က ကိုယ်တို့ကိုနေရာချပြီးအဆင် သင့်ဖြစ်တော့မှ-လာတွေ့တဲ့မိသားစုတွေဝင်လာဖို့သူတို့ဘက်အခြမ်းတံခါးကိုဖွင့်ပေးတယ်။ မိသားစု တွေခင်မျာ မနက်စောစောတည်းက ထလာပြီးအပြင်မှာတနေ့လုံးတန်းစီစောင့်နေရတာ။ တခါတလေ ညွှန်ချုပ်၊ထောင်ပိုင်စတာတွေကထောင်ပတ်စစ်ဆေးနေလို့ဆိုပြီး-နေစောင်းတဲ့အထိမိသားစုတွေ ဗူးဝမှာဆီးချုပ်ဝမ်းချုပ်စောင့်ရတဲ့ရက်တွေလည်းရှိသေး။ကိုယ်ကပြုံးနေတဲ့မျက်နှာနဲ့အမေကိုနှုတ်ဆက်။ အမေနေကောင်းလား သားနေကောင်းတယ်၊အားလုံးအဆင်ပြေတယ်အမေပေါ့။   ဒီလိုပဲနှုတ်ဆက်၊ ယုံတာမယုံတာထား။အမေကလည်း သားရေ..အမေနေကောင်းတယ်။ အဆင်ပြေတယ်။ အပြင်ကလူတွေအတွက်သားဘာမှမပူနဲ့။ သားသာ..နေကောင်းအောင်နေ။ တရားလုပ်ရဲ့လား။ ။ တရားထိုင်ဖြစ်ရဲ့လား။ ၁၅မိနစ်တွေ့ချိန်လေးမှာ လူတွေညပ်သတ်နေတဲ့ကြားမှာ အလုအယက်- မြန်မြန်ဆန်ဆန် အပြန်အလှန်-မှာစရာပြောစရာအကုန်လုပ်ရတာ။
တခါမှာတော့အမေပေးလိုက်တဲ့ထောင်ဝင်စာထုတ်ကြီးဆွဲ၊တိုက်ကိုအပြန်ကျမှလမ်းမှာ ဘယ်သူပြန်ပြောမှန်းမမှတ်မိတော့ဘူး။ခင်ဗျားအမေထောင်ဝင်စာအလာ-လမ်းမှာဆိုက်ကားမှောက်တယ်ဆို-သိလားတဲ့။ ဒူးတွေပေါင်တွေ  ကွဲပြဲပွန်းပဲ့လို့ဆိုပဲ။ကိုယ်မသိဘူး။ကြောင်နေတယ်။

 အင်းစိန်ကမ်းနားလမ်းမကြီးပေါ်ကနေ ထောင်ဗူးဝရောက်တဲ့အထိက အတော်ဝေးသေးတော့ထောင်ဝင်စာထုတ်သယ်လာရတဲ့မိသားစုတွေကဆိုက်ကားတဆင့် စီးရသေးတာ။ အဲဒီမှာအမေ-ဆိုက်ကားမှောက်တာ။အမေတယောက်လဲကွဲပွန်းပဲ့တာကိုယ့်ကိုဘာတခွန်းမှပြောမသွားဘူး။ ထောင်ဝင်စာခန်းမှာအမေ အပြုံးဆင်ပြီး..သားကိုတွေ့သွားတယ်။ ကိုယ်နဲ့ထောင်ဝင်စာအတူတူတွေ့တဲ့သူ က သူ့တို့အမေတွေကဆီကသတင်းရ။ ဒါကို  သူတို့  တဆင့်ပြန်ဖေါက်သည်ချမှကိုယ်ကသိ။ အဲဒီတော့မှ အော်..အမေ..  သား-သိမှာစိုးလို့ ငါ့ရှေ့ ဖုံးဖုံးဖိဖိလုပ်သွားတယ်ဆိုပြီးနားလည်။  မိဘမေတ္တာဆိုတာ ဒါပါပဲ…ဒါ တသက်စာ ပါပဲ အမေ။

       ထောင်ထဲမှာတော့မမေ့နိုင်တဲ့မိဘမေတ္တာဇာတ်လမ်းတွေအများကြီးကြားရတယ်။သား၂ယောက်ရှိနေတဲ့ အင်းစိန်ထောင်ရှေ့-အုတ်ရိုးကြီးတွေအပြင်ဘက်ကနေကျောင်းပိတ်-စနေတနင်္ဂနွေလိုနေ့တွေတိုင်း အထဲ မှာသူ့သားတွေရှိလေရဲ့ဆိုပြီးအမြဲလာငေးတဲ့အမေကျောင်းဆရာမကြီးတယောက်အကြောင်း။သားကိုလာတွေ့ရင်းအင်းစိန်ဈေးလမ်းပေါ်ကားတိုက်လို့ဆုံးပါးတဲ့အမေအကြောင်း။
ထောင်ထဲမှာသားခြင်ကိုက်နေရှာမှာဆိုပြီး အမေလည်းအိမ်မှာခြင်ထောင်နဲ့မအိပ်ဘူးဆိုတဲ့အမေအကြောင်း။သေဒဏ်ကျနေတဲ့ သားကိုမပြောရက်လို့ ကျွန်တော်တို့ကိုပဲ တိုးတိုးတိတ်တိတ်မှာ။  မင်းတို့သူငယ်ချင်းကို ပြောပြလိုက်ပါကွယ် သူ့အဖေ အရင်အပတ်က ဆုံးသွားပြီဆိုတာကို ဆိုပြီးလောင်မြိုက်နေတဲ့ သောကတွေမြိုသိတ်ဖုံးဖိပြန်တဲ့အမေအကြောင်း။ ဒါတွေက ကျွန်တော်တို့ဘ၀တွေကို အရောင်ရင့်ရင့် ဆေးခြယ်ကြတယ်။

မေတ္တာ ပိတုန်းစောင့်တဲ့-ကာလများ

၈၈ဖြစ်နေဆဲကာလတခုလုံးကော၊စစ်တပ်အာဏာသိမ်းအပြီး-ကာလတွေမှာပါမိခင်ကြီးကကျွန်တော့်ကို စိုးရိမ်စိတ်နဲ့ဟန့်တာ-တားတာ-ဘာတခုမှဝင်မလုပ်။သားကိုလက်လျော့ထားပုံ။ကျွန်တော်လည်းစစ်တပ်က အာဏာသိမ်းပြီးစအိမ်တွေကိုညညတက်ဖမ်းတဲ့ညမထွက်ရကာလကြမ်းကြမ်း-တလလောက်-ဟိုအိမ်ဒီအိမ် ၀ပ်ကျင်းလုပ်-နောက်ကိုယ့်အိမ်ကိုယ်ပြန်အိပ်။စီးပွါးရေးလုပ်ငန်းရှိရာ မင်္ဂလာဈေးက ဆေးဆိုင်ဖက် ပြန်မရောက်တော့ပဲဆက်လှုပ်ရှားနေခဲ့ပါတယ်။ပါတီတွေအများကြီးထဖွဲ့ကြ။နအဖကစောင့်ကြည့် လမ်းလွှဲ-ပရိယာယ်အကွက်ကြွယ်ကာလ၊ရွေးကောက်ပွဲသွားရေးမသွားရေးငြင်းခုန်ဆူညံကာလ။ကိုယ်၌က မြေပေါ် တရားဝင်တာတွေကော၊မြေအောက်တရားမ၀င်တာတွေကောရောထွေးလှုပ်ရှားနေတဲ့ကာလ ဒီလိုနဲ့ စစ်တပ်အာဏာ သိမ်းပြီး၁၀လအကြာမှာထောင်ထဲရောက်ပါပြီ။ မတရားတဲ့အမိန့် အာဏာ ဟူသမျှ-တာဝန်အရ-ဖီဆန်ကြကြွေးကြော်သံအောက်-ဟောပြောပွဲတွေလုပ်လို့မကြာလိုက်ခင်-န၀တ-က..ကွန်မြူနစ် တွေဆိုပြီး-တံဆိပ်ကပ်-ဖမ်းလိုက်တာပါပဲ။အမေနဲ့အဖေကကြိုတင်ခန့်မှန်းပြီးလို့လား၊မဆလ လက်ထက် ဖမ်းဆီးစဉ်ကအတွေ့အကြုံတွေအရလားမသိ-အိန္ဒြိရရပူပန်ဝမ်းနည်းပုံသိတ်မပြ။ ၅လအကြာမှာထောင်ဝင်စာ လာ တွေ့ကြ ပါတယ်။
                                        ၉၀ခုနှစ်စက်တင်ဘာလကုန်ခါနီးမှာတော့ကျွန်တော်တို့ထောင်ထဲကနေသပိတ်မှောက်ကြတယ်။၉၀မေလ ရွေးကောက်ပွဲ-ဒီချုပ်-အပြတ်အသတ်နိုင်တာကိုစစ်တပ်အာဏာမလွှဲတဲ့ကိစ္စ။ ဒါတိုင်းပြည်ကိုအရူးလုပ်တာ။ လူထုဆန္ဒကိုဂရုမစိုက်တာ။ဒါကိုတတ်နိုင်သလိုဖိအားပေးထောက်ပြရမယ်ဆိုပြီးထောင်ထဲကနေ ထချကြ တာ။တာဝန်ကျေခဲ့ချင်တယ်လေ။  အဲဒီတုန်းက အင်းစိန်တိုက်ခန်းများဝင်းအကန့်-တိုက်၆တိုက်-စုစုပေါင်းလိုက်ရင်အကျဉ်းသား၇၀၀ကျော်ရှိနေပြီးလူအားလည်းကောင်း၊တက်တက်ကြွကြွလည်းရှိတယ်။
အားလုံးနိုင်ငံရေးနဲ့ဆက်စပ်နေတာမဟုတ်ပေမယ့်၈၈အရေးအခင်းနဲ့ဆက်စပ်တာများတယ်-ရာဇ၀တ်မှုနဲ့ စွဲထားတဲ့ သေဒဏ်ကျ  ကြိုးသမားချည်း စုစုပေါင်းလူ တရာကျော်သေးတယ်။
               သပိတ်မှောက်တဲ့နေ့က-ထောင်ဖွင့်သံချောင်းခေါက်ပြီးတာနဲ့ကျွန်တော်တို့ကြွေးကြော်သံတွေ တိုင်၊မိန့်ခွန်းတွေချွေကြပေါ့။ဘ၀ရဲ့အကျဉ်းဆုံးနေရာကနေအကျယ်ဆုံးအသံနဲ့စကားပြောခဲ့ဖူးတာအဲဒီမှာ။ထောက်လှမ်းရေးတွေရောက်နေတာ
အုတ်ရိုးနားကပ်နားထောင်နေတာမသိ၊သူတို့ကလက်ကိုင်ဖုန်းတွေဖွင့်အသံဖမ်းပြီးလူကြီးတွေဆီတိုက်ရိုက်သတင်းပြန်ပို့နေတာလို့နောက်မှသိရတယ်။တိုင်းပြည်အာဏာ-လူထုကို လွှဲပြောင်းရေးအဓိကကြွေးကြော်ကြတာပါ။မွန်းတည့်တော့ကျွန်တော်တို့အသံတွေကုန်နေပြီ။သပိတ်ကစိတ်လှုပ်ရှားစရာနဲ့-ရီစရာအကွက်တွေလည်းပါတယ်။
             ထောင်အာဏာပိုင်တွေကနံရံ လေးဖက်လေးတန်မှာလော်စပီကာတွေဆင်ပြီးတွံတေးသိန်းတန်-ကိုတင်လှိုင်သီချင်းတွေနဲ့အသားကုန်တန်ပြန်တယ်။စာဥရေငါအရောက်ပြန်ခဲ့မှာကိုထပ်တလဲလဲကျော့။ဆုတောင်းတိုင်းသာ-ပြည့်စေချင်ပါသည်-လည်းပါ။ နောက်ဆုံးတိုက်ဝင်းထဲကိုလုံထိန်းနဲ့စစ်တပ်တွေဝင်လာပြီး မကြာခင်တဦးစီခေါ်ထုတ်ရိုက်နှက်သပိတ်ကိုဖြိုပါတော့တယ်။တိုက်၎မှာကျွန်တော့်အခန်းကထိပ်ဆုံးခန်းဆိုတော့အရင်ဆုံးကိုယ်ကခေါ်ထုတ်ခံရတယ်။
အခန်းကထုတ်ထုတ်ချင်းထောက်လှမ်းရေးဗိုလ်ကြီးကကိုယ့်နံမည်မေးစထိုးကြိတ်တော့တာပဲ။နောက်ဝန်ထမ်းတွေကခေါင်းကိုပုဆိုးနဲ့စုချီပြီးလက်ထိပ်နောက်ပြန်ခတ်ခေါ်သွားကြ။
တိုက်ဝင်းကွက်လပ်လို့ထင်ရတဲ့နေရာမှာတွန်းလှဲမြေကြီးမှာမှောက်ရက်ကျနေတုန်းမှာ ဘယ်သူတွေဘေတယ်တော့မမြင်တော့ဘူး။ကျောနဲ့တင်ပါးဆီကိုနံပါတ်တုတ်တွေအဆက်မပြတ်ကျလာတယ်။  အသားကုန်တွယ်။ အသားနာတော့အော်နေရတာပေါ့။ အဲဒီမှာမှ တမင်သက်သက်လား၊တိုက်ဆိုင်တာလား မသိဘူး။ကိုတင်လှိုင်ရဲ့အမုန်းခွန်အားပေးသနားပါ-သီချင်းကိုကြားနေရတာ အတော် မဆီလျော်တဲ့ကိစ္စပဲ။ တိုက်ဝင်းတခုလုံးမှာရိုက်သံနှက်သံဆဲဆိုသံ။ငယ်သံပါအောင်အော်တဲ့အသံတွေနဲ့ပွက်လောရိုက်နေခဲ့တဲ့အချိန်တခု။လူအတော်များများကိုထုတ်ရိုက်နေပြီးတဲ့နောက်
ကျွန်တော်တို့ကိုနေပူပူမှာ အတော်ကြာ အောင်ပစ်ထားလိုက်ပါတယ် ။ ၂နာရီလောက်များရှိမလားမသိဘူး။ နေကမွန်းလွဲပြီဆိုတော့ခြစ်ခြစ်တောက်ပူတာ ခံရတယ်။နောက်ဝန်ထမ်းတယောက်လာထူတာ။ဆွဲခေါ်တာကိုသိတယ်။ အကျဉ်းသားတယောက်ကို ၀န်ထမ်းတယောက်တွဲခေါ်ပုံရတယ်။မမြင်မကန်းနဲ့တနေရာကိုခေါ်သွားကြတာ။ ခေါင်းကပုဆိုးနဲ့ ကြပ်ကြပ်ပတ်ထုတ်ထားတာခံရပြီးလက်ထိပ်နောက်ပြန်ခတ်ထားတာဆိုတော့လမ်းလျှောက်ရအတော်ခက်။ဝန်ထမ်းသာမတွဲရင်လဲလဲကွဲကွဲလျှောက်ရမယ်။
လျှောက်နေတုန်းလည်းလမ်းမှာတချို့ကို တဖုန်းဖုန်း ချနေသံကြားတယ်။ကိုယ်ကထောင်ဂျိုးကျလာတော့သွားရတဲ့ခရီးတာကိုမှန်းတာနဲ့ ဒါစစ်ခွေးတိုက် ဖြစ်လိမ့်မယ်မှန်းမိတယ်။တော်တော်ဝေးဝေးလျှောက်ရတာကိုး။  အင်းစိန်မှာပြသနာကြီးကြီးဖြစ်ရင် လူဝေးသူဝေးမှာထားနိုင်တာ။သတင်းအမှောင်ချ၊တိတ်တဆိတ်နှိပ်ကွပ်လို့ရတာဒီနေရာ-စစ်ခွေးတိုက်ပဲ။ ထောင် သက်တမ်းတလျောက်-စစ်ခွေးတိုက် လေးခါရောက်ဖူးရတယ်။
       ဘယ်လောက်ကြာအောင်ထား-နှိပ်စက်ကြမလဲလို့တွေးပူနေကြတုန်းညတွင်းချင်းဝန်ထမ်းတွေရောက်လာ။ တိုက်အပြင်မှာ ခြေကျင်းတွေခတ်တော့ထောင်ပြောင်းပုံပေါ်တယ်မှန်းဆပျော်သွားကြတယ်။
စစ်ခွေးတိုက်မှာကြာကြာ
နှိပ်စက်ခံနေရတာခံမနေချင်ဘူး။မကြာခင်ထောင်ပုံစံအ၀တ်အစားအသစ်တွေလာပေးပြီး ၀တ်ထားတဲ့ပုံစံ အဟောင်းတွေကိုချွတ်သိမ်းတော့သေချာပြီ။ထောင်ပြောင်းလိမ့်မယ်။ လူအတော်များများရဲ့ဝတ်လက်စ ပုဆိုးအင်္ကျီပုံစံအဟောင်းတွေကသွေးစွန်းနေကြတယ်။ခေါင်းကွဲတဲ့လူနဲ့တတောင်ပြဲတဲ့လူနဲ့။ကိုယ်နဲ့တခန်းထဲမှာထောင်သပိတ်ထဲပါလာတာက
သံလျင်ရေနံချက်စက်ရုံဗုန်းခွဲတယ်ဆိုပြီးသေဒဏ်ချထားတဲ့ အင်န်အယ်လ်ဒီလူငယ်ကိုသန်းဇော်။သူ့တကိုယ်လုံးသွေးတွေလူး။ ခေါင်းကိုရိုက်လို့ကွဲ။နှာခေါင်းကလည်း အထိုးခံရလို့ယောင်ပြီးသွေးကျနေခဲ့တယ်။မနက်၃နာရီလောက်ကျတော့ အားလုံးခြေကျင်းခတ်ပြီးပြီ။ မနက်၎နာရီလောက်ကျထောင်ဗူးဝရောက်နေကြပြီ။  မကြာခင်အချုပ်ကားအပြာကြီးပေါ်တက်ကြရ တယ်။ခုမှအချုပ်ကားအစစ်စီးဖူးရတယ်။ကျွန်တော်တို့ကားပြာကြီးကိုရဲကားတွေရှေ့နောက်ညှပ်ခေါ်ထုတ်လာပြီးစက်ကုန်ဖွင့်မောင်းကြတာ
တနေကုန်။ပထမတော့သာယာဝတီထောင်ပြောင်းထင်တယ်။မဟုတ်ဖူး။သာယာဝတီမြို့ကျော်လာတယ်။ပြည်ထောင်ကိုခဏ၀င်တယ်။ထမင်းကြွေးတယ်။ထပ်ထွက်။ အောင်လံ ကျတော့မော်တော်နဲ့တဖက်ကမ်းသရက်ကိုကူးရပြီ။ညနေစောင်းတော့သရက်ထောင်တိုက်ခန်းတခုတည်းရောက်နေတာသိသွားပြီ။ တခန်း တယောက်စီ ။သရက်ကိုင်းမှာနားတော့ပေါ့။
အားလုံးမှာဒဏ်ရာကိုယ်စီ။တင်ပါးခြေသလုံးတွေဖူးယောင်နေကြလို့တချို့လမ်းဖြေးဖြေးပဲလျှောက်နိုင်တယ်။ ကျောကုန်း-တင်ပါးခြေသလုံးတွေဖူးရောင်ညိုမဲ။သပြေသီးရောင်ဆိုတာဒါမျိုးပြောတာ။တချို့ကျတော့ မီးလောင်သလို အရည်ကြည်ဖုတွေလည်း ထနေတာတွေ့တယ်။ပြောင်းလာတဲ့လူ၂၀မှာရာဇ၀တ်မှုနဲ့သေဒဏ်ကျကြိုးသမားက၁၀ယောက်။ နိုင်ငံရေးမှုနဲ့က၁၀ယောက်။ဆတူ။ သင်္ကန်းကျွန်းမြို့နယ် အရေးအခင်း ခေါင်း၅ခေါင်းဖြတ်တယ်ဆိုတဲ့ ခွေးဘီလူးခင်မောင်လတ် ဆိုတဲ့အကျဉ်းသားဆိုးပေလည်းပါပေါ့။
တလလောက်ခြေကျင်းနဲ့။တိုက်ခန်းထဲကလုံးဝမထွက်ရဘူး။ကိုယ်တွေကတိုက်ပိတ်ထားလေ ကြိုက်လေ။ အဲဒီမှာရုပ်ဒဏ်ရာတွေကိုကုစားချိန်ရတယ်။စိတ်အနားရတယ်။အစားအသောက်တော့ ထည့်တွက်လို့မဖြစ် ဘူး။ အသက်ရှင်ဖို့ စားနေတယ်ပဲမှတ်ပါတယ်။  ပိုင်ဆိုင်မှုဆိုလို့ခါးဝတ်ခါးစားအ၀တ်တစုံတည်းပါလာတာ။ တလပြည့်ခါနီးမှာခေါင်းလာညပ်။ခြေကျင်းဖြုတ်ပေးပြီ။ကံကောင်းလာပြီပြောရမလား။ ထောင်ပိုင်က အရပ်သား။သဘောကောင်းပုံ။ပင်စင်သွားခါနီးတလအလိုလို့သိရတယ်။သူ့ကြောင့်ဘာပြသနာမှထပ် တက်ချင်ပုံမရ။ရောက်ရောက်ချင်းက ဒဏ်ရာတွေကိုတခေါက် လာကြည့်ပြီးထပ်နှိပ်စက်တာဘာမှမလုပ်ဘူး။ တလကျော်လာတော့ဒဏ်ရာတွေပျောက်ပြီ။ခေါင်းကိုပုဆိုးနဲ့ အတုတ်ခံရတုန်းကအတော်ဆိုးတယ်။ အသက်ရူမရအောင်လည်ပင်းအစ်နေလို့ပြန်ဖြည်ပေးဘို့ အော်ပြောပေမယ့်လည်ပင်းကိုဆွဲဆောင့်တဲ့ဒဏ်၊ ကြွေးကြော်သံတိုင်ထားတဲ့ဒဏ်၂ခုပေါင်းပြီး
လည်ပင်းအသံအိုးနဲနဲထိခိုက်သွားပုံရတယ်။  လည်ပင်းနာ။ စကားအသံပုံမှန်မထွက်၊တော်တော်ကြာတယ်။တလကျော်မှပျောက်နေတဲ့အသံ ပုံမှန်ပြန်ပေါ်လာတယ်။

အဲလိုတလအကျော်မှာမိခင်ကြီး-ညီတော်မောင်ကိုအဖေါ်ပြုလို့ပထမဆုံးထောင်ဝင်စာလာတယ်။ထောင်ပိုင်က အသစ်ဖြစ်သွားပြီ၊စစ်တပ်ကလာတာတဲ့။သူ့ရုံးခန်းမှာခေါ်တွေ့ခိုင်းတယ်။ဘာတွေပြောကြမလဲ၊ကိုယ်တိုင် နားထောင်ချင်ပုံ။အမေက-တလလုံးသားပျောက်သွားလို့-သားပျောက်လိုက်ရှာတဲ့အကြောင်း။အပြင်မှာ သေပြီလို့သတင်းဖြစ်ကြောင်း၊စာရွက်တွေလည်းဝေတယ်ဆိုတဲ့အကြောင်း။သာယာဝတီနဲ့အင်းစိန်သွားမေးပေမယ့်
ဘာသတင်းမှမရကြောင်း။အပတ်တိုင်းသွားမေးပေမယ့်ဘယ်သူမှသတင်းမေးမရကြောင်း။ဘယ်တာဝန်ရှိသူကမှမပြောကြောင်း။
တလကျော်မှအင်းစိန်ထောင်မှူးတယောက်ကသရက်ကိုသွားကြည့်ပါလားဆိုလို့လိုက်လာတာဖြစ်ကြောင်း။နောက်ကျောကုန်းကိုလှန်ခိုင်းလှည့်ပြခိုင်းပါတယ်။
ခေါင်းကဆံပင်တွေကိုလည်း  အသာလှန်ဖွ-စစ်ဆေးပါတယ်။
                                  ပြန်ကာနီးအမေကိုပွေ့ဖက်နှုတ်ဆက်ခွင့်ရတယ်။ညီငယ်ကလည်းဖက်လှဲတကင်း နှုတ်ဆက်သလိုလုပ်ပြီးမှ-ထောင်ပိုင်အလစ်ကျွန်တော့်လက်ထဲကိုတခုခုထည့်လိုက်တာသိတယ်။
သေးသေးလေး။ ဘာမှန်းမသိဘူး။ အသာဆုတ်-ပုဆိုးကြားညပ်-တိုက်ဝင်းဘက်ပြန်လာခဲ့တယ်။  တိုက်ခန်းထဲရောက်မှ ကြည့်လိုက်တော့ သစ်သားပိတုန်းရုပ်သေးသေးလေး။ သစ်မာသားနဲ့ထုထားတာ။နီကျင်ကျင်။ ဒါပေမယ့် ထူးခြားတာ ထုထားတဲ့သစ်သားက-မီးလောင်ထားတဲ့အနာပါတယ်။ မီးကျွမ်းထားတဲ့ အခြမ်းကမဲနေတယ်။ ( နောင် ဗေဒင်အဆောင်တွေ အစီအရင်-ယတြာတွေ နားလည်တဲ့ သူတွေကိုမေးကြည့်တော့ ဒါ သေချာစီရင်ထားတာဖြစ်ကြောင်း။ကြာသပတေးနံမွေးနေ့ရှင်အတွက်ရည်ရွယ်ကြောင်း။  အသက်ဘေး အန္တရာယ်ကကျော်နင်းအောင်စီရင်တာဖြစ်ကြောင်း။ ပိတောက်( ဒါမှမဟုတ်)ပျဉ်းကတိုးသား  နဲ့ လုပ်ထားတဲ့ လှည်း-ပတောင်းကိုယူ-မီးရှို့။ပိတုန်းရုပ်ထု- နောက် ပိတုန်းရုပ်မှာ-၀မ်းခေါင်းလေးထွင်း ။ အတွင်းမှာ ပြဒါးထည့်ပြီးမှ
ပဒိုင်းရိုးနဲ့ပြန်ထိုး-ပိတ်ထားတာဖြစ်ကြောင်း သိလာတယ်။တကယ်လည်း ဟုတ်တယ်။ဘာမသိညာမသိ ကိုယ်က...တချိန်မှာ-စပ်စပ်စုစု- ပိတုန်းဖင်လေးမှာထိုးထားတဲ့ အဖြူရောင်သစ်စလေးကိုဆွဲနှုတ်ကြည့်လိုက်တော့အတွင်းကပြဒါးတွေထွက်ကျလာတာတွေ့တယ်။
တိုက်ခန်းသမံသလင်းပေါ်ကျသွားတဲ့ပြဒါးတွေပြန်ကောက်ထည့်လို့မရတော့ဘူး။ပိတုန်းခေါင်းပိုင်းမှာက-သစ်သားကွင်းသေးသေးလေးပါတယ်။ ထုထားတဲ့ပိတုန်းရုပ်လေးကလည်းလှတော့ကျွန်တော် ကြိုးကျစ် ပြီး လည်ပင်းမှာအမြတ်တနိုးဆွဲထားပါတယ်။အဲဒီတုန်းကယတြာတွေကိုသေချာသိလို့ ယုံကြည်လို့ဆွဲတာမျိုးတော့ မဟုတ်ဘူး။ အမေ့အမှတ်တရ။ ချစ်မိခင်က သားအတွက် လုပ်ပေးလာတာဆိုတဲ့ ချစ်ခင်စိတ်သက်သက်နဲ့။
 တချိန်မှာ ထောင်ပိုင်က လူလာစစ်တုန်း ကျွန်တော်လည်ပင်းမှာ ဆွဲထားတဲ့ ပိတုန်းရုပ်လေးကို သတိထားမိသွားပြီးစပ်စပ်စုစုမေးပါတော့တယ်။ကျွန်တော်ကကျန်းမာရေးအတွက်ဆွဲထားတာပြောပေမယ့် သူကဗေဒင်တွေယတြာတွေကိုအရေးတယူရှိပုံရတယ်။  ကျွန်တော် အဆောင်ထားတာကို သူကြိုက်ပုံမရ။ သိမ်းလည်းသိမ်းရဲပုံမပေါ်။ သူက သိမ်းလိုက်ရင် သူ့ကိုခိုက်မယ်ထင်ပုံ။  အိမ်ကို သာအတင်း ပြန်ပေးခိုင်းပါတယ်။ အိမ်ကထောင်ဝင်စာဧည့်တွေ့လာချိန်မှာမှတ်မှတ်ရရပြန်ပေးခိုင်းလို့ပိတုန်းရုပ်လေး အိမ်ကိုပြန်ပါသွားပါ တော့တယ်။


(အမေ့ကျေးဇူး ကို ပြောပြဘို့--- အပိုင်း ၂ ဆက်ရပါဦးမယ်)

မိခင်များနေ့ အတွက် သားသမီးများချစ်ခြင်းမေတ္တာဖြင့်

0 comments:

Post a Comment

စာမရေးဖြစ်တော့တာကြောင့် ကျနော်ကြိုက်ပြီး ဖတ်စေချင်တဲ့ စာလေးတွေကို တင်ထားပါတယ်ဗျာ

Followers

Total Pageviews

အမှာပါးစရာများရှိနေရင်

Pop up my Cbox

Blog Archive

အခြားကဏ္ဍများကို လေ့လာရန်

ရှာဖွေလေ တွေ့ရှိလေ

စာပေမြတ်နိုးသူများ

free counters
Related Posts Plugin for WordPress, Blogger...