အသွင်ကူးပြောင်းရေးကာလဆိုင်ရာ တရားမျှတမှု သဘောတရားအခြေခံမိတ်ဆက် ( ၃ )

by Aung Zaw Bo (Notes) on Sunday, March 24, 2013 at 2:53pm

အသွင်ကူးပြောင်းရေးကာလ တရားမျှတမှုဆိုင်ရာ သမိုင်းနောက်ခံ

ပညာရှင်များအနေဖြင့် လွန်ခဲ့သော နှစ်ရာစုပေါင်းများစွာကပင် လူ့အခွင့်အရေး ချိုးဖောက်ခံခဲ့ရမှုများအတွက် ပြန်လည်၍ အသိအမှတ်ပြု ကုစားပေးခဲ့ကြပုံကို လေ့လာတွေ့ရှိကြသည်။ အတိတ်ကဖြစ်ပျက်ခဲ့သော လူ့အခွင့်အရေးချိုးဖောက်မှုများနှင့် ပက်သက်၍ ပြန်လည်အသိအမှတ်ပြု ကုစားသော ယနေ့ခေတ်ကာလ၏ ဆောင်ရွက်မှုများသည် လူအများအစုလိုက် အပြုံလိုက်သတ်ခံခဲ့ရသော ဒုတိယကမ္ဘာစစ်ကာလ ဟိုလိုကော့စ်အပြီးမှ စ၍ကျင့်သုံးခဲ့သည်ဟု ဆိုရပေမည်။ ထိုသို့ အစုအပြုံလိုက် လူအများ အသတ်ခံခဲ့ရ၊ ညှင်းပန်းခံခဲ့ရသော ဟိုလိုကော့စ်အခြေအနေမှ အသတ်ခံခဲ့ရသူ ကာယကံရှင်များ ကိုသော်လည်းကောင်း၊ ကံကောင်းထောက်မ၍ ဆက်လက်ရှင်သန်ကျန်ရစ်ခဲ့သူများအတွက်လည်းကောင်း မည်ကဲ့သို့ အကူအညီများပေးသင့်သည်ကို ထိုအချိန်က ခေါင်းဆောင်များ လူထုအများစဉ်းစားခဲ့ကြပါသည်။
ထို့အပြင် လူမဆန်သော ရက်စက်မှုများကို ကျူးလွန်ခဲ့ကြသည့် နာဇီခေါင်းဆောင်များနှင့် သူတို့၏ မဟာမိတ်များကို မည်သို့မည်ပုံ အရေးယူ အပြစ်ပေးသင့်သည်ကိုလည်း စဉ်းစားကြရာမှ ဤသဘောတရား ကျင့်သုံးမှု စတင်ပေါ်ပေါက်လာခဲ့ခြင်းဖြစ်သည်။ ဒုတိယကမ္ဘာစစ်အပြီးတွင် ဥရောပနိုင်ငံများအနေဖြင့် ဒုတိယကမ္ဘာစစ်အတွင်းက ဖြစ်ပျက်ခဲ့သော လူ့အခွင့်အရေးချိုးဖောက်မှုများအတွက် တရားမျှတမှုဖော်ဆောင်ရန် ကြိုးပမ်းခဲ့သော လုပ်ငန်းများ၏ ကောင်းသောအကျိုးဆက်အဖြစ် ယနေ့နိုင်ငံတကာတွင် ကျင့်သုံးနေသော နိုင်ငံတကာ လူ့အခွင့်အရေးကို စံထားသည့် ဥပဒေများ ပေါ်ပေါက်လာစေခဲ့သည်။ အခြေခံအယူအဆအနေဖြင့် အလွန်အကျူးရက်စက်လွန်းသော လူအခွင့်အရေးချိုးဖောက်မှုများကို ကာကွယ်ပေးရန်မှာ လူသားတရပ်လုံးတွင် တာဝန်ရှိသည်။ လူသားတရပ်လုံး၏ အရေးဖြစ်သည်ဟု လက်ခံလာစေခဲ့သည်။
ဒုတိယကမ္ဘာစစ်

၁၉၃၀ ခုနှစ်များ၊ ၁၉၄၀ ခုနှစ်များတွင် ဂျာမဏီနိုင်ငံမှ နာဇီခေါင်းဆောင်များသည် မြင့်မြတ်သော အုပ်ချုပ်သူမဟာမျိုးနွယ်ကို ထူထောင်နိုင်ရန် စီမံချက်အဖြစ်၊ လူ ၆ သန်းကျော်ကို စံနစ်တကျ သတ်ဖြတ်သုတ်သင်ခဲ့ကြသည်။ အဓိကသားကောင်အများစုမှာ ဂျူးလူမျိုးများဖြစ်ကြပြီး၊ နေရာရွေ့ပြောင်းနေထိုင်လေ့ရှိကြသော ဂျစ်ပစီ (ရိုမာ) လူမျိုးများ၊ ခရစ်ယန်ကတ်သလစ်ဘာသာဝင်များ၊ လိင်တူဆက်ဆံသူးမျာှးနှင့် ကိုယ်ကာယမသန်စွမ်းသူများ၊ စိတ်ရောဂါဖြင့် ရူးသွပ်မကျန်းမာသူ အများအပြားလည်း သတ်ဖြတ်ခံခဲ့ရသည်။ ဒုတိယကမ္ဘာစစ်အပြီးကာလ ဂျာမဏီစစ်ရှုံးသောအခါ စစ်နိုင်သော မဟာမိတ်အင်အားစုခေါင်းဆောင်များက ထိုရက်စက်မှုများအတွက် အပြစ်ရှိသော နာဇီခေါင်းဆောင်များကို နျူရင်ဘတ်မြို့၌ ခုံရုံးတင် စစ်ဆေးကာ အပြစ်ပေးခဲ့ကြသည်။ လူအစုအပြုံလိုက် မျိုးဖြုတ်သတ်ဖြတ်ခဲ့မှုအတွက် တာဝန်ရှိသည်ဆိုကာ အရေးယူ အပြစ်ပေးခဲ့ကြခြင်းဖြစ်သည်။ ဂျာမဏီတွင်လည်းကောင်း ဂျာမဏီက စစ်ကာလသိမ်းပိုက်ထားသော နိုင်ငံများတွင်လည်းကောင်း၊ အစိုးရသစ်များပေါ်လာပြီး ယခင်နာဇီအာဏာပိုင်များနှင့် ပူးပေါင်းဆောင်ရွက်ခဲ့သူများ၊ နာဇီပါတီဝင်များကိုလည်း နိုင်ငံရေးသြဇာပြန်လည် မထူထောင်စေနိုင်ရန် ကန့်သတ်သည့်အနေဖြင့် လူမှုရေးအရ ဒဏ်ခတ်အပြစ်ပေးခဲ့ကြသည်။ ထိုမျိုးဖြုတ်စစ်ပွဲတွင် ဘ၀ပျက်ခဲ့ရသူများ၊ ညှင်းပန်းခံခဲ့ရသူများကိုလည်း ဘ၀ပန်လည်ထူထောင်နိုင်စေရန် နစ်နာကြေးများ၊ ထောက်ပံ့မှုများ ဆောင်ရွက်ပေးခဲ့ကြသည်။ ထိုဂျူးလူမျိုးများကို နယ်မြေတခုတွင် အခြေချနိုင်ရန် စီစဉ်ပေးကာ၊ အစ္စရေးလ်နိုင်ငံအဖြစ် ထူထောင်ပေးခဲ့ကြသည်။ ဂျူးလူမျိုးအများစုက အစ္စရေးသို့ ပြောင်းရွှေ့အခြေချနေထိုင်ခဲ့ကြကာ ဘ၀ကိုပြန်လည် ထူထောင်ကြသည်။ ဤလူမဆန်သော ဖြစ်ရပ်ဆိုးကို ပြန်လည်အမှတ်ရစေရန်နှင့် သင်ခန်းစာယူစေနိုင်ရန်အတွက် အထိမ်းအမှတ်များဖြစ်သည့် ပြတိုက်များ၊ အထိမ်းအမှတ်ကျောက်ရုပ်များ၊ ရုပ်ရှင်ကားများ၊ အနုပညာပြပွဲများ ဆောင်ရွက်ခဲ့ကြသည်။ ထိုဆောင်ရွက်မှုများက ဟိုလိုကော့စ် လူမျိုးဖြုတ်သတ်ဖြတ်ပွဲကြီးကို ရှုထောင့်အမြင်ပေါင်းစုံမှ ပြန်လည်ဖော်ပြကာ ကမ္ဘာ့လူသားအားလုံးကို ပညာပေးနိုင်ခဲ့ကြသည်။ နောက်တကြိမ် ထပ်မံမဖြစ်ပွားစေရေးအတွက် လူသားအားလုံးတွင် တာဝန်ရှိသည်ဟုလည်း နှိုးဆော်ခဲ့ကြသည်။

နာဇီဂျာမဏီတို့၏ အကျဉ်းစခန်းမှ အမျိုးသမီးဓါးစာခံများ

နာဇီတို့၏ အကျဉ်းစခန်းမှ အပြစ်မဲ့ ကလေးသူငယ်များ

အပြစ်မဲ့ ဓါးစားခံများကို အစုအပြုံလိုက် ဓါတ်ငွေ့လွှတ်သတ်ရာ အခန်း

အစုအပြုံလိုက် ဓါတ်ငွေ့လွှတ်သတ်ခံလိုက်ရသော ဓါးစာခံများ

ဓါးစာခံများ၏ ဆံပင်ဖြင့် ပြုလုပ်ထားသော အခင်း

အသတ်ခံရသော ဓါးစာခံများ၏ ကျန်ရစ်ခဲ့သော မျက်မှန်များ

တောင်အမေရိကနိုင်ငံများ

၁၉၇၀ ခုနှစ်နှင့် ၈၀ခုနှစ် ကာလများတွင် အလယ်ပိုင်းနှင့် တောင်ပိုင်းရှိ အမေရိကတိုက်နိုင်ငံများတွင် စစ်အာဏာသိမ်းပိုက်မှုများနှင့် စစ်အာဏာရှင်အစိုးရများ ပေါ်ထွန်းခဲ့ကြသည်။ ထိုစစ်အာဏာရှင်အများစု၏ ရပ်တည်ချက်မှာ ကွန်မြူနစ်များ သြဇာမလွှမ်းမိုးစေရေးဖြစ်ကာ၊ ကွန်မြူနစ်ဆန့်ကျင်ရေး အပြင်းအထန် လှုပ်ရှားခဲ့ကြသည်။ အတိုက်အခံအများစုကို အကြမ်းဖက်သမားဟု စွပ်စွဲကာ သုတ်သင်သတ်ဖြတ်ခဲ့ကြသည်။ အာဂျင်တီးနားနှင့် ချီလီနိုင်ငံများတွင် ထိုအစိုးရများ ချမှတ်ကျင့်သုံးခဲ့ကြသော နည်းလမ်းတခုမှာ အတိုက်အခံများကို လက်စတုန်း သတ်ဖြတ်ပစ်ခြင်းဖြစ်သည်။ အတိုက်အခံများကို ပြန်ပေးဆွဲခြင်း၊ ညှင်းပန်းစစ်ကြောခြင်း၊ နှိပ်စက်ခြင်းနှင့် နောက်ဆုံးလက်စတုံး သတ်ဖြတ်သည်အထိ ဆောင်ရွက်ခဲ့ကြသည်။ လူအများစု ပျောက်သွားကြသည်။ မည်သို့ရောက်သွားမှန်း မသိကြ။

ဤသို့ဖြင့် ကွန်မြူနစ်အုပ်စုနှင့် အနောက်နိုင်ငံများအကြား ဖြစ်ပွားခဲ့သော စစ်အေးတိုက်ပွဲကာလ အရှိန်လျော့သွားသောအခါ ထိုလက်တင် အမေရိကနိုင်ငံများတွင် ဒီမိုကရေစီအစိုးရများ ပြန်လည်ထွန်းကားလာသည်။ ထို့နောက်ပိုင်းကာလတွင် အတိတ်ကာလ ဖြစ်ပျက်ခဲ့သော လူ့အခွင့်အရေးချိုဖောက်မှုများ၊ အာဏာအလွဲသုံးစားပြုမှုများကို ပြန်လည်ဖြေရှင်းရတော့သည်။ အာဂျင်တီးနားနိုင်ငံတွင် စစ်အာဏာရှင်ခေါင်းဆောင်များကို နှစ်အနည်းငယ်အကြာ လွတ်ငြိမ်းချမ်းသာခွင့်ပေးပြီးသည့်နောက်ပိုင်း ပြန်လည်ခုံရုံးတင်စစ်ဆေးကာ အပြစ်ပေးသည်။ ချီလီနိုင်ငံတွင်မူ စစ်အာဏာရှင် ဗိုလ်ချုပ်ကြီးပီနိုရှေးက ဒီမိုကရေစီကူးပြောင်းပေးမည်ဟု ညှိုနှိုင်းကာ သူနှင့် စစ်ခေါင်းဆောင်များက အရေးပါသော အာဏာအချို့ကို ဆက်လက်ထိန်းချုပ်ထားခဲ့သည်။ ယနေ့ကာလတိုင် ချီလီနိုင်ငံတွင် လက်စတုန်း ဖျောက်ဖျက်သတ်ဖြတ်ခံခဲ့ရသော အမှုများကို အမှုမှန်ပေါ်ပေါက်ရေးအတွက် စုံစမ်းစစ်ဆေးနေဆဲဖြစ်သည်။ ဆယ်စုနှစ်တခုကြာ၍ ပီနိုရှေးအာဏာမှေးမှိန်သွားသောအခါ ယခင်သားကောင်များ၏ အချက်အလက်ကို စုံစမ်းဖော်ထုတ်နေသော အခြေအနေမှ ပြစ်မှုကျူးလွန်ခဲ့ကြသူ ကာယကံရှင်များဖက်သို့ အာရုံလှည့်လာကြသည်။ လူ့အခွင့်အရေး ချိုးဖောက်ကျူးလွန်ခဲ့ကြသူ စစ်ခေါင်းဆောင်အများစုကို ခုံရုံးတင်စစ်ဆေးမှုများ စတင်လာကြပြီဖြစ်သည်။

၂၀၀၃ ခုနှစ်တွင် ပီရူးနိုင်ငံရှိ အမှုမှန်ပေါ်ပေါက်ရေးနှင့်ပြန်လည်သင့်မြတ်ရေးကော်မရှင် ( TRC ) မှ လက်တင်အမေရိကနိုင်ငံများအတွင်း၊ ပထမဆုံးအကြိမ်အဖြစ် အတိတ်က ဖြစ်ပျက်ခဲ့သော လူ့အခွင့်အရေးချိုးဖောက်ခံခဲ့ရမှုများအတွက် လူထုကြားနာမှုတရပ်ဆောင်ရွက်ခဲ့ပြီး၊ အသေးစိတ်အချက်အလက်များဖြင့် အစီရင်ခံစာတစောင် ပုံနှိပ်ထုတ်ဝေခဲ့သည်။ ထိုအစီရင်ခံစာအရ ၁၉၈၀ မှ ၂၀၀၀ခုနှစ်အတွင်း အစိုးရတပ်များနှင့် လက်ဝဲသူပုန်များ၏ သတ်ဖြတ်မှုကြောင့် လူ ၆၉၀၀၀ ကျော် သေဆုံးခဲ့ရကြောင်းနှင့် အများစုမှာ ကွီကျူဝါစကားပြောသော ဋ္ဌာနေအင်ဒီးယန်းတိုင်းရင်းသားများဖြစ်သည်ဟု ဖော်ပြခဲ့သည်။ ထိုကော်မရှင်မှာ အမှု ၆၀ကျော်ကို တရားရုံးများမှ ဆက်လက်အရေးယူနိုင်ရန် တင်ပြပေးနိုင်ခဲ့သည်။

အရှေ့ဥရောပ

၁၉၈၉ ခုနှစ်တွင် ဘာလင်တံတိုင်းကြီး ပြိုကျသွားသည်နှင့်အတူ အရှေ့ဥရောပရှိ ကွန်မြူနစ်နိုင်ငံများသည်လည်း ကွန်မြူနစ်အယူအဆကို စွန့်လွှတ်ကာ နိုင်ငံရေးအရ ပွင့်လင်းသော စနစ်သို့ အသွင်ပြောင်းလာခဲ့သည်။ ထိုနောက်ပိုင်းတွင် အတိတ်ကာလ အနှစ် ၄၀ကျော် တပါတီအုပ်ချုပ်ရေးစနစ် အောက်၌ရှိနေစဉ်၊ ဖြစ်ပျက်ခဲ့သော လူ့အခွင့်အရေးချိုးဖောက်ခံရမှု ကိစ္စများကို ပြန်လည်ဖြေရှင်း ကြရတော့သည်။ ထိုနိုင်ငံများတွင် ကြုံကြရသော ခက်ခဲသော ပြသနာတရပ်မှာ လူ့အဖွဲ့အစည်းအတွင်း နက်နက်ရှိုင်းရှိုင်းထိုးဖောက်တည်ရှိခဲ့သော ထောက်လှန်းရေး (လျှို့ဝှက်ရဲတပ်ဖွဲ့) များ၏ ပြသနာဖြစ်သည်။ ထိုအရှေ့ဥရောပနိုင်ငံများမှ ပြည်သူများသည် ထောက်လှန်းရေးဋ္ဌာနများ၏ လျှို့ဝှက်မှတ်တမ်းများကို ပြန်လည်ကြည့်ရှုခွင့်ရသောအခါ သူတို့၏ အိမ်နီးချင်းများ၊ ရပ်ကွက်ရှိ ဈေးဆိုင်ပိုင်ရှင်များ၊ နောက်ဆုံး သူတို့ချစ်ခင်ရသူများပါ လျှို့ဝှက်ထောက်လှန်းရေး၏ သတင်းပေးများ၊ ပူးပေါင်းဆောင်ရွက်နေသူများဖြစ်ကြသည်ကို အံ့သြဖွယ်တွေ့ကြရသည်။ အရှေ့ဂျာမဏီနှင့် ချက်ကိုစလိုဗက်ကီးယားနိုင်ငံတို့ အနေဖြင့် ယခင်ကွန်မြူနစ်အစိုးရ အရာရှိများ၊ လျှို့ဝှက်ထောက်လှန်းရေးများ၊ ထောက်လှန်းရေးကိစ္စများအတွက် ကူညီခဲ့သူ အာဏာဟောင်းမှလူများကို အစိုးရ၀န်ထမ်း၊ နိုင်ငံခေါင်းဆောင်များအဖြစ် ပြန်လည်တာဝန်မထမ်းဆောင်နိုင်စေရန် ကန့်သတ်ခဲ့ကြသည်။ ထိုသူများကို အပြစ်ဒဏ်ခတ်ခြင်းနှင့် အချိန်တည်းတွင် အာဏာနေရာယူပြီး ဒီမိုကရေစီဆန့်ကျင်ရေး မလုပ်ဆောင်နိုင်စေရန် ရည်ရွယ်တားမြစ်ခဲ့ကြခြင်းဖြစ်သည်။ ထိုသို့ဆောင်ရွက်ခဲ့ရသော ကိစ္စများသည် ခက်ခဲရှုပ်ထွေးလှသလို၊ လုံးဝအပြည့်အစံ တာဝန်ရှိသူအားလုံးကို တရားသည့်အတိုင်းဖြစ်စေရန် လုပ်ဆောင်နိုင်ခဲ့ခြင်း မရှိသေးပေ။ အထူးသဖြင့် ဤကျူးလွန်ခဲ့သူတို့တွင် ပါဝင်ခဲ့သူများနှင့်ပက်သက်ပြီး ငြင်းခုံမှုများ ဆက်လက်ဖြစ်ပွားလျှက်ရှိပါသည်။

အမေရိကတိုက် အလယ်ပိုင်းနိုင်ငံများ

အယ်လ်ဆာဗေးဒိုးနှင့် ဂွာတီမာလာနိုင်ငံများတွင် ကုလသမဂ္ဂမှ ကြားဝင်ဖြန်ဖြေမှုဖြင့် ဆယ်စုနှစ်ပေါင်းများစွာ အပြင်းအထိန်ဆင်နွှဲနေသော ပြည်တွင်းစစ်ကို ညှိုနှိုင်းပြေလည် နိဂုံးချုပ်စေနိုင်ခဲ့ကြသည်။ အတိတ်ကာလဖြစ်ပွားခဲ့သော လူ့အခွင့်အရေးချိုးဖောက်မှုများကို တရားမျှတမှုဖြစ်စေရန် ဆောင်ရွက်သည့် လုပ်ငန်းများတွင် ကုလသမဂ္ဂကိုယ်၌က တက်တက်ကြွကြွ ပါဝင်ဆောင်ရွက်ခဲ့ကြသည်။ ထိုနိုင်ငံ ၂ ခုလုံးတွင် ကုလသမဂ္ဂက အမှုမှန်ပေါ်ပေါက်ရေးကော်မရှင်များ ဖွဲ့စည်းစစ်ဆေးခဲ့ကြသည်။ ၁၉၉၃ ခုနှစ်တွင် ကုလသမဂ္ဂ၏ အမှုမှန်ပေါ်ပေါက်ရေးကော်မရှင်မှ အယ်လ်ဆာဗေးဒိုးနိုင်ငံအတွက် " ရူးသွပ်မိုက်မဲမှုမှသည် မျှော်လင့်ချက်ဆီသို့ " အမည်ရသော အစီရင်ခံစာတစောင် တင်သွင်းသည်။ ထိုအစီရင်ခံစာတွင် လူ့အခွင့်အရေးချိုးဖောက်ကျူးလွန်ခဲ့ကြသော တာဝန်ရှိသူများ အမည်အတိအကျဖော်ပြခဲ့ပြီး အစိုးရတွင် ဤအတိတ်က လူ့အခွင့်အရေးချိုးဖောက်မှုများအတွက် တာဝန်များစွာရှိကြောင်း အပြစ်ဖို့ခဲ့သည်။ ထိုအစီရင်ခံစာ တင်သွင်းပြီး ၅ ရက်ကြာသောအခါ အယ်လ်ဆာဗေးဒိုအစိုးရနှင့် စစ်တပ်မှ ဤအစီရင်ခံစာကို ပြစ်တင်ရှုံ့ချပြီး အစီရင်ခံစာတွင်း အပြစ်ရှိသည်ဟု ဖော်ပြထားသူအားလုံးကို လွတ်ငြိမ်းချမ်းသာခွင့် ကြော်ငြာပေးလိုက်သည်။ ဂွာတီမာလာနိုင်ငံတွင်း ဖြစ်ပျက်ခဲ့သော အမှုများအတွက်လည်း အမှုမှန်ပေါ်ပေါက်ရေးကော်မရှင်မှ အစီရင်ခံစာတစောင် ၁၉၉၉ တွင် တင်သွင်းခဲ့သည်။ ပြစ်မှုကျူးလွန်ဆောင်ရွက်ခဲ့သူ တဦးချင်းအမည်ကို မဖော်ပြသော်လည်း အစိုးရကိုယ်၌က သို့မဟုတ် အစိုးရ၏ ခွင့်ပြုချက်ဖြင့် တိုင်းရင်းသားဒေသများတွင် ဖိနှိပ်ရက်စက်မှုများ ကျူးလွန်ခဲ့ကြသည်ဟု ဖော်ပြခဲ့သည်။ ဤအစီရင်ခံစာ၌ တွေ့ရသော ပြစ်မှုများကို ထောက်ပြပြီး အစိုးရအနေဖြင့် လူမျိုးဖြုတ်သတ်ဖြတ်မှုများ ကျူးလွန်သည့်သဖွယ်ရောက်စေသည်ဟု ဝေဖန်ဖော်ပြခဲ့သည်။ ထိုပြစ်မှုများ ကျူးလွန်ခဲ့ကြသော အစိုးရအရာရှိများနှင့် စစ်တပ်ခေါင်းဆောင်များကို တရားရုံးတွင် အပြစ်ပေးနိုင်ရန် ယခုအခါ ကြိုးပမ်းနေကြပြီဖြစ်သည်။

တောင်အာဖရိက

အစိုးရပါတီဖြစ်သော လူဖြူများ၏ အမျိုးသားပါတီနှင့် အာဖရိကန်အမျိုးသားကွန်ဂရက် ( ANC ) တို့အကြား နိုင်ငံရေးဆွေးနွေးပွဲများ ကျင်းပကာ၊ နောက်ဆုံး ၁၉၉၄ ခုနှစ်တွင် လွတ်လပ်သော ရွေးကောက်ပွဲများ ကျင်းပနိုင်သည်။ ထို့နောက် တောင်အာဖရိကနိုင်ငံရှိ လူမည်းအမျိုးသားများကို ခွဲခြားဖိနှိပ်အုပ်ချုပ်ခဲ့သော အသားအရောင်ခွဲခြားရေးစနစ်ကို တရားဝင် အဆုံးသတ်နိုင်တော့သည်။ တောင်အာဖရိကနိုင်ငံအနေဖြင့် အမှုမှန်ပေါ်ပေါက်ရေးအတွက် စုံစမ်းဖော်ထုတ်မှုများ စနစ်တကျဆောင်ရွက်ခဲ့ပြီး၊ ဤဆောင်ရွက်မှုကို ကောင်းလွန်း၍ နိုင်ငံအများစုက စံပြအတုယူကြရသည်။ တောင်အာဖရိကနိုင်ငံအနေဖြင့် အမှန်တရားပေါ်ပေါက်ရေးနှင့် ပြန်လည်သင့်မြတ်ရေးကော်မရှင်တရပ်ဖွဲ့စည်းကာ လူထုရှေ့မှောက်၌ ကြားနာပွဲများပြုလုပ်ခြင်း၊ အကယ်၍ လူ့အခွင့်အရေးချိုးဖောက်မှု ကျူးလွန်ခဲ့သူက အဖြစ်မှန်ကို အကုန်အစင်ဖွင့်ဟပါက အပြစ်မပေးတော့ပဲ ကန့်သတ်ချက်ဖြင့် လွတ်ငြိမ်းချမ်းသာခွင့်ပေးခြင်း စသည့်လုပ်ငန်းများ ဆောင်ရွက်ခဲ့ကြသည်။ ငြိမ်းချမ်းရေးနိုဗယ်ဆုရှင် ဘုန်းတော်ကြီး ဒက်စမွတ်တူးတူးက ဤကော်မရှင်၏ ဥက္ကဋ္ဌအဖြစ် ဆောင်ရွက်သည်။ ဤကော်မရှင်အနေဖြင့် နှစ်ပေါင်းရာကျော် အခွင့်အရေးမညီမျှမှု ဆူကြုံနိမ့်မြင့်၊ လူမျိုးရေးအရ ကွဲပြားနေခဲ့ရသော လူ့အဖွဲ့အစည်း၏ နာတာရှည်ရောဂါသဖွယ် အမြစ်တွယ်နေသော လူမှုပြဿနာများကို ဖြေရှင်းနိုင်လိမ့်မည်ဟု မျှော်လင့်ချက်ပိုခဲ့ကြသည်။ လူဖြူအမျိုးသားရော၊ လူမည်းအမျိုးသားမျာပါ ဤကော်မရှင်က အများကြီးဆောင်ရွက်ပေးနိုင်လိမ့်မည်ဟု ထင်ခဲ့ကြသည်။ လက်ရှိကာလအထိ အမှုမှန်ပေါ်ပေါက်ရေးနှင့် ပြည်လည်သင့်မြတ်ရေးကော်မရှင်မှ အတိတ်က ဖြစ်ပျက်ခဲ့သော လူ့အခွင့်အရေးချိုးဖောက်ခံရမှု၊ နစ်နာမှုများကို ပြန်လည်အသိအမှတ်ပြုခံရစေရန် များစွာဆောင်ရွက်ပေးနိုင်ခဲ့သည့်အပြင်၊ အခြားသော အသွင်ပြောင်းရေး ဆောင်ရွက်နေကြသည့် လူမှုအသိုင်းအ၀ိုင်းများသို့ပါ အတွေ့အကြုံ သင်ခန်းစားများဖြင့် ကောင်းကျိုးပြုနိုင်ခဲ့သည်။

Truth and Reconciliation Commission (South Africa) ဥက္ကဋ္ဌအဖြစ်ဆောင်ရွက်ခဲ့သော နိုဗယ်လ်ငြိမ်းချမ်းရေးဆုရှင် ဘုန်းတော်ကြီး ဒက်စမွတ်တူးတူး နှင့် မြန်မာ့ဒီမိုကရေစီခေါင်းဆောင် နိုဗယ်လ်ငြိမ်းချမ်းရေးဆုရင် ဒေါ်အောင်ဆန်းစုကြည်

ယခင် ယူဂိုဆလားဗီးယားနိုင်ငံနှင့် ရ၀မ်ဒါနိုင်ငံတို့မှ အရေးပေါ်ဖွဲ့စည်းသော တရားရုံး

တောင်အာဖရိကနိုင်ငံ၏ အံ့မခန်းအောင်မြင်ခဲ့သော အသွင်ကူးပြောင်းရေးကာလနှင့် ခြားနားစွာ၊ ၁၉၉၀ခုနှစ်တွင် ယူဂိုဆလားဗီးယားနိုင်ငံနှင့် ရ၀မ်ဒါနိုင်ငံများတွင် ရက်စက်ကြမ်းကြုတ်သော လူသတ်ပွဲများဆင်နွှဲခဲ့ကြသည်။ မျိုးဖြုတ်သတ်ဖြတ်မှုများ၊ လူသားမျိုးနွယ်တရပ်လုံးအတွက် အန္တရယ်ရှိစေသည်ဟု ယူဆသော သတ်ဖြတ်မှု၊ ပြစ်မှုများ၊ စစ်ရာဇ၀တ်မှုများအတွက် ကုလသမဂ္ဂလုံခြုံရေးကောင်စီ၏ ဆုံးဖြတ်ချက်ဖြင့် စစ်ခုံရုံးတင်စစ်ဆေးခဲ့သည်။ ၎င်းခုံရုံးများသည် ရ၀မ်ဒါနှင့် ယူဂိုဆလားဗီးယားနိုင်ငံများအတွက် သီးသန့်ဖွဲ့စည်းပေးခဲ့ခြင်းဖြစ်ပြီး၊ အမြဲတမ်းခုံရုံးများမဟုတ်ပါ။ ရ၀မ်ဒါနိုင်ငံအတွက် ဆောင်ရွက်ခဲ့သော နိုင်ငံတကာခုံရုံးအနေဖြင့်၊ အခြားလူမျိုးတခုကို မျိုးစတုန်းစေရန် ရည်ရွယ်ချက်ဖြင့် စံနစ်တကျဗျူဟာချမျတ်ကာ အမျိုးသမီးများကို မုဒိန်းကျင့်မှုများ ကျူးလွန်ရန် စေခိုင်းခဲ့ကြောင်း တွေ့ရှိရသည်။ ယူဂိုစလားဗီးယားခေါင်းဆောင် ဆလိုဗန် မီလိုဆီဗစ်ချကိုမူ လူသားမျိုးနွယ်တရပ်လုံးအတွက် အန္တရယ်ဖြစ်စေသော ရာဇ၀တ်မှုကျူးမှုဖြင့် ခုံရုံးတင်စစ်ဆေးခဲ့သည်။ နိုင်ငံခေါင်းဆောင်ဟောင်းတဦးဖြစ်သော မီလိုဆီဗစ်အနေဖြင့် နိုင်ငံတကာခုံရုံးရှေ့တွင် ခုံရုံးတင်စစ်ဆေးခံရခြင်းမှာ လူ့အခွင့်အရေးချိုးဖောက်မှု ကျူးလွန်နေကြသော အခြားနိုင်ငံခေါင်းဆောင်များ အနေဖြင့် မိမိပိုင် နိုင်ငံနယ်နိမိတ်အတွင်း သံသမန်ရေးအကြောင်းပြချက်နှင့် အပြစ်ကင်းလွတ်နေခွင့် မရှိတော့ကြောင်း အပြင်းထန်ဆုံး သတိပေးလိုက်ခြင်းဖြစ်သည်။

နိုင်ငံတကာပါဝင်ပက်သက်သော ပြည်တွင်းတရားရုံးများ

ရ၀မ်ဒါနှင့် ယူဂိုဆလားဗီးယားနိုင်ငံများမှ ပြစ်မှုများအတွက် နိုင်ငံတကာ တရားခုံရုံးများ ဖွဲ့စည်းဆောင်ရွက်ပြီးသည့်နောက်တွင်၊ အခြားသော နိုင်ငံများဖြစ်သည့် ဆီရာလီယွန်နီ၊ အရှေ့တီမော၊ ကမ္ဘောဒီးယား စသောနိုင်ငံများတွင် ဖြစ်ပွားခဲ့သော လူ့အခွင့်အရေးချိုးဖောက်ကျူးလွန်မှုများအတွက်၊ ထိုနိုင်ငံများရှိ တရားစီရင်ရေးစံနစ်အောက်၌ပင် နိုင်ငံတကာတရားသူကြီးများ ပါဝင်စေကာ ဖွဲ့စည်းစစ်ဆေးခဲ့သည်။ ဤသို့ စုပေါင်းစပ်ပေါင်းတရားရုံးများ ဖွဲ့စည်းကြရခြင်းမှာ အရေးပေါ်ဖွဲ့စည်းရသော ခုံရုံးများ၏ တရားဝင်မှု ပိုရစေရန်ဖြစ်သည်။ ထိုတရားစစ်ဆေးရေး နည်းလမ်းများကို နိုင်ငံတကာ စံထုံးများနှင့်အညီ အဆင့်မြင့်စေပြီး၊ တဖက်တွင် လွတ်လပ်သော တရားစီရင်ရေးဖြစ်စေရန် ရည်ရွယ်သည်။ ထို့အပြင် ဤတရားရုံးများက ကုန်ကျစားရိတ်များ အများအပြားကုန်ကျမှုကို သက်သာစေပြီး၊ ဒေသခံပြည်သူလူထု၏ ပူးပေါင်းဆောင်ရွက်မှုနှင့် စီရင်ခွင့်ကိုလည်း ရရှိစေသည်။ ဤသို့သော တရားရုံးများ၏ အောင်မြင်မှုကို သိရှိနိုင်စေရန် အချိန်ယူကြရဦးမည်ဖြစ်သည်။

နိုင်ငံတကာဥပဒေအရေ အရေးယူအပြစ်ပေးခြင်းနှင့် နိုင်ငံတကာရာဇ၀တ်မှုဆိုင်ရာ ခုံရုံး

ကမ္ဘာ့ကုလသမဂ္ဂကြီးပေါ်ပေါက်လာချိန်မှစ၍ နိုင်ငံတကာ လူ့အခွင့်အရေးဆိုင်ရာ ဥပဒေများပြဋ္ဌာန်းလာခဲ့ပြီး၊ ဖွံ့ဖြိုးတိုးတက်လာသည်။ အချို့သော လူ့အခွင့်အရေးချိုးဖောက်မှုများသည် လူသားတချို့ကို အကျိုးသက်ရောက်စေရုံမျှသာမက၊ အချို့သောကျူးလွန်ချိုးဖောက်မှုများမှာ ပြင်းထန်ကျယ်ပြန့်ရက်စက်လွန်းပြီး လူသားမျိုးနွယ်တခုလုံးကိုပါ ထိခိုက်စေခဲ့ရသည်။ ဤသို့သော ပြစ်မှုမျိုးကို ယဉ်ကျေးသော လူ့အသိုင်းအ၀ိုင်းတခုလုံးက မည်သည့်အကြောင်းပြချက်နှင့်မျှ လက်ခံနိုင်စရာအကြောင်းမရှိပေ။ နိုင်ငံတခုနှင့်တခုကြား ဖြစ်ပွားသော နိုင်ငံတကာပဋ္ဋိပက္ခများတွင်ဖြစ်စေ၊ နိုင်ငံတခု၏ အချုပ်အခြာအာဏာပိုင် နယ်မြေအတွင်း ကျူးလွန်သော ကိစ္စပင်ဖြစ်စေ၊ ဤကဲ့သို့ ဆိုးရွားပြင်းထန်သော လူ့အခွင့်အရေးချိုးဖောက်မှုမျိုးကို နိုင်ငံတခုက ကမကထပြုကာ နိုင်ငံတကာခုံရုံးမှ တရားစွဲဆိုရန် တင်သွင်းနိုင်သည်။ အကြောင်းမှာ နိုင်ငံတကာလူ့အသိုင်းအ၀ိုင်းကြီးတခုလုံးနှင့် ပက်သက်၍ ထိခိုက်နစ်နာစေသော အကြောင်းကြောင့်ဖြစ်သည်။

ဒုတိယကမ္ဘာစစ်ပြီးသော ကာလတွင် နိုင်ငံတကာခုံရုံးမျိုးဖြင့် အပြစ်ပေးမှုနှင့် ပက်သက်သော ကိစ္စရပ်ကို ပထမဆုံးဆောင်ရွက်ခဲ့သော နိုင်ငံများးတွင် အစ္စရေးနိုင်ငံသည် တခုအပါအ၀င်ဖြစ်သည်။ နာဇီခေါင်းဆောင် အဒေါ့အိုက်ခမန်းကို ၁၉၆၀ခုနှစ်တွင် အာဂျင်တီးနားနိုင်ငံ၌ ဖမ်းဆီးရမိသောအခါ အစ္စရေးနိုင်ငံသို့ ခေါ်ဆောင်လာကာ၊ လူမျိုးတုန်းသတ်ဖြတ်မှုများကို ကျူးလွန်ခဲ့မှုအတွက် ခုံရုံးတင်စစ်ဆေး အပြစ်ပေးခဲ့သည်။ မကြာသေးမီကလည်း အလားတူအဖြစ်အပျက်များ ပေါ်ပေါက်ခဲ့သည်။ စပိန်နိုင်ငံရှိ တရားသူကြီးတဦးက ချီလီနိုင်ငံ၏ အာဏာရှင်ဟောင်း ဗိုလ်ချုပ်ကြီးသြော်ဂတ်စ်တို ပီနိုရှေးကို သူကျူးလွန်ခဲ့သော နှိပ်စက်ညှင်းပန်းမှုနှင့် လူမျိုးဖြုတ်သတ်ဖြတ်မှုများအတွက် စပိန်နိုင်ငံတွင် ခုံရုံးတင်အပြစ်ပေးနိုင်ရန် လွဲပြောင်းပေးပါရန် တောင်းဆိုခဲ့သည်။ ထို့အပြင် ဘယ်ဂျီယံနိုင်ငံတွင် ခွင့်ပြုထားသော ဥပဒေအရ နိုင်ငံတကာတွင် လူ့အခွင့်အရေးချိုးဖောက်မှု ကျူးလွန်ခဲ့သော တာဝန်ရှိသူများမကို နစ်နာခဲ့သူ တဦးဦးမှ ဘယ်လ်ဂျီယံနိုင်ငံတွင် တရားစွဲခွင့်ရှိရာ၊ ကမ္ဘာ့နိုင်ငံအသီးသီးမှ လူ့အခွင့်အရေးချိုးဖောက်မှု ကျူးလွန်ခဲ့သူများကို တရားစွဲဆိုမှုများ ပေါ်ပေါက်ခဲ့သည်။ ထိုသူများမှာ သူတို့နိုင်ငံတွင် လွတ်ငြိမ်းချမ်းသာခွင့် ပြုခံခဲ့ရသူများဖြစ်ကြသလို၊ အရေးယူမခံခဲ့ရသော အရေးမယူနိုင်သော ပုဂ္ဂိုလ်များလည်းဖြစ်ကြသည်။ သို့သော် မကြာသေးမီက ထိုဥပဒေကို ပြန်လည်ပြင်ဆင်သော ဥပဒေတရပ်ကို ဘယ်လ်ဂျီယံနိုင်ငံက ပြဋ္ဌာန်းခဲ့ရသည်။ အကြောင်းမှာ ထိုဥပဒေကို အသုံးပြု၍ အမေရိကန်ခေါင်းဆောင်များက တရားစွဲဆိုလာမည်ကို စိုးရ်ိမ်၍ အမေရိကန်က ဖိအားပေး ကန့်ကွက်ခဲ့သောကြောင့်ဖြစ်သည်။

နိုင်ငံတခုက နိုင်ငံတကာခုံရုံးဖွဲ့ရန် စွဲဆိုတင်သွင်းနိုင်သော ဆိုးရွားရက်စက်လွန်းသော လူ့အခွင့်အရေးချိုးဖောက်မှုများတွင် လူမျိုးဖြုတ်သတ်ဖြတ်မှုများ၊ လူသားမျိုးနွယ်တခုလုံးကို အန္တရယ်ဖြစ်စေနိုင်သော ပြစ်မှုမျိုးနှင့် စစ်ရာဇ၀တ်မှုများ ပါဝင်သည်။ ၁၉၉၈တွင် ရောမမြို့တွင် ပြဋ္ဌာန်းလိုက်သော နိုင်ငံတကာသဘောတူညီချက် ဥပဒေအရ ဤပြစ်မှုများ၏ အနက်အဓိပ္ပါယ်ကို အောက်ပါအတိုင်းဖွင့်ဆိုခဲ့သည်။

လူသားများကို မျိုးဖြုတ်သတ်ဖြတ်မှု

လူသားမျိုးနွယ်တခုလုံးကိုသော်လည်းကောင်း၊ တစိတ်တပိုင်းကိုသော်လည်းကောင်း၊ ဖျက်စီးချေမှုန်းရန်ရည်ရွယ်ချက်နှင့် ပြုလုပ်သော ပြစ်မှုမျိုးဖြစ်သည်။ ဤပြစ်မှုမျိုးတွင် သတ်ဖြတ်ခြင်း၊ ခန္ဓာကိုယ်အရသော်လည်းကောင်း၊ စိတ်ဓါတ်ရေးရာအရသော်လည်းကောင်း ဒဏ်ရာအနာတရဖြစ်စေခြင်း၊ ရုပ်ဝတ္ထုပျက်သုဉ်းစေမည့် အခြေအနေကို ဖန်တီးခြင်း ( ဥပမာအားဖြင့် ရွာများပြောင်းရွှေ့စေ၍ စုပေါင်းကျေးရွာများ တည်ဆောက်ခြင်း )၊ လူမျိုးစုတခုအတွင်း မျိုးနွယ်များ ဆက်လက်မွေးဖွားခွင့်အခြေအနေကို ပိတ်ပင်တားဆီးခြင်း ( ဥပမာအားဖြင့် အဓမ္မသားကြောဖြတ်စေခြင်း )၊ လူမျိုးနွယ်တစုမှ ကလေးများကို အခြားမျိုးနွယ်တစုထံသို့ ရွှေ့ပြောင်းထားခြင်း၊ မုဒိန်းမှုကျူးလွန်ခြင်းများ ပါဝင်သည်။ အခြားမျိုးနွယ်တခုကို အစတုံးစေရန် စံနစ်တကျဗျူဟာချမှတ်၍ ဤပြစ်မှုများကို လုပ်ဆောင်သည်ဆိုပါက လူသားများကို မျိုးဖြုတ်သတ်မှု ကျူးလွန်ရာရောက်သည်။

လူသားမျိုးနွယ်တခုလုံးကို အန္တရယ်ဖြစ်စေသောပြစ်မှု

သတ်ဖြတ်မှု၊ မုဒိန်းမှု၊ ညှင်းပန်းနှိပ်စက်မှု၊ လက်စတုန်းသတ်ဖြတ်မှု ( ဖမ်းဆီး၍ လူပျောက်သွားစေခြင်း ) နှင့် လူသားများကို ပြင်းထန်စွာ ဒဏ်ရာရစေခြင်းနှင့် အလွန်အကျူးနစ်နာမှုဖြစ်စေသော ပြစ်မှုများကို စနစ်တကျနှင့် ကျယ်ကျယ်ပြန့်ပြန့် ကျူးလွန်ပါကလည်းကောင်း၊ ထို့အပြင် ခိုက်ရန်ဖြစ်ပွားနေသော စစ်ဖက်မဟုတ်ပဲ အရပ်သားများဖြစ်သည်ဟု သိလျှက်နှင့် ကျူးလွန်ပါကလည်းကောင်း၊ အစိုးရ (သို့မဟုတ်) အဖွဲ့အစည်းတခု၏ မူဝါဒတခု အဖြစ်ချမှတ်ကာ ဤပြစ်မှုများကို ကျူးလွန်နေပါက လူသားမျိုးနွယ်တခုလုံးကို အန္တရယ်ဖြစ်စေသော ပြစ်မှုကျူးလွန်ရာရောက်သည်။ ဤပြစ်မှုထဲတွင် လူများကို အဓမ္မနေရာရွှေ့ပြောင်းစေမှုများနှင့် လူမျိုး၊ အသားအရောင်၊ ဘာသာအပေါ်ခွဲခြား၍ ဖိနှိပ်ခြင်းပြစ်မှုများလည်းပါဝင်သည်။

စစ်ရာဇ၀တ်မှုများ

ဒဏ်ရာရလာသော စစ်သားများကိုသော်လည်းကောင်း၊ စစ်ပွဲ၌ ဖမ်းဆီးရမိလာသော သုံ့ပန်းများကိုသော်လည်းကောင်း၊ စစ်နှင့်မပက်သက်သော အရပ်သားများကိုသော်လည်းကောင်း၊ သိမ်းပိုက်ထားသော နယ်မြေတွင် အပြင်းအထန် ဒဏ်ရာရစေခြင်း၊ အလွန်အကျုးနစ်နာမှုဖြစ်အောင် ပြုလုပ်လျှင် စစ်ရာဇ၀တ်မှုမြောက်သည်။ ဤပြစ်မှုမျိုးတွင် သတ်ဖြတ်ခြင်း၊ ညှင်းပန်းနှိပ်စက်ခြင်း၊ ပြန်ပေးအဖြစ်ခေါ်ဆောင်ခြင်း၊ ကန့်သတ်ထားသော လက်နက်များ ( ဥပမာ- အဆိပ်၊ အချို့သောဓါတ်ငွေ့များစသည်ဖြင့် ) သုံးလျှင်၊ ဘာသာရေးနှင့်သက်ဆိုင်သော၊ ဘုရား၊ ကျောင်း၊ အဆောက်အဦးများ၊ ပညာရေးဆိုင်ရာ အဆောက်အဦးများ၊ အနုပညာဆိုင်ရာ အထိမ်းအမှတ်နေရာများကို တိုက်ခိုက်ခြင်းတို့ ပါဝင်သည်။

နိုင်ငံတကာ ရာဇ၀တ်မှုဆိုင်ရာခုံရုံး ( International Criminal Court )

နိုင်ငံတကာ ရာဇ၀တ်မှုဆိုင်ရာခုံရုံး ( အတိုကောက် အင်္ဂလိပ်ဘာသာအားဖြင့် အိုင်-စီ-စီ ဟုလည်း ခေါ်သည် ) သည် လွတ်လပ်သော တရားစီရင်ရေးဆိုင်ရာ အဖွဲ့အစည်းတခုဖြစ်ပြီး အမြဲတမ်းခုံရုံးအဖြစ် ဖွဲ့စည်းထားခြင်းဖြစ်သည်။ နိုင်ငံတကာဥပဒေများအရ ကျူးလွန်လာသော ကြီးလေးသောပြစ်မှု ( လူသားများကို မျိုးဖြုတ်သတ်ဖြတ်မှု၊ လူသားမျိုးနွယ်တခုလုံးကို အန္တရယ်ဖြစ်စေသောပြစ်မှု၊ စစ်ရာဇ၀တ်မှုများနှင့် နိုင်ငံကျူးကျော်မှုစသော ကိစ္စများ စသည်ဖြင့် ) ကို ကိုင်တွယ်ဖြေရှင်း ဆုံးဖြတ်ပေးသည်။

နိုင်ငံတကာ ရာဇ၀တ်မှုဆိုင်ရာ ခုံရုံးကို ၁၉၉၈ခုနှစ်တွင် စတင်တည်ထောင်ပြီး၊ ရောမမြို့တွင်ကျင်းပခဲ့သော ညီလာခံတခုမှ နိုင်ငံအများ၏ သဘောတူညီမှုကို အခြေခံ၍ ဖွဲ့စည်းခဲ့ခြင်းဖြစ်သည်။ သဘောတူညီချက်ကို နိုင်ငံ (၆၀) ကျော်က အတည်ပြု လက်မှတ်ရေးထိုးပြီးသည့်နောက်ပိုင်း ၂၀၀၂ ခုနှစ် ဇူလိုင်လမှစ၍ စတင်အသက်ဝင်ပြီး လုပ်ငန်းများဆောင်ရွက်နေပြီဖြစ်သည်။ နယ်သာလန်နိုင်ငံ သည်ဟိဂ်မြို့တွင် ရုံးစိုက်ထားသည်။

နိုင်ငံတကာ ရာဇ၀တ်မှုဆိုင်ရာ ခုံရုံးအနေဖြင့် ပြစ်မှုကျူးလွန်သည်ဟု စွပ်စွဲခံရသည့် ပုဂ္ဂိုလ်တဦးနှင့် ပက်သက်၍ စုံစမ်းစစ်ဆေးနိုင်သည်။ တရားခုံရုံးဖွဲ့ ကြားနာစစ်ဆေးနိုင်သည်။ နောက်ဆုံး ပြစ်ဒဏ်ပါ ချမှတ်နိုင်ခွင့်ရှိသည်။ ဤတရားရုံးဖြင့် ရ၀မ်ဒါနိုင်ငံတွင် အရေးပေါ်ဖွဲ့စည်းခဲ့သော နိုင်ငံတကာတရားခုံရုံးနှင့် ယူဂိုစလားဗီးယားနိုင်ငံတွင် ဖြစ်ပွားခဲ့သော လူ့အခွင့်အရေးချိုးဖောက်မှုများအတွက် ဖွဲ့စည်းသော နိုင်ငံတကာခုံရုံးများနှင့် ဆင်တူသည်။ သို့သော် နိုင်ငံတကာ ရာဇ၀တ်မှုဆိုင်ရာခုံရုံ ( ICC ) က အမြဲတစေဖွဲ့စည်းထားရှိခြင်းဖြစ်သည်။

နိုင်ငံတကာ ရာဇ၀တ်မှုဆိုင်ရာခုံရုံး ( ICC ) ၏ တရားစီရင် လုပ်ပိုင်ခွင့်များတွင်-

• သက္ကရာဇ် ၂၀၀၂ ခုနှစ် ဇူလိုင် ၁ ရက်နေ့နောက်ပိုင်း တရားရုံးစတင်အသက်ဝင်ချိန်မှစ၍၊ ဤသဘောတူညီချက်ကို အသိအမှတ်ပြု လက်မှတ်ရေးထိုးထားသော နိုင်ငံများမှ ပြစ်မှုများကို စီရင်ဆုံးဖြတ်ခြင်း၊
• ထိုလက်မှတ်ရေးထိုးထားသော နိုင်ငံများ၏ နယ်နိမိတ်များအတွင်း ကျူးလွန်သော ပြစ်မှုများကို စီရင်ဆုံးဖြတ်ခြင်း၊
• ထိုလက်မှတ်ရေးထိုးထားသော နိုင်ငံများက ပြစ်မှုကျူးလွန်ပါက ထိုနိုင်ငံအပေါ် စီရင်ဆုံးဖြတ်ခြင်းနှင့်

လက်မှတ်ရေးထိုးထားသော နိုင်ငံတခုအတွင်းရှိ ခုံရုံးမှ အရေးမယူလို၍ဖြစ်စေ၊ အရေးမယူနိုင်သော အကြောင်းကြောင့်ဖြစ်စေ၊ တင်ပြလာသော အမှုများကို စီရင်စစ်ဆေးခြင်းများ လုပ်ပိုင်ခွင့်ရှိသည်။ ( သို့သော် ထိုနိုင်ငံအတွင်း တရားခုံရုံးများတွင် မူလစစ်ဆေးခဲ့ပြီး ဖြစ်ရမည်ဖြစ်သည်။ )

နိုင်င်ငံတကာရာဇ၀တ်ခုံရုံ ( ICC ) သို့ ပြစ်မှုများကို စစ်ဆေးကြားနာနိုင်ရန် တင်သွင်းလိုပါက အောက်ပါလုပ်ထုံးလုပ်နည်းများအတိုင်း ဆောင်ရွက်နိုင်သည်။

• လက်မှတ်ရေးထိုးထားသော နိုင်ငံတခုက တရားခုံရုံးသို့ ကြားနာနိုင်ရန် တင်သွင်းလာခြင်း၊
• ကုလသမဂ္ဂလုံခြုံရေးကောင်စီမှ ဤအမှုကို ကြားနာစစ်ဆေးနိုင်ရန် လွှဲပြောင်းတင်သွင်းလာခြင်း၊
• ထိုနိုင်ငံတကာရာဇ၀တ်မှုဆိုင်ရာခုံရုံး ကိုယ်၌က ဤပြစ်မှုကို စစ်ဆေးရန်လိုအပ်သည် ယူဆ၍ ဆောင်ရွက်ခြင်းတို့ ပါဝင်သည်။

ဤလက်စွဲစာအုပ် ရေးသားပြုစုသော ကာလ၌ နိုင်ငံတကာဆိုင်ရာရာဇ၀တ်ဆိုင်ရာခုံရုံးအနေဖြင့် စတင်ဖွဲ့စည်းဆဲပင် ရှိသေးသည်။ ထိုနိုင်ငံတကာရာဇ၀တ်မှုဆိုင်ရာခုံရုံးမှ ဒီမိုကရက်တစ်ကွန်ဂိုသမ္မတနိုင်ငံ၊ အီထရူယီဒေသအတွင်း ဖြစ်ပွားနေသော လူ့အခွင့်အရေးချိုးဖောက်နေမှု ကိစ္စရပ်များကို မျက်ခြေမပျက်စောင့်ကြည့်နေသည်ဟု ကြော်ငြာခဲ့သည်။ ထိုအီထရူယီဒေသေအတွင်း ဖြစ်ပွားနေသော လူ့အခွင့်အရေးချိုးဖောက်မှုကိစ္စများအဖို့ နိုင်ငံတကာရာဇ၀တ်မှုဆိုင်ရာခုံရုံး ( ICC ) အတွက် ပထမဆုံးကိုင်တွယ်စစ်ဆေးရသည့် ခုံရုံးဖြစ်လာဖွယ်ရှိသည်။

အပိုင်း ( ၁ ) https://www.facebook.com/notes/aung-zaw-bo/%E1%80%A1%E1%80%9E%E1%80%BC%E1%80%84%E1%80%B9%E1%80%80%E1%80%B0%E1%80%B8%E1%80%B1%E1%80%BB%E1%80%95%E1%80%AC%E1%80%84%E1%80%B9%E1%80%B8%E1%80%B1%E1%80%9B%E1%80%B8%E1%80%80%E1%80%AC%E1%80%9C%E1%80%86%E1%80%AD%E1%80%AF%E1%80%84%E1%80%B9%E1%80%9B%E1%80%AC-%E1%80%A1%E1%80%B1%E1%80%BB%E1%80%81%E1%80%81%E1%80%B6%E1%80%9E%E1%80%B1%E1%80%98%E1%80%AC%E1%80%90%E1%80%9B%E1%80%AC%E1%80%B8%E1%80%99%E1%80%AD%E1%80%90%E1%80%B9%E1%80%86%E1%80%80%E1%80%B9-%E1%81%81/507274532638474

အပိုင်း ( ၂ ) https://www.facebook.com/notes/aung-zaw-bo/%E1%80%A1%E1%80%9E%E1%80%BC%E1%80%84%E1%80%B9%E1%80%80%E1%80%B0%E1%80%B8%E1%80%B1%E1%80%BB%E1%80%95%E1%80%AC%E1%80%84%E1%80%B9%E1%80%B8%E1%80%B1%E1%80%9B%E1%80%B8%E1%80%80%E1%80%AC%E1%80%9C%E1%80%86%E1%80%AD%E1%80%AF%E1%80%84%E1%80%B9%E1%80%9B%E1%80%AC-%E1%80%90%E1%80%9B%E1%80%AC%E1%80%B8%E1%80%99%E1%80%BD%E1%80%BA%E1%80%90%E1%80%99%E1%82%88-%E1%80%9E%E1%80%B1%E1%80%98%E1%80%AC%E1%80%90%E1%80%9B%E1%80%AC%E1%80%B8%E1%80%A1%E1%80%B1%E1%80%BB%E1%80%81%E1%80%81%E1%80%B6%E1%80%99%E1%80%AD%E1%80%90%E1%80%B9%E1%80%86%E1%80%80%E1%80%B9-%E1%81%82/555054721193788

လူ့အခွင့်အရေးပညာပေးဋ္ဌာန (မြန်မာနိုင်ငံ) မှ ၂၀၀၃တွင် ထုတ်ဝေဖြန့်ချီသော အသွင်ကူးပြောင်းရေးကာလဆိုင်ရာ အခြေခံသဘောတရားမိတ်ဆက် စာအုပ်မှ ကူးယူဖော်ပြပါသည်။
ရေးသားပြုစုသူ- ပတ်ထရစ် ဂျေပီးယားစ်
ဘာသာပြန် - ကိုအောင်သူငြိမ်း