ကန်နှင့်တရုတ် စစ်တလင်းကြားက မြန်မာ

MrMaung KoThet

ရေးသားသူ- ဘာတေးလင့်တနာ

မြန်မာနိုင်ငံက နိုင်ငံရေးအခင်းအကျင်းကို ပွင့်လင်းစေရန်အတွက် ဒီမိုကရေစီအသွင်ကူးပြောင်းရေး လုပ်ဆောင်နေချိန်မှာပင် သရုပ်မှန်များက ပေါ်ထွက်လို့လာနေပါပြီ။ တရုတ်နှင့် နီးကပ်လှသော ဆက်ဆံရေးမှ ဖယ်ခွာ၍ အနောက်ကိုလှမ်းနေသော မြန်မာနိုင်ငံ၏လုပ်ရပ်က အာရှအခင်းအကျင်း ကို ပြောင်းလဲလိုက်ကြောင်း ပြသလိုက်သဖြင့် ၀ါရှင်တန်နှင့် ဘေဂျင်းတို့၏ အကျိုးစီးပွားပဋိပက္ခ စတင်လာတော့သည်။

ထိုအခါ မြန်မာနိုင်ငံသည် အန္တရာယ်ကြီးသည့် အင်အားကြီးနှစ်နိုင်ငံတို့၏ အားပြိုင်မှုအကြား ရောက်နေသည့်အဖြစ်ကို တွေ့ရနိုင်သည်။ ဤအခြေအနေအောက်တွင် အစဉ်အဆက် အာဏာကြီးခဲ့သည့် မြန်မာစစ်တပ်က နိုင်ငံရေးနှင့် လူမှုအသိုင်းအ၀ိုင်းအတွင်း ၄င်းတို့၏ ချုပ်ကိုင်မှုအခန်းကဏ္ဍကို အချိန်အတော်ကြာ ထိန်းသိမ်းထားဦးမည်ဟု ယူဆရသည်။

ဝါရှင်တန်သတင်းရပ်ကွက်၏ အဆိုအရ အမေရိကန်သမ္မတ အိုဘားမားအစိုးရအဖွဲ့သည် မြန်မာနိုင်ငံအား ၄င်းတို့၏နိုင်ငံခြားရေးမူဝါဒတွင် ထိပ်တန်းဦးစားပေးနေရာ၌ ထားရှိသည်ဟုဆိုသည်။ ကုန်သွယ်မှုနှင့် အခြားဖလှယ်ရေးအစီအစဉ်များကို အားပေးနေပြီး ဧပြီ ၂၅ ရက်တွင် အရှေ့အာရှနှင့် ပစိဖိတ်ရေးရာ ယာယီလက်ထောက်နိုင်ငံခြားရေးဝန်ကြီး ဂျိုးဆက်ဖ်ယွန်းက မြန်မာနိုင်ငံ၏ နိုင်ငံရေးအရ ဆက်လက်ပြုပြင်ပြောင်းလဲမှုကို အားပေးသည့်အနေဖြင့် မြန်မာနှင့်စစ်ရေး ပူးပေါင်းဆောင်ရွက်မှုအတွက် နည်းလမ်းများကိုပင် စဉ်းစားနေကြောင်း ကွန်ကရက်ကို ပြောဆိုခဲ့သည်။

အမေရိကန်သည် မြန်မာနိုင်ငံအတွင်း သတင်းအချက်အလက်များ စုဆောင်းနိုင်မှုအခြေအနေကိုလည်း အလျင်အမြန် မြှင့်တင်နေလေသည်။ ရန်ကုန်မြို့ရှိ အမေရိကန်သံရုံးသည် အရှေ့တောင်အာရှတစ်ခွင်လုံးတွင်ရှိသည့် သံတမန်မစ်ရှင်အားလုံးထက် ထောက်လှမ်းရေးလုပ်ငန်း ပိုမိုကျယ်ပြန့်နေသည်ဟု ယူဆရသည်။

ဘေဂျင်းက ဤအခြေအနေကို မနှစ်သက်လှတာကတော့ အဆန်းမဟုတ်ပါ။ နေပြည်တော်အစိုးရကို နိုင်ငံရေးဖိအားပေးရုံသာမကတော့ဘဲ မြန်မာနိုင်ငံအပေါ် အနောက်အုပ်စု၏လွှမ်းမိုးမှုကို ရပ်တန့်ရန်အတွက် ခပ်ကြမ်းကြမ်းခြေလှမ်းအချို့ကို တရုတ်အစိုးရက စတင်လာသည်။

ပြီးခဲ့သည့်နှစ်က တရုတ်လက်နက်ကုန်သည်များက တရုတ်-မြန်မာနယ်စပ်တစ်လျှောက် လှုပ်ရှားနေသည့် ၀ပြည်သွေးစည်းညီညွတ်ရေးတပ်(UWSA)ကို လက်နက်ပံ့ပိုးရာတွင် သာမန်ရိုင်ဖယ်သေနတ်၊ စက်သေနတ်၊ ဒုံးကျည်နှင့် HN-5 အတွဲမှ လူကသယ်ယူနိုင်သည့် ဝေဟင်ပစ်လက်နက်၊ (သို့မဟုတ်) MA-NPADS အဆင့်မဟုတ်တော့ဘဲ PTL-02 6x6 wheeled "Tankdestroyers" ခေါ် တင့်ကားဖျက်လက်နက် အပါအ၀င် အခြား တရုတ်လုပ် လက်နက်တပ်ဆင်ထားသော 4x4 ZFB-05s စစ်ပွဲသုံးယာဉ်များကို ပေးပို့ခဲ့သည်။ Jane's Defence အပတ်စဉ်က ဧပြီ ၂၉ ရက်ထုတ်ဂျာနယ်၌ ဖော်ပြထားသည့် သတင်းတွင် တရုတ်က UWSA ကို TY-90 အမျိုးအစား ဝေဟင်အချင်းချင်းပစ်နိုင်သည့် ဒုံးကျည် (TY-90 airto air missiles) များ တပ်ဆင်ထားသော 17 medium-transport ရဟတ်ယာဉ်အများအပြား ပေးပို့ခဲ့ကြောင်း ပါရှိလာသည်။

ဤဖြစ်စဉ်အားလုံးသည် ၀ါရှင်တန်နှင့် နေပြည်တော်အကြား ဆက်ဆံရေး သိသိသာသာ နွေးထွေးလာချိန်တွင် ဖြစ်ပေါ်လာသည်။ ပြီးခဲ့သည့်နှစ်အနည်းငယ်က မြန်မာနိုင်ငံသည် နိုင်ငံတကာ၏ အပယ်ခံဖြစ်ခဲ့သည်။ ၄င်း၏ ဆိုးရွားလှသော လူ့အခွင့်အရေးချိုးဖောက်မှုများကြောင့် အမေရိကန်နှင့် ဥရောပနိုင်ငံများက စီးပွားရေးနှင့် သံတမန်ရေး ပိတ်ဆို့မှုများဖြင့် အနောက်နိုင်ငံများ၏ အကြဉ်ခံခဲ့ရသည်။ ထိုစဉ်က မြန်မာ၏ တစ်ဦးတည်းသော နီးနီးကပ်ကပ် မဟာမိတ်မှာ တရုတ်သာရှိခဲ့သည်။ ဘေဂျင်းအပေါ် မှီခိုမှုများလွန်းသဖြင့် မြန်မာကို ဘေဂျင်း၏လက်ဝေခံ ပြည်နယ်တစ်ခုအဖြစ် ဖော်ပြတတ်ကြသည်။

ထိုအရာအားလုံးသည် ၂၀၁၁ ခုနှစ်တွင် သိသိသာသာ ပြောင်းလဲသွားခဲ့သည်။ မြန်မာနိုင်ငံ သမ္မတသစ် ဦးသိန်းစိန် တက်လာပြီးနောက် နိုင်ငံရေးအကျဉ်းသားများကို လွှတ်သည့်လုပ်ရပ်များဖြင့် အပြောင်းအလဲများလုပ်ပြီး အနောက်နိုင်ငံကို လက်ကမ်းခဲ့သည်။ သတင်းဆင်ဆာကို လျှော့ပါးပေးခဲ့သည်။ နိုင်ငံရေးအတိုက်အခံများကို စည်းဝေးခွင့်များပေးခဲ့သည်။ နိုင်ငံခြားသတင်းထောက်များကို ယခင်ကကဲ့သို့ လျှို့ဝှက်ရဲများစောင့်ကြည့်မှု (သို့မဟုတ်) ပိတ်ပင်တားဆီးမှုများမရှိဘဲ ပြည်တွင်းမှ သတင်းပေးပို့ခွင့်ပြုခဲ့သည်။

အနောက်ကလည်း အလားတူတုံ့ပြန်ခဲ့သည်။ ၂၀၁၁ ဒီဇင်ဘာလတွင် အမေရိကန် နိုင်ငံခြားရေးဝန်ကြီး ဟီလာရီကလင်တန် မြန်မာနိုင်ငံသို့ လာရောက်လည်ပတ်ခဲ့သည်။ ဆယ်စုနှစ်ပေါင်းများစွာအတွင်း ၀ါရှင်တန်မှ ဤအဆင့်ရှိ အစိုးရအရာရှိတစ်ဦး လာရောက်ခြင်းဖြစ်သည်။ ၂၀၁၂ ခုနှစ်၊ နိုဝင်ဘာတွင် အိုဘားမားသည် မြန်မာနိုင်ငံသို့ ပထမဆုံး လာရောက်လည်ပတ်သည့် အမေရိကန်သမ္မတအဖြစ် မြန်မာနိုင်ငံသို့ ရောက်လာခဲ့သည်။ ယခုနှစ် ဧပြီလ ၂၂ ရက်တွင် ဥရောပယူနီယံက လက်နက်မှလွဲ၍ ကျန်စီးပွားရေးပိတ်ဆို့မှုများကို ဖယ်ရှားခဲ့သည်။ ဥရောပ၀န်ကြီးချုပ်များနှင့် အခြားဥရောပမှ အကျော်အမော်များ မြန်မာပြည်ကို စုပြုံရောက်ရှိလာခဲ့ကြသည်။

ကုန်သွယ်မှုနှင့် ရင်းနှီးမြှုပ်နှံမှုတွင် အမေရိကန်ကလည်း အလားတူလုပ်ရပ်များ လုပ်ရန်ရှိသော်လည်း ဥရောပနှင့်မတူသည့်အချက်မှာ အမေရိကန်၏ ချဉ်းကပ်မှုတွင် စစ်ရေးအကြောင်းအချက်များ ပါဝင်နေခြင်းဖြစ်သည်။ ပထမခြေလှမ်းတစ်ရပ်အဖြစ် ယခုနှစ် ဖေဖော်ဝါရီလတွင် ထိုင်းနိုင်ငံ၌ပြုလုပ်သော Cobra Gold စစ်ရေးလေ့ကျင့်မှု၌ မြန်မာစစ်တပ်ကို အမေရိကန်က ပထမဆုံးအကြိမ် ဖိတ်ခေါ်ခဲ့သည်။

အိုဘားမား၏ အာရှဆုံလည်ဟုခေါ်သော ဗျူဟာအရ ၀ါရှင်တန်သည် ဂျပန်၊ တောင်ကိုရီးယား၊ ဖိလစ်ပိုင်၊ အင်ဒိုနီးရှားနှင့် ထိုင်းနိုင်ငံ စသည့် မဟာမိတ်များကို ထပ်မံအတည်ပြုခဲ့သည်။ ရန်သူဟောင်း ဗီယက်နမ်ကိုလည်း ဆက်ဆံရေးတိုးမြှင့်ခဲ့သည်။ သို့ရာတွင် အာရှတွင်း အမေရိကန်၏ သြဇာဖြန့်ကြက်မှုတွင် မြန်မာနိုင်ငံတစ်ခုတည်းကသာ တရုတ်အပေါ် ရိုက်ခတ်မှုရှိခဲ့သည်။

လူ့အခွင့်အရေးနှင့် ဒီမိုကရေစီရေး ပံ့ပိုးကူညီရန် အမေရိကန်က အကြိမ်ကြိမ်ပြောဆိုနေပြီး မြန်မာနိုင်ငံကလည်း ပြုပြင်ပြောင်းလဲရေး အစီအစဉ်များ လုပ်နေသည် ဆိုသော်လည်း မည်သူမှ ပွင့်ပွင့်လင်းလင်း ထုတ်ဖော်မပြောသည့်အချက်မှာ တရုတ်၏ အင်အားကြီးထွားလာမှုနှင့် လွှမ်းမိုးမှုအကြောင်း ဖြစ်သည်။ ဤနေရာတွင် အမေရိကန်နိုင်ငံရေးသမားများနှင့် မြန်မာစစ်ဗိုလ်ချုပ်ကြီးများ စိတ်သဘောချင်း တိုက်ဆိုင်ကြပုံရသည်။

၂၀၁၁ ခုနှစ်ခန့်က စာရေးသူထံ မြန်မာစစ်တပ်တွင်းက ပေါက်ကြားလာသော မှတ်တမ်းများအရ အမျိုးသားရေးပြဿနာများနှင့် အရေးပေါ်ဆွေးနွေးချက်များပါရှိရာ တရုတ်က မြန်မာနိုင်ငံကို စီးပွားရေးအရ လွှမ်းမိုးရယူနေပြီး နိုင်ငံရေးအရလည်း စတင်၍ ချုပ်ကိုင်လာနေသည့်အကြောင်း၊ မြန်မာနိုင်ငံသည် လွတ်လပ်ရေးဆုံးရှုံးသွားနိုင်သည့် အန္တရာယ်နှင့် ကြုံတွေ့နေကြောင်း၊ ထို့ကြောင့် မြန်မာအနေနှင့် အနောက်ကို ကမ်းလှမ်းဖို့ လိုလာကြောင်း မှတ်တမ်းများ၌ပါရှိသည်။

တရုတ်နှင့် နီးကပ်လှသော မြန်မာ့ဆက်ဆံရေးကို မနှစ်သက်လှသဖြင့် ၀ါရှင်တန်အတွက်ကတော့ ဤသတင်းက နားဝင်ချိုလှသော်လည်း တစ်ချိန်တည်းမှာပင် မြောက်ကိုရီးယားနှင့် နေပြည်တော်က ပြီးခဲ့သည့်နှစ်အနည်းငယ်အတွင်း ဆက်ဆံရေး တည်ဆောက်နေသည့်အဖြစ်ကြောင့် မြန်မာကို လက်မခံနိုင်ခဲ့ပေ။

ဝါရှင်တန်သတင်းအရ ၂၀၁၀ ပြည့်နှစ်ကုန်ပိုင်းတွင် အိုဘားမားအစိုးရအဖွဲ့က အခြေခံမူဝါဒပြောင်းလဲရန် လိုအပ်ကြောင်း ဆုံးဖြတ်ခဲ့သည်ဟု ဆိုသည်။ သံတမန်များက မြန်မာနိုင်ငံနှင့် စိတ်ဝင်တစား ဆက်သွယ်လာကြပြီး တရုတ်စက်ကွင်းက ဆွဲထုတ်နိုင်ရေး ပါဝင်လုပ်ဆောင်လာခဲ့သည်။ မြောက်ကိုရီးယားကိုလည်း အနောက်အာရှနှင့် အရှေ့တောင်အာရှတွင် စစ်ရေးမဟာမိတ်မရှိအောင် စီမံခဲ့သည်။ မြောက်ကိုရီးယားနှင့် မဟာမိတ် ပြတ်တောက်သွားစေခြင်းက ရေတိုတွင် အဓိကအကြောင်းတစ်ရပ် ဖြစ်သော်လည်း ရေရှည်တွင်မူ တရုတ်နိုင်ငံ၏ သြဇာတက်လာမှုက အဓိကအကြောင်းရပ်ဖြစ်နိုင်သည်။

မြန်မာနိုင်ငံက အပြောင်းအလဲတစ်ခုခုရှိမှသာ ၀ါရှင်တန်က မူဝါဒပြောင်းလဲနိုင်မည်ဖြစ်သောကြောင့် ပေါ်ပေါ်ထင်ထင် မရိုးသားသော ၂၀၁၀ ပြည့် ရွေးကောက်ပွဲအပြီး အရပ်သားတစ်ဝက် အစိုးရတက်လာချိန်တွင် အကြောင်းပြစရာတစ်ခုရခဲ့သည်။

သို့သော် အဓိကအတားအဆီးကြီးတစ်ခုက ကျန်ရှိနေပါသေးသည်။ ဒီမိုကရေစီပြယုဂ်ဖြစ်သည့် ဒေါ်အောင်ဆန်းစုကြည်ပင် ဖြစ်သည်။ ၂၀၁၀ ရွေးကောက်ပွဲအပြီး ရက်ပိုင်းအတွင်း သူ့ကို နေအိမ်အကျယ်ချုပ်မှ လွှတ်ပေးခဲ့သည်။ လွှတ်ပြီးသည်နှင့် မြန်မာတိုင်းရင်းသားအရေး ဖြေရှင်းရန် စတင်လှုပ်ရှားခဲ့သည်။ ဖခင်ဖြစ်သူ လုပ်ကြံမခံရမီနှင့် လွတ်လပ်ရေးမရမီ တစ်နှစ်တွင် တိုင်းရင်းသားခေါင်းဆောင်များနှင့် သဘောတူညီချက်များရခဲ့သည့် ပင်လုံကိုရည်ညွှန်းပြီး သူက ဒုတိယပင်လုံဟုခေါ်ဆိုသည်။ ဤလုပ်ရပ်အတွက် အစိုးရနှင့် နီးစပ်သည့် ဘလော့ကာများက သစ္စာဖောက်ဟု ခေါ်ဆိုတိုက်ခိုက်ခဲ့သည်။

အမျိုးသားဒီမိုကရေစီအဖွဲ့ချုပ်က ၂၀၁၂ ခုနှစ်တွင် ပြည်လုံးကျွတ်အောင်နိုင်ခဲ့ပြီး ယှဉ်ပြိုင်သည့်နေရာ ၄၄ နေရာအနက် ၄၃ နေရာကို ရရှိခဲ့သည်။သူ့မိန့်ခွန်းကို နားထောင်ရန် သောင်းနှင့်ချီသော ပြည်သူများက စုဝေးခဲ့ကြသည်။ သူ့မိန့်ခွန်းကို သောင်းသောင်းဖြဖြအားပေးခဲ့ကြသည်။ သို့သော် ထို့နောက်တွင်မူ သူ့ကိုနှစ်ရှည်လများ နေအိမ်အကျယ်ချုပ်ချထားခဲ့သော ဆိုးရွားလှသည့် လူ့အခွင့်အရေးချိုးဖောက်မှုများအတွက် တာဝန်ရှိသည်ဟု သူကိုယ်တိုင် ကြိမ်ဖန်များစွာ ပြောဆိုခဲ့သောစစ်တပ်ကို ဒေါ်အောင်ဆန်းစုကြည်က စတင်ချီးကျူးလာသည်ကို တွေ့ရပြန်သည်။

ပြီးခဲ့သည့်နှစ် ဒီဇင်ဘာလက ဘီဘီစီနှင့် မေးမြန်းခန်းတွင် စစ်တပ်ကို သူ့ဖခင်တပ်ဟု အမြဲမှတ်ယူပြီး နှစ်သက်သဘောကျကြောင်း၊ ယခုကဲ့သို့ ပြောဆိုမှုအတွက် လူအများက မနှစ်သက်ကြကြောင်း ဒေါ်အောင်ဆန်းစုကြည်က ပြောဆိုခဲ့သည်။

ယခုနှစ် မတ်လ ၂၇ ရက် တပ်မတော်နေ့တွင် ယူနီဖောင်းဝတ် စစ်ဗိုလ်ချုပ်ကြီးများကြား၌ တစ်ဦးတည်းသောအမျိုးသမီးအဖြစ် ရှေ့ဆုံးတန်းမှနေပြီး တပ်မတော်၏
နောက်ဆုံးပေါ် စစ်ရေးပြအခမ်းအနားကို တက်ရောက်ကြည့်ရှုခဲ့ပြန်သည်။

ယခုအချိန်တွင် ဒေါ်အောင်ဆန်းစုကြည်သည် စစ်တပ်နှင့် သဘောတူညီချက် ရယူပြီးဖြစ်သည်မှာ ထင်ရှားလာနေသည်။ အမေရိကန်ကဲ့သို့သော ပြင်ပစစ်ခေါင်းဆောင်များနှင့် အလွမ်းသင့်အောင်ပေါင်းရန် ဖိအားရှိလာဟန်တူသည်။ ဒေါ်အောင်ဆန်းစုကြည်နှင့် ဦးသိန်းစိန်အကြား နိုင်ငံရေးအရ နှစ်ခြမ်းကွဲနေသော မြန်မာနိုင်ငံကို အမေရိကန် မလိုလားပါ။ ဤကိစ္စကို အင်န်အယ်လ်ဒီအဖွဲ့ဝင်များကလည်း တိုးတိုးတိတ်တိတ် ၀န်ခံခဲ့ကြသည်။

၂၀၁၁ခု၊ သြဂုတ်လ ၁၉ ရက်တွင် ဒေါ်အောင်ဆန်းစုကြည်နှင့် ဦးသိန်းစိန်တို့ နေပြည်တော်ရှိ သမ္မတအိမ်တော်တွင် တွေ့ဆုံခဲ့ကြသည်။ ထိုအချိန်မှစ၍ ဒေါ်အောင်ဆန်းစုကြည်သည် စစ်တပ်နှင့်အစိုးရကို ဝေဖန်မှုများမပြုလုပ်တော့ပါ။ ထိုနည်းတူ တိုင်းရင်းသားတိုက်ပွဲများနှင့် ပတ်သက်၍လည်း မည်မည်ရရပြောဆိုခြင်း မရှိတော့ပါ။ နိုင်ငံတော်လုံခြုံရေးကိစ္စဟု ယူဆပြီး စစ်တပ်၏တာဝန်ဟုသာ သတ်မှတ်ထားလိုက်သည်။

၂၀၁၁ စက်တင်ဘာလတွင် ကချင်ပြည်နယ်တွင် တရုတ်အထောက်အပံ့နှင့် ဆောက်လုပ်မည့် ဒေါ်လာ ၃ ဒသမ ၆ ဘီလီယံတန် မြစ်ဆုံဆည်ကို ရပ်တန့်ရန် အစိုးရ၏ဆုံးဖြတ်ချက် ထွက်ပေါ်လာသည်။ အောက်ခြေလူထုအထိ ကျယ်ကျယ်ပြန့်ပြန့် ပါဝင်လာကြသော ဤလှုပ်ရှားမှုတွင် ရန်ကုန် အမေရိကန်သံရုံးက အကူအညီပေးထားသောသူများလည်း ပါဝင်ခဲ့သည်ဟု ၀ီကီလိခ်ကဖော်ပြသည်။

တရုတ်နိုင်ငံအတွက်မှာ မြန်မာနိုင်ငံသည် စီးပွားရေးနှင့် မဟာဗျူဟာအရ အရေးပါလှသည်။ မြစ်ဆုံအပြင် တရုတ်၏မြန်မာနိုင်ငံတွင်း
ရင်းနှီးမြှုပ်နှံမှုများမှာ ရေအားလျှပ်စစ်၊ ကြေးနီနှင့် အခြားရှားပါးသော သတ္တုများတူးဖော်ရေးတို့ဖြစ်သည်။ ပင်လယ်ရေကြောင်း ကုန်သွယ်ရာ လမ်းကြောင်းပေါက်သည့် ကြားခံပြည်လည်းဖြစ်သည်။ ထို့အပြင် ဘင်္ဂလားပင်လယ်အော်နှင့် အရှေ့အလယ်ပိုင်းမှ မလက္ကာရေလက်ကြားကို ရှောင်လွှဲပြီး စွမ်းအင်တင်သွင်းနိုင်မည့် ရေနံနှင့်သဘာဝဓာတ်ငွေ့လိုင်းကိုလည်း ဖောက်လုပ်ရန် စီစဉ်နေသည်။ ပြောရမည်ဆိုလျှင် တရုတ်သည် မြန်မာကို အမေရိကန်လက်ထဲ ထည့်မပေးနိုင်ပါ။ အကျိုးရလဒ်အနေနှင့် တရုတ်က နေပြည်တော်နှင့် သံတမန်ရေးရာ ကစားတော့သည်။ UWSA ကို ပံ့ပိုးနေသည့် တစ်ချိန်တည်းမှာပင် ကချင်လွတ်မြောက်ရေးအဖွဲ့ကေအိုင်အေနှင့် ငြိမ်းချမ်းရေးတွင် ကြားဝင်ဆောင်ရွက်ပေးသည်။ ဇန်န၀ါရီလ ၁၉ ရက်နေ့က တရုတ်ဒုတိယနိုင်ငံခြားရေးဝန်ကြီးဖုယင် မြန်မာနိုင်ငံကို လာရောက်လည်ပတ်ပြီး ဦးသိန်းစိန်၊ ဗိုလ်ချုပ်မှူးကြီးမင်းအောင်လှိုင်တို့နှင့် တွေ့ဆုံသည်။ တရုတ်ကစီစဉ်ပေးသော ငြိမ်းချမ်းရေးဆွေးနွေးပွဲများကို တရုတ်နယ်စပ်မြို့ ရွှေလီတွင် ကျင်းပပေးခဲ့သည်။ ကချင်နှင့် မြန်မာနှစ်ဖက်စလုံးကို ကြားဝင်စေ့စပ်ပေးမည့်အကြောင်း စကားပါးသည်။

မြန်မာအစိုးရကို ဆောက်လုပ်ရေးနှင့် အခြားဖွံ့ဖြိုးရေးလုပ်ငန်းများအတွက် ဒေါ်လာ ၅၂၇ သန်း ချေးငှားမည့်အကြောင်းနှင့် ကချင်နှင့်ဖြစ်ပွားသည့် စစ်ပွဲများကို ဖြေရှင်းပေးမည်ဟု ရေမှုတ်ကမ်းပေးနေချိန်တွင် UWSAကို ထောက်ပံ့ပေးမည့် အစီအစဉ်က တရုတ်၏ကြီးမားသော မီးစတစ်ခုဖြစ်နေသည်။

UWSA က အမှန်တကယ် အစိုးရကို စစ်ဆင်နွှဲရန် တရုတ်တို့က လိုလားလိမ့်မည်မဟုတ်ဟု လေ့လာသူအချို့က ယူဆခဲ့ကြသည်။ MAN-PADS လက်နက်တပ်ဆင်ထားသော စစ်သုံးယာဉ်နှင့် ဒုံးကျည်တပ်ဆင်ထားသော ရဟတ်ယာဉ်ထောက်ပံ့မှုတို့ကလည်း မြန်မာအစိုးရက “၀”တပ်ကို တိုက်ခိုက်မှုမရှိစေရန်
ရည်ရွယ်သည်ဟူ၍ ယူဆကြသည်။ ဤလုပ်ရပ်က တရုတ်သည် အမေရိကန်ကဲ့သို့မဟုတ်ဘဲ မြန်မာနှင့် ကပ်လျက်ရှိနေကြောင်း၊ ပြည်တွင်းတိုက်ပွဲများတွင် ပါဝင်ပတ်သက်၍နေကြောင်း၊ နေပြည်တော်က အမေရိကန်ဆီကို ပို၍နီးကပ်သွားမည်ဆိုလျှင် ဤသို့ပါဝင်ရန်ရှိကြောင်း တရုတ်တို့က သတိပေးလိုက်ခြင်းလည်းဖြစ်သည်။

တရုတ်-မြန်မာနယ်စပ် သတင်းရပ်ကွက်က အိုဘားမား၏ မြန်မာနိုင်ငံတစ်ရက်တာ ခရီးစဉ်ဖြစ်သော နိုဝင်ဘာလ ၁၉ ရက်ခရီးစဉ်တွင် တရုတ်တို့က နယ်စပ်တစ်လျှောက်လုံး လုံခြုံရေးအင်အား တိုးမြှင့်ချထားသည်ဟုဆိုသည်။ ဤလုပ်ရပ်သည် လုံခြုံရေးအရ လိုအပ်ခြင်းမရှိပါ။ သို့သော် သတင်းရပ်ကွက်တစ်ခုက ပြောသကဲ့သို့ဆိုရလျှင် အမေရိကန်က အဝေးမှာရှိနေချိန်တွင် တရုတ်က အနားတွင်ကပ်လျက်ရှိနေကြောင်း လှမ်းသတိပေးလိုက်ခြင်း ဖြစ်နိုင်သည်။ မြန်မာနိုင်ငံ အနေအထားသည် ၄င်း၏အနောက်နှင့် ဆက်ဆံရေးနှင့် အနီးရှိအင်အားကြီးနိုင်ငံ အကျိုးစီးပွားနှစ်ခုအကြား မြေစာပင်လိုဖြစ်လာခဲ့သည်။

Jane's လေ့လာဖော်ပြချက်အရ ရဟတ်ယာဉ်ရရှိခဲ့ပြီး တပ်တွင်းနောက်ဆုံးအဆင့် သိသိသာသာ တိုးမြှင့်ဖြည့်တင်းထားသော UWSA သည် အာရှမဆိုထားနှင့် ကမ္ဘာတစ်ဝန်းမှာပင်လျှင် အင်အားအကြီးဆုံးနှင့် အကောင်းဆုံးလက်နက် တပ်ဆင်ထားသည့် သူပုန်တပ်ဖြစ်လာသည်ဟု ဆိုသည်။

တရုတ်က နောက်ခြေလှမ်းတစ်ရပ်ကို မည်သို့လှမ်းမည်နည်း။ အမေရိကန်ကလည်း ထိုအချက်ကို တုံ့ပြန်ရန် ပြင်ဆင်သောအားဖြင့် မြန်မာအစိုးရကို စစ်တပ်အကြား ဆက်သွယ်ဆောင်ရွက်မှု အပါအ၀င် ၄င်း၏အကူအညီကို တိုးမြှင့်မလား၊ စောင့်ကြည့်ရန်သာ လိုပါတော့သည်။ သို့သော် မည်ကဲ့သို့သော ခြေလှမ်းပင်ဖြစ်စေကာမူ မြန်မာနိုင်ငံသည် အင်အားကြီးနှစ်နိုင်ငံ အားပြိုင်မှုအကြား ဆွဲသွင်းခံလိုက်ရပြီး နှစ်ဖက်စလုံးက အားပြိုင်လွှမ်းမိုးနေသောကြောင့် အခြေအနေကို ကိုင်တွယ်နိုင်ရန် မလွယ်ကူသည်ကတော့ အသေအချာပင်ဖြစ်တော့သည်။

(ဤဆောင်းပါးရှင် မြန်မာအရေးကျွမ်းကျင်သူ ဘာတေးလင့်တနာသည် မြန်မာနိုင်ငံနှင့်ပတ်သက်၍ စာအုပ်များစွာ ရေးသားထုတ်ဝေခဲ့ရာ Burma in Revolt: Opium and Insurgency, Land of Jade: A Journey from India through northern Burma to China, The Kachin: Lords of Burma's Northern Frontier, စသည့် စာအုပ်များကို ရေးသားထုတ်ဝေခဲ့သူဖြစ်သည်။ ဘာတေးသည် Asia Pacific Media ၏ ပင်တိုင်ဆောင်းပါးရှင်တစ်ဦးလည်းဖြစ်သည်။ Asia Time တွင် ပုံနှိပ်ဖော်ပြပြီးဖြစ်သော ယခုဆောင်းပါးမူရင်းအား ဆောင်းပါးရှင်ထံမှ 7Day Daily က ခွင့်ပြုချက်ရယူကာ ခင်မေဇော်က ဘာသာပြန်ဖော်ပြခြင်းဖြစ်သည်။)

Photo- AFP
7Day News Journal

—