Ye Min Tun shared Myanmar HR's photo.
၁၉၉၇ ခုနှစ်မှာ ကျွန်တော် နယူးယောက်မြို့ကနေ ဘင်္ဂလားဒေ့ရ်ှနိုင်ငံ ဒါကာမြို့ကို တာဝန်အရ ပြောင်းရွှေ့ခဲ့ပါတယ်။ ဌာနချုပ်မှာ တာဝန်ယူရပြီး အခုလိုဆင်းရဲလှတဲ့နိုင်ငံမှာ တာဝန်ထမ်းဖို့ သဘောတူခဲ့တာကို တချို့တွေက အံ့သြနေကြတယ်။
ကျွန်တော့်ရဲ့ စဉ်းစားချက်ကတစ်မျိုးပါ၊ ကုလသမဂ္ဂမှာတာဝန်ယူတဲ့ ဝန်ထမ်းတစ်ဦးအနေနဲ့ ဖွံ့ဖြိုးမှုနဲ့ပတ်သက်ပြီး အခက်အခဲမျိုးစုံ ရင်ဆိုင်နေရတဲ့နိုင်ငံမှာ အတွေ့အကြုံရတာဟာ အခွင့်အရေးတစ်ရပ်ပါ။ တစ်ဖက်ကလည်း ရုံးချုပ်မှာငါးနှစ်လောက်တာဝန်ယူခဲ့ပြီး အခုလိုမြေကြီးနဲ့ အနီးကပ် တာဝန်ယူခွင့်ရတာက ကောင်းတယ်လို့ယူဆမိတယ်။ ရုံးချုပ်မှာပေါ်လစီ၊ စီမံကိန်းတွေနဲ့ နပန်းလုံးခဲ့ရတယ်။ တင့်တယ်လှတဲ့ ရုံးခန်းထဲမှာထိုင်ပြီး သီအိုရီတွေနဲ့သာ အချိန်ကုန်ခဲ့တာ။ ဒါကြောင့်လည်း လက်တွေ့နဲ့နီးစပ်ခွင့်ရမယ့်နေရာကို ရွေးလိုက်တာဖြစ်ပါတယ်။ ဘင်္ဂလားဒေ့ရ်ှနိုင်ငံဟာ ဆင်းရဲခြင်းမျိုးစုံနဲ့ ရုန်းကန်နေရတဲ့ နိုင်ငံတစ်နိုင်ငံ၊ ဒီနိုင်ငံမှာ အလုပ်လုပ်ရင်း ကျွန်တော့်အတွက် တန်ဖိုးရှိတဲ့ အတွေ့အကြုံတွေ အများကြီးရနိုင်တယ်ဆိုတာ ယုံကြည်မိပါတယ်။ ဘင်္ဂလားဒေ့ရ်ှနိုင်ငံရောက်တော့ ပြဿနာအခက်အခဲမျိုးစုံကို ရင်ဆိုင်ဖြေရှင်းခဲ့ရတယ်။ အမှတ်တရကတော့ ရေကြီးတဲ့ဒုက္ခတွေကို ကိုယ်ကိုယ်တိုင် ရင်ဆိုင်ခဲ့ရတယ်။ လူကုံထံတွေနေတဲ့ ရပ်ကွက်မှာ ကျွန်တော်တို့မိသား စုနေထိုင်ခဲ့တယ်။ ရုံးနဲ့အိမ်ကို နာရီဝက်လောက် ကားမောင်းပြီးသွားရတာ။ ရေကြီးတာနဲ့ကြုံရတော့ ရပ်ကွက်တွေအားလုံး ရေတွေမြုပ်ကုန်တယ်။ အိမ်ကနေရုံးကို လှေနဲ့သွားရတဲ့အဖြစ်ကို ရင်ဆိုင်ခဲ့ရတယ်။ ဘင်္ဂလားဒေ့ရ်ှနိုင်ငံမှာ အလုပ်လုပ်ရင်း ကျွန်တော့်ဘဝတစ်လျှောက်လုံးမှာ ရင်ဆိုင်ကြုံတွေ့ရတဲ့ အကြောင်းကိစ္စတစ်ခုကို သုံးသပ်မိခဲ့တယ်။ ကျောင်းတုန်းက စာသိပ်တော်တဲ့သူတွေ လက်တွေ့ဘဝမှာ သိပ်မအောင်မြင်ကြတာတွေ့ရသလို ကျောင်းတုန်းက သူလိုကိုယ်လိုလို့ သတ်မှတ်ခြင်းခံရတဲ့ သူတွေဟာ ဘဝမှာအောင်မြင်နေတာတွေ့ရတယ်။ ဘာကြောင့်ဒီလိုဖြစ်တာလဲ။ ငယ်ငယ်တုန်းက ကိုယ်နားလည်ခဲ့တာက ဉာဏ်ရည်ထက်မြက်တဲ့သူတွေဟာ အောင်မြင်ကြသူတွေ ဖြစ်တယ်လို့ သဘောပေါက်ခဲ့တယ်။ ဒါကြောင့်လည်း မိဘတွေက မိမိရဲ့ ကလေးတွေကို စာသင်ကြတယ်။ ကျောင်းထားကြတယ်။ ဉာဏ်ရည်ဖွံ့ဖြိုးအောင်လုပ်ခဲ့ကြတယ်။ ဒါပေမယ့် ဉာဏ်ရည်တစ်ခုတည်းနဲ့ ဘဝကိုရင်ဆိုင်တဲ့အခါ လုံလောက်မှုရှိရဲ့လား။ ဒီအကြောင်းတွေကိုစဉ်းစားရင် ကံကောင်းထောက်မစွာ ရုံးကစာကြည့်တိုက်မှာပါမောက္ခDaniel Goleman ရေးသားတဲ့ Emotional Intelligence ဆိုတဲ့စာအုပ်ကို ဖတ်ခဲ့ရတယ်။ သူ့ရဲ့စာအုပ်ဖတ်အပြီးမှာ ကျွန်တော်ရှာဖွေနေတဲ့အဖြေကိုရခဲ့ပါတယ်။ သူ့ရဲ့အဆိုအရ လူတစ်ယောက်ရဲ့ အောင်မြင်မှုဟာ ဉာဏ်ရည်ထက်မြက်မှုရှိရုံနဲ့ မလုံလောက်ဘူး။ စာဖတ်သူတွေ သိကြတဲ့အတိုင်း ဉာဏ်ရည်ထက်မြက်မှုကို Intelligence Quotient(IQ) လို့ ခေါ်ဝေါ်သတ်မှတ်ပါတယ်။ ရိုးရိုးပြောရင် IQ သိပ်မြင့်တဲ့သူဟာ သာမန်အားဖြင့် လူတော်လို့သတ်မှတ်ပြီး IQ နိမ့်တဲ့သူကိုတော့ ထိုင်းတဲ့သူ၊ ဉာဏ်ရည်နိမ့်တဲ့သူရယ်လို့ သတ်မှတ်ပါတယ်။ လူတွေရဲ့ IQ ကိုတိုင်းတဲ့အခါ ပျမ်းမျှခြင်း ၈ဝ နဲ့ ၁၂ဝ အကြား ရှိကြတာကို တွေ့ရပါတယ်။ IQ ဟာ ၁၂ဝ ကျော်ရင် ဉာဏ်ကောင်းတဲ့သူလို့ သတ်မှတ်နိုင်ပြီ။ IQ ၈ဝ ထက်နည်းရင် ဉာဏ်ရည်အားနည်းတယ်လို့ ပြောနိုင်ပါတယ်။ ကျွန်တော်တို့လို သာမန်လူသားတစ်ဦးဟာ IQ ၈ဝ နဲ့ ၁၂ဝ အကြားမှာ ရှိနေကြတာတွေ့ရပါတယ်။ ကမ္ဘာပေါ်မှာ အလွန်ထူးခြားတဲ့ အသင်းအဖွဲ့တစ်ခုရှိပါတယ်။ ဒီအသင်းရဲ့ နာမည်က Mensa လို့ခေါ်တယ်။ အသင်းဝင်ခွင့်ရဖို့ IQ ၂ဝဝ ကျော်ရရမှာဖြစ်တယ်။ တော်ရုံတန်ရုံ ဉာဏ်ကောင်းရုံနဲ့တော့ အသင်းဝင်မဖြစ်နိုင်ဘူး။ တစ်ခုတော့ရှိပါတယ်။ အခုလို IQ ကို စစ်ဆေးတဲ့အခါ ပတ်ဝန်းကျင်ယဉ်ကျေးမှုကို အခြေခံတဲ့မေးခွန်းပါဝင်နေတာမို့ bias (ဘက်လိုက်မှု) ရှိနိုင်ပါတယ်။ ဥပမာတစ်ခုအနေနဲ့ IQ စစ်ဆေးတဲ့ မေးခွန်းတစ်ခုက ခွေး၊ ကြောင်နဲ့ ရေဒီယို ဒီသုံးခုဟာ ဘယ်လိုကွာခြားသလဲဆိုပြီး မေးခွန်းထုတ်ထားတယ်။ ရိုးရိုးစဉ်းစားရင်တော့ ခွေးနဲ့ကြောင်ဟာ သက်ရှိ သတ္တဝါတွေဖြစ်ပြီး ရေဒီယိုဟာ သက်မဲ့ပစ္စည်းဖြစ်တယ်။ အဖြေကတော့ လုံးဝမထင်မှတ်တဲ့အဖြေ။ ခွေးနဲ့ ရေဒီယိုအတွက်လိုင်စင်ရှိဖို့လိုပြီး ကြောင်မွေးရင် လိုင်စင်မလိုဘူး။ အင်္ဂလန်နိုင်ငံရဲ့ အနေအထားအခြေအနေကို မသိရင် ဘယ်လိုမှ အဖြေမှန်ကိုရနိုင်မှာ မဟုတ်ပါဘူး။ ပါမောက္ခ Goleman ရဲ့ တွေ့ရှိချက်အရ လူတစ်ယောက်ရဲ့ အောင်မြင်မှုမှာ ဉာဏ်ရည်ထက်မြက်မှုတစ်ခုတည်းနဲ့ မလုံလောက်ဘဲ အီးကျူလို့ခေါ်တဲ့ emotional intelligence လိုအပ်တယ်လို့ အဆိုပြုခဲ့တယ်။ အီးကျူဆိုတာ ဘာလဲ၊အမှန်တကယ်တော့ IQ နဲ့ ယှဉ်စဉ်းစားနိုင်အောင် အီးကျူ (EQ)ဟာ emotional Quotient ကို သုံးစွဲတာဖြစ်ပါတယ်။ EQ မှာ အစိတ်အပိုင်းနှစ်ခု ပါဝင်ပါတယ်။ emotions စိတ်ခံစားမှုနဲ့ စိတ်ခံစားမှုတွေကို ဉာဏ်ရည်သုံးပြီး စီမံခြင်းဖြစ်ပါတယ်။ ကျွန်တော်တို့ လူသားတွေမှာ စိတ်ခံစားမှုတွေရှိပါတယ်။ပျော်တယ်။ စိတ်ညစ်တယ်။ ဝမ်းနည်းတယ်။ မနာလိုဖြစ်တယ်။ ဒေါသထွက်တယ်။ အထီးကျန်ဆန်တယ်။ စိတ်ခံစားမှု အမျိုးမျိုးရှိကြတာပါပဲ။ စိတ်ခံစားမှုမရှိတဲ့သူရယ်လို့ မရှိပါဘူး။ အရေးကြီးတာက အခုလိုပေါ်လာတဲ့ စိတ်ခံစားမှုတွေကို ဉာဏ်ရည်သုံးပြီး ထိန်းချုပ်စီမံခိုင်းဖို့သာ ဖြစ်ပါတယ်။ ရင့်ကျက်တဲ့သူတွေဟာ မိမိရဲ့စိတ်ကို ထိန်းချုပ်နိုင်သူတွေသာဖြစ်ပါတယ်။ လူတစ်ဦးမှာ အမြဲလိုလိုပေါ်ပေါက်တဲ့စိတ်က ဒေါသထွက်ခြင်းဖြစ်တယ်။ ထစ်ခနဲဆို ဒေါသထွက်တတ်ကြတယ်။ အမျက်ကို ရှေ့တန်းတင်ကြတယ်။ ဒါကြောင့် ဂရိပညာရှင်တစ်ဦးက သတိပေးခဲ့တယ်။ လူတွေဟာ မကြာခဏ ဒေါသထွက်ကြတယ်။ ဒါကလွယ်ပါတယ်။ ခက်တာကဘယ်သူ့ကို ဒေါသထွက်ရမယ်။ ဘယ်လောက်ဒေါသထွက်ရမယ်။ ဘယ်အချိန်မှာ ဒေါသထွက်ရမယ်။ ဘာကြောင့်ဒေါသထွက်ရမယ်။ ဒါတွေကို ဆုံးဖြတ်ဖို့တော့ မလွယ်ဘူးလို့ ပြောခဲ့ပါတယ်။ အီးကျူကို နားလည်အောင်ရှင်းပြနိုင်ဖို့ ကျွန်တော်လေးစားမြတ်နိုးတဲ့ အိန္ဒိယခေါင်းဆောင်ကြီးဂန္ဒီနဲ့ပတ်သက်တဲ့ ဥပမာတစ်ခုကို ပေးချင်ပါတယ်။ ဂန္ဒီကြီးကို ကျွန်တော်ကလေးစားတယ်။ ရိုသေတယ်။ အထူးသဖြင့် အကြမ်းမဖက်မှုကို လက်ဆုပ် လက်ကိုင်ထားသူဖြစ်တယ်။ တွေးတာ၊ ပြောတာ၊ လုပ်တာတွေဟာ တစ်သားတည်းရှိတယ်။ မိမိရဲ့ အဝတ်အစားကို ကိုယ်တိုင်ရက်လုပ်တယ်။ သူက နိုင်ငံရေးခေါင်းဆောင်ကြီးမဖြစ်မီ တောင်အာဖရိကနိုင်ငံမှာ ရှေ့နေလုပ်ခဲ့သူဖြစ်တယ်။ ရှေ့နေလုပ်ရင်း နိုင်ငံရေးလှုပ်ရှားမှုတွေမှာလည်း ပါဝင်ခဲ့တယ်။ တစ်နေ့မှာ သူ့ရဲ့အဖွဲ့နဲ့ ရထားဘူတာရုံတစ်ခုမှာ ထွက်ခါနီးရထားတစ်စီးပေါ် အလုအယက်တက်ရင်း ဖိနပ်တစ်ဖက်အောက်ကျသွားတယ်။ အခုလို ဖိနပ်တစ်ဖက်ကျသွားတာကို သိသိချင်းဂန္ဒီက ကျန်တဲ့တစ်ဖက်ကိုကောက်ပြီး ကျသွားတဲ့ ဖိနပ်တစ်ဖက်အနီးကိုရောက်အောင်ပစ်လိုက်တယ်။ သူတပည့်တစ်ယောက်ကဂန္ဒီကြီး ဘာလုပ်တာလဲလို့မေးလိုက်တော့ ဂန္ဒီကြီးကရယ်မောရင်း အခုတော့ ကောက်ရတဲ့သူက ဖိနပ်တစ်ရန်ရသွားပြီပေါ့လို့ ပြောလိုက်ပါတယ်။ စစ်မှန်တဲ့ အီးကျူဖြစ်ပါတယ်။ ကိုယ့်အတွက်မကြည့်ဘဲ တစ်ျဖက်သားအတွက် ငဲ့ညှာနိုင်တဲ့သတ္တိပဲ ဖြစ်ပါတယ်။ ပါမောက္ခ Goleman ရဲ့ စာအုပ်ထဲမှာ အီးကျူနဲ့ ပတ်သက်ပြီး ဆောင်ရွက်ခဲ့တဲ့ သုတေသနတစ်ခုကို ဖော်ပြထားပါတယ်။ မူကြိုအတန်းတစ်တန်းမှာ ဆရာမလုပ်သူက အခုလို သူ့တပည့်ကလေးတွေကို ပြောလိုက်ပါတယ်။ ''ဆရာမအပြင်ခဏလေးသွားမယ်၊ သိပ်မကြာပါဘူး။ ပြန်လာမယ်။ ဆရာမ ပြန်လာတဲ့အထိ စောင့်နိုင်တဲ့သူက သကြားလုံးနှစ်လုံးရမယ်။ မစောင့်နိုင်ရင်တော့ တစ်လုံးပဲရမယ်''ဆိုပြီး သကြားလုံးတွေထည့်ထားတဲ့ဖလားကို စားပွဲမှာတင်ပြီး စာသင်ခန်းထဲက ထွက်သွားခဲ့တယ်။ ကလေးထုံးစံအတိုင်း ဆရာမ အခန်းဝမရောက်မီ သကြားလုံးတစ်လုံးကို အလုအယက်လာယူကြတဲ့သူတွေ ရှိကြတယ်။ ထူးဆန်းတာက လေးငါးနှစ်အရွယ်ရှိတဲ့ ကလေးတွေအနက် ဆရာမပြန်လာတဲ့အထိ သည်းခံပြီးစောင့်နေကြတဲ့ ကလေးတွေရှိခဲ့တယ်။ စောင့်ခဲ့လို့ သူတို့တစ်တွေ သကြားလုံးနှစ်လုံးရသွားခဲ့တယ်။ သုတေသနလုပ်သူက ဒီကလေးတွေကို ဆက်ပြီိး ၂၅ နှစ်တိတိ လေ့လာခဲ့တယ်။ ၂၅ နှစ်ဖြစ်တာမို့ ကလေးတွေဟာ လူကြီးတွေဖြစ်နေပြီ။ အခုလို နှစ်ပေါင်း ၂၅ နှစ်လောက် လေ့လာတဲ့အခါ သကြားလုံးနှစ်လုံးရခဲ့တဲ့ ကလေးတွေဟာ တစ်လုံးတည်းရခဲ့တဲ့ ကလေးတွေထက် အောင်မြင်မှုရတာကို တွေ့ခဲ့ရတယ်။ အောင်မြင်မှုလို့ပြောရာမှာ ငွေကြေးချမ်းသာမှု၊ နာမည်ကျော်ကြားမှု၊ ရာထူးဂုဏ်မြင့်မားမှုစတာတွေနဲ့ တိုင်းတာခြင်းမဟုတ်ဘဲ အိမ်ရှင်မတစ်ယောက်ဖြစ်နေပေမယ့် အောင်မြင်ချမ်းမြေ့တဲ့ အိမ်ရှင်မတစ်ဦးဖြစ်နေတာ၊ သာမန်အလုပ်သမားတစ်ဦး ဖြစ်ပေမယ့် စိတ်ချမ်းချမ်းသာသာနဲ့ လှုပ်ရှားနိုင်သူတွေဖြစ်နေတာ စတာတွေနဲ့ တိုင်းတာခြင်း ဖြစ်ပါတယ်။ အီးကျူကိုသုံးသပ်ရာမှာ အစိတ်အပိုင်းနှစ်ပိုင်းရှိတာတွေ့ရပါတယ်။ တစ်ပိုင်းက ကိုယ်နဲ့ဆိုင်ပြီး ဒုတိယအပိုင်းကတော့ ကိုယ်နဲ့ပတ်သက်ဆက်ဆံတဲ့သူတွေနဲ့ ဆိုင်ပါတယ်။ မိမိနဲ့ပတ်သက်တဲ့နေရာမှာလည်း ကိုယ့်အကြောင်း ကိုယ်သိခြင်းနဲ့ သိပြီးတဲ့အခါ သိရုံသက်သက်မဟုတ်ဘဲ ထိန်းချုပ်နိုင်မှုဖြစ်ပါတယ်။ မိမိနဲ့ပတ်သက်တဲ့လူတွေကို စဉ်းစားတဲ့အခါ တစ်ဖက်က သူတို့အကြောင်း သိရှိအောင်ဆောင်ရွက်ဖို့ လိုအပ်သလို တစ်ဖက်မှာလည်း ထိန်းချုပ်နိုင်စွမ်းရှိရမှာဖြစ်ပါတယ်။ အီးကျူမှာအရေးပါတဲ့ အရည်အချင်းက မိမိအကြောင်းကို မိမိကျကျနန သိနိုင်ခြင်းပဲဖြစ်ပါတယ်။ တစ်နည်းပြောရရင် (Self Awareness) ဖြစ်ပါတယ်။ နောက်တစ်ချက်ကတော့ ကိုယ်ချင်းစာမှု (empathy)ပဲ ဖြစ်ပါတယ်။ ကျွန်တော်ဟာ အခုလို အီးကျူကို နှစ်ပေါင်းများစွာလေ့လာဆည်းပူးခဲ့ပါတယ်။ အီးကျူနဲ့ ပတ်သက်လာရင် ရသလောက်ဆည်းပူးတယ်။ သင်ကြားတယ်။ ဟောပြောတယ်။ အခုလို လေ့လာရင်း လူတစ်ယောက်မှာ ဉာဏ်ရည်ထက်မြက်မှု လေးမျိုးရှိတာကို တွေ့ရပါတယ်။ ပထမဉာဏ်ရည်ကPhysical Intelligence (PQ) ဖြစ်ပါတယ်။ အဓိပ္ပာယ်က ကျန်းမာခြင်းဖြစ်တယ်။ ဒါ့ကြောင့် လူငယ်တွေကို ကျန်းမာရေးလိုက်စားစေချင်တယ်။ ကျန်းမာအောင် အနေအထိုင် အစားအသောက်ဆင်ခြင်စေချင်ပါတယ်။ ဒုတိယဉာဏ်ရည်ထက်မြက်မှုကတော့ ဦးနှောက်ပိုင်းဆိုင်ရာ ဉာဏ်ရည်ထက်မြက်မှုဖြစ်တယ်။ ရိုးရိုးလေးပြောရင်(IQ) ဖြစ်ပါတယ်။ တတိယ ဉာဏ်ရည်ထက်မြက်မှုကတော့ ကျွန်တော်ဆွေးနွေးခဲ့တဲ့ အီးကျူဖြစ်တယ်။ နောက်ဆုံးဉာဏ်ရည်ထက်မြက်မှုကတော့ ယုံကြည်ကိုးကွယ်မှုဆိုင်ရာ ဉာဏ်ရည်ထက်မြက်မှု (Spiritnal Intelligence)။ လူတွေမှာ ဘာသာကိုးကွယ်မှုတွေ မတူညီကြပါဘူး။ မိမိဘာသာကို လေးစားကြည်ညိုကြသလို တခြားဘာသာကိုလည်း အလေးအနက်ထားရမယ်။ နားလည်ရမယ်။ လေးစားဖို့လိုအပ်ပါတယ်။ မိမိဘာသာကို ရှေ့တန်းတင်သလို အခြားဘာသာကိုလည်း အသိအမှတ်ပြုဖို့ ဖြစ်ပါတယ်။ အခုလို ဉာဏ်ရည်ထက်မြက်မှု (၄)မျိုးနဲ့ လူသားတိုင်းပြည့်စုံနိုင် ကြပါစေလို့ ဆုတောင်းမိပါတယ်။ ။
No comments:
Post a Comment