" ကြိုနေမယ် အမေတို့ပေးမယ့် လက်ဆောင်"
|
6:25 PM |
No မှတ်ချက် |
မွေးတစ်နေ့
သေ တစ်ရက်
အဲဒီနှစ်ရက်ကကျောခြင်းကပ်
လောကရဲ့အကန့်အသတ်တွေကြား
ခြေဖဝါးနဲ့လမ်းလျှောက်နိုင်ဖို့
ဝမ်းလျားမှောက်ပြီး
"ရပ်နိူင်ပေ့" ရပ်နိူင်ပေ့"
အမေတွေရဲ့အားပေးစေ့ဆော်ချက်
ကမ္ဘာမြေဆင်းသက်မယ့်ခြေဖဝါးနုနု
သွေးခြည်ဥလည်း
ပန်းပုဖယောင်း သွန်းလောင်းစမို့
မစောင်းမရွှဲ့ တည့်တည့်မတ်အောင်
ရာထောင်ခြေလှမ်း
မညည်းနွမ်းဘဲ
မယိုင်လဲစေဖို့……
ခိုင်မြဲစေဖို့……
အမေတို့ဘဲ…သင်ပေးခဲ့ကြတယ်လေ…။
ခုတော့… …
ရပ်နိုင်နေတဲ့ ခြေအစုံတွေက
လူသားအချင်းချင်းခေါင်းပုံဖြတ်
သူဌေးဘွဲ့ဂုဏ်ထူးတပ်
လူနပ်…လူလည်
(မြန်မာပြည်မှာ)ဝင့်ထယ်နေကြတယ်လေ…။
တစ်ချို့က… …
ညီအကိုမောင်နှမ တိုင်းရင်းသားအချင်းချင်း
အမွေလု… အာဏာလု
နှလုံးစက်အတုတွေနဲ့
ဝေစုတွေ…ခွဲနေကြတယ်လေ…။
တစ်ချို့က……
လုပ်ဖော်ကိုင်ဖက်အချင်းချင်း
သပ်တွေသျှိုသွင်း
ထမင်းနပ်မှန်ဖို့ထက်
ရာထူးတက်ဖို့အရေး
ရောင်စုံမျက်နှာပေးတွေနဲ့
သွေး အေးအေး
ရွှေရေး ပန်းကန်တက်ကြတယ်လေ…။
တစ်ချို့က……
သီတင်းလွှေ့လွှေ့
ပေါင်းဖက်တွေ့ကြတဲ့
ဆွေမျိုးတစ်ဖော် အကျော်ဇေယျ
ပြည်သူတွေမရတဲ့စည်းစိမ်
တိုက်တာအိုးအိမ်
ကောင်းကင်က"တိမ်"တွေအထိ
စရံ စတိတွေပေးလို့
ဈေး ညှိနေကြတယ်လေ…။
အမေတို့ရယ်……
ကျွန်တော်တို့ အတွက်
"အမေတွေ"ပေးမယ့်လက်ဆောင်
အဆောင်အယောင်မဟုတ်
"'ပဲပြုတ်နဲ့နံပြား"'
စားချင်တဲ့……ကလေး
များများ မွေးပေးမှ
အဲဒီလိုလူမျိုးတွေနဲ့ "ဝေး"ဝေးမှာလေ……။ ။
ဖေဖော်ဝါရီလ(၁၃)ရက်နေ့ ကလေးများနေ့အားကြိုဆိုဂုဏ်ပြုလျက်
(ကိုရွှေကေဇာ)
9-2-2015
10:39 pm
0 comments:
Post a Comment