Wednesday, June 15, 2016

ကျွန်ုပ်၊ချစ်လှစွာသောတပည့်ကျော်များနှင့် အမိမြေကိုကယ်တင်ခြင်း စစ်ဆင်ရေး (မင်းဒင်)

မင်း ဒင်

(တစ်)
“အင်း….၊ခုနေများလူစွမ်းကောင်းသုံးယောက်လောက်၊
မတော်တဆရှာတွေ့ခဲ့ရင်၊ငါနဲ့ပါဆိုလေးယောက်ပေါ့”
ရပ်ရှစ်ခွင်လုံးအုံ့မှိုင်းညိုမှောင်နေသည့်မိုးကြီးစွေသောနေ့တနေ့
တွင်ဖြစ်လေသည်။ယိုးဒယားပြည်အမ်မခန်အရပ်ရှိကျွန်ုပ်၏နေအိမ်
ဝရံတာမှကြည့်လတ်သော်..၊
တလိမ့်လိမ့်တက်လာနေသောတိမ်မဲတိမ်ညိုတို့သည်၊ထက်ဝဠာ
တခွင်လုံးကိုလွှမ်းခြုံအုပ်ဆိုင်းလျက်ရှိလေ၏။ ယင်းအခါသမယ၌
ကျွန်ုပ်သည်အထက်ပါညည်းချင်းကိုနှုတ်မှဖွဖွရေရွတ်ရင်း၊
ဥဒါန်းကျူးရင့်မိလေရာ၊ဆြာ့အရိပ်အခြေကိုကြွက်ချောင်းသလို၊
အရိပ်တကြည့်ကြည့်ချောင်းနေဟန်တူသောတပည့်ကျော်ကပ္ပလီငယ်၏
အသံသည်ကျွန်ုပ်၏နောက်ကျောဘက်မှပေါ်ထွက်လာခဲ့၏။
“ဆြာ့ပါးစပ်ကနေဆီမန်းမန်းသလိုရွတ်နေတာရှင်ဥပဂုတ်ပင့်နေတာ
များလားဆြာ”
“အာ..၊နင့်မေကလွှား။မိုးတွင်းမှာမိုးရွာတာရှင်ဥပဂုတ်ပင့်လို့တိတ်ပါ့မလားဟ၊
ငတုံးရ”
“သြော်..၊ဒါဆိုမဟုတ်မှလွဲရော။ငယ်ငယ်တုန်းကရည်စားဟောင်းကို
တမ်းတရင်းလွမ်းတေးသီနေတာပဲဖြစ်ရမယ်”
“တော်စမ်းပါကွာ။မင်းတို့အဲသလိုအရေမရအဖတ်မရအတွေးတွေနဲ့
အချိန်ကုန်နေတာ၊မင်းတို့ကိုယ်စားငါဆြာရှက် လှသကွ။အေးလေ..၊ကမ္ဘာကြီးငြိမ်းချမ်းစည်ပင်ဝပြောဖို့ဆိုတာလည်း တကယ်ကိုလူသားဆန်ပြီးတာဝန်သိတဲ့ မဟာလူသားအနည်းစုကသာ၊ ငါ့တာဝန်လဟဲ့ဆိုပြီးတွေးတတ်ကြတာကလား”
“အမလေး။သောက်ကျိုးနည်းအလုံးကြီးလှချည့်လားဆြာရယ်။
အရေးဟယ်အကြောင်းဟယ်ဆိုရင်ဆြာ့တပည့်တွေလည်း
ရှိပါသေးတယ်ဆြာရဲ့။ဘာအတွက်ဘယ်လိုပူပန်နေရတယ်ဆိုတာ
လင်းပါဦးဆြာ”
“အင်း…၊ငတို့အမိနိုင်ငံအမိမြေဟာငါဆြာမကယ်ရင်သေဖွယ်ရာသာ
ရှိတော့မယ် မောင်ကပ္ပလီရေ။ဒါကြောင့် ဒီအချိန်မှာတကယ့်ကို တိုင်းချစ်ပြည်ချစ်စိတ်ရှိတဲ့လူငယ်လူစွမ်းကောင်းမျိုးဆက်တွေပေါ်ထွက်
လာခဲ့ရင်ဘယ်လောက်များကောင်းလိုက်လေမလဲကွာ”
အဓိပ္ပါယ်လေးနက်လှသောစကားကိုကျွန်ုပ်တည်ငြိမ်စွာမြွက်ဆို
လိုက်သည့်အခါ၊တပည့်ကျော်ကပ္ပလီသည်အံ့သြလွန်းလှသဖြင့်
သင်းပါးစပ်သည်နှစ်တောင့်ထွာခန့်ဟသွားပြီး၊မျက်လုံးအစုံသည်
လင်းကွင်းအရွယ်ခန့်ဝိုင်းကျယ်ပြူးစက်သွားလေ၏။
(နှစ်)
ယင်းနှင့်တချိန်တည်းမှာပင်၊မိုးအေးအေးပုဆိုးခြုံ၍ကွေးရင်း
လက်ကိုင်ဖုန်းပွတ်နေဟန်ရှိသည့်အာရုံခေါ်ဖေကြည့် ထံမှစကားသံရုတ်ခြည်းထွက်ပေါ်လာခဲ့ပြန်သည်။
“ဒါလေးများဆြာရယ်။ဆြာလိုနေတာက လူစွမ်းကောင်းသုံးယောက်၊ တပည့်တို့လည်းသုံးယောက်မို့အံကိုက်ပေါ့ ဆြာရဲ့”
“မိုးကြိုးနဲ့အီးသံလိုခရီးမှန်ဝေးပါ့ကွာ။နင်တို့လိုဆန်ကုန်မြေလေး
ပေါက်လွှတ်ပဲစားတွေမှာတိုင်းပြည်ချစ်စိတ်ရှိတယ် ဆိုတာ ဘယ်လိုလုပ်ယုံရပါ့မတုန်းဟ”
“ဟာ..၊ဒါကတော့၊တို့ဆြာဘလိုင်းကြီးဖောင်းဘောကန်တာပဲ။
လေမင်းသားတို့လည်းတိုင်းပြည်ကိုချစ်တတ်ပါတယ်ဗျာ။
အချစ်ချင်းတူရင်လေမင်းသားတို့အရှုံးပေးလိုက်ပါ့မယ်”
ရုတ်ခြည်းပေါ်ထွက်လာသောလေမင်းသား၏အသံဖြစ်၏။ဆူညံသံနှင့်
လူအုပ်အုပ်မြင်လျှင်လျှက်ဆားဝေသည်၊သောက်ရေသန့်
အလကားရမည်ဟုအမြဲတွေးထင်လေ့ရှိသည့်လေမင်းသား၏
လေသံကားအိပ်ချင်မူးတူးနိုင်လှသော်ငြား၊အတန်ငယ်မာန်ပါလေရာ၊
ကျန်တပည့်နှစ်ကောင်ကပါ၊ဒင်း၏အဆိုကိုဂျွမ်းထိုး၍ထောက်ခံကြလေ၏။
“ဒါတော့ဟုတ်တယ်ဆြာ။လူတကာကိုဆြာလိုလူပြိန်းတွေချည်း
မမှတ်သင့်ဘူးလေ။ကပ္ပလီတို့လည်းတိုင်းပြည်ကို ချစ်သမှ ချစ်ချစ်ချစ်ချစ်နဲ့တောင်မြည်သေးဗျာ”
“တိုင်းပြည်နဲ့လူမျိုးအပေါ်ဖေကြည်ချစ်တဲ့အချစ်ဟာအများတကာထက်
ပိုတာအမှန်ပါဆြာ။ပြည့်ပြည့်စုံစုံဖော်ကျူးရ ရင်ဖြင့် အာကာကိုလွှာပုံပြုမေယုကိုစုတ်တံချီရမဲ့ကိန်းဆိုပါတော့ဆြာ”
(သုံး)
သည်ယုန်မြင်၍သည်ချုံထွင်ခဲ့သောကျွန်ုပ်အဖို့၊ယုန်ကမတိုးပိုက်ကတိုး
ဆိုဘိသကဲ့သို့အကွက်ကောင်းဖြင့်ဝင်လေပြီ။ကျွန်ုပ်ဆင်ထားသော
ထောင်ချောက်အားသတိမမူမိကြလေသည့်၊နုံချာချာတပည့်ကျော်များကား၊
ကျွန်ုပ်၏ညွှတ်ကွင်းသို့သက်ဆင်းမိကြလေပြီ။စင်စစ်ဤစာ၏နိဒါန်းတွင်
ဖော်ပြခဲ့သောကျွန်ုပ်၏ညည်းညူသံမှာ၊သင်းတို့ကြားလေအောင်
ကျွန်ုပ်တမင်အကွက်ဆင်ခဲ့ခြင်းသာဖြစ်ချေသည်။
ကျွန်ုပ်၏ရည်ရွယ်ချက်ကား၊ဖူးခက်မြို့အနှံ့ရွာရိုးကိုးပေါက်လျှောက်၍
လက်ကြောမတင်းကြသောတပည့်ကျော်များအား၊
တိုင်းချစ်ပြည်ချစ်စိတ်ပေါ်ပေါက်လာရေးပေတည်း။
လူငယ်သဘာဝမခံချင်စိတ်ကိုနှိုးဆွလိုက်သည့်အခါ၊သင်းတို့၏
နံကြိုနံကြားတွင်ကပ်နေလေသည့်ဇာတိသွေးဇာတိမာန်သည်
၊ကောက်ရိုးပုံကိုဓာတ်ဆီဖြန်း၍မီးတင်ရှို့သည့်အလား၊
အလျှံငြီးငြီးတောက်လောင်လာလေသည်မှာ ဖူးခက်တမြို့လုံးပင်စက္ကန့်ပိုင်းအတွင်းပြာကျလောက်ချေသည်။
“အိမ်း…၊သဟာဖြင့်မောင်တို့စကားသာတည်ကြပါလေ။
အခုချိန်မှာဆြာ့အနေနဲ့အမိမြေကိုကယ်တင်ဖို့စစ်ဆင်ရေး ကြီးတစ်ရပ်အကောင်အထည်ဖော်တော့မှာမို့၊င့ါတပည့်တို့အနေနဲ့၊
ဆြာပို့ချတဲ့စာတွေ့လက်တွေ့သင်ခန်းစာတွေကိုပင်ပန်းတယ်ရယ်လို့
မမှတ်ယူပဲ၊အရိုးကြေကြေ၊အရေခမ်းခမ်း၊မလျှော့တမ်းဇွဲနဲ့
လိုက်နာသင်ယူကြရမကွဲ့၊ကြားလား”
“ဟုတ်ဆြာ”
တပည့်တို့၏သံပြိုင်ဖြေကြားသံကိုကြားရသောကျွန်ုပ်မှာ
ကြက်သီးမွှေးညှင်းတို့ပင်ထလျက်၊လက်ပန်းပေါင်းကို
ဖြောင်းကနဲဖြောင်းကနဲမြည်အောင်ခတ်လိုက်မိပေရာ၊
ဆြာကောင်းတပည့်တို့အောက်ပါအတိုင်း၊ဟစ်ကြွေးလိုက် ကြသည်မှာအထက်ဘဝဂ်တိုင်အောင်ညံသောဟူ၏။
“ငါ့နိုင်ငံတော်၊ငါ့နိုင်ငံသားတို့အတွက်ငါ၏အသက်ကိုစွန့်လွှတ်ရန်
သစ္စာအဓိဌာန်ပြုပါ၏”
(လေး)
ထိုနေ့မှစ၍ကျွန်ုပ်သည်တပည့်ကျော်များအား၊ယောက်ျားတို့
တတ်အပ်သောအဌာရဿတဆယ့်ရှစ်ရပ်ကိုလည်းကောင်း၊
ဆင်းဟတ်အစရှိသည့်ကမ္ဘာကျော်စစ်တက္ကသိုလ်ကြီးများမှ
သင်ရိုးညွန်းတန်းတို့ကိုလည်းကောင်း၊ကမ္ဘာ့ ရာဇဝင် အစောင်စောင်တွင်မော်ကွန်းရေးထိုးအပ်လေသော
သူရဲကောင်းတို့၏အထုပ္ပတ္တိတို့ကိုလည်းကောင်း၊နိုင်ငံ တကာ စစ်ဧတဒဂ်တို့၏စစ်ဆင်စစ်ထိုးနည်းဗျူဟာတို့ကိုလည်းကောင်းနေ့ညမဟူ
ပို့ချပေးရလေ၏။
ထိုပို့ချချက်တို့တွင်မြန်မာ့ရာဇဝင်ထဲကသူရဲကောင်းတို့၏
စံနမူနာယူဖွယ်အဖြစ်များအပါအဝင်၊လက်ဝဲသုန္ဒရအမတ်ကြီး
ရေးသားစီရင်အပ်သည့်နန္ဒိသေနပျို့၊ဗျူဟာစက္ကိပျို့တို့ပါဝင်ရုံမျှမက၊
ကွန်ပြူတာအင်တာနက်တို့ဖြင့်တွဲချိတ် ဆင်နွှဲရသောနောက်ဆုံးပေါ် ဒရုန်းလေယာဉ်တို့ဖြင့်စစ်ဆင်ရေးတို့ပါပါဝင်ချေသည်တမုံ့။
သို့သော်တပည့်သုံးဦးစလုံးတူညီသောသင်ခန်းစာတစ်ခုတည်းကိုသာ
သင်ကြားပေးရသည်တော့မဟုတ်ချေ။လေမင်းသားအား၊လေကြောင်းချီ
စစ်ဆင်ရေးကိုအထူးဦးစားပေးအနေဖြင့်ပိုကဲသင်ကြားပေးရ၏။
လက်တွေ့ကွင်းဆင်း သည့်အနေဖြင့်၊ဖူးခက်တနေရာတွင် လျှို့ဝှက်စွာတည်ရှိသောလေတပ်အခြေစိုက်စခန်းတွင်
တိုက်လေယာဉ်အမျိုးမျိုး မောင်းနှင်ပြင်ဆင်နည်း၊နောက်ဆုံးပေါ်
လေကြောင်းချီလက်နက်များပစ်ခတ်တိုက်ခိုက်နည်းတို့ပါ၊
သင်ကြားပေးခဲ့ ရလေသည်။
ဖေကြည်ကားတံငါလှေလိုက်ဖူးသူဖြစ်၍ပင်လယ်ပြင်နှင့်
မစိမ်းလှသည်ဖြစ်ရာ၊သင်းအားရေကြောင်းတိုက်ပွဲနည်းနာတို့ကို
အထူးပြုလေ့လာစေရ၏။ကမ္ဘာစစ်သမိုင်းတွင်အကြီးကျယ်ဆုံး
ကမ်းတိုက်ပွဲကြီးဖြစ်သည်နော်မန်ဒီစစ်ဆင်ရေးဗီဒီယိုခွေကို
အွန်လိုင်းမှဒေါင်းလုပ်လုပ်ကူးယူစေ၍၊ဇာတ်ကားတကားလုံး
အာဂုံဆောင်အလွတ်ပြောနိုင်သည့်အောင်လေ့ကျင့်ပေးရ၏။
ဖေကြည်ငယ်အားစာတွေ့လက်တွေ့အပြင်းအထန်သင်တန်းပေးရသည်မှာ ကမ္ဘာ့ အဆင့်မီ( Navy Seal)တပ်ဖွဲ့ဝင်တစ် ဦးဖြစ်လာသည်
အထိပေတည်း။
နောက်ဆုံးတပည့်ကျော်ကပ္ပလီအားကျွန်ုပ်သင်ကြားပြသပေးခဲ့
သည်ကားထောက်လှမ်းရေးပညာရပ်ဖြစ်၏။
နာမည်ကျော်အစ္စရေးသူလျှို၊အလီကိုဟင်မှသည်၊ဗြိတိသျှထောက်လှမ်းရေး
အမှတ်(၆)မှလူသတ်လိုင်စင်ရအထူး စပိုင်ဂျိန်းစ်ဘွန်း၏ ကိုယ်ရေးထုတ်ပတ်တို့ကိုပါအပတ်တကုပ်လေ့လာစေခဲ့ရ၏။
(ငါး)
အဌာရဿတရှစ်ဆယ့်ရပ်ကိုသမားဂုဏ်မြောက်ထွန်းပေါက်စွာ
တတ်မြောက်လေသည့်ကျွန်ုပ်အနေဖြင့်တပည့်ကျော်တို့အား
သင်ကြားပို့ချခဲ့ရသည်တို့မှာများမြောင်လှသည်ဖြစ်၍
အပြည့်အစုံကိုဖော်ပြရန်မဖြစ်နိုင်လေရာ၊စာရှုသူတို့အနေဖြင့်၊
ကျွန်ုပ်၏တပည့်ကျော်များအားဇမ္ဗူတခွင်ပြိုင်စံရှားသည့်
အာဂယောက်ျားအဖြစ်သို့ရက်သတ္တနှစ်ပတ်အတွင်းဖြစ်တည်
ရောက်ရှိကြလေသည်ဟုသာနားလည်သဘောပေါက်ကြစေလိုပါ၏။
သင်တန်းဆင်းပွဲကိုကျွန်ုပ်အိမ်ရှေ့ရှိပုဏ္ဏရိပ်ခြုံဘေးမြက်ခင်းတွင်
ကျင်းပရာ၊ကျွန်ုပ်၏တပည့်ကျော်သုံးဦးစုံညီစွာတက်ရောက်ကြပါ၏။
ကျွန်ုပ်ကိုယ်တိုင်သင်တန်းဆင်းမိန့်ခွန်းပြောကြားပြီး၊ယင်းတို့အား
တာဝန်အသီးသီးခွဲဝေအပ် နှင်းရသည်။
“ရဲဘော်တို့၊အကျယ်ချဲ့ပြီးရှည်ရှည်ဝေးဝေးမပြောချင်ဘူး။
မောင်တို့ဟာစစ်သည်တသိန်းအားနဲ့ညီမျှတဲ့လက်ရွေးစင် စစ်သည်တော်ကောင်းများဖြစ်တယ်။ဒါကြောင့်ဒီမိုကရေစီ
ခေတ်ပြောင်းချိန်မှာပြည့်ရန်စွယ်အလုံးစုံကိုအပြီးတိုင် သုတ်သင်ဖယ်ရှားကြရမှာဖြစ်တယ်။ရဲဘော်တို့နဲ့အတူဆြာကိုယ်တိုင်
စစ်မြေပြင်ကိုချီတက်မယ်။နိုင်ငံ့ရန်သူကို ချေမှုန်းကြ။
လူထုကောင်းစားရေးအတွက်အသက်ကိုစွန့်ကြ၊ဒါပဲ”
“ဒုတိယအစီအစဉ်အနေနဲ့ရဲဘော်တို့ကိုတာဝန်တွေခွဲဝေပေးအပ်
မှာဖြစ်တယ်။ရဲဘော်လေမင်းသား”
“ရှိ။ဆြာ၊ဟုတ်”
“ရဲဘော်ဟာလေကြောင်းစစ်ဆင်ရေးကိုပိုင်နိုင်သူမို့၊မြန်မာနိုင်ငံတလွှားမှာ
ရှိတဲ့ကျီးကန်းတွေကိုအမြစ်ပြတ်အောင် နည်းမျိုးစုံနဲ့ချေမှုန်းသုတ်သင်ရမယ်”
“ဗျာ”
“မဗျာနဲ့၊မြန်မာပြည်ရဲ့တခုသောမဟာဓာတ်အားလိုင်းကြီးဟာ
ကျီးကန်းတွေရဲ့စနက်ကြောင့်၊ပြတ်တောက်ခဲ့ရတယ်။အခုလိုခေတ်သစ်
စနစ်သစ်မှာလျှပ်စစ်ဓာတ်အားဖူလုံစွာရရှိရေးဟာတိုင်းပြည်ရဲ့
အသက်တမျှအရေးကြီးတယ်။လူထုအစိုးရကိုအကြည်ညိုပျက်စေတဲ့
ခြင်းရာတစ်ရပ်လည်းဖြစ်တယ်။ဒါကြောင့်ဓာတ်အားလိုင်းတွေ
ပြတ်တောက်ကုန်အောင်၊ဓာတ်ကြိုးတွေပေါ်ကို၊လာနားတတ်တဲ့
ကျီးကန်းတွေကိုထိထိရောက်ရောက်ချေမှုန်းရမယ်။ကြားလား”
“ဟုတ်၊ဆြာ”
(ခြောက်)
“နောက်တယောက်၊ ရဲဘော်ဖေကြည်”
“ဟုတ်ဆြာ”
“ရဲဘော်ရဲ့အဓိကတာဝန်ကတော့ ကြွက်နှိမ်နှင်းရေးဖြစ်တယ်”
“ခင်ဗျာ”
“မခင်ဗျာနဲ့။ပြည်သူ့ဘဏ္ဍာသိန်းပေါင်းလေးထောင်ကျော်
ကုန်ကျခံခဲ့ရတဲ့ရန်ကုန်မြို့ကရေမြောင်းကြီးတခုရဲ့နံရံဟာ ကြွက်တွေရဲ့နှောင့်ယှက်ဖျက်ဆီးမှုကြောင့်ပြိုကျပျက်စီးခဲ့ရတယ်။
အစရှိအနောင်နောင်ဆိုသလို ဒီကြွက်တွေကို
ဒီအတိုင်းဆက်လွှတ်ထားရင်၊ဆြာတို့မြန်မာနိုင်ငံလိုစိုက်ပျိုးရေး
အဓိကထားတဲ့နိုင်ငံမှာမရှိမဖြစ်အရေးကြီးတဲ့ရေလှောင်တမံတွေရဲ့
နံရံတွေကိုပါဆက်ပြီးဒုက္ခပေးလာနိုင်တယ်။ဒါကြောင့် ရဲဘော်ဖေကြည်အနေနဲ့တပြည်လုံးကြွက် ပပျောက်ရေး အတွက်အထူးတာဝန်ကိုပေးအပ်ထမ်းဆောင်စေရခြင်းဖြစ်တယ်”
“ဟုတ်စ်”
“နောက်ဆုံးရဲဘော်ဖြစ်တဲ့မောင်ကပ္ပလီအနေနဲ့ကတော့
အဲဒီကျီးကန်းတွေကြွက်တွေအနေနဲ့အဖျက်အမှောင့်လုပ် ငန်းတွေကိုသူတို့သဘောနဲ့သူတို့လုပ်နေသလား။တစုံတယောက်
သို့မဟုတ်အဖွဲ့အစည်းတခုခုကနောက်ကွယ်က နေကြိုးကိုင်နေသလား။
အဲဒီအဖျက်အင်အားစုတွေဟာအစိုးရအဖွဲ့သစ်ထဲမှာဘယ်လိုစိမ့်ဝင်
ထိုးဖောက်နေသလဲ။ နောက်ချန်တပ်အနေနဲ့ လှုပ်ရှားနေကြသလား ဆိုတာ ထောက်လှမ်းဖော်ထုတ်ရမယ်။အဲဒီအဖျက်သမားတွေ အပြင်သူတို့နဲ့တကျိပ်တည်းတဥာဏ်ဖြစ်တဲ့ဖွတ်၊ပဒတ်၊ဂဏန်း၊ပုတ်သင်၊
လိပ်၊နွားသိုး၊မြေခွေးအစရှိသူတွေကိုပါ ဖော်ထုတ်ချေမှုန်းကြရမယ်
တပည့်တို့”
“ဟုတ်ဆြာဟုတ်၊ဟုတ်။ဒါနဲ့ဆြာကိုယ်တိုင်စစ်မြေပြင်ကိုတပည့်တို့နဲ့
အတူထွက်မယ်ဆိုတာကကောဆြာ”
“သြ၊ဒါလား။ဟုတ်တယ်တပည့်တို့။မြန်မာပြည်ကလာတဲ့သတင်းတွေမှာ၊
ကုန်စည်စီးဆင်းရေးအတွက်ပဓာနကျလှတဲ့မြစ်ကူးတံတားကြီးတွေဟာ၊
မသမာသူတချို့ရဲ့မဆင်မခြင်ရှူးရှူးပေါက်မှုကြောင့်နိမ့်ဝင်ပျက်စီးကုန်သတဲ့။
ဒါ့အပြင်မြန်မာ့သစ်တောကြီးတွေပြုတ်ပြုတ်ပြုန်းရတာဟာလည်းလောင်စာအလို့ငှာစည်းမဲ့ကမ်းမဲ့ထင်းခွေကြသူတွေကြောင့်လို့ဆိုတယ်။
ဒီကိစ္စတွေကိုဆြာကိုယ်တိုင်တပည့်တို့နဲ့အတူကွင်းဆင်းပြီး
တရားခံအစစ်တွေကိုဖော်ထုတ်မှာဖြစ်တယ်။တရားသော စစ်ဆင်ရေးမုချအောင်ရမယ်တပည့်တို့”
(ခုနစ်)
ထိုညကအခမ်းအနားကို ကျွန်ုပ်တို့ဆြာတပည့်တသိုက်၊
သတိအနေအထားဖြင့် မတ်တတ်ရပ်ကြရင်း၊ကမ္ဘာမကြေ သီချင်းကိုသံပြိုင်သီဆိုလျက်နိဂုံးချုပ်ခဲ့ကြပါ၏။
ဇာတိသွေးဇာတိမာန်ထက်သန်လျက်ရှိကြလေသော၊စစ်သားကြီးလုံးလုံး
ဗိုလ်မှူးကြီးရှုံးလောက်သည့်တပည့်ကျော်တို့၏ဟန်ပန်အမူအယာကား၊
ရန်သူ့ဘက်သားသံမှုန့်စားမှ၊ငါ့ဓားတုံးမည်မှတ်တော်တည်လော့ဟူသော
နန္ဒိသေနပျို့ကိုအမှတ်ရစရာကောင်းလှပါ၏။
ထိုစဉ်ကျွန်ုပ်၏အနီးရှိခွေးချေပုကလေးပေါ်တွင်တင်ထားသည့်
ဆောင်းဘောက်မှထွက်ပေါ်လာသည့်သီချင်းသံ သည်၊ကျွန်ုပ်နှင့်တပည့်ကျော်များအား၊ဂုဏ်ပြုနေသည့်အလား၊
ညဥ့်အမှောင်တွင်ပျံ့လွင့်၍နေလေ၏။
“မြန်မာနိုင်ငံထူထောင်ရန်တဲ့၊မျိုးရိုးမတိမ်အောင်၊ကြံဆောင်လေ
တယ်။နေမျိုးသာကီ၊မြန်မာပြည်လက်ရုံး၊မြန်မာတနိုင်ငံလုံး
ထင်ပေါ်စေတယ်။စိတ်အားသန်သန်မာန်ကိုမလျှော့တယ်
ငါတို့လူမျိုးတန်ခိုးရှိဖို့သူရဲကောင်းတွေစုံညီတယ်။တကယ်ပင်
သတိုးမဟာဗန္ဓုလနှယ်ရာဇဝင်ပြောင်တယ်။သားကောင်းများလို့
ခေါ်ရလောက်ပေတယ်။ဥဒါန်းတွင်စေဖွယ်။
မြန်မာ့သူရဲကောင်းအပေါင်းတွေရယ်”

၉ ဇွန် ၂၀၁၆နေ့ထုတ် စောင့်ကြည့်ဂျာနယ်မှ။ ။

0 comments:

Post a Comment

စာမရေးဖြစ်တော့တာကြောင့် ကျနော်ကြိုက်ပြီး ဖတ်စေချင်တဲ့ စာလေးတွေကို တင်ထားပါတယ်ဗျာ

Followers

Total Pageviews

အမှာပါးစရာများရှိနေရင်

Pop up my Cbox

Blog Archive

အက်ဒမင်

အခြားကဏ္ဍများကို လေ့လာရန်

ရှာဖွေလေ တွေ့ရှိလေ

စာပေမြတ်နိုးသူများ

free counters
Related Posts Plugin for WordPress, Blogger...