Tuesday, August 27, 2019

ဒီနေ့ မြို့မငြိမ်း ကွယ်လွန်တာ ၆၄နှစ်ရှိပြီ


 
 
     ၁၂၇၀ ပြည့်နှစ် တပို့တွဲလဆန်း ၅ ရက်၊ တနင်္လာနေ့ (၂၅.၁.၁၉၀၉) တွင် အဖရွှေပန်းထိမ် ဆရာကြီး ဦးညီ၊ အမိ ယွန်းထည် ကုန်သည် ဒေါ်ချစ်ဦးတို့က မန်္တလေးမြို့ ၂၈လမ်း (လမ်း၈၀နှင့် ၈၁လမ်း ကြား) နေအိမ်တွင် မွေးဖွားခဲ့သည်။ အမည်ရင်း မောင်ကျော်ညိန်းဖြစ်ပြီး မန်္တလေးဗဟို အမျိုးသား ကျောင်းတွင် ပညာသင်ကြားခဲ့သည်။ဆယ်နှစ် သားအရွယ် ကတည်းက “ဇမ်္ဗူကျွန်းလုံး” သီချင်းကို စောင်းဆရာကြီး ဒေ၀ဣန်္ဒာ မောင်မောင်ကြီးထံမှ နေ့ချင်းပြီး တက်ယူနိုင်ခဲ့သဖြင့် စောင်းဆရာကြီးကိုယ်တိုင် အံ့အားတသင့် ချီးမွမ်း ခံခဲ့ရသည်။ ရွာစားကြီး စိန်ဗေဒါနှင့် အိမ်နီးနားချင်းဖြစ်ခဲ့ပြီး ရွာစားကြီး တီးသမျှကို နားဖြင့် မှတ်သားကာ ဘင်ဂျို၊ မယ်ဒလင်၊ ဗျက်စောင်းတို့ဖြင့် လိုက်ပါတီး ခတ်ခဲ့သည်။



 

                 မောင်ကျော်ညိန်း၏ ပါရမီကိုသိရှိရသဖြင့် အဘိုးဖြစ်သူက မျက်နှာချင်းဆိုင် ရှေ့တော်ပြေးဝင်းတွင် နေထိုင်သူ ဂီတလည်းကျွမ်းကျင်သူ ပန်းချီဆရာကြီး ဦးဘသက်ထံ အပ်နှံပြီး၊ ဂီတပညာကို စနစ်တကျ သင်ယူစေခဲ့သည်။ ဦးဘသက်ထံ ဂီတပညာသင်ယူရင်း အနောက်တိုင်း ဂီတဆရာများဖြစ်ကြသော စန်္ဒရား မစ်္စတာရီဂိုး၊ မစ်္စတာဘော်ဘီ၊ တယော ဆရာမာတင်၊ မစ်္စတာ ဂျီဒေါက်ကလပ်တို့ထံ နိုင်ငံတကာ ဂီတသင်္ကေတ ပညာများ စနစ်တကျ သင်ယူခဲ့သည်။ မစ်္စတာရီဂိုး၏ “ ရီဂိုးဗင်” တီးဝိုင်းတွင် လည်း အနောက်တိုင်းတူရိယာများ ပါဝင်တီးမှုတ်ခဲ့၏။ ၁၉၂၅ ခုနှစ်တွင်  ဦးဘသက်၊ ဓားတန်းကိုသန့်၊  ကိုဘအုန်း၊ ကိုဘငွေ၊ကိုလှဒင်၊ကိုမြသိန်းတို့နှင့်အတူ  ဗုဒ်္ဓဝေယျာဝစ်္စမြို့မ အပျော်တမ်း တူရိယာအသင်းကို တည်ထောင်ခဲ့သည်။လိုအပ်သော တူရိယာပစ်္စည်းများ နှင့် ငွေကြေးအချို့ကိုလည်း ဆိုင်းတန်းရပ် အပေါင်ဆိုင်ပိုင်ရှင် ဦးတော်လုံ က စိုက်ထုတ်ပေးခဲ့သည်။
            ၁၉၂၈ခုနှစ်မှစ၍  မြို့မအသင်းသားများကို ဓားတန်းကိုသန့်နှင့်ပေါင်း၍ အနောက်တိုင်း ဂီတသင်္ကေတ ပညာများ သင်ကြားပေးခဲ့သည်။ထိုနှစ်မှာပင် မိတ်္ထီလာမြို့သူ မန်္တလေးနော်မန် ကျောင်းဆရာမလေး မသန်းမေနှင့် အိမ်ထောင်ပြုသည်။မြို့မတူရိယာ အသင်းအတွက် “ကဆုန်ညောင်ရေ”နှင့် “တစ်ဝါတွင်း”ဟူသည့် သီချင်းနှစ်ပုဒ် ရေးစပ်ပေးခဲ့ပြီး နောက်နှစ် (၁၉၂၉) အသင်း၏ပထမဆုံး ၀ါဆိုပန်း ကပ်ပွဲတွင် “ မြို့မ၀ါဆို ” သီချင်းရေးစပ်ခဲ့သည်။ ၁၉၃၀-၃၁ခုနှစ်များတွင် မဟာဂီတသီချင်းကြီးများကို အနောက်တိုင်းတူရိယာ၊ အနောက်တိုင်းဂီတ သင်္ကေတများဖြင့် ၀ိုင်းဖွဲ့ တီးမှုတ်မှုကို ဦးတည်နိုင်ရေးအတွက် မြို့မတူရိယာအသင်းကို ဦးဆောင်ခဲ့၏။ “တောမြိုင်ခြေလမ်း” ယိုးဒယားသီချင်းကြီးကို အနောက်တိုင်း တူရိယာ၊ အနောက်တိုင်းသင်္ကေတများဖြင့် ၀ိုင်းဖွဲ့ကာ စတင်တီးမှုတ် ခဲ့သည်။
 

         ၁၉၃၅ ခုနှစ်တွင် ခွေးတံဆိပ်ကုမ်္ပဏီနှင့် ချစ်တာပဓာန၊ ခင့်အိပ်မက်၊ ရှုမ၀(လူပျိုသိုး)သီချင်းများ ဓာတ်ပြားသွင်းခဲ့သည်။ “ မန်္တလေး မြို့မ မောင်ညိန်းရေးစီသော . . .” ဟု ဓာတ်ပြားများတွင် ပါရှိခဲ့သည်။ ဆက်လက်၍ “ မန်ဒါလီ”၊ “ နှစ်ပိဿာခွဲ ”၊ “ပျိုး ”၊ “ကသစ်ပန်း” စသည့် သီချင်းများကို ၀ိုင်းဖွဲ့တီးမှုတ်မှုပုံစံနှင့် ဓာတ်ပြားများသွင်းခဲ့သည်။ ပါရမီတော်၊ နတ်သျှင်နောင်၊ ပျို့မှာတမ်း၊ မေ့ပါနိုင်၊ သက်ဝေ၊ ရွှေမင်းဝံနှင့် နွဲ့မျိုးစုံ သီချင်းတို့ကိုလည်း စစ်မဖြစ်မီက ဓာတ်ပြားအဖြစ်ထုတ်ဝေခဲ့သည်။၁၉၃၉ ခုနှစ် လွတ်လပ်ရေးတောင်းဆိုမှု တိုက်ပွဲ ဒီရေမြင့်တက်ချိန်၌ မန်္တလေးတွင် အင်္ဂလိပ်အစိုးရက ဈေးချိုတော်၌ ပုဒ်မ ၂၃ (၇)ကို ထုတ်ပြန် သောအခါ ဈေးချို ၁၂ ရုံလုံး သပိတ်မှောက်ပြီး အိမ်တော်ရာဘုရားဝင်း အတွင်း ယာယီဈေးဖွင့်လှစ်သည့် တိုက်ပွဲကိုဂုဏ်ပြုပြီး “ အိမ်တော်ရာ ဘုရားဈေး” သီချင်းကို ရေးစပ်ခဲ့သည်။ ဂျပန်ခေတ်ကာလတစ်လျှောက်လုံး အမရပူရ၊ မင်းကွန်းသဲဖြူချောင်း၊ မေမြို့၊ ကျောက်မဲနှင့် စစ်ကိုင်းတောင်ရိုး တို့တွင် စစ်ခိုလှုံခဲ့၏။စစ်ကိုင်းတောင်ရိုးတွင် စစ်ခိုလှုံစဉ် “ရေချိုးဆိပ်” သီချင်းနှင့် “ ပြာပြာမှိုင်းမှိုင်း၊မြူခိုးလွင်ဆိုင်းရီ . . .” အစချီသီချင်းများ ရေးစပ်ခဲ့သည်။ မဟာမိတ်တပ်များ မန်္တလေးသိမ်းပိုက်ပြီးနောက် မိသားစု နှင့် မန်္တလေးပြန်အရောက် ဘကြီးဘုန်းကြီး၏ စကုတိုက်တွင် ခေတ်္တနေ ထိုင်စဉ် “ထိုသုံးပါး” သီချင်းကို ရေးစပ်ခဲ့၏။ မြို့မတူရိယာအသင်းအတွက် ဧည့်ခံတေး မေတ္တာပို့တေးများလည်း ရေးစပ်ခဲ့ရာ ထပ်တရာလန်းသီချင်းမှာ ထင်ရှားခဲ့သည်။  
 

             စစ်ကြီးအပြီး မန်္တလေးပြန်အရောက် ၁၉၄၅ ခုနှစ် ဒီဇင်ဘာ ၂၉ ရက်တွင် မြို့မိမြို့ဖများနှင့် ပူးပေါင်းကျင်းပသော လူငယ်များ ကာယဗလလိုက်စားရေး လှုံ့ဆော်ပွဲတော်အတွက် အိုလံပစ်၊ ယဉ်တစ် ကိုယ်မယ်နှင့် ယိမ်းသီချင်းများ၊ ပြဇာတ်သီချင်းများ ရေးသားခဲ့သည်။ ၁၉၄၇ ခုနှစ်တွင်မူ အစဉ်အလာကြီးသည့် မန်္တလေးသင်္ကြန်အတွက် ငွေငန်း အလှပြယာဉ်နှင့် သီဆိုတီးမှုတ်ရန် “ရွှေမန်းတောင်ရိပ်ခို” သီချင်း၊ “အေးအေး ချမ်းချမ်း” သီချင်းများ ရေးစပ်ခဲ့သည်။ ၁၉၅၂ ခုနှစ်တွင် ရန်ကုန်မြို့၌ ကျင်းပသော ပြည်တော်သာညီလာခံ အတွက် “လူချွန်လူကောင်း” သီချင်း ကို ရေးစပ်ခဲ့ပြီး ၁၉၅၃ ခုနှစ်တွင် ငြိမ်းချမ်းရေး ညီလာခံအတွက် “ကမ်္ဘာ့ငြိမ်းချမ်းရေး” သီချင်းတို့ ရေးစပ်ခဲ့သည်။

             ၁၉၅၄ ခုနှစ်တွင် မန်္တလေးရုပ်ရှင်ကုမ်္ပဏီလီမိတက်၌ ဂီတမှူး အဖြစ် တာဝန်ယူကာ musical picture ကားပိုင်းတိုများနှင့်အတူ အငြိမ့် တိမ်ထိုး၊ ရွှေအိုးစည်တီးကွက်၊ တိမ်လွှာမို့မိုလွင်နှင့် အိမ်သူပီပီသီချင်းတို့ကို တီထွင်တီးမှုတ်ကြိုးပမ်းခဲ့သည်။ ဂီတနှင့်ပတ်သက်၍ သီချင်း ရေးစပ်ရုံမျှ မဟုတ်ဘဲ  ရည်ရွယ်ချက် ကြီးမားခဲ့ သော ဆရာမြို့မငြိမ်းအဖို့ ကြိုးပမ်း ဆောင်ရွက်ခဲ့ရသမျှသည် သမင်မွေးရင်း ကျားစားရင်းဖြစ်ပြီး အားတက်မှု ထက်၊ အားပျက်စိတ်ပျက်မှုများ ပိုမိုခံစားလာရပြီး ၁၉၅၅ ခု၊ စက်တင် ဘာလ(၁၅)ရက်၊ ၁၃၁၇ ခုနှစ် ၀ါခေါင်လပြည့်ကျော် ၁၃ ရက် ကြာသပတေးနေ့တွင် မန်္တလေးအနောက်ပြင် စိန်ပန်းသံလျက်မှော် အနောက်ပိုင်း မြေလမ်းလေး၌ ဘ၀အဆုံး၊ နိဂုံးကမ်္မသတ်ခဲ့ရလေ၏။


                 ဒီနှစ် ၁၃၈၁ခုနှစ် ခုနှစ် ၀ါခေါင်လပြည့်ကျော် ၁၃ ရက်နေ့မှာ အလင်္ကာကျော်စွာ မြို့မငြိမ်း ကွယ်လွန်ခဲ့သည်မှာ ၆၄နှစ်ပြည့်ပြီ။ အနုပညာမြောက်လှသော သူ့သီချင်း သူ့ဂီတက နုပျို လတ်ဆတ် ရှင်သန်နေဆဲ..။
ဆူးငှက်

0 comments:

Post a Comment

စာမရေးဖြစ်တော့တာကြောင့် ကျနော်ကြိုက်ပြီး ဖတ်စေချင်တဲ့ စာလေးတွေကို တင်ထားပါတယ်ဗျာ

Followers

Total Pageviews

အမှာပါးစရာများရှိနေရင်

Pop up my Cbox

Blog Archive

အခြားကဏ္ဍများကို လေ့လာရန်

ရှာဖွေလေ တွေ့ရှိလေ

စာပေမြတ်နိုးသူများ

free counters
Related Posts Plugin for WordPress, Blogger...