by Myanmar Journal on Friday, September 28, 2012 at 7:08pm ·
ဝန်ကြီးကလင်တန်နဲ့ Congress အမတ်တွေ မြန်မာ့အရေးညှိနှိုင်း
ဗွီအိုအေ (မြန်မာပိုင်း) 28.09.2012
မြန်မာနိုင်ငံအပေါ် အမေရိကန်ပြည်ထောင်စုဖက်က အရေးယူပိတ်ဆို့မှုတွေကို လျှော့ပေါ့ပေးတဲ့နေရာ မှာရော မြန်မာနဲ့ စီးပွားရေး ဆိုင်ရာ ခြေလှမ်းတွေလှမ်းတဲ့ နေရာမှာပါ၊ Congress လွှတ်တော်က အဓိကအရေးပါသူတွေနဲ့ အနီးကပ်တိုင်ပင်ဆွေးနွေး၊ သေသေချာချာ ချင့်ချိန်၊ တဆင့်ချင်း ဆင်ခြင်ပြီးတော့မှ လုပ်တာဖြစ်ပါတယ် လို့ အမေရိကန်ပြည်ထောင်စု အရှေ့အာရှနဲ့ ပစိဖိတ် ရေးရာ လက်ထောက် နိုင်ငံခြားရေးဝန်ကြီး Kurt Campbell ကပြောလိုက်ပါတယ်။
သောကြာနေ့က NY မြို့မှာပြုလုပ်တဲ့ အာရှ Pacific ဒေသဆိုင်ရာ အမေရိကန် နိုင်ငံခြားရေးမူဝါဒဆိုင်ရာ သတင်းစာရှင်းလင်းပွဲမှာ Mr. Campbell က ခုလိုပြောကြားခဲ့ တာဖြစ်ပါတယ်။ မြန်မာနိုင်ငံကိစ္စနဲ့ ပါတ်သက်လို့ အထက်လွှတ်တော်မှာရော အောက်လွှတ်တော်မှာပါ သြဇာညောင်းတဲ့ လွှတ်တော် အမတ်တွေနဲ့ နိုင်ငံခြားရေးဝန်ကြီး Hillary Clinton တို့ကြား ပုံမှန် ဆွေးနွေးမှုတွေ ရှိနေတယ်လို့လဲ အရှေ့အာရှနဲ့ Pacific ရေးရာ လက်ထောက် နိုင်ငံခြားရေးဝန်ကြီးက သတင်းစာရှင်းလင်းပွဲမှာ ပြောသွားပါတယ်။
ဒါ့အပြင် မြန်မာနိုင်ငံအပေါ် အမေရိကန်ရဲ့ ထိတွေ့ဆက်ဆံရေးလုပ်ငန်းတွေအပေါ်မှာ အင်မတန် စိတ်ဝင်စားနေကြတဲ့ မြန်မာနိုင်ငံ ပြည်တွင်း ပြည်ပက ပုဂ္ဂိုလ်တွေနဲ့လဲ အနီးကပ်တိုင်ပင်ဆွေးနွေးပြီးမှ လုပ်တာဖြစ်တယ် ဆိုတာပြောဆိုသွားတဲ့ အပြင် ဒေါ်အောင်ဆန်းစုကြည်နဲ့လဲ အသေးစိတ်ဆွေးနွေးပြီးတော့ မှ ပိတ်ဆို့ အရေးယူမှုတွေကို လျှော့ပေါ့တာဖြစ်တယ်လို့ သတင်းစာရှင်းလင်းပွဲမှာ ပြောသွားပါတယ်။
အမေရိကန်ပြည်ထောင်စုက တာဝန်သိစွာလုပ်နေတဲ့ လုပ်ငန်းစဉ်တွေကို ဥရောပနိင်ငံတွေနဲ့ရော အာရှ Pacific ဒေသနိုင်ငံတွေနဲ့ပါ ညှိုနှိုင်းပြီးလုပ်တယ်ဆိုတာကိုလဲ ခုခံပြောသွားပါတယ်။ ပိတ်ဆို့ဒဏ်ခတ်ခံထားရတဲ့ နိုင်ငံတခုက အရေးယူဒဏ်ခတ်မှုတွေကို ဖယ်ရှားတဲ့နေရာမှာ ဥပဒေဆိုင်ရာ နောက်ကြောင်းနဲ့ တိုင်ပင်ဆွေးနွေးမှုတွေကို ထူးထူးကဲကဲ မလုပ်ရင်တော့ စိန်ခေါ်မှုတွေ ကြုံရမှာဖြစ်တယ်လို့ အမေရိကန်ပြည်ထောင်စု အရှေ့အာရှနဲ့ Pacific ရေးရာ လက်ထောက် နိုင်ငံခြားရေးဝန်ကြီး Kurt Campbell က သတင်းစာရှင်းလင်းပွဲတခုမှာ မြန်မာနိုင်ငံနဲ့ ပါတ်သက်ပြီး ပြောကြားသွားခဲ့ပါတယ်။
စစ်တွေမြို့မှာ တင်းမာမှုတွေ ထပ်ဖြစ်
စစ်တွေ မြို့မှာ အပျက်အစီး တွေကို မပြင်နိုင် သေးဘဲ တင်းမာမှု တွေလည်း ရှိနေဆဲ
ရခိုင်ပြည်နယ် စစ်တွေမြို့မှာ ဈေးရောင်းတဲ့ ဆယ်ကျော်သက် အရွယ် လူငယ် တဦး ပြောက်ဆုံး နေတယ် ဆိုတဲ့ သတင်းတွေ ပျံ့နှံ့ ခဲ့ရာ ကနေ မူဆလင် တွေ နေထိုင်တဲ့ အောင်မင်္ဂလာ ရပ်ကွက် အနီးမှာ ရခိုင် လူမျိုးတွေ စုရုံး ခဲ့ကြ ပါတယ်။
အလားတူ စစ်တွေ မြို့ပေါ်က ဗလီတခု ကိုလည်း လူစု လူဝေးနဲ့ သွားရောက် ခဲ့တဲ့ အတွက် နောက်ထပ် ထိပ်တိုက် ရင်ဆိုင်မှုတွေ ဖြစ်လာ နိုင်တယ် ဆိုတဲ့ စိုးရိမ်မှုတွေ ဖြစ်ခဲ့ ပါတယ်။
စစ်တွေ တဖက်ကမ်း ကျေးတောရွာမှာ နေထိုင်တဲ့ ရေခဲချောင်းသည် မောင်အောင်နိုင်ဦး ကို မူဆလင် တွေက သတ်လိုက်တယ် ဆိုတဲ့ သတင်း ထွက်ခဲ့ တာပါ။
ရခိုင်ပြည်နယ် အစိုးရ သတင်း ထုတ်ပြန်ရေး အဖွဲ့ဝင်တဦး ဖြစ်တဲ့ ဦးဝင်းမြိုင် ကတော့ အဲဒီ ကလေးကို ပြန်တွေ့ပြီ ဖြစ်ပြီး ဒါဟာ နားလည်မှု လွဲမှား တာသာ ဖြစ်တယ်လို့ ဘီဘီစီ ကို ပြောပါတယ်။
မူဆလင်တွေ သောကြာနေ့ ဗလီ ဆင်းတဲ့ အချိန်မှာ လူပျောက်တယ် ဆိုတဲ့ သတင်းကြောင့် ရခိုင် လူမျိုး ထောင်နဲ့ချီပြီး သွားဝိုင်းခဲ့ကြတယ် ဆိုတာနဲ့ ပတ်သက်ပြီး မေးရာမှာတော့ ဟုတ်မှန်ကြောင်း သူက ပြောပါတယ်။
အောင်မင်္ဂလာ ရပ်ကွက်မှာ ရှိနေတဲ့ မူဆလင်တဦးကတော့ ဒီလူငယ် အသတ်ခံရတယ် ဆိုတာ မဟုတ်ကြောင်းနဲ့ ရသေ့တောင် မြို့မှာ ရခိုင် တိုင်းရင်းသားတွေ စုရုံးပြီး ညီလာခံကျင်းပ ခဲ့ကြပြီး တဲ့နောက် သူတို့အပေါ် ခြိမ်းခြောက်မှုတွေ ရှိခဲ့တယ်လို့ ပြောပါတယ်။
စစ်တွေ၊ ဘူးသီးတောင် နဲ့ မောင်တော ဒေသတဝိုက်မှာ နေထိုင်ကြတဲ့ မူဆလင် အများစုကို ရခိုင် တိုင်းရင်းသား တွေက ဘင်္ဂါလီတွေလို့ ဆိုကြပြီး အဲဒီမူဆလင် တွေကတော့ သူတို့ဟာ ရိုဟင်ဂျာ တွေဖြစ်တယ်လို့ ဆိုပါတယ်။
ညနေပိုင်းမှာတော့ လမ်းပေါ်မှာ စုဝေးနေကြ သူတွေ လူစုခွဲပြီး ပြန်ကုန် ကြပြီလို့ ဦးဝင်းမြိုင်က ဆိုပါတယ်။
သူက အခြေအနေ တည်ငြိမ် နေတဲ့ သဘောမျိုး ပြောပေမယ့် ညမထွက်ရ အမိန့်ထုတ် ထားတဲ့ အချိန်အထိ အင်ဘာလာ ရပ်ကွက်မှာ လူ ၁၀၀ လောက် လုံခြုံရေး အဖွဲ့တွေနဲ့ ထိပ်တိုက် ရင်ဆိုင်မှုတွေ ဖြစ်နေတယ် လို့ ကိုယ်တိုင် မြင်ခဲ့ရသူ ဦးသိန်းထွန်းအေးက ပြောပါတယ်။
သူတို့က ဒီကလေးဟာ သေဆုံးခဲ့ပြီလို့ ယူဆနေပြီး အလောင်းကို ထုတ်ပေးပါ လို့ တောင်းဆို နေကြ တယ်လို့ သူက ပြောပြပါတယ်။
ဒါ့အပြင် အစိုးရကိုလည်း မူဆလင်တွေဘက် လိုက်တယ်ဆိုပြီး သူတို့က စွပ်စွဲ အော်ဟစ်ခဲ့ကြကြောင်း ပြောပါတယ်။
ပျောက်ဆုံးနေတယ် ဆိုတဲ့ မောင် အောင်နိုင်ဦးဟာ ညနေပိုင်းမှာ သူ့နေအိမ်ကို ပြန်ရောက်လာတာမို့ သူ့ကိုခေါ်ပြီး ထုတ်ပြခဲ့ ပေမယ့် ဒါဟာ အောင်နိုင်ဦး အစစ် မဟုတ်ဘူး ဆိုပြီး လုံခြုံရေး နဲ့ ထိပ်တိုက်ဖြစ်နေတဲ့ လူအုပ်က လက်မခံ ခဲ့ဘူးလို့ ဒီပဋိပက္ခကို ကူညီ ဖြေရှင်း ပေးနေတဲ့ ရခိုင် တိုင်းရင်းသားများ တိုးတက်ရေး ပါတီက စစ်တွေမြို့နယ် ပြည်နယ် လွှတ်တော် အမတ် ဦးအောင်မြကျော် ကပြောပါတယ်။
ဒါပေမယ့် ညမထွက်ရ အမိန့် ရှိတာကြောင့် နောက်ပိုင်းမှာ လူစုခွဲပြီး အိမ်ပြန်ကြ လိမ့်မယ်လို့ ထင်ကြောင်း ဦးအောင်မြတ်ကျော် ကပြောပါတယ်။
မြန်မာနိုင်ငံမှာ ကလေးစစ်သား အသုံးပြုမှု ရှိနေသေး
ယူကေ အခြေစိုက် NGO အဖွဲ့တစည်း တခုဖြစ်တဲ့ Child Soldiers International က မြန်မာနိုင်ငံ အပါအဝင် နိုင်ငံ တော်တော်များများမှာ ကလေးစစ်သား အသုံးပြုမှုတွေ ရှိနေသေးတဲ့ အကြောင်း နောက်ဆုံး ထုတ်ဝေတဲ့'Louder than Words'လို့ အမည်ပေးထားတဲ့ အစီရင်ခံစာ မှာ ဖော်ပြပါရှိ ပါတယ်။
၂၀၁၀ ခုနှစ် ဇန်နဝါရီလကနေ ၂၀၁၂ ခုနှစ် ဇွန်လအထိ ၂ နှစ်ခွဲ ကာလအတွင်း မြန်မာနိုင်ငံ အပါအဝင် နိုင်ငံပေါင်း ၁၀ နိုင်ငံမှာ အသက် ၁၈ နှစ်အောက်အရွယ်တွေကို စစ်သားအဖြစ် အသုံးပြုမှုတွေ ရှိနေသေးတဲ့အကြောင်း Louder than words ဆိုတဲ့ အစီရင်ခံစာက ရေးသား ဖော်ပြထားပါတယ်။
ကလေးစစ်သား အသုံးပြုမှု အရေအတွက် ဘယ်လောက် ရှိသလဲလို့ Child Soildiers International အဖွဲ့ရဲ့ ပြောခွင့်ရသူကို မေးကြည့်တော့ အရေအတွက်အားဖြင့် အတိအကျပြောဆိုဖို့ အလွန်ခက်ခဲတဲ့ အကြောင်း၊ ဒါကလည်း သက်ဆိုင်ရာ အစိုးရက လွတ်လပ်တဲ့ စောင့်ကြည့်လေ့လာမှုတွေ လုပ်ခွင့် မပေးထားတာက အဓိက အကြောင်းအရင်း ဖြစ်ကြောင်းနဲ့ အရင်ကထက် စာရင် မြန်မာအစိုးရ အနေနဲ့ ပိုပြီး ပူးပေါင်း ဆောင်ရွက်မှုတွေ လုပ်လာတယ်လို့ အဲဒီ ပြောခွင့်ရသူက ပြောပါတယ်။
၁၈နှစ်အောက် အရွယ်တွေကို မြန်မာ့ တပ်မတော် ကနေ အသုံးပြုမှု ရှိနေရုံသာ မက ပြည်တွင်းက လက်နက်ကိုင် အင်အားစုတွေ ကလည်း အလားတူ အသုံးပြမှုတွေ ရှိနေတယ်လို့ အစီရင်ခံစာမှာ ပါရှိပါတယ်။
မြန်မာ့ ဥပဒေအရ အရွယ် မရောက်သေးသူတွေကို စစ်သားအဖြစ် အသုံးပြုခွင့် မရှိတဲ့ အတွက် အရွယ်မရောက်သေးသူတွေကို စစ်သားအဖြစ် အသုံးပြုခဲ့ရင် စုဆောင်းခဲ့တဲ့ တာဝန်ရှိသူတွေကို ထိထိရောက်ရောက် အရေးယူတာမျိုး တွေကို မတွေ့ဘူးလို့ သူက ဆက်ပြီးထောက်ပြ ပြောဆို သွားပါတယ်။
ကလေးစစ်သား ပပျောက်ရေးဆိုင်ရာ ဥပဒေပြဌန်းချက် ရှိရမယ် ၊ အသက်အရွယ်နဲ့ ပတ်သက်ပြီး တိတိကျကျ စီစစ်ရမယ် ၊ တာဝန်ခံမှု၊ တာဝန်ယူမှု ရှိရပါမယ် ၊ နောက်ပြီး ကလေးစစ်သားအဖြစ် စုဆောင်းတဲ့ တာဝန်ရှိသူတွေကို ထိထိရောက်ရောက် အရေးမယူဘူးဆိုရင်တော့ ဒီကိစ္စတွေဆက်ပြီး ဖြစ်နေမယ်လို့ ပြောခွင့်ရသူက ဆိုသွားပါတယ်။
Child Soildiers International ရဲ့ ရှေးလုပ်ငန်းစဉ်တွေနဲ့ ပတ်သက်ပြီး မေးကြည့်တဲ့ အခါမှာတော့ သူတို့ရဲ့ Louder than Words အစီရင်ခံစာကို မြန်မာ အစိုးရထံ တင်ပြမှာ ဖြစ်သလို ကလေးစစ်သား ပပျောက်ရေးအတွက် သူတို့ရဲ့ အချက် ၁၀ ချက်ပါ အကြံပေးချက်တွေကို အစိုးရအနေနဲ့ လုပ်ဆောင်သွားနိုင်အောင်လည်း ပူးပေါင်း လုပ်ဆောင်သွားမှာ ဖြစ်ကြောင်း Child Soildiers International ရဲ့ ပြောခွင့်ရသူက ဘီဘီစီကို ပြောသွားပါတယ်။
မူဂျာ ဟီဒင်ကို အကြမ်းဖက် အဖွဲ့ သတ်မှတ်ထားရာက ပယ်ဖျက်
အီရန်က အတိုက်အခံ အဖွဲ့တခု ဖြစ်တဲ့ ပြည်သူ့ မူဂျာ ဟီဒင် အဖွဲ့ MEK ကို အမေရိကန် ပြည်ထောင်စုက အကြမ်းဖက် အဖွဲ့အဖြစ် သတ်မှတ်ထား ရာက ပယ်ဖျက် ပေးလိုက်ပါတယ်။
ဒီအဖွဲ့ဟာ သူတို့ရဲ့ အကြမ်းဖက်မှု စွန့်လွှတ်ပြီး အပြင်းအထန် အမေရိကန် အစိုးရနဲ့ ညှိနှိုင်း ခဲ့ပြီးတဲ့နောက် အခုလို ကြေညာချက် ထွက်ပေါ်လာတာဖြစ်ပါတယ်။
၁၉၆၀ ခုနှစ်တုန်းက စတင် ထူထောင်ခဲ့ပြီး ရှားဘုရင် အုပ်ချုပ်မှုကို ဆန့်ကျင်ခဲ့တဲ့ ဒီမူဂျာဟီဒင် အဖွဲ့ရဲ့ ပိုင်ဆိုင်မှု ထိန်းချုပ်ထားတာကို အမေရိကန် က လျော့ပေါ့ ပေးတော့မှာ ဖြစ်ပြီး အဲဒီ အဖွဲ့နဲ့လည်း ဆက်သွယ် ဆောင်ရွက်တော့မှာ ဖြစ်ပါတယ်။
၁၉ရ၉ ခုနှစ် အစ္စလာမ် တော်လှန်ရေး နောက်ပိုင်းမှာ ဒီအဖွဲ့ဟာ အီရတ်မှာ အခြေစိုက် စစ်ရေး လေ့ကျင့် သင်တန်းပေးမှုတွေ ပြုလုပ်ပြီး အီရန်မှာ ဘာသာရေး အဖွဲ့အစည်းက အုပ်ချုပ်မှုတွေကို တိုက်ပွဲ ၀င်နေတာ ဖြစ်ပါတယ်။
အခုတော့ ငြိမ်းချမ်းတဲ့နည်းနဲ့ လက်ရှိ အီရန် အစိုးရကို ဖယ်ရှား ချင်တယ်လို့ အဲဒီ MEK အဖွဲ့က ပြောပါတယ်။
အီရန် အစိုးရကတော့ အမေရိကန်ရဲ့ ဆုံးဖြတ်ချက်ကို ရှုတ်ချ လိုက်ပါတယ်။
စပိန်ဘဏ်တွေ ယူရို ဘီလီယံ ငါးဆယ်ထပ်လို
စပိန်မှာ ဘဏ်တွေဟာ နောင်မှာ စီးပွားရေး အကြပ်အတည်း ဆိုက်မှုဒဏ်ကို ခံနိုင်ဖို့ နောက်ထပ် ယူရို ဘီလီယံ ငါးဆယ်လောက် လိုလိမ့်မယ်လို့ လွတ်လပ်တဲ့ သီးခြား စာရင်းစစ် အဖွဲ့ တခုက တွက်ချက် ခန့်မှန်း ခဲ့ပါတယ်။
တောင့်တင်းတဲ့ ဘဏ္ဍာရေး စံနစ်ကို ချမှတ်နိုင်တော့မှာ ဖြစ်တဲ့ အတွက် ဈေးကွက် မတည်မငြိမ် ဖြစ်အောင် ဖန်တီးမယ် အခြေအနေ မရှိနိုင်တော့ပါဘူးလို့ စပိန် ဘဏ္ဍာရေး ၀န်ကြီး FERNANDO JIMENEZ LATORRE က ပြောပါတယ်။
ဒီတွေ့ရှိချက်တွေကြောင့် စပိန် အစိုးရ အနေနဲ့ ဥရောပ သမဂ္ဂ ဆီကနေ ကယ်ဆယ်ရေး ကူညီငွေ ဘယ်လောက် လိုမလဲ ဆိုတာကို အဆုံးအဖြတ် ပေးနိုင်မှာ ဖြစ်ပါတယ်။
အဆိုးရွားဆုံး အခြေအနေ အပေါ် ခန့်မှန်းသုံးသပ်ချက်က အရင်တွက်ချက် ထားတာတွေနဲ့ တထပ်တည်း ကိုက်ညီမှု ရှိခဲ့ပြီး ယူရိုဇုန် အဖွဲ့ဝင် နိုင်ငံတွေက စပိန်ကို ယူရိုဘီလီယံ တရာ ကယ်ဆယ် ကူညီဖို့ ပြီးခဲ့တဲ့ ဇွန်လတုန်းကဘဲ သဘောတူခဲ့တာ ဖြစ်ပါတယ်။
ကရင်အမျိုးသားအစည်းအရုံး အတွင်း သဘောထားကွဲ
စက်တင်ဘာလဆန်းက KNU နဲ့ အစိုးရ အကြား တတိယအကြိမ် ဆွေးနွေးမှုတွေ ပြုလုပ်ခဲ့
KNU အဖွဲ့ရဲ့ လက်နက်ကိုင် တပ်ဖွဲ့ဖြစ်တဲ့ KNLA စစ်ဦးစီးချုပ် ဗိုလ်ချုပ်ကြီး မူတူးစေးဖိုး ဦးဆောင်တဲ့ အဖွဲ့ဟာ ဘားအံမြို့မှာ ဗဟို ဆက်ဆံရေး ရုံးဖွင့်ဖို့ ထွက်ခွာ သွားတာဟာ KNU ဗဟိုရဲ့ ဆုံးဖြတ်ချက် မပါဘဲ သွားရောက် တာ ဖြစ်တယ်ဆိုတဲ့ ကြေညာချက်ထွက် ပေါ်လာပါတယ်။
KNU ဗဟိုအလုပ်အမှုဆောင် ကော်မတီဝင် ၁၁ ဦး ရှိတဲ့ အထဲက ဗိုလ်ချုပ်ကြီး မူတူးစေးဖိုး၊ ပဒိုဒေးဗစ်ထောနဲ့ ပဒိုရောဂျာ တို့ သုံးဦးဟာ သူတို့ သဘောနဲ့ သူတို့ လုပ်ဆောင်သွားတာ ဖြစ်တယ်လို့ KNU တွဲဖက် အထွေထွေ အတွင်းရေးမှူး (၁) ဗိုလ်မှူးစောလှငွေ က ဘီဘီစီကို ပြောပါတယ်။
ဒါဟာ စုပေါင်း ခေါင်းဆောင်မှုနဲ့ ဗဟိုက ချမှတ်ထားတဲ့ အစည်းအဝေး ဆုံးဖြတ်ချက် တွေကို အလေးမထားပဲ လုပ်ဆောင်တာ ဖြစ်လို့ အရေးယူဖို့ ကိစ္စကိုတော့ စဉ်းစား ဆွေးနွေးဆဲ ဖြစ်တယ်လို့ ဗိုလ်မှူးစောလှငွေက ပြောပါတယ်။
KNU အဖွဲ့အစည်းမှာ ၄ နှစ် တကြိမ်ပြုလုပ်တဲ့ ကွန်ဂရက်က အမြင့်ဆုံး အာဏာပိုင် ဖြစ်ပြီး၊ အဲဒီ ကွန်ဂရက် ရွေးချယ် တင်မြောက် လိုက်တဲ့ ဗဟို ကော်မတီဝင် ၄၅ ဦးဟာ နိုင်ငံရေး စစ်ရေး အတွက် အမြင့်ဆုံး အာဏာပိုင်အဖွဲ့ ဖြစ်တယ်လို့ သူကပြောပါတယ်။
ဗဟိုကော်မတီ အစည်းအဝေးကို တနှစ်တကြိမ် ပုံမှန် ပြုလုပ်ပြီး ဗဟို ကော်မတီ ဝင်တွေ မအားလပ်တဲ့ အချိန်မှာ ၁၁ ဦး ပါဝင်တဲ့ ဗဟို အလုပ် အမှုဆောင် ကော်မတီ EC ကို တာဝန် လွှဲထားတာ ဖြစ်တယ်လို့ ဆိုပါတယ်။
ဘိုရှီလိုင် တရုတ်ကွန်မြူနစ်ပါတီက ဖယ်ရှားခံရ
ဘိုရှီလိုင် တရုတ် ကွန်မြူနစ်ပါတီက ဖယ်ရှား ခံပြီး အဂတိ လိုက်စား မှုတွေနဲ့ ဆက်ပြီး စစ်ဆေး တော့မယ့် အကြောင်း တရုတ် အစိုးရ ပိုင် ရှင်ဟွာ သတင်း ဌာနက သတင်း ထုတ်ပြန် လိုက်တဲ့အတွက် တချိန်က တရုတ် ကွန်မြူနစ် ပါတီကို ဦးဆောင် လာနိုင်တယ်ဆိုပြီး ထင်ကြေးပေး ခံထားရတဲ့ ထိပ်တန်း တရုတ် နိုင်ငံသမား ဘိုရှီလိုင်နဲ့ ရှေးရေးနဲ့ ပတ်သက်ပြီး ခန့်မှန်း ပြောဆိုမှုတွေ အဆုံးသတ်သွားပါပြီ။
ဇာတ်လမ်းကတော့ ဗြိတိသျှလူမျိုး စီးပွားရေးသမား Neil Heywood အသတ်ခံရတဲ့ ကိစ္စ ကနေ စတင်တာပါ။
ဘိုရှီလိုင်လက်အောက်မှာ တာဝန်ထမ်းဆောင်တဲ့ ရဲအကြီးအကဲ ဝမ်လီဂျန်က ဖေဖော်ဝါရီလတုန်းက အမေရိကန် ကောင်စစ်ဝန်ရုံးကို ပြေးပြီး ဘိုရှီလိုင်ရဲ့ ဇနီးသည်ဟာ လူသတ်မှုမှာ ပါဝင်ပတ်သက်တယ်ဆိုပြီး ဖွင့်ချလိုက်ပါတယ်။ အဲဒီသတင်းတွေထွက်လာတော့ ကွန်မြူနစ်ပါတီကနေ ဘိုရှီလိုင်ကို ပြီးခဲ့တဲ့ ဧပြီလတုန်းကရာထူးကနေ ခဏအနားပေးထားခဲ့တာပါ။
အဲဒီအမှုကို စစ်တော့ ဘိုရှီလိုင်ရဲ့ ဇနီး ဂူကိုင်လိုင်က လည်း ဗြိတိသျှလူမျိုး စီးပွားရေးသမား Neil Heywood ကို သတ်ဖြစ်မှုမှာ အပြစ်ရှိကြောင်း ဝန်ခံလိုက်ပါတယ်။ အဲဒီအတွက် သူမကို ဆိုင်းငံ သေဒဏ် သြဂုတ်လလည်တုန်းက ချမှတ်ခဲ့ပါတယ်။
အလားတူပဲ ဒီအမှုကို စဖော်တဲ့ ရဲအကြီးအကဲ ဝမ်လီဂျန်ကိုလည်း အာဏာအလွှဲသုံးစားလုပ်မှု၊ အဂတိလိုက်စားမှု၊ လူသတ်မှုကို ဖုံးကွယ်မှုတွေ၊ ဘက်ပြောင်းပြေးမှုတွေနဲ့ ထောင်ဒဏ် ၁၅ နှစ်ကို ပြီးခဲ့တဲ့ ရက်ပိုင်းကပဲ ချမှတ်ခဲ့ပါတယ်။ အခုလို အဖြစ်အပျက်တွေကြောင့် ဘိုရှီလိုင်ရဲ့ တောက်ပမယ့် အနာဂတ် ပျက်သွားပြီး သူရဲ့ အနာဂတ်နဲ့ ပတ်သက်ပြီး အမျိုးမျိုး သုံးသပ်နေခဲ့ကြပါတယ်။
အခုတော့ ဘိုရှီလိုင်ကို အာဏာအလွှဲသုံးစားလုပ်မှု၊ အဂတိလိုက်စားမှု၊ လူသတ်မှုကို ဖုံးကွယ်မှု၊ အမျိုးသမီးတွေနဲ့ မလျော်မကန် ပတ်သက်မှု စတဲ့ ဥပဒေချိုးဖောက်မှုတွေနဲ့ တရားစွဲလိုက်ပါပြီ။
လာမယ့် နိုဝင်ဘာလကျရင် တရုတ်ကွန်မြူနစ်ပါတီဟာ ခေါင်းဆောင်ပိုင်း အပြောင်းအလဲ လုပ်ဖို့ ရှိပါတယ်။ ဒါဟာ ဆယ်စုနှစ်တခုမှာ တကြိမ်သာ လုပ်လေ့ရှိပြီး အဲဒီမတိုင်ခင် အခုလို နိုင်ငံရေး အရှုပ်အရှင်းတွေကို တရုတ်ကွန်မြူနစ်ပါတီက အပြီးသတ်ရှင်းလင်းရေးလုပ်တာလို့ ဘေဂျင်းက ဘီဘီစီ သတင်းထောက် Martin Patience က ပြောပါတယ်။
အီရန် အဏုမြူ ရေး အစ္စရေး သတိပေး
အီရန် အဏုမြူ စီမံကိန်း ဗုံးပုံ လို ဆွဲပြ
အီရန် ကို မတားဆီး နိုင်ခဲ့ရင် ပထမ ဆုံး အဏုမြူ ဗုံး ထုတ်ဖို့ နောက် နှစ် လောက်မှာ သန့်စင်ပြီး ယူရေနီယမ် အလုံ အလောက် ရှိနေ နိုင်ပြီလို့ အစ္စရေး ဝန်ကြီးချုပ် ဘန်ဂျမင် နေတန်ညာဟု က သတိပေး လိုက်ပါတယ်။
အီရန် အဏုမြူ ဗုံး မထုတ်နိုင်ဖို့ ထိထိရောက်ရောက် တားဆီးနိုင်တဲ့ တခုထဲသော နည်းကတော့ ဗုံးလုပ်ဖို့ လိုတဲ့ သန့်စင်ပြီး ယူရေနီယမ် တွေ စုဆောင်းလို့ မရအောင် တားဆီးဖို့ပဲ ဖြစ်တယ်လို့ မစ္စတာ နေတန်ညာဟုက ပြောကြား ခဲ့ပါတယ်။
ကုလ သမဂ္ဂ အထွေထွေ ညီလာခံမှာ အစ္စရေး ဝန်ကြီးချုပ် ဘန်ဂျမင် နေတန်ညာဟု က အီရန် အဏုမြူ စီမံကိန်း အဆင့်ဆင့်ကို ပုံကြမ်း ဆွဲထားတဲ့ ဗုံးတလုံး ပုံကို ထောက်ပြရင်း အီရန် အဏုမြူ ရည်မှန်းချက် တွေအောက်မှာ မင်နီ တားရတော့မယ် လို့လဲ ပြောပါတယ်။
အီရန် အဏုမြူ ဗုံး မပိုင်ဆိုင်ရေး အတွက် အစ္စရေးနဲ့ အမေရိကန် တို့ ပူးတွဲ ဆောင်ရွက် နိုင်ကြမယ်လို့ ယုံကြည် ပေမယ့် ဒီလို လုပ်ဖို့ သိပ် နောက်ကျ နေပြီလို့လဲ သူက ဆိုပါတယ်။
အဏုမြူ ဗုံး လုပ်ဖို့ထိ မရှိဘူးလို့ အီရန် ကတော့ ငြင်းဆို နေဆဲ ဖြစ်ပါတယ်။
မြန်မာနိုင်ငံ ပြုပြင်ရေး မိတ်ဆွေနိုင်ငံများ ဆက်ကူမည်
ဗွီအိုအေ (မြန်မာပိုင်း)
28.09.2012
ကုလသမဂ္ဂအတွင်းရေးမှူးချုပ် ဘမ်ကီမွန်းဟာ ဒီကနေ့ သောကြာနေ့ ညနေပိုင်းမှာ မြန်မာ့ မိတ်ဆွေနိုင်ငံများ အဖွဲ့က သံအမတ်ကြီးတွေ နဲ့ တွေ့ဆုံပြီးတော့ မြန်မာ့အရေး ကို ဆွေးနွေးခဲ့ပါတယ်။
လက်ရှိ မြန်မာနိုင်ငံ ရဲ့ တိုးတက်မှုတွေကို ဆွေးနွေးသုံးသပ်ကြပြီးတော့ နောင်ကို ဆက်လက်ကူညီ ပံ့ပိုးသွားမယ့် အကြောင်း ညှိနိူင်းခဲ့ကြတာ ဖြစ်တယ်လို့ ကုလသမဂ္ဂအတွင်းရေးမှူးချုပ်ရဲ့ မြန်မာ့အရေး အထူးအကြံပေးပုဂ္ဂိုလ် ဗီဂျေးနမ်ဗီးယားက ကြေငြာချက်ထုတ်ပြန်ထားပါတယ်။
မြန်မာသမ္မတ ဦးသိန်းစိန် နယူးယောက် အာရှ လူ့အဖွဲ့အစည်း တွင် ဆွေးနွေးပွဲ ပြုလုပ်စဉ် Sept. 27, 2012. (Kenji Takigami/Asia Society)
မြန်မာနိုင်ငံမှာ ကာလတော်တော်ကြာက ပျောက်ဆုံးနေတဲ့ ဒီမိုကရေစီယဉ်ကျေးမှု တရပ်ကို ပြန်အသက်သွင်းနိုင်မှသာ ဒီမိုကရေစီအသွင် ကူးပြောင်းရေး လုပ်ငန်းစဉ်တွေ အောင်မြင်မယ် လို့ မြန်မာသမ္မတ ဦးသိန်းစိန်က ပြောကြားလိုက် ပါတယ်။ ဒါ့အပြင် မြန်မာနိုင်ငံရဲ့ ဒီမိုကရေစီအသွင် ကူးပြောင်း လာတာဟာ ဆယ်စုနှစ် ၂ ခုလောက် အချိန်ယူလုပ်ဆောင်ခဲ့တာဖြစ်တယ်လို့ အာရှ လူ့အဖွဲ့အစည်း Asia Society မှာ ပြုလုပ်တဲ့ ဒီဆွေးနွေးပွဲ အခန်းအနားမှာ ပြောခဲ့သလို ၊ ဒေါ်အောင်ဆန်းစုကြည်ရဲ့ အနာဂတ် အခန်းကဏ္ဍ အပြင် ပြည်တွင်းငြိမ်းချမ်းရေးလုပ်ငန်းစဉ်တွေနဲ့ ပတ်သက်တဲ့ မေးခွန်းတွေ ကိုဖြေကြား သွားခဲ့ပါတယ်။ ဒီအကြောင်းနဲ့ ပတ်သက်ပြီးတော့ အပြည့်အစုံကို ကိုရန်နိုင်က ပြောပြပေးမှာဖြစ်ပါတယ်။
မြန်မာသမ္မတ ဦးသိန်းစိန် ဦးဆောင်ပြီးတော့ အစိုးရအဖွဲ့ဝန်ကြီးတွေဟာ ကြာသာပတေးနေ့က အမေရိကန်ပြည်ထောင်စု နယူးယောက်မြို့မှာ ရှိတဲ့ Asia Society ကို သွားရောက်ခဲ့ပြီး လက်ရှိ သူ့အစိုးရရဲ့ မြန်မာနိုင်ငံ ဒီမိုကရေစီရေးပြုပြင်ပြောင်းလဲမှုတွေနဲ့ ပတ်သက်ပြီးတော့ လုပ်ဆောင်နေတာတွေကို ပြောကြားခဲ့ပါတယ်။ မြန်မာနိုင်ငံမှာ ဒီမိုကရေစီစနစ် ထွန်းကာလာဖို့အတွက် ဒီမိုကရေစီယဉ်ကျေးမှုတွေ ပြန်ပြီးရှင်သန်လာဖို့ အရေးကြီးပုံကိုလည်း သမ္မတဦးသိန်းစိန်က အခုလို ပြောကြားခဲ့ပါတယ်။
“မြန်မာနိုင်ငံ ဒီမိုကရေစီအသွင်ကူးပြောင်းရေး ဖြစ်စဉ်မှာ ဖွဲ့စည်းပုံအခြေခံဥပဒေ ပေါ်ပေါက်လာရုံ၊ လွှတ်တော်တွေ ပေါ်ပေါက်လာရုံ၊ နောက်တခါ ရွေးကောက်ပွဲတွေ လုပ်ရုံနဲ့ အောင်မြင်မှု ရနိုင်မယ်မဟုတ်ပါဘူး။ အဲ့တော့ မြန်မာ့လူ့အဖွဲ့အစည်းအတွင်းမှာ ကာလရှည်ကြာ ပျောက်ဆုံးနေတဲ့ Democratic Culture ဆိုတဲ့ ဒီမိုကရေစီယဉ်ကျေးမှုတရပ်ကို ပြန်လည်အသက်သွင်းရမှာဖြစ်ပါတယ်။ အခုအချိန်ဟာ ဒီမိုကရေစီစံနှုန်းတွေကို မိမိတို့ရဲ့ နိုင်ငံသားအားလုံးရဲ့ ရင်မှာ ကိန်းဝပ်ရှင်သန်လာအောင် ပြန်လည်လှုပ်နှိုးနေရတဲ့ အရေးကြီးတဲ့ အချိန်ဖြစ်ပါတယ်။”
ဒါ့အပြင် မြန်မာနိုင်ငံမှာ မတူကွဲပြားမှုတွေကို လက်ခံနားလည်ပြီး၊ ညှိနှိုင်းပူးပေါင်းဆောင်ရွက်နိုင်တဲ့ လူ့အဖွဲ့အစည်းတရပ် ပေါ်ပေါက်လာဖို့အတွက်လည်း ကြိုးပမ်းဆောင်ရွက်နေတဲ့အချိန်ဖြစ်တယ်လို့ လည်း သမ္မတဦးသိန်းစိန်က ပြောပါတယ်။ အဲဒီလိုဆောင်ရွက်တဲ့နေရာမှာ အစိုးရတခုတည်းလုပ်ဆောင်လို့မရဘဲ အားလုံးပူးပေါင်းပါဝင်ဆောင်ရွက်မှသာ အကောင်အထည်ဖော်နိုင်မှာ ဖြစ်တယ်လို့လည်း သမ္မတဦးသိန်းစိန်က ပြောပါတယ်။
“ဒီကိစ္စတွေကို ဆောင်ရွက်အကောင်အထည်ဖော်တဲ့နေရာမှာ အစိုးရတရပ်တည်းရဲ့ အားနဲ့ ဆောင်ရွက်တာထက် အရပ်ဖက် လူ့အဖွဲ့အစည်းများရဲ့ ကူညီဆောင်ရွက်မှုကိုလည်း ရယူရမှာဖြစ်ပါတယ်။ ကျနော်အနေနဲ့ ဒီလိုလက်ခံယုံကြည်ထားပါတယ်။ မြန်မာ့လူ့အဖွဲ့အစည်းတွေ ရှင်သန်အားကောင်းလာစေဖို့အတွက် အကြံညဏ်တွေ ဆွေးနွေးညှိနှိုင်းမှုတွေ စွမ်းဆောင်ရည်မြှင့်တင်မှုတွေအတွက် ဒီ Asia Society က ကူညီဆောင်ရွက်သွားမှာဖြစ်တဲ့အတွက်ကြောင့်လည်း ကျေးဇူးတင်ကြောင်း ပြောကြားလိုပါတယ်။”
မြန်မာ့နိုင်ငံရေးမှာ လက်ရှိဒေါ်အောင်ဆန်းစုကြည်ရဲ့ အခန်းကဏ္ဍကို ဘယ်လို မြင်သလဲ၊ အနာဂါတ်မှာ ဒေါ်အောင်ဆန်းစုကြည်ကို ဘယ်လို ပါဝင်စေချင်သလဲဆိုတဲ့ အမေးကို သမ္မတ ဦးသိန်းစိန် ဖြေတာကတော့
“ဒေါ်အောင်ဆန်းစုကြည်ဟာ ကျနော်တို့ မြန်မာနိုင်ငံရဲ့ ပြုပြင်ပြောင်းလဲရေးလုပ်ငန်းတွေမှာ အခန်းကဏ္ဍတရပ်ကနေပြီးတော့ ပါဝင်ဆောင်ရွက် နေပြီဖြစ်ပါတယ်။ လောလောဆယ်မှာ ပါလီမန်ထဲမှာ မန်ဘာတယောက်အနေနဲ့ ပါဝင်ပြီးတော့မှ ဥပဒေပြုရေးကိစ္စတွေကို ဆက်ပြီးတော့ ဆောင်ရွက်နေပါတယ်။ အဲ့တော့ သူ့အနေနဲ့က ကျနော်တို့နဲ့လက်တွဲပြီးတော့မှ ပြုပြင်ပြောင်းလဲရေးလုပ်ငန်းတွေကို အားသွန်ခွန်စိုက်နဲ့ ဆောင်ရွက်မယ့် သူတဦးဖြစ်တယ်လို့ ကျနော်တို့ ယုံကြည်ထားပါတယ်။
သူလည်း သူ့ကိုပေးအပ်ထားတဲ့ တာဝန်၊ ကျရာအခန်းကဏ္ဍကနေပြီးတော့ ကျနော်တို့နဲ့ ပူးပေါင်းပြီးတော့ ဆောင်ရွက်သွားဖို့ စိတ်ဆန္ဒရှိတယ်လို့ ကျနော်တို့ ဒီအတိုင်း ယုံကြည်ထားပါတယ်။ ဒီကနေ့လည်း ခုနကလို ကျနော်တို့ လုပ်ဖော်ကိုင်ဖက်လည်း ဖြစ်ပါတယ်။ လုပ်ဖော်ကိုင်းဖက်ဖြစ်ပြီးတော့ လုပ်ငန်းတော်တော်များများလည်း သူနဲ့ ပူးပေါင်းပြီးတော့ ကျနော်တို့ ဆောင်ရွက်နေတာတွေရှိပါတယ်။ ရှေ့အနာဂတ်မှာလည်း ခုနကလို တိုင်းပြည်ဖွံ့ဖြိုးတိုးတက်ရေး ကိစ္စတွေမှာ ကျနော်တို့နဲ့ ပူးပေါင်းဆောင်ရွက်သွားဖို့ရှိတယ်လို့ ကျနော်တို့ ဒီအတိုင်းပဲ ယုံကြည်ထားပါတယ်။”
သမ္မတဦးသိန်းစိန်အနေနဲ့ သမ္မတ သက်တမ်းကို တကြိမ်ပဲ ထမ်းဆောင်မယ်ဆိုတဲ့ ဆုံးဖြတ်ချက်ကို မပြင်တော့ဘူးလားဆိုတဲ့ အမေးကိုလဲ သမ္မတဦးသိန်းစိန်က ခုလို ဖြေသွားပါတယ်။
“သက်တမ်းအားဖြင့်တော့ ကျနော်ရဲ့ ပင်ကိုယ်ဆန္ဒအရ စောစာကပြောသလို One Term ပဲ လုပ်ဖို့ ကျနော်မျှော်လင့်ထားပါတယ်။ သို့သော်လည်း တိုင်းပြည်ရဲ့အခြေအနေ၊ ပြည်သူတွေရဲ့ ဆန္ဒ၊ ဒီပေါ်မှာ မူတည်ပြီးတော့ပဲ အနာဂတ်က ဆုံးဖြတ်ရမယ်လို့ ကျနော် ဒီလိုထင်ပါတယ်။ သို့သော်လည်း ကျနော်ရဲ့ မျှော်မှန်းချက်ကတော့ One Term ပဲ လုပ်မယ်လို့ ဒီကနေ့အထိ ကျနော်စိတ်ကူးထားပါတယ်။”
ဒါ့အပြင် သမ္မတဦးသိန်းစိန်က ပြည်တွင်းငြိမ်းချမ်းရေးဖြစ်ပေါ်လာဖို့ လုပ်ဆောင်နေတာတွေ အပါအ၀င် ကချင်ဒေသမှာ အပစ်အခတ်မရပ်နိုင်သေးတာ၊ ရခိုင်ဒေသက ဒေသတွင်းအကြမ်းဖက်မှုတွေနဲ့ ပတ်သက်ပြီးတော့ လည်း ပြောကြားသွားပါတယ်။
ဒါ့အပြင် ဒီမိုကရေစီထွန်းကားတဲ့ လူ့အဖွဲ့အစည်းတရပ်ပေါ်ပေါက်နိုင်ဖို့အတွက် ကြိုးပမ်းနေတဲ့ မြန်မာနိုင်ငံအနေနဲ့ အမေရိကန်ပြည်ထောင်စုလို မိတ်ဆွေနိုင်ငံကောင်းတွေလည်း လိုအပ်ကြောင်း ၊ နှစ်နိုင်ငံကြား ရင်းနှီးချစ်ကြည်မှု ပိုမိုရနိုင်ဖို့အတွက် ကြိုးပမ်းပေးတဲ့ Asia Society အဖွဲ့ကိုလည်း ကျေးဇူးတင်တယ်လို့လည်း ဦးသိန်းစိန်က ပြောကြားသွားပါတယ်။
No comments:
Post a Comment