01.11.2012 နေ့ဖတ်ရန်သတင်းများ

by Myanmar Journal on Wednesday, October 31, 2012 at 8:58pm ·

မုန်တိုင်းသင့်သူတွေ အိုဘားမား ကူညီမယ်

အားပေး နှစ်သိမ့်နေတဲ့ အိုဘားမား

အမေရိကန် ပြည်ထောင်စု အရှေ့မြောက်ဖက်ပိုင်းမှာ ပြန်လည် ထူထောင်ရေးတွေ လုပ်ပေးဖို့ မုန်တိုင်းသင့် ပြည်သူတွေနဲ့ အစိုးရက အတူ ရှိနေပါတယ်လို့ နယူး ဂျာဆီ ပြည်နယ်က ထိခိုက် ပျက်စီးမှုတွေကို လာရောက် ကြည့်ရှုရင်း သမ္မတ အိုဘားမားက ပြောကြားလိုက်ပါတယ်။

မုန်တိုင်းသင့်တဲ့ ပြည်နယ် ကိုးခုမှာ လူငါးဆယ်ကျော် သေဆုံးခဲ့ရပြီး သန်းနဲ့ချီတဲ့ လူတွေ လျှပ်စစ်မီး ဖြတ်တောက်ခံထားရပါတယ်။

မီးပြန်ရဖို့ အတွက်က ပထမ ဦးစားပေး ဆောင်ရွက်ရမှာပါလို့ မစ္စတာ အိုဘားမားက ပြောပေမယ့် ပုံမှန် အခြေအနေ ရောက်ဖို့ အရိပ် လက္ခဏာ မတွေ့ရသေး ပါဘူး။

နယူးယောက် မြို့မှာတော့ ငွေကြေးဈေးကွက် အရောင်းအဝယ် ပြန်စခဲ့ပြီး လေဆိပ်နှစ်ခုလည်း ပြန်ဖွင့်ခဲ့ပါတယ်။

မန်ဟတ်တန် ကျွန်းကို လူသုံးယောက်ထက် ပိုပြီး သယ်လာတဲ့ ကားတွေကို မဝင်ရ ဆိုပြီး နယူးယောက် မြို့တော်ဝန် မိုက်ကယ် ဘလွန်းဘတ်ဂ်က ကန့်သတ်ထားပါတယ်။

မြန်မာပြည်က လေယာဉ်ကွင်းတွေ ပြန်ပြင်သုံးမယ်

နိုင်ငံတကာ အဆင့်မြင့် လေယာဉ်ကွင်းတခုရဲ့ အတွင်း မြင်ကွင်း

မြန်မာနိုင်ငံမှာ လေယာဉ်ကွင်းပေါင်း ၆၉ ကွင်းရှိတဲ့အထဲက အသုံးမပြုဘဲ ရှိနေတဲ့ လေယာဉ်ကွင်း ၃၇ ကွင်းကို ပြန်လည်ပြုပြင်ပြီး အသုံးပြုသွားမယ်လို့ လေကြောင်း ဦးစီးဌာနက ထုတ်ပြန်လိုက်ပါတယ်။

လာမယ့်နှစ်မှာ မာန်အောင် လေယဉ်ကွင်းနဲ့ ကချင်ပြည်နယ်၊ နောင်မွန် လေယာဉ်ကွင်း အသုံးပြုနိုင်အောင် စတင်လုပ်ဆောင်ဖို့ ရည်ရွယ်ထားတယ်လို့ လေကြောင်း ဦးစီးဌာန၊ လေဆိပ် ဆောက်လုပ်ရေးဌာနက တာဝန်ရှိသူက ပြောပါတယ်။

ဒါအပြင် ကိုကိုကျွန်းလေဆိပ်ကိုလည်း ဦးစားပေး ပြင်ဆင်မယ့် အထဲမှာ ပါတယ်လို့ ဆိုပါတယ်။

ခရီးသည်တွေ အသွားအလာ များလာတာကြောင့် လေယာဉ်ကွင်းတွေကို ပြန်ပြင်ပြီး အသုံးပြုဖို့ ပြင်ရတာ ဖြစ်တယ်လို့ လေကြောင်း ဦးစီးဌာန လက်ထောက်ညွှန်ကြောင်း ရေးမှူး ဒေါ်နွယ်နီဝင်းကျော်က ဘီဘီစီကို ပြောပါတယ်။

မြန်မာနိုင်ငံမှာ ပြည်တွင်းခရီးစဉ်တွေ သွားလာသူ အခုနှစ် ဇန္နဝါရီလကနေ စက်တင်ဘာလအထိ လူပေါင်း ၈ သိန်းနီးပါး ရှိပါတယ်။

ရန်ကုန်လေဆိပ်ကို နိုင်ငံခြားကနေ လာတဲ့သူ မြန်မာရော နိုင်ငံခြားသားပါ ဇန္နဝါရီလကနေ စက်တင်ဘာလ အထိ ၁ သန်း ၃ သိန်းကျော် ရှိပြီး ခန့်မှန်းခြေ တဝက်ကျော်က မြန်မာနိုင်ငံသားတွေ ဖြစ်ပါတယ်။

မလေးရှားသွား စက်လှေတစီး အုန်းကျွန်းအနီး နစ်မြုပ်

ပြီးခဲ့တဲ့ ဖေဖော်ဝါရီတုန်းက အင်ဒိုနီးရှား အရာရှိက ပေးတဲ့ အကူအညီ ရိုဟင်ဂျာ လက်ခံယူ

မူဆလင် အစ်ပွဲတော် အပြီး မလေးရှား နိုင်ငံကို တရားမ၀င်သွားတဲ့ စက်လှေ တစီး နတ်မြစ်ဝမှာ တည်ရှိတဲ့ အုန်းကျွန်း အနီး ပင်လယ်ပြင်မှာ နစ်မြုပ် သွားခဲ့ပါတယ်။

လှေပေါ်ပါ လူရာကျော် ပျောက်ဆုံးနေပြီး အခု အချိန်ထိ ၆ ဦးဘဲ အသက်ရှင် လွတ်မြောက် လာသေးတယ်လို့ သိရပါတယ်။

ပျောက်ဆုံးနေသူတွေ အများစုကတော့ မြန်မာနိုင်ငံဘက်က ရိုဟင်ဂျာ မွတ်ဆလင်တွေလို့ သိရပါတယ်။

အဲဒီ စက်လှေဟာ ဘင်္ဂလားဒေ့ရှ် နိုင်ငံ တောင်ပိုင်း တက်ကနက် မြို့နယ် ဆားပြင်ရွာကနေ မလေးရှား နိုင်ငံမှာ အလုပ်သွားလုပ်မယ့် လူပေါင်း ၁၃၀ ကျော်ကို တင်ဆောင်ပြီး ထွက်ခွာလာစဉ်မှာ နတ်မြစ်က အထွက် ဘင်္ဂလား ပင်လယ်အော် အရောက်မှာ နစ်သွားခဲ့တာလို့ သိရပါတယ်။

စက်လှေ နစ်မြုပ်သွားတဲ့ အတွက် လူတွေ ပျောက်ဆုံးနေတယ်လို့ ဘင်္ဂလားဒေ့ရှ် အပိုင် အုန်းကျွန်းမှာရှိနေတဲ့ မြန်မာနိုင်ငံသား ကိုအောင်မြင့်က ဘီဘီစီကို ပြောပါတယ်။

အုန်းကျွန်းရဲ့ တောင်ဘက် (၅) မိုင်အကွာမှာ စက်လှေဟာ အဟောင်းကြီးဖြစ်တဲ့ အတွက် အလိုလို နစ်မြုပ်သွားခဲ့တာလို့ သူက ဆိုပါတယ်။

လူပေါင်း ၁၃၀ မှာ ၁၂၄ ဦး ပျောက်ဆုံးပြီး ၆ ဦးကိုသာ ရှာဖွေ တွေ့ရ သေးတယ်လို့ ပြောပါတယ်။

လူတွေ ပျောက်ဆုံးနေတာနဲ့ ပတ်သက်ပြီး ဘင်္ဂလားဒေ့ရှ် တာဝန်ရှိသူတွေက ရှာဖွေရေး ဆောင်ရွက်နေ သလို မြန်မာဘက်က လူတွေလည်း လိုက်ပါ ဆောင်ရွက်နေတယ်လို့ သူက ဆိုပါတယ်။

ဘင်္ဂလားဒေ့ရှ် ရေတပ်ကတော့ ပျောက်ဆုံးနေတဲ့သူတွေကို ပင်လယ်ပြင်မှာ လိုက်ရှာနေတယ်လို့ ပြောပါတယ်။

အခုလို မိုးရာသီ အကုန်မှာ ဘင်္ဂလားဒေ့ရှ် နိုင်ငံကနေ မလေးရှားကို စက်လှေတွေနဲ့ အလုပ်လုပ်ဖို့ ခိုးထွက်ကြရမှာ ခုလို လှေနစ်တဲ့ အဖြစ်ဆိုးနဲ့ မကြာခဏ ကြုံတွေ့ နေကြရတယ်လို့ သိရပါတယ်။

ဗာတီကန်ပြတိုက် ဧည့်သည်ဝင်ရောက်မှု ကန့်သတ်မည်

ဗာတီကန် နံရံဆေးရေးပန်းချီ

ဗာတီကန်နန်းတော် Sistine Chapel ပြတိုက်မှာရှိတဲ့ Michelangelo ရဲ့ ကမ္ဘာကျော် နံရံရေးပန်းချီတွေ ပျက်စီးခြင်းက ထိန်းသိမ်း ကာကွယ်နိုင်ရေး ပြတိုက် လာရောက် ကြည့်ရှုသူအရေအတွက်ကို ကန့်သတ်ဖို့ စဉ်းစားနေတယ်လို့ ဗာတီကန်နန်းတော်က ပြောကြားလိုက်ပါတယ်။

နန်းတော်အတွင်း နေ့စဉ်လာရောက်သူ ၂၀,၀၀၀ နီးပါးတို့ရဲ့ ရှူထုတ်တဲ့လေ၊ ချွေး၊ ကိုယ်အပူရှိန်တို့ ကြောင့် စတင် ပျက်စီးစပြုနေပြီဖြစ်တဲ့ အာဒမ်ကို ဘုရားသခင်ဖန်ဆင်းနေတဲ့ ကမ္ဘာကျော်ပန်းချီကား အပါအ၀င် ပန်းချီကားတွေကို ထိန်းသိမ်းဖို့ လိုအပ်တယ်လို့ ပြတိုက် ညွှန်ကြားရေးမှူး Antonio Paolucci က ပြောကြားလိုက်ပါတယ်။

၁၉၉၀ ပြည့်လွန်က တပ်ဆင်ခဲ့တဲ့ လေအေးပေးစက်တွေဟာ ဧည့်သည်တွေဆီက ထွက်လာတဲ့ အညစ်အကြေးတွေကို အလုံအလောက် ကာကွယ်နိုင်စွမ်း မရှိတော့ဘူးလို့ ဗုဒ္ဓဟူးနေ့ကထုတ်ဝေတဲ့ သတင်းစာ ဆောင်းပါးထဲမှာ ပေါင်လူချီက ရေးသားထားတာ ဖြစ်ပါတယ်။

လောလောဆယ်မှာတော့ ပြတိုက်လာရောက်သူ အရေအတွက်ကို ထိန်းသိမ်းနိုင်ဖို့ မမြင်သေးပေမယ့် ရေရှည်မှာ ကန့်သတ်သွားဖို့ စဉ်းစားနေတယ်လို့ သူက ဆိုပါတယ်။

ဒီဗုဒ္ဓဟူးနေ့ဟာ ကမ္ဘာကျော် နံရံရေး ပန်းချီတွေကို ပုဒ်ရဟန်းမင်းကြီး ဒုတိယမြောက် ဂျူးလီးယက်က စတင်ဖွင့်လှစ်ပေးခဲ့တဲ့ နှစ် ၅၀၀ ပြည့် အထိမ်းအမှတ် ဖြစ်ပါတယ်။

မြန်မာဘိန်းစိုက်ပျိုးမှု ၆ နှစ်ဆက်တိုက်တိုး

ဘိန်းခင်းများကို ဖျက်ဆီးနေသော စစ်သည်များ။

မြန်မာနိုင်ငံမှာ ဘိန်းစိုက်ပျိုးမှုတိုက်ဖျက်ရေး ကြိုးပမ်းမှုမှာ အောင်မြင်မှုတွေ ရရှိတယ်လို့ အစိုးရက ပြောဆိုနေပေမဲ့လို့ ဒီကနေ့ နေပြည်တော်မှာ ထုတ်ပြန်ခဲ့တဲ့ ကုလသမဂ္ဂ မူးယစ်ဆေးနဲ့ ရာဇဝတ်မှု နှိမ်နင်းရေးဌာန UNODC ရဲ့ အရှေ့တောင်အာရှဆိုင်ရာ ဘိန်းစိုက်ပျိုးမှု နှစ်ပတ်လည် အစီရင်ခံစာမှာတော့ ရှမ်းပြည်နယ်နဲ့ ကချင်ပြည်နယ်တွေထဲက စုစုပေါင်း ဘိန်းစိုက်ပျိုးမှုဟာ ၂၀၁၂ ခုနှစ်အတွင်း ၁၇ ရာခိုင်နှုန်းနီးပါး တိုးလာခဲ့တယ်လို့ဖော်ပြထားပါတယ်။ အခုလို ခြောက်နှစ်ဆက်တိုက် ဘိန်းစိုက်ပျိုးမှုနှုန်း တိုးလာတဲ့ ပြဿနာကို တားဆီးဖို့ရာ ဘယ်လို အခက်အခဲတွေ ရှိနေပါသလဲ၊  ဘန်ကောက် ဗွီအိုအေရုံးကနေ မစုမြတ်မွန်က တင်ပြပေးထားပါတယ်။

မြန်မာအစိုးရ မူးယစ်ဆေးဝါးတိုက်ဖျက်ရေးဌာနနဲ့ UNODC တို့ ပူးပေါင်း စစ်တမ်းကောက်ပြီး UNODC က ထုတ်ပြန်တဲ့ နှစ်ပတ်လည် အစီရင်ခံစာထဲမှာ အာဖဂန်နစ္စတန် ပြီးရင် ကမ္ဘာမှာ ဘိန်းစိုက်ပျိုးမှု ဒုတိယ အများဆုံး နိင်ငံဟာ မြန်မာနိုင်ငံဖြစ်တယ်လို့ ဖော်ပြထားပါတယ်။ ရှမ်းပြည်နယ်တောင်ပိုင်း၊ အရှေ့ပိုင်းနဲ့ မြောက်ပိုင်းတွေ အပြင် ကချင်ပြည်နယ်တွေမှာ ဘိန်းစိုက်ပျိုးမှု ပိုပြီးတိုးလာတာကို ကိန်းဂဏန်းတွေနဲ့ ပြထားပါတယ်။ ၂၀၁၁ ခုနှစ် ကထက်စာရင် မြန်မာနိုင်ငံမှာ ဘိန်းစိုက်မှုပမာဏ ၁၇ % တိုးလာတယ်လို့ အရှေ့အာရှနဲ့ ပစိဖိတ်ဒေသဆိုင်ရာ တာဝန်ရှိသူ ဂယ်ရီ လူးဝစ္စ်က ဗွီအိုအေ မြန်မာပိုင်းကို ပြောပါတယ်။

သူ ပြောသွားတာက - “ဘိန်းစိုက်ပျိုးမှု ပမာဏဟာ ခန့်မှန်းခြေ ဟက်တာ ၅ သောင်း၊ တစ်ထောင် ရှိပါတယ်-တဲ့။ ဧကနဲ့ဆိုရင်တော့ ဧကပေါင်း တသိန်းနှစ်သောင်းကျော် ရှိပါတယ်။ ဒီပမာဏာဟာ အရင်နှစ်ထက်ကို ၇ % များလာတာ ဖြစ်ပါတယ်။ ဒါပေမဲ့ ဘိန်းစိုက်ဟက်တာ ၂ သောင်း၊ ၃ ထောင်လောက်မှာ အတိုင်းအတာတချို့အထိ စိုက်ပျိုးမှု ပပျောက်သွားအောင် မြန်မာအစိုးရ လုပ်ခဲ့တာတွေလည်း ရှိပါတယ်။”- လို့ ပြောသွားတာဖြစ်ပါတယ်။

UNODC အစီရင်ခံစာအရ ရှမ်းပြည်တောင်ပိုင်းမှာ လက်ရှိ ဘိန်းစိုက်ပျိုးမှုဟာ တနိုင်ငံလုံး ဘိန်းစိုက်ပျိုးမှုရဲ့ ၅၀ % အထိ ဖြစ်နေပါတယ်။ ဒါဟာ ဘာကြောင့်ပါလဲ၊ ရှမ်းပြည်ဘက်က ဘိန်းစိုက်ပျိုးမှုအခြေအနေတွေကို အနီးကပ်လေ့လာထားတဲ့ ရှမ်းသံတော်ဆင့် သတင်းအယ်ဒီတာ ဦးခွန်ဆိုင်းက ခုလို ရှင်းပြပါတယ်။

“ရှမ်းပြည်တောင်ပိုင်းမှာ အများဆုံးဖြစ်တာက နံပါတ်တစ်က တရုတ်ပြည်နဲ့ သူက ဝေးတယ်ဗျ။ တရုတ်က ရှမ်းပြည်မြောက်ပိုင်းမှာ စိုက်ခွင့် သိပ် မပေးချင်ဘူး။ သူတို့ တော်တော်ကြီးကို ကြိုးပမ်း ထားတာရှိတယ်။ နံပါတ်နှစ်က ဘာလဲဆိုတော့ ရှမ်းပြည်မြောက်ပိုင်းမှာ ဆိုလို့ရှိရင် တိုက်ပွဲတွေက ပိုပြီးတော့ ကြမ်းတယ်။ အဲဒီ အကြောင်းတွေတင် မကဘူး။ ပြီးခဲ့တဲ့နှစ်တွေက ရှမ်းပြည်မြောက်ပိုင်း ဘက်မှာ ဘိန်းပပျောက်ရေးကို သူတို့ အကြီးအကျယ် လုပ်ခဲ့တဲ့ အခါကျတော့ ဘိန်းစိုက်ပျိုးရေး က တောင်ပိုင်းနဲ့ အရှေ့ပိုင်းတွေမှာ ပိုစိုက်လာကြတာပေါ့။ တောင်ပိုင်းနဲ့အရှေ့ပိုင်းမှာ မစိုက်တာဆိုလို့ မိုင်းလား မြို့နယ်ပဲ ရှိတယ်။ ကျန်တဲ့မြို့နယ်တွေ အကုန်လုံးမှာ စိုက်တယ်။”

UNODC ကတော့ ဘိန်းစိုက်ပျိုးမှုပပျောက်ဖို့ မြန်မာအစိုးရရဲ့ အားထုတ်ဆောင်ရွက်မှုတွေ ရှိနေပေမဲ့ ဘိန်ိးုက်ပျိုးနေကြသူတွေအတွက် တခြားနည်းလမ်းနဲ့ ဝင်ငွေရအောင်လုပ်ပြီး စားဝတ်နေရေး ပြေ လည်အောင် လုပ်ဖို့ လိုအပ်တယ်ဆိုတာကို ထောက်ပြထားပါတယ်။ မြန်မာနိုင်ငံမှာ ၂၀၁၄ မတိုင်ခင် ဘိန်းစိုက်ပျိုးမှု ပပျောက်ရေးအတွက်ဆိုပြီး ၁၉၉၉ ခုနှစ်က ၁၅ နှစ် စီမံကိန်းအဖြစ် သတ်မှတ်ထားတာ ရှိပါတယ်။ ဒီကြားထဲကနေ ခြောက်နှစ်ဆက်တိုက် ဘိန်းစိုက်ပျိုးမှု တိုးလာတာကိုကြည့်ရင် အစိုးရရဲ့ ဆောင်ရွက်မှုက မထိရောက်ဘူးလို့ ပြောရမှာပါလား။

“ပြီးခဲ့တဲ့ အောက်တိုဘာလ ၅ ရက်နေ့တုန်းက ဒု-ဗိုလ်ချုပ်ကြီး ကိုကိုကနေပြီးတော့ မူးယစ် ဆေးဝါး ပပျောက်ရေးအရှိန်ကို ဆက်ပြီးတိုးမြှင့်လုပ်ဆောင်သွားနိုင်ဖို့ဆိုပြီး ၂၀၁၉ အထိ တိုးမြှင့် လိုက်ပါတယ် ဆိုပြီးတော့မှ သူကြေညာသွားတာကို ကျနော်တို့ တွေ့ရပါတယ်။ ကျနော်တို့ စဉ်းစားလို့ရတာက ဘာလဲ ဆိုတော့ ၂၀၁၄ ခုနှစ်မှာ ဘိန်းပပျောက်ရေးကို လုပ်မယ်ဆိုရင် တကယ်လုပ်လို့ရတယ်။ ဝ-တို့၊ ကိုးကန့် တို့မှာ လုပ်ခဲ့သလိုပဲ၊ အမိန့်တခါတည်း တချက်လွှတ်ထုတ်ပြီးတော့မှ လုံးဝ မစိုက်ရဘူးဆိုရင် သူက လုပ်နိုင်တာပဲ။ လုပ်နိုင်သော်လည်းပဲ ဒီဥစ္စာဟာ sustainable မဖြစ်နိုင်ဘူး။ ရေရှည်မသွားနိုင်ဘူး။ အလုပ်တခုကို သူတို့ကို အစားထိုး အသက်မွေးဝမ်းကျောင်းမှု မပေးနိုင်ဘဲနဲ့ ဒီလိုလုပ်သွားမယ်ဆိုရင် ဘယ်နည်းနဲ့မှ ရေရှည် မသွားနိုင်ဘူးဆိုတာ သူတို့ နားလည်ပုံရတယ်။”

မြန်မာနိုင်ငံမှာ ဘိန်းစိုက်ပျိုး ထုတ်လုပ်မှု သိသိသာသာတိုးလာတဲ့အပြင် Methamphetamine အပါအဝင် တခြားမူးယစ်ဆေးဝါးတွေ တရားမဝင် ကူးသန်းရောင်းချမှု သိသိသာသာ တိုးလာ တာဟာ ဒေသတွင်း လူသားတွေရဲ့ လုံခြုံရေးကို ခြိမ်းခြောက်နေတာဖြစ်တယ်လို့ Gary Lewis က ပြောပါတယ်။ မြန်မာနိုင်ငံမှာ လက်နက်ကိုင်အဖွဲ့တွေနဲ့ ရှိနေတဲ့ ပြဿနာကို မဖြေရှင်း သရွေ့ မူးယစ်ဆေးဝါး ပြဿနာကို ဖြေရှင်းနိုင်ဖို့ မလွယ်ကူနိုင်ဘူးလို့ ရှမ်းသံတော်ဆင့် သတင်းအယ်ဒီတာ ဦးခွန်ဆိုင်းကတော့ မြင်ပါတယ်။

“မူးယစ်ဆေးဝါးနဲ့ မပတ်သက်တဲ့ လက်နက်ကိုင်အဖွဲ့ဆိုတာ တဖွဲ့မှ မရှိဘူး။ အဲဒီတော့ ဒီပြဿနာ ကို ဖြေရှင်းမယ် ဆိုလို့ရှိရင် မင်းကပဲ မူးယစ်ဆေးဝါးကို ရပ်တန့်လိုက်၊ ငါတော့ မရပ်ဘူးဆိုတဲ့ ပုံစံမျိုးနဲ့ လုပ်လို့မရဘူး။ အားလုံးသဘောတူညီနိုင်တဲ့ နိုင်ငံရေး သဘောတူညီချက်ကို ရ ရမယ်။ နိုင်ငံရေး သဘောတူညီချက်ကိုရမှ မင်းနဲ့ငါလည်း ရန်သူ မဖြစ်တော့ဘူးပေါ့ဗျာ။ မင်းနဲ့ငါနဲ့ ရန်သူ မဖြစ်တော့ဘူး ဆိုရင် တိုက်စရာလည်းမလိုတော့ဘူး၊ တိုက်စရာလည်း မလိုတော့ဘူးဆိုတော့ အင်အားတွေ စုဆောင်းစရာလည်း မလိုတော့ဘူး၊ အဲဒီအခါကျလို့ရှိရင် မူးယစ်ဆေးဝါးထုတ်လုပ်ဖို့ဆိုတာလည်း မလိုတော့ဘူးပေါ့။ အဲဒီလိုမျိုး ဖြစ်လာမှာပေါ့။”

အရှေ့တောင်အာရှဒေသဆိုင်ရာ ဘိန်းစိုက်ပျိုးမှုအစီရင်ခံစာထုတ်ပြန်တဲ့ ကုလသမဂ္ဂ မူးယစ်ဆေးနဲ့ ရာဇဝတ်မှု နှိမ်နှင်းရေးဌာန UNODC ကလည်း တရားဥပဒေစိုးမိုးရေးနဲ့ တည်ငြိမ်ရေးအတွက် သိသာ တဲ့ ရင်းနှီးမှုတွေ လုပ်ဖို့ လိုအပ်သလို ဖွံ့ဖြိုးတိုးတက်ရေး လုပ်ငန်းတွေကို လုပ်မှသာ ဘိန်းစိုက်ပျိုး မှု ရေရှည်ကျဆင်းမှာ ဖြစ်တယ်လို့ ပြောပါတယ်။ ရှမ်းပြည်နယ်နဲ့ ကချင်ပြည်နယ်တွေမှာ ကွင်းဆင်း စစ်တမ်းကောက်ခံမှုအရရော ဝေးလံတဲ့ ဒေသတွေအပေါ် ဂြိုဟ်တုနဲ့ လေ့လာမှုအရပါ အခြေခံပြီး ဘိန်းစိုက်ပျိုးမှုဆိုင်ရာ စစ်တမ်းကို ကောက်ခံခဲ့တာဖြစ်ပါတယ်။

ဒီနှစ်ထူးခြားတာကတော့ မြန်မာနဲ့လာအို နှစ်နိုင်ငံကို အဓိက အာရုံစိုက်ထားတဲ့ ဒီအစီရင်ခံစာ ကို နေပြည်တော်မှာ ထုတ်ပြန်ခဲ့တာဖြစ်ပြီး အစီရင်ခံစာထုတ်ပြန်ပွဲကို ပြည်ထဲရေးဝန်ကြီးဌာန တာဝန်ရှိသူတွေလည်း တက်ရောက်တယ်လို့ သိရပါတယ်ရှင်။