22.10.2012 နေ့ဖတ်ရန်သတင်းများ

by Myanmar Journal on Sunday, October 21, 2012 at 5:03pm ·

အမေရိကန်-အီရန် နျူကလီးယားအရေး ဆွေးနွေးဖို့ အစီအစဉ်မရှိသေး

အီရန်နိုင်ငံက အငြင်းပွားစရာ ဖြစ်နေရတဲ့ နျူကလီးယား အစီအစဉ်နဲ့ ပတ်သက်လို့ အရင်က တခါမှ မရှိဖူးခဲ့တဲ့ နှစ်နိုင်ငံ တွေ့ဆုံဆွေးနွေးဖို့ သဘောတူညီချက် ရရှိထားတယ်ဆိုတဲ့ သတင်းတွေဟာ မမှန်ဘူးလို့ အီရန်နဲ့ အမေရိကန် တာဝန်ရှိသူတွေက ပြောလိုက်ကြပါတယ်။

အမေရိကန်နဲ့ တနိုင်ငံချင်း တွေ့ဆုံဆွေးနွေးမှုမျိုး အီရန်နိုင်ငံဘက်က ဆောင်ရွက်နေတာ မရှိတဲ့အကြောင်း အီရန် နိုင်ငံခြားရေးဝန်ကြီး Ali Akbar Salehi က တနင်္ဂနွေနေ့ သတင်းစာ ရှင်းလင်းပွဲ မှာ ပြောခဲ့တာပါ။

အီရန် နိုင်ငံခြားရေးဝန်ကြီး Ali Akbar Salehi။ 

အမည်မဖော်လိုသူ အမေရိကန် အစိုးရ တာဝန်ရှိသူတဦးကို ကိုးကားထားတဲ့ New York Times သတင်းစာရဲ့ ဖော်ပြချက်ဟာ မမှန်ဘူးလို့ သမ္မတ အိမ်ဖြူတော်က စနေနေ့မှာ ငြင်းဆန်ခဲ့ပါတယ်။ သံတမန်ရေးအရ အဖြေရနိုင်ရေး အမေရိကန် ပြည်ထောင်စုက ဂျာမဏီနိုင်ငံ၊ ကုလသမဂ္ဂ လုံခြုံရေးကောင်စီ အမြဲတန်းအဖွဲ့ဝင် နိုင်ငံတွေနဲ့ လက်တွဲ ဆောင်ရွက်နေတယ်လို့ အမျိုးသား လုံခြုံရေး ကောင်စီ ပြောခွင့်ရသူ Tommy Vietor ကပြောခဲ့တာပါ။

အမေရိကန်နဲ့ တခြားအနောက်နိုင်ငံတွေဟာ နျူကလီးယား လက်နက် ထုတ်လုပ်ဖို့ ကြိုးပမ်းနေတယ်ဆိုတဲ့ သံသယနဲ့ အီရန်ရဲ့ နျူကလီးယား လုပ်ငန်းတွေကို ရပ်တန့်ဖို့ ကြိုးပမ်းနေကြတာ ဖြစ်ပါတယ်။ New York Times သတင်းစာကတော့ အမေရိကန်နဲ့ အီရန်ကြား လျို့ဝှက်ဆွေးနွေးမှုတွေဟာ သမ္မတ ဘရက်ခ် အိုဘားမား စတင် တာဝန်ယူခဲ့တဲ့ အချိန်လောက်ကတည်းက ရှိနေခဲ့တာလို့ ဖော်ပြခဲ့တာပါ။ နှစ်နိုင်ငံကြား ဆွေးနွေးမယ့် အစီအစဉ်ကိုတော့ အမေရိကန်မှာ သမ္မတရွေးကောက်ပွဲတွေ အပြီးလောက်မှ လုပ်ဆောင်ဖို့ အီရန်နိုင်ငံဘက်က လိုလားနေတယ်လို့လည်း အမေရိကန် အစိုးရရဲ့ အမည်မဖော်လိုသူ အကြီးတန်း အရာရှိတဦးကို ကိုးကားပြီး သတင်းစာမှာ ရေးသားခဲ့တာ ဖြစ်ပါတယ်။

နန်းခင်ဇေယျာ နိုင်ငံတကာမယ်ရွေးပွဲရဲ့ Miss Internet ဆု ရရှိ

 

ဂျပန်နိုင်ငံ အိုကီနာဝါမှာ ဒီကနေ့ ကျင်းပနေတဲ့ Miss International နောက်ဆုံး အဆင့် ရွေးချယ်ပွဲမှာ မြန်မာနိုင်ငံက ၀င်ရောက်ယှဉ်ပြိုင်တဲ့ Miss Myanmar ပအိုဝ်တိုင်းရင်းသူ နန်းခင်ဇေယျာဟာ အင်တာနက်ပေါ်မှာ လူကြိုက်အများဆုံးဆု Miss Internet ဆု ရရှိသွားပါတယ်။ ဒါပေမဲ့လည်း နောက်ဆုံးအဆင့် ဇကာတင်ပြိုင်ပွဲ ၁၅ ဦး ရွေးချယ်ရာမှာတော့ နန်းခင်ဇေယျာ ရွေးချယ်ခံရမှု မရှိတာကြောင့်၊ မစ် အင်တာနက်ဆုနဲ့ပဲ နှစ်သိမ့်လိုက်ရပါတယ်။]၂၀၁၂ ခုနှစ် Miss International ဆုကိုတော့ ဂျပန်နိုင်ငံက ၀င်ရောက်ယှဉ်ပြိုင်သူ Ikumi Yoshimatsu က ရရှိသွားပြီး ဒုတိယဆု ကိုတော့ ဖင်လန်နိုင်ငံက မယ် ရရှိပါတယ်။ နန်းခင်ဇေယျာဟာ နောက်ဆုံးဖိုင်နက် ပြိုင်ပွဲမတိုင်ခင်ကတည်းက People Choice Award ကိုလည်း ရရှိထားသူ ဖြစ်ပါတယ်။ ဒီကနေ့ လုပ်တဲ့ နောက်ဆုံးအဆင့် ပြိုင်ပွဲမှာ ပြိုင်ပွဲအခန်း နှစ်ခုဖြစ်တဲ့ Swin Suit ရေကူးဝတ်စုံ ၀တ်ဆင်ပြိုင်ဆိုင်မှုနဲ့ ညနေခင်း ၀တ်စုံဝတ်ဆင် ပြိုင်ဆိုင်မှုနှစ်ခုမှာ နန်းခင်ဇေယျာ ၀င်ရောက် ယှဉ်ပြိုင်ခဲ့ပါတယ်။

နန်းခင်ဇေယျာ အင်တာနက် အလှမယ်ဆု ရရှိ

အင်တာနက်ကနေ အကြိုက်ဆုံး မဲပေးကြရာမှာ နန်းခင်ဇေယျာ မဲအများဆုံး ရရှိခဲ့တာ ဖြစ်ပါတယ်

ဂျပန်နိုင်ငံ အိုကီနာဝါကျွန်းမှာ ကျင်းပနေတဲ့ ၂၀၁၂ ခုနှစ် နိုင်ငံတကာ အလှမယ် ပြိုင်ပွဲမှာ မြန်မာ နိုင်ငံက နန်းခင်ဇေယျာ ဟာ အင်တာနက် အလှမယ်ဆု နဲ့ သာ ကျေနပ် လိုက်ရပါတယ်။

၂၀၁၂ နိုင်ငံ တကာ အလှမယ် သရဖူကိုတော့ ဂျပန် အလှမယ် Ikumi Yoshimatsu က ဆွတ်ခူး သွားပြီး၊ ဒုတိယနေရာ ကိုတော့ ဖင်လန် အလှမယ်က ရရှိ သွားပါတယ်။

နိုင်ငံတကာ အလှမယ်ဆု မပေးခင် တခြား အထူးဆု ၇ ခုကို အရင်ဆုံး ချီးမြှင့် ရာမှာ နန်းခင်ဇေယျာဟာ အင်တာနက် အလှမယ် ဆုကို ရရှိသွားတာ ဖြစ်ပါ တယ်။

ပရိသတ်တွေ ကနေ အင်တာနက်က တဆင့် အကြိုက်ဆုံးသူကို မဲပေးရာမှာ နန်းခင်ဇေယျာက မဲအများဆုံး ရရှိတဲ့ အတွက် ဒီဆုကို ရရှိတာ ဖြစ်ပါတယ်။

နိုင်ငံ အသီးသီး ကနေ ဝင်ရောက် ယှဉ်ပြိုင်ကြတဲ့ စုစုပေါင်း အလှမယ် ၆၉ ယောက် ထဲက ၁၅ ယောက်ကို ဒိုင်လူကြီးတွေက ဆန်ခါတင် ရွေးချယ် ရာမှာ မြန်မာ နိုင်ငံက နန်းခင်ဇေယျာ တယောက် ဆန်ခါတင်ထဲ မပါတော့ပဲ ကျန်ရစ်ခဲ့တာ ဖြစ်ပါတယ်။

မြန်မာပြည်က HIV ဝေဒနာရှင်တွေရဲ့ ဆေးဝါးအခက်အခဲ

Burma HIV Patients suffer as only sickest get drugs (10-21-12 Sunday PM) KPမြန်မာနိုင်ငံမှာ HIV/AIDS ခုခံအား ကျဆင်းတဲ့ရောဂါ ဝေဒနာ ခံစားနေရတဲ့သူ ခန့်မှန်းချေ ၂ သိန်း ၄ သောင်း လောက် ရှိပါတယ်။ ဒါပေမဲ့ ဒီအရေအတွက် တ၀က်လောက်ဟာ ဆေးဝါးကုသမှု မရကြဘဲ ရောဂါ ဝေဒနာ ပြင်းပြင်းထန်ထန် ခံစားရသူတွေ လောက်သာ ကုသမှုတွေကို ရရှိကြတာ ဖြစ်ပါတယ်။ မြန်မာနိုင်ငံက HIV/AIDS ရောဂါဝေဒနာရှင်တွေရဲ့ ဘ၀ အခြေအနေတွေကိုတော့ မခင်ဖြူထွေးက စုစည်း တင်ပြထားပါတယ်။ ရန်ကုန်မြို့ပြင်မှာရှိတဲ့ HIV ဝေဒနာသည်တွေကိုကူညီတဲ့ ဂေဟာတခုက ဆောက်ထားတဲ့ အဆောက်အဦး ငယ်လေး နှစ်ခုထဲမှာ ကျပ်ကျပ်သိပ်သိပ် ခိုလုံနေကြတဲ့ အိပ်ခ်ျအိုင်ဗွီဝေဒနာရှင် ၂၀၀ မှာ အတော်များများကတော့ သေဖို့အတွက် စောင့်နေရုံ သက်သက်လို ဖြစ်နေပါပြီ။ အမျိုးသား ဒီမိုကရေစီအဖွဲ့ချုပ် ခေါင်းဆောင် ဒေါ်အောင်ဆန်းစုကြည် ရဲ့ အကူအညီနဲ့ ဖွင့်ထားတဲ့ ဒီ အိပ်ခ်ျအိုင်ဗွီ ရောဂါသည်တွေ ခိုကိုးရာ ဂေဟာမှာ ဆရာဝန်တွေ၊ သူနာပြု ဘယ် ဆေးဝန်ထမ်းမှာ ရှိမနေပါဘူး။ ဝေဒနာရှင်တွေ အချင်းချင်း ကူညီရိုင်းပင်းပြီး နေထိုင်နေကြရတာ ဖြစ်ပါတယ်။

မိဘတွေ သေဆုံးပြီး ကျန်ရစ်ခဲ့တဲ့ ဝေဒနာရှင် ကလေးငယ်တွေလည်း လူတွေ ပြည့်သိပ် မွမ်းကျပ်နေတဲ့ အခန်းလေးတွေထဲမှာပဲ ဖိနပ်မပါ ဆော့ကစားနေကြတာပါ။ ဖျားနာနေတဲ့သူတွေ၊ တချို့ဆိုရင် အသက်ရှူနေတာက လွဲလို့ လူသေရုပ်ကြွင်းတပိုင်း ဖြစ်နေကြတဲ့သူတွေလည်း ကြမ်းပြင်ပေါ်မှာ တန်းစီပြီး လဲလျောင်းနေကြရတာပါ။ ဒီလူတွေကို အနားမှာ ပြုစုစောင့်ရှောက်ပေး နေကြတဲ့ သူတွေ ကိုယ်တိုင်ကလည်း ဒီရောဂါ ကူးစက်ခံထား ရသူတွေပါ။ အနားမှာ နာရီနဲ့ချီ ထိုင်ပြီး ယပ်ခပ်ပေးရုံ၊ ကူညီလုပ်ကိုင်ပေး ရုံကလွဲလို့ သူတို့တွေလည်း ဘာမှ မလုပ်ပေးနိုင်ကြပါဘူး။

အိပ်ခ်ျအိုင်ဗွီ ဝေဒနာရှင်တွေနဲ့ ပတ်သက်ပြီး အမြင်မကျယ်နိုင်သေးဘဲ ခွဲခြား ဆက်ဆံမှုတွေ များဆဲဖြစ်တဲ့ မြန်မာနိုင်ငံမှာ ဒီလို ဝေဒနာရှင်တွေအတွက် ကူညီစောင့်ရှောက်ရေး ဂေဟာတွေကသာ အကောင်းဆုံးနဲ့ တခုတည်းသော ခိုလုံရာ နေရာ ဖြစ်ပါတယ်။ ဒီဂေဟာတွေက ဝေဒနာရှင်တွေကို အသက်အရွယ်မရွေး ကူညီ စောင့်ရှောက် ပေးပါတယ်။ ခင်ပွန်းဖြစ်တဲ့သူ ဖျားနာပြီး အိပ်ခ်ျအိုင်ဗွီ ရောဂါ ရှိနေတယ် ဆိုတဲ့နောက် သူကိုယ်တိုင်မှာလည်း ဒီရောဂါ ရှိနေပြီဆိုတာကို သိလိုက်ရတဲ့ အသက် ၃၆ နှစ်အရွယ် ရောဂါသည်တစ်ဦးက သူ့ကလေးတွေရဲ့ အနာဂတ်အတွက် စိုးရိမ်မိတယ်လို့ ပြောပါတယ်။

“ကိုယ်တွေ ဒီဆေးတွေကို သောက်နေပေမဲ့ ဆိုးကျိုးတွေနဲ့ ကြုံသွားရင် ဒီကလေးတွေ အတွက်ကို စိုးရိမ်တာ။”

သူ့မှာက ၆ နှစ်ရွယ် နဲ့ ၆ လသာ ရှိသေးတဲ့ ကလေးငယ် နှစ်ယောက် ရှိနေတာပါ။ဒီလိုပဲ အိပ်ခ်ျအိုင်ဗွီ ဂေဟာမှာပဲနေထိုင်ရင်း သူတို့ရဲ့ ကလေးငယ်ကို မွေးခဲ့တဲ့ ဝေဒနာရှင် ဇနီးမောင်နှံ ကလည်း သူတို့ ကလေးငယ် နောင်ရေး စိုးရိမ်နေတာပါ။

“ကိုယ်တွေကတော့ ဖြစ်တဲ့သူ ဆိုတော့ ဖြစ်တဲ့အတိုင်းပေါ့။ ကလေးကတော့ ကိုယ်အသက်ရှင်တဲ့ ကာလပတ်လုံး လုပ်ပေးနိုင်သလောက် အဆင့်ထိတော့ လုပ်ပေးသွားမယ်။” အိပ်ခ်ျအိုင်ဗွီ ဝေဒနာရှင်တွေကို ကုသပေးတဲ့ အေအာဗွီ ဆေးဝါးဟာ အရင်က အနောက်နိုင်ငံတွေမှာ သာ သုံးနိုင်တာ ဖြစ်ပေမဲ့လို့ အခုတော့ ဆင်းရဲတဲ့ နိုင်ငံတွေမှာလည်း ဈေးသက်သက်သာသာနဲ့ အလွယ်တကူ ၀ယ်လို့ရနေပြီ ဖြစ်ပါတယ်။ ဒါကြောင့် အိပ်ခ်ျအိုင်ဗွီ ရောဂါဟာ တချိန်က အာဖရိက ဒေသမှာ ကလေးငယ်ပေါင်း ထောင်နဲ့ချီကို မိဘမဲ့စေခဲ့တဲ့၊ လူတွေ အများအပြားကို သတ်ခဲ့တဲ့ ရောဂါအဖြစ် ရှိမနေတော့ပါဘူး။ ဒါပေမဲ့ မြန်မာနိုင်ငံ ကတော့ ထူးခြားတဲ့ ဖြစ်ရပ်တခု အနေနဲ့ ဒီဆေးဝါးရှားတဲ့ နေရာတခု ဖြစ်နေတာပါ။ နှစ်ပေါင်းများစွာ စစ်အုပ်ချုပ်ရေးအောက်မှာ အမှောင်ဖုံးခံခဲ့ရတဲ့ မြန်မာနိုင်ငံမှာ နေထိုင်နေကြတဲ့ သန်း ၆၀ ကျော် လူထုအတွက်တော့ တခြား အကူအညီလိုအပ်တဲ့ နိုင်ငံတွေမှာလည်း နိုင်ငံတကာ အကူအညီတွေ မရှိခဲ့ပါဘူး။ ဒါကြောင့် ဆေးဝါးနဲ့ ကုသရေး ၀န်ဆောင်မှုတွေ မရှိသလောက် ဖြစ်နေရတာပါ။

ဒါကြောင့်လည်း ခုလို အိပ်ခ်ျအိုင်ဗွီ ဂေဟာတွေမှာ နေထိုင်ပြီး ရောဂါသည် အချင်းချင်း ဖေးမ ကူညီမှုတွေနဲ့ အိပ်ခ်ျအိုင်ဗွီ ဝေဒနာရှင် အများအပြား နေထိုင်နေကြရတာပါ။

“ဒီမှာကတော့ ၀ိုင်းလုပ်ဝိုင်းစား အချင်းချင်း ကူညီခြင်းပါပဲ။ ၀ိုင်းလုပ်ဝိုင်းစားပါပဲ။ ကောင်းသွားတဲ့ လူနာတွေက မကောင်းသေးတဲ့ လူနာတွေ အပေါ်မှာ ကူညီမှု များစွာနဲ့ ကိုယ်ချင်းစာနာစိတ် များစွာနဲ့ ကူညီပေးရပါတယ်။ ဒါဟာ ဒီက လုပ်ငန်းတခုပါပဲ။” သူကိုယ်တိုင် ရောဂါ ခံစားနေရပြီး အိပ်ခ်ျအိုင်ဗွီ ရောဂါ ကူးစက်ခံထားရတဲ့ မိဘမဲ့ ကလေးငယ် တဦးကို လည်း မွေးစားထားတဲ့ ဝေဒနာရှင်တဦး ပြောသွားတာပါ။

မြန်မာနိုင်ငံဟာ ဒီကနေ့ ကမ္ဘာပေါ်မှာ အိပ်ခ်ျအိုင်ဗွီ ဝေဒနာရှင်တွေအတွက် အခက်ခဲဆုံး တိုင်းပြည်တခု ဖြစ်ပါတယ်။ နှစ်ပေါင်းများစွာ ပျက်စီးယိုယွင်းခဲ့တဲ့ ကျန်းမာရေး ပြုစု စောင့်ရှောက်မှု စနစ် ပြန်လည် ကောင်းမွန်အောင် တည်ဆောက်ဖို့ နှစ်တွေ အတော်ကြာ အချိန်ယူရဦးမှာ ဖြစ်တယ် လို့ ကျန်းမာရေး ပညာရှင်တွေကလည်း သတိပေး ပြောဆိုနေကြပါတယ်။ မြန်မာနိုင်ငံ အနေနဲ့ ၂၀၁၅ ခုနှစ် နောက်ဆုံးထားပြီး ဆေးဝါး ကုသမှု လိုအပ်နေတဲ့ အိပ်ခ်ျအိုင်ဗွီ ဝေဒနာရှင် ၇၅ % အတွက် အကူအညီတွေ ရအောင် လမ်းဖွင့်ပေးဖို့နဲ့ နိုင်ငံတကာကနေ အကူအညီတွေ တိုးမြင့်တောင်းခံဖို့ Global Fund အဖွဲ့က တိုက်တွန်းနေပါတယ်။ နယ်စည်းမခြား ဆရာဝန်များအဖွဲ့ MSF ကလည်း နိုင်ငံထဲက ဝေဒနာရှင် တ၀က်ကျော် အတွက် ဆေးဝါး ဖြန့်ဖြူးပေးနိုင်ဖို့ ကြိုးစားနေပါတယ်။ ဒီလို ကြိုးစားမှုတွေ ရှိနေပေမဲ့လို့ အကူအညီတွေကတော့ လိုအပ်သလောက် မပြည့်မီနိုင်ဘဲ ဖြစ်နေတာပါ။

မြန်မာနိုင်မှာ အိပ်ခ်ျအိုင်ဗွီ ဝေဒနာရှင် ခန့်မှန်းချေ ၂ သိန်း ၄ သောင်းလောက် ရှိပြီး သူတို့ထဲက တ၀က်ကျော်ဟာ ဆေးဝါးကုသမှု မရကြဘဲ၊ နှစ်စဉ် အိပ်ခ်ျအိုင်ဗွီ ရောဂါကြောင့် သေဆုံးသူ ၁ သောင်း ၈ ထောင် ရှိတယ်လို့ UNAIDS အဖွဲ့က ဆိုပါတယ်။

MSF အဖွဲ့က ဖွင့်ထားတဲ့ ဆေးခန်း ၂၃ ခုမှာ ဆေးဝါး မလုံလောက်မှုကြောင့် နေ့စဉ် ဆေးခန်း ကနေ ပြန်သွားခိုင်းနေရတဲ့ လူနာတွေ အများအပြား ရှိနေပါတယ်။ မဖြစ်မနေ ဆေးဝါး ကုသမှု ခံဖို့ လိုအပ်တဲ့အဆင့်ကို သွေးထဲမှာ ဒီရောဂါ ခံနိုင်ရည်အား သတ်မှတ်တဲ့ CD4 ၁၅၀ ရှိတဲ့ သူတွေကိုပဲ အဓိက လက်ခံ ကုသပေးနိုင်တာ ဖြစ်ပါတယ်။ ဒီသတ်မှတ်ချက်ကို ကြည့်ပြီး လူနာတွေကို ပြန်လွှတ်ဖို့ ဆုံးဖြတ်ရတာ တကယ်တော့ နာကျင်စရာ ကောင်းတယ်လို့ MSF အဖွဲ့ တာဝန်ခံ တဦးဖြစ်တဲ့ ဒေါက်တာ သင်းသင်းသွယ် က ပြောပါတယ်။

“လူနာတွေကို လက်ခံ ကုသမှု မပေးနိုင်လို့ နေ့စဉ် ကျမတို့ ပြန်သွားခိုင်းနေရတာတွေ ရှိပါတယ်။ ဒါက သူတို့တွေ တနေ့တခြား ရောဂါဝေဒနာဒဏ် ပိုပြီး ခံစားခွင့် ပေးလိုက်ရ သလိုပါပဲ။ သူတို့ရဲ့ ခံနိုင်ရည်အား CD4 ၁၅၀ အောက် ကျသွားပြီးရင် ဒီလူတွေ အသက်ရှင်ခွင့်ရမယ် မရဘူး ကျမတို့လည်း မသေချာပါဘူး။ ဒီ အခြေအနေက ကျမတို့အတွက် အဓိက စိန်ခေါ်မှုပါ။ CD4 ၁၅၀ အထက် ရှိတဲ့ ဝေဒနာရှင်တွေကို ပြန်လွှတ်ဖို့ ဆုံးဖြတ်ရတာ ကျမတို့အတွက်လည်း သိပ်ကို နာကျင်ရပါတယ်။” - လို့ ဒေါက်တာ သင်းသင်းသွယ်က ပြောသွားတာပါ။

ရန်ကုန်မြို့ တခုတည်းမှာတင် လစဉ် ဆေးကုသမှုခံသင့်တဲ့ ဝေဒနာရှင် ၁၀၀ လောက် ဆေးကုသမှု မရဘဲ ဖြစ်နေတယ်လို့ MSF အဖွဲ့က ပြောပါတယ်။ ခုလို ဆေးဝါး ကုသမှု မရတာက သူ့ကို အကြီးအကျယ် စိတ်ထိခိုက်မှု ဖြစ်စေတယ်လို့ ဒီရောဂါ ကူးစက်ခံနေရတဲ့ အရာခံဗိုလ်တဦး က ပြောပါတယ်။

“ဆေးမသောက်ရတော့ ရေရှည်မှာ ရပ်တည်ဖို့ မလွယ်တော့ဘူးလေ။ ဘာဖြစ်လို့လဲ ဆိုတော့ သူက ကိုယ်ခံအားက ပြောမယ်ဆိုရင် တနေ့တကြိမ် ကျ ကျလာတာကိုး။ အဲဒီတော့ ကိုယ်ခံအားကျမယ် ဆိုရင် သူများတန်းတူ မလုပ်နိုင်ဘူး။ မလုပ်နိုင်ရင် တပ်က ထွက်ရတော့မယ်။ တပ်က သိသွားရင်တော့ ထွက်ရတာကတော့ သိပ်တော့ ဘာမှ မပြောပလောက်ပေမဲ့ ဘာဖြစ်မလဲဆိုရင် အရှက်ကွဲမှာပေါ့နော်၊ လူကြားထဲမှာ။” သူ ဒီရောဂါ ခံစားနေရတယ်ဆိုတာကို လူတွေ မသိစေဖို့မှာ ဆေးဝါး ကုသမှုရဖို့က သူ့အတွက် အရေးကြီးနေတာပါ။ ပထမအကြိမ် ဆေးစစ်မှုမှာ သူ့ရဲ့ ခံနိုင်ရည်အား CD4 ၄၆၀ ရှိခဲ့ပြီး ဒုတိယအကြိမ် စစ်ဆေးမှုမှာတော့ ၂၈၉ သာ ရှိခဲ့တယ်လို့ အဲဒီ အရာခံဗိုလ်က ပြောပါတယ်။ အမေရိကန် လို နိုင်ငံမျိုးမှာ CD4 ၄၀၀ ရောက်နေပြီ ဆိုရင် ဒါကို မဖြစ်မနေ ဆေးဝါးကုသမှု ယူရမယ့်အဆင့်လို့ သတ်မှတ်ပေမဲ့ မြန်မာနိုင်ငံလို နေရာမျိုးမှာတော့ ဒီအဆင့်လောက် နဲ့ ဆေးဝါးကုသမှု မရကြပါဘူး။ ဒါကြောင့် မြန်မာနိုင်ငံက အိပ်ခ်ျအိုင်ဗွီ ရောဂါ ဝေဒနာသည်တွေ အတွက် ဆေးကုသမှု ခံရဖို့အတွက် စောင့်ဆိုင်းရတာဟာ တကယ့်ကို စိတ်ဖိစီးစရာ ကိစ္စတခုပဲ ဖြစ်ပါတယ်။

ရင်းနှီးမြှုပ်နှံမှု ဥပဒေ အပြီးသတ်နိုင်ဖို့ သမ္မတ ဦးသိန်းစိန် မျှော်လင့်

 

မြန်မာနိုင်ငံမှာ နိုင်ငံရပ်ခြား ရင်းနှီးမြှုပ်နှံမှု မြှင့်တင်နိုင်ရေးအတွက် လိုအပ်နေတဲ့ ဥပဒေတရပ်ကို မကြာခင်ရက်ပိုင်းအတွင်းမှာပဲ ချမှတ်နိုင်တော့မယ်လို့  သမ္မတ ဦးသိန်းစိန်က ပြောကြား လိုက်ပါတယ်။ ဒီဥပဒေပြဌာန်းနိုင်ဖို့ လုပ်ဆောင်နေတာ အချိန်ကြာမြင့်နေပြီဖြစ်ပြီး လွှတ်တော်မှာ လအတော်ကြာ ညှိနှိုင်းဆွေးနွေး ငြင်းခုံမှုတွေ လုပ်ခဲ့ရသလို လွှတ်တော်နဲ့ သမ္မတရုံးတွေမှာ ပြင်ဆင်မှုတွေ လုပ်ဆောင်နေရပေမဲ့ မကြာခင်ရက်ပိုင်း အတွင်းမှာပဲ အပြီးသတ် နိုင်ငံခြားရင်းနှီးမြှုပ်နှံမှု ဥပဒေမူကြမ်း တရပ် ထွက်ပေါ်လာတော့မှာ ဖြစ်ကြောင်း တနင်္ဂနွေနေ့ ပြည်တွင်း သတင်းမီဒီယာတွေနဲ့ နေပြည်တော် တွေ့ဆုံဆွေးနွေးပွဲမှာ သမ္မတ က ပြောကြားခဲ့တာပါ။ မြန်မာနိုင်ငံမှာ နှစ်ပေါင်းများစွာ အုပ်ချုပ်ခဲ့တဲ့ စစ်အစိုးရလက်ကနေ အရပ်သားအစိုးရ တက်လာခဲ့တဲ့ နောက်ပိုင်း ပထမဆုံးအကြိမ်အဖြစ် သမ္မတက ပြည်တွင်း သတင်းမီဒီယာတွေနဲ့ တွေ့ဆုံဆွေးနွေးခဲ့တာ ဖြစ်ပါတယ်။ သမ္မတ ဦးသိန်းစိန်ဟာ နိမ့်ကျနေတဲ့ မြန်မာနိုင်ငံရဲ့ စီးပွားရေးကို ခေတ်နဲ့အညီ တဟုန်ထိုး ပြောင်းလဲတိုးတက် လာစေဖို့ နိုင်ငံရပ်ခြားက လာရောက် ရင်းနှီးမြှုပ်နှံမယ့်သူတွေ စိတ်ဝင်စားအောင် လုပ်ဖို့ စိတ်အားထက်သန်နေသူပါ။ ဒါပေမဲ့ မြန်မာနိုင်ငံရဲ့ စီးပွားရေး ကို နိုင်ငံရပ်ခြားက လက်ဝါးကြီးအုပ် စိုးမိုးမှုတွေ မလုပ်နိုင်အောင် ကာကွယ်ဖို့နဲ့ နိုင်ငံရပ်ခြား ရင်းနှီးမြှုပ်နှံသူတွေရဲ့ အမြတ်ထုတ် ချယ်လှယ်မှုတွေ မလုပ်နိုင်အောင် ကန့်သတ်မှုတွေ ထားဖို့ သတိပေးလုပ်ဆောင်မှုတွေ ရှိနေပါတယ်။ မကြာသေးခင်က နောက်ဆုံးထွက်လာတဲ့ နိုင်ငံခြား ရင်းနှီးမြှုပ်နှံမှု ဆိုင်ရာ ဥပဒေမူကြမ်းဟာ ကြိုတင်ကာကွယ်မှုတွေ သိပ်များနေတယ်လို့ တချို့ မြန်မာအရာရှိတွေရဲ့ ဝေဖန်မှုတွေလည်း ရှိနေပါတယ်။ မြန်မာနိုင်ငံထဲမှာ General Electric နဲ့ Coca-Cola တို့လို ကြီးမားတဲ့ အမေရိကန် စီးပွားရေး လုပ်ငန်းကြီးတွေကတော့ အခု မြန်မာ လုပ်ငန်းရှင်တွေနဲ့ လက်တွဲ လုပ်ဆောင်နေပြီ ဖြစ်ပါတယ်။ တခြား ကုမ္ပဏီ အတော်များများ ဟာလည်း မြန်မာနိုင်ငံက ကြွယ်ဝတဲ့ သယံဇာတတွေနဲ့ တွဲဖက်တဲ့ စီးပွားရေး လုပ်ငန်းတွေမှာ လက်တွဲလုပ်ကိုင်ရာမှာ ရှင်းရှင်းလင်းလင်း ရှိစေဖို့  မြန်မာအစိုးရ ချထားမယ့် နိုင်ငံခြား ရင်းနှီးမြှုပ်နှံမှု ဥပဒေ တရပ်ကို စောင့်မျှော်နေကြပါတယ်။

သမ္မတဦးသိန်းစိန် ဒု-သက်တမ်းအတွက် စဉ်းစားမည်

သမ္မတ အိမ်တော်မှာ ပြုလုပ်တဲ့ ဒီကနေ့ သတင်းစာ ရှင်းလင်းပွဲမှာတော့ သမ္မတ ဦးသိန်းစိန်က လိုအပ်ရင် နောက်ထပ် သမ္မတ သက်တမ်း တာဝန် ထမ်းဆောင်မယ်လို့ ပြောဆိုလိုက်ပါတယ်။ ဒါ့အပြင် ဒီကနေ့ တိုင်းရင်းသား ငြိမ်းချမ်းရေး၊ လူမှုရေးနဲ့၊ မကြာခင်က ပြန်လည် ရောက်ရှိလာတဲ့ အမေရိကန် ပြည်ထောင်စု ခရီးစဉ်နဲ့ ပတ်သက်ပြီးလည်း သတင်းထောက်တွေ မေးမြန်းခဲ့တာတွေကို လည်း ဖြေကြားခဲ့ပါတယ်။ မသိင်္ဂီထိုက် က ဆက်သွယ် မေးမြန်းထားပါတယ်။

ပြီးခဲ့တဲ့လက အမေရိကန် ပြည်ထောင်စု ခရီးစဉ် အတွင်း ပြည်ပ သတင်းထောက်တွေ နဲ့ တွေ့ဆုံ မေးမြန်းမှုတွေ လုပ်ဆောင်ခဲ့တဲ့ သမ္မတ ဦးသိန်းစိန်က ပြည်တွင်း မီဒီယာတွေနဲ့ တနင်္ဂနွေနေ့မှာ တွေ့ဆုံခဲ့ပါတယ်။ နိုင်ငံတကာ မီဒီယာတွေနဲ့ တွေ့ဆုံပြီး ပြည်တွင်း မီဒီယာတွေနဲ့ မတွေ့ဆုံဘူးလို့ မဖြစ်ရလေအောင် သူ့အနေနဲ့ အခု တွေ့ဆုံပွဲကို စီစဉ်ရတာပါလို့လည်း သမ္မတ ဦးသိန်းစိန်က အခုလို ပြောပါတယ်။

“ပြည်ပက မီဒီယာတွေနဲ့ ကျနော် မကြာမကြာ တွေ့တယ်။ အခု ပြည်တွင်း မီဒီယာတွေနဲ့ မတွေ့ဖြစ်တာ အတော်လေး ကျနော် ကြာပါပြီ။ အဲဒီတော့ ပြည်တွင်း မီဒီယာတွေနဲ့လည်း ကျနော် တွေ့သင့် တယ်။ တွေ့ဆုံဖို့သင့်တယ် ဆိုပြီးတော့ ဒါ ကျနော်တို့ ဦးစိုးသိန်းတို့၊ ဦးအောင်မင်းတို့ သက်ဆိုင်ရာ ၀န်ကြီးတွေနဲ့ စီစဉ်ပြီးတော့မှ တွေ့ဆုံလိုက်တာပါ။”

အစိုးရရဲ့ သဘောထား ဆောင်ရွက်ချက်တွေကို ပြည်သူတွေ သိရှိစေဖို့က မီဒီယာတွေရဲ့ အရေးကြီးတဲ့ အခန်းကဏ္ဍလည်း ဖြစ်ပါတယ်လို့ သမ္မတက ပြောပါတယ်။

“ကျနော်တို့ရဲ့ သဘောထားတွေကို ပြည်သူတွေ သိရှိ နားလည်ဖို့ လိုပါတယ်။ ကျနော်တို့ရဲ့ အမြင်၊ ကျနော်တို့ရဲ့ သဘောထားတွေ၊ ခင်ဗျားတို့ရဲ့ အမြင် ခင်ဗျားတို့ရဲ့ သဘောထားတွေကို နှစ်ဦးနှစ်ဘက် ရဲ့ အခြေအနေ သိနေရုံနဲ့ မပြီးသေးပါဘူး။ ပြည်သူတွေ သိဖို့ အရေးကြီးပါတယ်။ အဲဒီလိုသိဖို့က ပြည်သူတွေသိအောင် ဆောင်ကြဉ်းပေးနိုင်တဲ့ အဖွဲ့တွေကတော့ ခင်ဗျားတို့ သတင်းမီဒီယာ သမားတွေပဲ ဖြစ်ပါတယ်။”

ဒီကနေ့ တွေ့ဆုံပွဲမှာ သတင်းထောက်တွေရဲ့ မေးမြန်းမှုတွေကို ဖြေကြားတာမှာတော့ လူထု အနေနဲ့ နောက်ထပ် သူ့ကို သမ္မတ အဖြစ် ရွေးဖို့ ဆန္ဒရှိနေတယ်ဆိုရင် ဒုတိယ သက်တမ်း စဉ်းစားမယ်ဆိုပြီး ဖြေကြားပါတယ်။ သမ္မတ ဦးသိန်းစိန်က ပြည်ပ ခရီးစဉ် တခုမှာ သူ့အနေနဲ့ ပထမ သက်တမ်းကုန်ရင် ဆက်ပြီး ရွေးကောက်ပွဲ ၀င်မှာ မဟုတ်ဘူးလို့ ပြောဆိုခဲ့တာပါ။ နောက် လက်ရှိ ရခိုင်ပြည်နယ် ပဋိပက္ခနဲ့ ပတ်သက်ပြီးလည်း အစ္စလာမ် ပူးပေါင်းဆောင်ရွက်ရေး အဖွဲ့ OIC ရုံးခွဲ လာရောက်ဖွင့်လှစ်ခွင့် မပြုဘူးလို့လည်း ပြောပါတယ်။

ကချင်လက်နက်ကိုင် အဖွဲ့ KIO နဲ့ ငြိမ်းချမ်းရေး ဆက်ပြီး လုပ်ဆောင်သွားမယ့် အနေအထားကိုလည်း ရှင်းသွားပါတယ်။ ဆင်းရဲမွဲတေမှု လျှော့ချရေး အတွက် စီမံချက် ၈ ခုနဲ့ အစိုးရက ဆောင်ရွက်နေတယ် ဆိုပေမဲ့၊ တကယ်တန်း အပြောင်းအလဲကို လူတိုင်း ခံစားနိုင်ဖို့ ဆိုတာတော့ အချိန်ယူရဦးမယ်လို့လည်း သူက ဆိုပါတယ်။

ဒီကနေ့ သတင်းစာ ရှင်းလင်းပွဲနဲ့ ပတ်သက်ပြီးတော့ ပြည်တွင်း သတင်းထောက်တွေ အယ်ဒီတာတွေကရော ဘယ်လို ရှုမြင်ကြပါသလဲ။ 7 Days News ဂျာနယ်ရဲ့ အယ်ဒီတာ ကိုအားမန်ကို ကျမ မေးကြည့်ပါတယ်။

“ထပ်ပြီး မျှော်လင့်တာကတော့ ဒီတကြိမ် ပြီးသွားလို့ရှိရင် နောက်တကြိမ် ရှိလာဦးမလား ဆိုပြီးတော့လေ။ အခုတော့ လမ်းကတော့ ပွင့်သွားပြီဆိုတော့  ဒီတခေါက်က ကျနော် ထင်တယ်။ ရှေ့မှာ သမ္မတလည်း သူ ဖြေခဲ့တဲ့ဟာတွေက များလာတော့ ဖြေခဲ့တဲ့ အတွေ့အကြုံများလို့ရှိရင်လည်း ကျနော်တို့ တချို့ မေးတဲ့မေးခွန်းတွေ ဆိုရင်လည်း ခက်ခက်ခဲခဲ မေးခွန်းတွေ ပါပေမဲ့ သူလည်း အင်တာဗျူးဖြေတဲ့ အတွေ့အကြုံ များလာတော့ ပြောတာတော့ အများကြီးပဲ။ ဒါပေမဲ့ သူလည်း ရှောင်တိန်း ပြီးတော့ ဖြေသွားတော့လေ၊ တော်တော်လေး ပြောတတ်ဆိုတတ်တာမျိုး ဖြစ်လာတာ တွေ့ရတယ်။ ပြောတာတော့ အများကြီးပဲ။ လိုချင်တဲ့ဟာကတော့ မရသွားဘူး။ ဒါပေမဲ့ သူ မဖြေဘူးလား ဆိုတော့လည်း မဟုတ်ဘူး။ ဖြေတော့ ဖြေသွားတယ် ဆိုတာမျိုး။ အခုက အစဆိုတော့ နောင်လည်း ကျနော်တို့ ထပ်ရမယ်ဆိုရင်တော့ အဆင်ပြေပါတယ်။ အခုပွဲကတော့ ရိုးရိုးသားသား ပြောရရင်တော့ မလုပ်ခင်ကလောက်၊ မျှော်လင့်သလောက်တော့ အချက်အလက်တွေ မရဘူးခင်ဗျ။”

ဒါကတော့ 7 Days News ဂျာနယ်က ကိုအားမန် ပြောပြသွားတာပါ။ ဒီကနေ့ သမ္မတ အိမ်တော်မှာ လုပ်ခဲ့တဲ့ သတင်းစာ ရှင်းလင်းပွဲမှာတော့ ပြန်ကြားရေး ၀န်ကြီး ဦးအောင်ကြည်လည်း တက်ရောက်ခဲ့ပြီး နိုင်ငံခြား သတင်းထောက်တွေ မြန်မာနိုင်ငံမှာ လာရောက် သတင်းရယူနိုင်ဖို့ အတွက် အကြိမ်ကြိမ် ၀င်ထွက်နိုင်တဲ့ ပြည်ဝင်ခွင့် ဗီဇာတွေ ထုတ်ပေးဖို့ သူ ထောက်ခံထားတဲ့ အကြောင်းလည်း ပြောသွားပါတယ်။ ပြည်တွင်း သတင်းထောက် ၁၅၀ လောက် တက်ရောက်ခဲ့တဲ့ ဒီနေ့ သတင်းစာ ရှင်းလင်းပွဲမှာတော့ သမ္မတရုံး ၀န်ကြီး ဦးအောင်မင်းနဲ့ ဦးစိုးသိန်းတို့လည်း တက်ရောက်ခဲ့ပါတယ်။

သမ္မတနဲ့ ဗြိတိန် ဝန်ကြီးချုပ်ဟောင်း တွေ့ဆုံ

နိုင်ငံတော် သမ္မတ ဦးသိန်းစိန်နဲ့ ဗြိတိန် ဝန်ကြီးချုပ် ဟောင်း မစ္စတာ တိုနီဘလဲတို့ နိုင်ငံတော် သမ္မတ အိမ်တော် သမ္မတ ဧည့်ခန်းဆောင်မှာ စနေနေ့ ၃ နာရီခွဲက တွေ့ဆုံခဲ့ကြပါတယ်။

တွေ့ဆုံရာမှာ ပြည်ထောင်စု ဝန်ကြီးတွေ ဖြစ်ကြတဲ့ ပြည်ထဲရေး ဝန်ကြီး ဒုတိယ ဗိုလ်ချုပ်ကြီး ကိုကို၊ ပညာရေး ဝန်ကြီး ဒေါက်တာ မြအေး၊ ကျန်းမာရေး ဝန်ကြီး ဒေါက်တာ ဖေသက်ခင်၊ သိပ္ပံနဲ့ နည်းပညာ ဝန်ကြီး ဒေါက်တာ ကိုကိုဦးတို့လည်း ပါဝင်ကြပါတယ်။

ဝန်ကြီးချုပ်ဟောင်း တိုနီဘလဲက ကျန်းမာရေး ပညာရေး ဆိုင်ရာ လိုအပ်တဲ့ အကူအညီတွေ ပေးချင်ကြောင်း ပြောဆိုတယ်လို့ သမ္မတ ရုံး ညွှန်ကြားရေးမှူး ဦးဇော်ဌေးက ပြောပါတယ်။

ဝန်ကြီးချုပ် တိုနီဘလဲဟာ လက်ရှိ ဗြိတိန်ဝန်ကြီးချုပ် ဒေးဗစ် ကင်မရွန်းရှေ့ တဆက်ကျော်မှာ ဝန်ကြီးချုပ် အဖြစ် တာဝန်ထမ်းဆောင်ခဲ့တာ ဖြစ်ပါတယ်။

သူဝန်ကြီးချုပ် အဖြစ်က အနားယူပြီးနောက် ကုလသမဂ္ဂရဲ့ တရားဝင် အရှေ့ အလယ်ပိုင်း ဆိုင်ရာ အထူးသံတမန် အဖြစ် ဆောင်ရွက်ခဲ့ ပါတယ်။

ထောက်လှမ်းရေးအရာရှိ သေဆုံးမှု ဘေရွတ်မှာ ဆန္ဒပြ

အစိုးရ အနေနဲ့ ဗိုလ်ချုပ်ကြီး ဟတ်ဆန်ကို အကာ အကွယ် မပေးနိုင်ခဲ့ဘူး ဆိုပြီး ဆန္ဒပြသူတွေ အမျက်ထွက်

သောကြာနေ့က လုပ်ကြံခံ ခဲ့ရတဲ့ လက်ဘနွန် ပြည်တွင်းထောက်လှမ်းရေး အရာရှိချုပ် ဗိုလ်ချုပ်ကြီး ဝစ်ဆမ် အဲလ် ဟတ်ဆန်ရဲ့ ဈာပန အခမ်းအနားကို လာရောက် ကြသူတွေဟာ ဒေါသ တကြီးနဲ့ ဘေရွတ်မြို့လယ်က အစိုးရရုံး ဌာနချုပ် ဆီကို ချီတက် ဆန္ဒပြဖို့ ကြိုးစားခဲ့ကြ ပါတယ်။

ဆန္ဒပြသူတွေဟာ လုံခြုံရေး အတား အဆီးတွေကို ရိုက်ချိုး ဖျက်စီးပြီး ချီတက်ခဲ့ရာ ရဲတွေနဲ့ ထိပ်တိုက် တွေ့ခဲ့ကြပါတယ်။ ရဲတွေ ကနေ ဆန္ဒပြသူတွေကို မျက်ရည်ယိုဗုံး တွေနဲ့ ပစ်ခတ်ခဲ့ သလို သေနတ်တွေ ကိုလည်း မိုးပေါ် ထောင်ဖေါက်ခဲ့ ပါတယ်။

ခဏအကြာ မှာတော့ လက်ဘနွန် အတိုက်အခံ ခေါင်းဆောင် ဆတ် အဲလ် ဟာရီရီ က တည်တည် ငြိမ်ငြိမ် ရှိကြဖို့ ပန်ကြားကာ၊ ဆန္ဒပြသူတွေ နောက်ပြန် ဆုတ်ဖို့ တိုက်တွန်းခဲ့ပြီး နောက် ဆန္ဒပြ လူအုပ်ကြီးဟာ လူစုခွဲသွား ကြပါတယ်။

ဆန္ဒပြသူတွေက အစိုးရ အနေနဲ့ ဗိုလ်ချုပ်ကြီး ဟတ်ဆန်ကို အကာ အကွယ် မပေးနိုင်ခဲ့ဘူး ဆိုပြီး ဝန်ကြီချုပ် နာဂျစ် မီကာတီ ရာထူးက နှုတ်ထွက် ပေးဖို့ ဖိအားပေး တောင်းဆို နေကြ ပါတယ်။

ဒီသတ်ဖြတ်မှုကို ဆီးရီးယားက ကျူးလွန် ခဲ့တာ ဆိုပြီးလည်း ဆီးရီးယား အပေါ် ဒေါသ ဖြစ်နေကြ ပါတယ်။

ဓါတ်ငွေ့စီမံကိန်းက အိန္ဒိယ ကုမ္ပဏီ ပြဿနာတက်

PunjLloyd လို့ခေါ်တဲ့ အိန္ဒိယ ကုမ္ပဏီဟာ ရွှေသဘာဝ စီမံကိန်းမှာ လာလုပ်နေတာ ဖြစ်ပါတယ်

ရခိုင်ပြည်နယ် ကျောက်ဖြူ မြို့နယ် ရွှေသဘာဝ ဓါတ်ငွေ့စီမံကိန်းက အိန္ဒိယ ကုမ္ပဏီ တစ်ခုဟာ အလုပ် သမားတွေ အပါ အဝင် သူတို့နဲ့ ကန်ထရိုက် ယူပြီး အလုပ် လုပ်နေတဲ့ မြန်မာ ကုမ္ပဏီတွေကို ငွေပုံမှန် မရှင်းတဲ့ အတွက် အလုပ်ခွင် အတွင်းမှာ ပြဿနာတွေ ပေါ်ပေါက် နေပါတယ်။

PunjLloyd လို့ခေါ်တဲ့ အဲဒီ ကုမ္ပဏီဟာ တရုတ်က စီအန်ပီပီ ကုမ္ပဏီနဲ့ စာချုပ် ချုပ်ပြီး ဆောက်လုပ်ရေး အလုပ်တွေကို ကျောက်ဖြူ ရွှေသဘာဝ စီမံကိန်းမှာ လာလုပ်နေတာ ဖြစ်ပါတယ်။

အဲဒီကုမ္ပဏီက နေ့စား အလုပ်သမားတွေ အနေနဲ့ ခုလို လစာ မရတဲ့ အတွက် အလုပ် မဆင်းကြတော့ဘူး လို့လည်း သိရပါတယ်။ အလုပ်သမားတွေ သာမက သူတို့နဲ့ အလုပ်တွဲ လုပ်နေတဲ့ မြန်မာ ကုမ္ပဏီတွေ အနေနဲ့လည်း အခက်ကြုံနေ ရတယ်လို့ အလုပ်ခွင်ထဲက အင်ဂျင်နီယာ တစ်ဦးဖြစ်တဲ့ ကိုစိုးခိုင်က ပြောပါတယ်။

ကုမ္ပဏီမှာ နေ့စား အလုပ် သမားတွေ အပါအဝင် မြန်မာ ဝန်ထမ်းက ၈၀ဝ ဝန်းကျင် ရှိပြီး မြန်မာ ကုမ္ပဏီတွေ ကတော့ ဆောက်လုပ်ရေး လုပ်နေတဲ့ ကေအက်စီ အပါ အဝင် သုံးလေးခုလောက် ဖြစ်ပါတယ်။

အခုလို ပုံမှန် ငွေမရှင်းတဲ့ အတွက် မြန်မာ ကုမ္ပဏီတွေ ဘက်မှာ ထိခိုက် နစ်နာ နေတာတွေ ရှိတယ် လို့လည်း ကိုစိုးခိုင်က ပြောပါတယ်။

မြန်မာ့ နှမ်းကို ဂျပန်၊ ကိုရီးယား၊ စင်္ကာပူ၊ မလေးနှင့် တရုတ်တို့ ဝယ်ယူ

ခင်မျိုးသွယ် | တနင်္ဂနွေနေ့၊ အောက်တိုဘာလ ၂၁ ရက် ၂၀၁၂ ခုနှစ် ၁၈ နာရီ ၂၂ မိနစ်

ရန်ကုန် (မဇ္ဈိမ)။        ။ ပြည်တွင်းတွင် စိုက်ပျိုး ထုတ်လုပ်လျက်ရှိသော နှမ်းများကို ဂျပန်၊ ကိုရီးယား၊ စင်္ကာပူ၊ မလေးရှားနှင့် တရုတ်နိုင်ငံတို့က ၂၀၁၂ ခုနှစ်၊ အောက်တိုဘာလ ပထမပတ်အတွင်း ဝယ်ယူမှုများ ရှိခဲ့ကြောင်း ပဲ၊ နှမ်း ကုန်သည်များအသင်းမှတဆင့် သိရှိရသည်။ 

“ပြည်တွင်းထုတ် နှမ်းကို ပင်လယ်ရေကြောင်းက တဆင့် အောက်တိုဘာလ ပထမပတ်ထဲမှာ ဂျပန်၊ ကိုရီးယား၊ စင်္ကာပူ၊ မလေးရှားနဲ့တရုတ်နိုင်ငံတွေကို တန်ချိန် ၁,၃၀၀ ကျော် တင်ပို့ခဲ့ရတယ်။ အဲဒီထဲက တန် ၆၀၀ ကျော်ကို ဂျပန်က ဝယ်ယူတာပါ။ နယ်စပ် ကုန်သွယ်ရေးစခန်းက တဆင့် တင်ပို့မှုကို ကြည့်ရင် အောက်တိုဘာ ၃ ရက်ကနေ ၉ ရက်အတွင်း တရုတ်ကို မူဆယ်ကနေ ၁၉၆ တန်ကျော်နဲ့ ထိုင်းကို မြဝတီနယ်ကနေ ၂,၇၁၆ တန် တင်ပို့မှု ရှိခဲ့ပါတယ်” ဟု ရန်ကုန်မြို့၊ဗဟိုစည်အိမ်ရာရှိ ပဲ၊ နှမ်း လက်ကြီး ကုန်သည်ကြီး တဦးက ပြောသည်။ 

စက်တင်ဘာလ အတွင်းကလည်း ပင်လယ်ရေကြောင်းဖြင့် တန်ချိန် ၃,၈၀၀ ခန့်နှင့် နယ်စပ်ကုန် သွယ်ရေးစခန်းများမှ ၁၆၇.၄၆ တန် တင်ပို့ခဲ့ရသည်။ 

မြန်မာနိုင်ငံမှ တင်ပို့နေသည့် နှမ်းများမှာ နှမ်းဖြူ၊ နှမ်းနက်၊ နှမ်းအခွံချွတ်၊ နှမ်းညိုနှင့် နှမ်းနီတို့ ဖြစ်ကြသည်။ 

ယခုသီတင်းပတ်အတွင်း နှမ်းဈေးများမှာ နှမ်းဖြူ ၁ တန်လျှင် ၁၀၉၁၇၁၁ ကျပ်နှင့် နှမ်းနက် ၁ တန်လျှင် ၁၁၈၄၅၄၉ ကျပ်တို့ ရှိနေကြောင်း သိရသည်။