by Myanmar Journal on Saturday, May 26, 2012 at 2:19pm
မြန်မာကို အရှေ့တောင်အာရှနဲ့ ဆက်သွယ်တဲ့ လမ်းကြောင်းတခု အဖြစ် အိန္ဒိယမြင်အိန္ဒိယဝန်ကြီးချုပ် မြန်မာနိုင်ငံ ခရီးစဉ် တင်ကြိုသုံးသပ်ချက်
အိန္ဒိယဝန်ကြီးချုပ် မန်မွန်ဟန်ဆင်းဟာ ဝန်ကြီးချုပ် တဦး အနေနဲ့ ၂၅ နှစ် အတွင်း ပထမဆုံး အကြိမ် အဖြစ် မနက်ဖြန် တနင်္ဂနွေ နေ့မှာ မြန်မာ နိုင်ငံကို ရောက်ရှိ လာတော့မှာ ဖြစ်ရာ ဒီခရီးစဉ်ဟာ တရုတ်ရဲ့ မြန်မာ အပေါ် လွှမ်းမိုးမှုကို လျှော့ချဖို့ ကြိုးပမ်းမှု တခုလား ဆိုတာ မေးစရာ ဖြစ်နေပါတယ်။
အိန္ဒိယ မြန်မာ နယ်စပ် အခြေအနေကို ကြည့်မယ်ဆိုရင် တမူး၊ မိုးရေး ဒေသတွေမှာ လမ်းတွေချဲ့၊ အဆောက်အဦး အသစ်တွေ ဆောက်နေကြတဲ့ အလုပ် သမားတွေကို တွေ့နိုင်ပါတယ်။ ဒီနေရာကို အိန္ဒိယ အစိုးရက မြန်မာနဲ့ နယ်စပ် ကုန်သွယ်ရေး အဓိက ထွက်ပေါက် အဖြစ် အသွင်ပြောင်းချင် နေတာပါ။
နယ်စပ် တဖက်မှာ အိန္ဒိယ လုံခြုံရေး တပ်ဖွဲ့တွေ စောင့်ကြပ်နေပြီး နောက်တဖက်မှာ မြန်မာလုံခြုံရေးတွေ ရှိနေပါတယ်။ အိန္ဒိယရဲ့အဓိက ပြိုင်ဖက်ဖြစ်တဲ့ တရုတ်နိုင်ငံသား တွေလည်း ဒီနယ်စပ်မှာ ရောက်နေ ကြပါပြီ။
ပြီးခဲ့တဲ့နှစ်တွေအတွင်း မြန်မာနိုင်ငံရဲ့ စီးပွားရေးမှာ တရုတ်နိုင်ငံရဲ လွှမ်းမိုးမှုတွေ အများကြီး ရှိခဲ့ပါတယ်။ ဒါပေမယ့် အိန္ဒိယ အနေနဲ့လည်း အားသာချက်တွေ ရှိနေပါတယ်လို့ မြန်မာနိုင်ငံဆိုင်ရာ အိန္ဒိယသံ အမတ်ကြီးဟောင်းဖြစ်တဲ့ Rajiv Bhatia က ပြောပါတယ်။
အိန္ဒိယဟာ မြန်မာနဲ့ အခု လို သမိုင်းနဲ့ချီ ဆက်ဆံခဲ့တယ် ဆိုတာမှန်ပေမယ့် တကယ်တမ်း တရုတ်နဲ့ စီးပွားရေးအရ ယှဉ်ပြိုင်ဖို့ဆိုတာ သိပ်တော့မလွယ် လှပါဘူး။
အကြောင်းကတော့ မဏိပူရ ပြည်နယ်မြို့တော်မှာ ရှိတဲ့ ပွန်နာဘဇာ ဈေးတခုလုံး လိုလိုမှာ တရုတ်ပစ္စည်းတွေ ရောင်းတဲ့ဆိုင်တွေနဲ့ ပြည့်နေပြီး တရုတ်ပစ္စည်းတွေက ပိုအရောင်းသွက်လို့ ဖြစ်ပါတယ်။
တရုတ်နိုင်ငံဟာ စီးပွားရေး အရ ပိုအားကောင်းသလို ကုန်ပစ္စည်းတွေကို ဈေးပေါပေါနဲ့ ထုတ်လုပ်နိုင်တာ ဟာလည်း အိန္ဒိယထက် အားသာတဲ့ အချက်ပါ။
အိန္ဒိယ အနေနဲ့ တရုတ်နဲ့ယှဉ် ပြိုင်နိုင်ဖို့ မလွယ်ပေမယ့် မြန်မာကို အရှေ့တောင်အာရှနဲ့ ဆက်သွယ်တဲ့ လမ်းကြောင်းတခု အဖြစ် မြင်နေတဲ့ အိန္ဒိယအဖို့ ဖြစ်တဲ့နည်းနဲ့ ထိုးဖောက်ဖို့ ကြိုးစားလိမ့်မယ် ဆိုတာကို ဝန်ကြီးချုပ် မာမိုဟန်ဆင်းရဲ့ ခရီးစဉ်က သက်သေခံနေကြောင်း ဘီဘီစီ သတင်းထောက် ဆန်ဂျွိုင်းမဂျွန်ဒါက မိုရေးမြို့ကနေ သတင်း ပေးပို့ထားပါတယ်။
ဆူးလေဘုရားရှေ့ ဖယောင်းတိုင်ထွန်း စီတန်း လှည့်လည်မှုတွေ ဆက်လုပ်ခဲ့ကြလျှပ်စစ်မီးရရေး ပုံစံတမျိုးနဲ့ ဆက်ဆန္ဒ ထုတ်ဖေါ်
မြန်မာနိုင်ငံတဝှမ်းမှာ လျှပ်စစ်မီးရရေး ဖယောင်းတိုင်ထွန်း ဆန္ဒထုတ်ဖေါ် တောင်းဆိုမှုတွေ ပြီးခဲ့တဲ့ ရက်ပိုင်းက စလို့ လုပ်ခဲ့ရာမှာ စနေနေ့မှာလည်း ရန်ကုန်မြို့ ဆူးလေဘုရားရှေ့မှာ ဖယောင်းတိုင်ထွန်း စီတန်း လှည့်လှည် ဆန္ဒထုတ်ဖေါ် ခဲ့ကြပါတယ်။
တောင်းဆိုထားတဲ့ ရလဒ်တွေ မရမချင်း ဆက်လက် ဆန္ဒ ထုတ်ဖေါ်သွားမယ်လို့ ဒီလှုပ်ရှားမှုတွေကို စီစဉ်သူတဦး ဖြစ်တဲ့ ဒေါ်နော်အုန်းလှက ဘီဘီစီကို ပြောပါတယ်။
တခါ အဲဒီလို ဆန္ဒ ထုတ်ဖေါ်တဲ့ နေရာတွေဆီ မသွားနိုင်သူတွေကလည်း ကိုယ့်အိမ် အပြင်ဘက်မှာ ဖယောင်းတိုင်ထွန်းပြီး ဆန္ဒ ထုတ်ဖေါ်တာမျိုးတွေ လုပ်ခဲ့ကြပါတယ်။
ဆူးလေဘုရားရှေ့ ဆန္ဒပြချိန် ဖြစ်တဲ့ ညနေပိုင်း အချိန်တွေမှာ စားဝတ်နေရေးအတွက် ဈေးရောင်းနေရတာမို့ စီတန်း လှည့်လှည် ဆန္ဒပြမှုတွေမှာ မပါဝင်နိုင်တဲ့အတွက် အခုလို ကိုယ့်အိမ်အပြင်ဘက်မှာ ဖယောင်းတိုင်ထွန်း ဆန္ဒ ထုတ်ဖေါ် ရတာလို့ မင်္ဂလာတောင်ညွန့် မြို့နယ်က ဈေးသည်တဦးက ဘီဘီစီကို ပြောပါတယ်။
ပုသိမ်မြို့မှာလည်း လျှပ်စစ်မီးရရေးအတွက် လူ ၅၀လောက် လျှပ်စစ်ရုံးရှေ့မှာ ဆန္ဒပြခဲ့ကြ တယ်လို့ သိရပါတယ်။
ခွင့်ပြုချက် မရှိပဲ လူစုလူဝေးနဲ့ ဆန္ဒပြခဲ့မှုနဲ့ လူ၆ဦး တရားစွဲခံခဲ့ရတဲ့ ပြည်မြို့မှာတော့ ဒီကနေ့ ဆန္ဒပြမှုတွေ မရှိခဲ့သလို မန္တလေးမြို့မှာလည်း ဆန္ဒပြမှုတွေ မရှိဘူးလို့ သိရပါတယ်။
သေဆုံးသူတွေထဲမှာ ကလေးသူငယ်တွေလည်း အများအပြား ပါဝင်ဆီးရီးယားမှာ အစုလိုက် အပြုံလိုက် သတ်ဖြတ်ခံရ
ဆီးရီးယားနိုင်ငံ ဟိုလာမြို့မှာ အစိုးရ လုံခြုံရေး တပ်ဖွဲ့တွေက လူပေါင်း ၉၀ လောက်ကို အစုလိုက် အပြုံလိုက် သတ်ဖြတ် ခဲ့တယ်လို့ အဲဒီမြို့က အတိုက်အခံ တက်ကြွ လှုပ်ရှားသူတွေက ပြောင်းကြောင်း ဟိုလာမြို့ ကို သွားရောက်ခဲ့တဲ့ ကုလသမဂ္ဂ စောင့်ကြည့် လေ့လာသူတွေက ပြောပါတယ်။
သေဆုံးသူတွေထဲမှာ ကလေးသူငယ်တွေလည်း အများအပြား ပါဝင်တယ်လို့ တက်ကြွ လှုပ်ရှား သူတွေက ပြောပါတယ်။
သောကြာနေ့မှာ အခုလို သတ်ဖြတ်မှုတွေ ဖြစ်ပွားခဲ့ပြီးနောက် အတိုက်အခံ တက်ကြွ လှုပ်ရှားသူတွေက ကုလသမဂ္ဂနဲ့ စောင့်ကြည့်သူတွေ အနေနဲ့ အရပ်သားတွေကို အကာ အကွယ်ပေးရေး ပိုမိုလုပ်ဆောင်ပေး ကြဖို့ တိုက်တွန်းလိုက်ပါတယ်။
အင်တာနက်အွန်လိုင်းမှာ တင်ထားတဲ့ ဗီဒီယိုမှတ်တမ်းတခုမှာတော့ အိပ်ခန်းတခုထဲမှာ ကလေးငယ် လေးငါးဆယ် လောက်ဟာ အစုလိုက် အပြုံလိုက် သွေးအိုင်ထဲမှာ လဲနေပြီး သေနေတာကို တွေ့ရပါတယ်။
နောက်ပြီး ဘေးကကြည့်နေတဲ့ လူတွေဟာ ဒေါသဖြစ်ပြီ အော်ဟစ် နေကြတာကိုလည်း တွေ့ရပါတယ်။
အရှေ့အလယ်ပိုင်း ဘီဘီစီး သတင်းထောက်က ဒီဗီဒီယိုမှတ်တမ်းနဲ့ ပတ်သက်ပြီး မှတ်ချက် ပေးရာမှာ ဒီဖြစ်ရပ် မှန်မမှန် အတည်မပြုနိုင်ပေမယ့် ဟန်ဆောင်ပြီး ရိုက်ကူးဖို့ဆိုတာ ဟာလည်း သိပ်မလွယ်ဘူးလို့ ပြောပါတယ်။
မှော်ဘီ သံမဏိစက်ရုံမှာ အစာငတ်ခံ ဆန္ဒပြ
ဆန္ဒပြနေသူ အလုပ်သမား(၆၀ဝ) နီးပါးကို ရွှေညဝါ ဆရာတော်က ထမင်းကြွေးထား
ရန်ကုန်တိုင်း မှော်ဘီမြို့နယ် မြောင်းတကာ သံမဏိစက်ရုံမှာ အလုပ်သမားတွေ ရာနဲ့ချီ ဆန္ဒပြနေကြပြီး အလုပ်သမား လေးဆယ် ကျော်ကတော့ သူတို့ အခွင့်အရေးတွေရဖို့ အစာငတ်ခံ တောင်းဆိုနေကြပါတယ်။
တပတ်ကြာနေပြီဖြစ်တဲ့ ဆန္ဒပြတောင်းဆိုမှုတွေ ကနေ၊ မနေ့ သောကြာနေ့မှာတော့ အစာအငတ်ခံ ဆန္ဒပြတဲ့ အဆင့်အထိရောက်ရှိခဲ့ပြီး၊ ဒီကနေ့ စနေနေ့မှာလည်း အလုပ်သမား(၄၁) ဦး ဆန္ဒ ဆက်ပြနေပါတယ်။
ပြည်ကြီး တရုတ်လူမျိုးပိုင် သံမဏိစက်ရုံ အလုပ်သမားတွေဟာ နေစားခ(၁၆၀)သာ ရတဲ့ အပေါ် မကျေနပ်လို့ လခတိုး ရဖို့ ဆန္ဒပြ တောင်းဆိုနေတာ တပတ်ပြည့် သွားပြီ ဖြစ်ပေမယ့် ဘာမှ မထူးခြားတာကြောင့် အစာအငတ်ခံ ဆန္ဒပြတဲ့ အထိ ဖြစ်လာရတာလို့ အလုပ်သမား တွေကို ကူညီပေးနေသူ ကိုဇေယျာထွန်းက ဘီဘီစီကို ပြောပါတယ်။
အလုပ်ရှင်ဖြစ်တဲ့ တရုပ်အမျိုးသား ဦးရှောက်ကန် ကတော့ အလုပ်သမားတွေကို အတွေ့မခံဘဲ ကိုယ်စားလှယ် အဖြစ် အငြိမ်းစား ဗိုလ်မှူးဦးမြင့်ဆွေကို လွှဲထားတယ်လို့ သိရပါတယ်။
ဒါပေမယ့်လည်း အလုပ်သမားတွေ တောင်းဆိုမှုကို ဘာတခုမှ ဆောင်ရွက်ပေးတာ မရှိတဲ့ အပြင် အလုပ်သမား(၃၀ဝ) ကျော်ကို အလုပ်ကနေ ဒီကနေ့ ထုတ်လိုက်တယ်ဆိုတဲ့ နာမည် စာရင်းတွေကို စက်ရုံ နံရံတွေမှာ ကပ်ထားတယ်လို့ ပြောပါတယ်။
ဆန္ဒပြနေသူ အလုပ်သမား(၆၀ဝ) နီးပါးကို ရွှေညဝါ ဆရာတော်ဘုရားက နေ့ည ထမင်းကြွေး ထားပြီး ကျန်တဲ့ အဖွဲ့အစည်းတွေ ကလည်း အကူအညီပေး နေတယ်လို့သိရပါတယ်။
အလုပ်သမားတွေ ကတော့ တောင်းဆိုချက် မရမခြင်း ဆက်ပြီး ဆန္ဒပြမယ်လို့ ဆိုပါတယ်။
ရန်ကုန်ကရောင်းသံမဏိစက်ရုံ အလုပ်သမားများ အစာငတ်ခံဆန္ဒပြ
By မအေးအေးမာ
- ခြောက်ရက်မြောက်နေ့အဖြစ် ဆန္ဒပြနေကြတဲ့ မှော်ဘီမြို့နယ် မြောင်းတကာ Yangon Crown (ရန်ကုန် သရဖူ) သံမဏိစက်ရုံမှာတော့ သူတို့ရဲ့ တောင်းဆိုချက်တွေ မရတဲ့အတွက် အလုပ်သမား တချို့က အစာငတ် ခံဆန္ဒပြမူကို စတင်လိုက်ပါတယ်။ အလုပ်သမား လေးရာကျော်လောက် ဆန္ဒပြနေ ကြတဲ့ ခြောက် ရက်မြောက်နေ့မှာ အလုပ်သမားနှစ်ဆယ်ကျော်လောက်က ဒီကနေ့ စပြီးတော့ အစာ ငတ်ခံဆန္ဒပြခဲ့ကြ တာ ဖြစ်ပါတယ်။ နောက်ဆုံးဖြေစ်နေတဲ့ အခြေအနေတွေကိုတော့ ထိုင်းအခြေစိုက် ဗီအိုအေ (မြန်မာပိုင်း) သတင်းထောက် မအေးအေးမာက စုံစမ်းသိရှိထားသမျှ ပြောပြပေးပါဦးရှင်။
Yangon Crown သံမဏိစက်ရုံကအလုပ်သမားတွေဟာ ခြောက်ရက်မြောက်နေ့မှာတော့ ဆန္ဒပြမူ တွေ ဆက်လုပ်နေပြီး သူတို့တောင်းဆိုနေတဲ့ အခြေခံလစာတိုးပေးရေးကိစ္စတွေ ကို ဆောင်ရွက်ပေး ခြင်းမရှိတဲ့ အတွက် အစာငတ်ခံဆန္ဒပြတာကို မေလ ၂၅ရက်နေ့က စတင် လိုက်တာဖြစ်ကြောင်း အလုပ်သမားေ ခါင်းဆောင် ကိုနော်အောင်က ပြောပါတယ်။
ကိုနော်အောင် ။ ။ သူတို့ ရိုးရိုးဆန္ဒပြနေကြတာဟာ ဒီနေ့ဆို ခြောက်ရက်ရှိသွားပါပြီ။ အင်အား လေး ရာလောက် ရှိပါတယ် ခင်ဗျာ။ အစာငတ်ခံဆန္ဒပြတာ ဒီနေ့ဆို (၂၅) ယောက်ပါ။ အစာငတ်ခံ ဆန္ဒပြတာကို ဒီနေ့မနက် (၉)နာရီမှာ အစီအစဉ် စတာပါ။ တနေ့ထက်တနေ့ ကျနော်တို့က ဆန္ဒပြသွားတာကို သူတို့စက်ရုံ ဘက်ကလည်း တနေ့ပြီးတနေ့ ကြေညာစာတမ်းတွေ ထွက်လာနေပါတယ်။ မေလ (၂၄) ရက်နေပနောက်ဆုံး ထားပြီး အလုပ်သမားတွေနေတဲ့ အဆောင်တွေကနေ ထွက်ပေးရမယ်လို့၊ သူတို့က ကြေညာစာ ထုတ်ထားပါ တယ်။ ကျနော်တို့က နေပူထဲမှာ ထိုင်နေကြတာ ငါးရက်မြောက် ခဲ့ပြီးပါပြီ။ ကျနော်တို့ဆီကိုလည်း ကျနော်တို့ လိုချင်တာတွေနဲ့ ပတ်သက်ပြီး တိတိကျကျညှိနှိုင်းဖို့လည်း သူတို့ဘက်က မလာပါဘူး။ နေပူထဲထိုင်နေတာ များလာတော့ အားလုံးက သေချင်စော်တွေ များနေ ပါပြီ။ ဒါ့ကြောင့် ကျနော်တို့က နောက်ဆုံး ဒါကို စီစဉ် လိုက်ရတာပါ။
အစာငတ်ခံဆနပြမူတွေ ညနေပိုင်းအထိရောက်လာခဲ့ပေမဲ့ အလုပ်သမားတွေ တောင်းဆိုတာမပေးနိုင် ကြောင်း အလုပ်ကနေ ထွက်သွားနိုင်ကြောင်း အလုပ်ရှင်ဘက်က တုန့်ပြန်မူတွေ လုပ်လာတယ်လို့ ဆိုပါတယ်။
ကိုနော်အောင် ။ ။ အခုအချိန်အထိတော့ ဘာမှ လိုက်လျောတာ မတွေ့ရသေးပါဘူး။ သူတို့က နောက် ထပ် ကျနော်တို့ကို ဖိနှိပ်တဲ့ ကြေညာခက်တစ်ခု ထပ်ထွက်လာပါတယ်။ ဒီလစာကိုတော့ ဘယ်လိုမှ မတိုးပေးနိုင်ပါဘူးတဲ့။ ဒီအလုပ်ကနေ ထွက်ကြပါ၊ ကိုယ့်သဘောနဲ့ကိုယ် ထွက်ကြပါတဲ့။ ကိုယ့်ဟာကိုယ် ဆိုက္ကားပဲနင်းနင်း စပါးပဲ စိုက်စိုက်၊ ဘာအလုပ်ပဲဖြစ်ဖြစ် အဲဒီလို ကိုယ်ပိုင်အလုပ်တွေ လုပ်ကြပါတဲ့။
Yangon Crown သံမဏိစက်ရုံကအလုပ်သမားတွေထဲမှာ အနည်းဆုံး (၇)နှစ်ကနေ (၁၀)နှစ်အထိ အလုပ် သက်တမ်းရှိသူတွေ ပါဝင်ပြီး သူတို့ကို အလုပ်ထုတ်ချင်သလို ထုတ်တာမျိုးတွေ လုပ်လို့ မရဘူးလို့ ဆိုပါတယ်။ Yangon Crown သံမဏိ စက်ရုံက အလုပ်သမားတွေထဲက လေဘာ (labor) ဆိုတဲ့ အလုပ်သမားတွေဟာ ထိုက်သင့်တဲံလုပ်အားခမရပဲ တနေလုပ်အားခ ကျပ်(၁၆၀)သာ ရတဲ့အတွက် စားဝတ်နေရေး ကလေးတွေရဲ့ ပညာရေးတွေ အခက်အခဲတွေနဲ့ ရင်ဆိုင်နေရတာပါ။
စက်ရုံပိုင်ရှင်တွေက တရုတ်နိုင်ငံသားတွေဖြစ်ပြီး အုပ်ချုပ်နေတာကတော့ မြန်မာရဲမှူးဟောင်းတစ်ဦးက အုပ် ချုပ်ရင်း သူတို့ကို ခိုင်းစေနေတာဖြစ်တယ်လို့ ဆိုပါတယ်။ ပြီးခဲ့တဲ့ မေလ၂၃ရက်နေ့ကတော့ အလုပ်သမားတွေ က မြို့ထဲထိချီတက်ဆန္ဒပြဖို့အထိ လုပ်ဆောင်ထားပေမဲ့ မှော်ဘီမြိုနယ်အုပ်ချုပ်ရေး မှူးကခွင့်မပြုပဲ အလုပ်သ မား ညွန်ကြားမူဦးစီးဌာနက တာဝန်ရှိသူတွေက လာပြီး တားဆိးခဲ့တယ်လို့ ဆိုပါတယ်
ဒါ့အပြင်လုံခြုံရေးတွေ ချပြီး ခြိမ်းခြောက်မူတွေ လုပ်ခဲ့တယ်လို့ အလုပ်သမာေးတွက ပြောပါတယ် ။ လက်ရှိ မှာတေ့ သူတိုရဲ့ စားသောက်ရေးအတွက် ရွှေည၀ါဆရာတော်ကြီးက လှူဒါန်းမူတွေလုပ်ခဲ့ပြီး အကူအ ညီတွေ ပေးနေသလို အလုပ်သမားတွေကို စိတ်ဓါတ်ကျတာမဖြစ်စေဖို့ ရည်မှန်းချက်အတိုင်း အောင်မြင်အောင် လုပ်ဖို့အတွက် ဆရာတော်ကြီးက မိန့်ကြားခဲ့တယ်လို့ ဆိုပါတယ်ရှင် ။
အီဂျစ်ပြိုင်ပွဲဝင် သမ္မတလောင်းတွေ စည်းရုံးရေး တိုးချဲ့
By VOA (မြန်မာပိုင်း)
အီဂျစ်နိုင်ငံ သမ္မတလောင်းရွေးချယ်ပွဲမှာ ရှုံးနိမ့်ဖို့ အလားအလာ ရှိနေတဲ့ ကိုယ်စားလှယ်လောင်းတွေကို စနေနေ့မှာ ကျင်းပမဲ့အမျိုးသားစေ့စပ် ညှိနှိုင်း ဆွေးနွေးပွဲကို တက်ရောက် ဆွေးနွေးပြီး သူတို့ ထောက်ခံအားပေးတဲ့ ကိုယ်စားလှယ်လောင်း Mohammed Morsi ကို ထောက်ခံနိုင်ဖို့ မူဆလင်ညီအကို တော်များအဖွဲ့က ဖိတ်ခေါ်လိုက်ပါတယ်။
တရားဝင်မဟုတ်သေးပေမဲ့ ဗုဒ္ဓဟူးနဲ့ ကြာသာပတေးနေ့ ရွေးကောက်ပွဲ ရလာဒ်တွေအရ Mohammed Morsi ဟာရှေ့ဆုံးက ပြေးနေပြီး သူရဲ့ ပြိုင်ဖက်က Ahmed Shafiq ဖြစ်ပါတယ်။ သောကြာနေ့က အစ္စလာမ်မစ် ပြောခွင့်ရသူက ကိုယ်စားလှယ်လောင်း ၁၀ ယောက်ကို စေ့စပ် ဆွေးနွေးပွဲကို ဖိတ်ကြားရင်းနဲ့ သူ့အဆို နိုင်ငံအတွက် တော်လှန်ရေးကို ကယ်တင်ဖို့ တိုက်တွန်းလိုက်ပါတယ်။
ဒီအတောအတွင်း စနေနေ့ သတင်းစာရှင်းလင်းပွဲမှာ အရင်အစိုးရအဖွဲ့ ကို ပြန်သွားတော့မှာ မဟုတ်ဘူးလို Ahmed Shafiq က ပြောဆိုပါတယ်။
သမ္မတ မူဘာရက် လက်ထက်က သူဟာ နောက်ဆုံး ၀န်ကြီးချုပ် တာဝန်ထမ်းဆောင်ခဲ့သူ ဖြစ်ပါတယ်။ သမ္မတ မူဘာရက်ဟာ မနှစ်က ဒီမိုကရေစီရေး တောင်းဆို လှုပ်ရှားမှုတွေမှာ အာဏာ လက်လွှတ်ခဲ့ရသူ ဖြစ်ပါတယ်။
သူတို့နှစ်ဦးဟာ မတူတဲ့လမ်းကြောင်းတွေ ရှိတဲ့အတွက် အီဂျစ်ပြည်သူတွေ ပြတ်ပြတ်သားသား ရွေးချယ်နိုင်ကြလိမ့်မယ်လို့ ဗွီအိုအေ သတင်းထောက် Elizabeth Arrot ကပြောပါတယ်။ နောက်ဆုံးရလာဒ်ကို အင်္ဂါနေ့မှာ ကျေညာလိမ့်မယ်လို့ မြှော်လင့်ရပါတယ်။
ဇွန်လ ၁၆ နဲ့ ၁၇ ရက်တွေမှာ နောက်ဆုံးရွေးချယ် ပွဲကျင်းပမှာ ဖြစ်ပါတယ်။ မဲဆွယ်ပွဲအတွင်း Morsi က ရဲရဲတောက် မိန့်ခွန်းပြောခဲ့ပြီး သူ့သမ္မတတာဝန်ဟာအစ္စလာမ်ပေါ်အခြေခံမှာ ဖြစ်ပေမဲ့ ဘာသာရေးအဓိက အုပ်ချုပ်ရေးတော့ ဖြစ်မှာမဟုတ်ဘူးလို့ ပြောဆိုပါတယ်။ Morsi အနိုင်ရခဲ့ရင် အစ္စလာမ်မစ် ပါတီအတွက် နိုင်ငံရေးအရအောင်မြင်မှု ရမယ်လို့ ယူဆကြပါတယ်။
သမ္မတ Mubarak လက်ထက်က လေတပ် ဦးစီးချုပ်တာဝန်ထမ်းခဲ့သူ Shafiq ကိုတော့ မငြိမ်သက်မှုတွေကို ထိမ်းသိမ်းနိုင်လိမ့်မယ် ဆိုတဲ့ မြှော်လင့်ချက်နဲ့ မူဘာရက်က ၀န်ကြီးချုပ်တာဝန် ပေးခဲ့တာလဲ ဖြစ်ပါတယ်။ ဒါပေမဲ့ ၂၀၁၁ ခုနှစ် လှုပ်ရှားမှုတွေမှာ ပါဝင်ခဲ့တဲ့ တက်ကြွလှုပ်ရှားသူတွေနဲ့ မဲဆန္ဒရှင်တချို့က သူ့ကို သမ္မတဟောင်း မူဘာရက်နဲ့ ပါတ်သက်သူအဖြစ် သံသယ ရှိကြပါတယ်။
ပထမဆုံး ပုဂ္ဂလိကယာဉ် အာကာသစခန်း ရောက်ရှိ
By VOA (မြန်မာပိုင်း)
- ပုဂ္ဂလိက အာကာသယာဉ်တခုဟာ ပထမဦးဆုံးအကြိမ်အဖြစ် နိုင်ငံတကာ အာကာသစခန်းကို ရောက်ရှိသွားခဲ့ပါပြီ။
အမေရိကန်ပြည်ထောင်စု Space X ကော်ပိုရေးရှင်းက ဖန်တီးထားတဲ့ The Dragon - နဂါးလို့ အမည်ပေးထားတဲ့ အာကာသယာဉ်ဟာ သောကြာနေ့က အဲဒီ အာကာသစခန်းကို ရောက်ရှိသွားတာပါ။
အာကာသစခန်းယာဉ်မှူးတွေက အဲဒီ နဂါးယာဉ်ကို စက်ရုပ်လက်တံတွေနဲ့ ဖမ်းထိန်းလိုက်ကြပြီး ဒီကနေ့ စနေနေ့မှာ ဖွင့်လှစ်ဖို့ စီစဉ်နေကြပါတယ်။
နာဆာ အာကာသသိပ္ပံအဖွဲ့က သူတို့ရဲ့ လွန်းပျံယာဉ်ကို မနှစ်က အငြိမ်းစားပေးလိုက်ပြီးတဲ့နောက် ဒါဟာ အမေရိကန် အာကာသအစီအစဉ်ရဲ့ မှတ်တိုင်သစ်တရပ် စတင်လိုက်တာ ဖြစ်ပါတယ်။
Space X ကော်ပိုရေးရှင်း အကြီးအကဲ သန်ပေါင်း ထောင်ချီချမ်းသာတဲ့ သူဌေးကြီး Elon Musk က မှားယွင်း ချွတ်ချော်နိုင်တဲ့ကိစ္စ အမြောက်အများကို မှန်ကန် တည့်မတ်အောင် လုပ်နိုင်ခဲ့တာဖြစ်တယ်လို့ ဆိုပါတယ်။
နဂါးယာဉ်ဟာ အာကာသစခန်းမှာ တပတ်ကြာ ရပ်နားမှာဖြစ်ပါတယ်။ စခန်းဝန်ထမ်းတွေက ကီလို ၅၀၀ ကျော်ရှိတဲ့ပစ္စည်းတွေကို ဆွဲချ ၊ သုံးပြီးသား ပစ္စည်းအဟောင်းတွေ ပြန်တင်ပြီး ကမ္ဘာမြေဆီ ပြန်လွှတ်ကြမှာ ဖြစ်ပါတယ်။
အလုပ်သမား ဆန္ဒပြမှု တချို့တ၀က် ပြေလည်
By ဇော်ဝင်းလှိုင်
ရန်ကုန် လှိုင်သာယာ စက်မှုဇုံအတွင်း လုပ်အားခလစာ တိုးမြင့်ပေးရေးအတွက် တောင်းဆို ဆန္ဒပြနေကြတဲ့ အထဲက စက်ရုံ ၃ ရုံမှာ သဘောတူညီချက် ရရှိသွားပြီ ဖြစ်ပါတယ်။ ဒါပေမယ့် ကျန်စက်ရုံ တော်တော်များများမှာတော့ ညှိနှိုင်း ဆောင်ရွက်မှုတွေ အဆင်မပြေသေးတဲ့ အတွက် ဆက်လက် ဆန္ဒပြနေကြဆဲ ဖြစ်ပါတယ်။ အပြည့်အစုံကိုတော့ ဆက်သွယ် စုံစမ်းထားတဲ့ ကိုဇော်ဝင်းလှိုင်က တင်ပြပေးထားပါတယ်။
ရန်ကုန် လှိုင်သာယာ စက်မှုဇုံနဲ့ မှော်ဘီမြို့က ရန်ကုန်သရဖူ သံမဏိစက်ရုံတွေမှာ လုပ်အားတိုးမြင့်ပေးရေးနဲ့ တခြား အလုပ်သမား အခွင့်အရေး ရရှိရေးအတွက် တောင်းဆို ဆန္ဒပြမှုတွေ သီတင်း ၂ ပတ်ကျော်လောက် ကြာလာတဲ့ အခါမှာတော့ စက်ရုံ ၃ ရုံမှာရှိတဲ့ အလုပ်သမားတွေနဲ့ အလုပ်ရှင်တွေအကြား မနေ့ ညနေပိုင်းက သဘောတူညီမှု ရရှိသွားကြပြီလို့ အလုပ်သမားတွေကို ဥပဒေအကြံပေးအဖြစ် ဆောင်ရွက်ပေးနေတဲ့ ဦးဌေးက ပြောပြပါတယ်။
"စက်ရုံ ၃ ရုံကတော့ သဘောတူညီမှု ရသွားပြီလို့ ပြောပါတယ်။ YJ ရယ်၊ အာရှနှင်းဆီရယ်၊ Miss Style ဖိနပ်ချုပ် စက်ရုံတွေကတော့ အဆင်ပြေသွားတယ်လို့ ကြားသိရပါတယ်။ ကျန်တဲ့ စက်ရုံတွေကတော့ ဒီနေ့တိုင် ဆက်လက် တောင်းဆိုနေဆဲဖြစ်ပါတယ်။ အလျှော့အတင်းနဲ့ ပြေလည်သွားတယ်လို့ ပြောတယ်ဗျ။"
ဒါပေမယ့် တခြား စက်ရုံအတော်များများမှာတော့ အလုပ်ရှင်နဲ့ အလုပ်သမားကြား ညှိနှိုင်း ဆောင်ရွက်မှုတွေ အခုချိန်ထိ အဆင်မပြေနိုင်သေးပဲ ဖြစ်နေတာပါ။
"ကျန်တာ မြန်မာပုလဲကျန်တယ်၊ ဒီဖက်မှာဆိုရင် Lucky Shoe ကလဲ အသစ်ထွက် တောင်းဆိုတဲ့ စက်ရုံဖြစ်တယ်။ နောက် Hi Art ဆံပင်တုစက်ရုံကို ဆက်လက် ဆောင်ရွက်နေတယ်။ နောက် စံပယ်ပွင့် ဆက်လက် ဆောင်ရွက်နေတယ်။ နောက် နေမင်းအောင် ဆက်လက် တောင်းဆိုနေတယ်။ တိုးမြတ်အောင် ဆက်လက် တောင်းဆိုနေတယ်။ ငွေပင်လယ် ဆက်လက် တောင်းဆိုနေတယ်။ ဆက်လက် တောင်းဆိုနေတဲ့ စက်ရုံအားလုံးပေါင်း ဒီမှာ ၇ ခု ကျန်ရှိနေတယ်။ ဇုံ ၂ က Lucky Shoe က လူ ၅၀၀ ကျော်လောက်ပေါ့လေ၊ဆက်လက် တောင်းဆိုနေတယ်။ အရင်နေ့ထဲက သူတို့က ထွက်လာတာ။ ဒီနေ့ကျတော့ လူများလာတာပေါ့လေ။ နောက်တခုက ငွေကံ့ကော်ပေါ့။ ငွေကံ့ကော်ကလဲ ၈၀၀ လောက်ရှိတယ်။ သူက ဇုံ ၅ မှာရှိတယ်။ ဒီနေ့ ၃ ရက်မြောက်ပေါ့ ကျန်တဲ့ ဇုံတွေက ပါဝင်လာကြတာပေါ့။"
အလုပ်သမားဆန္ဒပြမှုတွေ စဖြစ်ခါစ အစောပိုင်း ရက်တွေမှာကတည်းက အလုပ်ရှင်တွေဖက်က သူတို့ရဲ့ ရပ်တည်ချက်တွေကို တညီတညွတ်ထဲ တုန့်ပြန်လာကြတာပါ။ ဥပမာအားဖြင့် အလုပ်သမားတွေက လုပ်အားခလစာ ၃ သောင်းပေးဖို့ တောင်းဆိုတာကို တသောင်းခွဲပဲပေးမယ်၊ နောက် ၃ ရက်အတွင်း အလုပ်မဆင်းရင် အလုပ်က ထုတ်ပစ်မယ်လို့ ၁၈ ရက်နေ့က တညီတညွတ်ထဲ ကြေငြာချက်တွေ ထွက်ပေါ်လာတာ အပါအ၀င် အလုပ်သမားတွေအပေါ် တုန့်ပြန်မှုတိုင်းဟာ တညီတညွတ်ထဲ ဖြစ်နေတာကို တွေ့ရတာကြောင့် စက်ရုံ အလုပ်ရှင်တွေအကြား Network ကွန်ယက်ဖွဲ့ ပူးပေါင်း ဆောင်ရွက်မှုရှိနေတာကို တွေ့လာရတာပါ။
မနေ့ကအထိတော့ အလုပ်သမား အခွင့်အရေး တောင်းဆိုနေကြတဲ့ စက်ရုံ အလုပ်သမားတွေအကြား အခြေခံ တောင်းဆိုချက်တွေ တူညီတာကလွဲလို့ စက်ရုံတခုနဲ့ တခု ပူးပေါင်း ဆောင်ရွက်မှု မရှိခဲ့ပါဘူး။ ဒါပေမယ့် ဒီကနေ့မှာတော့ သဘောတူညီမှု မရသေးတဲ့ စက်ရုံတွေက အလုပ်သမားတွေအကြား Network ကွန်ယက် ဖွဲ့စည်းပြီးတော့ သူတို့ရဲ့ အခွင့်အရေးတွေကို တညီတညွတ်ထဲ တောင်းဆိုကြဖို့ သဘောတူညီမှု ရရှိသွားပြီလို့ ဥပဒေအကြံပေး ဦးဌေးက ဆက်ပြောပြပါတယ်။
"ကျန်ရှိတဲ့ စက်ရုံတွေကနေပြီးတော့ ဒီအလုပ်သမား အခွင့်အရေးလှုပ်ရှားမှုကို ကွန်ယက်အနေနဲ့ ဒီနေ့ စုစည်းလိုက်ကြပါတယ်။ စုစည်းလိုက်တော့ သူတို့အချင်းချင်း အပြန်အလှန် သတင်းဖလှယ်မယ်၊ အပြန်အလှန် ရိုင်းပင်းကူညီမယ်၊ အပြန်အလှန် ညှိနှိုင်း တိုင်ပင်ဖို့ဆိုပြီးတော့ ဆောင်ရွက်လိုက်တာ ဖြစ်ပါတယ်။ အဲဒီလိုအချိန်မှာပဲ မှော်ဘီဖက်က မြောင်းတကာ သံရည်ကျို စက်ရုံဖက်ကလဲ လာရောက် ပူးပေါင်းကြဖို့၊ လက်တွဲကြဖို့ လာရောက်တာ သိရှိရပါတယ် ခင်ဗျ။"
အခု ဆန္ဒပြမှုတွေမှာ အဓိက အခြေအနေအဆိုးဆုံးလို့ ဆိုလို့ရမယ့် မှော်ဘီမြို့က ရန်ကုန်သရဖူ သံမဏိစက်ရုံမှာ မနေ့ကစပြီး အလုပ်သမား ၂၅ ဦးက အစာငတ်ခံ ဆန္ဒပြနေကြတာမှာ ဒီကနေ့တော့ အဲဒီ အစာငတ်ခံ ဆန္ဒပြတဲ့ အလုပ်သမားဦးရေပါ ထပ်တိုးလာတယ်လို့ သိရပါတယ်။
ဒီ အလုပ်သမား ဆန္ဒပြပွဲတွေနဲ့ တဆက်တည်း ပြောပြရမယ်ဆိုရင်တော့ - တောင်ဒဂုံ စက်မှုဇုံဘက်မှာတော့ လျှပ်စစ်မီး မရတဲ့အတွက် အလုပ်ရှင်တွေ ကိုယ်တိုင် လုပ်အားခတိုးမြင့်ပေးရေး တောင်းဆိုနေတဲ့ အလုပ်သမားတွေနဲ့ အတူ ပါဝင် ဆန္ဒပြနေတယ်လို့ သိရပါတယ်။
အီဂျစ်ရွေးကောက်ပွဲ ဒု-အကြော့ မွတ်စလင်အဖွဲ့နဲ့ ဝန်ကြီးချုပ်ဟောင်း ထိပ်တိုက်တွေ့မည်
By ဗွီအိုအေ (မြန်မာဌာန)
- အီဂျစ်နိုင်ငံမှာတော့ သမ္မတရွေးကောက်ပွဲတွေ လုပ်ခဲ့ရာမှာ သောကြာနေ့အထိ အနေအထားအရတော့ မွတ်ဆလင် ညီအကိုတော်များအဖွဲ့က ကိုယ်စားလှယ်လောင်းနဲ့ အရင်သမ္မတဟောင်း Hosni Mubarak အစိုးရနဲ့ အထူးနီးစပ်တဲ့ ကိုယ်စားလှယ်လောင်းတို့ အကြားမှာ ပြင်းပြင်းထန်ထန် ကွဲပြားမှု၊ ပြိုင်ဆိုင်မှုတွေ ဖြစ်နေပါတယ်။
သမ္မတ Mubarak မနှစ်ကပြုတ်ကျအပြီး ပထမဆုံး လွတ်လပ်စွာမဲပေးခွင့်ရတဲ့ သမ္မတရွေးကောက်ပွဲရဲ့ ပထမပိုင်းထွက်လာတဲ့ ရလာဒ်တွေအရ မွတ်ဆလင်ညီအကိုတော်များအဖွဲ့က Ahmed Shafiq အနေနဲ့ အရင်ဝန်ကြီးချုပ်ဟောင်းဖြစ်ခဲ့ပြီး ဘာသာရေး အယူသည်းမှု မရှိတဲ့ Ahmed Shafiq ကိုကပ်ပြီး အသာစီး ရနေပါတယ်။ နောက်ဆုံးရလာဒ်ကိုတော့ အင်္ဂါနေ့မတိုင်ခင်အထိ ကြေညာပေးဖို့ မရှိပါဘူး။
ဗုဒ္ဓဟူးနေ့နဲ့ ကြာသပတေးနေ့တွေမှာ ပြုလုပ်ခဲ့တဲ့ ဒီပထမအကြော့ သမ္မတရွေးကောက်ပွဲတွေအပြီးမှာ ထိပ်ဆုံး အနိုင်ရသူ ၂ ဦးဟာ ဒုတိယအကျော့အနေနဲ့ ဇွန်လ ၁၆ နဲ့ ၁၇ ရက်တွေမှာ ထပ်မံပြိုင်ဆိုင်ကြရမှာဖြစ်ပြီး မဲပေးသူတွေအနေနဲ့လည်း ဒီကွဲပြားမှု ကြီးမားတဲ့ သမ္မတလောင်း ၂ ဦး အကြားမှာ ပြတ်ပြတ် သားသား ရွေးချယ်ပေးရတော့မှာ ဖြစ်ပါတယ်။ အနိုင်ရပြီး သမ္မတဖြစ်လာမယ့်သူကိုတော့ ဇွန်လ ၂၁ ရက် မှာ ကြေညာပေးမှာဖြစ်ပါတယ်။
သမ္မတလောင်း မော်စီအနေနဲ့ ဒီမွတ်ဆလင်ဘာသာရေး အဖွဲ့ရဲ့ ထောက်ခံမှုအမျာဆုံးရတဲ့ သမ္မတလောင်းတော့ မဟုတ်ပေမဲ့ အရင်ရေပန်းအစားဆုံးအဖြစ် ရွေးချယ်ခံခဲ့ရတဲ့ သမ္မတလောင်းဟာ သမ္မတအရွေးခံဖို့ အရည်အချင်း မပြည့်ဘူးဆိုတဲ့ ဆုံးဖြတ်ချက်ကြောင့် သူအခုလို ရှေ့တန်းကနေ ဝင်ပြိုင်ခွင့်ရလာတာ ဖြစ်ပါတယ်။
ရွေးကောက်ပွဲ မဲဆွယ်စဉ်မှာ မော်စီက သူ သမ္မတ ဖြစ်လာခဲ့ ရင် အစ္စလာမ်ဘာသာကို အခြေခံထားပြီး အုပ်ချုပ်မှာဖြစ်ပေမဲ့ ဘာသာရေးဆိုင်ရာ ဆုံးဖြတ်ချက်တွေယူပြီး အစိုးရကို လည်ပတ်မှာတော့ မဟုတ်ဘူးလို့ ဆိုခဲ့ပါတယ်။
မော်စီရဲ့ အဓိကပြိုင်ဘက်ဖြစ်တဲ့ လေတပ်ဦးစီးချုပ်ဟောင်း လည်းဖြစ်တဲ့ ဝန်ကြီးချုပ်ဟောင်း Shafiq ကတော့ ဒီမိုကရေစီ လှုပ်ရှားမှုတွေကြီးလာချိန်မှာ မူဘာရက်က ဆန္ဒပြသူတွေကို ချွေးသိပ်ဖို့ ခန့်ထားခဲ့သူဖြစ်ပေမဲ့ မူဘာရက်နဲ့နီးစပ်ခဲ့မှုကြောင့် ဒီမိုကရေစီလှုပ်ရှားသူတွေ အနေနဲ့ သူ့အပေါ်မှာ သံသယရှိနေပြီး မဲပေးသူတွေ အကြားမှာ အကြီးအကျယ် အကွဲအပြဲတွေ ဖြစ်နေပါတယ်။
No comments:
Post a Comment