25.09.2012 နေ့ဖတ်ရန်သတင်းများ

by Myanmar Journal on Monday, September 24, 2012 at 9:37pm ·

မြောက်ကိုးရီးယားမှာ လယ်ယာ ပြုပြင်ရေးတွေ စတင်

မြောက်ကိုရီးယားမှာတော့ စီးပွားရေး ပြုပြင်ပြောင်းလဲမှုတွေ တွေ့လာရမဲ့ အရိပ်အယောင်တွေ မြင်နေရပါပြီ။

လယ်သမားတွေကို သူတို့ရဲ့ ထွက်ကုန်တွေ ထဲက အစိုးရကို ပေးသွင်းရမဲ့ ပမာဏကို လျှော့ချပေးလိုက်ပြီး ကျန်တဲ့ ပမာဏကို လွတ်လွတ်လပ်လပ် ရောင်းချခွင့်ပေးတော့မယ်လို့ အေပီ သတင်းတပုဒ်မှာ ဖော်ပြထားတာ တွေ့ရပါတယ်။

အေပီ သတင်းထောက်နဲ့ တွေ့ခဲ့တဲ့ မြို့တော် ပြုံယမ်းရဲ့ တောင်ဖက်က လယ်သမားနှစ်ယောက် ကတော့ ဒီနှစ် ကုန်လောက်က စလို့ သူတို့ အစိုးရကို ပေးသွင်းရတဲ့ သီးနှံပမာဏ လျော့သွားရင် ကိုယ်တိုင်စားသုံးဖို့ ပိုပို လျှံလျှံ ရှိလာလိမ့်မယ်လို့ ပြောခဲ့ပါတယ်။

မြောက်ကိုရီးယားမှာ အစိုးရက တင်းတင်းကြပ်ကြပ် ထိန်းချုပ်ထားတဲ့ စီးပွားရေး စနစ် ကျင့်သုံးပြီး ဆိုးဆိုးဝါးဝါး ရိက္ခာ ပြတ်လပ်မှုတွေ မကြာမကြာ ကြုံနေရပါတယ်။အခုလို လျှော့ပေါ့ပေးလာတာဟာ လယ်ယာထွက်ကုန်တွေ တိုးလာအောင်ရည်ရွယ်နဲ့ ဖြစ်ပုံရတယ်လို့ သုံးသပ်သူတွေက ဆိုပါတယ်။

မြောက်ကိုရီးယား အစိုးရဖက်ကတော့ အခု နောက်ဆုံး အပြောင်းအလဲ နဲ့ ပတ်သက်ပြီး ဘာမှ ထုတ်ပြန်တာ မရှိသေးပေမဲ့ သုံးသပ်သူတွေကတော့ ခေါင်းဆောင်သစ် ကင်မ်ဂျုံအွန်းလက်ထက်မှာ တိုင်းပြည်ရဲ့ လမ်းကြောင်း အပြောင်းအလဲ လေးတွေ တွေ့လာရတာလို့ ယူဆနေကြပါတယ်။

မြောက်ကိုရီးယားမှာ ဈေးကွက်စီးပွားရေးကို ကျင့်သုံးနေတယ်ဆိုပေမဲ့ ဘယ်လို ကျင့်သုံးသလဲဆိုတာ ရှင်းရှင်းလင်း မသိရသလို အစိုးရက မကြာမကြာဝင်စွက်ဖက်မှုတွေလဲ ရှိခဲ့ပါတယ်။

တရုတ်ရဲ တပ်ဖွဲ့ အကြီးအကဲ ထောင် ၁၅ နှစ်ကျ

ဝမ်လီဂျွန်းဟာ တချိန်က နာမည်ကျော် ရဲ အရာရှိကြီး ဖြစ်ခဲ့ပါတယ်။

တရုတ် နိုင်ငံရေး လောကမှာ ဟိုးလေး တကျော် ဖြစ်ခဲ့တဲ့ တရုတ် ထိပ်တန်း နိုင်ငံရေး သမား ဘိုရှီလိုင်ရဲ့ နိုင်ငံရေး အရှုပ် အရှင်း ကိစ္စမှာ အဓိက အခန်းကဏ္ဍက ပါဝင်ခဲ့တဲ့ ရဲတပ်ဖွဲ့ အကြီးအကဲ ဝမ်လီဂျွန်းကို လူသတ်မှုကို ဖုံးကွယ်ဖို့ ကြိုးစားမှု၊ ဘက်ပြောင်းဖို့ ကြိုးစားမှု တို့နဲ့ တရုတ် တရားရုံးက ထောင်ဒဏ် ၁၅ နှစ် ချမှတ်လိုက် ပါတယ်။

တရုတ်နိုင်ငံမှာ လူသိအများဆုံး၊ သြဇာ အရှိဆုံး ရဲတပ်ဖွဲ့ အကြီးအကဲတယောက်ဖြစ်တဲ့ ဝမ်လီဂျွန်းဟာ လူပေါင်း သန်း ၃၀လောက်နေထိုင်တဲ့ ချုံချင်း ပြည်နယ်ရဲ့ ရဲချုပ်ဖြစ်ပြီး နာမည်ကြီး လူသိများတဲ့ သူတဦး ဖြစ်ပါတယ်။

ဒီနှစ် ဖေဖော်ဝါရီလတုန်းက သူဟာ အမေရိကန် ကောင်စစ်ဝန်ရုံးကို ကိုယ့်သဘောနဲ့ ကိုယ်သွားခဲ့ပြီး တရုတ် ထိပ်တန်းနိုင်ငံရေး သမား ဘိုရှီလိုင်ရဲ့ ဇနီးဖြစ်သူ ရဲ့ လူသတ်မှုအကြောင်း အသေးစိတ်ကို ဖော်ထုတ်ခဲ့ပါတယ်။

ဘိုရှီလိုင်ရဲ့ ဇနီးဖြစ်သူ ဂူခိုင်လိုင် ဟာ စီးပွားဖက် ဗြိတိသျှ စီးပွားရေး သမား Neil Heywood နဲ့ ငွေကြေးကိစ္စ အချင်းများခဲ့ကြပြီး သတ်ခဲ့တယ်ဆိုပြီး သူက စွပ်စွဲခဲ့ပါတယ်။

အဲဒီအတွက် စုံစမ်းစစ်ဆေးမှုတွေ လုပ်ခဲ့တဲ့ နောက်ပိုင်းမှာတော့ ဘိုရှီလိုင်ရဲ့ ဇနီးဖြစ်သူ ဂူခိုင်လိုင်ဟာ လူသတ်မှုနဲ့ ပြစ်မှုထင်ရှားကြောင်း တွေ့ရှိခဲ့ပါတယ်။

တရုတ်နိုင်ငံကို ဦးဆောင်မယ့်သူဆိုပြီး အရင်က ထင်ကြေးအပေးခံရဆုံး ဘိုရှီလိုင်ကိုယ်တိုင်လည်း သြဇာအာဏာကြီးလှတဲ့ ထိပ်တန်းရာထူးကနေ ဆိုင်းငံ့ခံထားရပါတယ်။

ဝမ်လီဂျွန်းကို ဥပဒေကို လက်တလုံးကြားလုပ်မှု၊ လူသတ်မှုကို ဖုံးကွယ်ဖို့ ကြိုးစားမှု၊ အာဏာကို အလွဲသုံးစားလုပ်မှု၊ ဘက်ပြောင်းဖို့ ကြိုးစားမှုနဲ့ တရုတ်တရားရုံးက ထောင်ဒဏ် ၁၅ နှစ်ချမှတ်တာဟာ နိုင်ငံရေး အရှုပ်အရှင်းကိစ္စကို ဖော်ထုတ်ခဲ့သူ ဖြစ်တာကြောင့် သက်ညှာမှုတချို့ ပေးခဲ့တာလို့ ဆိုပါတယ်။

တရုတ်ကွန်မြူနစ်ပါတီဟာ ခေါင်းဆောင်သစ် တယောက် တင်မြှောက်ဖို့ မကြာမီ လုပ်ဆောင်တော့မှာ ဖြစ်ပြီး ဒီကိစ္စသာ မဖြစ်လာခဲ့ဘူးဆိုရင် ရာထူးအပြောင်းအလဲလုပ်ဖို့ ချောချောမွေ့မွေ့ လုပ်ဆောင်နိုင်မယ်လို့ ယူဆနေကြပါတယ်။

အခုလို နိုင်ငံရေး အရှုပ်တော်ပုံကြောင့် တချိန်က နိုင်ငံရေးသြဇာကြီးခဲ့တဲ့ ဘိုရှီလိုင်တယောက် ပြစ်မှုဆိုင်ရာ ဥပဒေအရ တရားစွဲခံရတာ မခံရတာရတာ အသာထား၊ သူ့ဇနီးသည်ရဲ့ လူသတ်မှု နဲ့ သူ့လက်အောက်က ခြစားတဲ့ ရဲအကြီးအကဲ ဝမ်လီဂျွန်း ရဲ့ ပြစ်ဒဏ်တွေကို ကြည့်ရင် တရုတ်နိုင်ငံရေးလောကရဲ့ ထိပ်သီးအဆင့်တွေအကြား ခြစားမှုအကြောင်း မေးခွန်းထုတ်စရာ အများကြီးရှိတယ်လို့ ရှန်ဟိုင်းက ဘီဘီစီသတင်းထောက် John Sudworth သုံးသပ်ပါတယ်။

သမ္မတ ဦးသိန်းစိန်ရဲ့ အမေရိကန် ခရီးစဉ် မှာ ဘာတွေ မျှော်လင့်နိုင် မလဲ

အမေရိကန်ကို မသွားခင် ဦးသိန်းစိန်က တရုတ် ဒုတိယ သမ္မတနဲ့ သွားတွေ့ခဲ့

မြန်မာ သမ္မတ ဦးသိန်းစိန်ဟာ ကုလ သမဂ္ဂ အထွေထွေ ညီလာခံ တက်ရောက်ဖို့ အမေရိကန် ပြည်ထောင်စုကို တနင်္လာ နေ့က ထွက်ခွာ သွားခဲ့ ပါတယ်။

ကြာသပတေးနေ့ အထွေထွေ ညီလာခံမှာ ဦးသိန်းစိန် စကားပြောဖို့ ရှိပြီး အမေရိကန် အစိုးရ အရာရှိကြီး တချို့နဲ့လည်း တွေ့ဆုံဖို့ ရှိကြောင်း သိရပါတယ်။

သမ္မတ အိုဘားမားနဲ့ တွေ့ဆုံဖို့ ရှိမရှိတော့ အတိအကျ မသိရသေး ပါဘူး။ သမ္မတနဲ့ အတူ နိုင်ငံခြားရေး ဝန်ကြီး ဦးဝဏ္ဏ မောင်လွင်၊ သမ္မတရုံး ဝန်ကြီး ဦးစိုးသိန်းတို့ လိုက်ပါ သွားကြ ပါတယ်။

သမ္မတရဲ့ ခရီးစဉ်အတွင်း အမေရိကန် က မြန်မာ အပေါ် ပိတ်ဆို့ အရေးယူ ထားမှုတွေ ထပ်မံ လျှော့ပေါ့ ပေးဖို့ ကိစ္စတွေကို ဆွေးနွေး ကြလိမ့်မယ်လို့ ယူဆရ ပါတယ်။

မြန်မာ သမ္မတ ဘက်ကတော့ ပိတ်ဆို့ မှုတွေ လျှော့ပေါ့ ပေးဖို့ တောင်းဆိုမှာ မဟုတ်ကြောင်းနဲ့ ပြုပြင် ပြောင်းလဲရေးတွေ လုပ်ဆောင် နေတာဟာ လည်းပိတ်ဆို့မှုတွေ လျှော့ပေးဖို့ ဆိုတဲ့ ရည်ရွယ်ချက်နဲ့ လုပ်ဆောင်တာ မဟုတ်ဘဲ မြန်မာ နိုင်ငံ အတွက် လုပ်သင့် လုပ်ထိုက်တာတွေ ကိုသာ လုပ်ဆောင် နေတာ ဖြစ်ကြောင်း နိုင်ငံတော် သမ္မတရုံး ညွှန်ကြားရေးမှူး ဦးဇော်ဌေးက ပြောပါတယ်။

အမေရိကန် ဘက်က ပိတ်ဆို့ အရေးယူမှုတွေ လုပ်ခဲ့တဲ့ နေရာမှာ သမ္မတ အမိန့်နဲ့ရော ပါလီမန် ဆုံးဖြတ်ချက် အဆင့်ဆင့်ပါ ချမှတ် လုပ်ဆောင်တာ ဖြစ်တဲ့ အတွက် ပြန်လည် လျှော့ပေါ ပေးတဲ့ နေရာမှာလည်း အခက် အခဲတွေ ရှိနိုင်တယ်၊ ဒါပေမဲ့ မြန်မာ ပြည်က သွင်းကုန် တင်ပို့မှု ကိုတော့ လျှော့ပေါ့ ပေးနိုင်တယ်လို့ သူက ပြောပါတယ်။

မြန်မာ အပေါ် ပိတ်ဆို့ အရေးယူမှုတွေ လျှော့ချဖို့ ထောက်ခံတယ် ဆိုတဲ့ ဒေါ်အောင်ဆန်းစုကြည်ရဲ့ ပြောဆိုမှုကလည်း အလွန် ထိရောက်တယ်လို့ ဦးဇော်ဌေးက ပြောပါတယ်။

သမ္မတ အနေနဲ့ ဘာတွေ ဆောင်ရွက်သင့်သလဲ

သမ္မတ ဦးသိန်းစိန် အနေနဲ့ မြန်မာ နိုင်ငံမှာ အပြောင်း အလဲတွေ အမှန်တကယ် ဖြစ်ပေါ်နေတယ် ဆိုတာ အမေရိကန် အစိုးရ အဖွဲ့ထဲက လူတွေ နားလည် သိရှိအောင် ပြောဖို့ အပြင် မြန်မာ နိုင်ငံနဲ့ ပတ်သက်ပြီး အရေးကြီးဆုံး အချက် တစ်ခုထဲမှာ ပါဝင်တဲ့ ဒေါ်အောင်ဆန်း စုကြည်နဲ့ အစိုးရ တို့ အပြောင်း အလဲတွေကို လက်တွဲ လုပ်ဆောင် နေတယ် ဆိုတာ သိအောင် လုပ်ဖို့ အရေးကြီးဆုံး ဖြစ်တယ်လို့ အမေရိကန် အခြေစိုက် Democracy International အဖွဲ့က သုတေသန ဆိုင်ရာ ဒါရိုက်တာ ဒေါက်တာ မင်းဇော်ဦးက ပြောပါတယ်။

အမေရိကန် ဘက်ကတော့ မြန်မာ နိုင်ငံမှာ ငွေကြေး လည်ပတ်မှုတွေကို ထိထိ ရောက်ရောက် လုပ်နိုင် စေဖို့ အတွက် ငွေကြေး လွှဲပြောင်း ပေးမှုဆိုင်ရာ ပိတ်ဆို့ ထားတာ တွေကို ဖယ်ရှား ပေးရမယ်၊ ကမ္ဘာ့ဘဏ်နဲ့ နိုင်ငံတကာ ငွေကြေး ရန်ပုံငွေ အဖွဲ့တို့က ပေးချင်တဲ့ အကူ အညီတွေ ကို အဟန့် အတား ဖြစ်နေတဲ့ အမေရိကန် ဥပဒေ တချို့ကို ပယ်ဖျက် ပေးဖို့ လိုအပ်တယ်၊ ဒါ့အပြင် ဒီမိုကရေစီ နိုင်ငံတွေမှာ စစ်တပ်အနေနဲ့ ဘယ်လို ဆောင်ရွက် သင့်တယ် ဆိုတာ လေ့လာ သင်ယူ နိုင်ဖို့ အမေရိကန် အနေနဲ့ မြန်မာ အစိုးရနဲ့ ဆက်စပ် ဆောင်ရွက်ပေးဖို့ လိုအပ်တယ်လို့ သူက ပြောပါတယ်။

စစ်သွေးကြွခေါင်းဆောင် နှစ်ယောက်ကိုဖယ်ရှား

ဘန်ဂါဇီမြို့က စစ်သွေးကြွ လက်နက်ကိုင် အဖွဲ့တွေ

လစ်ဗျားနိုင်ငံ ဘန်ဂါဇီမြို့က အင်အား အကြီးမားဆုံး စစ်သွေးကြွ အဖွဲ့က ခေါင်းဆောင် နှစ်ယောက် ကို စစ်တပ်က ဖယ်ရှားလိုက်ပါပြီ။

ဒါဟာ လက်နက်ကိုင် အဖွဲ့တွေကို ထိန်းချုပ် ကာကွယ်ဖို့ ဒါမှမဟုတ် ဖျက်သိမ်း ပစ်ဖို့ ကြိုးပမ်း ဆောင်ရွက်တာ ဖြစ်ပါတယ်။

အဲဒီ စစ်သွေးကြွ ခေါင်းဆောင် နှစ်ယောက်ရဲ့ နေရာမှာ စစ်တပ်က ဗိုလ်မှူးကြီး နှစ်ယောက်ကို အစားထိုး ခန့်ထားခဲ့ပါတယ်။

တနေ့တုန်းကတော့ လက်နက်ကိုင် အဖွဲ့တွေ စစ်သွေးကြွတွေ အနေနဲ့ နိုင်ငံပိုင် အဆောက်အဦ တွေကနေ လေးဆယ့် ရှစ်နာရီ အတွင်း ဖယ်ပေးဖို့ စစ်တပ်က ရာဇသံ ထုတ်ခဲ့တာ ဖြစ်ပါတယ်။

အခုလ အစောပိုင်းတုန်းက အမေရိကန် သံအမတ် အသတ်ခံရပြီးတဲ့နောက် ဘန်ဂါဇီမြို့မှာ လက်နက်ကိုင် စစ်သွေးကြွ ဆန့်ကျင်ရေး ဆန္ဒပြမှုတွေ ဖြစ်ခဲ့ပြီးတဲ့နောက် ဒီအရေးယူ ဆောင်ရွက်ချက်တွေ ပေါ်ပေါက် လာတာ ဖြစ်ပါတယ်။

ဆီးရီးယား အခြေအနေ ဘရဟီမီ လုံခြုံရေး ကောင်စီမှာပြော

ဆီးရီးယားမှာ အခြေအနေက စိတ်ပျက်ဖွယ် ပိုပြီး ဆိုးရွား လာနေတယ်လို့ နိုင်ငံတကာ အထူး သံတမန် Lakhdar Brahimi က ပြောပါတယ်။

အကျဉ်း ကျခံနေရသူတွေဟာ ပုံမှန် နှိပ်စက် ညှင်းပမ်း ခံနေရပြီး လူတွေကလည်း အများပိုင် ဆေးရုံတွေမှာ သွားရောက် ဆေးကုခံရမှာ ကြောက်နေကြတယ်လို့ ကုလသမဂ္ဂ လုံခြုံရေး ကောင်စီမှာ သူက ပြောကြားခဲ့ ပါတယ်။

ရိက္ခာ ပြတ်လပ်မှု ကလည်း စဉ်ဆက် မပြတ် ဖြစ်နေပြီး ရှေး အမွေအနှစ် အဆောက်အဦ တွေဟာလည်း ဖျက်ဆီး ခံနေရတယ်လို့ ဆိုပါတယ်။

ကုလသမဂ္ဂ လုံခြုံရေး ကောင်စီ ရဲ့ လက်ရှိ အလှည့်ကျ ဥက္ကဌ ဂျာမနီ နိုင်ငံ ကိုယ်စားလှယ်က ဆီးရီးယား အရေးနဲ့ ပတ်သက်လို့ ကုလသမဂ္ဂမှာ ရှေ့မတိုး နောက်မဆုတ် ဆုံးဖြတ်ချက် ချလို့မရ ဖြစ်နေတာထက် စာရင် နိုင်ငံရေး နည်းနဲ့ ဖြေရှင်းဖို့ နည်းလမ်း တခု ရှာသင့်တယ်လို့ ပြောပါတယ်။

ဆီးရီးယား ဒုတိယ နိုင်ငံခြားရေး ၀န်ကြီး Faisal Mekdad က တူရကီနဲ့ ပင်လယ်ကွေ့က တခြား နိုင်ငံတွေဟာ ဆီးရီးယားမှာ မငြိမ်မသက်မှု အရှိန် မြင့်လာအောင် ဖန်တီး နေတယ်လို့ ဘီဘီစီကို ရှင်းပြ သွားပါတယ်။

မချမ်းဘော ဆန်ပြတ်လတ်လို့ အာဟာရချိုတဲ့ သေဆုံး

ကချင်ပြည် ပူတာအိုမှာ ဒီနှစ်အတွင်း ဆန်ရှားပါးပြီး ပြတ်လတ်တဲ့ အထိ ဖြစ်နေလို့ ဒေသခံပြည်သူတွေအနေနဲ့ ငှက်ပျောအူ၊ ငှက်ပျောဖူးတွေနဲ့ အစားထိုး မှီခိုနေရတဲ့အတွက် အာဟာရချိုတဲ့ပြီး လူသေဆုံးတဲ့ အထိ ဖြစ်နေပါတယ်။

ပူတာအိုမြို့နယ်၊ မချမ်းဘောမြို့နယ်တွေမှာ ဒီနှစ် အစောပိုင်းလောက်ကစပြီး ဆန်ပြတ်လတ်မှုတွေ မကြာခဏ ဖြစ်ပွားပြီး ဇူလိုင် လကုန်ပိုင်းက စပြီးတော့ အခုချိန်ထိ ဒေသခံတွေဟာ သစ်သီး သစ်ဥတွေကိုပဲ ရှာဖွေ စားသောက်ရတဲ့အထိ ဆန်ပြတ်လတ် သွားတယ်လို့ ဒေသခံတွေက ပြောပါတယ်။

ဒီလိုဆန်ပြတ်မှုကြောင့် ဆန်ဈေးတအိတ်ကို ကျပ် ၈ သောင်းနဲ့ ၁ သိန်းကြားအထိ မြင့်တက်သွားပြီး နို့ဆီခွက်နဲ့ဝယ်စားရင် ၁ ဗူးကို ကျပ် ၅၀၀ နဲ့ဝယ်ယူစားသုံးနေကြရပါတယ်။

ဒါကလည်း ငွေကြေးရှိသူတွေအနေနဲ့ပဲ ၀ယ်ယူစားသုံးနိုင်ကြတာ ဖြစ်ပြီး တောရွာဒေသက ပြည်သူတွေအနေနဲ့ ငွေကြေး အခက်အခဲတွေ၊ လမ်းပမ်းဆက်သွယ်ရေး အခက်အခဲတွေကြောင့် တောထဲက အသီးအနှံတွေ ကိုပဲ မှီခိုစားသောက်နေရတယ်၊ ဒီလိုပဲ လနဲ့ချီ လည်ပတ် စားသောက်နေရတဲ့အတွက် သက်ကြီးရွယ်အိုနဲ့ ကလေးတွေကိုပိုပြီး ထိခိုက်လာတယ် ၊ ပြီးခဲ့တဲ့ အပတ်လောက်မှာ မချမ်းဘောက ကလေးငယ် ၂ ယောက် သေဆုံး သွားတယ်လို့ ပူတာအိုမြို့က ဒေသခံတစ်ယောက်က ဘီဘီစီကို ပြောပြပါတယ်။

ဒီလိုဝမ်းစာအတွက် အခက်အခဲ ရှိလို့ ကျောင်းသူ ကျောင်းသားတွေ အတွက်လည်း ပညာရေးပိုင်းမှာ ထိခိုက်လာတယ်၊ ကျောင်းထွက်ပြီး မိသားစုနဲ့အတူ အသီးအနှံ ရှာထွက်ကြရတယ်လို့ သိရပါတယ်။

ဒီလိုဆန်ရှားပါးမှု ပြဿနာကို ခါတိုင်းနှစ်တွေမှာလဲ ကြုံတွေ့ဖူးပေမယ့် လုံးဝ ပြတ်လတ်သွားတဲ့အထိ မရှိခဲ့ဘူး ၊ ဒီနှစ်မှာ ဒီလိုဆိုးဆိုးရွားရွား ပြတ်လတ်သွားရတဲ့ အကြောင်းရင်းကတော့ မြေနေရာကြောင့် ရာသီဥတုကြောင့်လို့ ဆိုပါတယ်။

အဲဒီဒေသမှာ တောင်ကုန်းတွေ ကျောက်တောင်တွေပေါများပြီး အအေးပိုင်းဒေသလဲဖြစ်တဲ့အတွက် စိုက်ပျိုးမှုက သိပ်မအောင်မြင်ဘူး အဲဒါအပြင် ဒီနှစ်မှာ မိုးသည်းထန်မှုကြောင့် စပါးခင်းတွေ ပျက်စီးသွားရတယ်။

နောက်တခြား အကြောင်းရင်းကတော့ နိုင်ငံရေး စစ်ရေးအရကြောင့် လမ်းပန်း ဆက်သွယ်ရေးလမ်းကြောင်း ပြတ်တောက်သွားပြီး ဆန်သယ်ယူမှု ပြတ်တောက်သွားတာ ဖြစ်တယ်လို့ အဲဒီမြို့ခံတယောက်က ပြောပြပါတယ်။

အခုလို ပူတာအိုမြို့တို့ မချမ်းဘောမြို့တို့ကို သွားဖို့ တခုတည်းသောလမ်း ဖြစ်တဲ့ မြစ်ကြီးနား-ဆွမ်ဘရဘွန်လမ်းကြောင်းက တံတားတွေ ပျက်စီးသွားတဲ့အပြင် အစိုးရ စစ်တပ်ဘက် ကလည်း ပိတ်ပင်လိုက်လို့ အခုဆိုရင် ပူတာအိုကို လေယာဉ်နဲ့ပဲ သွားလာကြတာ ဖြစ်တယ်လို့ သိရပါတယ်။

အဲဒီဘက်ကဒေသခံတွေဟာ ဟင်းသီးဟင်းရွက်စိုက်ပျိုးမှုနဲ့ အသက်မွေးဝမ်းကြောင်းကြတာဖြစ်ပြီး ကုမ္ပဏီ တွေမှာနေ့စားလိုက်ပြီး ၀င်ငွေရှာကြတယ် ၊ စစ်ရေးပြဿနာ ရှိလာတဲ့ နောက်ပိုင်း ကုမ္ပဏီ တွေကလည်း မရှိတော့လို့ ၀င်ငွေအတွက် အခက်အခဲ ဖြစ်နေကြတာ ဖြစ်တယ် ၊ အခုချိန်ထိတော့ အဲဒီဘက်က ဒေသခံတွေကို သွားရောက် ကူညီပေးတဲ့ အဖွဲ့အစည်း တခုမှ မရှိသေးဘူးလို့ ဒေသခံတွေက ပြောပါတယ်။

အကြမ်းဖက်သမား ဖယ်ရှားဖို့ စီစဉ်

 

အမေရိကန်နိုင်ငံခြားရေးဝန်ကြီး ကလင်တန် Clinton Global Initiative နှစ်ပါတ်လည် နိင်ငံတကာ ဆွေးနွေးပွဲ မိန့်ခွန်းပြောနေစဉ်

ဒီမိုကရေစီစနစ် တိုးတက်လာရေးကို နည်းအမျိုးမျိုးနဲ့ တားဆီးနှောင့်ယှက်နေတဲ့  မြောက်ကို ရီးယားနဲ့ အရှေ့အလယ်ပိုင်းလို ဒေသတွေက အစွန်းရောက်သမားတွေကို တကမ္ဘာလုံးက ညီညီညွတ်ညွတ်လက်တွဲပြီး ဆန့်ကျင်ကြဖို့ လိုအပ်တယ် လို့ အမေရိကန်နိုင်ငံခြားရေးဝန်ကြီး ကလင်တန်က ပြောဆိုလိုက်ပါတယ်၊ အမေရိကန်နိုင်ငံ New York မြို့ မှာ ရှိတဲ့ နိုင်ငံခြားရေး Clinton ရဲ့ ခင်ပွန်း သမ္မတဟောင်း Bill Clinton ရဲ့ ကမ္ဘာလုံးဆိုင်ရာ ရှေ့ဆောင် ဦးရွက်ရေး Clinton Global Initiative  အဖွဲ့ ကြီး က ဦးစီးကျင်းပတဲ့နှစ်ပါတ်လည် နိင်ငံတကာ ဆွေးနွေးပွဲ မှာ သူမက ခုလိုပြောသွားတာဖြစ်ပါတယ်။

Democracy  ဆန့်ကျင်ရေးအစွန်းရောက်အင်အားစု တွေကို ဆန့်ကျင် သွားဖို့ ကျွန်မတို့ အားလုံး တညီတညွတ်ထဲ ရပ်တည် ရင် ဆိုင် သွားကြဖို့ လိုပါတယ်။ မြောက်ကို ရီးယားနဲ့ အရှေ့အလယ်ပိုင်းဒေသတွေမှာ ဒီမိုကရေစီအသွင် ကူး ပြောင်းရေး ဆက်လက်ဖြစ်ပေါ်စေဖို့ ၀ိုင်းပြီး ထောက်ခံ အားပေးကြရပါလိမ့်မယ် လို့ ၀န်ကြီး Clinton က ပြောဆိုသွားပါတယ်။ 

အကြမ်းဖက် တိုက်ခိုက်မှု တွေကို ဆန့်ကျင်ရင်ဆိုင်ရာမှာ ကမ္ဘာ့ နိုင်ငံတွေကခေါင်းဆောင်တွေအားလုံး ညီညွတ်ကြဖို့ သိပ်ကိုအရေးကြီး ပါတယ်၊ ဘာလို့လဲဆိုတော့ ကမ္ဘာတလွှားက အစွန်းရောက်သမားတွေဟာ ကျွန်မတို့ အားလုံးအကွဲကွဲအပြားပြားနဲ့ ညီညွတ်မှု မရှိအောင် ကြိုးစားအားထုတ်နေကြလို့ပါဘဲလို့ သူမကသတိပေးပြောဆိုသွားပါတယ်။

တရားမျှတမှု ကင်းမဲ့တဲ့ လုပ်ရပ်တွေကို အားပေးတဲ့ အစိုးရနဲ့ အဖွဲ့အစည်းကြီးတွေရှိနေတဲ့ နိုင်ငံတွေထက် ကိုယ့်နိုင်ငံ စီးပွားရေးတိုးတက်ဖို့ ၊ အစိုးရနဲ့ သက်ဆိုင်ရာ အုပ်ချုပ်ရေးအဖွဲ့အစည်း ကြီးတွေ ကောင်းမွန်ဖွံ့ဖြိုးလာဖို့ အဓိကထားလုပ်ဆောင်နေတဲ့ နိုင်ငံ တွေက နိုင်ငံတကာ အသိုင်းအ၀န်းမှာ ရှေ့ ကို တိုးတက် ရောက်ရှိလာတယ် လို့လဲ ၀န်ကြီးClinton ကပြောဆိုသွားပါတယ်။

ဒီမိုကရေစီရေးတိုးတက်အောင်လုပ်ဆောင်မှု တွေဟာ ကမ္ဘာတလွှား ကျယ်ကျယ်ပြန့်ပြန့် ထွန်းကားနေပြီး နှစ်ပေါင်းများစွာ အာဏာရှင်တွေအောက်မှာ ဖိနှိပ်ခံခဲ့ရတဲ့ နိုင်ငံတွေအတွက် စိတ်လှုပ်ရှားစရာကောင်းတဲ့ အခွင့်အလမ်းတွေဖန်တီးခွင့်ရနေပါပြီလို့ သူမကပြောဆိုပါတယ်။

ဒါပေမဲ့ အပြောင်းအလဲနဲ့ ရင်ဆိုင်နေရတဲ့ တိုင်းပြည်တွေအနေနဲ့ သူတို့ စိတ်ကူးမြှော်မှန်းထားတဲ့ အကောင်းဆုံးဒီမိုကရေစီရေး နမူနာတွေကို တကယ်အလုပ်ဖြစ်တဲ့ အစိုးရ တွေနဲ့ ကြွယ်ဝချမ်းသာတဲ့ နိုင်ငံ့စီးပွားရေးတွေဖြစ်လာဖို့ ဘယ်လိုအကောင်းဆုံး အကောင်အထည်ဖော် သွားနိုင်မလဲဆိုတာကို ဆုံးဖြတ်ကြဖို့ဖြစ်တယ်လို့ ပြောဆိုခဲ့ပါတယ်။

နှစ်ပါတ်လည် ကုလသမဂ္ဂအထွေထွေညီလာခံကြီးကို တက်ရောက်ဖို့ နိုင်ငံအသီးသီးက နိုင်ငံ့ခေါင်းဆောင်တွေ အမေရိကန်နိုင်ငံကို ရောက်လာကြချိန်မှာ သူတိုနဲ့ တွေ့ဆုံပြီး အစည်းအဝေးတက်ဖို့ အတွက်အစည်း အဝေး ကျင်းပမဲ့ New York မြို့တော် ကို အမေရိကန်နိုင်ငံခြားရေးဝန်ကြီး Clinton ရောက်ရှိနေတာဖြစ်ပါတယ်။

လာမဲ့ ရက်တွေထဲ မှာနိုင်ငံတကာ ခေါင်းဆော်င်တွေမိန့်ခွန်းပြောဆိုကြဖို့ ရှိပြီး အမေရိကန်သမ္မတ Barack Obama ကတော့ လာမဲ့ အင်္ဂါနေ့မှာ ကမ္ဘာ့ကုလသမဂ္ဂ အထွေထွေညီလာခံမှာ မိန့်ခွန်း ပြော ဆို မှာ ဖြစ်ပါတယ်။  အထွေထွေညီလာခံ ကြီးစပြီးကျင်းပတာနဲ့တပြိုင်နက် ဆီးရီးယားအရေးကတော့  နိုင်ငံတကာ ခေါင်းဆောင်တွေရဲ့  ဆွေးနွေးပြောဆိုမှု တွေထဲမှာ ထိပ်ဆုံးက ပါဝင်လာလိမ့်မယ်လို့ အတွင်းရေးမှုးချုပ် Ban Ki Moon ကပြောဆိုခဲ့ပါတယ်။

သမ္မတ Obama ဒီနှစ်ပြောမဲ့မိန့်ခွန်းမှာ အရှေ့အလယ်ပိုင်းဒေသက အပြောင်းအလဲတွေအကြောင်း အဓိကထားပြောဆိုဖို့ရှိပါတယ်။  အမေရိကန်ပြည်ထောင်စုက လူပုဂ္ဂိုလ်တယောက် ရိုက်ကူးတဲ့ အစ္စလာမ် ဆန့်ကျင်ရေးဗီဒီယို ကြောင့် မူဆလင် ကမ္ဘာမှာ ဖြစ်နေတဲ့ အကြမ်းဖက်ဆန္ဒပြမှုတွေနဲ့ ပါတ်သက်ပြီးပြောဆိုမယ်လို့ သိရပါတယ်။

သူရဦးရွှေမန်းနဲ့အဖွဲ့ စင်ကာပူခရီးရောက်

ပြည်သူ့လွှတ်တော် ဥက္ကဋ္ဌ သူရဦးရွှေမန်း ဦးဆောင်တဲ့ မြန်မာကိုယ်စားလှယ်အဖွဲ့ဟာ စင်ကာပူနဲ့ သြစတြေးလျ နိုင်ငံတွေက လွှတ်တော်ဥက္ကဋ္ဌတွေရဲ့ ဖိတ်ကြားချက်နဲ့ အဲဒီနိုင်ငံတွေက လွှတ်တော်ရေးရာတွေကို သွားရောက် လေ့လာဖို့ရှိပါတယ်။ စက်တင်ဘာလ ၂၃ ရက်နေ့ကနေ ၂၆ ရက်နေ့အထိ စင်ကာပူနိုင်ငံမှာ လေးရက်ကြာ ရှိမှာဖြစ်ပြီး အဲဒီကနေ သြစတြေးလျနိုင်ငံကို ခရီးဆက်မှာဖြစ်ပါတယ်။ ခရီးစဉ်အတွင်း ဘယ်သူတွေနဲ့တွေ့ပြီး ဘာတွေ အဓိက လေ့လာ ဆွေးနွေးကြမှာပါလဲ။ မခင်ဖြူထွေးက အပြည့်အစုံ ပြောပြပေးပါမယ်။

ပြည်သူ့လွှတ်တော် ဥက္ကဋ္ဌ သူရဦးရွှေမန်း ဦးဆောင်တဲ့ မြန်မာကိုယ်စားလှယ်အဖွဲ့ဟာ စင်ကာပူ လွှတ်တော်ဥက္ကဋ္ဌ Michael Palmer ရဲ့ ဖိတ်ခေါ်မှုနဲ့ မနေ့က စက်တင်ဘာလ ၂၃ ရက်နေ့ စလို့ လေးရက်ကြာ စင်ကာပူခရီးစဉ် ရောက်ရှိနေပြီး အဲဒီကနေ သြစတြေးလျနိုင်ငံကို ခရီးဆက်မှာ ဖြစ်ပါတယ်။ သြစတြေးလျ ဆီးနိတ် လွှတ်တော်ဥက္ကဋ္ဌ John Hogg ရဲ့ ဖိတ်ကြားချက်နဲ့ လွှတ်တော်လေ့လာရေး သွားရောက်မှာ ဖြစ်တယ်လို့ ရေဖြူမြို့နယ် ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ ပြည်သူ့လွှတ်တော် ကိုယ်စားလှယ် ဦးဝင်းဦးက ပြောပါတယ်။

"စင်ကာပူကတော့ သြစတြေးလျသွားရင် စင်ကာပူမှာ ထရန်ဇစ် လုပ်တယ်လေ။ အဲ့ဒီထရန်ဇစ်မှာ ခဏတွေ့ဖို့ ဖိတ်မှာပေါ့လေ။ အဲ့ဒါတွေ့တာဖြစ်ပါလိမ့်မယ်။ အဓိကကတော့ လွှတ်တော်က အဲဒီကဖိတ်တယ်။ လွှတ်တော်ဥက္ကဋ္ဌအနေနဲ့ ဖိတ်လို့ သွားတာပါပဲ။ လေ့လာရေးပါပဲ။ပြီးတော့ စီးပွါးရေးလည်း တချို့ လေ့လာမယ် ပေါ့လေ။ နိုင်ငံရေး ကတော့ နိုင်ငံရေးနဲ့လွှတ်တော်ပေါင်းပြီး သွားတာပေါ့။ နောက် စီးပွါးရေး ကိစ္စမှာတော့ စိုက်ပျိုးရေးနဲ့မွေးမြူရေးလောက်ပဲ ရှိမှာပါ။ ဦးအောင်သိန်းပါမယ်။ ဦးသိန်းစိန်၊ ဦးစိုးသာ၊ နောက် ယုဇနဦးဌေးမြင့်။ စီးပွါးရေးသမား တွေထဲက ပါတယ် ဆိုတာ ကိုယ်သိသလောက် ဦးဌေးမြင့်တစ်ယောက်ပဲပါတယ်။ ကျန်တာက ဦးဌေးမြင့်နဲ့ သူ့စတပ်ဖ်ပါမယ်။ နောက်လွှတ်တော်ထိမ်းသိမ်းရေး အေစီအီးကုမ္မဏီက ဝန်ထမ်းတွေပါမယ်။ ကျန်တဲ့လူတွေတော့ ကျနော်လည်းမသိဘူး၊ မမှတ်မိတော့ဘူးဗျ"

အခုသွားရောက်မယ့် ပြည်သူ့လွှတ်တော် ဥက္ကဋ္ဌ သူရ ဦးရွှေမန်းရဲ့ ခရီးစဉ်ဟာ ပြီးခဲ့တဲ့ သြစတြေးလျနိုင်ငံရဲ့ မြန်မာအပေါ် ဒဏ်ခတ်မှုတွေ ဖယ်ရှားခဲ့ပြီးနောက်ပိုင်း အမြင့်ဆုံးအဆင့် မြန်မာအစိုးရ အရာရှိတဦး ပထမဆုံး အကြိမ် သွားရောက်မယ့် ခရီးစဉ် ဖြစ်ပါတယ်။ လက်ရှိ အစိုးရအနေနဲ့ နိုင်ငံတကာနဲ့ ဆက်ဆံရေး ပြန်လည် ကောင်းမွန်အောင် ကြိုးစားနေချိန်မှာ ခုလို သြစတြေးလျနိုင်ငံ ခရီးစဉ်ကလည်း အရေးပါတဲ့ ခရီးစဉ်တရပ် ဖြစ်တယ်လို့ ဦးဝင်းဦးက ပြောပါတယ်။

"သြစတြေးလျကလည်း သူတို့က အရင် ဒီဆန်ရှင်တွေ အမ်ဗာဂိုတွေလုပ်ထားတာတွေ အရင်ဆုံး သူတို့ ရုတ်သွားတာလေ။နောက် ဗီဇာကိစ္စမပေးတဲ့ ကိစ္စတွေလည်း အကုန်လုံး သူတို့ဘက်က အရင်စပြီးတော့ သိမ်းသွားတာ။ အဲ့ဒီဟာပြီးကတည်းက အမြင့်ဆုံးအဆင့်သွားတာဆိုတော့ အခု လွှတ်တော်ဥက္ကဋ္ဌအနေနဲ့ သွားတာပေါ့နော်။ နိုင်ငံတိုင်းကိုတော့ သွားတာ အားလုံးနိုင်ငံတိုင်းကတော့ အရေးပါတာပါပဲ။ ကိုယ်တို့နိုင်ငံက အရင်တုန်းကလို Isolative  ဖြစ်နေရာကနေ အခုပြန်ပြီးတော့ ဆက်ဆံရေးတွေ အကုန်လုံးပြန်ပြီးတော့ နိုင်ငံတိုင်းနဲ့ ပြေလည်အောင် လုပ်နေတဲ့ အချိန်ဆိုတော့ ဘယ်နိုင်ငံမဆို အရေးပါတာပါပဲ"

ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီ ပြည်သူ့လွှတ်တော် ကိုယ်စားလှယ် ဦးဝင်းဦး ပြောသွားတာပါ။ သြစတြေးလျနိုင်ငံဟာ အရင် မြန်မာစစ်အစိုးရလက်ထက် မြန်မာနိုင်ငံတွင်း လူ့အခွင့်အရေး ချိုးဖောက်မှုတွေကို ပြစ်တင် ရှုတ်ချတဲ့အနေနဲ့ မြန်မာနိုင်ငံအပေါ် အရေးယူ ဒဏ်ခတ် ပိတ်ဆို့မှုတွေ ချမှတ်ခဲ့တဲ့နိုင်ငံ တခုဖြစ်ပါတယ်။

ဒါပေမဲ့ မကြာသေးခင်ကစလို့ မြန်မာနိုင်ငံရဲ့ နိုင်ငံရေး ပြုပြင် ပြောင်းလဲမှုတွေကို အသိအမှတ် ပြုတဲ့အနေနဲ့ မြန်မာအပေါ် အရေးယူ ဒဏ်ခတ်မှုတွေကို ပြီးခဲ့တဲ့ ဇူလိုင်လ အတွင်း သြစတြေးလျအစိုးရက ပြန်လည် ရုပ်သိမ်းပေးခဲ့တာ ဖြစ်ပါတယ်။

ပြုပြင်ပြောင်းလဲရေးတွေ ခိုင်မာပြီး မြန်မာလူထုရဲ့ဘ၀တွေ တိုးတက်စေမယ့် နောက်ထပ် အပြောင်းအလဲ တွေအတွက် အခြေအနေ တွေ ရေရှည်မြဲမြံစေဖို့ အားပေးမယ့် ပိုမိုကြီးမားတဲ့ ထိတွေ့ဆက်ဆံမှုနဲ့ မြန်မာနိုင်ငံ ကို လက်တွေ့ကျကျ အထောက်အပံ့ပြုသွားမှာ ဖြစ်တယ်လို့လည်း သြစတြေးလျ နိုင်ငံခြားရေးဝန်ကြီးက အဲဒီအချိန်က ဆိုခဲ့ပါတယ်။

ပြည်သူ့လွှတ်တော် ဥက္ကဋ္ဌ သူရဦးရွှေမန်းနဲ့ ကိုယ်စားလှယ်အဖွဲ့ဟာ သြစတြေးလျနိုင်ငံ ခရီးစဉ်မတိုင်ခင်မှာတော့ အခု စင်ကာပူ နိုင်ငံကို လေးရက်ကြာခရီး ရောက်ရှိနေပြီဖြစ်ပါတယ်။ စက်တင်ဘာလ ၂၃ ရက်နေ့ကနေ ၂၆ ရက်နေ့အထိ လေးရက်ကြာ စင်ကာပူခရီးစဉ်ကနေ မြန်မာနဲ့ စင်ကာပူ နှစ်နိုင်ငံ အကြား နွေးထွေးတဲ့ ဆက်ဆံရေး ပိုပြီးတော့ ခိုင်မာစေမှာဖြစ်သလို ခရီးစဉ်အတွင်း လွှတ်တော်ဥက္ကဋ္ဌအပြင် စင်ကာပူ ၀န်ကြီးချုပ် Lee Hsien Loong, ယာယီသမ္မတ JY Pillay နဲ့ ၀န်ကြီးချုပ်ဟောင်း၊ လက်ရှိ အကြီးတန်း ၀န်ကြီး Goh Chok Tong တို့နဲ့လည်း တွေ့ဆုံမှာ ဖြစ်တယ်လို့ Chanelnewsasia သတင်းမှာ ဖော်ပြထားပါတယ်။

သမ္မတဦးသိန်းစိန် အမေရိကန်ခရီးစတင်

မြန်မာသမ္မတ ဦးသိန်းစိန်ဟာ အမေရိကန်နိုင်ငံ နယူးယောက်မြို့မှာ ကျင်းပမယ့် ၆၇ ကြိမ်မြောက် ကုလသမဂ္ဂအထွေထွေညီလာခံကို တက်ဖို့အတွက် ဒီကနေ့ မနက်က မြန်မာနိုင်ငံကနေ ထွက်ခွာသွားပြီဖြစ်ပါတယ်။ သမ္မတရဲ့ ဒီ ခရီးစဉ်အတွင်း အမေရိကန်သမ္မတ Barack Obama နဲ့တွေ့ဆုံဖို့ တရားဝင် စီစဉ်ထားတာမျိုး မရှိပေမယ့် ကုလသမဂ္ဂ ညီလာခံပြင်ပမှာ တွေ့ဆုံနိုင်တဲ့ အလားအလာရှိသလို တခြား အမေရိကန် နိုင်ငံရေးခေါင်းဆောင်တွေ အပါအ၀င် စီးပွားရေး လုပ်ငန်းရှင်တွေနဲ့ တွေ့ဆုံမှာ ဖြစ်ပါတယ်။ အပြည့်အစုံကိုတော့ ဘန်ကောက်ရုံးကနေ ဆက်သွယ် စုံစမ်းထားတဲ့ ကိုဇော်ဝင်းလှိုင်က တင်ပြပေးပါမယ်။

သမ္မတဦးသိန်းစိန် ခေါင်းဆောင်တဲ့ မြန်မာကိုယ်စားလှယ်အဖွဲ့ဟာ ဒီကနေ့မနက် ၉ နာရီ က မြန်မာနိုင်ငံ ကနေ စတင်ထွက်ခွာသွားတာ ဖြစ်ပါတယ်။ ကုလသမဂ္ဂအထွေထွေညီလာခံမှာ သမ္မတအနေနဲ့ စက်တင်ဘာ ၂၇ ရက်နေ့မှာ မိန့်ခွန်းပြောကြားမှာအပါအ၀င် ဒီခရီးစဉ်နဲ့ပတ်သက်လို့ သမ္မတရုံး ညွှန်ကြားရေးမှူး ဦးဇော်ဌေးက အခုလို ပြောပြပါတယ်။

“၂၅ရက်နေ့ ရောက်မှာပေါ့နော်။ အဲ့ကို ပြီးရင် ၂၆ရက်နေ့မှာ နားမယ်။ နားမယ်ဆိုပေမယ့် ကျန်တဲ့ ဟိုလိုမျိုး တွေ့တာ ဘာညာတော့ရှိမယ်။ တချို့တွေ့ဆုံမူတွေရှိမယ်။ ၂၆မှာ တွေ့ဖို့ စီစဉ်ထားတာတော့ အမေရိကန်အစိုးရဘက်က တာဝန်ရှိသူတွေပေါ့။ နောက် အမေရိကန်က သြဇာရှိ နိုင်ငံရေးအသိုင်းအဝိုင်းက ပုဂ္ဂိုလ်တွေ၊ အဲ့လိုတချို့တွေ့မယ်။ ၂၇မှာ မိန့်ခွန်းပြောမယ်။ အထွေထွေညီလာခံမှာ မိန့်ခွန်းပြောမယ်။

နောက် အထွေအထွေအတွင်းရေးမူးချုပ် ဘန်ကီမွန်းက ညစာနဲ့ သမ္မတကြီးကို ဧည့်ခံမယ်။ အဲ့ဒီ့မှာ UN ဌာနအကြီးအကဲတွေနဲ့တွေ့ဆုံမှာပေါ့။ ကျန်တာကတော့ မြန်မာအသိုင်းအဝိုင်းတွေနဲ့ သံရုံးမှာ စုစည်းပြီး တွေ့တာမျိုးတွေရှိမယ်။ နောက် EU ဘက်က ခေါင်းဆောင်တွေနဲ့ တွေ့ဖို့ရှိမယ်။နောက် အမေရိကန်စီးပွားရေးသမားတွေနဲ့ တွေ့ဆုံပွဲမျိုး ရှိမယ်။နောက် အကြမ်းဖျင်းယာထားတာက Tentative Program အနေနဲ့ Asia Societyမှာ  Speech ပြောဖို့ရှိမယ်။” သမ္မတဦးသိန်းစိန်အနေနဲ့ ဒီခရီးစဉ်အတွင်း ၀ါရှင်တန် ဒီစီမြို့ကိုသွားဖို့ အစီအစဉ်မပါဝင်သလို အမေရိကန်သမ္မတ အိုဘားမားနဲ့လည်း သီးခြား တွေ့ဆုံဖို့ စီစဉ်ထားတာမရှိပေမယ့် ကုလသမဂ္ဂအထွေထွေညီလာခံပြင်ပမှာတော့ တွေ့ကောင်း တွေ့နိုင်တယ်လို့ ဦးဇော်ဌေးက ဆက်ပြောပြပါတယ်။

“ဟိုလိုမျိုး ကျနော်တို့ Summit တွေမှာ တွေ့သလိုတော့ တွေ့မှာပေါ့။ အစည်းအဝေး  ပြင်ပမှာ ဘေးဘမ်းတွေ့ဆုံမူမျိုးတော့ ရှိကောင်းရှိနိုင်တာပေါ့။ ဟို ဝါရှင်တန်အထိ သွားပြီး တွေ့ဖို့တော့ မရှိဘူး။ တရားဝင် ကျနော်တို့ Arrangement Programme ထဲမှာတော့ အခုလိုမျိုး မပါဘူး။ ဒီဘက်က နှစ်ဘက်ညှိနိူင်းထားတဲ့အရတော့ ဝါရှင်တန်ဘက်ကို မသွားတော့ဘူး။ နယူးယောက် Only ပဲ။  နောက် ဒေသတွင်း နိုင်ငံခေါင်းဆောင် တချို့ပေါ့နော်။  တချို့နဲ့ Bi Lateral တွေ့မှာပေါ့။”

ဒေသတွင်းခေါင်းဆောင်ဆိုတဲ့အထဲမှာ အဓိကအားဖြင့်တော့ ထိုင်းနိုင်ငံဝန်ကြီးချုပ် ယင်းလပ် ရှင်နာဝပ်နဲ့ တွေ့ဆုံပြီး နှစ်နိုင်ငံ အကျိုးတူ ကိစ္စရပ်တွေကို ဆွေးနွေးကြမှာ ဖြစ်သလို ပြီးခဲ့တဲ့ သီတင်းပတ်အတွင်း ထိုင်းဝန်ကြီးချုပ် မြန်မာနိုင်ငံကို တရားဝင်သွားရောက်လည်ပတ်ဖို့ စီစဉ်ထားတဲ့ခရီးစဉ် ရက်ရွှေ့ဆိုင်းလိုက်ရတာကြောင့် နှစ်ဖက် အဆင်ပြေမယ့်ရက်ကို ရွေးချယ်ပြီး ၀န်ကြီးချုပ်ရဲ့ ခရီးစဉ်ကို အသေးစိတ် စီစဉ်ကြဖို့လည်း ပါဝင်ပါတယ်။

နယူးယောက် ကုလသမဂ္ဂအထွေထွေညီလာခံအတွင်း သမ္မတပြောကြားမယ့် မိန်ခွန်းထဲမှာတော့ လက်ရှိပြုလုပ်နေတဲ့ ပြုပြင်ပြောင်းလဲရေး လုပ်ငန်းတွေ၊ ရှေ့လုပ်ငန်းစဉ်တွေ၊ နောက် အနာဂတ်မှာ ရင်ဆိုင်ရနိုင်တဲ့ အခက်အခဲတွေ စတာတွေကို အဓိကထား ပြောကြားမယ်လို့ သိရပါတယ်။

ဒိမတိုင်ခင်ကတော့ သမ္မတဦးသိန်းစိန်ဟာ တရုတ်ပြည်ကို ၃ ရက်ကြာ သွားရောက်လည်ပတ်ပြီး နန်နင်းမှာ ကျင်းပတဲ့ တရုတ် - အာဆီယံ ကုန်စည်ပြပွဲကိုလည်း တက်ရောက်ခဲ့သလို တရုတ်နဲ့ မြန်မာ နှစ်နိုင်ငံအကြား ဘက်စုံ မဟာဗြူဟာမြောက် ပူးပေါင်းဆောင်ရွက်တဲ့ မိတ်ဆွေ နိုင်ငံတွေအဖြစ် သဘောတူညီမှု ပြုလုပ်ခဲ့ကြတာပါ။

“အဓိက တရုတ်ကို သွားရခြင်း အကြောင်းအရင်းက ဒီနန်နင်း ပွဲက Honor Country က မြန်မာနိုင်ငံ ပထမဆုံး စလုပ်တာပေါ့နော်။ အဲ့ဒီ့တော့ Honor Country အနေနဲ့ ဟိုဘက်က ဖိတ်ကြားတယ်။ Honor Country အနေနဲ့ သွားရောက်တယ်ပေါ့နော်။ နောက် အာဆီယံ တရုတ် FreeTradeFTA ပေါ့နော်။ အဲ့တာနဲ့ပတ်သက်ပြီး တာဝန်ယူဆောင်ရွက်တာက ဒီနှစ်က မြန်မာနိုင်ငံ အလှည့်ပေါ့နော်။ အဲ့တာလည်း သက်ဆိုင်တဲ့ ဝန်ကြီးက ဆောင်ရွက်ရတာပေါ့နော်။

အဲ့တာတွေကြောင့် ဒီနှစ်က Honor Country အနေနဲ့ သွားတယ်။ ဖိတ်ကြားတယ်။ ဖိတ်ကြားတဲ့အတွက် သွားတယ်ပေါ့နော်။ နောက်တခုက သမ္မတကြီးလက်ထက်မှာ မဟာဗျူဟာမြောက် ဘက်စုံပူးပေါင်း ဆောင်ရွက်မယ့် မိတ်ဖက်နိုင်ငံအဆင့်ကို သူတို့ နှစ်ဦး နှစ်ဘက် သမ္မတကြီးရဲ့ ပထမဆုံး တရုတ်ပြည်ခရီးစဉ်မှာ လက်မှတ်ထိုးထားခဲ့တာပေါ့နော်။ အဲ့တော့ မဟာဗျူဟာ မိတ်ဖက်နိုင်ငံအဖြစ်ဒီလို ဆက်ဆံသွားမှာပေါ့နော်။

တချိန်တည်းမှာပဲ ကျနော် အမေရိကန် EUအပါအဝင် နိုင်ငံတကာအသိုင်းအဝိုင်းနဲ့ ဆက်ဆံရေး မြှင့်တင် သလိုပဲ၊ ဒေသတွင်းမှာလည်း နိုင်ငံအားလုံးနဲ့ မိတ်ဆွေရင်းချာဆက်ဆံရေး ဆက်လက်မြှင့်တင်သွားမယ့်ဟာပါ။ အဲ့ဒီ့ရည်ရွယ်ချက်နဲ့သွားတာပေါ့။”

သမ္မတရဲ့ ခရီးစဉ်အတွင်း တရုတ် ဒုသမ္မတ ရှီကျင့်ဖျင်နဲ့လည်း နန်နင်းမြို့မှာပဲ တွေ့ဆုံခဲ့ပြီး တရုတ်-မြန်မာနယ်စပ်ကုန်သွယ်ရေး တိုးမြင့်ဖို့အပါအ၀င် တခြား ဘက်စုံ စီးပွားရေး ဖွံ့ဖြိုး တိုးတက်ရေးလုပ်ငန်းတွေအတွက် ဆွေးနွေးခဲ့တယ်လို့ သိရပါတယ်။

တရုတ်နိုင်ငံ ခရီးစဉ်အတွင်းမှာပဲ ဆင်းရဲမွဲတေမှု တိုက်ဖျက်ရေးအတွက် တရုတ်နိုင်ငံ ယန်လင်း စိုက်ပျိုးရေးနဲ့ သစ်တော တက္ကသိုလ်က ပေးအပ်တဲ့ ဂုဏ်ထူးဆောင် ပါရဂူဘွဲ့ကိုလည်း သမ္မတ ဦးသိန်းစိန် လက်ခံရယူခဲ့တာ ဖြစ်ပါတယ်။