| Written by ရှေ့နေမောင်ကံ | |
| Monday, 26 December 2011 13:43 | |
|
၂၀၀၈ ခုနှစ် ဖွဲ့စည်းပုံအခြေခံ ဥပဒေ အခန်း (၈) နိုင်ငံသားများ၏ မူလအခွင့်အရေးနှင့်တာဝန်များ ပုဒ်မ - ၃၅၄ (ဂ) အရ အသင်းအဖွဲ့များ သို့မဟုတ် အစည်းအရုံးများ ဥပဒေနှင့်အညီ ဖွဲ့စည်းဆောင်ရွက်ခွင့်ရှိကြောင်း ပြဋ္ဌာန်းထားပါတယ်။ ဒါကြောင့် လူတန်းစားအဖွဲ့အစည်းများ၊ လူတန်းစားအလွှာများ အသီးသီးအတွင်းမှာ အသင်းအဖွဲ့များ၊ အစည်းအရုံးများကို ယခုအခါမှာ ဖွဲ့စည်းဆောင်ရွက်ခွင့် ရှိပါတယ်။ ရှေ့နေမောင်ကံဟာလည်း ရှေ့နေတစ်ဦးမို့ ရှေ့နေလောကသားတွေ အတွက် ကိုယ်စားပြုရှေ့နေ အဖွဲ့အစည်းများရှိသင့်ပြီလို့ ထင်ပါတယ်။ ယခင်က ''ရန်ကုန်ရှေ့နေအသင်း'' ဆိုတာ တရားဝင် တည်ရှိခဲ့ပါတယ်။ ၁၉၇၄ ခုနှစ်၊ ပြည်သူ့ကောင်စီ အဆင့်ဆင့်ကာလမှာ ''Banch and Bar'' အပြန်အလှန် အထောက်အကူပြုရေး၊ တရားစီရင်ရေး မဏ္ဍိုင်ကြံ့ခိုင်ရေးအတွက် တိုင်းတရားသူကြီးအဖွဲ့နဲ့ ရန်ကုန်ရှေ့နေအသင်းက ရှေ့နေကြီးများ တွေ့ဆုံညှိနှိုင်းပွဲတွေ ပြုလုပ်ခဲ့ကြဖူးပါတယ်။ ရန်ကုန်ရှေ့နေအသင်းဟာ ရှေ့နေကျင့်ဝတ်သိက္ခာ ထိန်းသိမ်းရေး၊ ရှေ့နေရှေ့ရပ်များရဲ့သာရေးနာရေးကိစ္စများ၊ လူမှုရေးကိစ္စများကို ထက်ထက်မြက်မြက် ဆောင်ရွက်ခဲ့ပါတယ်။ ဥပဒေပညာပေး မဂ္ဂဇင်းများလည်း ထုတ်ဝေခဲ့ပါတယ်။ ဒါပေမဲ့ ၁၉၈၈ ခုနှစ်၊ နောက်ပိုင်းမှာ ငုပ်လျိုးသွားပါတယ်။ ''ဥပဒေက ဖွဲ့စည်းခွင့်ပြုပြီးပါ။ ညီညီညွတ်ညွတ် အများသဘောကျ ဒီမိုကရေစီနည်းနဲ့ ရွေးချယ်ဖွဲ့စည်းကြပြီး သက်ဆိုင်ရာကို လုပ်ထုံးလုပ်နည်းနဲ့အညီ တင်ပြအတည်ပြုဖို့သာ လိုမယ်လို့ ယူဆပါတယ်။ ဖွဲ့စည်းပုံ အခြေခံဥပဒေအရ ဖွဲ့စည်းခွင့်ရှိပြီးဖြစ်ပါတယ်။ ဒါ့အပြင် ရှေ့နေရှေ့ရပ်များရဲ့ ကျင့်ဝတ်သိက္ခာများ၊ တာဝန်များနှင့် အခွင့်အရေးများရဲ့ အပိုဒ် ၂၀၃ အရ ''ရှေ့နေရှေ့ရပ်များသည် နိုင်ငံတော်အစိုးရက အခါအား လျော်စွာပြဋ္ဌာန်းသည့် ဥပဒေနှင့်အညီ ရှေ့နေအသင်းများကို ဒေသအလိုက်၊ မြို့နယ်အလိုက်ဖွဲ့စည်း၍ ရှေ့နေလုပ်ငန်းများ တိုးတက်ကောင်းမွန်ရေးနှင့် ရှေ့နေရှေ့ရပ်များ စည်းလုံးညီညွတ်မှု ရရှိရေးတို့အတွက် ဆောင်ရွက်ပိုင်ခွင့်ရှိပါသည်'' ဟု ဖော်ပြထားပါတယ်။ ဒါ့ကြောင့် ရှေ့နေအသင်းများ မြို့နယ်အလိုက်၊ တိုင်း/ပြည်နယ်ဒေသကြီးများအလိုက် ဖွဲ့စည်းခွင့်ရှိပါတယ်။ ၁၉၈၈ ခုနှစ် အသင်းများဖွဲ့ စည်းခြင်းဆိုင် ဥပဒေပုဒ်မ-၃(က)အရ ပြည်ထဲရေးဝန်ကြီးဌာန သို့မဟုတ် သက်ဆိုင်ရာဒေသကြီး၊ ပြည်နယ်ဒေသကြီးတို့ထံ လျှောက်ထားပြီး မှတ်ပုံတင်ခွင့်ပြုချက်ရယူဖို့တော့ လိုပါတယ်။ ဒီမိုကရေစီနိုင်ငံသစ်ထူထောင် ရာမှာ တရားရေးမဏ္ဍိုင်ကြံ့ခိုင်ရေး ဟာအရေးကြီးပါတယ်။ ရှေ့နေရှေ့ရပ်လုပ်ငန်းဟာ တရားစီရင်ရေးမှာ တရားမျှတ မှန်ကန်မှုရရှိရေးအတွက် အကျိုးဆောင်ပေးရတဲ့ မွန်မြတ်သော အသက်မွေးဝမ်းကျောင်းတစ်ရပ်ဖြစ် ကြောင်း သိကြပြီးဖြစ်ပါတယ်။ လိုအပ်တဲ့ ရှေ့နေပညာအရည်အချင်းနဲ့ ပြည့်စုံရမယ့်အပြင် ကျင့်ဝတ်သိက္ခာ ပြည့်စုံဖို့လည်း လိုပါတယ်။ ရှေ့နေလောက ညီညွတ်ဖို့လည်း လိုပါတယ်။ ဒါတွေကို ရှေ့နေအသင်းတွေ အဖွဲ့အစည်းတွေက ထိန်းကျောင်းပဲ့ကိုင်သွားရမှာ ဖြစ်ပါတယ်။
ရှေ့နေရှေ့ရပ်များရဲ့ ကျင့်ဝတ်သိက္ခာနှင့် တာဝန်များအပေါ် ပြည်ထောင်စုတရားလွှတ်တော်ချုပ်(ယခင် တရားရုံးချုပ်)က အစဉ်မပြတ် စိစစ်ပြီး ရှေ့နေလိုင်စင်ရာသက်ပန်ရပ်စဲခြင်း၊ နှစ်အလိုက်ရပ်စဲခြင်း၊ သတိပေးခြင်းများပြု လုပ်ပြီး ကြီးကြပ်လျက်ရှိပါတယ်။ ရှေ့နေများ၏ အခွင့်အရေးနှင့်ပတ်သက်ပြီး ရှေ့နေအဖွဲ့အစည်းများ၊ အသင်းများမရှိသေးလို့ ''အမိမဲ့သား ရေနည်းငါးသဖွယ်'' ဖြစ်နေပါတယ်။ ''ဟုတ်ကဲ့ ပါခင်ဗျာ'' ဆိုပြီး ကျားလည်း ကြောက်ရ၊ ကျားချေးလည်း ကြောက်ရဆိုတာလို အပေါက်စောင့်ကိုလည်း မျက်နှာချိုသွေးနေရပါတယ်။ အလုပ်သမား၊ လယ်သမား လူတန်းစားအသီးသီးတို့မှာ အဖွဲ့အစည်းများ အသင်းများရှိကြပါတယ်။ ဂီတလောက၊ စာပေလောက၊ ရုပ်ရှင် လောက စသည့် လူတန်းစားအလွှာ အသီးသီးတို့မှာလည်း အဖွဲ့အစည်းများ၊ အသင်းအပင်များရှိသလို၊ ရှေ့ နေလောကသားတို့မှာလည်း အသင်းအဖွဲ့များရှိရန် အမှန်လိုအပ်ပါတယ်။ ရှေ့နေရှေ့ရပ်များ ကျင့်ဝတ် သိက္ခာ၊ ၀တ္တရားများ ထိန်းသိမ်းစောင့်ရှောက်ရေး၊ အခွင့်အရေးဆိုင်ရာများ အကာအကွယ်ပေးရေးနှင့် တရားရေးမဏ္ဍိုင် ကြံ့ခိုင်စေရေးအတွက် မြို့နယ်၊ ဒေသတို့အလိုက် ရှေ့နေအသင်းများ ဥပဒေနှင့်အညီ ဖွဲ့စည်းထူထောင်ကြပါစို့ဟု တိုက်တွန်းလိုက်ရပါတယ်။ http://news-eleven.com/index.php?option=com_content&view=article&id=11667%3A2011-12-26-07-19-55&catid=78%3A2009-11-13-06-25-17&Itemid=135#.TvggfkJTZF0.facebook မှ |
Monday, December 26, 2011
တရားရေးမဏ္ဍိုင် ကြံ့ခိုင်ဖို့
No comments:
Post a Comment