လမ်းမသိသောယင်ကောင်

by ရွှေအိမ်စည်စာကြည့်တိုက် - စာပေဒါနပြုသည် on Thursday, January 3, 2013 at 7:42am ·

မီလ် ခရော့(ဖ) စားသောက်ဆိုင်၏ တတ်ဆိတ်ငြိမ်သက်သော အခန်းတစ်ခုထဲမှာ 

ကျွန်တော် ထိုင်နေသည်။ စားသောက်ဆိုင်က တိုရွန်တို့မြို့ ဘက် တစ်နာရီခြား 

ခရီးလောက်မှာ ရှိနေသည်။ ထင်းရှုးပင် များကြားမှာ ပုန်းလျှိုး တည်ရှိသည့် 

ငြိမ်းချမ်းသော နေရာကလေး။ 

သို့သော် ကျွန်တော်နှင့် သုံးလေးပေအကွာလောက်မှာ သေရေးရှင်ရေးတမျှ အမောတကော ကြိုးပမ်း ရုန်းကန်နေသံတစ်ခု ကျွန်တော်ကြားနေရသည်။

ယင်ကောင်လေးတစ်ကောင် ပြတင်းမှန်ချပ်ကို ဖောက်ထွက်နိုင်ရန် 

အသည်းသန်ကြိုးစားနေခြင်းပင်။ သူ့ ခန္ဓာကိုယ်၌ အကြွင်းကျန်သမျှ စွမ်းအားကို 

ဖြစ်နိုင်စရာ မရှိသည့် သည်အရေးကိစ္စကြီး အတွက် သူဖြုန်းတီးနေသည်။

ညံသထက်ညံလာသည် တောင်ပံခတ်သံက ကြေကွဲဖွယ်ကောင်းလှသည်။ ယင်ကောင်၏ 

လုပ်ငန်းစဉ်ိကို ဖော်ပြနေသည်။ ကြိုးစား၊ မအောင်မြင်လျှင် သည့်ထက် သည့်ထက် 

ပိုကြိုးစား၊ ဟူသော လုံ့လ၀ါဒ လမ်းစဉ်။ သို့သော် လောလောဆယ် သည်လမ်းစဉ်က 

အလုပ်မဖြစ်ပေ။

အသည်း အသန် ကမူးရှူး ထိုးကြိုးစားနေခြင်းကြောင့် သူ့အတွက် 

လွတ်လမ်းပေါ်မလား။ ရှင်သန်မည့် အလားလာလည်း စိုးစဉ်းမျှ မမြင်ရ။ စင်စစ် 

မစဉ်းမစား အားထုတ်ရုန်းကန်သော်လည်း ပြတင်းမှန်ချပ်ကိုကား 

ဖောက်ထွက်လာနိုင်စရာ အကြောင်းမရှိ။

မည်သို့ပင်ဖြစ်စေ ၊ ယင်ကောင်လေးကတော့ သူ့ ရည်မှန်းချက်ပန်းတိုင်သို့ 

ရောက်ရှိရေးအတွက် အသက်ပင်သေသေ ဟူသော စိတ်ဓာတ်မျိုးဖြင့် ကျားကုတ်ကျားခဲ 

အားထုတ်ရုန်းကန်သွားရန် စိတ်ဓာတ်ခိုင်မာလျက် ရှိနေသည်။ 

ဝမ်းနည်းစရာပင် ယင်ကောင်၏ ဘ၀နိဂုံးကို သိမြင်နေရသည်။ သူသည် သည်ပြတင်းပေါက် ဘောင်ပေါ်၌ ပင် သေပွဲဝင်ရမှာ သေချာလျက်ရှိသည်။

စင်စစ်၊ အခန်း၏ တစ်ဖက်ခြမ်း သည်မှန်ပြတင်းမှ ခြေဆယ်လှမ်းခန့် အကွာ၌

 တစ်ခါးတစ်ခုသည် ဟင်းလင်းပွင့်လျက်ရှိသည်။ သုံးလေးစက္ကန့် ပျံသန်းရုံဖြင့် 

ယင်ကောင်ငယ်သည် သူမျှော်လင့်တောင့်တသည့် ပြင်ပ ကမ္ဘာသို့ လှစ်ကနဲ 

ရောက်ရှိသွားနိုင်၏ ။ သည်မှာ အသည်းအသန် အားထုတ်ရုန်းကန်နေသည်ကို 

ခဏလေးနားကာ ဘေးဘီသို့ အသာလှည့်ကြည့် ရုံမျှဖြင့် မိမိဘာသာထည့်သွင်းထားသည့် 

လှောင်ချိုင့် အတွင်းမှ သူလွတ်မြောက်သွားနိုင်၏။ 

မှန်နံရံကို ဖောက်ထွက်နိုင်သော အခွင့်အလမ်း သို့မဟုတ် သည်အခန်းတွင်းမှ 

လွတ်မြောက်နိုင်သော အခွင့်အလမ်းသည် ထိုအနီးနားလေးမှာပင်ရှိ၏။ သိသူအတွက်ကား 

လွယ်ကူလှဘိသည်။

ဇွဲကြီးလှသော ထိုယင်ကောင်သည် အဘယ်ကြောင့်နောက်တစ်မျိုး ပြောင်း၍ 

ကြိုးစားရကောင်းမှန်း မသိခဲ့ပါသနည်း။ သူရွေးချယ်ခဲ့သည့် တစ်ခုတည်းသော 

နည်းလမ်းကို အဘယ်ကြောင့် သည်မျှ သဲသဲမဲမဲ စွဲနေရသနည်း။ သည်နည်းလမ်း 

အတိုင်း ကျားကုတ်ကျားခဲ လုပ်ခြင်းသည်သာ အောင်မြင်မှု ရရန် 

အသေချာဆုံဖြစ်သည်ဟု အဘယ်ကြောင့် သည်မျှ စွဲလမ်းယုံကြည်နေရသနည်း။ 

သေချင်သေပစေ သည်နည်းလမ်းအတိုင်းပဲစွဲစွဲမြဲမြဲ အားထုတ်သွားမည် ဟူသော 

စိတ်သည်ဘယ်သို့သော ကျိုးကြောင်းဆင်ခြင်မှုမျိုးမှပေါ်ပေါက်ခဲ့ သနည်း။

ယင်ကောင်အနေနှင့် တော့ သူ၏ လုပ်ငန်းလမ်းစဉ် သည်ပင်

ကျိုးကြောင်းအသင့်မြတ်ဆုံးလမ်းစဉ် ဖြစ်ချင်ဖြစ်နေပါမည်။ သို့သော်

ဝမ်းနည်းဖွယ်ကောင်းသည်က သူ့အယူအဆ သူ့လုပ်နည်းလုပ်ဟန်သည် 

အသက်ဆုံးရှုံးခြင်းဖြင့် နိဂုံးချုပ်ရမည့် အယူအဆမျိုး 

လုပ်နည်းလုပ်ဟန်မျိုး ဖြစ်နေခြင်းပင်။ 

ကြိုးစား ၊ မအောင်မြင်လျှင် သည့်ထက် သည့်ထက် ပိုကြိုးစား၊ ဟူသော နည်းသည်

အမြဲသင့်တော်မှန်ကန်သည့် အဖြေ နည်းလမ်းမဟုတ်ပါ။ သည်ဝါဒတစ်ခုတည်း ကို 

အားကိုးပြုထားရုံဖြင့် သင်၏ဘ၀ ရည်မှန်းချက်တွေထမြောက်အောင်မြင်လမ့်မည်ဟု 

စိတ်ချယုံကြည်၍ မရ ပါ ။ စင်စစ် သည်လမ်းစဉ်ကို တရားသေ 

ကိုင်စွဲခြင်းကြောင့်ပင် ပြဿနာတွေ ရင်ဆိုင်လာရနိုင်ပါသည်။

နည်းလမ်းကို ပြန်လှန်သုံးသပ်မှူု မပြု၊ ပြုပြင်ပြောင်းလဲရန်လည်း

မကြိုးစား၊ ၀ီရိယကို အမြင့်ဆုံးတင်နိုင်လျှင် ရှိသမျှ အတားအဆီး ကို 

ဖောက်ထွက် ကျော်လွှားနိုင်ရမည် ဟူသောအစွဲဖြင့် လုပ်ကိုင်သွားမည်ဆိုက 

မအောင်မြင်ရုံမက အောင်မြင်သည့် အခွင့်လမ်းများစွာ ကိုပင် မိမိဘာသာ 

ဖျက်ဆီးပစ်မိနိုင်ပေသည်။

ကြိုးစားပါလျက် ဖောက်ထွက်၍မရသည့် အခါတိုင်း ယင်ကောင် ကို သတိရပါ ။ 

မူရင်း ။ ။ Price Pritchett ၏ Try Something Different

http://www.facebook.com/shweaeimsi(ဤ ဆိုဒ် ရှိစာများ ကို မူရင်းစာရေးသူ ၏ အမည်မဖျက်ဘဲ စိတ်ကြိုက်ယူသုံးနိုင်ပါသည်)