~ ဝတ်မှုန်များနှင့် လိုက်ပါလာခဲ့သော ~ ( 花粉症- Pollinosis )
Lin Lin Latt shared a photo.
အချိန်အနည်းငယ် လွန်မှ သူမထံသို့ ဆိုက်ဆိုက်မြိုက်မြိုက်ပင်သူ- ရောက်ရှိလာခဲ့ ပြန်ပါသည်..။
ဆောင်းဦး ပိုင်း ကာလတွင် ရောက်ရှိမလာခြင်းကို ကြည်နူးကျေနပ်မိ ခဲ့သူမှာ သူမဖြစ်၏။ သူ့ကို မေ့လျော့ထားခဲ့ခြင်း၌ ပျော်မွေ့ခဲ့သည်ကို ဝန်ခံရပါလိမ့်မည်..။
အတိအကျ ဆိုရပါလျှင် သူ့ကို မနှစ်သက်ယုံသာမက မုန်းတီးလှပါသည်..။ အားမနာတမ်း ဝေဖန်ရလျှင် သူ့တွင် နူးညံ့ကြင်နာသော နှလုံးသား အလျင်းမရှိဟု တိုက်ရိုက်ပင် သူမ ပြောဆိုပါမည်..။
ထိုသို့ ကဗျာမဆန်သော သူ- သည် ကဗျာဆန်ဆန်- ဒဏ္ဍာရီပုံပြင်ဆန်ဆန်ပင် ဝတ်မှုန်တစ်ချို့ကို စီးမျောရင်း သူမထံသို့ ရောက်လာမြဲ ဖြစ်သည်..။ မည်မျှ ရယ်စရာ ကောင်းလွန်းသည့် အဖြစ်ပါလဲ..!!
သူမ ထံသို့ ပထမဦးဆုံးအကြိမ် သူ စတင်ရောက်ရှိလာခဲ့သည့် နှစ်မှာ (၂၀၀၇) ခုနှစ်..။ ရေတွက်ကြည့်ရ ပါလျှင် ခြောက်နှစ်တာ ရှိနေပြီဖြစ်၏..။ ထိုနှစ်မှ အစပြုကာ နှစ်စဉ်နှစ်တိုင်း ဆိုသလို သူမ မဖိတ်ခေါ်ပါဘဲ သူ- ရောက် ရောက် လာခဲ့တော့၏..။
လပေါင်းများစွာ (နှစ်တစ်ဝက် နီးနီးပင်) သူမနှင့် အတူနေထိုင်ကာ ပြန်သွားတတ်မြဲ ဖြစ်ပါသည်..။ သူမ၏ မုန်းတီးခြင်းများ~ အော့နှလုံးနာစွာ သူမ၏ ခပ်အက်အက် သွေ့ခြောက်ခြောက် ရယ်မောသံများ~ ကိုလည်း လစ်လျူရှု့တတ်သူဖြစ်၏..။
သူမ အတွက်တော့ သူ- သည် နတ်ဆိုးတစ်ကောင်ဖြစ်၏..။ ကဝေဆိုးတစ်ကောင် ဖြစ်၏..။ နှစ်စဉ်နှစ်တိုင်း ခါးသီးစွာ- မလိုလားစွာ- စားသုံးနေရမြဲ ရာသီစာ တစ်ပွေ့တစ်ပိုက်ကို ပွေ့ပိုက်ယူဆောင်လာသူ လူရိုင်းတစ်ဦး သည် သူ- ဖြစ်၏..။
အဆုံးသတ် ဆိုရပါလျှင် ရှည်မျောမျော ကျွန်းတစ်ကျွန်းပေါ်၌ 花粉症 (ခါဖွန်းရှော) - Pollinosis ဟု ခပ်ဆန်းဆန်း အမည်တွင်သည့် သူ- သည် စစ်ကြေငြာမှု မရှိပါဘဲ.. တစ်ဖက်သတ် ထိုးစစ်မျိုးဖြင့် သူမထံသို့ ဦးတည် ရောက်ရှိလာသော ရာသီစာ ရန်သူပင်....။
မည်သို့ပင် ဖြစ်စေ.. ဤနှစ်တွင်လည်း ဒူးမထောက်~ အရှုံးမပေးပါဘဲ သူ၏ မြားချက်များစွာကို သူမ ရဲရဲရင့်ရင့် ရင်ဆိုင်နေရပြန်တော့သည်..။
(ခင်လေးငယ်)
March 8, 2012
0 comments:
Post a Comment