26.10.2012 နေ့ဖတ်ရန်သတင်းများ

by Myanmar Journal on Thursday, October 25, 2012 at 7:25pm ·

ငြိမ်းချမ်းရေးအတွက် နိပွန် ဖောင်ဒေးရှင်း၏ ဒေါ်လာ ၃ သန်းတန် အကူအညီ စတင်မည်
ဟင်္သာနီ (မွန်မြေ) | ကြာသပတေးနေ့၊ အောက်တိုဘာလ ၂၅ ရက် ၂၀၁၂ ခုနှစ် ၁၉ နာရီ ၁၀ မိနစ်

စံခလပူရီ (မဇ္ဈိမ) ။      ။ ဂျပန်နိုင်ငံ၏ NGO အဖွဲ့အစည်းကြီး တခုဖြစ်သည့် နိပွန် ဖောင်ဒေးရှင်း (The Nippon Foundation) မှ မြန်မာနိုင်ငံ တိုင်းရင်းသား စစ်ဘေးဒဏ်သင့် ဒေသများအတွက် အမေရိကန် ဒေါ်လာ ၃ သန်းတန် ဆန်နှင့် ဆေးဝါး အကူအညီများကို လူသားချင်း စာနာမှု အကူအညီ၏ ပထမသုတ် အနေဖြင့် ပေးအပ်မည်ဖြစ်ကြောင်း သိရှိရသည်။


နောက်ထပ်လည်း ထပ်မံပေးသွားဖွယ်ရှိကြောင်း ဂျပန်နိုင်ငံသို့ သွားရောက်ပြီး နိပွန်ဖောင်ဒေးရှင်းနှင့် ကွန်ဖရင့်တရပ်ပြုလုပ်ကာ ဆွေးနွေးခဲ့သည့် ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ UNFC ခေါင်းဆောင် ဗိုလ်မှူးကြီး ခွန်ဥက္ကာ က ထိုင်းနိုင်ငံသို့ ပြန်ရောက်လာစဉ် ထုတ်ဖော် ပြောကြားလိုက်ခြင်း ဖြစ်သည်။

နိပွန် ဖောင်ဒေးရှင်းမှ ဦးဆောင်၍ “Conference on Emergency Humanitarian Aid to Myanmar Ethnic Groups” ကွန်ဖရင့်ကို အောက်တိုဘာလ ၁၈ ရက်နေ့က ဂျပန် နိုင်ငံ၌ ကျင်းပခဲ့ရာ တက်ရောက်လာကြသည့် တိုင်းရင်းသား အဖွဲ့အစည်း အသီးသီးမှ ကိုယ်စားလှယ်များအား တိုကျိုမြို့၌ တွေ့ရစဉ်။ (ဓါတ်ပုံ - NMSP)

“တိုင်းရင်းသားဒေသ အားလုံးအတွက် ဒေါ်လာ ၃ သန်းဖိုးတန် ဆန်နဲ့ဆေးဝါး အကူအညီတွေကို ပထမအသုတ် စပေးသွားပါမယ်။ အဲဒါကလည်း သူတို့ကိုယ်တိုင် လိုက်ပို့ပေးမှာပါ။ အဲဒါ အဆင်ပြေရင်တော့ နောက်ထပ် တိုးပြီးပေးသွားဖို့ ရှိပါတယ်” ဟု မဇ္ဈိမကို ပြောသည်။

အောက်တို ဘာလ ၁၈ ရက်နေ့က နိပွန်ဖောင်ဒေးရှင်းမှ ဦးဆောင်၍ “Conference on Emergency Humanitarian Aid to Myanmar Ethnic Groups” ကို ဂျပန်နိုင်ငံ၌ ကျင်းပခဲ့ပြီး မြန်မာနိုင်ငံ တိုင်းရင်းသား အဖွဲ့အစည်း အသီးသီးမှ ကိုယ်စားလှယ်ပေါင်း ၂၂ ဦး တက်ရောက်ကာ ၎င်းတို့၏ ဒေသတွင်း အခြေအနေများကို တင်ပြဆွေးနွေးခဲ့ကြသည်။

ထိုကွန်ဖရင့်၏ နောက်ဆက်တွဲ သဘောတူညီချက်အရ အကူအညီများကို ပြည်တွင်းမှ တဆင့် သော်လည်းကောင်း၊ နယ်စပ်ဖြတ်ကျော် နည်းလမ်းဖြင့်သော်လည်းကောင်း တိုင်းရင်းသားဒေသများသို့ အမြန်ဆုံး ပို့ဆောင် ပေးအပ်မည်ဖြစ်သည်။ ပြည်တွင်းမှ တဆင့် ပေးပို့မည့် အကူအညီများကို မြန်မာအစိုးရ ကိုယ်စား ပြည်တွင်း NGO တခု ဖြစ်သည့် EGRESS နှင့် နိပွန်ဖောင်ဒေးရှင်းတို့ ပူးပေါင်းဆောင်ရွက်ကြမည် ဖြစ်သည်။

ကရင်နီ (ကယား)၊ ကရင်နှင့် မွန် ဒေသများအတွက် အကူအညီများကို ယခုနှစ် မကုန်မီ စတင် ပေးအပ်သွားဖွယ် ရှိသည်။ ကရင်နီ ပြည်တွင်းရွှေ့ပြောင်းများအတွက် အရေးပေါ် ကယ်ဆယ်ရေး ပရောဂျက် ‘Emergency Relief project of KNPP IDPs’ အရ ရှားတော မြောက်ပိုင်းရှိ ရွာပေါင်း ၁၇ ရွာမှ ပြည်တွင်း အိုးအိမ်မဲ့ ဒုက္ခသည် (IDPs) ၄,၄၁၇ ဦးတို့ အတွက် ထိုင်းဘတ်ငွေ ၅ဝ၄, ၉ဝဝ တန်ဖိုးရှိ ဆေးဝါးနှင့်ဆန် များကို အောက်တို ဘာလမှ ဒီဇင်ဘာလ အတွင်းတွင် ပေးအပ်ဖွယ် ရှိသည်။

အလားတူ ကရင် ဒေသအတွက် KNU ၏ တပ်မဟာ (၁) မှ (၇) အထိနှင့် ဌာနချုပ် စခန်း တခုချင်းစီတို့အား တလလျှင် ဆန်အိတ် ၄ဝဝ ခန့် ပေးအပ်ရန်လည်း ရှိသည်။ ထို့ပြင် DKBA ကလို့ထူးဘော ကရင်အဖွဲ့အစည်း (KKO) နှင့် ဗိုလ်ထိန်မောင် ဦးစီးသည့် KNLA Peace Council သို့လည်း တလလျှင် ဆန်အိတ် ၄ဝဝ ပေးအပ်ရန် ရှိသည်။ မွန်ပြည်သစ် ပါတီ (NMSP) သို့လည်း မော်လမြိုင်မီတဆင့် တလလျှင် ဆန်အိတ် ၁,ဝဝဝ ပေးအပ် ကူညီရန် ရှိသည်။

ကျန်တိုင်းရင်းသား ဒေသများ ဖြစ်သည့် ကချင်၊ ရခိုင်၊ ချင်း၊ ပလောင်၊ ရှမ်း တို့ အတွက်လည်း အလားတူ အကူအညီ ပေးအပ်သွားရန် ရှိပြီး အသေးစိတ် အစီအစဉ် များကိုမူ မသိရသေးပေ။

“Conference on Emergency Humanitarian Aid to Myanmar Ethnic Groups” အတွင်း နိပွန်ဖောင်ဒေးရှင်း ဥက္ကဋ္ဌ Yōhei Sasakawa နှင့် UNFC ကိုယ်စားလှယ် အဖွဲ့ခေါင်းဆောင် ဗိုလ်မှူးကြီး ခွန်ဥက္ကာ တို့အား အတူတကွ တွေ့ရစဉ် (ဓါတ်ပုံ - NMSP)

“အကူအညီ ပေးဖို့အပေါ်မှာလည်း မြန်မာအစိုးရနဲ့ ကျနော်တို့ UNFC နဲ့ နားလည်မှု စာချွှန်လွှာတွေ လက်မှတ်ရေးထိုး ပြီးကြပါပြီ။ သူတို့က ကျနော်တို့ တိုင်းရင်းသားတွေနဲ့ အစိုးရနဲ့ နိုင်ငံရေးအရ တွေ့ဆုံဆွေးနွေးပြီး နိုင်ငံရေး အဖြေ ရှာကြဖို့မှာ ဖိအားပေး ကူညီသွားဖို့ ရှိတယ်” ဟု ဂျပန် ခရီးစဉ်သို့ သွားရောက်ခဲ့သည့် ကိုယ်စားလှယ် တဦးဖြစ်သူ မွန်ပြည်သစ်ပါတီမှ နိုင်ဟံသာ (ဗိုန်ခိုင်) က မဇ္ဈိမကို ပြောသည်။

ထို့ပြင် ဦးအောင်မင်း ဦးဆောင်သည့် ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီ နှင့် UNFC တို့ တွေ့ဆုံဆွေးနွေးရန် ရှိသည်ကိုလည်း နိပွန် ဖောင်ဒေးရှင်းမှ ကမကထ လုပ်၍ နိုဝင်ဘာလ အတွင်း ကမ္ဘောဒီးယားနိုင်ငံ၌ တကြိမ်၊ ဒီဇင်ဘာလ အတွင်း ဂျပန်နိုင်ငံ၌ တကြိမ် တွေ့ဆုံနိုင်ရန် စီစဉ်ထားသည်ဟုလည်း သိရှိရသည်။

“ကျနော်တို့ မူ ၆ ချက်ရယ်၊ သမ္မတ ဦးသိန်းစိန်ရဲ့ မူ ၈ ချက်ရယ်၊ အဲဒါကြီးကို ညှိရမှာပါ။ အဲဒါကြီးက ချက်ခြင်း စားပွဲပေါ်ကို ရောက်လာဖို့တော့ ခက်တယ်။ အခင်းအကျင်းလေးတွေ အရင် သွားရမယ်။ အဲဒီကိစ္စ ကျနော်တို့ အချင်းချင်းလည်း ညှိနှိုင်းရဦးမှာပါ” ဟု UNFC တွဲဖက်အတွင်းရေးမှူး (၂) ဗိုလ်မှူးကြီး ခွန်ဥက္ကာ က ပြောသည်။
မြန်မာနိုင်ငံ၏ ငြိမ်းချမ်းရေး လုပ်ငန်းစဉ်အတွင်း စောင့်ကြည့်လေ့လာသူအဖြစ် တည်ရှိပေးရန် နိပွန် ဖောင်ဒေးရှင်း အား UNFC မှ တောင်းဆိုထားသည်။

အာရှကဆေးအတုတွေ အာဖရိကမှာမိ

ဆေးအတုတွေကို ဖျက်ဆီးနေစဉ်။
ဌက်ဖျားရောဂါလို လူကိုသေဆုံးစေနိုင်တဲ့ရောဂါမျိုးအတွက် လူပေါင်း ၈၂သန်းလောက်သုံးစွဲနိုင်တဲ့ တရားမဝင်ဆေးဝါးအတုတွေကို အာဖရိကတိုက် ၁၆နိုင်ငံမှာ ဖမ်းဆီးရမိတယ်လို့ အကောက်ခွန်အရာရှိတွေကပြောပါတယ်။ အာဖရိကတိုက် အရှေ့နဲ့အနောက် ဆိပ်ကမ်းမြို့ကြီးတွေမှာ ဇူလိုင်လအတွင်း ရှာဖွေစဉ် ဖမ်းဆီးရမိတယ်လို့ WCO ခေါ် ကမ္ဘာ့အကောက်ခွန် အဖွဲ့ကြီးက ပြောကြားလိုက်ပါတယ်။
အများဆုံးတွေ့ရှိတဲ့နိုင်ငံတွေကတော့ Angola၊ Togo၊ Cameroon၊ Ghana နိုင်ငံတွေမှာဖြစ်တယ်လို့ဆိုပါတယ်။ ဒီဆေးဝါးတွေဟာ သုံးစွဲမိသူတွေကို အန္တရာယ်ဖြစ်စေမှာဖြစ်တယ်လို့ WCO အထွေထွေအတွင်းရေးမှူး Kunio Mikuriyaက ဗွီအိုအေက ပြောကြားခဲ့ပါတယ်။ ဒီဆေးဝါးတွေဟာ တောင်အာရှ၊ အရှေ့အာရှနဲ့ အရှေ့အလယ်ပိုင်းနိုင်ငံတွေဆီက လာရောက်တာဖြစ်တယ်လို့လည်း သူကဆိုပါတယ်။

နျူကလီးယားစက်ရုံတွေ တရုတ် ဆက်လက် တည်ဆောက်မည်
 
တရုတ်နိုင်ငံတွင် တည်ဆောက်နေတဲ့ Changjiang Nuclear Power Plant Phase II အဆောက်အဦး။ (အောက်တိုဘာ ၂၄၊၂၀၁၂)
ပြီးခဲ့တဲ့နှစ်က ဂျပန်နိုင်ငံက ဖူကူရှီးမား Fukushima နျူကလီးယားစက်ရုံ သဘာဝဘေးအန္တရာယ် ကျရောက် ခဲ့ပြီး တဲ့နောက် တရုတ်နိုင်ငံမှာ လည်း နျူကလီးယားစက်ရုံ တည်ဆောက်မယ့် အစီအစဉ်ကို ပိတ်ပင် ထားခဲ့တာမှာ အခုတော့ ပိတ်ပင်မှုကို တရုတ်အစိုးရ က ပြန်လည် ရုပ်သိမ်းလိုက်ပါပြီ။ ၂၀၁၅ခုနှစ်မတိုင်ခင် ကမ်းရိုးတန်းဒေသ မှာ နျူကလီးယားစက်ရုံ တချို့ ဆောက်လုပ်ဖို့ အစီအစဉ်ကိုခွင့်ပြုဖို့ နိုင်ငံတော်ကောင်စီက ဗုဒ္ဓဟူးနေ့မှာ ဆုံးဖြတ်ခဲ့တာပါ။ ဒီစက်ရုံတွေ အနေနဲ့ နိုင်ငံတကာ စံချိန်စံညွန်းတွေနဲ့အညီ လုံခြုံစိတ်ချမှုရှိမယ်လို့လည်း ကတိပေးထားပါတယ်။ တရုတ်နျူကလီးယားစက်ရုံတွေ လုံခြုံစိတ်ချရမှုရှိတယ်ဆိုတာကို အတည်ပြုနိုင်တဲ့ တိကျပြီး ပြည့်စုံလုံလောက်တဲ့ လုံခြုံရေးဆိုင်ရာ စစ်ဆေးမှုတွေ လုပ်ခဲ့တယ်လို့ တရုတ်အစိုးရက ပြောပါတယ်။

၂၀၁၁ခုနှစ် မတ်လက ဂျပန်နိုင်ငံမှာ အင်အားပြင်းငလျင်နဲ့အတူ ဆူနာမီရေလှိုင်းကြီးတွေကြောင့် Fukushima နျူကလီးယားစက်ရုံ ပျက်စီးထိခိုက်မှုတွေ ဖြစ်ခဲ့ပြီးတဲ့နောက် တရုတ်နိုင်ငံမှာလည်း နျူကလီးယားစက်ရုံတွေ တည်ဆောက်ဖို့ ကိစ္စကို ယာယီပိတ်ပင်ထားခဲ့တာဖြစ်ပါတယ်။ တရုတ်နိုင်ငံဟာ ကမ္ဘာပေါ်မှာ လောင်စာစွမ်းအင်အသုံးစွဲဆုံး နိုင်ငံကြီးဖြစ်ပါတယ်။ ဒါကြောင့် လောလောဆယ် ရေနံနဲ့ ကျောက်မီးသွေးလောင်စာအပေါ် မှီခိုနေရမှုကို လျော့ချနိုင်ဖို့ နျူကလီယားစွမ်းအင်ကို သုံးရနိုင်ဖို့ လုပ်လာတာပါ။ လက်ရှိမှာ နျူကလီးယားဓာတ်ပေါင်းဖို ၁၅ခုရှိနေပြီး နောက်ထပ် ၂၆ခုကိုလည်း တည်ဆောက်နေဆဲဖြစ်ပါတယ်။

အိုဘားမား ကြိုတင် မဲပေး
ကြိုတင် မဲပေး တာ ကောင်းကြောင်း သိစေချင်
နောက်လ ကျင်းပတော့မယ့် အမေရိကန် သမ္မတ ရွေးကောက်ပွဲ မတိုင်ခင်မှာပဲ သမ္မတ အိုဘားမားက သူ့ဇာတိ ချီကာဂို မြို့မှာ ကြိုတင် မဲပေး ခဲ့ပါတယ်။
သူဟာ ပထမဆုံး ကိုယ်တိုင် ကြိုတင်မဲ ပေးတဲ့ အမေရိကန် သမ္မတ ဖြစ်ပါတယ်။
အိုဘားမားက ပြည်သူ တွေကို ကြိုတင် မဲပေး တာ ကောင်းကြောင်း သိစေချင်လို့ ပေးခဲ့တာလို့ သတင်းထောက် တွေကို သူက ပြောပြီး ကြိုတင်မဲ ပေးကြသူ တွေကို ကျေးဇူးတင် ကြောင်း ပြောကြား ခဲ့ပါတယ်။
ရွေးကောက်ပွဲ ကို နိုဝင်ဘာလ ၆ ရက် နေ့မှာ ကျင်းပ မှာ ဖြစ်ပေမယ့် အမေရိကန် နိုင်ငံသား အများအပြား ကြိုတင်မဲ ပေးနေကြပါပြီ။
ကြိုတင် စစ်တမ်းကောက်ခံ ချက်တွေအရ အကြိတ်အနယ် ပြိုင်ရမယ့် ရွေးကောက်ပွဲ ဖြစ်တာမို့ သမ္မတ လောင်း နှစ်ယောက်လုံးက မဲများများစားစား ရဖို့ အလျင် လိုနေကြတယ်လို့ ဘီဘီစီ သတင်းထောက်က ပြောပါတယ်။

ဗိုလ်မှူးချုပ်ဟောင်း အောင်ကြီး ကွယ်လွန်
တပ်မတော်ကိုညွှန်းပြီး အငြင်းပွားဖွယ် စကားကို ပြောခဲ့သူလို့ နာမည်ကျော်တဲ့ ဦးအောင်ကြီး
၁၉၆၂ စစ်အာဏာသိမ်းမှုမှာ ထင်ရှားခဲ့တဲ့ ခေါင်းဆောင်တဦးဖြစ်သူ ဗိုလ်မှူးချုပ်ဟောင်း ဦးအောင်ကြီး၊ သခင်အောင်ကြီး (ပေါင်းတည်)ဟာ အောက်တိုဘာလ ၂၅ ရက် ကြာသပတေးနေ့ မနက် ၈ နာရီခွဲက ရန်ကုန်မြို့မှာ ကွယ်လွန် သွားခဲ့ပါတယ်။
မကွယ်လွန်ခင် အချိန်အထိ ရောဂါ ကြီးကြီးမားမား ခံစားခဲ့ရတာ မရှိခဲ့ဘဲ ကြာသပတေးနေ့ မနက်ကမှ နှလုံး ရောဂါနဲ့ ကွယ်လွန် သွားခဲ့တာ ဖြစ်တယ်လို့ မိသားစုက ဘီဘီစီကို ပြောပါတယ်။
ကွယ်လွန်ချိန်မှာ သူဟာ အသက် ၉၄ နှစ်ရှိပါပြီ။
ဗိုလ်မှုးချုပ်အောင်ကြီးဟာ ၁၉၆၂ ခုနှစ် တက္ကသိုလ်ကျောင်းသားများ သမဂ္ဂ အဆောက်အဦကို အာဏာသိမ်း တော်လှန်ရေးကောင်စီက ဒိုင်းနမိုက်နဲ့ ဖြိုခွဲခဲ့မှုမှာလည်း ပတ်သက် တာဝန်ရှိခဲ့သူလို့ အများက ယူဆကြပါတယ်။
သူက မဆလ ပါတီ ဥက္ကကြီး ဦးနေဝင်းဆီ ရေးခဲ့တဲ့ အိတ်ဖွင့်ပေးစာ တွေကလည်း ၁၉၈၈ ခုနှစ် လူထုအုံကြွမှုတွေ ဖြစ်လာအောင် စေ့ဆော်ပေးခဲ့တယ်လို့ ယူဆကြပါတယ်။
စစ်တပ်က အာဏာသိမ်းအပြီးမှာပဲ ဦးအောင်ကြီး၊ ဒေါ်အောင်ဆန်းစုကြည်နဲ့ ဗိုလ်ချုပ်ကြီး သူရ ဦးတင်ဦးတို့ ပူးပေါင်းပြီး အောင်၊စု၊တင် ဆိုတဲ့ ခေါင်းဆောင်မှုနဲ့ အမျိုးသား ဒီမိုကရေစီအဖွဲ့ချုပ်ကို စတင်ထူထောင်ခဲ့ပါတယ်။
ဦးအောင်ကြီးက ပထမဆုံး ပါတီဥက္ကဌ အဖြစ်တာဝန်ယူခဲ့ပါတယ်၊ မကြာခင်ပဲ သူက ပါတီတွင်း ကွန်မြူနစ်တွေ ထိုးဖောက် ဝင်ရောက်နေတယ် ဆိုတဲ့ စွပ်စွဲချက်တွေ လုပ်ခဲ့ပြီး မဲခွဲကြတော့ ရှုံးလို့ပါတီက နှုတ်ထွက်သွားရတာ ဖြစ်ပါတယ်။
အမျိုးသား ဒီမိုကရေစီ အဖွဲ့ချုပ် ပါတီက နှုတ်ထွက်ပြီးတဲ့ နောက်မှာတော့ သူဟာ ပြည်ထောင်စု တိုင်းရင်းသားများ ဒီမိုကရေစီ ပါတီ (UNDP) ကို ထူထောင်ခဲ့ပြီး ၁၉၉၀ ရွေးကောက်ပွဲ ဝင်ခဲ့ပေမယ့် အရွေးမခံခဲ့ရပါဘူး။
သူ ဖြတ်သန်းခဲ့တဲ့ နိုင်ငံရေး ခရီးမှာ ကြုံတွေ့ခဲ့ရတဲ့ ဖြစ်ရပ်တွေအတွက် ဘယ်သူ့အပေါ်မှာမှ အာဃာတ အညှိုးအတေးမထားပါဘူး၊ လက်ရှိ မြန်မာနိုင်ငံမှာ ပြုလုပ်နေတဲ့ ပြုပြင် ပြောင်းလဲမှုတွေကို စနစ်တကျ အချိန်ယူ လုပ်ဆောင်မှသာ အနာဂတ်အတွက် အကျိုးရှိပြီး ကောင်းမွန်လိမ့်မယ်လို့ မကွယ်လွန်မီလေးမှာ ပြောသွားကြောင်းလည်း မိသားစုက ပြောပါတယ်။
ဗိုလ်မှူးချုပ်ဟောင်း အောင်ကြီးရဲ့ ဈာပနကို လာမယ့် စနေနေ့ အောက်တိုဘာလ ၂၇ ရက် မနက် ၁၁ နာရီမှာ ရေဝေး သုဿာန်မှာ မီးသင်္ဂြိုဟ်မယ်လို့ ဆိုပါတယ်။
ကွယ်လွန်ချိန်မှာ ဗိုလ်မှူးချုပ်ဟောင်း အောင်ကြီးဟာ ဇနီး ဖြစ်သူ ဒေါ်မူမူသိန်းနဲ့ သားသမီး လေးယောက် ကျန်ရစ်ခဲ့ပါတယ်။

ရခိုင်အရေး စစ်တပ်က ပစ်ခတ် ထိန်းခဲ့ရ
ရခိုင်ပြည်နယ် အတွင်း ရခိုင်နဲ့ မွတ်ဆလင် တွေကြား တိုက်ခိုက် မှုတွေ ဆက်ပြန့် နေ
ပြီးခဲ့တဲ့ ရက်ပိုင်းက မြို့လေးမြို့မှာ ဖြစ်ခဲ့တဲ့ ရခိုင် တိုင်းရင်းသား တွေနဲ့ မွတ်ဆလင် တွေကြား အကြမ်းဖက် တိုက်ခိုက်မှု တွေက အခုတော့ ရသေ့တောင်နဲ့ ကျောက်တော် မြို့တို့ ကိုပါ ထပ်မံ ကူးစက် လာခဲ့ပါတယ်။
အောက်တိုဘာလ ၂၅ ရက် ကြာသပတေးနေ့က ကျောက်တော်က ပဋိပက္ခမှာ စစ်တပ်က အင်အားသုံး ဖြေရှင်းရတဲ့ အထိ ဖြစ်ခဲ့လို့ ရခိုင်တိုင်းရင်းသား သုံးယောက် သေဆုံး ခဲ့ရပါတယ်။တနင်္ဂနွေနေ့က စတင်ခဲ့တဲ့ အပြန်အလှန် တိုက်ခိုက်မှုတွေကြောင့် အခုချိန်ထိ သေဆုံးသူ စုစုပေါင်း ၅၆ ယောက် ရှိသွားပြီလို့ ရခိုင်ပြည်နယ် အစိုးရ ပြောရေးဆိုခွင့်ရှိသူ ဦးဝင်းမြိုင်က ဘီဘီစီကို ပြောပါတယ်။
မြို့အတော် များများမှာ စစ်တပ်က ဝင်ရောက် အင်အားဖြည့် နေရာ ယူထားပြီး လုံခြုံရေး ထိန်းသိမ်း ပေးနေတာ တွေ့ရတယ်လို့ ဒေသခံတွေက ပြောပါတယ်။
ကျောက်ဖြူ မြို့မှာတော့ ကြာသပတေးနေ့ နေ့လယ်က စစ်တပ်၊ ရဲနဲ့ လုံခြုံရေး ထိန်းသိမ်းရေး တပ်ဖွဲ့ဝင်တွေက လူမျိုးစု နှစ်စု ရောနှော နေထိုင်ရာ သန်ပန်ခြောင်း ရပ်ကွက်နဲ့ အမာဘရာ ရပ်ကွက်က မွတ်ဆလင်တွေ ကို သူတို့ နေအိမ် တွေကနေ လုံခြုံ စိတ်ချ ရတဲ့ နေရာကို ပြောင်းရွှေ့ ပေးခဲ့ တယ်လို့ ဒေသခံတွေက ပြောပါတယ်။
ကျောက်ဖြူမှာ နေထိုင်တဲ့ ချမ်းသာတဲ့ မွတ်ဆလင် နေအိမ်တွေကို လုံခြုံရေး တွေက ကာကွယ် ပေးထားပြီး တိုက်ခိုက်ဖို့ လာတဲ့ ရခိုင်တိုင်းရင်းသား တွေကိုလည်း တားဆီးခဲ့တယ်လို့ ဒေသခံ ရခိုင် တိုင်းရင်းသား တစ်ယောက်က ပြောပါတယ်။
မြေပုံမြို့ မှာတော့ လုံခြုံရေး တပ်ဖွဲ့ဝင်တွေ ရောက်လာတဲ့ အတွက် အခြေအနေ ပြန်လည် တည်ငြိမ် လာပြီလို့ မြို့ခံ တယောက်က ဘီဘီစီကို ပြောပါတယ်။ ကြာသပတေးည ၆ နာရီက စပြီး ည မထွက်ရ အမိန့် ထုတ်ပြန် လိုက်ပြီ လို့လည်း မြို့ခံ က ပြောပါတယ်။
ရခိုင်ပြည်နယ်မှာ ပြီးခဲ့တဲ့ လပိုင်း အတွင်းက ဖြစ်ခဲ့တဲ့ ပြဿနာရဲ့ အကြောင်းရင်း ရှာဖွေဖို့ စုံစမ်း စစ်ဆေးရေး ကော်မီတီ ရဲ့ ဆောင်ရွက်မှုတွေ မပြီးဆုံး သေးခင် အခု တစ်ကြော့ပြန် ပြဿနာတွေ ဖြစ်လာခဲ့ပြီး စစ်တပ်က ပါဝင် ကိုင်တွယ်ရတဲ့ အဆင့် ရောက်လာ ခဲ့ရ တာပါ။
ဒီတော့ ရခိုင် တိုင်းရင်းသား တွေကို ကိုယ်စား ပြုတဲ့ ရခိုင် တိုင်းရင်းသားများ တိုးတက်ရေးပါတီ ဥက္ကဌ ဒေါက်တာ အေးမောင် ကတော့ တရားဥပဒေ စိုးမိုးရေး ကို ထိန်းသိမ်း ရာမှာ လုံခြုံရေး အဖွဲ့ အစည်းရဲ့ ပါဝင် ဆောင်ရွက်မှုကို လက်ခံဖို့ လိုတယ်လို့ ပြောပါတယ်။
ဖြေရှင်းလို့ မရတဲ့ ပြဿနာတွေကို အာဏာစက်နဲ့ ထိန်းဖို့ လိုအပ်ပေမဲ့ လူစုလူဝေးကို ဖြိုခွင်းတဲ့ နေရာမှာ ခြောက်လှန့် ပစ်ခတ်တာကို အရင် မလုပ်ဘဲ လူတွေကို တိုက်ရိုက် ပစ်ခတ် ရင်တော့ ပြုလုပ်သူမှာ တာဝန်ရှိတယ်လို့ ဒေါက်တာ အေးမောင်က ပြောပါတယ်။
တခြား ဒေသတွေက ထွက်ပြေးလာတဲ့ မွတ်ဆလင်တွေလဲ စစ်တွေ မြို့ကို လှေတွေနဲ့ ရောက်လာ နေကြတယ်လို့ ဒေသခံ တွေက ပြောပါတယ်။

တိဘက် မီးရှို့ဆန္ဒပြသူတွေ သတင်းတရုတ် လိုက်
တရုတ်နိုင်ငံ တိဘက်ဒေသမှာ တရုတ်ရဲ့ အုပ်ချုပ်ရေးကို ဆန့်ကျင်တဲ့ အနေနဲ့ ကိုယ့်ကိုယ်ကို မီးရှို့ဆန္ဒပြသူတွေ ပိုတိုးလာနေတဲ့ အချိန်မှာ ဂမ်ဆုပြည်နယ်က ရဲတွေက အဲဒီလို ဆန္ဒပြမှုကို စီစဉ်သူတွေကို ဖမ်းပေးနိုင်သူတွေကို ဆုငွေအများကြီး ပေးမယ်လို့ ကြေငြာထားလိုက်ပါတယ်။
ဆန္ဒပြဖို့ စီစဉ်သူတွေကို ဒေါ်လာ သုံးသောင်းအထိ၊ နောက်ကိုယ်တိုင် မီးရှို့ဆန္ဒပြဖို့ ကြံနေသူတွေကို သတင်းပေးရင်တော့ အဲဒီထက်နဲနဲ နဲတဲ့ ဆုငွေ ပမာဏ ပေးသွားမယ်လို့ ကြေငြာချက်တွေ ပြည်နယ်ထဲမှာ ကပ်ထားပါတယ်။
ဂမ်ဆုက နာမည်ကျော် လာဘရန် ဘုန်းတော်ကြီးကျောင်းနားမှာ မကြာခင်က အဲဒီလို မီးရှို့ ဆန္ဒပြမှုတွေ သုံးကြိမ် ဖြစ်ခဲ့ကြီးတဲ့ နောက် ကျောင်းနားမှာ စစ်တပ်အင်အားတွေ တိုးချထားတာ တွေ့ရတယ်လို့လဲ ဒေသခံတွေက ပြောပါတယ်။
တနင်္လာနေ့ကပဲ အသက် ၅၀ လောက်ရှိတဲ့ လူတဦး ဘုန်းကြီးကျောင်းနားမှာ ကိုယ့်ကိုယ်ကို မီးရှို့ဆန္ဒပြပြီး အသက်ဆုံးသွားခဲ့ပါတယ်။
ဒီဖက်နှစ်ပိုင်းတွေမှာ ဗုဒ္ဓဘာသာ ဘုန်းတော်ကြီး သီလရှင်နဲ့ တက်ကြွလှုပ်ရှားသူ ၆၀ လောက် မီးရှို့ ဆန္ဒပြခဲ့ကြတယ်လို့ တက်ကြွလှုပ်ရှားသူတွေက ဘီဘီစီကို ပြောပါတယ်။



စန္ဒီဟာရီကိန်းမုန်းတိုင်း ကျူးဘားရောက်ရှိ

နောက်ဆုံး ရေးသားချိန် 25 အောက်တိုဘာလ 2012 - 16:43 GMT

• Facebook
• Twitter
• Send to a friend
• Print

တယောက်မှ မသေအောင် ကာကွယ်ပေးမယ်လို့ မြို့ပြအာဏာပိုင်တွေက ပြောပါတယ်။
စန္ဒီဟာရီကိန်းမုန်တိုင်းဟာ ဂျမေကာကနေတဆင့် ကျူးဘားဒေသရဲ့ အနောက်ပိုင်းကို ရောက်လာပါတယ်။ မုန်တိုင်းဟာ အင်းအား ကောင်းသထက် ကောင်းလာပြီး ပြင်းအား အဆင့် ၂ ဟာရီကိန်း အဆင့်ကို ကူး ပြောင်း ရောက်ရှိ သွားခဲ့ကာ လေတိုက်နှုန်းဟာ တနာရီကို မိုင် ၁၁၀ နှုန်း ရှိပါတယ်။
မုန်တိုင်း ရောက်နေတဲ့ ဆန်တီယေးဂိုး ဒါကျူးဘားမှာဆိုရင် လေတိုက်အားက ၁၁၃ မိုင်နှုန်း အထိတောင် ရှိပါတယ်။ မိုးလေဝသ ပညာရှင်တွေကတော့ ဒီမုန်တိုင်းကြောင့် ကျူးဘား အရှေ့ပိုင်းက ဒေသတချို့မှာ မိုးရေချိန် ၃၀၀ မီလီမီတာ၊ လက်မနဲ့ဆိုရင် ၁၁ လက်မလောက်အထိ ရှိနိုင်တယ်လို့ ဆိုပါတယ်။
ဟေတီ၊ ဒိုမီနီကန် ရီပတ်ပလစ်နဲ့ ကာရီဘီယန် ပင်လယ်ထဲက တောင်ထူတဲ့ ဒေသတွေဘက်မှာလည်း မိုးရေချိန်က ဒီထက်ပိုများပြီး ၅၀၀ မီလီမီတာ လောက်အထိတောင် ဖြစ်နိုင်တယ်လို့ ဆိုပါတယ်။
ကျူးဘားက မိုးလေဝသ ပညာရှင် ဟိုဆေး ရူဘီယဲရာက လေပြင်းတွေထက် မိုးကို ပိုပြီး စိုးရိမ်ရတဲ့ အကြောင်း၊ ဒီလို မုန်တိုင်းမျိုးက မိုးကြီး ရေများတဲ့ အကြောင်းနဲ့ တောင်တန်း ဒေသတွေကို ဖြတ်ကျော်တဲ့အခါ ပိုပြီး မိုးတွေ အရှိန်ပိုများ လာနိုင်တဲ့ အကြောင်း ပြောပါတယ်။
ဒါကြောင့် ကျူးဘားနိုင်ငံထဲမှာတော့ သူတို့ အရင်ထဲက ကြိုတင် လေ့ကျင့်ထားကြတဲ့ မုန်တိုင်း အရေးပေါ် စီမံချက်တွေအတိုင်း ဒေသခံတွေနဲ့ ကမ္ဘာလှည့် ခရီးသွားတွေကို ဘေးလွတ်ရာကို ရွှေ့ပြောင်းပေးထားပြီး ဖြစ်ပါတယ်။
မြို့ပြ ကာကွယ်ရေးအဖွဲ့က တာဝန်ရှိသူတဦးဖြစ်တဲ့ လတ်ဇာရို အက်စ္စပိုစီတိုက ဘယ်အသက်တချောင်းကိုမှ အဆုံးရှုံး မခံနိုင်တဲ့အတွက် အချိန်မဖြုန်းတီးဘဲ ရေကြီးမယ်လို့ ထင်ရတဲ့ နေရာတွေက လူတွေကို ဘေးလွတ်ဖို့ ရွှေ့ပြောင်းမှာ ဖြစ်တဲ့ အကြောင်း ပြောပါတယ်။
ကျူးဘားကို ဖြတ်ကျော် တိုက်ခတ်ပြီးရင် အင်အား လျော့သွားနိုင်ပေမယ့် ဘဟားမားစ် အလယ်ပိုင်းကို သောကြာနေ့လောက်မှာ ရောက်သွားနိုင်ပြီး ဟာရီကိန်း မုန်တိုင်းအဖြစ်တော့ ဆက်ရှိနေလိမ့်ဦးမယ်လို့ ခန့်မှန်း ထားကြပါတယ်။

စန္ဒီဟာရီကိန်းမုန်းတိုင်း ကျူးဘားရောက်ရှိ
 တယောက်မှ မသေအောင် ကာကွယ်ပေးမယ်လို့ မြို့ပြအာဏာပိုင်တွေက ပြောပါတယ်။
စန္ဒီဟာရီကိန်းမုန်တိုင်းဟာ ဂျမေကာကနေတဆင့် ကျူးဘားဒေသရဲ့ အနောက်ပိုင်းကို ရောက်လာပါတယ်။ မုန်တိုင်းဟာ အင်းအား ကောင်းသထက် ကောင်းလာပြီး ပြင်းအား အဆင့် ၂ ဟာရီကိန်း အဆင့်ကို ကူး ပြောင်း ရောက်ရှိ သွားခဲ့ကာ လေတိုက်နှုန်းဟာ တနာရီကို မိုင် ၁၁၀ နှုန်း ရှိပါတယ်။
မုန်တိုင်း ရောက်နေတဲ့ ဆန်တီယေးဂိုး ဒါကျူးဘားမှာဆိုရင် လေတိုက်အားက ၁၁၃ မိုင်နှုန်း အထိတောင် ရှိပါတယ်။ မိုးလေဝသ ပညာရှင်တွေကတော့ ဒီမုန်တိုင်းကြောင့် ကျူးဘား အရှေ့ပိုင်းက ဒေသတချို့မှာ မိုးရေချိန် ၃၀၀ မီလီမီတာ၊ လက်မနဲ့ဆိုရင် ၁၁ လက်မလောက်အထိ ရှိနိုင်တယ်လို့ ဆိုပါတယ်။
ဟေတီ၊ ဒိုမီနီကန် ရီပတ်ပလစ်နဲ့ ကာရီဘီယန် ပင်လယ်ထဲက တောင်ထူတဲ့ ဒေသတွေဘက်မှာလည်း မိုးရေချိန်က ဒီထက်ပိုများပြီး ၅၀၀ မီလီမီတာ လောက်အထိတောင် ဖြစ်နိုင်တယ်လို့ ဆိုပါတယ်။
ကျူးဘားက မိုးလေဝသ ပညာရှင် ဟိုဆေး ရူဘီယဲရာက လေပြင်းတွေထက် မိုးကို ပိုပြီး စိုးရိမ်ရတဲ့ အကြောင်း၊ ဒီလို မုန်တိုင်းမျိုးက မိုးကြီး ရေများတဲ့ အကြောင်းနဲ့ တောင်တန်း ဒေသတွေကို ဖြတ်ကျော်တဲ့အခါ ပိုပြီး မိုးတွေ အရှိန်ပိုများ လာနိုင်တဲ့ အကြောင်း ပြောပါတယ်။
ဒါကြောင့် ကျူးဘားနိုင်ငံထဲမှာတော့ သူတို့ အရင်ထဲက ကြိုတင် လေ့ကျင့်ထားကြတဲ့ မုန်တိုင်း အရေးပေါ် စီမံချက်တွေအတိုင်း ဒေသခံတွေနဲ့ ကမ္ဘာလှည့် ခရီးသွားတွေကို ဘေးလွတ်ရာကို ရွှေ့ပြောင်းပေးထားပြီး ဖြစ်ပါတယ်။
မြို့ပြ ကာကွယ်ရေးအဖွဲ့က တာဝန်ရှိသူတဦးဖြစ်တဲ့ လတ်ဇာရို အက်စ္စပိုစီတိုက ဘယ်အသက်တချောင်းကိုမှ အဆုံးရှုံး မခံနိုင်တဲ့အတွက် အချိန်မဖြုန်းတီးဘဲ ရေကြီးမယ်လို့ ထင်ရတဲ့ နေရာတွေက လူတွေကို ဘေးလွတ်ဖို့ ရွှေ့ပြောင်းမှာ ဖြစ်တဲ့ အကြောင်း ပြောပါတယ်။
ကျူးဘားကို ဖြတ်ကျော် တိုက်ခတ်ပြီးရင် အင်အား လျော့သွားနိုင်ပေမယ့် ဘဟားမားစ် အလယ်ပိုင်းကို သောကြာနေ့လောက်မှာ ရောက်သွားနိုင်ပြီး ဟာရီကိန်း မုန်တိုင်းအဖြစ်တော့ ဆက်ရှိနေလိမ့်ဦးမယ်လို့ ခန့်မှန်း ထားကြပါတယ်။