Friday, October 23, 2015

မန္တလေးမြီးရှည်

Mandalarian

မန္တလေးရဲ့နံနက်စာလို့ပြောလိုက်ရင် မြီးရှည်ဆိုတာမပါမဖြစ်ပဲပေါ့။ မန္တလေးမြီးရှည်ဆိုတာ မန္တလေးမြို့မှာပဲ ရနိုင်တဲ့ အစားအစာ။ တခြားမြို့က မြီးရှည်တွေက မန္တလေးမြီးရှည်နဲ့မတူတတ်ပါဘူး။
မြီးရှည်ဆိုတဲ့စကားလုံးဟာ တရုတ်စကားလုံး မီရှန့်ကနေ ဆင်းသက်လာသတဲ့။ မီဆိုတာ ဆန်။ ရှန့်ဆိုတာ ကြိုး/နန်း။ မီရှန့်ဆိုတာ ဆန်နဲ့လုပ်ထားတဲ့ နန်းလုံးပေါ့။

မန္တလေးမှာတော့ မြီးရှည်လို့ဆိုလိုက်ရင် သစ်သားအထမ်းခုံလေးထဲက သွပ်ပြားကာထားတဲ့မီးဖိုရယ်၊ မီးဖိုပေါ်က အသားတွေအရိုးပြုတ်တွေထည့်ထားတဲ့ ဟင်းရည်အိုးရယ်၊ အဆာပလာခွက်တွေ အစုံပလုံနဲ့ မြီးရှည်ခုံ သစ်သားဆိုင်းထမ်းလေးကို ပြေးမြင်ကြမယ်။ ခွေးခြေခုံပုပုလေးတွေနဲ့ ၀ိုင်းဖွဲ့ထိုင်နေကြပုံတွေကို ပြေးမြင်ကြမယ်ပေါ့။ နံနက်စောစောစီးစီး သစ်ရိပ်ဝါးရိပ် မိုးကာအရိပ်အောက်က လူစုစုနဲ့ ကြိတ်ကြိတ်တိုးနေတတ်တဲ့ မြီးရှည်ဆိုင်လေးတွေက မန္တလေးနံနက်ခင်းရဲ့ မရိုးနိုင်တဲ့မြင်ကွင်းတစ်ခုပါပဲ။
မန္တလေးမြီးရှည်မှာ မြီးရှည်မုန့်ဖတ်၊ ပဲပင်ပေါက်ပြုတ်၊ ကော်ရည်၊ ပဲငပိ၊ ငရုတ်သီးကြော်၊ ဆီနီ၊ဆီဝါ၊ ဆား၊ အချိုမှုန့်၊ နံနံပင်ကြက်သွန်ဖြူ၊ ဂျုံကြော်၊ အသားဖတ်တို့က အခရာပဲ။ မုန်ညင်းချဉ်၊မုန်လာချဉ်၊ ဟင်းရည်တို့နဲ့ တွဲစားတတ်ကြတယ်။
မန္တလေးမြီးရှည်သည်တွေကဆိုင်ကြီးကနားကြီးနဲ့ ဖွင့်တာ ရှားတယ်။သစ်သားအထမ်းခုံလေးတွေနဲ့ လမ်းဘေး၊ လမ်းထောင့်များမှာ ဖွင့်ကြတာချည်းပဲ။ဆိုင်နာမည်ဆိုပြီးလည်းမရှိတတ်ဘူး။ ဆိုင်တည်ရှိရာလမ်းနာမည်ကို မူတည်ပြီးတော့ပဲဖြစ်ဖြစ်၊ ဆိုင်ပိုင်ရှင်နာမည်ကို မူတည်ပြီးတော့ပဲဖြစ်ဖြစ်၊ နီးစပ်ရာ အထင်ကရနေရာတွေကို အစွဲပြုလို့ပဲဖြစ်ဖြစ် ဆိုင်နာမည် ဖြစ်သွားတာပဲ။
ယဉ်နှောင်းတို့ မန္တလေးမြို့ရဲ့ နာမည်ကြီး မြီးရှည်ဆိုင်တွေကို ပြောပါဆိုရင်တော့
ဗထူးကွင်းအနောက်ဘက်လမ်းကြားထဲက ဗထူးမြီးရှည်၊
၂၈လမ်းနှင့် ၆၃လမ်းထောင့်က အောင်တော်မူမြီးရှည်၊
၂၉လမ်း ၇၃-၇၄ကြား မေချိုလက်ဖက်ရည်ဆိုင်ရှေ့က မေချိုမြီးရှည်၊
လမ်း၈၀-၃၃ထောင့်က လမ်း၈၀ မြီးရှည်၊
လမ်း၈၀ -၃၅လမ်းထောင့် ဖားသားလဖုန်းကျောင်းရှေ့ ဖောင်တော်သီအအေးဆိုင်နားက ဖောင်တော်သီမြီးရှည်၊
လမ်း၈၀ ၃၆-၃၇ကြားက တိုင်းကျော်မြီးရှည်၊
၈၃လမ်း ၃၃-၃၄ကြားက ကိုမြင့်ဝင်းမန်ကျည်းရိပ်မြီးရှည်၊
၁၆လမ်း ၈၁-၈၂ကြားက ၁၆လမ်းမြီးရှည်၊
၂၇လမ်း ၇၆ ထောင့်က ၂၇လမ်းမြီးရှည် စတဲ့ ဆိုင်တွေကို လက်ညှိုးထိုးပြရမှာပဲ။
မန္တလေးမှာ မြီးရှည်ကို နံနက်စာအဖြစ်သာမက တစ်နေကုန်လည်း စားတတ်ကြသေးတယ်။
လေးထောင့်ပုံ သစ်သားအထမ်းခုံထဲမှာ လောင်စာမီးသွေးဖြည့်ထားတဲ့ သံမီးဖိုထည့်ပြီး မြေအိုးကြီးတွေနဲ့ ဟင်းရည်အိုးတည်ထားတတ်တာလည်း မြီးရှည်ဆိုင်တို့ရဲ့ အမှတ်အသားပါပဲ။ စားမယ့်သူလာတာနဲ့ မြီးရှည်မုန့်ဖတ်ကို ပန်းကန်ထဲထည့်တယ်။ဟင်းရည်ပူပူတစ်ဇွန်းလောင်းထည့်ပြီး မုန့်ဖတ်ကို နွေးအောင်လုပ်တယ်။ ပြီးရင် မုန့်ဖတ်မှာ ရေတစ်စက်မှ မကျန်အောင် မုန့်ဖတ်ကို ဟင်းရည်ဇွန်းကြီးနဲ့ ထိန်းရင်း ဟင်းရည်တွေကို ဟင်းရည်အိုးထဲ ပြန်စစ်ချတယ်။ နဂိုက အေးစက်စက် မြီးရှည်ဖတ်တွေဟာ ဟင်းရည်နဲ့တွေ့တော့ ခပ်နွေးနွေးဖြစ်သွားပြီပေါ့။
ပြီးရင် ကော်ရည်ဆမ်းတယ်။ပဲငပိထည့်တယ်။ နံနံပင်ကြက်သွန်ဖြူ ဖျော်ထားတဲ့ အရောထည့်တယ်။ စားသုံးသူစိတ်ကြိုက် ဆီနီ၊ဆီဝါ၊ ဆား၊အချိုမှုန့်၊ ငရုတ်သီးကြော်ထည့်တယ်။ ဂျုံကြော်ထည့်တယ်။ ဟင်းရည်အိုးထဲပြုတ်ထားတဲ့ ၀က်သား၊ကြက်သားတုံးများကိုဆယ်ပြီး ကတ်ကြေးနဲ့ ညှပ်ထည့်တယ်။ အားလုံးပြင်ဆင်ပြီးရင်တော့ အသားပြုတ်ဟင်းရည်၊ မုန်ညင်းချဉ်၊မုန်လာချဉ်တို့နဲ့တွဲဖက်စားစရာ မန္တလေးမြီးရှည်သုပ်တစ်ပွဲရလာပြီပေါ့။
မြီးရှည်ကြိုက်တတ်သူတွေဟာ မြီးရှည်စားမယ်ဆို တစ်ခါတည်း နှစ်ပွဲ မှာထားရတယ်။ တစ်ပွဲပြီးမှ နောက်တစ်ပွဲစားမယ်လို့ဆုံးဖြတ်ပြီး နောက်မှထပ်မှာရင် တမေ့တမော စောင့်နေရတာနဲ့ အစာအိမ် လေခံသွားနိုင်တယ်။
မန္တလေး မြီးရှည်ဟာ အရသာကောင်းရင်ကောင်းသလို လူစည်ကားတတ်ပြီး ကြော်ငြာစရာမလိုဘဲ တစ်ယောက်စကား တစ်ယောက်နားနှင့် နာမည်ကျော်ကြားတတ်ပါတယ်။ မြီးရှည်ဆိုင်တို့ဟာလည်း သူ့အရသာနှင့်သူ လက်ရည်မပျက်ဖို့၊ ပိုကောင်းဖို့ကြိုးစားအားထုတ်ကြရတယ်။စားသုံးသူဘယ်လောက်များများ၊ မြီးရှည်ပွဲပြင်သူကို တစ်ယောက်တည်းထားတတ်တာလည်း မြီးရှည်ဆိုင်တို့ရဲ့ အရသာထိန်းသိမ်းနည်း တစ်မျိုးပါပဲ။
မန္တလေးမြီးရှည်ကတော့ မန္တလေးသူ မန္တလေးသားတွေသာမက တခြားမြို့ကလူတွေပါ မန္တလေးရောက်တိုင်း စွဲစွဲမက်မက်စားကြတဲ့ အစားအစာပါလို့ပြောရင် မှားမယ်မထင်ပါဘူးနော်။
ယဉ်ယဉ်နှောင်း
‪#‎Mandalarian‬
‪#‎MeeShae‬

0 comments:

Post a Comment

စာမရေးဖြစ်တော့တာကြောင့် ကျနော်ကြိုက်ပြီး ဖတ်စေချင်တဲ့ စာလေးတွေကို တင်ထားပါတယ်ဗျာ

Followers

Total Pageviews

အမှာပါးစရာများရှိနေရင်

Pop up my Cbox

Blog Archive

အခြားကဏ္ဍများကို လေ့လာရန်

ရှာဖွေလေ တွေ့ရှိလေ

စာပေမြတ်နိုးသူများ

free counters
Related Posts Plugin for WordPress, Blogger...