အိုကီနာဝါ ဂျပန် လူမျိုးများ၏ သက်ရှည် ကျန်းမာရေး နည်းလမ်းများ

ဂျပန်နိုင်ငံ၊ အိုကီနာဝါကျွန်းဟာ ကမ္ဘာပေါ်မှာ ကျန်းမာရေး ကောင်းမွန်ပြီး အသက် ရှည်စေတဲ့ နေရာကောင်း တစ်ခု ဖြစ်ပါတယ်။ အိုကီနာဝါ ဂျပန်လူမျိုးတွေဟာ ကင်ဆာရောဂါ၊ နှလုံးရောဂါနဲ့ လေဖြတ်ရောဂါ တွေနဲ့ သေဆုံးနှုန်း အနည်းဆုံး ဖြစ်ပါတယ်။ အမျိုးသားနဲ့ အမျိုးသမီး အားလုံး အတွက် သက်တမ်းက ၆၅ နှစ်ကျော် ပါတယ်။
*အိုကီနာဝါ လူမျိုးတွေက ဘာကြောင့် အသက် ရှည်ကြတာလဲ
၁၉၇၆ ခုနစ် ကတည်းက သုတေသီတွေ ဆန်းစစ် လေ့လာ အဖြေရှာ ခဲ့တဲ့ မေးခွန်း တစ်ခုပါ။ အိုကီနာဝါ လူမျိုး ၈၀၀ ကျော်ရဲ့ ဘ၀ နေထိုင် စားသောက်မှု ပုံစံ နဲ့ မျိုးရိုးဗီဇကို နှစ်ပေါင်းများစွာ အကြာ လေ့လာခဲ့ရာက အောက်ပါ တွေ့ရှိချက်တွေကို  ဖော်ထုတ် နိုင်ခဲ့ ပါတယ်။


ကျန်းကျန်းမာမာ အသက်ရှည်ခြင်း
အိုကီနာဝါ ဂျပန်လူမျိုးတွေက အသက်ရှည်ရှည် နေရရုံ သာမက သူတို့က ကျန်းကျန်းမာမာ ရှိကြပါတယ်။ အသက် ၁၀၀ကျော် နေရသူ အများစုဟာ ကိုယ်ခန္ဓာ သွယ်လျတာ၊ စိတ်တက်ကြွမှု ရှိတာနဲ့ နှလုံးရောဂါနဲ့ ကင်ဆာရောဂါတွေလို နာတာရှည် ကျန်းမာရေး ပြဿနာ ဖြစ်နှုန်း လျော့ကျတာတွေ ဖြစ်တယ်လို့ လေ့လာ တွေ့ရှိ ရပါတယ်။

မျိုးရိုးဗီဇ အခြေအနေ
အိုကီနာဝါ ဂျပန်လူမျိုးတွေရဲ့ မျိုးရိုးဗီဇဟာ ရောင်ရမ်းမှုနဲ့ ခန္ဓာကိုယ်က ကိုယ်ခံအား စနစ်မှာ ပါဝင်တဲ့ ဆဲလ်တွေ ဖောက်ပြန်မှုကြောင့် ကိုယ်တွင်း စနစ်တွေကို ပြန်တိုက်ဖျက်တဲ့ ဝေဒနာ (Autoimmune Disorder)တွေကို ကာကွယ်နိုင်စွမ်း ရှိစေတယ်လို့ လေ့လာမှုတွေက ဆိုပါတယ်။ အသက် ရာကျော် ရှည်တဲ့ အိုကီနာဝါ လူမျိုးတွေရဲ့ ၀မ်းကွဲ ညီအစ်ကို မောင်နှမတွေ ဟာလည်း သက်ရှည် ကျန်းမာကြတယ်လို့ လေ့လာမှု တွေက ဖော်ပြ ထားပါတယ်။

ဖရီး ရယ်ဒီကယ်များ
သက်တော် ရာကျော် ရှည်တဲ့သူတွေရဲ့ သွေးထဲမှာ မကောင်းတဲ့ ဓာတ်တိုးပစ္စည်း ဖရီး ရယ်ဒီကယ် ပမာဏ လျော့နည်း နေတတ် ပါတယ်။ ဒီလို ဖြစ်ရတာက အိုကီနာဝါ လူမျိုးတွေဟာ တခြား လူမျိုးတွေထက် ရှစ်ဆယ် ရာခိုင်နှုန်းအထိပဲ ဗိုက်ပြည့်အောင် အစာစားလေ့ ရှိတာကြောင့်ပါ။ ဗိုက်ပြည့်တင်းတဲ့ အထိ အစာမစားဘဲ ကယ်လိုရီ လျော့နည်းပြီး စားတာကြောင့် အစာခြေ စနစ်ကနေ ဖရီး ရယ်ဒီကယ် ထုတ်လုပ်မှု လျော့နည်းပါတယ်။ ဖရီး ရယ်ဒီကယ် လျော့နည်း လေလေ၊ နှလုံး သွေးကြောရောဂါ၊ ကင်ဆာရောဂါနဲ့ တခြား နာတာရှည် ရောဂါတွေရဲ့ ဖြစ်နှုန်းကို လျော့ကျစေ လေလေပဲ ဖြစ်ပါတယ်။

နှလုံး ကျန်းမာရေး
ကျန်းမာနေတဲ့ သွေးကြောတွေဟာ သွေးတွင်း မကောင်းတဲ့ ကိုလက်စထရောနဲ့ ဟိုမိုစစ်စတင်း အဆင့်ကို လျော့နည်းစေတယ်လို့ လေ့လာသူတွေက ဆိုပါတယ်။ သွေးကြောတွေ ကျန်းမာနေတာကြောင့် အိုကီနာဝါ ဂျပန်လူမျိုးတွေက နှလုံးရောဂါ ဖြစ်နိုင်ခြေ ၈၀ ရာခိုင်နှုန်း လျော့ကျမှုရှိတာကို တွေ့ရှိ ခဲ့ရကြောင်း လေ့လာသူတွေက ဆိုပါတယ်။ နှလုံး သွေးကြောတွေ ကျန်းမာရတာက အစားအသောက်ကို ကောင်းကောင်း စားတာ၊ လေ့ကျင့်ခန်းကို ပုံမှန် လုပ်တာ၊ ဆေးလိပ် မသောက်တာနဲ့ စိတ်ဖိစီးမှုကို လျှော့ချနိုင်တဲ့ အကောင်းမြင် စိတ်ထား ရှိတာတွေကြောင့် ဖြစ်ပါတယ်။

ကင်ဆာရောဂါ အန္တရာယ် လျော့ကျခြင်း
အိုကီနာဝါ လူမျိုးတွေက ဟော်မုန်းကို မှီခိုနေတဲ့ ကင်ဆာတွေ ဖြစ်တဲ့ ရင်သား ကင်ဆာ၊ ဆီးကျိတ် ကင်ဆာ၊ မမျိုးဥအိမ် ကင်ဆာနဲ့ အူမကြီး ကင်ဆာ စတာတွေရဲ့ ဖြစ်နိုင်တဲ့ အန္တရာယ်ကို လျော့နည်း ကြပါတယ်။ အထူးသဖြင့် ရင်သားကင်ဆာနဲ့ အူမကြီး ကင်ဆာရောဂါ ဖြစ်နိုင်တဲ့ အန္တရာယ်ကို ၈၀ ရာခိုင်နှုန်း လျော့ကျ စေပြီး အူမကြီး ကင်ဆာနဲ့ မမျိုးဥအိမ် ကင်ဆာ ရောဂါတို့ရဲ့ အန္တရာယ်ကို ၅၀ရာခိုင်နှုန်း လျော့ကျတာ တွေ့ရပါတယ်။ လေ့လာမှု အရ ကယ်လိုရီ စားသုံးမှု လျော့နည်းတာ၊ သစ်သီးနဲ့ ဟင်းသီးဟင်းရွက် စားသုံးမှု များတာ၊ အစားအသောက် ထဲမှာ ကောင်းတဲ့ အဆီတွေကို စားတာ၊ အမျှင်ဓာတ် များများ စားတာနဲ့ တက်တက်ကြွကြွ နေတာ စတဲ့ ဘ၀ နေထိုင် စားသောက်မှု ပုံစံတို့ကို လိုက်နာ တာကြောင့် ဖြစ်တယ်လို့ သိရပါတယ်။

အရိုး ကျန်းမာရေး
အိုကီနာဝါ ဂျပန်လူမျိုးတွေက အမေရိကန် လူမျိုးတွေ ထက် တင်ပဆုံရိုး ကျိုးနိုင်တဲ့ အန္တရာယ် လျော့ကျမှု ရှိတာကို အံ့အား သင့်စရာ မလိုပါဘူး။ လေ့လာမှုအရ အသက် ရာကျော် ရှည်သူတွေရဲ့ အရိုး သိပ်သည်းဆ ဆုံးရှုံးနှုန်းဟာ တခြား ဂျပန် လူမျိုးတွေရဲ့ အရိုး သိပ်သည်းဆ ဆုံးရှုံးမှုထက် ပို လျော့နည်းတာကို တွေ့ရပါတယ်။ ဒါဟာ အိုကီနာဝါ လူမျိုးတွေက ကယ်လ်စီယမ် ပါတဲ့ အစားအသောက်တွေကို များများ စားတာ၊ နေရောင်ခြည်က ရတဲ့ ဗီတာမင် ဒီ နဲ့ ထိတွေ့မှု ရှိတာနဲ့ ကိုယ်လက်လှုပ်ရှားမှု များများ လုပ်တာတွေကြောင့် အရိုး သိပ်သည်းဆ ဆုံးရှုံးနှုန်း နည်းရတာပါ။

သွေးဆုံးခြင်း
အိုကီနာဝါ အမျိုးသမီးတွေဟာ အီစထရိုဂျင် ဟော်မုန်း အစားထိုး ကုသမှုကို ခံယူလေ့ မရှိပါဘူး။ ဒါပေမဲ့ သွေးဆုံးတာကြောင့် ဖြစ်တဲ့ နောက်ဆက်တွဲ ပြဿနာ အနည်းငယ်ကိုပဲ ခံစားရလေ့ ရှိပါတယ်။ အကြောင်းကတော့ သူတို့ရဲ့အဓိက အစားအစာထဲမှာ ပါတဲ့ ပဲပိစပ်ထဲက ဖိုင်တို အီစထရိုဂျင်တွေဟာ လေ့ကျင့်ခန်း လုပ်တာကြောင့် ရတဲ့ ရလဒ်လိုပဲ သွေးဆုံးတာကြောင့် ဖြစ်တဲ့ ဆိုးကျိုးကို လျှော့ချ ပေးနိုင်တာကြောင့် လို့ ယူဆထားလို့ပါ။

လိင်ဟော်မုန်း အများအပြား ရှိခြင်း
အိုကီနာဝါ လူမျိုးတွေမှာ သက်တူ အမေရိကန် လူမျိုးတွေ ထက် လိင်ဟော်မုန်းတွေ ဖြစ်တဲ့ အီစထရိုဂျင်၊ တက်စတိုစတီရုန်းနဲ့ DHEA ဟော်မုန်းတွေ ပို ရှိနေတတ် ပါတယ်။ တက်စတိုစတီရုန်း ဟော်မုန်း ပမာဏ များတာက ကြွက်သား ထုထည်ကို ကောင်းမွန် စေပါတယ်။ အီစထရိုဂျင် ဟော်မုန်း ပမာဏ များတာက အရိုးပါး ရောဂါနဲ့ နှလုံးရောဂါကို ကာကွယ် ပေးနိုင်ပါတယ်။ DHEA ဟော်မုန်းက အသက်ကြီးလာ လေလေ လျော့ကျ လေလေ ဖြစ်တာကြောင့် လေ့လာသူ တချို့က လူတစ်ယောက် ဘယ်လောက် အသက်အရွယ် ရှိနေပြီလဲ ဆိုတာကို DHEA ကို တိုင်းတာ စစ်ဆေးလေ့ ရှိပါတယ်။ ဒါပေမဲ့ အာဟာရ ပြည့်ဝတဲ့ အစားအသောက် စားတာနဲ့ လေ့ကျင့်ခန်း လုပ်တာတွေကြောင့် ဒီဟော်မုန်းတွေက အသက်ကြီးတဲ့ အိုကီနာဝါ လူမျိုးတွေမှာ မြင့်တက်နေဆဲ ရှိနေတာကို လေ့လာ တွေ့ရှိ ရပါတယ်။

အကောင်းမြင်ခြင်း
အိုကီနာဝါ လူမျိုးတွေရဲ့ ကိုယ်ရည်ကိုယ်သွေးတွေကို ဆန်းစစ် ကြည့်တဲ့ အခါမှာ သူတို့တွေက စိတ်ဖိစီးမှု လျော့နည်းပြီး အကောင်းမြင် သဘောထား ရှိတာကို တွေ့ရပါတယ်။ သူတို့ဟာ အကောင်းမြင်တာကြောင့် ကိုယ့်ကိုယ်ကိုယ် ထိန်းချုပ် နိုင်စွမ်း ရှိကာ သက်ကြီး အတိတ်မေ့ရောဂါ ဖြစ်နိုင်တဲ့ အန္တရာယ် လျော့ကျမှု ရှိတာကို လေ့လာ တွေ့ရှိ ခဲ့ရပါတယ်။
Tip !
ကျန်းမာရေး နဲ့ ညီညွတ်တဲ့ ဘ၀နေထိုင်မှု ပုံစံအတိုင်း နေထိုင်တာက အသက် ရှည်စေရုံ သာမက ရောဂါဘယ ကင်းဝေး စေပါတယ်။
Ref: Pyi Myanmar Journal
မေမွန်ကျော်