“နဂါးမျက်စောင်းတွေကြားက မိုးနေ့”

by ရသစာပေအနုပညာဘလော့ဂ် on Wednesday, November 30, 2011 at 5:37pm

 

(၁)
ဒီနှစ် မိုးရာသီ မှာတော့ ဒီနေ့ရွာတဲ့ မိုးက အသည်းဆုံး ဖြစ်လိမ့်မယ်။ ဒါပေမယ့် မလေးရော ကျွန်တော်ရော ရင်ထဲမှာ နွေးနေတယ်။ အင်းလေ… ပူပူနွေးနွေး ချစ်သူတွေပဲ…. သွေးလည်ပတ်မှုကို ရင်ခုန်သံက အကာအကွယ် ပေးပြီးသား ဖြစ်မယ် ထင်တယ်။ မလေး မျက်နှာကို ကျွန်တော် မြတ်မြတ်နိုးနိုး ကြည့်တယ်။ ကျွန်တော့် ကိုလည်း မလေးက ကြည်ကြည်နူးနူး ယှက်ယှက်ဖြာဖြာ ကြည့်တယ်။ ပြီးတော့ တစ်ယောက်ကို တစ်ယောက် ကြည့်ပြီး ရယ်မိ ကြတယ်။ အကြောင်းမဲ့ ရယ်နေတတ်တဲ့ သမီးရည်းစား တွေကို ခုမှ နားလည် တော့တယ်။ မလေး လက်ကို ကျွန်တော့် လက်နဲ့ ထပ်မိုးထား လိုက်တယ်။ ပြီးတော့ မိုးရေထဲမှာပဲ လမ်းလျှောက်ပြီး ပြန်လာကြတယ်။ မိုးမမြင် လေမမြင် ဆိုတာ ဒါပဲဖြစ်မယ် ထင်တယ်။ ဒါပေမယ့် မလေး လက်တွေ တဖြည်းဖြည်းပိုပြီး တုန်ယင်လာ သလိုပဲ။ သူ့မျက်နှာကို ငုံ့ကြည့်လိုက်တယ်။ မလေး တော်တော် ချမ်းနေပြီ ထင်တယ်။

“မလေး ခြေထောက်တွေ လက်တွေကိုက်လာပြီ ကို”


ဟာ.. မလေး ပြောမှပဲ သတိရ တော့တယ်။ မလေးမှာ လေးဘက်နာရောဂါ ရှိတယ်လေ။ သူက အအေးခံလို့မှ မရတာ။ အေးတာနဲ့ မလေး ထုံကျင်ကိုက်ခဲ လာရော။ ဆောရီးပဲ မလေးရယ်။ ကို ပျော်တာ လွန်သွားတယ်။ ကျွန်တော့်ရဲ့ Rain Coat အပြာလေးကို ချွတ်ပြီး မလေး ကိုယ်ပေါ် ခြုံပေးထား လိုက်တယ်။ ပြီးတော့ ကားငှားပြီး မလေး အိမ်နားထိ လိုက်ပို့ လိုက်တယ်။ ကျွန်တော် ကားပေါ်က ဆင်းတော့ တစ်သက်လုံး အမှတ်ရနေမယ့် စကား တစ်ခွန်းကို မလေး ပြောတယ်။

“ကို့ Rain Coat လေးကို မလေး ထပ်မ၀တ်တော့ဘူး ကို... မလေး နောက်နေ့ လျှော်ပြီး အမှတ်တရ သိမ်းထား လိုက်တော့မယ် သိလား”

(၂)
ကြာခဲ့ပါပြီ။ တော်တော်ကို ကြာခဲ့ပါပြီ။ မလေးနဲ့ လမ်းခွဲခဲ့တာ…။ ဒါမှမဟုတ် မလေးက လမ်းခွဲ ကျောခိုင်း သွားခဲ့တာ။ ဒီနေ့ ဆိုရင်ပဲ ဆယ်လတင်းတင်း ပြည့်ပြီလေ။ ဒါပေမယ့် အဖြစ်အပျက်တွေ.. နာကျည်းစရာတွေ ကတော့ လတ်လတ်ဆတ်ဆတ် ကျန်နေ ခဲ့သေးတယ်။ ကျွန်တော်က ခုထိ ရှုံးနေ တုန်းပဲ။ အဲဒီ အတိတ် တွေကို ပြန်စဉ်းစားတိုင်း ခံစားမှုကပါ တွဲလျက် ပါလာလို့ပါ။ ကျွန်တော်တို့ နှစ်ယောက် ဘ၀ကို အတူလက်တွဲဖို့.. တင့်တောင်းတင့်တယ် အခြေချဖို့… တိုင်ပင် ခဲ့ကြဖူးတယ်။ ကျွန်တော်က သူ့ကို ပြောတယ်။

“မလေး ကျွန်တော် တခြားတိုင်းပြည်မှာ အလုပ် သွားလုပ်မယ် ကျွန်တော့်ကိုယ် ကျွန်တော် ပြည့်စုံပြီလို့ ခံယူတဲ့အထိ ကျွန်တော့် မိသားစုနဲ့ မလေးကို ပြည့်စုံအောင် ထားနိုင်တဲ့နေ့ ရောက်ပြီလို့ ယူဆနိုင်တဲ့ နေ့အထိ ကျွန်တော် သွားမယ်။ သုံးနှစ်.. ဒါမှမဟုတ် လေးနှစ် လောက်လည်း ကြာချင်ကြာမယ်.. မလေး ကျွန်တော့်ကို စောင့်နေမယ် မဟုတ်လားဟင်”

“မလေးတို့ နှစ်ယောက် ဘ၀အတွက်ပဲ ကိုရယ်... မလေး စောင့်ရမှာပေါ့၊ သုံးလေးနှစ်.. မဟုတ်ဘူး ဆယ်နှစ် ဆိုလည်း ကို့ကို မလေး စောင့်မှာပေါ့ကွယ်”

အဟင်း… ရယ်စရာတော့ အကောင်းသား။ ရေခြားမြေခြားမှာ အလုပ် သွားလုပ်မယ့် ချစ်သူကို ဆယ်နှစ် ဆိုလည်း စောင့်ပါ့မယ်လို့ ပြောခဲ့တဲ့ မိန်းကလေးက ကျွန်တော့် မိသားစု အလုပ်ကိစ္စနဲ့ ကျွန်တော် နယ်ကို ရောက်သွားတဲ့ တစ်လ အတွင်းမှာ နောက်တစ်ယောက်နဲ့ ပြောင်းပြီး လက်တွဲ သွားတာလေ။ ကျွန်တော် ပြန်လာတဲ့ အချိန်မှာ သူ ပျာယာခတ် နေခဲ့တယ်။ သူ့ချစ်သူ အသစ်စက်စက်လေးကို ကျွန်တော်က ချောင်းရိုက်မှာ စိုးရိမ်တယ်။ သူ့ကို ကျွန်တော် ရန်ရှာမှာ စိုးရ်ိမ်တယ်။ အဲဒီ သတင်းတွေ ပြန်ကြားတော့ ကျွန်တော် ပြုံးမိတယ်။ သဘောကျရုံ တစ်ခုတည်းနဲ့ ပြုံးတာတော့ ဘယ်ဟုတ်မလဲ။ ဒဏ်ရာတွေပါ ထည့်ထားရတဲ့ အပြုံးမျိုးလေ။ မဲ့ပြုံးလို့ ခေါ်မလား မသိဘူး။ ဟား.. မလေးရယ် ကျုပ်က ခေါင်းမရှိတဲ့ကောင်မှ မဟုတ်တာ။ ဘာအပြစ်မှ မရှိတဲ့ ခင်ဗျားချစ်သူကို ကျုပ်က ဘာလို့ ချောင်းရိုက် ရမှာတုန်း။ သူက ခင်ဗျား ကျုပ်ကို ပေးခဲ့တဲ့ ကတိတွေ အကြောင်း… ခင်ဗျား တဖွဖွ ပြောနေခဲ့တဲ့ ချစ်စကားတွေ အကြောင်း ဘာမှ သိခဲ့တဲ့သူမှ မဟုတ်တာ။ ခင်ဗျား ကိုလည်း ကျုပ် ရန်မရှာ ပါဘူးဗျာ။ ခုတောင် ကျုပ် ဘာများ လုပ်မလဲ ဆိုတဲ့စိတ်တွေက ခင်ဗျားကို ကောင်းကောင်း ရန်ရှာနေပြီ မဟုတ်လား။ မလိုတော့ပါဘူး။

(၃)
အင်း….. အဲဒါတွေက ကြာခဲ့ပါပြီလေ။ ကျွန်တော်လည်း တော်တော်ကို အနည်ထိုင်စ ပြုနေပါပြီ။ ဒီနေ့လည်း အပြင် ထွက်လာတုန်းက ခင်ဗျားနဲ့ ပြတ်တာ ဆယ်လပြည့်မှန်း သတိမရ ခဲ့ပါဘူး။ အရမ်း သည်းလာတဲ့ မိုးက ကျွန်တော့်ကို ပြန်ပြီး သတိပေး လိုက်လို့ပါ။ ခင်ဗျားတော့ မသိဘူး။ ကျုပ်က မှတ်မိ နေသေးတယ်။ ကျုပ်တို့စပြီး ချစ်သူ ဖြစ်ခဲ့တာ ဒီလို မိုးတွေသိပ် သည်းတဲ့ နေ့မှာလေ။ တွေးရင်းနဲ့ပဲ ကားမှတ်တိုင်နား ရောက်လာတယ်။ ကားဂိတ် မှာလည်း လူတွေက ထီးဆောင်းလို့တစ်မျိုး၊ ဒီအတိုင်း ရပ်လို့တစ်မျိုး ကားစောင့် နေကြတယ်။ အဟင်း သတိရလက်စ မို့လို့လား မသိဘူး။ ဟိုဘက်ထောင့်မှာ ရပ်နေတဲ့ ကောင်မလေးက ခင်ဗျားနဲ့ တော်တော်တူတာပဲ။ ဟုတ်တယ်.. သေချာ ကြည့်လိုက်တော့ တော်တော်ကို… ဟာ…. အဲဒါ မလေး…။ အာ.. ငါစိတ်ထင်တာ ဖြစ်မှာပါ။ ဟာ.. ဟာ…. ဟာ…. တကယ်ပဲကွာ…။ တကယ် ခင်ဗျားကိုး။ ဘေးမှာက ခင်ဗျားရဲ့ ချစ်သူပေါ့ ဒါဆို။ ဟင်… ဒီကောင်… ဒီကောင်.. ……။ အရမ်း ပေါက်ကွဲသွားတယ်။ ဘယ်လိုမှ စိတ်ကို တားလို့မရဘူး။ မျက်လုံး ထဲမှာ အနီရောင်တွေ လွှမ်းသွားတယ်။ မင်း.. မင်းကွာ… ရာရာစစ…။ ပြီးတော့ မလေး… ခင်ဗျား.. ခင်ဗျားဗျာ…. ။ ခေါင်းထဲမှာ ဘယ်တော့မှ မေ့ပျောက် မသွားမယ့် ဟန်ပန်တွေ… စကားသံတွေ… အစီအရီ ပြန်ပေါ် လာတယ်။

“ကို့ Rain Coat လေးကို မလေးထပ်မ၀တ်တော့ဘူးကို မလေးနောက်နေ့ လျှော်ပြီး အမှတ်တရ သိမ်းထား လိုက်တော့မယ် သိလား”
“ကို့ Rain Coat လေးကို မလေးထပ်မ၀တ်တော့ဘူးကို မလေးနောက်နေ့ လျှော်ပြီး အမှတ်တရ သိမ်းထား လိုက်တော့မယ် သိလား”
“ကို့ Rain Coat လေးကို မလေးထပ်မ၀တ်တော့ဘူးကို မလေးနောက်နေ့ လျှော်ပြီး အမှတ်တရ သိမ်းထား လိုက်တော့မယ် သိလား”

တောက်….။ မင်း… ငါနဲ့တွေ့မယ်။ အဲဒီကို ပြေးသွား လိုက်တယ်။ ဒီကောင့် မျက်နှာကို တစ်ချက် လက်သီးနဲ့ ထိုးပစ်လိုက်တယ်။ ရုတ်တရက် ဆိုတော့ ဒီကောင် နောက်ကိုလန် သွားတယ်။ ဟင့်အင်း.. မင်း... လဲသွားလို့ မရသေးဘူး။ ငါ့ Rain Coat ကို ပြန်ချွတ်ပြီးမှ မင်းလဲရမယ်ကွ။ ဒီကောင့် ကိုယ်ပေါ်က Rain Coat ကို ကျနော် အတင်းဆွဲချွတ် နေမိတယ်။ အဲဒါကလွဲလို့ အခုလက်ရှိ အချိန်မှာ တစ်လောကလုံးမှာ ကျွန်တော် လုပ်သင့်တာ ဘာမှမရှိဘူး မဟုတ်လား။ ကားမှတ်တိုင်မှာ ရုတ်ရုတ်သဲသဲ ဖြစ်သွားတယ်။ လူသုံးလေးယောက် လောက်က ကျွန်တော့်ကို အတင်းလာ ဖမ်းချုပ်တယ်။ ဘာလဲ… ဘာလို့ လာချုပ် နေတာလဲ။ ခင်ဗျားတို့ ဘာသိလို့လဲ။ ကျွန်တော် မမှားဘူးဗျ။ အတင်းရုန်းကန် ငြင်းဆန်ရင်း ကျွန်တော် အော်ဟစ် နေမိတယ်။ ခင်ဗျားတို့ ဘာမှ မသိပါဘူးဗျာ။ လွှတ်ကြစမ်းပါ... ကျုပ်ကို။ သူတို့ နှစ်ယောက်က စော်ကားတာဗျ.. ကျုပ်မှာ အနည်းဆုံး ကိုယ့်ပစ္စည်း ကိုယ်တော့ ပြန်ယူခွင့် ရှိတယ်လေ… ။

ဘာမှလည်း ပြောလို့မရဘူး… ဘာမှလည်း ဆက်လုပ်လို့ မရတဲ့ အဆုံးမှာ.. ကျွန်တော့်ကို လာချုပ်တဲ့ သူတွေ လက်ထဲကနေ ရုန်းကန်ရင်း မလေး ဆိုတဲ့ မိန်းမကို စူးစူးရွားရွား စိုက်ကြည့် လိုက်တယ်။ သူ့မျက်နှာက သွေးမရှိ တော့သလို ဖြူရော်လို့။ မျက်နှာ ကလည်း အရမ်းကို ထိတ်လန့်တဲ့ ပုံစံနဲ့။ ဟုတ်တယ်… ခင်ဗျားရဲ့ အရမ်းကို… လွန်လွန်းတဲ့ လုပ်ရပ်လေ.. ခင်ဗျားရဲ့ အမှားလေ… ခင်ဗျားရဲ့ စကားတွေလေ…. ဟ ဟ … ခင်ဗျားအဲလို ထိတ်လန့်တဲ့ အကြည့်က လွဲပြီး ဘယ်လို မျက်လုံးမျိုးနဲ့ ကျုပ်ကို ကြည့်ရဲမှာတဲ့လဲ။ ဒေါသ ထပ်ထွက်လာတယ်.. ထပ်ပြီး ရုန်းတယ်။ ဒါပေမယ့် မရပါဘူး။ သုံးယောက်လောက် ၀ိုင်းချုပ် ထားတာ ဆိုတော့ သူတို့ဆွဲတဲ့ နောက်ကို ကျွန်တော် ပါသွားတယ်။ ကျွန်တော့်ကို ဘယ်ပို့ကြမလဲ.. ကျွန်တော် ဘယ်ရောက်မလဲ မသိသေးဘူး။ ဂရုလည်း မစိုက်ဘူး။ ဘယ်ကို ရောက်ရောက် ငါ့ရဲ့ Rain Coat ကို ငါ ပြန်လာယူမယ်။ မရ ရအောင် ပြန်ယူမယ်… ။ ငါ့အကြည့်တွေ… ငါ့အပြုအမူ တွေကို … မင်းတို့ ဘယ်သွားသွား မြင်ရစေမယ်....။

(၄)
ဒီနေ့က ဆယ်လ တင်းတင်း ပြည့်တဲ့နေ့။ မိုးတွေကလည်း သည်းလိုက်တာ...။ ဒီနှစ် မိုးရာသီ မှာလည်း ဒီနေ့ ရွာတဲ့မိုးက အသည်းဆုံးပဲ သေချာတယ်။

(၂၀၀၈ ခုနှစ်က ရေးသားခဲ့သော ဝတ္ထုတိုအဟောင်းတစ်ပုဒ် ဖြစ်ပါသည်)


သူရဿဝါ
နိုဝင်ဘာ ၃၀ ၊ ၂၀၁၁ ခုနှစ်
www.thurathawah.net
www.facebook.com/ThuraThawah
www.facebook.com/LiteraryArtBlog
www.twitter.com/Thurathawah