တန်ဖိုး

By Cloud Cuckoo Land · Last edited 6 hours ago ·

လူတိုင်းမှာ အဖေဆိုတာ ရှိပါတယ်။ အဲဒီအဖေဟာ ကျွန်တော်တို့အတွက် ဘယ်လောက်ထိများ အရေးပါ အရာရောက်ပါသလဲ။  ကတာညုတကတဝေဒီဆိုတဲ့ သူ့ကျေးဇူးကို သိခြင်းဟာ မင်္ဂလာတစ်ပါး ဖြစ်ပါတယ်။ ဖခင်များနေ့မှာ ဖခင်အတွက် ကတညု သားသမီးများဖြစ်ဖို့ အောက်က အချက်လေးတွေ ကြည့်လိုက်ကြရ အောင်လား။

စစ်တမ်း ကောက်နုတ်ချက်

၁။ ကိုယ်ကိုယ်ကိုယ် သတ်သေဖို့ အနည်းဆုံး ငါးကြိမ်ခန့် ကြိုးစားလေ့ရှိတယ်။
၂။ အိမ်ကနေ ထွက်ပြေးဖို့ အနည်းဆုံး ၃၂ ကြိမ်ခန့် ကြိုးစားလေ့ရှိတယ်။
၃။ အပြုအမူပိုင်းဆိုင်ရာ ကချော်ကချွတ်တွေဖြစ်ပြီး ပတ်ဝန်းကျင်နဲ့ သဟဇာတ မဖြစ်တာ အနည်းဆုံးအကြိမ်၂၀ ခန့်။

၎။ မုဒိမ်းမှုကျူးလွန်ရန် အနည်းဆုံး ၁၄ ကြိမ်ခန့် ကြိုးစားလေ့ရှိတယ်။
၅။ ကျောင်းကနေ အချိန်မတိုင်ဘဲ နှုတ်ထွက်ဖို့ အနည်းဆုံး ၉ ကြိမ်တိုင်တိုင် ကြိုးစားလေ့ရှိတယ်။
၆။ အကျဉ်းထောင်ကျဖို့ အကြိမ် ၂၀ နီးလေ့ရှိတယ်။

ဆယ်ကျော်သက် မိခင်များ
ဆယ်ကျော်သက် မိခင်များကို လေ့လာ ဆန်းစစ်ချက်အရ တွေ့ရှိရတာက သူတို့ရဲ့သမီး သုံးယောက်မှာ တစ်ယောက်ဟာ ဆယ်ကျော်သက် မိခင်တွေ ပြန်ဖြစ်လာပါတယ်။ ဒါပေမဲ့ မွေးသဖခင်နဲ့ ဆက်ဆံရေး ပြေပြစ်ချောမွေ့တဲ့ သားသမီးများကတော့ အချိန်မတိုင်ခင် အိမ်ထောင်ကျခြင်းမှ ကင်းဝေးတာကို ထူးဆန်းစွာ တွေ့ရှိရပါတယ်။ ဒါဟာ ဖခင်ကောင်း တစ်ယောက်ဟာ သားရော၊ သမီးရော အချိန်မတိုင်ခင် အိမ်ထောင်မှု ကိစ္စကို စောစီးစွာ မပြုအောင် တားဆီးစေနိုင်တဲ့ အချက်ကို တွေ့ရမှာ ဖြစ်ပါတယ်။ ဒီလေ့လာတွေ့ရှိချက်ကို နောက်ထပ် ထောက်ခံထားတဲ့ ပညာရှင်ကတော့ ဂလန်းဆက်စ်ပဲ ဖြစ်ပါတယ်။ ကလေးတစ်ယောက်ဟာ အချိန်မတိုင်ခင် ကျောင်းကထွက်၊ မထွက်၊ ဘွဲ့ရ၊ မရ၊ မူးယစ်ဆေးဝါး သုံးစွဲတယ်၊ မသုံးစွဲဘူး၊ ရာဇဝတ်မှု ကျူးလွန်တယ်၊ မကျူးလွန်ဘူး၊ အချိန်မတိုင်ခင် အသက်မပြည့်ခင် ကိုယ်ဝန်ဆောင်တာ စတာတွေကို ဖခင်ရှိ၊ မရှိအပေါ် အများကြီး မူတည်တယ်လို့ ကောက်ချက်ချထားပါတယ်။

အိမ်ထောင်ရေး
မိကွဲဖကွဲ အိမ်ထောင်စုက သော်လည်းကောင်း၊ အဖမဲ့မိသားစု မှကြီးပြင်းလာရတဲ့သူ သော်လည်းကောင်း သူတို့လေးတွေဟာ အရွယ်ရောက်လာလို့ အိမ်ထောင် ပြုတဲ့အခါမှာ အိမ်ထောင်ရေး ပြဿနာကိုလည်း ရင်ဆိုင်ရပါတယ်။ သူတို့အတွက် အိမ်ထောင်ရေး အကွဲအပြဲတွေ ကွင်းဆက် ပြဿနာလို ဆက်တိုက် ကူးစက်လေ့ရှိပါတယ်။ တိုင်းပြည်တစ်ခုမှာ ဖခင် တစ်ယောက်ရဲ့ တန်ဖိုးဟာ အရမ်းကြီးမားလာပါတယ်။ အဖမဲ့ခြင်းဟာ တိုင်းပြည်အတွက် အရေးအပါဆုံး အစိုးရိမ်ရဆုံး လူမှုပြဿနာလည်း ဖြစ်နေပါတယ်။ အနောက်တိုင်းမှာ ကလေး ၄၂ ရာခိုင်နှုန်းဟာ မွေးသဖခင် မရှိဘဲ အိပ်စက်နေရတယ်လို့ တွေ့ရှိရပါတယ်။ အဖမဲ့ အမျိုးသမီးတွေဟာ အသက် ၁၅-၁၉ နှစ်အတွင်း အိမ်ထောင်ပြုကြတာကို တွေ့ရှိရပါတယ်။ ဒါကြောင့် အမျိုးသား တစ်ယောက်ဟာ ကိုယ်တိုင် တာဝန်မယူနိုင်ဘဲ အမျိုးသမီး တစ်ယောက်ကို မကျူးလွန်သင့်သလို၊ အမျိုးသမီး တစ်ယောက်ဟာလည်း မကျွေးမွေးမပြုစု မစောင့်ရှောက်နိုင်ဘဲ ရင်သွေးလွယ်ရမယ့် အဖြစ်တွေကို ရှောင်ရှားသင့်ပါတယ်။

ဆင်းရဲမွဲတေမှု
လေ့လာသုတေသန ပြုချက်တွေအရ မွေးသဖခင်မရှိတဲ့ ကလေးတွေဟာ ပိုပြီးဆင်းရဲမွဲတေစွာနဲ့ ကြီးပြင်းရတယ်လို့ တွေ့ရှိရပါတယ်။ ဆင်းရဲမွဲတေနိုင်စွမ်းဟာ တခြားသော ကလေးများနဲ့ နှိုင်းယှဉ်ရင် ငါးဆတောင် ကွာဟခြားနားနေပါတယ်။ ပိုပြီးတော့လည်း ဘဝပျော်ရွှင်မှု ကင်းမဲ့ရတတ်ပါတယ်။ ပိုပြီးတော့လည်း ကျောင်းပညာ လစ်ဟင်းတတ်ပါတယ်။ ပိုပြီးတော့လည်း အသက် ၁၆ နှစ် မပြည့်ခင် ကျောင်းထွက်ရတတ်ပါတယ်။ တခြားသော ကလေးများနဲ့လည်း ပေါင်းသင်းဆက်ဆံတာ သဟဇာတ မဖြစ်တတ်ပါဘူး။ ငယ်ငယ်ရွယ်ရွယ်နဲ့လည်း မိန်းမရကြသလို ထောင်လည်း ကျတတ်ကြပါတယ်။ ဆေးစွဲတာ၊ အလုပ်လက်မဲ့ဖြစ်တာ၊ ဝင်ငွေနည်းတာ၊ အိမ်ခြေရာခြေ မရှိတာတွေ ဖြစ်တတ်ပါတယ်။ ရေရှည် စိတ်အမာရွတ်တွေ ရတတ်ပါတယ်။ အိမ်ထောင်လည်း ကွဲတတ်ကြပါတယ်။

ဆုံးမခြင်း
သုတေသန စစ်တမ်းများစွာအရ ဖခင်များဟာ မိခင်များထက် ကိုယ်ထိလက်ရောက် အပြစ်ပေးဆုံးမတာ အင်မတန်မှ နည်းပါတယ်။ အနိုင်ကျင့်ခံရတဲ့ ကလေးတွေကို ကြည့်လိုက်ရင်လည်း ပထွေးနဲ့နေရတာတွေ၊ အဖမဲ့တွေ များပါတယ်။

ပညာရေး
ကလေးအယောက် ၂၅၀၀၀ ကိုလေ့လာသုတေသန ပြုပြီးတဲ့နောက်မှာ အဖမဲ့ကလေးများဟာ ကျောင်းပညာ တတ်မြောက်ပြီးဆုံးဖို့ နည်းပါးတာကို တွေ့ရှိခဲ့ရပါတယ်။ ကျောင်းပြေးတာတွေ၊ ကျောင်းထွက်ခဲ့ရတာတွေကို တွေ့ရှိခဲ့ရပါတယ်။ အဖေရှိတဲ့ ကျောင်းသားများဟာ စာသင်ခန်းထဲ စိတ်ဖိစီးမှုနည်းပါးပြီး ကျောင်းပညာရေးမှာ အာရုံကောင်းစွာ စိုက်နိုင်ကြောင်းလည်း တွေ့ရှိရတယ်။ တစ်နှစ် တန်ဖိုးကို စာမေးပွဲကျသွားတဲ့ ကျောင်းသား တစ်ယောက်ကို မေးကြည့်ရင် သိနိုင်ပါလိမ့်မယ်။ တစ်လ တန်ဖိုးကို လမစေ့ဘဲ မွေးခဲ့တဲ့ မိခင်ကို မေးကြည့်ရင် သိနိုင်ပါလိမ့်မယ်။ တစ်ပတ် တန်ဖိုးကို အပတ်စဉ်ထုတ်နေတဲ့ ဂျာနယ်အယ်ဒီတာကို မေးကြည့်ရင် သိပါလိမ့်မယ်။ တစ်နာရီ တန်ဖိုးကို တွေ့ဆုံဖို့ စောင့်စားနေတဲ့ ချစ်သူတွေကို မေးကြည့်ရင် သိပါလိမ့်မယ်။ တစ်မိနစ် တန်ဖိုးကို ရထား နောက်ကျသွားတဲ့သူကို မေးကြည့်ရင် သိနိုင်ပါလိမ့်မယ်။ တစ်စက္ကန့် တန်ဖိုးကို ယာဉ်တိုက်မှုမှ သီသီလေး လွတ်သွားတဲ့သူကို မေးကြည့်ရင် သိနိုင်ပါလိမ့်မယ်။ တစ်မီလီစက္ကန့် တန်ဖိုးကို အိုလံပစ်ကစားပွဲက ငွေတံဆိပ်ဆု ရသွားတဲ့ မာရသွန်သမားကို မေးကြည့်ရင် သိနိုင်ပါလိမ့်မယ်။ အလားတူ 8-Days ပရိသတ်ကြီးအနေနဲ့ အဖေရဲ့ တန်ဖိုးကိုလည်း တတ်နိုင်သမျှ သိရှိအောင် အသိနှိုးဖော်ပြလိုက်ရ ပါတယ်။

posted by Olive
8 Days Journal