ကျနော့်ဘ၀နှင့် ဒီမိုကရေစီခရီး

ဒီမိုကရေစီနှင့် စတင်ရင်းနှီးမိခြင်း

ရှစ်လေးလုံးအရေးတော်ပုံမတိုင်မီအထိ ဒီမိုကရေစီနှင့်ပတ်သက်သော ဗဟုသုတဟူ၍ မိမိတွင် လုံးဝနီးပါးမရှိခဲ့။ ကျောင်းပြီးသော ကျောင်းသားတဦး၊ ပညာတတ်တဦးအဖြစ်အမည်ခံကာ ရပ်တည်ခဲ့ရ ပေမယ့် ကျောင်းတွင်သင်ကြားခဲ့ရသော နိုင်ငံရေးသိပ္ပံဘာသာရပ်ကို (ကွန်မြူနစ်စနစ်သည် မကောင်း၊ အရင်း ရှင်စနစ်သည် မကောင်း။ ဆိုရှယ်လစ်စနစ်သည်သာ အကောင်းဆုံးဖြစ်၍ မြန်မာနိုင်ငံနှင့် အသင့်တော်ဆုံး ဖြစ်သည်ဟု) စာမေးပွဲအောင်ရုံ လေ့လာခဲ့ရကြောင်းကို ကိုယ့်ကိုယ်ကိုသာ အသိဆုံး။

အရေးအခင်းကာလမှသာ ဒီမိုကရေစီဆိုသည့်ဝေါဟာရမှာ ဂရိဘာသာမှ ဆင်းသက်လာကြောင်း၊ DEMOS နှင့် KRATIA မှတဆင့် CRACY ကိုပေါင်းစပ်ပြီး ဒီမိုကရေစီဖြစ်ပေါ်လာကြောင်း။ DEMOS ၏ အဓိပ္ပါယ်မှာ ပြည်သူများဟူ၍ဖြစ်ပြီး KRATIA ၏အဓိပ္ပါယ်မှာ အုပ်ချုပ်ခြင်း (သို့) အာဏာဟူ၍ဖြစ်ကြောင်း နှင့် ဒီမိုကရေစီဆိုသည်မှာ ပြည်သူလူထုအုပ်ချုပ်ခြင်းဟု အဓိပ္ပါယ်ရကြောင်းတို့ကို စတင်သိခွင့်ရခဲ့သည်။ ထိုအသိလေးနှင့်ပင် ဆန္ဒပြမှုများတွင် ဒီမိုကရေစီရရှိရေး တို့အရေးဆိုသည့် တောင်းဆိုမှုများကို သံကုန်ဟစ် ခဲ့သူဟုသတ်မှတ်လျှင်လည်း ၀န်ခံရမည်သာ။
အခြေအနေမှန်ပင်ဖြစ်၍ မငြင်းသာသော်လည်း မိမိနှင့်ဘ၀တူလူငယ်များအတွက် ဒီမိုကရေစီဆို သည်ကို လေ့လာနိုင်ခွင့်နှင့် လေ့လာစရာနယ်ပယ်များ ဖန်တီးပေးမထားခြင်းကိုလည်း ထည့်တွက်သင့်၏။
မည်သို့ပင်ဆိုစေ ရှစ်လေးလုံးအရေးတော်ပုံကာလတွင် ပျော်သည်။ အဘယ့်ကြောင့်ပျော်ရသနည်း ဟုမေးလျှင် လွတ်လပ်မှုရှိ၍ဟုဖြေမည်။ လွတ်လပ်မှုကို မည်သည့်အရာနှင့်တိုင်းမည်နည်းဟုထပ်မေးလျှင် ကြောက်စရာမလို၊ ကြောက်ရမယ့်လူမရှိ၍ဟုဖြေမည်။ နောက်ထပ်ပြောရမည့် ပျော်ရသည့်အချက်ထဲတွင် အစုအဖွဲ့လိုက်လှုပ်ရှားဆောင်ရွက်ရသည့်အတွက် ပျော်ခြင်းလည်းပါသည်။ စိတ်ကူးဥာဏ်သစ်များကိုလည်း ထုတ်ဖော်ခွင့်ရသည်။ စုပေါင်းတိုင်ပင်၊ စုပေါင်းအဖြေရှာ၊ စုပေါင်းလှုပ်ရှားခွင့်ရသည့် အရသာထူးကို မြည်းစပ်းခွင့်ရခြင်းအတွက် ဒီမိုကရေစီဆိုသည်ကို ကျေနပ်စွာလက်ခံမိခဲ့သည်။ ဤမျှလောက်သောအပိုင်း အစကလေးများကို ကောက်ယူသုံးစွဲခွင့်ရသည့် အခိုက်အတန့်ကာလတွင်ပင် ကျေနပ်မှုပေးစွမ်းနိုင်သောစနစ် တွင် ထို့ထက်ပိုမိုနက်ရှိုင်း၍ တန်ဖိုးကြီးသော အနှစ်သာရများစွာ ကျန်ရှိနေဦးမည်ဟုယူဆမိခဲ့သည်။ ထိုထို သော အနှစ်သာရများကို မိမိကဲ့သို့သောသူများနှင့် နောင်မျိုးဆက်များအတွက် လက်ဆောင်ပေးချင်သည့် စိတ်စေတနာများလည်း ဖူးပွင့်လာခဲ့မိပါ၏။
အခိုင်အမာပြောနိုင်သည်မှာ ရှစ်လေးလုံးမတိုင်မီကာလနှင့် ရှစ်လေးလုံးကာလနှစ်ခုဟာ မိမိအတွက် အခြားနားကြီးခြားနာပါသည်။ ယန္တယားဆန်ဆန် လှုပ်ရှားသွားလာနေကြရာမှ လူသားဆန်ဆန် အသက်ရှင် သွားလာနိုင်လာသလိုလို။ လူတဦး၏ စိတ်ခံစားချက်များ၊ စိတ်ကူးစိတ်သန်းများနှင့် အကောင်အထည်ဖော် ဆောင်လိုမှုများသည် လူ့လောကကြီးနှင့် တဆက်တစပ်ထဲ ရှိလာသလိုလို။
ဤအခိုက်အတန့် ကာလအတိုလေးအတွင်းမှာပင် အားနည်းချက်အချို့ကိုလည်း ဆုပ်ကိုင်လိုက်မိ ပါသည်။ စိတ်ခံစားမှုများနောက်သို့ အလွန်အကျွံလိုက်တတ်ကြခြင်းဟူသော သဘာဝများကြောင့် ဆင်ခြင် တုံတရား အားကောင်းသောသူများ၏ အကြံပြု၊ တားမြစ်ကန့်သတ်ချက်များကို အများစုဆန္ဒအားကိုးဖြင့် ပစ် ပယ်ကာ အနိုင်ယူဖြေရှင်းမှုအမှားများနှင့် ဒီမိုကရေစီကို အခွင့်အရေးသက်သက်အမြင်ဖြင့် ဒီမိုကရေစီမှာ ဒီအခွင့်အရေးလေးတောင်မရှိဘူးလား ဆိုသည့် မူဘောင်မဲ့ အတွေး၊ အပြောနှင့် လုပ်ရပ်များအတွက် ရတက် မအေးရသည့် စိတ်ခံစားမှုကိုလည်း ကြိုတင်အဆစ် မြည်းစမ်းခွင့် ရလိုက်သေးသည်။

ကျောင်းသားတပ်မတော်နှင့် ဒီမိုကရေစီ

စက်တင်ဘာအာဏာသိမ်းမှုအပြီးတွင် ဒီမိုကရေစီရှာပုံတော်ဖွင့်မှုများ ခေတ်စားလာ၏။ အသက် အစိတ်ကျော်စားခဲ့မိသော အစာသည် မစင်မှန်းသိခဲ့ပြီဖြစ်၍ ထပ်မစားလိုတော့။ ဒီမိုကရေစီရမှပြန်မယ်ဟူ သော အသံပိုင်ရှင်များစုစည်းကာ ကျောင်းသားတပ်မတော်ကို ဖွဲ့စည်းလိုက်ကြသည်။ မြန်မာနိုင်ငံလုံးဆိုင်ရာ ကျောင်းသားများဒီမိုကရက်တစ်တပ်ဦးသည် မြန်မာနိုင်ငံဒီမိုကရေစီရရှိရေးကို စွမ်းဆောင်နိုင်မည့်အဖွဲ့အ စည်း တခုဖြစ်သည်ဟူသော ယုံကြည်ချက်ဖြင့် တပ်ဖွဲ့ဝင်တဦးအဖြစ် အသက်နှင့်ဘ၀ကိုပုံအောကာ ပါဝင်ခဲ့ သည်။
ကျောင်းသားတပ်မတော်တွင် ဒီမိုကရေစီနှင့် ပိုမိုနီးစပ်ခွင့်ရခဲ့ပြန်သည်။ လေ့လာခွင့်များနှင့်အတူ လေ့ကျင့်ခွင့်များကိုပါ တစုံတည်းရလိုက်၏။ အပြည့်အစုံဆုံးအခြေအနေမဟုတ်တောင်မှ မလိုလားသူများ အတွက် အလျှံအပယ်ဟုပင်ဆိုင်နိုင်ပါသည်။ ဒီမိုကရေစီနှင့်ပတ်သက်သော စာအုပ်စာတမ်းများကို ဖတ်ခွင့်၊ လေ့လာခွင့်များမှ ၁၉၉၅ ခုနှစ်တွင်ထုတ်ဝေသော ဒီမိုကရေစီလေ့လာရေးစာစဉ်သည် မိမိလက်လှမ်းမီသမျှ မြန်မာဘာသာဖြင့် ထုတ်ဝေသမျှထဲတွင် ထိုအချိန်အခါက အပြည့်စုံဆုံးဟုပင်ဆိုနိုင်၏။ ပြည်သူဒီမိုကရေစီ၊ ဆိုရှယ်ဒီမိုကရက်၊ လစ်ဘရယ်ဒီမိုကရေစီစသဖြင့် ရှေ့က၀ိသေသကိုလိုက်၍ ဒီမိုကရေစီအမျိုးအစားများ ပြောင်းသွားကြောင်းနှင့် ပြည်သူ့ဒီမိုကရေစီဆိုသည်မှာ အာဏာရှင်အမျိုးအစား စနစ်တခုသာဖြစ်ကြောင်း တို့ကို ထပ်မံသိရှိခွင့်ရခဲ့ပြန်ပါသည်။
ထိုစာအုပ်နှင့်ပတ်သက်၍ ထူးခြားသည့်ဖြစ်စဉ်တခုရှိခဲ့ဖူး၏။ မိမိတို့ရဲဘော်များ ကရင်ပြည်နယ် လှုပ်ရှားနယ်မြေတခုတွင်ရှိစဉ် မြို့တမြို့သို့သွားမည့် လူကြုံတဦးနှင့် ပစ္စည်းမှာ၏။ ပစ္စည်းအမျိုးအမည် များ နေသဖြင့် စာရေးမှာရန်လိုနေရာ အလွယ်တကူပါသော အဆိုပါစာအုပ်မှ ကျမ်းကိုးစာရင်း နောက်ဆုံးစာရွက် ကို ဖြုတ်ပြီးသုံးလိုက်မိသည်။ စာရွက်မှာတမျက်နှာနီးပါးလွတ်နေသဖြင့် လိုအပ်သည်ပစ္စည်းများစာရင်းကို ရေးပေးလိုက်သည်။ ထိုလူကြုံမှာလည်း မြို့သို့ရောက်ပြီး ဆိုင်တွင်ပစ္စည်းများကိုဝယ်ကာ အဆိုပါစာရွက်မှာ အမှတ်တမဲ့ပင် ကျန်ခဲ့၏။ ဆိုင်ရှင်ဆိုသူမှာ ပညာတတ်တယောက်ဖြစ်ပြီး ထိုအချိန်က ရွေးကောက်ပွဲဝင်ထား သည့် နိုင်ငံရေးပါတီတခုမှ ခေါင်းဆောင်တဦးဟုသိရသည်။ ၎င်းပုဂိုလ်သည် ကျန်နေခဲ့သောစာရွက်ကို ဖတ် ကြည့်မိပြီး ဈေးဝယ်သွားသောလူနောက်သို့ အပြေးလိုက်ကာ အဆိုပါစာရွက်နှင့်ပတ်သက်သော စာအုပ်ကို လိုချင်ကြောင်းနှင့် မည်မျှပင်ပေးရပေးရဟုဆိုကာ အတင်းတောင်းဝယ်၏။ လူကြုံကလည်း ရင်းနှီးစိတ်ချရ သောဆိုင်ရှင်ကို အခြေအနေမှန်ကိုရှင်းပြကာ ပြန်ခဲ့ရသည်။ နောက်ပိုင်းမှာ ထိုသတင်းကိုကြားရသဖြင့် မိမိတို့ အဖွဲ့မှ ဆိုင်ရှင်ထံသို့ ထိုစာအုပ်ကို အရောက်စီမံ၍ပို့ပေးလိုက်ပါသည်။
ထိုစာအုပ်၏အမှာစာတွင် မိမိအနှစ်သက်ဆုံးစာသားလေးရှိ၏။ ဒီမိုကရေစီကို လိုလားတောင်းဆို နေသော မြန်မာပြည်သူများအကြားတွင် ဒီမိုကရေစီအပေါ် သိမြင်နားလည်မှုများ ကွာခြားနိုင်ပါသည်။ ဒီမိုက ရေစီအကြောင်း ပြောဆိုရေးသား၊ ဝေဖန်၊ ဆွေးနွေးမှုများ အဆက်မပြတ်ပြုလုပ်ခြင်းဖြင့် ဒီမိုကရေစီအပေါ် အသိကွာဟမှုကို ထိမ်းညှိနိုင်ပြီး ဒီမိုကရေစီအုပ်ချုပ်ရေးစနစ်ကို အထောက်အကူပြုနိုင်ပေသည် ဟူသော အချက်ဖြစ်သည်။ မမိတို့ကိုယ်တိုင် မကျင့်ကြံနိုင်ခဲ့သော အချက်ဟုလည်းဆိုနိုင်ပါသည်။
ကျောင်းသားတပ်မတော်တွင် ညီလာခံများသည် ဒီမိုကရေစီကျင့်စဉ်ကို ကျင်သုံးနိုင်သော တခု တည်းသော နေရာဖြစ်ပြီး ဒီမိုကရေစီရနံ့အရဆုံးနေရာဟုလည်း ဆိုနိုင်ပေသည်။ ထိုနည်းတူ ဒီမိုကရေစီ ယဉ်ကျေးမှုစံ ဘယ်လောက်ရှိပြှီလဲ၊ ဒီမိုကရေစီစိတ်ဓါတ်ဘယ်လောက်ရှိပြီလဲဆိုသည်များကို စမ်းသတ်ရာ နေရာလည်းဖြစ်ခဲ့ပေသည်။ ထို့ကြောင့်ပင် ညီလာခံမှထွက်ပေါ်လာသော အဖြေများသည် ဒီမိုကရေစီ မှတ် ကျောက်တင်ပြီးဖြစ်နေတတ်သည်။ ထိုအဖြေမျိုးကို အဖွဲ့အစည်း၏ ကျန်အစ်ိတ်အပိုင်းများတွင် ရှားရှားပါးပါး။
ရှစ်လေးလုံးကာလတွင်း ခံစားမှုမျိုးကို တတိယအကြိမ်ညီလာခံတွင် ရရှိလိုက်ဖူး၏။ သို့သော်ထပ်တူ ထပ်မျှတော့ မဟုတ်။

မိသားစုတွင်းဒီမိုကရေစီ

လူထုအဓိကလူ့အဖွဲ့အစည်း (CIVIL SOCIETY) ဘာသာရပ်ကို မြန်မာနိုင်ငံရှေ့နေများကောင်စီတွင် လေ့လာခွင့်ရခဲ့သည်။ အသိနောက်ကျသည်ဟုပင် နောင်တရမိသည်။ မိမိကဲ့သို့ပင် အခြားသူများကိုလည်း သိခွင့်၊ လေ့လာခွင့် ရစေချင်သလို၊ နောင်မျိုးဆက်ကိုလည်း ဒီမိုကရေစီကဲ့သို့ပင် လေ့လာသင့်သော ပညာရပ်တခုဟုဆိုချင်သည်။ မိမိကိုယ်မိမိ ဤဘာသာရပ်ကို သင်ကြားလိုက်ရခြင်းဖြင့် လူပီသသွားသယောင် ထင်လိုက်ရသည်။ ဒီမိုကရေစီကို အရောင်တင်ပေးနိုင်သော၊ အနုစိတ်အားဖြည့်ပေးနိုင်သော စွမ်းအင်များရှိ သည့် ဘာသာရပ်တခုအဖြစ် နားလည်မိ၏။
အဆိုပါ လူထုအဓိကလူ့အဖွဲ့အစည်းဘာသာရပ်တွင် လူ့အဖွဲ့အစည်းဆိုသည်ကို လူတဦးထက်မ ကရှိခြင်းဖြင့် အဓိပ္ပါယ်ဖွင့်ဆိုထားပြီး မိသားစုသည် အသေးငယ်ဆုံးလူ့အဖွဲ့အစည်းဟု လေ့လာရ၏။ ထိုမှ တဆင့် မိမိရလိုက်သည်ကား မြန်မာ့လူ့အဖွဲ့အစည်းကို ပြင်နိုင်ဖို့ မိမိမိသားစုကို အရင်ဆုံးပြင်ဆင်ဖို့။ ထို့နောက် မျှော်လင့်လိုလားသည့် လူ့အဖွဲ့အစည်းပုံဖော်ဖို့ဟုပင်။ မိသားစုအတွင်း အပြန်အလှန်ထိမ်းညှိခွင့် ကို ဖန်တီးထားသင့်သည်။ ကိုယ်ပိုင်ရပ်တည်စီမံခွင့် ( ) ကိုဖန်တီးပေးသင့်သည်။ မိသားစု၏ ယဉ်ကျေးမှုတန်ဖိုး ( ) ကို ဖန်တီးတည်ဆောက်သင့်သည်ဟုမြင်မိ၏။
ကမ္ဘာဦးအစ၌ လူသည် တရိစ္ဆာန်နှင့် ယဉ်ကျေးမှုအဆင့်တူဟုဆို၏။ ပိုကောင်းသည်ဆိုသည်များကို လိုလားစွာ ရှာဖွေသိမြင်တတ်ခြင်းများကြောင့် လူသည် တစစပို၍ပို၍ ယဉ်ကျေးလာ၏။ လူတွေဘယ်လောက် ယဉ်ကျေးလာပြီလဲဆိုသည်ကို တရိစ္ဆာန်များထက်ဘယ်လောက် ပိုယဉ်ကျေးလာလာပြီလဲဆိုသည့်ပေတံနှင့် တိုင်းတာနိုင်ပေသည်။ တဖန် တရိစ္ဆာန်တွင်ပင် ရိုင်းခြင်းနှင့် ယဉ်ခြင်းများရှိနေပြန်ရာ လူတွင်လည်း ထိုနည်း တူဖြစ်တန်ရာ၏။ လူ့အဖွဲ့အစည်းအတွက်လည်းအကျိုးမရှိ၊ ကိုယ့်အတွက်လည်းအကျိုးမရှိ မိုက်နေသူများ သည်လည်းကောင်း၊ လူ့အဖွဲ့အစည်းအကျိုးမရှိ ကိုယ်အကျိုးရှိ မိုက်နေသူများသည်လည်းကောင်း ပညာ၊ ဥစ္စာ မည်မျှပင်ပြည့်စုံနေစေကာမူ ယဉ်ကျေးသည့်လူဟု ယူဆ၍မရ။
လူ့အဖွဲ့အစည်းအကျိုးရှိ၊ ကိုယ့်အကျိုးရှိဆောင်ရွက်တတ်သူများနှင့် လူ့အဖွဲ့အစည်း အကျိုးရှိ၊ ကိုယ့်အကျိုးမရှိ ဆောင်ရွက်တတ်သူတို့သည်သာ ယဉ်ကျေးမှုအဆင့်မြင့်လူသားအဖြစ် လူ့အဖွဲကအစည်း က စံထားသင့်ကြပေသည်။ အဘယ်ကြောင့်မူ ဒီမိုကရေစီတွင် အများစုရွေးချယ်မှုဖြင့် ခေါင်းဆောင်ဆိုသည် ကိုရွေးချယ်ရာ၏။ ခေါင်းဆောင်များသည် မူဝါဒများကို ရေးဆွဲချမှတ်ကာ ရှေ့ဆောင်ကြရ၏။ ယဉ်ကျေးမှုအ ဆင့်မြင့်သူများကို ရွေးချယ်မိမှသာ လူ့အဖွဲ့အစည်းအကျိုး အမှန်တကယ် ဖြစ်ထွန်းနိုင်ပေမည်။ ယဉ်ကျေးမှု အဆင့်မြင့်သူများသည်သာ လူအများစုကို လေးစားတန်ဖိုးထားတတ်၍ ညှိနှိုင်းတိုင်ပင်တတ်သည့် အလေ့ အထများရှိနိုင်ပေလိမ့်မည်။
` လူ့အဖွဲ့အစည်းအစ မိသားစုကဆိုသည့်စကားကို ပြန်ကောက်ရမည်ဆိုလျှင် ယဉ်ကျေးမှုအဆင့် မြင့်မားမှုကို အသိအမှတ်ပြုပေးခြင်းဖြင့် ပုံဖော်ပေးနိုင်သည်။ စည်းကမ်းတကျနေထိုင်တတ်မှု၊ အပြစ်ရှိလျှင် ပြစ်ဒဏ်ခံရသည့်အလေ့အထကို လက်ခံတတ်မှု၊ တရားမျှတမှုကို လေးစားမြတ်နိုးတတ်မှုနှင့် တရားမျှတ မှုကို ရှာဖွေဖန်တီးလိုစိတ်တို့ကို ပြုစုပျုိးထောင်ထားသင့်ပေသည်။ လက်ဦးဆရာဖြစ်သည့်မိဘများမှ ပုံသွင်း မှန်လျှင် လူ့အဖွဲ့အစည်းအကျိုး ဖြစ်ထွန်းနိုင်မည်မှာမလွဲပေ။ဆိုလိုသည်မှာ မိသားစုအတွင်း ရွေးချယ်တင် မြှောက်ရန်၊ ဥပဒေတွေထုတ်နေရန်မဟုတ်။ လူ့အဖွဲ့အစည်းအတွင်း ပုံဖော်လိုသည်များကို လေ့ကျင့်၊ ပုံသွင်း ပေးရုံမျှသာ။ သို့ဆိုလျှင် ပုံသွင်းပေးနိုင်လောက်သည့်အသိများ မိဘများတွင်ရှိဖို့လိုနေပြန်ပြီ။
၂၄ နာရီတွင် ၈ နာရီမျှတာဝန်ယူနေရသော ဆရာ၊ ဆရာမများတွင်လည်း အလားတူပင်။

ဒုက္ခသည်စခန်းအတွင်းဒီမိုကရေစီ
နို့ဖိုးဒုက္ခသည်စခန်းရောက်စ ရပ်ကွက်အုပ်ချုပ်ရေးဆိုင်ရာများအတွက် ပါဝင်တည်ဆောက်ခွင့်ကို အခိုက်အတန့်ရခဲ့ဖူးသည်။ မြန်မာနိုင်ငံကိုတည်ဆောက်ခွင့်မရပေမယ့် မြန်မာနိုင်ငံအစိတ်အပိုင်းတခုကို တည် ဆောက်ခွင့်ရခြင်းအတွက် အားစိုက်မိ၏။ အစပိုင်းတွင် တက်ကြွမှုများကြောင့် အောင်မြင်၏။ နောက်ပိုင်းတွင် လျောရဲလာကာ အခြေအနေမပြည့်စုံမှုတွေအကြား ပျက်စီးသွားခဲ့ရ၏။ ဆိုလိုသည်မှာ ကိုယ်ပိုင်အုပ်ချုပ်ခွင့် ပေးထားသည့်အနေအထားမှ ပုံမှန်အတိုင်း ထိုင်းအုပ်ချုပ်မှုအောက်သို့ ပြန်ရောက်သွားခြင်းပင်။ အကြောင်း ရင်းမှာ ကိုယ့်နိုင်ငံအတွင်းမဟုတ်ခြင်းနှင့် အတည်တကျရှိနေရမည့် လူ့အဖွဲ့အစည်းအမျိုးအစား မဟုတ်ခြင်း ဆိုသည့် အချက်များပါဝင်ပေသည်။
မိမိစိုးရိမ်မိသည်မှာ အထက်ပါအခြေအနေများအပေါ်တွင် မူမတည်။ အခြားဆက်စပ်အတွေးအခေါ် များနှင့် အခြေအနေများကြောင့်။ ဦးစွာဆိုခဲ့သလို မြန်မာပြည်ရဲ့အစိတ်အပိုင်းတခုဆိုပေမယ့် ရာခိုင်နှုန်းအရ ဆိုလျှင် လက်ရှိ ဒုက္ခသည်စခန်းရှိ လူအများသည် ပညာတတ်များဖြစ်ကြ၍ နိုင်ငံရေးဖြတ်သန်းမှုရှိကြသူများ ၏။ ရှင်းရှင်းဆိုရသော် ဒီမိုကရေစီလိုလားသူများပေသည်။
သို့သော် ပြဿနာကား ဒီမိုကရေစီအနှစ်သာရကို ဆုပ်ကိုင်မိသူရှား၏။ ဒီမိုကရေစီကို FOR THE PE0PLE, BY THE PEOPLE လောက်နှင့်သာ ကျေနပ်၍ ရပ်တန့်နေသူများ၏။ မိမိတို့မှ နားလည်သူများနှင့် အတွေ့အကြုံရှိသူများ ညှိနှိုင်းတိုင်ပင်၍ ဖွဲ့စည်းပုံစည်းမျဉ်း။ ပြစ်မှုဆိုင်ရာဥပဒေ၊ ရပ်ကွက်သားများ လိုက်နာ ရမည့်စည်းကမ်းနှင့် လုံခြုံရေးဆိုင်ရာများလိုက်နာရမည့် စည်းကမ်းများကို ဒေသနှင်ကိုက်ညီအောင်၊ မကျယ် မကျဉ်း ပြုစုထားကြသည်။ အများသဘောတူညီမှုကို တတ်နိုင်သမျှရယူထားသည်။ ဤသည်ကိုပင် အချို့ လူများက နိုင်ငံတခု တည်ဆောက်နေတာကျနေတာပဲ။ ဒီမှာ ဘယ်လောက်ကြာကြာနေဖို့ ပြင်ထားလိုလဲ ဆိုသည်များနှင့် ဆန့်ကျင်ပျက်ရယ်မှုပြုကြသည်။ မိမိတို့ယူဆသည်က လူဆိုသည်မှာ ဖောက်ပြန်တတ်သည်။ မှားယွင်းတတ်သည်။ လူတဦး၏ မှားယွင်းလွဲချော်ခြင်း၊ အားနည်းချက်များရှိခြင်များကို မည်သည့်စံများဖြင့် တိုင်းတာ၍ မှားယွင်းသည်ဟုပြောဆိုကြမည်နည်း။ မည်သို့အပြစ်ပေး အရေးယူကြမည်နည်း။ သတ်မှတ် ချက်များ၊ သဘောတူညီမှုများမရှိလျှင် မည်သည့်အချက်များနှင့်ချိန်ထိုး၍ မည်သို့အကောင်အထည် ဖော် ဆောင်ကြမည်နည်း ဆိုသည်ပင်။
ဒီမိုကရေစီဆိုသည်ကို မြတ်နိုးသည်ဆိုပါလျှင် စည်းမျဉ်း၊ စည်းကမ်း၊ ဥပဒေဆိုသည်များနှင့် ကင်း ကွာ၍မရပါ။ ပရမ်းမတာလုပ်ရပ်များ၊ မင်းမဲ့ဆန်နေမှုများနှင့် သွားနေ၍မရပါ။ မိမိတို့လိုချင်သည့် အနာဂတ် တိုင်းပြည်အတွက် ခုထဲကပင် ရသည့်နေရာမှ လေ့ကျင့်တည်ဆောက်နေရမည်သာ။ မိမိတို့အတွေ့အကြုံအရ အတားအဆီးဖြစ်စေသော အချက်များအနက် ထောင်လိုက်အုပ်ချုပ်ရေး(သို့) ဗျူရိုကရေစီအုပ်ချုပ်ရေးကို လုံးဝ ငြင်းဆန်နေခြင်းပင်ဖြစ်ပေသည်။ နေရာတကာ အလျားလိုက်နည်းနာများဖြင့်သွားလိုကြသဖြင့် အချိန် ကုန်၊ အလုပ်မဖြစ်သည့် ပြဿနာများကိုလည်း မကြာခဏတွေ့ခဲ့ရပေသည်။ အချုပ်ပြောရလျှင် ဗျူရိုကရေစီ နှင့်ဒီမိုကရေစီကို ကွဲကွဲပြားပြားမသိခြင်းနှင့် စနစ်တကျမသုံးနိုင်ခြင်းတို့ကြောင့် ရပ်ကွက်အုပ်ချုပ်ရေးယန္တယား မှာ အချိန်တိုအတွင်းမှာပင် နိဂုံးချုပ်ခဲ့ရပေသည်။
ကိုယ်ခံအားနည်းလျှင် ရောဂါဝင်လွယ်သည်၊ ကြိုတင်ကာကွယ်ခြင်းသည် ကုသခြင်းထက်ကောင်း၏ ဟူ၍ ဆေးပညာတွင် ပြောစမှတ်ရှိကြသည်။ လူ့အဖွဲ့အစည်းတွင်လည်း ဒီမိုကရေစီယန္တယားပျက်သည်နှင့် အာဏာရှင်ယန္တယားအလွယ်တကူ ၀င်ရောက်တတ်သည်။ ဒီမိုကရေစီမှာ ရေဆန်မျိုးဖြစ်၍ ယဉ်ကျေးမှုမြင့် သည်နှင့်အမျှ စည်းမျဉ်း၊ စည်းကမ်းများနှင့် ကြိုတင်ကျားကန်ထားရစမြဲ ဖြစ်ပေသည်။ အခွင့်အရေးများ တည်မြဲရှိဖို့ဆိုသည်မှာ သတ်မှတ်ထားသည့် စည်းမျဉ်းစည်းကမ်းများရှိမှသာ အသက်ဝင်၍ အာမခံချက်လည်း ရှိနိုင်ပေမည်။ ဤသည်ကို ဒုက္ခသည်ရပ်ကွက်တွင်း ဒီမိုကရေစီကို ကျင့်သုံးမိစဉ်မှရလိုက်သော အတွေ့အကြုံ များပင်ဖြစ်ပေသည်။
အဆိုပါ ဒီမိုကရေစီကျင့်စဉ် အစပိုင်းတွင်လည်း ရှစ်လေးလုံးကာလမှ ရနံ့မျိုးကို ရလိုက်ပေသည်။

ဒီမိုကရေစီနှင့် ထွေရာလေးပါး
ဒီမိုကရေစီကို မတူညီသူများ ပူးပေါင်းနေထိုင်ကြမှသာ ရရှိနိုင်သည်ဟုလေ့လာဖူး၏။ မိမိအမြင်တွင် ထိုမျှလောက်နှင့် မလုံလောက်ဟုယူဆမိသည်။ ထိုနေထိုင်မှုသည် ရေရှည်သဘောဆောင်ပြီး၊ တိုးတက်ဖွဲ့ဖြိုး မှုကို ဦးတည်နိုင်မှသာ ပြည့်စုံနိုင်မည်ဟု ယုံကြည်သည်။
လူ့အဖွဲ့အစည်းတခုလုံကိုမဆိုထားနှင့် အသင်းအဖွဲ့များပင်လျှင် ထိုအခြေခံအယူအဆများနှင့် တည် ဆောက်နိုင်ဖို့လိုအပ်ပါသည်။ မိမိတို့မျက်မှောက်တွင် အဖွဲ့အစည်းပေါင်းများစွာ ပေါ်ပေါက်ခဲ့ဖူး၏။ များမကြာ လှသောကာလတွင်ပင် တချို့မှာ စုန်းစုန်းမြုပ်ပျောက်ကွယ်သွား၍ အချို့မှာ နာမည်သာကျန်တော့သည်။ အချို့မှာမူ လက်တဖက်ပင်မပြည့်လှသော ခေါင်းဆောင်ချည်းသက်သက်နှင့် ချီတက်နေကြဆဲ။ အား ကောင်းကောင်းနှင့် လှုပ်ရှားနိုင်သည့်အဖွဲ့အစည်းဟူ၍ ရှာမှရှာ။ မြန်မာ့သမိုင်းနှင့်ချီ၍ အားကောင်းခိုင်မာ သည့် အဖွဲ့အစည်းဟူသည်မှာမူ့့့  ။
အသင်းအဖွဲ့များ အားကောင်းခိုင်မာမှုသည် လူတဦးချင်းစီတို့၏ သန်စွမ်းမှုထက် လူ့အဖွဲ့အစည်း၏ ဖွံ့ဖြိုးတိုးတက်မှုအပေါ်တွင် ထိရောက်မှု ပိုနိုင်မည်မှာ အသေအချာ။ သို့အတွက် လူ့အဖွဲ့အစည်းတခုလုံး ဖွံ့ ဖြိုးတိုးတက်နိုင်စေရေးအတွက် အသင်းအဖွဲ့များ၏ အခန်းဏ္ဍသည် အဓိကကျနေပေသည်။ အသင်းအဖွဲ့များ အားကောင်းခိုင်မာဖို့ မည်သည်တို့လိုအပ်သနည်းဆိုသည်မှာ စိတ်ဝင်စားစရာဖြစ်လာပါသည်။
အရင်းစစ်တော့ အမြစ်မြေကဆိုသည့်အတိုင်း အသင်းအဖွဲ့များ အားကောင်းခိုင်မာရေးအတွက် လူတဦးချင်းစီ အရည်အသွေးရှိမှုကိုပင် ပြန်၍အခြေဆိုက်၏။ သူချည်းသက်သက်လားဆိုတော့ ပြည့်စုံသည် ဟုမဆိုသာ။ အဖွဲ့အစည်းဆန်ဆန်လုပ်ကိုင်တတ်မှုရှိဖို့ လိုနေသေးကြောင်း လက်တွေ့မြင်တွေ့နေရပေ သည်။ မူဝါဒရေးဆွဲသူ၊ အကောင်အထည်ဖော်ဆောင်သူနှင့် စီမံခန့်ခွဲသူများ အချိုးအစားညီညီ၊ သဟဇာတမျှ တစွာ လုပ်ကိုင်ဆောင်ရွက်တတ်ဖို့လိုပေသည်။ အဖွဲ့အစည်း၏ အားနည်းချက်များကို ဖော်ထုတ်ပြင်ဆင်၊ ဖြည့်စွက်ကာ အားကောင်းခိုင်မာမှုများ တိုးပွားလာစေရေးကို ကြံဆတတ်ဖို မရှိမဖြစ်လိုအပ်လာပါသည်။
ဤနေရာတွင် ဒီမိုကရေစီအပေါ် မိမိအမြင်တခုကို တင်ပြလိုပါသည်။ ဒီမိုကရေစီသဘောတွင် လူအများကအုပ်ချုပ်ခြင်းဟူသောသဘော၌ လူအများဟုဆိုခြင်းသည် မိမိတို့မြင်နေသည်ထက် ပိုမိုအဓိပ္ပါယ်ရှိ နိုင်ပါသည်။ သင်္ချာသဘောအရ အရေအတွက်များခြင်းထက် ရလဒ်တန်ဖိုးများခြင်းကို ဆိုလိုဟန်ရှိသည်။ ဥပမာ ၁ + ၁ သည် ပေါင်းခြင်းသဘောသက်သက်မျှသာဖြစ်ပြီး ရလဒ် ၂ မှာလည်း ပုံမှန် အရည်အတွက်သ ဘောမျှသာ။ ပိုမိုရှင်းလင်းအောင်ပြောရလျှင် အရည်အချင်းတမျိုးစီရှိသော လူနှစ်ယောက်ပေါင်းခြင်းဖြင့် အရည်အချင်း နှစ်မျိုးရှိသောအလုပ်လုပ်နိုင်ကြခြင်းသည် ပုံမှန်သချာင်္သဘော။ ဒီမိုကရေစီသဘောအရဆို လျှင် ၁ + ၁ ၏ အဖြေသည် ဒီမိုကရေစီကျင့်ကြံနိုင်မှုအားအပေါ်မူတည်၍ ၃၊ ၄၊ ၅ စသည့် ရလဒ်အမျိုးမျိုးကို ဖြစ်စေနိုင်ပေသည်။ မျက်မှောက်ကာလတွင်ကား သချာင်္သဘော ပေါင်းစည်းခြင်းထက်ပင် ရလဒ်ပို၍ နည်းနေ သည်မှာ ထင်သာမြင်သာပင်။ အရည်အချင်းရှိသူများ စုပေါင်းလုပ်ကိုင်ကာမှ တဦးချင်လုပ်ဆောင်မှုထက် ပိုနည်းသောရလဒ်သာ ထွက်ရှိသည်ဆိုလျှင် ထိုအဖွဲ့အစည်းသည် မကြာခင်ပျက်တော့မည်။
တဦးချင်းလုပ်ဆောင်ရာမှ စုပေါင်းလုပ်ဆောင်ခြင်းဖြင့် အရေအတွက်ထက်ပိုသော အကျိုးရလဒ် ဖြစ်ထွန်းမှသာ ဒီမိုကရေစီကျင့်စဉ်မှန်ဟု ဆိုလိုရင်ဖြစ်ပေသည်။ ဒီမိုကရက်တစ် လူ့အဖွဲ့အစည်း ဖြစ်တည်မှု လမ်းကြောင်း အမှန်ဟုဆိုနိုင်ပေမည်။ သို့ပါ၍ တဦးချင်းသန်စွမ်းရေး တည်ဆောက်မှု၊ တဖွဲ့ချင်းအားကောင်း ခိုင်မာရေးတည်ဆောက်မှုများသည် လူ့အဖွဲအစည်းတည်ဆောက်မှုနှင့် သီးခြားကင်းလွတ်သည်၊ မသက် ဆိုင်ဟု ယူဆ၍မရနိုင်တော့။ ရည်ရွယ်ချက်ရှိရှိတည်ဆောက်ကြလျှင်မူကာ့း့့  ။
တဦးချင်း၊ တဖွဲ့ချင်းမှသည် မြန်မာ့လူ့အဖွဲ့အစည်း၏ရလဒ်ကောင်းများကို ဖန်တီးဖော်ထုတ်နိုင်စွမ်းရှိ ကြပါစေကြောင့်း့့  ။
ရှစ်လေးလုံးသင်းရနံ့ အားရပါရ ရှူရှိုက်ခွင့်ကို မျှော်လင့်စောင့်စားလျှက့့့်  ။

လူဗိုလ်
၃၀ ၊ ၁၂ ၊ ၂၀၀၈