အတိတ်သင်္ချာ
|
9:31 PM |
No မှတ်ချက် |
သဗ္ဗသိဒ္ဓိ ဂဏန်းသင်္ချာ စာအုပ်တဲ့။ အမှာစာမှာ 1.9.30 ဆိုတော့ အင်္ဂလိပ်ခေတ်က သင်ခဲ့တဲ့ ဂဏန်းသင်္ချာ စာအုပ်ပေါ့။ စာအုပ်ကို လမ်းဘေးမှာတွေ့တာ။ ဝယ်ဖို့ကိုင်လိုက်တော့ စာရွက်တွေက ကျွေနေပြီ။ ကိုင်ဖို့တောင် ခက်ခက်။ ဒါကြောင့် ဖုန်းနဲ့ မှတ်တမ်းလေးပဲ ယူထားလိုက်တယ်။ ဒီစာအုပ်မှာ သဘောကျစရာကောင်းတာက သင်္ချာပုစ္ဆာတွေကို အင်္ဂလိပ်လိုတစ်ပိုဒ်၊ အောက်ကနေ မြန်မာဘာသာပြန်တစ်ပိုဒ် နှစ်မျိုးပေးထားတယ်။
ဘာသာပြန်ချက်ကလည်း အရမ်းရိုးရှင်းပြီးကောင်းတယ်။ မူလတန်းကစပြီး ဘာသာရပ်တွေကို အင်္ဂလိပ်-မြန်မာ နှစ်မျိုးစလုံးဖော်ပြပြီး ကျောင်းသားတွေကို လေ့လာစေခြင်းဟာ ဘာသာစကားနဲ့ ရင်းနှီးစေရန် ကြံဆောင်ခြင်းလို့ ယူဆပါတယ်။
ပညာရှင်တွေကိုတော့ သိပ်မပြောရဲဘူးဗျ။ သူတို့ကို မျိုးချစ်စိတ်ဓာတ်နဲ့ စစ်သွေးစစ်မာန်အပြည့် ပြုစုမွေးမြူထား ခြင်းခံနေရတာဆိုတော့ အင်္ဂလိပ်လိုတွဲသင်ရေးပြောလိုက်ရင် ကျွန်တော့်ကို ကျွန်စိတ်ဓာတ်ရှိတဲ့အကောင်ဆိုပြီး တော့ အလကားကောင်လို့ ပြောမလားတောင်မသိဘူး။
သဗ္ဗ ဆိုတာက အလုံးစုံသော သိဒ္ဓိဆိုတာက ပြီးမြောက်ခြင်းဆိုတဲ့အဓိပ္ပာယ်ရပါတယ်။ တစ်အုပ်တည်း ဖတ်ရုံ လေ့ကျင့်ရုံနဲ့ ဂဏန်းသင်္ချာကို တတ်မြောက်နိုင်တဲ့ ရည်ရွယ်ချက်နဲ့ "သဗ္ဗသိဒ္ဓိ" လို့ဆိုခဲ့ပုံရပါတယ်။ သူ့ခေတ် သူ့အခါနဲ့ ပြန်တွက်ရင် အလွန်အဆင့်မြင့်တဲ့ သင်ကြားနည်းစနစ်နဲ့ ပြဋ္ဌာန်းချက်တစ်ခုလို့ ဆိုရမယ်။
၎.၂.၂၀၁၅
0 comments:
Post a Comment