Sunday, October 4, 2015

လျှို့ဝှက်အချစ်

Aung Michel

“ကျွန်မသားလေးကို ကြည့်လို့ရပြီလားဟင်”
မိခင်က ဆရာဝန်ဖြစ်သူကို တောင်းဆိုလိုက်သည်။ မွေးကင်းစ ကလေးငယ်လေးကို သူနာပြုဆရာမလေးက ယူလာပြီးပြသည်။
“သူ အင်္ဂါစုံရဲ့လား ဆရာမ”
ဆရာမလေးက မျက်နှာကိုပတ်ထားသည့် အနှီးကို လှပ်ပြလိုက်သည်။
သားငယ်လေးတွင် နားရွက်တွေ ပါမလာ။ မိခင်က ရင်နာနာနှင့် မျက်စိကို စုံမှိတ်လိုက်သည်။

သားငယ်သည် နားရွက်မပါသည်ကလွဲပြီး အားလုံးကောင်းသည်။ နားရွက်မရှိခြင်းကြောင့် အခြားကလေးတွေ ထက်တော့ ထူးခြားသည့် အသွင်ကိုဆောင်နေသည်။ တစ်နေ့တွင် သားငယ်သည် ကျောင်းမှ ငိုပြီးပြန်လာကာ၊ မိခင်ရင်ခွင်တွင်းသို့ တိုးဝင်လိုက်သည်။
“မေမေ ကျောင်းမှာ သားကို ဝိုင်းစကြတယ်။ သားကို ဂြိုဟ်သားတဲ့။ သား ကျောင်းမသွားချင်တော့ဘူးမေမေ”
ကလေး၏ ဖခင်ဖြစ်သူသည် ဆရာဝန်နှင့် သွားပြီးတိုင်ပင်သည်။ နားရွက်ကို အစားထိုး၍ ရနိုင် မရနိုင်ဖြစ်သည်။ ဆရာဝန်က ရနိုင်ကြောင်း၊ အလှူရှင်ရှိလျှင် ရနိုင်ကြောင်း ပြန်ပြောလိုက်လေသည်။
နောက်ထပ် ၂ နှစ်လောက်အကြာတွင် အလှူရှင်တစ်ဦးပေါ်လာသည်။
ခွဲစိတ်အစားထိုးကုသမှု အောင်မြင်သွားသည်။ သားငယ်သည် အင်္ဂါစုံဖြင့် လူသစ်၊ စိတ်သစ် ပြန်ဖြစ်လာသည်။ အတန်းကျောင်းအောင် သွားသည်။
တက္ကသိုလ်တစ်ခုမှ ဘွဲ့ရသွားသည်။ နောက်ပိုင်းတွင် သံတမန် ရာထူးကြီးတစ်ခုရပြီး၊ ချောမောလှပသည့် မိန်းကလေးတစ်ဦးနှင့် လက်ထပ်လိုက်ကြသည်။
သားဖြစ်သူက ဖခင်အား သူ့ကိုနားရွက်တစ်စုံလှူဒါန်းသည့်သူအား ကြုံတိုင်းမေးမြန်းတတ်သည်။
ဖခင်ကလည်း အလှူရှင်က လျှို့ဝှက် ထားရန်ပြောသဖြင့် ထုတ်ဖော်မပြောနိုင်ကြောင်း ငြင်းပယ်ပြီး စောင့်ထိန်းခဲ့သည်။
တစ်နေ့တွင် မိခင်ကွယ်လွန်ကြောင်း သိလိုက်ရသဖြင့် ရပ်ဝေးမှ အပြေးအလွှား ပြန်ရောက်လာခဲ့သည်။ ဖခင်နှင့်အတူ ကုတင်ထက်တွင် ပြင်ဆင်ထားသည့် မိခင်အလောင်းကိုကြည့်ရင်း ဝမ်းနည်းပူဆွေး ခံစားနေကြရ သည်။
နောက်ဆုံးနှုတ်ဆက်သည့်အနေဖြင့် မိခင်နဖူးကိုနမ်းကာ မျက်ရည်များကို သုတ်လိုက်သည်။
ဖခင်က ဘေးဘီသို့ကြည့်ပြီး သားကို မိခင်၏ ဆံပင်များအား ဖယ်ရှားပြလိုက်သည်။
မိခင်တွင် နားရွက် နှစ်ဖက်စလုံးမရှိပေ။ ဖခင်က သူတစ်သက်လုံး ထိန်းသိမ်းပေးလာခဲ့သည် လျှို့ဝှက်ချက်ကို နောက်ဆုံးတွင် ဖော်ထုတ်ပြပြီး ဆံပင်များကို ပြန်ဖုံးပေးလိုက်သည်။
ဖြေမဆည်နိုင်အောင်ကျလာသည့် မျက်ရည်များဖြင့် သူတို့ မိခင်ကို အခေါင်းထဲသို့ထည့် လိုက်ကြသည်။
ခေါင်းအဖုံးကို ဖုံးလိုက်ကြပြီး နောက် သူတို့ လျှို့ဝှက်ချက်ကို အပြီးတိုင် မြေမြှုပ် သင်္ဂြိုလ်လိုက်ကြသည်။
Tin Nyunt

0 comments:

Post a Comment

စာမရေးဖြစ်တော့တာကြောင့် ကျနော်ကြိုက်ပြီး ဖတ်စေချင်တဲ့ စာလေးတွေကို တင်ထားပါတယ်ဗျာ

Followers

Total Pageviews

အမှာပါးစရာများရှိနေရင်

Pop up my Cbox

Blog Archive

အက်ဒမင်

အခြားကဏ္ဍများကို လေ့လာရန်

ရှာဖွေလေ တွေ့ရှိလေ

စာပေမြတ်နိုးသူများ

free counters
Related Posts Plugin for WordPress, Blogger...