Saturday, July 23, 2016

ဒရီးဖတ်ကျောက်တုံး၊မြင်းခွာပုံကမ်းပါးနှင့်၊ လှိုင်းလုံးအမှတ်(၇) (မင်းဒင်)

မင်း ဒင်

(တစ်)
ညအတော်များများတွင်အိပ်ပျော်လေ့မရှိသောကျွန်တော်သည်လွန်ခဲ့သည့်
ညကလည်း၊ထုံးစံအတိုင်းအိပ်မပျော်ခဲ့ပြန်ချေ။ပြုမြဲအတိုင်း၊ အပေါ်ထပ်ဝရန်တာဆီသို့ထွက်ကာ၊တောင်ငေးမြောက်ငေးလုပ်နေမိပြန်သည်။
ပတ်ဝန်းကျင်တခုလုံးအိပ်မောကျနေကြချိန်၊တိတ်ဆိတ်လွန်းလှသည်ဖြစ်၍၊
အိမ်ရှေ့လမ်းတဖက်ခြမ်းရှိ၊ဘောစကိုင်းပင်တောအုပ်သည်၊မီးရောင်
ပျပျအောက်တွင်ကျွန်တော့်ကိုခြောက်လှန့်နေသယောင်ရှိလေ၏။

သည်ခြံဝင်းကျယ်ကြီးထဲက၊သည်အိမ်အိုကြီးမှာ၊ကျွန်တော်တကိုယ်တည်း
အထီးကျန်နေလာခဲ့သည်မှာတဆယ့်နှစ်နှစ်တိုင်ခဲ့လေပြီ။ရှေ့ဆက်လျှောက်ရမည့်ဘဝခရီးအတွက်
လမ်းပျောက်နေသလိုခံစားရသည့်စိတ္တဇဝေဒနာသည်၊
အိပ်ပျက်ညများကိုဖန်ဆင်းခဲ့ခြင်းဖြစ်ပေလိမ့်မည်။
နေရာအနှံ့မှထွက်ပေါ်လာနေသောပုဇင်းရင်ကွဲသံတို့နှင့်ကောင်းကင်မှ
မဲမှောင်နေသောတိမ်လိပ်တို့ကြောင့်၊ကျွန်တော်အနည်းငယ်ခြောက်ခြား
သလိုဖြစ်လာ၏။မလှမ်းမကမ်းရှိ၊ဆာခရီဒေ့ရ်ှလမ်းမကြီးဆီမှ၊ကားသံတို့ကို
ပြတ်တောင်းပြတ်တောင်းကြားနေရသည်။ဝရန်တာလက်ရန်းကိုကိုင်ရင်း
၊ခြေစုံရပ်နေမိသောကျွန်တော်သည်၊စိတ်ပျက်အားငယ်စရာဘဝပေးအခြေအနေကို
အတန်ကြာအောင်တွေးနေမိရင်းက၊တစုံတရာကိုသတိရမိပြန်ရာ၊
စိတ်ထဲကနေကျိတ်၍ရယ်ချင်သလိုလိုဖြစ်လာပြန်သည်။
အွန်လိုင်းမီဒီယာတွင်ခင်မင်ရင်းနှီးနေသောလူငယ်တချို့က၊ကျွန်တော်အား
မကြာခဏဆိုသလိုမေးလေ့ရှိသော၊မေးခွန်းတခု၊ကျွန်တော့်ခေါင်းထဲသို့၊
ရုတ်ခြည်းအမှတ်မထင်ဝင်ရောက်လာသောကြောင့်ဖြစ်၏။
“အန်ကယ်ခင်ဗျာ။ကျွန်တော့်ဘဝမှာဘယ်လိုမှရှေ့ကိုခရီးဆက်လို့မရအောင်
အခက်ကြုံနေပါပြီ။ကျွန်တော်ဘာလုပ်ရမလဲ။ကျွန်တော့်ဘဝကိုဘယ်လို
ခရီးဆက်သင့်ပါသလဲခင်ဗျာ”ဟူသောအမေးဖြစ်၏။စကားလုံးသာကွာခြားမည်။
လိုရင်းအဓိပ္ပါယ်ကား၊တထပ်တည်းတူညီ၏။ထိုအမေးနှင့်ပတ်သက်၍
ကျွန်တော်လွယ်လင့်တကူအဖြေမပေးနိုင်ခဲ့သော်ငြား၊အလျဉ်းသင့်လျှင်ဖြင့်
၊ပြည့်စုံကောင်းမွန်သောအဖြေတခုပေးနိုင်တန်ကောင်း၏ဟုစိတ်ညွတ်ခဲ့
သည်ကားအမှန်။
ယခုမူလူစွမ်းကောင်းကြီးဟုအထင်ခံရသောကျွန်တော်ကိုယ်တိုင်စိတ်ပျက်
အားလျော့ဖွယ်အခြေအနေနှင့်ပက်ပင်းတိုးလျက်ရှိ၏။ကျွန်တော်သည်
အတတ်နိုင်ဆုံးစိတ်ကိုတည်ငြိမ်အောင်ထားရင်းကိုယ့်ကိုယ်ကိုဖြေသိမ့်ရန်
လည်းကောင်း၊လူငယ်တချို့၏အမေးကိုသဘာဝကျစွာတုံ့ပြန်ဖြေကြားနိုင်ရန်
လည်းကောင်း၊ညကြီးသန်းကောင်၊လူခြေတိတ်ချိန်တွင်၊ဝရန်တာတွင်ရပ်လျက်
အထပ်ထပ်အဖန်ဖန်ဆင်ခြင်တွေးတောနေမိ၏။
(နှစ်)
စင်စစ်အားဖြင့်ဤသို့စိတ်ပျက်အားငယ်တွေဝေမိသည်မှာ၊သည်တကြိမ်တည်း
မဟုတ်။ကျွန်တော့်ဘဝတသက်တာတွင်ကြိမ်ဖန်များစွာကြုံခဲ့ဖူးလေပြီ။
ထိုသို့ကြုံလေတိုင်း၊ကျွန်တော်အမြဲမပြတ်နှလုံးသွင်းဆင်ခြင်မိလေ့ရှိသော
ဇာတ်လမ်းတပုဒ်ရှိ၏။ထိုဇာတ်လမ်းမှာ၊ပါပီလွန်အမည်ရှိကမ္ဘာကျော်
ဝတ္ထုရှည်ကြီးမှထုတ်နှုတ်ချက်ဖြစ်သည်။
ပါပီလွန်ဝတ္ထုသည်စစ်ပြီးခေတ်တွင်ပေါ်ထွက်ခဲ့သမျှအတ္ထုပ္ပတ္တိစွန့်စားခန်းစာအုပ်များတွင်၊
အနောက်တိုင်း၌အအောင်မြင်ဆုံးဖြစ်သကဲ့သို့၊မြန်မာစာဖတ်ပရိသတ်များနှင့်လည်း၊
ရင်းနှီးကျွမ်းဝင်ပြီးဖြစ်သည်။ဤနေရာ၌၊ဖော်ပြရန်လိုအပ်သည်ဖြစ်၍၊ပါပီလွန်၏
ဘဝဇာတ်ကြောင်းကိုအကျဉ်းမျှရေးသားလိုသည်။
ဒုတိယကမ္ဘာစစ်မတိုင်မီက၊ပြင်သစ်အကျဉ်းထောင်တစ်ကျွန်းစနစ်သည်
ကမ္ဘာပေါ်တွင်အရက်စက်ဆုံးစနစ်ဖြစ်၍၊ပါပီလွန်သည်၊တသက်တကျွန်း
အကျဉ်းစခန်းများတွင်၊တဆယ့်သုံးနှစ်ကျော်ကြံ့ကြံ့ခံရပ်တည်နေထိုင်ခဲ့၏။
ပြင်သစ်နိုင်ငံသားပါပီလွန်သည်၊သူ့အသက်နှစ်ဆယ့်ငါးနှစ်အရွယ်၊
(၁၉၃၁)ခုနှစ်တွင်၊ပြည့်တန်ဆာခေါင်း(ဖာခေါင်း)တယောက်ကိုသတ်မှုဖြင့်
၊ထောင်ဒဏ်တသက်တကျွန်းကျခံရသည်။
အမှန်စင်စစ်ပါပီလွန်သည်မည့်သည့်လူသတ်မှုကိုမျှကျူးလွန်ခဲ့သူမဟုတ်ပဲ၊
ပြင်သစ်ပြည်တရားဥပဒေ၏ချွတ်ချော်လွဲမှားမှုကြောင့်သာ၊ထိုပြစ်ဒဏ်
ချမှတ်ခံခဲ့ရခြင်းဖြစ်သည်။ပါပီလွန်သည်ထောင်အမျိုးမျိုးမှထွက်ပြေး
လွတ်မြောက်ရန်စုစုပေါင်းကိုးကြိမ်ကြိုးစားခဲ့၏။အကြိမ်တိုင်းလိုလို
အသက်ကိုရင်းခဲ့ရသည်ချည်းဖြစ်၏။တကြိမ်တွင်မူအလင်းရောင်ကိုခြောက်လ
တိုင်တိုင်မမြင်ရ၊ရိက္ခာတဝက်ဖြတ်၊မဝရေစာနှင့်တိုက်ပိတ်ခံရသဖြင့်၊
အသက်ဆက်ရှင်နိုင်ရေးအတွက်၊ပိုးဟတ်နှင့်ကျိုင်းကောင်တို့ကိုပင်
ဖမ်းယူစားသောက်ခဲ့ရသည်။သူကိုယ်သူရူးသွားပြီဟုပင်ထင်မှတ်ခဲ့၏။
ရှစ်ကြိမ်မြောက်ကြိုးပမ်းမှုမအောင်မြင်ခဲ့သည့်နောက်၊ပါပီလွန်သည်၊
ပြင်သစ်ပိုင်ကိုလိုနီဖြစ်သော၊ဆာလုကျွန်းစုရှိ၊အသေးငယ်ဆုံးကျွန်းဖြစ်သော
သရဲကျွန်းသို့ပြောင်းရွေ့ခံရသည်။သရဲကျွန်းမှာနိုင်ငံရေးအကျဉ်းသားများ
အတွက်အထူးသီးသန့်ပြုလုပ်ထားသောကျွန်းဖြစ်၏။မြင့်မားမတ်စောက်
လှသည့်ကျောက်ကမ်းပါးယံကြီးများဝန်းရံထားသည့်အပြင်၊
အဆိုပါကျောက်ကမ်းပါးများအား၊အချိန်တိုင်းလိုလိုပြင်းထန်စွာ
ရိုက်ခတ်နေသည့်ပင်လယ်ရေလှိုင်းလုံးကြီးများကြောင့်၊ ထိုသရဲကျွန်းမှ၊အသက်ရှင်လျက်ထွက်ပြေးလွတ်မြောက်နိုင်ရန်မှာ၊
အိပ်မက်ပင်မက်ဝံ့စရာမရှိချေ။
(သုံး)
ထိုသို့ပြန်လမ်းမရှိသည့်ကျွန်းသို့ပါပီလွန်သည်ဆိုးပေ့မိုက်ပေ့ဆိုသည့်
နာမည်ကျော်ရာဇဝတ်သားခြောက်ယောက်နှင့်အတူတဆောင်တည်းနေခဲ့ရသည်။
သူရဲကျွန်းတွင်ထောင်ပိုင်မရှိ။ထောင်မှူးမရှိ။ဝါဒါတပ်ကြပ်ကြီးသည်
ရာထူးအကြီးဆုံးဖြစ်၏။သူရဲကျွန်းသို့ပါပီလွန်အပို့ခံရချိန်တွင်
သူ့အသက်မှာသုံးဆယ့်ငါးနှစ်ရှိပြီဖြစ်၍ထောင်သက်ဆယ့်တနှစ်ရှိလေပြီ။
ထိုသရဲကျွန်းတွင်ဒရီးဖတ်ထိုင်ခုံဟုအမည်တွင်သော၊ကျောက်တုံးထိုင်ခုံတခုရှိ၏။
ဒရီးဖတ်အမည်ရှိပြင်သစ်တွေးခေါ်ပညာရှင်ကြီး၊သရဲကျွန်းတွင်အကျဉ်းချခံခဲ့ရစဉ်က၊
အမြဲလိုလိုထိုင်လေ့ရှိသဖြင့်ထိုအမည်တွင်ခဲ့ခြင်းဖြစ်လေသည်။ဒရီးဖတ်ထိုင်ခဲ့သောကျောက်တုံးမှာ
သရဲကျွန်း၏မြောက်ဖက်အစွန်ဆုံးကျွန်းဖျားတွင်တည်ရှိ၏။ချောက်ကမ်းပါးထိပ်တွင်ရှိ၏။
ထိုကမ်းပါးမှာပင်လယ်ရေပြင်မှပေငါးရာခန့်မြင့်၏။
ဒရီးဖတ်သည်အဆိုပါထိုင်ခုံတွင်ထိုင်ခဲ့ရင်း၊မတရားသော၊မညီမျှသော
အဖြစ်များကြုံတွေ့ရင်ဆိုင်ရလေ့ရှိသည့်၊လူ့ဘဝ၊လူ့လောကကြီး၏ခြင်းရာ
သဘောတို့ကိုနက်နဲစွာစဉ်းစားဆင်ခြင်သွားခဲ့သည်။
သူ့ဘဝကိုကြံ့ကြံ့ခံနိုင်ရန်ကြိုးပမ်းသွားခဲ့သည်။
ပါပီလွန်သည်ဒရီးဖတ်ကျောက်တုံးတွင်နေ့စဉ်လိုလိုထိုင်လျက်လွတ်မြောက်ရေး
လမ်းစကိုကြံဆခဲ့၏။တနေ့သော် ထိုထိုင်ခုံတွင်ပါပီလွန်ထိုင်မိစဉ်၊ ပင်လယ်ဖက်မှပြေးလာသောလှိုင်းလုံးများကိုကြည့်ရင်း၊အကြံတခုရခဲ့သည်။
ပါပီလွန်ထိုင်နေသောဒရီးဖတ်ထိုင်ခုံ၏အောက်ခြေကမ်းပါးမှာမြင်းခွာပုံ
ကမ်းပါးဖြစ်၏။ထိုပတ်ဝန်းကျင်မှလှိုင်းလုံးများ သည်ပင်လယ်ပြင်မှပြေး လာပြီး၊ထိုမြင်းခွာပုံအတွင်းလာစု၏။နောက်..၊ထိုမြင်းခွာမှပြန်လိမ့်ဆင်းသွားသော လှိုင်းရေများမှာ၊
ကျွန်းမှအလွန်ဝေးကွာသောခရီးအထိပြန်လိမ့်ဆင်းသွား၏။
လိမ့်ဆင်းသွားသောလှိုင်းလုံးတိုင်းကမ်းပါးသို့လုံးဝပြန်မလာတော့ချေ။
ကျွန်းမှဝေးရာကုန်းတွင်းပိုင်းရှိရာသို့စီးသွားကြ၏။
အကယ်၍သာအုန်းခွံဖောင်တစ်ခုကိုတည်ဆောက်လျက်၊ထိုမြင်းခွာပုံကမ်းပါးမှ
ပင်လယ်တွင်းသို့လိမ့်ဆင်းသွားသောလှိုင်းနှင့်လိုက်ပါသွားလျှင်၊
သရဲကျွန်းမှဝေးရာသို့တစ်ကြိမ်တည်းဖြင့်ရောက်သွားပေတော့မည် ဟု ပါပီလွန်အကြံပေါ် ခဲ့ခြင်းဖြစ်လေသည်။ အုန်းဖောင်လုပ်ရန်မှာအခက်အခဲမရှိလှချေ။
သရဲကျွန်းတွင်ဝက်စာမှာအုန်းသီးဆံဖြစ်၍ဝက်ခြံပတ်ဝန်းကျင်၌အုန်းခွံ
ခြောက်မြောက်များစွာရှိနေသည်မဟုတ်လော။
(လေး)
အဆိုပါလှိုင်းတို့သည်လပြည့်ရက်များ၌အပြင်းထန်ဆုံးနှင့်အကြီးဆုံး
ဖြစ်သောကြောင့်၊ပါပီလွန်သည်၊ထိုရက်မျိုးကိုရွေး၍ကျွန်းမှပြေးရန်ကြံသည်။
လက်တွေ့ထွက်မပြေးမီသေချာအောင်စမ်းသပ်မှုပြုလုပ်ခဲ့၏။
ဆယ့်တစ်စတုံရှိသောသူ့ခန္ဓာကိုယ်ကိုခံနိုင်မည့်၊အုန်းခွံခြောက်ဖောင်တခုကို
သူဆောက်ခဲ့၏။ထိုနောက်ယင်းဖောင်ကိုဒရီးဖတ်ထိုင်ခုံရှိရာကမ်းပါးယံသို့
သယ်လာကာ၊ဆယ့်တစ်စတုံခန့်ရှိမည့်ကျောက်တုံးတစ်တုံးကိုရှာပြီး
ဖောင်ပေါ်သို့တင်လျက်၊ကြိုးတခုဖြင့်တွဲချည်လိုက်သည်။
ထို့နောက်ဒီရေကျချိန်ကိုစောင့်ပြီးဒရီးဖတ်ထိုင်ခုံအရှေ့ရှိမြင်းခွာပုံကမ်းပါးမှ၊
ပင်လယ်တွင်းသို့အရှိန်ပြင်းစွာဆင်းသွားသောလှိုင်းလုံးကြီးတခုဖြင့်မျှောချပေး
လိုက်သည်။သူမျှော်လင့်ထားသလိုပင်၊အုန်းခွံဖောင်သည်၊တမိနစ်မျှသော
အချိန်တိုအတွင်း၊ကမ်းစပ်မှပေသုံးရာခန့်အကွာအဝေးအထိမျောပါသွား၏။
ဝမ်းသာလုံးဆို့သွားသောပါပီလွန်သည်..၊လွတ်ပြီ။ကျွတ်ပြီဟေ့ဟုပင်၊
အသံကုန်အောင်ဟစ်မိ၏။သို့သော်..၊ပါပီလွန်မျှောလိုက်သောဖောင်မှာ
၊နောက်ထပ်တမိနစ်မျှသောအချိန်ပိုင်းအတွင်းမှာပင်၊လှိုင်းလုံးသစ်တခုကို
စီးလျက်၊ကျွန်းရှိရာသို့အရှိန်ပြင်းစွာပြန်လာနေ၏။ထို့နောက်တွင်မူ၊
ကမ်းပါးအနီးမှကျောက်ဆောင်ကျောက်တုံးများနှင့်ဝင်ဆောင့်ပြီး
အစိတ်စိတ်အမွှာမွှာပြိုကွဲ သွားခဲ့လေသည်။
ပါပီလွန်တယောက်စိတ်ဓာတ်အကြီးအကျယ်ကျသွားခဲ့၏။သို့သော်..၊
သူ၏လွတ်မြောက်ရေးအတွက်တွေးတောကြံဆခြင်းမှာမူမရပ်တန့်ခဲ့ချေ။
ကမ်းစပ်တွင်ဖင်ထိုင်ချရင်း၊လှိုင်းလုံးများကိုကြည့်၍ကျွန်းသို့ဖောင်ပြန်မရောက်
အောင်မည်သို့လုပ်ဆောင်ရမည်ကိုအမျိုးမျိုးကြံဆကြည့်နေခဲ့၏။
တနာရီခန့်ထိုင်မိသော်၊ပါပီလွန်သည်လှိုင်းတို့၏ထူးခြားသောသဘော
တခုကိုကောင်းစွာလေ့လာမိခဲ့လေ၏။
(ငါး)
ကမ်းသို့ပြေးလာနေသောလှိုင်းများလုံးများအနက်မှ၊ခုနစ်ခုမြောက်ဖြစ်သော
လှိုင်းလုံးတို့သည်တခြားလှိုင်းများနှင့်မတူပဲ၊နှစ်ဆသုံးဆခန့်မျှပိုကြီး၏။
ပါပီလွန်သည်ကမ်းစပ်မှသစ်တုံးတတုံးကိုထိုလှိုင်းနှင့်မျှောချကြည့်လိုက်
သောအခါ၊သစ်တုံးမှာအစအနပင်မမြင်ရလောက်အောင်၊ကျွန်းမှဝေးရာ
သို့မျောပါသွားသည်ကိုတွေ့ရ၏။ကမ်းစပ်သို့ပြန်မလာတော့ပြီ။
ပါပီလွန်သည်အလားတူစမ်းသပ်မှုမျိုးကိုအကြိမ်ကြိမ်ဆက်လက်ပြုလုပ်ခဲ့၏။
ပြဿနာတစုံတရာမပေါ်ပဲလုံးဝအောင်မြင်သည်ကိုတွေ့ရှိရသည်တွင်၊
ယခင်တကြိမ်ကကဲ့သို့အလေးချိန်တဆယ့်တကီလိုခံနိုင်သော
အုန်းခွံခြောက်ဖောင်တခုကိုထပ်မံတည်ဆောက်၍
စမ်းသပ်မျှောကြည့်ပြန်သည်။အောင်မြင်၏။
ထိုသို့လျှင်ပါပီလွန်သည်လူတကာမကြံစည်ဝံ့သည့်သရဲကျွန်းမှ
လွတ်မြောက်ရေးလမ်းစကိုရှာဖွေတွေ့ခဲ့လေပြီတကား။
အကယ်စင်စစ်ထွက်ပြေးလွတ်မြောက်ရန်မဖြစ်နိုင်ဟုယူဆထားသည့်
သရဲကျွန်းသည်ကုန်းမကြီးသို့ရောက်ရန်နှစ်ဆယ့်ငါးမိုင်မျှသာဝေး၏။
အုန်းခွံဖောင်၏သွားရာလမ်းသည်တည့်မတ်စွာ မသွားနိုင်ပဲ၊ကွေ့ကောက်ဝေ့ဝိုက်၍သွားသည့်တိုင်၊ကုန်းမြေသို့ရောက်ရန်
အကြာဆုံးအချိန်မှာလေးဆယ့်ရှစ်နာထက်မပိုဟုသူတွက်ဆနိုင်ခဲ့သည်။
ထိုနည်းဖြင့်ပင်နောက်ဆုံးတွင်မူ၊ပါပီလွန်သည်၊လောကငရဲနှင့်တူသည့်
သရဲကျွန်းမှထွက်ပြေးလွတ်မြောက်နိုင်ခဲ့လေ၏။
ဤတွင်လည်းဇာတ်လမ်းကားမဆုံးသေးချေ။
သရဲကျွန်းမှလွတ်မြောက်လာခဲ့သည့်တိုင်၊တကျွန်းစံဘဝမရောက်မီက
အခြေအနေမျိုး၊လူချင်းတူသူချင်းမျှသည့်ဘဝသို့ပြန်လည်ရောက်ရှိပြီး၊
သိက္ခာရှိရှိတရားဝင်ရပ်တည်နိုင်အောင်၊ပုန်းလျှိုးကွယ်လျှိုးဖြင့်နောက်ထပ်
ဆယ့်ရှစ်နှစ်ခန့်ကြိုးစားရုန်းကန်ခဲ့ရသေးသည်ဖြစ်ရာ၊သူ၏လွတ်မြောက်ရေး
ကိုးပမ်းမှုအားအစမှအဆုံးတိုင်ရေတွက်လျှင်နှစ်ပေါင်းသုံးဆယ်ကြာမြင့်ခဲ့လေ
သည်။နောက်ဆုံး၌သူသည်ခေါင်းကိုမော့ရင်ကိုကော့ကာ၊အောင်နိုင်သူအဖြစ်၊
သူ့မူလဘဝကိုပြန်လည်ရရှိခဲ့သည်။
ပါရီမြို့တရားရုံးမှပါပီလွန်၏အမှုကိုပြန်လည်ကြားနာစစ်ဆေးခဲ့ပြီး၊ပါပီလွန်၌
အပြစ်မရှိကြောင်း၊မူလဆုံးဖြတ်ချက်မှာ၊မှားယွင်းစွာဆုံးဖြတ်ခဲ့ခြင်းသာဖြစ်ကြောင်း၊
စီရင်ချက်အသစ်ထုတ်ပြန်ပေးခဲ့ရသည်။ပါပီလွန်၏မိတ်ဆွေများက
ပါပီလွန်အပေါ်နောက်ဆုံးချခဲ့သည်ကောက်ချက်စကားမှာ…၊
“ပါပီ၊ဒီရုန်းကန်မှုမှာနောက်ဆုံးအနိုင်ရသူဟာမင်းပါပဲ။မင်းကိုမတရား
တကျွန်းပို့ခဲ့လူတွေဟာအနိုင်ရသူတွေမဟုတ်ပါဘူ့း။ဒီနေ့ဘဝကိုစိုးပိုင်နိုင်သူဟာ
မင်းပါ။အပျော်ရွှင်ရဆုံးလူဟာလည်းမင်းပါပဲ၊ပါပီ”ဟူ၏။
(ခြောက်)
ကျွန်တော်၏တွေးတောဆင်ခြင်းဤနေရာသို့အရောက်တွင်၊
စိတ်ပျက်အားလျော့နေမိသောကျွန်တော်သည်၊အားအင်သစ်တို့တဖန်ပြန်ပြည့်
လာသည်ဟုခံစားရသည်။စောစောကနားကြားပြင်းကပ်စရာဟုထင်မြင်ခဲ့သော
ပုဇင်းရင်ကွဲတို့အော်မြည်သံသည်၊မော်ဒန်ဂီတတေးသွားတခုကိုတီးခတ်နေသည်အလား၊
နားဝင်ချိုဖွယ်ဖြစ်လာသည်။
စိတ်ခြောက်ချားဖွယ်ဟုထင်မှတ်ခဲ့သောကောင်းကင်ပြင်မှတိမ်မဲညိုတို့သည်
လည်း၊စိတ်ကိုညွတ်နူးစေသည့်ကဗျာတပုဒ်ပမာဖြစ်လာ၏။ကျွန်တော်
ရပ်နေခဲ့သောဝရန်တာသည်ဒရီးဖတ်ထိုင်ခုံပေတကားဟုတွေးမိလာသည်။
လွတ်မြောက်လိုစိတ်သာရှိပါမူ၊တကျွန်းစံနှင့်တူလှသည့်ကျွန်တော့်ဘဝတွင်
၊မြင်းခွာပုံကမ်းပါးနှင့်လှိုင်းလုံးနံပတ်ခုနစ်ကို တချိန်မဟုတ် တချိန်သေချာပေါက်ရှာဖွေတွေ့
ရှိပေလိမ့်မည်။
အေးချမ်းတည်ငြိမ်သောစိတ်၊ပေါ့ပါးသွက်လက်သည့်ခြေလှမ်းတို့ဖြင့်၊
အိပ်ခန်းရှိရာသို့ကျွန်တော်ပြန်လာခဲ့၏။ချက်ခြင်းအိပ်ယာထဲသို့တန်းမဝင်သေးပဲ၊
ဤစာစုကိုရေးသည်။ယခုဆောင်းပါးအစတွင်ဖော်ပြထားသော၊ကျွန်တော့်အား
အမေးပုစ္ဆာထုတ်ခဲ့ကြသည့်လူငယ်တချို့၊ဤစာကိုဖတ်ရငြားအံ့။
အလုံးစုံပြည့်စုံမှန်ကန်သည့်အဖြေတခုမဟုတ်သည့်တိုင်အောင်၊ကျေနပ်မှု
တစုံတရာကိုမူ၊ပေးစွမ်းနိုင်လိမ့်မည်ဟုကျွန်တော်ယုံကြည်မျှော်လင့်နေမိ၏။
ထိုစဉ်မှာပင်၊အိပ်ခန်းပြတင်းပေါက်ဆီသို့၊အမှတ်မထင်ကြည့်လိုက်သောအခါ၊
မှုန်ပျပျအလင်းရောင်တန်းတို့တိုးဝင်လာသည်ကိုမြင်နေရသည်။
အပြင်မှာရောင်နီပျို့နေလေပြီ။
ကျွန်တော်ဘာအတွက်ကြောင့်စိတ်ပျက်အားငယ်ရပါမည်နည်း။လောကဓံတရားဟူသည်
ဒရီးဖတ်ကဲ့သို့သောတွေးခေါ်ပညာရှင်ကြီးကိုပင်၊တကျွန်းသို့ပို့တတ်
သည့်၊တရားကိုယ်သဘောရှိ၏။
မတည်မြဲခြင်းသဘော၊ဖောက်ပြန်ခြင်းသဘောရှိ၏။ပုဂ္ဂိုလ်ကြီးငယ်၊
ရာထူးဂုဏ်သိမ်အနိမ့်အမြင့်၊အချိန်ကာလမခွဲခြားပဲ၊နှိပ်စက်ထုထောင်းတတ်သောသဘောရှိ၏။
ထို့အပြင်၊ကျွန်တော်လက်ရှိကြုံတွေ့ခံစားနေရသည့်အခက်အခဲ
သည်၊ပါပီလွန်ရင်ဆိုင်ဖြတ်သန်းခဲ့သည့်ဘဝခရီးကြမ်းနှင့်၊နှိုင်းယှဉ်ကြည့်လျှင်၊
ရယ်ပွဲဖွဲ့စရာအဆင့်လောက်တွင်သာ၊ရှိသည်မှာအလွန်တရာသေချာ
လှချေသည်။ ။

0 comments:

Post a Comment

စာမရေးဖြစ်တော့တာကြောင့် ကျနော်ကြိုက်ပြီး ဖတ်စေချင်တဲ့ စာလေးတွေကို တင်ထားပါတယ်ဗျာ

Followers

Total Pageviews

အမှာပါးစရာများရှိနေရင်

Pop up my Cbox

Blog Archive

အက်ဒမင်

အခြားကဏ္ဍများကို လေ့လာရန်

ရှာဖွေလေ တွေ့ရှိလေ

စာပေမြတ်နိုးသူများ

free counters
Related Posts Plugin for WordPress, Blogger...