by Myanmar Journal on Sunday, August 12, 2012 at 5:40pm
၁၉၇၂ ခုနှစ်နောက်ပိုင်း ယူဂါဒါနိုင်ငံ အတွက် ပထမဦးဆုံး အိုလံပစ် ရွှေတံဆိပ်ကို ပြန်လည် ဆွတ်ခူးပေးခဲ့တာပါ
လန်ဒန်အိုလံပစ် နောက်ဆုံးနေ့ ပွဲစဉ်တွေထဲက ပြေးခုန်ပစ် နောက်ဆုံးပွဲဖြစ်တဲ့ အမျိုးသား မာရသွန်ပြေးပွဲမှာ ယူဂန်ဒါနိုင်ငံက ကီပရိုတစ် က ၂နာရီ ၈ မိနစ် တစက္ကန့်နဲ့ ပထမနေရာက ပန်းဝင်ပြီး ရွှေတံဆိပ် ဆွတ်ခူး သွားပါတယ်။
၁၉၇၂ ခုနှစ်ထဲကနေ အချိန်အထိ ယူဂါဒါနိုင်ငံ အတွက် ပထမဦးဆုံး ပြန်လည် ရရှိတဲ့ အိုလံပစ် ရွှေတံဆိပ် လည်း ဖြစ်ပါတယ်။ ကင်ညာနိုင်ငံက အပြေးသမား အဘီကီရူနဲ့ ဝီဆင်ကစ်ဆန်း တို့ကတော့ ရွှေတံဆိပ်နဲ့ ငွေတိဆိပ် အသီးသီး ရရှိသွားကြပါတယ်။
ဒီကနေ့ နောက်ဆုံးနေ့ဖြစ်တာမို့ လန်ဒန်မြို့ လမ်းမတွေပေါ်မှာ ထောင်ပေါင်းများစွာသော လူတွေဟာ ပျော်ရွှင်စွာဖြင့် သွားလာ နေကြပြီး၊ မာရသွန်ပြေးပွဲကိုလည်း စတင် တာလွှတ် လိုက် ကတည်းက လမ်းဘေးဝဲယာ တလျှောက် ရပ်ကြည့်ပြီး အားပေးနေခဲ့ ကြပါတယ်။
မာရသွန်ပြေးပွဲကို စတင် တာလွှတ် လိုက် ကတည်းက လူတွေဟာ လမ်းဘေးဝဲယာ တလျှောက် ရပ်ကြည့်ပြီး အားပေးခဲ့
ဘတ်စကက်ဘော ဘောလီဘော လက်ပစ်ဘော နဲ့ ဝါးတားပိုလို တို့ပွဲတွေအတွက် နောက်ဆုံး ဗိုလ်လုပွဲတွေ အပြီးသတ် ကျင်းပမှာလည်း ဖြစ်ပါတယ်။ တခါ လက်ဝှေ့ပွဲ အားလုံးအတွက်လည်း ညနေ သုံးနာရီခွဲ မတိုင်ခင် အပြီး ကစားကြမှာ ဖြစ်ပါတယ်။
ညနေ ၇ နာရီ ခွဲအချိန်မှာတော့ ၂၀၁၂ လန်ဒန်အိုလံပစ် အားကစားပြိုင်ပွဲ ပိတ်ပွဲကို အိုလံပစ် အားကစားဝင်း ကြီးထဲမှာ တခမ်းတနား ကျင်းပမှာ ဖြစ်ပြီး၊ ၂၀၁၆ ခုနှစ် အိုလံပစ်ပွဲကို လက်ခံ ကျင်းပမယ့် ဘရားဇီး နိုင်ငံကို အိုလံပစ် မီးရှူးတိုင် လွှဲပြောင်းပေးမှာ ဖြစ်ပါတယ်။
ဗြိတိန်ဝန်ကြီးချုပ် ဒေးဗစ်ကင်မရွမ်းကလည်း ဗြိတိန်နိုင်ငံဟာ အိုလံပစ် အာကစား ပြိုင်ပွဲကြီးကို အချိန်မီ ငွေကြေး လုံလောက်စွာနဲ့ ကျင်းပပေး နိုင်ခဲ့တယ်လို့ ပြောကြားပါတယ်။
နောပြီး ကမ္ဘာ့ပေါ်က ငတ်မွတ်မှု ပြဿနာတွေနဲ့ ပတ်သက်တဲ့ ညီလာခံတခုကို ဒေးဗစ်ကင်မရွမ်းရဲ့ ဒေါင်းနင်းလမ်း နေအိမ်မှာ လက်ခံ ကျင်းပတဲ့ အခါမှာတော့ ဘရာဇီး ကင်ညာ နဲ့ ဘင်္ဂလားဒေ့ရှ် နိုင်ငံက နိုင်ငံရေး ခေါင်းဆောင်တွေလည်း တက်ရောက်ဖို့ ရှိပါတယ်။
ဒါ့အပြင် ကမ္ဘာ့ကျော် အာကစား သမားတွေလည်း ဒီအစည်းအဝေးကို တက်ရောက် ကြမှာ ဖြစ်ပါတယ်။
တောင်ကိုရီးယား နဲ့ ဂျပန် အသင်းတို့ရဲ့ တတိယလုပွဲ
တောင်ကိုရီးယား က ဂျပန် အသင်းကို အနိုင်ရ ခဲ့တဲ့ အိုလံပစ် တတိယလုပွဲမှာ နိုင်ငံရေးစာတန်း ကို ကိုင်ဆောင်ပြခဲ့တဲ့ တောင်ကိုရီးယားအသင်း က ဘောလုံးသမား ကိုဆုပေးပွဲ တက်ဖို့ ပိတ်ပင် ခဲ့ပါတယ်။
သူကိုင်ဆောင် ခဲ့တဲ့ စာတန်းမှာ ဂျပန်နဲ့ တောင်ကိုရီးယား အကြားမှာ ပိုင်ဆိုင်မှု အတွက် အငြင်းပွား နေတဲ့ ကျွန်းနဲ့ ပတ်သက်ပြီး ရည်ညွှန်း ထားတာဖြစ်ပါတယ်။
အဲဒီ ကျွန်းကို ဂျပန် က တာကဲရှီမား လို့ခေါ်ပြီး တောင်ကိုရီးယား ကတော့ ဒုခ်ဒိုလို့ ခေါ်ကြပါတယ်။
အဲဒီ ကျွန်းကို တောင်ကိုရီးယား သမ္မတက မကြေညာ ထားဘဲ ရောက်ရှိသွား ခဲ့အပြီး နာရီပိုင်း အကြာမှာပဲ အခုလို ကိုင်ဆောင် ပြခဲ့တာ ဖြစ်ပါတယ်။
နိုင်ငံတကာ အိုလံပစ် ကော်မတီ ကတော့ အဲဒီကိစ္စနဲ့ ပတ်သက်ပြီး တောင်ကိုရီးယား အသင်းကို အလျှင် တမြန် အရေးယူ ဆောင်ရွက်ဖို့နဲ့ ဖြေရှင်းချက် ပေးဖို့ တောင်းဆိုထားတယ်လို့ ဆိုပါတယ်။
အီရန်ငလျင် ဒုက္ခသည်တွေအတွက် ကူညီဆောင်ရွက်
လူပေါင်း အနည်းဆုံး ၃၀၀ ကျော် အထိ သေဆုံးခဲ့ပြီး၊ နှစ်ထောင်ကျော် ထိခိုက် ဒဏ်ရာရခဲ့
အီရန်နိုင်ငံမှာ စနေနေ့ လှုပ်ခတ်ခဲ့တဲ့ မြေငလျင် ကနေ အသက်မသေးပဲ လွတ်မြောက်ခဲ့သူတွေ အတွက် အစားစာနဲ့ ခိုလှုံဖို့နေရာ ရရှိရေး အဓိက ဦးစားပေး လုပ်ဆောင်နေတယ်လို့ အီရန် အာဏာပိုင်တွေက ပြောကြားပါတယ်။
အီရန်ကျန်းမာရေးဝန်ကြီး မာဇိဗဟစ် ဒက်ရ်ှဂျားဒီ ကလည်း ဆေးဝါးကုသမှုတွေ ရရှိအောင် ကြိုးပမ်း ဆောင်ရွက်နေတယ်လို့ ပြောပါတယ်။
နိုင်ငံ အနောက်မြောက်ပိုင်းမှာ လှုပ်ခဲ့တဲ့ ဒီလျင်တွေကြောင့် လူပေါင်း အနည်းဆုံး ၃၀၀ ကျော် အထိ သေဆုံးခဲ့ပြီး၊ လူပေါင်း နှစ်ထောင် ကျော်တော့ ထိခိုက် ဒဏ်ရာရခဲ့ ပါတယ်။
ပြင်းအား ရစ်ခ်ျတာစကေး ၆ ဒသမ ၄ နဲ့ ၆ ဒသမ ၃ ရှိတဲ့ ငလျင် နှစ်ခု တာဘရစ္စနဲ့ အဟာ မြို့တွေ နားမှာ စနေနေ့ မွန်းလွဲ ပိုင်းက လှုပ်ခဲ့ပြီး နောက်မှာ နောက်ဆက်တွဲ ငလျင် အကြိမ်ပေါင်းက ၅၅ ကြိမ်လောက် ထပ်လှုပ်ခဲ့ ပါသေးတယ်။
ကယ်ဆယ်ရေး အေဂျင်စီတွေက တော့ ငလျင်ဘေးဒဏ်ခံ ဒုက္ခသည်တွေ လိုအပ်မယ့် တဲတွေ၊ စားစရာ သောက်စရာတွေကို ဖြန့်ဝေ ထောက်ပံ့ပေးကြပါတယ်။ မြို့တော် တီဟီရန်က ဘီဘီစီ သတင်းထောက် မိုရှန်း အစ္စက်ဂါရီ ကတော့ လူရာပေါင်း များစွာကို မနေ့ညက ညတွင်းချင်း ကူကယ်နိုင်ခဲ့ ပေမယ့်လို့ နောက်ဆက်တွဲ ငလျင်တွေက ဆက်လှုပ် နေတာကြောင့် ကယ်ဆယ်ရေး လုပ်ငန်းတွေကို ခက်ခဲ စေခဲ့တယ်လို့ ပြောပါတယ်။
ဒီကနေ့ မှာတော့ အီရန် ပြည်ထဲရေး ဒုတိယ ဝန်ကြီးက အစိုးရ မီဒီယာကနေ တဆင့် ပြောထားတာက အပျက်အစီး တွေအောက် ရောက်ခဲ့သူတွေကို ကယ်ထုတ်ခဲ့ပြီး ဖြစ်တယ်၊ သူတို့တွေ လိုအပ်မယ့် အခြေခံ လိုအပ်ချက် တွေကိုလည်း ထောက်ပံ့ပေးထားပြီး ဖြစ်တယ်၊ သေဆုံးသူ အရေအတွက်တော့ တိုးဖို့ မရှိတော့ဘူး မှန်းပါတယ်လို့ ပြောထားပါတယ်။
ဒေသဆိုင်ရာ အာဏာပိုင်တွေ ကတော့ သေဆုံးသူ အများစုဟာ ကျေးလက်ဒေသ က ခိုင်ခိုင်ခံ့ခံ့ မဆောက်ထားနိုင်တဲ့ အိမ်ခြေတွေမှာ နေကြသူတွေ ဖြစ်တယ်လို့ ပြောကြပါတယ်။ ဘာဂျီ ဘတ်ဂ်ျ ရွာသား တယောက်ကတော့ သူ့အိမ်က ဘယ်သူများ အသက်ရှင် ကျန်ရစ်ဦး မလဲလို့ ရှာနေရင်း ရွာဟာ သင်္ချိုင်းကြီး ဖြစ်သွားပြီလို့ ပြောပါတယ်။
ရွာလုံးကျွတ် ပျောက်သွားတဲ့ တခြားရွာတွေလည်း အများကြီးပဲလို့ သူက ပြောသလို တခြားတယောက် ကလည်း လူတွေဟာ ဒီငလျင်ကြီးကြောင့် အလွန့်အလွန်ကို စိုးထိတ် နေကြတယ်လို့ ပြောပါတယ်။ လူတွေဟာ လမ်း ပေါ်ကို ကြောက်အား လန့်အားနဲ့ ပြေးထွက်နေ ကြပြီး၊ အရေးပေါ် လူနာတင် ယာဉ်တွေက လမ်းရှင်း ဥသြသံတွေ ကလည်း ညံနေအောင် ကြားရတယ်လို့ သူက ပြောပါတယ်။
အစိုးရ သတင်းအေဂျင်စီ ကတော့ ရွာပေါင်း ၁၁၀ လောက် ပျက်စီးသွားခဲ့ပြီး၊ တယ်လီဖုန်း လိုင်းတွေလည်း ပျက်တောက် ကုန်တယ်လို့ ပြောပါတယ်။ လတ်တလောမှာ ကယ်ဆယ်ရေး အဖွဲ့ ၆၆ ဖွဲ့ဟာ ကယ်ဆယ်ရေး လုပ်ငန်းတွေကို ဆောင်ရွက်နေကြပြီး၊ လူနာတင်ယာဉ် ၂၀၀ နဲ့ ရဟတ်ယာဉ် ငါးစီးကို အသုံးပြု ထားတယ်လို့ သိရပါတယ်။
မနေ့ညကတော့ လူတွေဟာ ပန်းခြံထဲမှာ ညအမှောင်ထဲမှာပဲ နေခဲ့ကြရပါတယ်။ မနေ့ညက သေဆုံးသူ အများစုဟာ အမျိုးသမီးတွေ ဖြစ်ခဲ့ပြီး မွတ်ဆလင် ဥပုသ်လ ဖြစ်တာမို့ ဥပုသ် အထွက် အစား အသောက် စားနိုင်ဖို့ ပြင်ဆင် နေကြတုန်းမို့ အိမ်ထဲမှာ လူရှိနေတုန်း ငလျင်ကြီး လှုပ်သွားခဲ့တယ်လို့ သိရပါတယ်။
အီရန်ဟာ ငလျင်ကြောပေါ်မှာ ခွလျက် ရှိနေပြီး ငလျင်တွေ ကတော့ မကြာခဏ လှုပ်တတ်ပါတယ်။ ၂၀၀၃ ခုနှစ်က အီရန်ရဲ့ ဘမ်းမြို့မှာ လှုပ်ခဲ့တဲ့ ငလျင်ကြောင့်တော့ လူပေါင်း နှစ်သောင်းခွဲလောက် အသက်ဆုံးရှုံးခဲ့ပါတယ်။
KNU ဥက္ကဌ စောတာမလာဘောရဲ့ သဝဏ်လွှာ မှာတော့ ဆွေးနွေးပွဲ ပိုမို ပွင့်လင်းဖို့ သမ္မတ ဦးသိန်းစိန်ကို တိုက်တွန်း
မြန်မာနိုင်ငံက လက်ရှိအစိုးရဟာ၊ ပြည်တွင်း ငြိမ်းချမ်းရေးကို အမှန်တကယ် လိုချင်တယ်လို့ ကရင်အမျိုးသား လွတ်မြောက်ရေး တပ်မတော် KNLA ရဲ့ စစ်ဦးစီးချုပ်က ဒီနေ့ ကျရောက်တဲ့ ၆၂ နှစ်မြောက် ကရင့် အာဇာနည်နေ့ အခမ်း အနားမှာ ပြောကြား လိုက်ပါတယ်။
ကေအင်ယူနဲ့ အစိုးရ ကြားမှာလည်း ငြိမ်းချမ်းရေး ဆွေးနွေးပွဲတွေ ကတော့ ရှေ့ဆက်သွားနေဆဲ ဖြစ်ပြီး၊ ဒီငြိမ်းချမ်းရေး ဆွေးနွေးပွဲကို သူ့အနေနဲ့ ယုံကြည် ကြောင်း ကေအင်ယူ အဖွဲ့ရဲ့ KNLA စစ်ဦးစီးချုပ် ဗိုလ်ချုပ်ကြီး မူတူးစောဆေးဖိုးက သူ့ရဲ့အမြင်ကို ဘီဘီစီကို ပြောပါတယ်။
ထိုင်းမြန်မာနယ်စပ်မှာ ကျင်းပတဲ့ ကရင့်အာဇာနည်နေ့ အခန်းအနားကို KNLA စစ်ဦးစီးချုပ် ဗိုလ်ချုပ်ကြီး မူတူးစောဆေးဖိုး အပါ အဝင်လူ ၅၀၀ လောက် တက်ရောက်ခဲ့ ပါတယ်။
ကရင့်အာဇာနည်နေ့ကို ပေးပို့တဲ့ ကေအင်ယူ ဥက္ကဌ စောတာမလာဘောရဲ့ သဝဏ်လွှာမှာတော့ ငြိမ်းချမ်း ရေး ဆွေးနွေးပွဲဟာ နိုင်ငံရေးထက် စီးပွားဖွံဖြိုးရေး ဖက်ကို အသား ပေးနေ ပြီးတော့ ပြည်တွင်းစစ် ချုပ်ငြိမ်းဖို့ ငြိမ်းချမ်းရေး ဆွေးနွေးပွဲမှာ မြန်မာ့တပ်မတော်က ပိုပါဖို့ လိုပြီးတော့၊ ဆွေးနွေးပွဲဟာ ပိုမို ပွင့်လင်းဖို့ လိုတယ်လို့ နိုင်ငံတော် သမ္မတ ဦးသိန်းစိန်ကို တိုက်တွန်း ထားပါတယ်။
အခုကျင်းပတဲ့ ကရင့်အာဇာနည်နေ့ အခမ်းအနားကို ဆယ်ကျော် သက် အရွယ် ကရင်လူငယ်တွေ ရာနဲ့ချီ ပါဝင်ကြတာကို တွေ့ရပါတယ်။
ဆယ်ကျော်သက် အရွယ် ကရင်လူငယ်တွေ ရာနဲ့ချီ ပါဝင်ကြတာကို တွေ့ရ
ကရင်တမျိုးသားလုံး ရသင့်ရထိုက်တဲ့၊ တန်းတူ အခွင့်အရေး ရရှိရေးနဲ့ ကရင်ပြည်နယ်မှာ ကရင်တွေက သူတို့ ကံကြမ္မာ သူတို့ဖန်တီးခွင့် ရအောင်ကြိုးပမ်းရင်းနဲ့ ကရင် အမျိုးသား ခေါင်းဆောင် စောဘဦးကြီး ကျဆုံးတဲ့နေ့ကို ကရင့်အာဇာနည်နေ့ အဖြစ် သတ်မှတ် ကျင်းပကြတာ ဖြစ်ပါတယ်။
စောဘဦးကြီးဟာနဲ့အဖွဲ့ဟာ ၁၉၅၀ ခုနှစ်၊ သြဂုတ်လ ၁၂ ရက်နေ့တုန်းက၊ ကရင်ပြည်နယ် ကော့ကရိတ် မြို့နယ် ထော့ကိုကိုးရွာမှာ ကျဆုံးခဲ့တာ ဖြစ်ပါတယ်။
မီဒီယာ လွတ်လပ်ခွင့် မြန်မာ စာနယ်ဇင်း သမားတွေ တောင်းဆို
ပီးခဲ့တဲ့အပတ်က ပိတ်ခံခဲ့ရတဲ့ သည် ဗွိုက်စ် ဂျာနယ်နဲ့ အန်ဗွိုင်းဂျာနယ်ကို စာပေ စီစစ်ရေးစည်းကမ်း မလိုက်နာလို့ ဆိုပြီး ပိတ်လိုက်တာကြောင့် မီဒီယာ လွတ်လပ်ခွင့် တောင်းဆိုတဲ့အနေနဲ့ ရန်ကုန်ထုတ် ဂျာနယ်တချို့က ဂျာနယ်မျက်နှာဖုံးမှာ အမည်းရောင် အောက်ခံနဲ့ ဖြန့်ချီသလို မုံရွာက သတင်းသမားတွေ ကလည်း စာပေ စီစစ်ရေးဖျက်သိမ်းပေးဖို့ တူညီဝတ်စုံတွေဝတ်ပြီး မြို့ထဲလှည့်လည်ဆန္ဒထုတ်ဖေါ်ခဲ့ကြပါတယ်။
ဒီအပတ်ထုတ် မက်ဇင်ဂျာဂျာနယ်ဟာ စာပေစီစစ်ရေးက တားမြစ်တဲ့ကြားကနေ သူတို့ဂျာနယ် မျက်နှာဖုံးကို အမည်းရောင် အောက်ခံပေါ်မှာ အဖြူရောင်စာလုံးနဲ့ မိမိရဲ့ယုံကြည်ထင်မြင်ယူဆချက်တွေကို လွတ်လပ်စွာ ထုတ်ဖေါ် ပြောဆိုခွင့် ရေးသားဖြန့်ဝေခွင့်ရှိသည်ဆိုတဲ့ စာသားနဲ့ရိုက်နိပ်ပြီးတော့ ထုတ်ဝေခဲ့တာ ဖြစ်ပါတယ်။
ဒီလို ဂျာနယ် သတင်းသမားတွေက သူတို့ဖြစ်ချင်တဲ့ ဆန္ဒကို လုပ်ပိုင်ခွင့်ထဲက ဆန္ဒထုတ် ဖော်ခဲ့သလိုဘဲ မုံရွာမှာရှိတဲ့ သတင်းသမားတွေ ကလည်း မီဒီယာဖိနှိပ်မှု ချက်ချင်းရပ်ဆိုတဲ့ စာသားပါ တီရှပ်အင်္ကျီတွေဝတ်ပြီး မီဒီယာ လွတ်လပ်ခွင့်ရဖို့နဲ့ သမ္မတ ဆီကို တောင်းဆိုမယ့် စာအတွက် လက်မှတ် စုဆောင်းတဲ့ လှုပ်ရှားမှုကိုလည်း လုပ်ခဲ့ကြပါတယ်။
ဒီလို မုံရွာမှာလုပ်တဲ့ လှုပ်ရှားမှုမျိုးကို သြဂုတ်လ ၄ရက်နေ့က ရန်ကုန်သတင်းသမား ၁၀၀ ၀န်းကျင်ကလုပ်ခဲ့ကြသလို မန္တလေးက သတင်းသမား ၃၀ ကျော်ကလည်း မန္တလေးမြို့မှာ ဆန္ဒထုတ်ဖေါ်ခဲ့ကြပါတယ်။
ခုနောက်ဆုံး သိရတာ ကတော့ စာပေစီစစ်ရေးက အကန့်သတ်မရှိ ပိတ်ခဲ့တယ်ဆိုတဲ့ သဗွိုက်စ် ဝိကလီးဂျာနယ်နဲ့ အင်ဗွိုင်းဂျာနယ်ကို ၂ပတ်ပဲထုတ်ဝေခွင့် ပိတ်လိုက်ကြောင်းနဲ့ ၂ပတ်ပြည့်တာနဲ့ ပြန်လည် ထုတ်ဝေခွင့် ပေးမယ့် အကြောင်း သိရပါတယ်။
သတင်းစာဆရာအသင်းကို ပြန်ကြားရေး ဝန်ကြီး ခေါ်တွေ့
သတင်းစာ ဆရာအသင်း ကိုယ်စားလှယ်တွေကို ပြန်ကြားရေး ဝန်ကြီး ဦးကျော်ဆန်း ခေါ်တွေ့
မြန်မာနိုင်ငံမှာ အစိုးရရဲ့ အမြုတေ စာနယ်ဇင်း ကောင်စီနဲ့ အပြိုင်ဖွဲ့စည်းလိုက်တဲ့ မြန်မာနိုင်ငံ သတင်းစာ ဆရာအသင်းက အဖွဲ့ဝင်တွေကို ပြည်ထောင်စု ပြန်ကြားရေး ဝန်ကြီး ဦးကျော်ဆန်းက တနင်္ဂနွေနေ့က ခေါ်ယူ တွေ့ဆုံခဲ့ပါတယ်။
အမြုတေ စာနယ်ဇင်းကောင်စီကို အစိုးရက ဖွဲ့စည်းခဲ့အပြီး ၂ရက်အကြာမှာ အဲဒီ စာနယ်ဇင်း ကောင်စီ ဝင်တွေ အပါအဝင် သတင်းသမားတွေက မြန်မာနိုင်ငံ သတင်းစာ ဆရာအသင်းကို ဖွဲ့စည်းလိုက်ပြီး အစိုးရရဲ့ စာနယ်ဇင်းကောင်စီရဲ့ တာဝန်ပိုင်းဆိုင်ရာ အချက်တွေကို ပြင်ဆင်ရေးဆွဲပေးဖို့ ကြေညာချက် ထုတ် တောင်းဆိုခဲ့ကြတာပါ။
အမြုတေ စာနယ်ဇင်းကောင်စီရဲ့ စာပေစိစစ်ရေး အပါအဝင် လုပ်ငန်း တာဝန်ပိုင်း ဆိုင်ရာ အချက်တွေကို ပြင်ဆင်ရေးဆွဲပေးဖို့ အဲဒီ ကြေညာချက် သဘောထားတွေနဲ့ ပတ်သက်လို့ ဝန်ကြီး ဦးကျော်ဆန်းကို ပြောပြခဲ့ကြသလို ဝန်ကြီး ဦးကျော်ဆန်း ဘက်ကလည်း ဒီအချက်တွေကို ဘာ့ကြောင့် ထည့်သွင်း ရေးဆွဲခဲ့တာလဲ ဆိုတာကို ပြန်ရှင်းပြခဲ့ကြောင်း မြန်မာနိုင်ငံ သတင်းစာဆရာ အသင်း ဥက္ကဌ စာရေးဆရာ မောင်ဝံသက ဘီဘီစီကို ပြောပါတယ်။
သတင်းသမားတွေဘက်ကတော့ ဒီအချက်တွေကို ပြင်ဆင်မပေးရင် အမြုတေ စာနယ်ဇင်းကောင်စီထဲမှာ မပါနိုင်ကြောင်း အတိအလင်း ပြောခဲ့ကြတယ်လို့ ဆိုပါတယ်။
စာပေစိစစ်ရေးဆိုင်ရာ လုပ်ငန်းတာဝန် အချက်အလက်တွေကို ပြင်ဆင် ပြောင်းလဲဖို့ တောင်းဆိုထားဆဲ ဖြစ်တဲ့အတွက် အမြုတေ စာနယ်ဇင်းကောင်စီရဲ့ စာပေစိစစ်ရေး လုပ်ငန်းတာဝန်တွေ မစနိုင်သေးပဲ လောလောဆယ်မှာ ထုတ်တင် စနစ်အစား စာမူတွေကို စိစစ်ရေးကို ကြိုတင်ကြဖို့ ဖုန်းဆက် ပြောကြားတာတွေ ရှိနေတယ်လို့ သိရကြောင်း၊ ဒါ့ကြောင့် စာပေစိစစ်ရေးက ဆက်ရှိဦးမယ့် သဘောမျိုးလို့ ယူဆရကြောင်း မောင်ဝံသက ပြောပါတယ်။
သတင်းသမားတွေဘက်က ပြောစရာ ရှိတာတွေကို ပြန်ကြားရေး ဝန်ကြီးကို ပြောပြ ထားပြီး ဖြစ်ပြီး ဘယ်လောက်အထိ ပြင်ဆင် လိုက်လျောပေးမလဲ ဆိုတာကိုတော့ စောင့်ကြည့်ရမှာ ဖြစ်တယ်လို့ ဆိုပါတယ်။
အိုလံပစ် မာရသွန် ယူဂန္ဓာ ဗိုလ်စွဲ
၂၀၁၂ ခုနှစ် လန်ဒန် အိုလံပစ် ပြိုင်ပွဲရဲ့ နောက်ဆုံးနေ့ ပြိုင်ပွဲတွေ ဆက်လက် ကျင်းပနေရာမှာ ယူဂန်ဒါနိုင်ငံသား Stephen Kiprotic က အမျိုးသား မာရသွန်ပြိုင်ပွဲမှာ မျှော်လင့်မထားဘဲ ဗိုလ်စွဲ သွားပြီး ရွှေတံဆိပ် ဆွတ်ခူးသွားပါတယ်။
ဒီအမျိုးသားမာရသွန်ပြိုင်ပွဲဟာ ကင်ညာနိုင်ငံနဲ့ အီသီယိုးပီးယားနိုင်ငံက အပြေးသမားတွေ အကြိတ် အနယ် ယှဉ်ပြိုင်ကြရ လိမ့်မယ် ဆိုပြီးတော့ အားလုံးက တွက်ထားခဲ့ကြတာဖြစ်ပါတယ်။ ဒါပေမဲ့ ယူဂန်ဒါ အပြေးသမားဟာ ၂၃ မိုင် ကျော်လာတဲ့ အချိန်ကစပြီး ဦးဆောင် ပြေးနိုင်ခဲ့တာပါ။ဗိုလ်စွဲ သွားတဲ့ Stephen Kiprotic ရဲ့ စံချိန်ကတော့ ၂ နာရီ ၈ မိနစ် နဲ့ ၁ စက္ကန့်ဖြစ်ပြီး ဒုတိယ ရရှိသွားတဲ့ ကင်ညာ နိုင်ငံသား Abel Kirui ကတော့ ၂၆ စက္ကန့် နောက်ကျ ပန်းဝင်ခဲ့ပြီး ဒုတိယ ငွေတံဆိပ် ဆွတ်ခူးရရှိပြီး၊ နောက် ကင်ညာ နိုင်ငံသား Wilson Kipson Kiprotich က ၂ နာရီ ၉ မိနစ် ၃၇ စက္ကန့်နဲ့ တတိယ ကြေးတံဆိပ် ဆွတ်ခူး သွားပါတယ်။
အမျိုးသားဘတ်စကက်ဘောပြိုင်ပွဲမှာလည်း နာမည်ကြီး အမေရိကန်အသင်းက စပိန် အသင်းကို ၁၁၈ မှတ် ၁၀၇ မှတ်နဲ့ နိုင်ပြီး ပထမ ရွှေတံဆိပ်ဆု ရရှိသွားပါတယ်။ စနေ့နေ့ ပြိုင်ပွဲတွေ ကျင်းပ ပြီးစီး ခဲ့ချိန်အထိ အမေရိကန်ပြည်ထောင်စုက ရွှေတံဆိပ် ၄၄ ဆုအပါအ၀င် ဆုတံဆိပ်ပေါင်း ၁၀၀ ကျော်နဲ့ ထိပ်ဆုံးကပြေးနေပါတယ်။
တရုတ်နိုင်ငံက ရွှေတံဆိပ် ၃၈ ဆု အပါအ၀င် ဆုတံဆိပ်ပေါင်း ၈၇ ဆုနဲ့ ဒုတိယ နေရာကလိုက်နေပြီး ရုရှားနိုင်ငံက တတိယ နေရာမှာရှိပါတယ်။
တနင်္ဂနွေနေ့ အိုလံပစ်ပြိုင်ပွဲ ပိတ်ပွဲ အခမ်းအနားမှာ အိုလံပစ် အလံကို ၂၀၁၆ ခုနှစ်မှာ လက်ခံ ကျင်းပမယ့် ဘရာဇီး နိုင်ငံလက်ကို လွှဲပြောင်းပေးဖို့ ရှိပါတယ်။
ရခိုင်လွှတ်တော် ကိုယ်စားလှယ်တွေ ရခိုင်အရေး ပြေလည်အောင် ကြိုးစား
ရခိုင်ပြည်နယ်မှာဖြစ်ပွားနေတဲ့ လူမျိုးရေး အကြမ်းဖက်မှုပဋိပက္ခတွေကို ပြေလည်စေဖို့ အတွက် ရည်ရွယ်ပြီးတော့ RNDP က တာဝန် ရှိသူတွေဟာ ပါတီအဖွဲ့ဝင်တွေ.. ဒေသခံပြည်သူတွေနဲ့ စစ်တွေမြို့မှာ ဒီကနေ့ စတင် တွေ့ဆုံခဲ့ပါ တယ်။ ရခိုင် ပြည်နယ် အရေး ကိစ္စနဲ့ပတ်သက်ပြီး မကြာသေးခင်က သမ္မတ ဦးသိန်းစိန်ရဲ့ မေတ္တာရပ်ခံချက်တွေကို အကောင် အထည် ဖော်တဲ့ ခြေလှမ်း အစလည်း ဖြစ်ပါတယ်။ ကျောက်တော်မြို့နယ်မှာတော့ ညမထွက်ရအမိန့် ထုတ်ပြန် ထားဆဲ ဖြစ်ပါ တယ်။ ဒီအကြောင်းတွေကိုတော့ ဆက်သွယ် စုံစမ်းထားတဲ့ မနန္ဒာချမ်း က ဆက်ပြောပြပေးပါရှင်။
ရခိုင်တိုင်းရင်းသား ဖွံ့ဖြိုးတိုးတက်ရေးပါတီ RNDP ဥက္ကဋ္ဌ အမျိုးသားလွှတ်တော် ကိုယ်စားလှယ် ဒေါက်တာအေးမောင် ကိုယ်တိုင် ရခိုင်ပြည်နယ် စစ်တွေမြို့ကို သွားရောက်ပြီးတော့ ဒီကနေ့ တနင်္ဂနွေနေ့မှာ ပါတီအထူးအစည်းအဝေးတရပ်ကို ပြုလုပ်ခဲ့ပါ။ ရခိုင်ပြည်နယ် အရေး ကိစ္စမှာ RNDP အဖွဲ့ဝင်တွေအနေနဲ့ ဒေသခံပြည်သူတွေနဲ့ ဘယ်လိုဆက်ဆံရမယ် အကြမ်းဖက်မှု ပဋိပက္ခတွေ ချုပ်ငြိမ်းပြီး အေးဆေး တည်ငြိမ်လာအောင် ဘယ်လို လုပ်ဆောင်ရမယ် ဆိုတာတွေ ကို ဒေသ ခံ ပါတီတာဝန်ရှိသူတွေနဲ့ ဆွေးနွေးခဲ့တာလည်း ဖြစ်ပါတယ်။
ဒီခရီးစဉ်အတွင်း RNDP တာဝန်ရှိသူတွေဟာ ဒေသခံ ပြည်သူတွေနဲ့ပါ တွေ့ဆုံသွားမယ်လို့ အဖွဲ့ဝင် တဦးက ပြောပါတယ်။ ဒါတွေဟာ သမ္မတ ဦးသိန်းစိန် ကနေ ရခိုင်ပြဿနာပြေလည်အောင် ရခိုင် တိုင်းရင်းသားခေါင်းဆောင်တွေကိုယ်တိုင်က ဦးဆောင် ဖြေရှင်းစေ လိုတယ်လို့ မေတ္တာရပ်ခံချက်ကို စတင် အကောင်အထည်ဖော်တာလည်း ဖြစ်တယ်လို့ မကြာသေး ခင်တုန်းက သမ္မတနဲ့ တွေ့ဆုံခဲ့တဲ့ RNDP ပြည်သူ့လွှတ်တော်ကိုယ်စားလှယ် ဦးဖေသန်း က ပြောပြပါတယ်။ “သမ္မတကြီးပြောတာကတော့သူတို့ဆယ်ခွန်းပြောတာနဲ့ ရခိုင်ပြည်သူတွေကို ကိုယ်စားပြုတဲ့ ရခိုင် ပါတီတွေက တစ်ခွန်း ပြောတာမတူပါဘူးတဲ့။ကိုယ့်ပြည်သူတွေအခြေအနေကို ကိုယ်ထိမ်းနိုင်ရင် ပိုပြီးကောင်းပါတယ်။ ကျွန်တော်တို့ကို အကူအညီ ပေးပါ။ မေတ္တာရပ်ခံပါတယ်ဆိုပြီး ပြောပါတယ်။ အဓိကကတော့ ဒီအတိုင်းဆက်သွားနေလို့ ဒီပြသာနာဟာ ပြေလည်နိုင်မှာ မဟုတ်ဘူး။ ပိုပြီးတော့ ဆိုးလာမယ်။ ဒါကြောင့် အဖြေတခုကိုရှာပြီး ကျွန်တော်တို့ သွားရမယ်။ အဓိက ကတော့ ပဋိပက္ခ္ခတွေ ငြိမ်းငြိမ်းချမ်းချမ်းနဲ့ အတူနေသွားနိုင်အောင် ပဋိပက္ခတွေ လောလောဆယ်မဖြစ်ပွားအောင် ကျနော် တို့က ဘယ်လိုထိန်းမယ် ဆိုတာကို အကြံလည်း တောင်းပါတယ်။ ကျနော်တို့ကလည်း အကြံပေးပါတယ် ခင်ဗျ”
ပြီးခဲ့တဲ့ ကြာသပတေးနေ့ သြဂုတ်လ ၉ ရက်နေ့က ပြည်ထောင်စု ရွေးကောက်ပွဲကော်မရှင် ဥက္ကဋ္ဌရဲ့ ဖိတ်ကြားချက်နဲ့ ရခိုင်နိုင်ငံရေးပါတီ ၂ ဖွဲ့ဘက်ကတော့ ရခိုင်ဒီမိုကရေစီအဖွဲ့ချုပ်က ဦးအေးသာအောင် ဦးဆောင်တဲ့ ကိုယ်စားလှယ် ၆ ယောက် ပြီးတော့ ရခိုင်တိုင်းရင်းသား တိုးတက်ရေး ပါတီက ဒေါက်တာအေးမောင် ဦးဆောင်တဲ့ ကိုယ်စားလှယ် ၄ ယောက် တို့ဟာ သမ္မတ ဦးသိန်းစိန် အပြင် ဗိုလ်ချုပ်ကြီး လှမင်း၊ နယ်စပ်ရေးရာဝန်ကြီးတို့နဲ့ ရခိုင်ပြည်နယ် အရေး ကိစ္စ တွေ ကို တွေ့ဆုံဆွေးနွေးခဲ့ကြတာဖြစ်ပါတယ်။ ဒါ့အပြင် ဒီတွေ့ဆုံမှုအတွင်း ဗိုလ်ချုပ်ကြီး လှမင်းကနေ အခု ဒီ ရခိုင်ပြည် နယ် ပြဿနာမှာ RNDP အဖွဲ့ဝင်တွေ ပါဝင်ပတ်သက်မှုရှိနေတယ်ဆိုပြီး စွပ်စွဲပြောဆိုချက်ကို RNDP က လက်မခံခဲ့ပါဘူး။ ဒါဟာ ပါတီရပ်တည်ရေးအတွက် ထိခိုက်မှုရှိသလို ပါတီရဲ့ မူဝါဒတွေနဲ့လည်း ကွဲလွဲနေတယ်လို့ ဦးဖေသန်း က အခုလို ပြောခဲ့ပါတယ်။
“ဗိုလ်ချုပ်ကြီးလှမင်း ပြောတာကတော့လေ၊ ကျနော်တို့ RNDP ပါတီက ပါဝင် ပတ်သက်တယ်ဆိုပြီး စာတမ်းတစောင် သူပြုစုထားတာရှိပါတယ်။ ကျွန်တော်တို့ပါတီရဲ့ မူဝါဒ ဒီအရေးအခင်းမှာ မပါဝင်ဖို့ ဒီလိုအကြမ်းဖက်မှုတွေကို ကျနော်တို့ အားလည်း မပေးပါဘူး။ ကျနော်တို့ပါတီရဲ့ မူဝါဒနဲ့လည်း မပတ်သက်ပါဘူး။ ဒါပေမဲ့ ကျနော်တို့မှာ ပြည်သူရဲ့ ကိုယ်စား လှယ် တွေ၊ ပါတီဆိုတာလည်း ပြည်သူကို ဦးဆောင်နေတဲ့ပါတီဆိုတော့ ပြည်သူတွေ အကူအညီ တောင်းတဲ့အခါတွေ ရှိတယ်။ ပြည်သူကလာပါလို့ ဖိတ်ကြားတဲ့အခါရှိတယ်။ ပြည်သူရဲ့အခက်အခဲတွေကို ၀င်ရောက်ဖြေရှင်းရမယ့် အခါတွေ ရှိပါတယ် ခင်ဗျ။ အဲဒီလိုအခါမျိုးမှာ အထင်မှား အမြင်မှား ဖြစ်ပြီးတော့ပေါ့လေ၊ အဲဒီလို သတင်းတွေက အများကြီး ပျံ့ သွားတာ ဖြစ်ပါလိမ့်မယ်။ အကြမ်းဖက်မှုဆိုတာ ကျနော်တို့ပါတီရဲ့ မူဝါဒမဟုတ်ပါဘူး။ ဒါတွေကို ပြင်ပစကားတွေ နဲ့ ပေါ့ လေ၊ သွေးထိုး တဲ့ စကားတွေနဲ့ ကျနော်တို့ ပါတီပေါ်မှာ အထင် အမြင် လွဲမှားမှုတွေသာ ဖြစ်လိမ့်မယ်လို့ ကျနော်တို့က သုံးသပ်ပါတယ် ခင်ဗျား”
လောလောဆယ် ဒီအကြမ်းဖက်မှု ပဋိပက္ခတွေနဲ့ ဆက်နွယ်ပြီးတော့ RNDP အဖွဲ့ဝင် ၃ ဦးကို အာဏာပိုင်တွေက တရား စွဲ ဆို ထားပါတယ်။ လက်ရှိ ရခိုင်ပြည်နယ် ကျောက်တော်မြို့နယ် မှာတော့ ဒေသခံရခိုင်တိုင်းရင်းသားတွေနဲ့ ဘင်္ဂါလီ မူစလင် တွေအကြား အခြေအနေ တင်းမာနေ ဆဲ ဖြစ်တာကြောင့် ပုဒ်မ ၁၄၄ ညမထွက်ရအမိန့် ထုတ်ပြန် ထားဆဲ ဖြစ်ပါတယ်။ ရခိုင်ပြည်နယ်တွင်း တချို့မြို့နယ်တွေမှာတော့ လုံခြုံရေးအခြေအနေကြောင့် အခြေခံပညာ စာသင်ကျောင်း တွေ ပိတ် ထားရဆဲ ဖြစ်တယ်လို့ ဒေသခံတွေက ပြောပြပါတယ်။
လအတန်ကြာ ဖြစ်ပွားခဲ့တဲ့ အကြမ်းဖက် ပဋိပက္ခ တွေကြောင့် ရခိုင်တိုင်းရင်းသား ၃၁ ယောက်၊ မူဆလင် ၄၆ ယောက် အပါအ၀င် လူ ၇၇ ယောက် သေဆုံးခဲ့ ပြီး ထိခိုက် ဒဏ်ရာရသူ ၁၀၀ နီးပါးနဲ့ အိမ်ခြေ ၄၈၀၀ ကျော် ပျက်စီး ဆုံးရှုံးခဲ့ရတဲ့ အတွက် ဒုက္ခသည်ပေါင်း ၆ သောင်း ကျော် ရှိတယ် လို့ အစိုးရက သတင်းထုတ်ပြန်ခဲ့ပါတယ်။ ပြီးခဲ့တဲ့ လကုန်ပိုင်းက လာရောက်ခဲ့တဲ့ မြန်မာနိုင်ငံဆိုင်ရာ လူ့အခွင့်အရေး အထူး ကိုယ်စားလှယ် သောမတ်စ် အိုဟေး ကင်တားနား ကတော့ ဒီ အခြေ အနေတွေကို လွတ်လပ်တဲ့ စုံစမ်းရေး ကော်မရှင် ဖွဲ့ပြီး စစ်ဆေးဖို့ အစိုးရကို အကြံပြုထားတာ ပါ။
ဒါ့အပြင် သမ္မတ ဦးသိန်းစိန် ကလည်း ရခိုင်ပြည်နယ် ပြဿနာကို လေ့လာ ကြည့်ရှုဖို့အတွက် ဆော်ဒီ အာရေဗျ အခြေစိုက် ကမ္ဘာ့အကြီးဆုံး မူဆလင်အဖွဲ့ဖြစ်တဲ့ OIC အဖွဲ့ လာရောက်တာကို ကြိုဆိုကြောင်း ပြောကြားခဲ့တယ်လို့ သတင်းတွေမှာ ဖော်ပြကြပါတယ်။
အသေအပျောက်ရှိတဲ့ မွမ်ဘိုင်းအဓိကရုဏ်း
မြန်မာနိုင်ငံ ရခိုင်ပြည်နယ် ထဲမှာ ဖြစ်ပွားခဲ့တဲ့ အဓိကရုဏ်းတွေနဲ့ပါတ်သက်ပြီး ကုလသမဂ္ဂ လူ့အခွင့်အရေး ဆိုင်ရာ အထူး ကိုယ်စားလှယ် Thomas Ojea Quintana ကပြီးခဲ့တဲ့ အပါတ်ထဲမှာ ရခိုင်ပြည်နယ်ကို သွားရောက် စုံစမ်း စစ်ဆေး ခဲ့သလို၊ တူရကီနိုင်ငံခြားရေးဝန်ကြီး နဲ့အဖွဲ့ကလည်း လာရောက်ကြည့်ရှုခဲ့ကြပါတယ်။ သမ္မတဦးသိန်းစိန်ကလည်း ရခိုင် လွှတ်တော်အမတ် တွေနဲ့ သီးခြားတွေ့ဆုံ ဆွေးနွေးခဲ့တယ်လို့လွှတ်တော်အမတ်တွေက VOA ကို ပြောပါတယ်။
မြန်မာနိုင်ငံ ရခိုင်ပြည်နယ်အတွင်းမှာ ဖြစ်ပွားခဲ့တဲ့ ပဋိပက္ခတွေနဲ့ အိန္ဒိယနိုင်ငံ အာသံပြည်နယ် မှာ ဖြစ်ပွားခဲ့တဲ့ အရေးအခင်းတွေအပေါ် မကျေမနပ် ဖြစ်ကြတဲ့ မူစလင် အဖွဲ့အစည်းတွေက အိန္ဒိယနိုင်ငံ မွန်ဘိုင်းမြို့တော်အတွင်း ဆန္ဒပြပွဲတခုပြုလုပ်ခဲ့ရာမှာ မထင်မှတ်ဘဲ အကြမ်းဖက် မှုတွေ ဖြစ်ပွားခဲ့ပြီး လူ ၂ ဦး သေဆုံးကာ ၅၀ ကျော် ဒဏ်ရာတွေ ရရှိခဲ့ပါတယ်။
အာသံပြည်နယ် မြန်မာနိုင်ငံ ရခိုင်ပြည်နယ်အတွင်း ဖြစ်ပွားခဲ့တဲ့ အရေးအခင်းတွေနဲ့ ပတ်သက်ပြီး မူစလင် ဘာသာ ၀င် တွေဘက်က မကျေမနပ် ဖြစ်နေကြသူတွေက အာဇတ် မေဒင် ကွင်းအတွင်းမှာ စနေနေ့က စတင် ဆန္ဒပြခဲ့ကြတာပါ။ ဆန္ဒပြတဲ့လူအုပ်ကြီးဟာ တနင်္ဂနွေနေ့မှာတော့ ထိန်းမနိုင်သိမ်းမရဖြစ်ပြီး လုံခြုံရေးရဲတပ်ဖွဲ့ဝင်တွေ ကို ကျောက်ခဲတွေ တုတ်တွေ နဲ့ တိုက်ခိုက် ခဲ့ကြတာပါ။ ရဲကားတွေ ဘတ်စ်ကားတွေကိုလည်း မီးရှို့တာတွေ လုပ်ခဲ့ကြပါတယ်၊ ရဲက သေနတ် မိုးပေါ်ထောင်ဖောက် ပြီး လူစုခွဲဖို့ ကြိုးစားခဲ့တယ် လို့ ဒေသခံမီဒီယာတွေက ပြောပါတယ်။ ဒဏ်ရာရသူတွေ ထဲမှာ ရဲတပ်ဖွဲ့ဝင်တွေအရေအတွက်က ၄၀ ကျော်ရှိတယ်လို့ မဟာရတ်ရ်ှထရာ ပြည်နယ် ရဲမင်းကြီးက ပြောပါတယ်။
ဒီလို အခြေအနေတွေ ဆိုးဆိုးရွားရွား ဖြစ်သွားရတာနဲ့ ပတ်သက်ပြီးတော့ စုံစမ်းစစ်ဆေးဖို့ အမိန့် ထုတ်ထားတယ်လို့ ရဲမင်းကြီး ပရစ် ဗီရတ် ချာဗန် က ပြောပါတယ်။
ကင်တားနားအကြံပြုချက် ပါတီတွေ လက်မခံ
- ပုံနှိပ်ရန်
- အီးမေးလ်
- ဖြန့်ဝေရန်
မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေးကိုယ်စားလှယ် တောမတ်စ်၊ အိုဟေး ကင်တားနား။
မြန်မာနိုင်ငံ၊ ရခိုင်ပြည်နယ်မှာ ဖြစ်ပေါ်နေတဲ့ ဆူပူအကြမ်းဖက်မှု ပဋိပက္ခတွေနဲ့ ပတ်သက်ပြီး မြန် မာနိုင်ငံ ဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ်ရဲ့ မကြာသေးခင်က လာရောက် စုံစမ်းစစ်ဆေးမှုတွေအပေါ် ပြည်တွင်း နိုင်ငံရေးပါတီတွေက သဘောမကျဘူးလို့ ပြောဆိုနေကြ ပါတယ်။ ကုလသမဂ္ဂအတွင်းရေးမှူးချုပ်ရဲ့ မြန်မာနိုင်ငံဆိုင်ရာ အထူးအကြံပေးပုဂ္ဂိုလ် ဗွီဂျေး နမ်ဘီးယားရဲ့ နိုင်ငံရေး လက်ထောက်နဲ့ ပြည်တွင်းနိုင်ငံရေးပါတီ ၂၄ ဖွဲ့တို့ မနေ့က တွေ့ဆုံချိန်မှာ အဲ့ဒီလို ပြောဆိုခဲ့ကြတာပါ။ အပြည့်အစုံကိုတော့ မနန္ဒာချမ်းက တင်ပြပေးထားပါတယ်။
မြန်မာ့နိုင်ငံရေးပါတီ ၂၄ ဖွဲ့ကနေ ကုလသမဂ္ဂ အတွင်းရေးမှူးချုပ်ရဲ့ မြန်မာနိုင်ငံဆိုင်ရာ အထူး အကြံပေး ပုဂ္ဂိုလ် ဗွီဂျေး နမ်ဘီးယားရဲ့ နိုင်ငံရေး လက်ထောက် Mrs. မာရီကိန်း ဟေဂန် (Maricanne Hagien) နဲ့ ရန်ကုန် Egress ရုံးမှာ သောကြာနေ့က တွေ့ဆုံတဲ့အချိန် မကြာသေးခင်က ကုလသမဂ္ဂ လူ့အခွင့်အရေး အထူးကိုယ်စားလှယ် သောမတ်စ် အိုဟေး ကင်တားနား ရဲ့ ရခိုင်ပြည်နယ်အရေး စုံစမ်းစစ်ဆေး ပြောဆိုမှုတွေ အပေါ် ဘ၀င်မကျတဲ့အကြောင်းကို အဖွဲ့အားလုံးက တညီတညွတ် တည်း ပြောဆိုခဲ့ကြတယ်လို့ NDF အမျိုးသား ဒီမိုကရေစီအင်အားစု ပါတီ ခေါင်းဆောင် ဦးခင်မောင်ဆွေ က ပြောပြပါတယ်။
“အဓိက-ကတော့ ဒီ ၂၄ ဖွဲ့ထဲမှာ ၂၀၁၀ ရွေးကောက်ပွဲ ဝင်တဲ့ပါတီနဲ့ ၉၀ ခုနှစ် ရွေးကောက်ပွဲဝင်တဲ့ ပါတီတွေဆိုပြီးတော့ ခွဲခြားလို့ရတယ်ဗျ။ အဲဒီနေရာမှာ အမြင်တွေ နည်းနည်းကွာတာ ရှိတာပေါ့။ အားလုံးတူတဲ့အချက်ကတော့ ရခိုင်ကိစ္စမှာတော့ မစ္စတာကင်တားနားကို လက်ခံနိုင်ခြင်း မရှိပါဘူး ဆိုတဲ့ အချက်မှာတော့ အားလုံးတူနေပါတယ်။”
ဒါ့အပြင် မစ္စတာ ကင်တားနားကနေ ဒီရခိုင်ပြည်နယ်ပြဿနာအတွက် စုံစမ်းစစ်ဆေးရေးကော်မရှင် ဖွဲ့သင့်ကြောင်း အကြံပြုချက်ကိုလည်း သူ့အနေနဲ့ လက်မခံနိုင်တဲ့အကြောင်း - အခု ပြဿနာမှာ အစိုးရရဲ့ ကိုင်တွယ်ဖြေရှင်းပုံကို မြန်မာပြည်သူအားလုံးက လက်ခံနေတဲ့အတွက် ကော်မရှင် ဖွဲ့ဖို့ မလိုဘူးလို့လည်း - Mrs. မာရီကိန်း ဟေဂန် ကို ဦးခင်မောင်ဆွေ က သူ့သဘောထားနဲ့ ပတ်သက် ပြီး ပြောပြခဲ့တယ်လို့ အခုလို ဆက်ပြောပါတယ်။
“မစ္စတာကင်တားနား လာတဲ့ကိစ္စဟာ ကြိုတင် စည်းဝါးကိုက်ပြီး လာတဲ့သဘောမျိုး ဖြစ်နေတယ်။ ဒီကိုလာတဲ့အခါမှာ သူလေ့လာ တွေ့ရှိချက်တွေကို ပြန်တင်ပြတဲ့အခါမှာ မြန်မာနိုင်ငံအတွင်းမှာရှိတဲ့ တိုင်းရင်းသားများရဲ့ အယူအဆနဲ့ကွဲလွဲချက်တွေ ဖြစ်နေတယ်။ တကယ်လို့ သူပဲဖြစ်စေ၊ တခြား တယောက်ပဲဖြစ်စေ လာမယ် ဆိုလို့ရှိရင် ဦးဆုံး တိုင်းရင်းသားခေါင်းဆောင်တွေကို တွေ့ဖို့ ကောင်း တယ်။ နောက်ပြီးတော့ နိုင်ငံရေးပါတီ ခေါင်းဆောင်တွေကို တွေ့ဖို့ ကောင်းတယ်။ အဲဒီလို တွေ့ပြီးမှ သာလျှင် ရခိုင်ပြည်နယ်ကိစ္စကို သွားပြီးတော့ စုံစမ်းလေ့လာဖို့ လိုပါတယ်လို့ ကျနော် ပြောပါတယ်။
“နောက်ပြီးတော့ မစ္စတာကင်တားနားက ရခိုင်ပြည်နယ်ကိစ္စနဲ့ ပတ်သက်ပြီးတော့ လူဝင်မှု ကြိကြပ်ရေး ဥပဒေတွေကို ပြန်လည်စိစစ်ဖို့ လိုတယ်ဆိုတာရယ်၊ လူ့အခွင့်အရေးဆိုတဲ့ ကိစ္စနဲ့ ပတ်သက်တဲ့ ကိစ္စတွေမှာ စုံစမ်းရေး ကော်မရှင်တရပ် ဖွဲ့ဖို့ လိုအပ်ပါတယ်ဆိုတဲ့ ကိစ္စကို ကျနော်တို့ လက်မခံပါဘူးဆိုတာရယ် ပြောတာပါ။ ဘာကြောင့်လဲဆိုတော့ မြန်မာနိုင်ငံပြည်သူတွေက အစိုးရ က လောလောဆယ် ကိုင်တွယ်နေတဲ့အပေါ်မှာ သဘောထား မတူဘူးဆိုတာ ဖြစ်လာခြင်း မရှိဘဲနဲ့ အခုလို စုံစမ်းရေး ကော်မရှင်ဖွဲ့ချင်တယ်ဆိုတာဟာ မသင့်လျော်ပါဘူးလို့ ကျနော်က ပြောပါ တယ်။”
NDF ပါတီခေါင်းဆောင် ဦးခင်မောင်ဆွေ ဖြစ်ပါတယ်။ မြန်မာနိုင်ငံကို ၆ ရက်ကြာခရီးစဉ်အဖြစ်နဲ့ ပြီးခဲ့တဲ့လကုန်ပိုင်းက လာရောက်ခဲ့တဲ့ မစ္စတာ ကင်တားနားဟာ သူ့ခရီးစဉ်အဆုံးသတ်တဲ့နေ့ မှာ ပြုလုပ်တဲ့ သတင်းစာရှင်းလင်းပွဲအတွင်း - ရခိုင်ပြည်နယ်မှာ ဖြစ်ပွားခဲ့တဲ့ အဓိကရုဏ်းတွေမှာ လူ့အခွင့်အရေး ချိုးဖောက်မှုတွေ ရှိနေတယ်ဆိုတဲ့ စွပ်စွဲချက်တွေနဲ့ပတ်သက်ပြီး သီးခြားလွတ်လပ်တဲ့ အဖွဲ့ကနေ စုံစမ်းစစ်ဆေးပေးနိုင်ရေးကို သူ က တောင်းဆိုခဲ့တာပါ။ ဒီလို စုံစမ်းစစ်ဆေးမှုတွေကို ချက်ချင်း မလုပ်နိုင်ဘူးဆိုရင် အမှန်အတိုင်း မဟုတ်ဘဲ တဘက်နဲ့တဘက် ချဲ့ကား စွပ်စွဲပြောဆို တာတွေ ရှိနေတာကြောင့် ပြန်လည် သင့်မြတ်ရေးအတွက် အလားအလာ မကောင်းဘဲ ယုံကြည်မှု ကင်းမဲ့နိုင်သလို တင်းမာမှုတွေလည်း တိုးလာနိုင်တယ်လို့ သတိပေး ပြောဆိုခဲ့တာဖြစ်ပါတယ်။
အခုလို ရခိုင်ပြည်နယ် အရေးကိစ္စအပြင် - အခုလက်ရှိ မြန်မာ့နိုင်ငံအရေးအခြေအနေနဲ့ ပတ်သက်လို့ လည်း ကုလသမဂ္ဂကနေ အရင်တုန်းက မြန်မာအစိုးရကို တောင်းဆိုခဲ့တဲ့ ၃ ပွင့်ဆိုင် တွေ့ ဆုံ ဆွေးနွေးရေး ဖြစ်မြောက်အောင် ဆက်လက်တိုက်တွန်းခြင်း မရှိတာအပေါ်မှာ လည်း နိုင်ငံရေး ပါတီတွေက တင်ပြခဲ့ကြတယ်လို့ ဦးခင်မောင်ဆွေ က ပြောပြခဲ့ပါတယ်။
မနေ့ သောကြာနေ့က မစ္စစ် မာရီကိန်း ဟေဂန်နဲ့ တွေ့ဆုံ ခဲ့ကြတဲ့ မြန်မာ့နိုင်ငံရေးပါတီ ၂၄ ထဲမှာ - NDF အမျိုးသားဒီမိုကရေစီအင်အားစု၊ ဒီမိုကရက်တစ်ပါတီ(မြန်မာ)၊ ရခိုင်တိုင်းရင်းသားများ တိုးတက်ရေးပါတီ RNDP၊ ရှမ်းတိုင်းရင်းသားများ ဒီမိုကရက်တက်ပါတီ၊ ချင်း၊ ဇိုမီး၊ ကရင်၊ ဖလုံ-စဝေါ် ပါတီ စတဲ့ ၁၉၉၀ ရွေးကောက်ပွဲဝင် နိုင်ငံရေးပါတီတွေရော၊ ၂၀၁၀ ရွေးကောက်ပွဲဝင် နိုင်ငံရေး ပါတီတွေ ပါဝင်ခဲ့ကြပါတယ်။ မစ္စတာ ဗွီဂျေး နမ်ဘီးယားရဲ့ နိုင်ငံရေး လက်ထောက်အဖြစ်နဲ့ တာဝန်ထမ်းဆောင်နေတာ ၂ ပတ်သာ ရှိသေးတဲ့ မစ္စစ် မာရီကိန်း ဟေဂန် အနေနဲ့ မြန်မာနိုင်ငံရဲ့ လက်ရှိ နိုင်ငံရေး အခြေအနေတွေကို ပိုမို သိရှိနိုင်ဖို့ ရည်ရွယ်ချက်နဲ့ အခုလို နိုင်ငံရေးပါတီတွေနဲ့ လိုက်လံတွေ့ဆုံနေတာလည်း ဖြစ်ပါတယ်ရှင်။
No comments:
Post a Comment