"သမိုင်းလိမ်နှင့် သမိုင်းအမှား"

Naing Soe
 
မြန်မာနိုင်ငံတွင် ၁၉၆၂ ခုနှစ် နောက်ပိုင်း
မွေးသူများ အားလုံးသည် သမိုင်းမှား၊ သမိုင်း
လိမ်များနှင့် ဖွားဘက်တော်များ ဖြစ်ခဲ့ကြလေသည်။

သမိုင်း အမှားတွေကြောင့် ပြည်သူလူထု၏
အသိများလည်း နှစ်ပေါင်းများစွာ မှားခဲ့ကြရပါသည်။

တံလျှပ်ကို ရေထင်သော ဘဝများဖြင့် ကြီးပြင်း
ခဲ့ရသောကြောင့် အယုံလည်း လွယ်ခဲ့ကြရပေသည်။
နှောင်းလူများ အမြင်ရှင်းအောင် ဒီနေရာမှာ
သမိုင်းအမှား အချို့ကို လေ့လာမိသလောက်
ဖော်ပြပါရစေ။
သူတော်ကောင်းတို့၏ ထိပ်သီး ဗိုလ်ချုပ်ကြီး
နေဝင်းသည် နိုင်ငံ၏ အကျိုးအတွက် အစွမ်း
ကုန် ဆောင်ရွက်သော မျိုးချစ် ပုဂ္ဂိုလ်ကြီး ဖြစ်သည်။
စာရိတ္တကလည်း ဖြူစင် သန့်ရှင်းသည်။
အိမ်ထောင် အဆက်ဆက်ပြုသော်လည်း
တကြိမ်တွင် မိန်းမ တယောက်ကိုသာ
လက်ထပ်သည်။ ဖောက်ပြန်တတ်သူ
မဟုတ်ဟု စိတ်တော်သိ ဗောင်းတော်ညိတ်
မင်းတိုင်ပင် အမတ်ကြီး ဖြစ်သူ ဒေါက်တာ
မောင်မောင်က အမွှမ်းတင် ချီးကျူး ရေးသားပါသည်။
တကယ်က ဒေါ်ခင်မေသန်းကို လင်ကြီး
ရှိပါလျက် လင်ကြီးလက်မှ လုယူသူ
မယားခိုး ဖြစ်သဖြင့် ရာထူးမှ ဖြုတ်ချရန်
ဝန်ကြီးချုပ် ဦးနုက ဆုံးဖြတ်ခဲ့ရသည်ကို
လည်းကောင်း၊ ဒေါ်နီနီမြင့်နှင့် လက်ထပ်
ထားလျက် စင်ပြိုင် မယားအဖြစ် ရတနာ
နတ်မယ်နှင့် လက်ထပ်သည်ကိုလည်း
ကောင်း ဆရာမောင်မောင် မဖော်ပြခဲ့ပါ။
ထိုမျှမက ဂျပန်တွင် စစ်ပညာ သင်ကြစဉ်က
ဗိုလ်အောင်ဆန်းက ဂျပန်မလေး တဦးကို
စွဲလန်းခဲ့သည်ဟုလည်းဖော်ပြကာ ဗိုလ်နေ
ဝင်းကို သိက္ခာ တင်ပေးပါသည်။
ဦးနေဝင်းသည် ရာထူးမက်သူမဟုတ်၊ ၁၉၈၁
ခုနှစ်တွင် သမ္မတရာထူးမှ ထွက်ပေးကာ ပါတီ
ဥက္ကဋ္ဌအဖြစ် နေခဲ့သည်။ ဦးနုကသာ ဝန်ကြီးချုပ်
ရာထူးကို ဦးဗဆွေအား လွှဲပေးပြီးမှ ပြန်တောင်း
ယူသည်ဟု နှိုင်းယှဉ် ရေးသားပါသည်။
ဦးနုနှင့် ဒေါ်အောင်ဆန်းစုကြည်တို့သည်
အာဏာရူးကြီးများသာ ဖြစ်လေဟန် ရိုးစွပ်ထားပါသည်။
၁၉၅၈ ခုနှစ်က အာဏာသိမ်းရသည်မှာ
ဦးနုက ထိုးအပ်သဖြင့် သိမ်းရသည်ဟုရေးကာ
ဗိုလ်အောင်ကြီး၊ ဗိုလ်မောင်မောင်နှင့် ဗိုလ်တင်
ဖေတို့က ဝန်ကြီးချုပ်အိမ်ကို စစ်တပ်နှင့်ဝိုင်း၊
သံချပ်ကာကား အမြှောက်နှင့်ချိန်ကာ အာဏာ
တောင်းကြသည်ကို ဖုံးကွယ်ထားပါသည်။
၁၉၆၂ ခုနှစ် အာဏာသိမ်းရသည်မှာလည်း
ဦးနုက လူမျိုးစု ညီလာခံ ကျင်းပပေးရာတွင်
ထိန်းသိမ်းခြင်း မပြုနိုင်ဘဲ ဖက်ဒရယ်မူကို
တင်ကြသဖြင့် သိမ်းရသည်ဟု တရားမျှတ
လေဟန် ရေးသားပါသည်။
၁၉၆၂ ခုနှစ် အာဏာသိမ်းစဉ်က ဝန်ကြီးများ
နှင့်အတူ လူအနည်းငယ်ကိုသာ ဖမ်းဆီးခဲ့
သည်ဟု ရေးပါသည်။
သို့သော် ထိုစဉ်က ထောင်ပေါင်းများစွာသော
နိုင်ငံ ခေါင်းဆောင်များ၊ ကုန်သည်များ၊ စာ
နယ်ဇင်း လောကသားများကို ဖမ်းခဲ့ပါသည်။
ဒေါက်တာမောင်မောင်၏ ယောက္ခမကြီးပါ
အဖမ်းခံရပါလျက် ဖုံးကွယ်ထားပါသည်။
၁၉၈၈ ခု၊ နဝတ အစိုးရက အာဏာသိမ်းရာ
တွင်လည်း နိုင်ငံရေး ခေါင်းဆောင်များကို
ဖမ်းဆီးမှု မပြုဟု ရေးသားပါသေးသည်။
၁၉၆၂ ခုနှစ်၊ ဇူလိုင် (၇) ရက်နေ့က တက္ကသိုလ်
ကျောင်းသား (၃၀၀) ကျော်ကို သတ်ဖြတ်စဉ်က
လူ (၂၀) ခန့်သာ သေခဲ့သည်။ ဦးနေဝင်းက
ကြိုတင် မသိရှာဘဲ အိမ်တော်မှ သေနတ်သံ
ကြားမှသာ သိရှိရသဖြင့် ကျောင်းသားများကို
ထိုသို့ သတ်ဖြတ်ခြင်း မပြုရန် အမိန့်ထုတ်ခဲ့
သည်ဟု ရေးပါသည်။
တကသ အဆောက်အအုံကို ဖျက်ရန် အမိန့်
ပေးသူမှာ ဦးနေဝင်းမဟုတ်၊ တစုံတယောက်
၏ လက်ချက်သာ ဖြစ်ပေသည်ဟု ပဟေဠိ
ဖွင့်ပါသည်။ ထိုညနေက ဦးနေဝင်းက စိတ်
ဆိုး မာန်ဆိုးနှင့် " တပ်မတော်ကို ထိလျှင်
ဓားကို ဓားချင်း၊ တုတ်ကို တုတ်ချင်း တုံ့ပြန်
မည်" ဟု အသံလွှင့်ခဲ့သည်ကို ဖော်ပြခြင်း
မပြုဘဲ ဦးနေဝင်းသည် ကျောင်းသားများ
အပေါ် စေတနာ ကြီးမားကြောင်း၊ တကသ
အဆောက်အအုံ ပျက်စီးရသည်ကို ဦးနေဝင်း
က စိတ်ထိခိုက်နေကြောင်း၊ ပြန်လည်ဆောက်
လုပ်ပေးလိုသည်ဟု မကြာခဏပြောကြောင်း၊
အလွမ်းဖွဲ့ထားပါသည်။
၁၉၈၈ ခု၊ အရေးတော်ပုံတွင် စစ်တပ်က လူထု
ကို သတ်ဖြတ်ကြောင်း တလုံး တပါဒမှ ရေးသား
ခြင်း မပြုဘဲ လူထုကသာ စစ်တပ်ကို ရန်ရှာကြ
သည်။ လူထုကို ဗကပ များနှင့် ဒေါ်အောင်ဆန်း
စုကြည်တို့က မြှောက်ပင့်သွေးထိုးပေးကြသဖြင့်
ဖြစ်ပေါ်ရကြောင်းနှင့် ဒီမိုကရေစီ ခေါင်းဆောင်
များ၏ သွေးထိုးမှုကြောင့် ဖြစ်ပွါးရသည်ဟု ရေး
သားထားပါသည်။
*(တနေ့က အွန်လိုင်းတွင် လူအုပ်ကြီးက ခေါင်း
ဖြတ်နေသော ၈၈ ခုနှစ် အရေးတော်ပုံက အဖြစ်
အပျက် တခုကို စစ်အုပ်စုမှ ဝါဒဖြန့်သွားတာ
တွေ့ရပါတယ်။ ဒီလို ဗရမ်းဗတာ အခြေအနေ
ကြောင့် တပ်မတော်က အာဏာသိမ်းရကြောင်း
လည်း ပြောသွားပါတယ်။
သို့သော် ဒီလူတွေကို ဗိုလ်ခင်ညွှန့်နဲ့ ဗိုလ်နေဝင်း
သမီးကြီး ခင်စန္ဒာဝင်းတို့က လူမှန်းမသိအောင်
ဖြစ်စေသည့် မူးယစ်ဆေးဝါးများ တိုက်ကျွေးပြီး
ပြည်သူအများ၏ သောက်သုံးရေကန်များ၊ လမ်း
ဘေး သောက်ရေအိုးစင်များ၊ ရပ်ကွက်ထဲ မီးကွင်း
ပစ် မီးရှို့ခြင်းများကိုတော့ ထည့်သွင်း ပြောကြား
သွားခြင်း မရှိပါ)။
ဦးနေဝင်း ရာထူးမှ ဆင်းပေးရစဉ်က လူထုကြီး
အား မျက်မှောင်ကြုပ်ကာ "စစ်တပ်ဆိုတာ
ပစ်လျှင်၊ မှန်အောင်ပစ်တတ်တယ်" ဟု ခြိမ်း
ခြောက်ခဲ့သည်ကို "If the army shoot, it hit
- there is no firing into the air to scare"
ဟု Bertil Lintner ၏ "Outrage: Burmas
Struggle for Democracy" (ဒေါမာန်ဟုန်)
စာအုပ်တွင် တိကျစွာ ဘာသာပြန်ဆိုခဲ့သော်
လည်း ဒေါက်တာမောင်မောင်က "Soliders
are trained to shoot straight on order,
not over into the air" ဟု ပြန်ဆိုကာ
ဦးနေဝင်း၏ စကားလုံးကို ပြေလည်အောင်
ဖော့ဆိုထားပါသည်။
ကျောင်းသူ၊ ကျောင်းသား (၄၀) ကျော်ကို
ရန်ကုန်မြို့လည်တွင် ဖမ်းဆီးပြီး ကားတစင်း
ထဲ၌ အလုံပိတ်ကာ အင်းစိန်ထောင်သို့ သယ်
ယူရာမှ သေဆုံးကြသည်မှာ မှန်သော်လည်း
သေသူများသည် ကျောင်းသား၊ ကျောင်းသူ
များ မဟုတ်၊ ဂျပိုး သူခိုးများသာ ဖြစ်သည်ဟု
ဗြောင်ငြင်းဆိုပါသည်။
သူတော်ကောင်း စစ်တပ် ဖြစ်လေဟန် ဝါဒ
ဖြန့်နေသည်မှာလည်း ယခုထက်တိုင် ဖြစ်
လေတော့သည်။
နိဂုံးချုပ် အနေနှင့် ဒေါက်တာမောင်မောင်
ကွယ်လွန်သည်မှာ အလွန်အမင်း စိတ်မချမ်း
မသာ ဖြစ်သဖြင့် သူ၏ရောဂါနှင့်မတည့်သော
သကြားအများကို ဆက်တိုက်စားကာ မိမိကိုယ်
ကို မိမိ သေကြောင်းကြံခဲ့သည်ဟု ထိုအချိန်က
သတင်း ထွက်ပေါ်ခဲ့ပါသည်။
ထိုစာအုပ်ကို သေနတ်နှင့် ချိန်ကာ ရေးခိုင်းခဲ့
သဖြင့် သို့တည်းမဟုတ် သူ၏ စာမူကို ပြင်
ဆင် ရေးသားကြသဖြင့် စိတ်မချမ်းမသာ
ဖြစ်ကာ သေရရှာသည်လည်း ဖြစ်နိုင်ပါသည်။
ရှေးမြန်မာစာပေတွင် အမှားတော်ပုံကျမ်း
အများစု ရှိသကဲ့သို့ ထိုစာအုပ်သည်လည်း
အမှားတော်ပုံ ကျမ်းတခုသာဖြစ်ကြောင်း
နှောင်လူများ အမှန်သိအောင် ဖော်ပြလိုက်
ရပါလေတော့သတည်း။
ဒေါက်တာမောင်မောင်ရေးခဲ့သော စာအုပ်မှာ
"မြန်မာနိုင်ငံ၌ ဖြစ်ပွါးခဲ့သော ၁၉၈၈ ခု ထကြွ
မှု" (The 1988 uprising in Burma) ဟူ၍
ဖြစ်ပါသည်။
Andrew Soe
၃၁ ဩဂုတ် ၂၀၁၅။