လန်ပိကျွန်း အမျိုးသားအဏ္ဏ၀ါဥယျာဉ် ( Marine National Park )

                      

     တနင်္သာရီတိုင်း၊  ကော့သောင်းခရိုင်၊ ဘုတ်ပြင်းမြို့  နယ်၊  အန်ဒမန်ပင်လယ်ပြင်အတွင်းရှိ  ကျွန်းတန်းရှည်(ခ) လန်ပိကျွန်း အမျိုးသား အဏ္ဏ၀ါဥယျာဉ် ( Marine National Park ) သည် ကော့သောင်းမြို့မှ ရေမိုင်(၆၀)၊ ဘုတ်ပြင်းမြို့မှ ရေမိုင် (၄၀) ကွာဝေးပြီး မြောက် လတ္တီတွဒ် ၁၀ဒီဂရီ ၃၂ မိနစ်နှင့် ၁၁ ဒီဂရီ ၀၂မိနစ်ကြား၊

အရှေ့  လောင်ဂျီကျု ခန့်မှန်း ၉၇ ဒီဂရီ ၅၉ မိနစ်နှင့် ၉၈ ဒီဂရီ ၂၃မိနစ်ကြားတွင် တည်ရှိပြီး မြန်မာနိုင်ငံ၏ တစ်ခုတည်းသော အဏ္ဏ၀ါဥယျာဉ်ဖြစ်ပါသည်။  စတုရန်းမိုင်(၇၉. ၀၄)မိုင်(50617 ဧက) ကျယ်ဝန်းကာ တောင်မြောက်အရှည်မိုင်(၃၀)၊ အရှေ့အနာက် အကျယ်ဆုံး(၇)မိုင်ခန့်ရှိပါသည်။ ပူ အိုက်စွတ်စိုသောရာသီဥတုရှိပြီး တစ်နှစ်လျှင်ပျမ်းမျှ မိုးရေချိန်လက်မ(၂၀၀)ခန့် ရွာသွန်းပါသည်။

                            လန်ပိကျွန်းနှင့် အရံကျွန်းငယ်များအား အမျိုးသား အဏ္ဏ၀ါဥယျာဉ် ( Marine National Park )အဖြစ် ၁၉၉၆ ခုနှစ်၊ ဖေဖော်ဝါရီလ(၂၈)ရက်နေ့တွင် သစ်တောရေးရာဝန်ကြီးဌာန အမိန့်ကြော်ငြာစာအမှတ်(၄၀/၉၆)ဖြင့် သတ်မှတ်ပေး ခဲ့ပါသည်။ ၂၀၁၃ခုနှစ်တွင် အာဆီယံ အမွေအနှစ် ဥယျာဉ်အဖြစ် သတ်မှတ်ထားရှိပါသည်။

                            အမျိုးသား အဏ္ဏ၀ါဥယျာဉ် ( Marine National Park )အဖြစ် သတ်မှတ်ရခြင်းမှာ လန်ပိ လန်ပိကျွန်း အမျိုးသား အဏ္ဏ၀ါဥယျာဉ် ( Marine National Park )ရှိ သဘာဝသစ်တောများ၊ ဇီဝမျိုးစုံ မျိုးကွဲများ၊ သန္တာကျောက်တန်းများနှင့် ဆလုံ ယဉ်ကျေးမှု အမွေအနှစ်များ ရေရှည်တည်တံ့စေရန်၊ ကျွန်းကြီးပေါ်ရှိ ရုက္ခဗေဒဆိုင်ရာ၊ သတ္တဗေဒဆိုင်ရာနှင့် ဘူမိဗေဒဆိုင်ရာပညာရပ် များကို လေ့လာနိုင်ရန်၊ သဘာဝအခြေခံ ခရီးသွားလုပ်ငန်းများ ဆောင်ရွက်နိုင်ရန်နှင့် သစ်တောဦးစီးဌာနမှ သိပ္ပံနည်းကျ လေ့လာ၍ သုတေသနပြု ထိန်းသိမ်းကာကွယ်သွားနိုင်ရန် ဖြစ်ပါသည်။

  

                             လန်ပိကျွန်း အမျိုးသား အဏ္ဏ၀ါဥယျာဉ် ( Marine National Park )ဧရိယာတွင် အရံကျွန်းငယ်များဖြစ်သော ၀ါးကျွန်း(ကျွန်းငယ်သုံးကျွန်းရှိပါသည်)၊ မကြုံဂလက်ကျွန်း၊ ရေကျွန်း၊ ပလောကပ်ကျွန်း၊ ကိုဖေါ့ကျွန်း၊ လိပ်ဥကျွန်း(၁/၂)၊ ခူကြီးကျွန်း၊ စစ်တပ်ဂလက်ကျွန်းများ ပါဝင်ပါသည်။

                             လန်ပိကျွန်း တ၀ိုက်တွင် ဆလုံရွာငယ်(၂)ရွာရှိပြီး ဂျလန်းကျွန်းဆလုံရွာနှင့် မကြုံဂလက် ဆလုံရွာများ ဖြစ်ပါသည်။

                             ကျွန်း၏ အရှေ့ဘက်တွင် ၀ါးကျွန်း၊ အနောက်ဘက်တွင် ၀ါးအလယ်ကျွန်းနှင့် စစ်တပ်ဂလက်ကျွန်း၊ ကျွန်းမဲကြီးကျွန်း၊ လန်ပိကျွန်းတောင်ဘက် အော်ထဲတွင် ငှက်သိုက်ကျွန်း(ကိုဖေါ့ကျွန်းစု)တို့ ရှိပြီး ငှက်သိုက်ထုတ်လုပ်လျှက်ရှိပါသည်။ တောင်ဘက်တွင် ကျွန်းနှင့်တစ်ဆက်တည်း မကြုံဂလက်ကျွန်းရှိကာ ရေလုပ်ငန်းကိုလုပ်ကိုင်သော ရိုးသားသည့် ဒေသခံ ဆလုံ(မွန်ကင်း) လူမျိုးများနေ ထိုင်သည့် မကြုံဂလက် ကျေးရွာရှိပြီး  ကျေးရွာတွင် ဘုန်းတော်ကြီးသင် ပညာရေးကျောင်းရှိပါသည်။ ကျွန်း၏ အရှေ့ ဘက် ရေမိုင်(၁၂)မိုင်ခန့်ဝေးသော ကမ်းခြေတွင် အောင်ဘာကျေးရွာအုပ်စု ရှိပါသည်။

                         

   လန်ပိကျွန်း အမျိုးသား အဏ္ဏ၀ါဥယျာဉ် ( Marine National Park ) တောအမျိုးအစားများမှာ ဒီရေတော၊ သဲသောင်ခုံတော၊ အပူပိုင်းအမြဲစိမ်းတော၊ စွတ်စို အမြဲစိမ်းတောတို့ ဖြစ်ပါသည်။ ကျွန်းပေါ်တွင် သဲသောင်ခုံတော (ပင်လယ်ကဗွီးတော)၊ ရွှံ့နွံတော၊ ဒီရေတော၊ မိုးများအမြဲစိမ်းတော်များကို ထင်ရှားစွာတွေ့မြင်ရပြီး လမု၊ လမဲ့၊ တရော၊ မယ်ဒမ၊ ဗြု၊ ဗြုဥတစ်လုံး၊ ဗြုခြေထောက် အပင်ကြီးများ များစွာ ပေါက်ရောက်လျှက်ရှိပါသည်။

                             လန်ပိကျွန်း အမျိုးသား အဏ္ဏ၀ါဥယျာဉ် ( Marine National Park )တွင် အပင်မျိုးစိတ်ပေါင်း(၂၀၁)မျိုးရှိကာ မျိုးစိတ်မခွဲခြားနိုင်သော အပင်(၄)မျိုး၊ ဒီရေတောအပင်မျိုးစိတ်(၆)ခု ရှိပါသည်။

                              လန်ပိကျွန်းနှင့် ၀န်းကျင်တ၀ိုက်တွင် စွန်ခေါင်းဖြူ၊ ၀န်လို၊ ၀န်လက်၊ ဇင်ယော်၊ ဘွတ်ဂလုံ၊ ဘုတ်၊ ကျီးကန်းနှင့် အခြားအုပ်စုဖွဲ့နေထိုင်သောငှက်များအပါအ၀င် ငှက်မျိုးစိတ်ပေါင်း (၁၂၂)မျိုးရှိပြီး ၂၀၁၁ခုနှစ်စာရင်းအရ ငှက်ကောင်ရေ(၁၃၉၅)ကောင် ရှိကြောင်း မှတ်တမ်းတင် ထားရှိပါသည်။ မျိုးတုံးရန်အလားအလာရှိပြီး ဆက်လက်ထိန်းသိမ်းခြင်းမရှိပါက နောင်နှစ်(၅၀)အတွင်း မျိုးပြုန်းနိုင်သော ငှက်(၂)မျိုး၊ နောင်နှစ်(၁၀၀)အတွင်း မျိုးပြုန်းနိုင်သော ငှက်(၁၀)မျိုး စာရင်းကောက်ယူထားရှိပါသည်။

                              နို့တိုက်သတ္တ၀ါများဖြစ်သော ဆင်၊ လင်းပိုင်၊ ဂျီလောင်၊ တောဝက်၊ သင်းခွေချပ်၊ မျောက်၊ ရှဥ့်၊ ကြွက်နှင့် လင်းနို့ စသည့် မျိုးစိတ်ပေါင်း(၂၁)ခုအား မှတ်တမ်းတင်ထားရှိပါသည်။

                              ငါးပုစွန် အုပ်စု(၁၈)ခု(၇၈မျိုး)နှင့် တွားသွားသတ္တ၀ါများအဖြစ်၊ ဖွတ်၊ စပါးကြီးမြွေ၊ စပါးအုံးမြွေ၊ မြွေစိမ်းမြီးခြောက်၊ လိပ်ပုတ်၊ လိပ်ကြည်(သို့)ကြယ်လိပ်၊ ပြင်သာလိပ်၊ လိပ်ခွန်များအား မှတ်တမ်းတင်ထားရှိပါသည်။

                              အဏ္ဏ၀ါဗေဒဆိုင်ရာ အပင်များအဖြစ် ရေညှိ၊ ရေမှော်မျိုးစိတ်(၅၄)မျိုး၊ ပင်လယ်မြက် မျိုးစိတ်(၁၀)မျိုး၊ ကျောရိုးမဲ့ မျိုးစိတ်(၁၈၉)မျိုး၊ စုစုပေါင်း မျိုးစိတ်(၂၅၂)မျိုးအား မှတ်တမ်းထင်ထားရှိပါသည်။

                             

                               

                              

  လန်ပိကျွန်း အမျိုးသား အဏ္ဏ၀ါဥယျာဉ် ( Marine National Park ) ဧရိယာတွင် သန္တာကျောက်တန်း (Coral) မျိုးစိတ်ပေါင်း (၂၆)မျိုးခန့်ရှိကြောင်း သိရှိရပြီး အားလုံးလိုလိုမှာ (Stony Coral ) အမျိုးအစားများသာဖြစ်ပြီး ( Gogomian) အမျိုးအစား အနည်းငယ်ရှိကြောင်း မှတ်တမ်းတင်ထားရှိပါသည်။

                                ပင်လယ်မျှော့အုပ်စု(၄)စု၊ ခရုယောက်သွားအုပ်စု (၂၆)အုပ်စု၊ Plankton (Especially Zoo Plankton) မျှောလှေးအုပ်စု မျိုးစိပ်(၈၄)မျိုး၊ Seaweed ခေါ် ပင်လယ်ရေမှော်များစွာအနက် Cyanophyceae အုပ်စုတွင်မျိုးစိပ်(၈)ခု၊ Phaeophyceae အုပ်စုတွင်မျိုးစိပ်(၁၈)ခု၊  Rhodophyceae အုပ်စုတွင်မျိုးစိပ်(၄၈)ခုရှိကြောင်း သိရှိရပါသည်။

                               

  လန်ပိကျွန်း၏ ကျောက်လွှာများနှင့် မြေအမျိုးအစားမှာ သက်နုနုံးမြေ(Alluvium)၊ မျက်မှောက် ကာလကျောက်လွှာ(Recent)၊ လွှာတင်ဆက်ဖြတ်ကျောက်လွှာ( Cunconformity)၊ မြိတ်ကျောက်စဉ်စု( Mergui Series)၊ အသွင်ပြောင်းသလင်းကျောက်(Quartzite)၊ သင်ပုန်းကျောက်(Slate)၊ ဖစ်လိုက်ကျောက်(Phyllite)၊ ရှစ်ကျောက်လွှာ(Schist) တို့ ဖြစ်ပါသည်။

                                လန်ပိကျွန်း အမျိုးသား အဏ္ဏ၀ါဥယျာဉ် ( Marine National Park )သည် မြန်မာနိုင်ငံ၏ တစ်ခုတည်းသော အဏ္ဏ၀ါ အမျိုးသားဥယျာဉ်ဖြစ်သည့်အပြင် အရှေ့တောင်အာရှတွင်သာမက ကမ္ဘာပေါ်တွင်လည်း ဇီဝမျိုးစုံနှင့် လေ့လာဖွယ်ရာများ များပြားလှသော နေရာဒေသတစ်ခုဖြစ်ပါသည်။ ဤလန်ပိကျွန်း အမျိုးသား အဏ္ဏ၀ါဥယျာဉ် ( Marine National Park )အား ထိန်းသိမ်း စောင့်ရှောက်ရန်နှင့် သုတေသနပြုမှတ်တမ်းတင်ထားရှိနိုင်ရန် အုပ်ချုပ်ရေးမှူးရုံးတစ်ခုအားလည်း မကြုံဂလက်ကျွန်းတွင် ဖွင့်လှစ်ထားရှိပါသည်။

                                 ဒေသခံများ၏ ဗဟုသုတကြွယ်ဝမှုအားနည်းခြင်း၊ ရှားပါးကျွန်းကြီးအားထိန်းသိမ်းရန်အားနည်းခြင်းတို့ကြောင့် ကျွန်း၏၀န်းကျင်တွင် ငါးဗုံးခွဲ၍ ငါးဖမ်းဆီးခြင်းများ၊ ဒရွတ်ဆွဲငါးလှေများမှ ရေပြင်တွင် ဒရွတ်တိုက်ငါးဖမ်းခြင်းများ၊ သစ်ခိုးခုတ်ခြင်းများ ဟူသော  လူသားများ၏ ပယောဂကြောင့် ရှားပါးကျွန်းကြီး၏ ပျက်စီးမှုများအား အချိန်မီ ကာကွယ်ထိန်းသိမ်းရန် လိုအပ်ပြီ ဖြစ်ပါကြောင်း တင်ပြအပ်ပါသည်။

                                                                                                   (ကွန်ဆူးမား)(၂၉-၃-၂၀၁၃)

ဓါတ်ပုံ(၃)ပုံအား Aung Zin Latt ဖေ့ဘွတ်မှ ရယူပါသည်။