20.09.2012 နေ့ဖတ်ရန်သတင်းများ

by Myanmar Journal on Wednesday, September 19, 2012 at 5:21pm ·

ပြင်သစ်မဂ္ဂဇင်း တမန်တော်ကို သရော်တဲ့ ကာတွန်းတွေ ဖော်ပြ

ပြင်သစ် မဂ္ဂဇင်းတစောင်က အစ္စလာမ်ဘာသာဝင်တွေရဲ့ တမန်တော် မိုဟာမက်ကို လှောင်ပြောင်ထားတဲ့ ကာတွန်းပုံတွေ ဖော်ပြခဲ့ပြီးတဲ့နောက်မှာ အခြေအနေတွေဆိုးဝါးလာမှာကို ပြင်ဆင်ကာကွယ်တဲ့ အနေနဲ့ နိုင်ငံ ၂၀ မှာ ရှိတဲ့ ပြင်သစ် သံရုံးတွေနဲ့ ကျောင်းတွေကို ယာယီ ပိတ်ထားမယ်လို့ ပြင်သစ်အစိုးရက ကြေငြာပါတယ်။

အပတ်စဉ်ထုတ် ချာလီ ဟက်ဗဒို သရော်စာ မဂ္ဂဇင်းထဲမှာ အခုလတ်တလော ဖြစ်နေတဲ့ အမေရိကန် ဗီဒီယိုကားကားက တမန်တော်ကို စော်ကားတယ်ဆိုပြီး အမေရိကန် ဆန့်ကျင်ရေး အကြမ်းဖက် ကန့်ကွက်မှုတွေကို သရော်ထားတဲ့ ကာတွန်း ပုံ ၂၀ ကိုဖော်ပြခဲ့တာမှာ အဲဒီ ပုံတွေဟာ လည်း အစ္စလာမ်ကို စော်ကားတယ်ဆိုပြီး တုန့်ပြန်မှုတွေ ဖြစ်လာမှာကို စိုးရိမ်မိတယ်လို့ ပြင်သစ် နိုင်ငဲခြားရေး ဝန်ကြီး လော်ရင့် ဖေးဘီးယပ်စ်က ပြောပါတယ်။

ကမ္ဘာတဝန်းက ပြင်သစ် သံရုံးတွေမှာလည်း လုံခြုံရေးတွေ ထပ်တိုးချထားလိုက်တယ်လို့ သူက ဆိုပါတယ်။ ပြင်သစ်နိုင်ငံသားတွေ ခရီးသွားရာမှာလည်း အထူး သတိထားဖို့ နှိုးဆောင်ထားပါတယ်။

မဂ္ဂဇင်းက ဒီလို အချိန်မှာ အခုလို ကာတွန်းတွေ ပုံနှိပ်ဖော်ပြခဲ့တာဟာ တာဝန်မဲ့ရာ ရောက်ပြီး မီးလောင်ရာ လေပင့် လုပ်ရပ်လို့ ဆိုနိုင်ကြောင်းလည်း နိုင်ငံခြာရေးဝန်ကြီးက ပြောပါတယ်။

မဂ္ဂဇင်းအယ်ဒီတာတွေကတော့ အမေရိကန် ဗီဒီယို ကို အကြမ်းဖက်ကန့်ကွက်နေတာတွေက သတင်း ဖြစ်နေလို့ သတင်းနဲ့ ဆက်ဆိုင်တဲ့ သရော်စာ ကာတွန်း သူတို့ ဖော်ပြတာပါလို့ ဆိုပါတယ်။

ဒီ မဂ္ဂဇင်းဟာ အရင်တုန်းကလည်း ပုပ်ရဟန်းမင်းကြီးလို ဘာသာရေး ခေါင်းဆောင်တွေကို သရော် ရေးသားမှုတွေ လုပ်ခဲ့ပါတယ်။

ပြီးခဲ့တဲ့ နိုဝင်ဘာလတုန်းကလည်း ဒီလိုမျိုး ကာတွန်းတွေ ဖော်ပြခဲ့ပြီးတဲ့နောက် အဲဒီ မဂ္ဂဇင်းရုံးခန်း မီးလောင်ဗုံးနဲ့ အပစ်ခံခဲ့ရပါတယ်။

ဆီးရီးယားမှာ တိုက်ပွဲ ဆက်လက် ပြင်းထန်

ဆီးရီးယားအစိုးရနဲ့ သူပုန်တွေအကြား တိုက်ပွဲတွေ ဆက်လက် ပြင်းထန်နေပြီး နိုင်ငံမြောက်ပိုင်းက တူရကီ နယ်စပ်အကူးနေရာတခုကို သူပုန်တွေဘက်က ထိန်းသိမ်းထားလိုက်ပြီလို့ သိရပါတယ်။

ဆီးရီးယား မြောက်ပိုင်းက တူရကီနယ်စပ်အကူး အယ်လ်တာ အယ်လ် အဘ်ရက် ဆိုတဲ့ နေရာတွေကို သူပုန်တွေက လုံးဝ ထိန်းချုပ်လိုက်ပြီလို့ တူရကီ အစိုးရရဲ့ ထုတ်ပြန်ချက် အရ ရော နောက်ပြီးတော့ မျက်မြင်သက်သေတွေရဲ့ အဆိုအရ သိရှိရပါတယ်။

အခုလို ထိန်းချုပ်လိုက်နိုင်တဲ့ အတွက် ဆီးရီးယားကို သူပုန်တွေအတွက် အဝင်အထွက် လုပ်ဖို့ ပိုပြီး လွယ်ကူ သွားစေ ပါတယ်။

နောက်ပြီး နိုင်ငံရဲ့ အကြီးဆုံးမြို့တွေဖြစ်တဲ့ အလက်ပိုနဲ့ ဒမတ်စကက် မှာလည်း ဆီးရီးယား စစ်တပ်နဲ့ သူပုန်တွေအကြား တိုက်ပွဲတွေ အပြင်းအထန် ဖြစ်ပွားနေပါတယ်။

ဒမတ်စကက်မြို့က ဟာဂျာ အယ်လ်စွက်ဆိုတဲ့ ရပ်ကွက်ဘက်ကို အစိုးရတပ်တွေ ချီတက်နေတာကို ဆီးရီးယား အစိုးရ ရုပ်မြင်သံကြားက ထုတ်လွှင့် သွားပါတယ်။

အဲဒီရပ်ကွက်မှာ လူအယောက် ၂၀ ကျော်ကို အစိုးရတပ်တွေက သုတ်သင်ရှင်းလင်းခဲ့တယ်လို့ သူပုန်တွေဘက်က ပြောပါတယ်။ နောက်ပြီး မြို့အရှေ့ဘက် ဂျိုဘာဆိုတဲ့ နေရာမှာလည်း အလားတူပဲ ဖြစ်ပွားခဲ့တယ်လို့ သူပုန်တွေ ဘက်က ဆိုပါတယ်။

အရပ်သားတွေနေထိုင်တဲ့ ရပ်ကွက်တွေကို ပစ်မှတ်ထားတဲ့ ဆီးရီးယား စစ်တပ်ရဲ့ လေကြောင်းတိုက်ခိုက်မှုနဲ့ လက်နက်ကြီးတိုက်ခိုက်မှုတွေက အရပ်သားသေဆုံးမှု အရေအတွက်ကို တဟုန်တိုး တိုးမြှင့်စေတယ်လို့ Amnesty International နိုင်ငံတကာ လွတ်ငြိမ်းချမ်းသာခွင့် အဖွဲ့အစည်းရဲ့ အစီရင်ခံမှာ ပြစ်တင် ဝေဖန် ထားပါတယ်။

အဲဒီလိုတိုက်ခတ်မှုတွေဖြစ်ပွားနေချိန်မှာပဲ ဆီးရီးယား အရေးအခင်းကို နိုင်ငံရေးအရ အဖြေရှာနိုင်ဖို့ အီရန်နိုင်ငံခြားရေး ဝန်ကြီး အာလီအာခါဘာ ဆာလာဟီက သမ္မတ ဘာရှာအယ်လ် အာဆတ်နဲ့ တွေ့ဆုံဆွေးနွေးခဲ့ပါတယ်။

အီရန်နိုင်ငံခြားရေး ဝန်ကြီးဟာ သမ္မတ ဘာရှာအယ်လ် အာဆတ် ပြုတ်ကျဖို့ လိုလားတဲ့ အီဂျစ်နိုင်ငံခြားရေးဝန်ကြီး ၊ တူရကီနိုင်ငံခြားရေးဝန်ကြီးတို့နဲ့လည်း မကြာသေးမီက ကိုင်ရိုမြို့မှာ တွေ့ဆုံခဲ့ပါတယ်။

ဆီးရီးယား အရေးဖြေရှင်းဖို့ က ပြည်ပ နိုင်ငံတွေရဲ့ ဖိအားပေးလုပ်ဆောင်ဖို့ထက် ဆီးရီးယားနိုင်ငံကိုယ်တိုင်က လုပ်ဆောင်ရမှာဖြစ်တယ်လို့ အီရန်နိုင်ငံခြားရေး ဝန်ကြီးက ပြောကြားလိုက်ပါတယ်။

၈၈ မျိုးဆက်ကျောင်းသားတွေ နိုင်ငံကူး လက်မှတ်ရပြီ

အကုန်ရရင်ရ မရရင် မလိုချင်ဘူးဆိုလို့ အားလုံးကို နိုင်ငံကူး လက်မှတ်ထုတ်ပေးလိုက်ပြီ

နိုင်ငံကူးလက်မှတ် လျှောက်ထားတဲ့ ၈၈ မျိုးဆက်ကျောင်းသားခေါင်းဆောင် တွေ အားလုံးကို နိုင်ငံကူးလက်မှတ်တွေ ထုတ်ယူခွင့် ပြုလိုက်ပြီလို့ သိရပါတယ်။

နိုင်ငံကူးလက်မှတ် လျှောက်ထား ခဲ့ကြသူ ၈၈ မျိုးဆက် ကျောင်းသား ၁၉ ယောက် ထဲမှာ အရင်က ကိုမင်းကိုနိုင်နဲ့ ကို မြအေး တို့ကိုသာ ထုတ်ပေးခဲ့ ပေမဲ့ စက်တင်ဘာ ၁၉ ရက်နေ့ မှာတော့ ကျန်တဲ့ ၁၇ ယောက် စလုံးကို နိုင်ငံကူး လက်မှတ်တွေ လာထုတ်နိုင်ကြောင်း အာဏာပိုင်တွေ ဘက်က အကြောင်းကြားခဲ့ တယ်လို့ ၈၈ မျိုးဆက် ကျောင်းသားအဖွဲ့က ပြောပါတယ်။

ကိုမင်းကိုနိုင်ဟာ အမေရိကန် ပြည်ထောင်စု National Endowment for Democracy (NED) အဖွဲ့က စက်တင်ဘာ ၂၀ ရက်နေ့မှာ ချီးမြှင့်မယ့် ဒီမိုကရေစီဆုကို တခြားမြန်မာ လေးဦးနဲ့ အတူ ဝါရှင်တန် ဒီစီ မှာ သွားယူဖို့ မူလက အစီအစဉ် ရှိခဲ့ပေမဲ့ တဖွဲ့ထဲက လျှောက်ထားသူ အားလုံးကို အညီအမျှ နိုင်ငံကူးလက်မှတ် ထုတ်ပေးတာ မဟုတ်တဲ့ အတွက် ကန့်ကွက်တဲ့ အနေနဲ့ မသွားတော့ဘူးလို့ ကြေညာထားပါတယ်။

အခုလောလောဆယ်မှာ ကိုမင်းကို နိုင်ဟာ ကချင်ပြည်နယ်မှာ ခရီးသွားနေပြီး အခုလို အားလုံး နိုင်ငံကူး လက်မှတ်ရတာ မသိသေးတဲ့ အကြောင်း၊ သိရရင်တော့ သူ့ခရီးစဉ်နဲ့ ပတ်သက်ပြီး ဘယ်လို လုပ်ရမယ်ဆိုတာ ဆက်စဉ်းစား ဆုံးဖြတ်သွားမှာ ဖြစ်တယ်လို့ ၈၈ မျိုးဆက် ကျောင်းသားအဖွဲ့က ကိုအံ့ဘွယ်ကျော်က ဘီဘီစီကို ပြောပါတယ်။

အကျဉ်းကျခံပြီး ပြန်လွတ်လာတဲ့ ကျောင်းသားတွေ ကျောင်းပြန်တက်ခွင့်မရတာ၊ နိုင်ငံကူး လက်မှတ်လျှောက်ထားရင်လဲ တချို့ကို တစ်နှစ်စောင့်ကြည့် အဖြစ် သတ်မှတ်ထားတယ်ဆိုတဲ့ အကြောင်းပြန်ကြားချက် ရတာတွေ ရှိနေသေးတယ်လို့လဲ သိရပါတယ်။ 

နိုင်ငံရေးအကျဉ်းသားတွေ လွှတ်ပေးဖို့ HRW တိုက်တွန်း

မြန်မာအစိုးရက နိုင်ငံရေးအကျဉ်းသားတွေအားလုံးကို လွှတ်ပေးဖို့ ကတိပေးထားပေမဲ့လည်း အကျဉ်းထောင်တွေထဲမှာ နိုင်ငံရေး အကျဉ်းသားတွေ ရှိနေသေးတာကို ထောက်ပြပြီး အခုနောက်ဆုံး လွှတ်ပေးလိုက်တဲ့ကိစ္စအပေါ် လှုပ်ရှားသူတွေနဲ့ လူ့အခွင့်အရေး အဖွဲ့တွေက သတိထား တုန့်ပြန်နေကြပါတယ်။

ပြီးခဲ့တဲ့ရက်ပိုင်းမှာ အကျဉ်းသား ၅၁၄ ဦးကို သမ္မတဦးသိန်းစိန်က ပြစ်ဒဏ်ကနေ လွတ်ငြိမ်း ခွင့်ပေး ခဲ့ပြီး အဲဒီထဲမှာ နိုင်ငံရေး အကျဉ်းသားက ၁၀၀ နီးပါးပဲပါဝင်တယ်လို့ နိုင်ငံရေးအကျဉ်းသားအရေး လှုပ်ရှားသူတွေက ပြောပါတယ်။ အဲဒါဟာ သမ္မတ ဦးသိန်းစိန်လက်ထက်မှာ ပုံစံအမျိုးမျိုးနဲ့ အကျဉ်းသားတွေကိုလွှတ်ပေးခဲ့တဲ့ထဲက ခြောက်ကြိမ်မြောက်ဖြစ်ပါတယ်။

ဒါပေမဲ့လည်း အဲဒီလွတ်ငြိမ်းခွင့်ဟာ သမ္မတဦးသိန်းစိန် ကတိပေးထားသလို နိုင်ငံရေးအကျဉ်းသား အားလုံးကို လွှတ်ပေးပါမယ် ဆိုတာနဲ့ မပြည့်မီဘူးလို့ လူ့အခွင့်အရေးစောင့်ကြည့်လေ့လာရေးအဖွဲ့ HRW က ဗုဒ္ဓဟူးနေ့ထုတ်ပြန်ချက်ထဲမှာ ထောက်ပြထားပါတယ်။ အကျဉ်းထောင်တွေထဲ မှာ နိုင်ငံရေးအကျဉ်းသားအရေအတွက် ဘယ်လောက်ကျန်နေသေးတယ်ဆိုတာကို သိနိုင်ဖို့ သီးခြား လွတ်လပ်တဲ့အဖွဲ့တွေကို အကျဉ်းထောင်တွေထဲ ၀င်ရောက် လေ့လာခွင့်ပြုဖို့ HRW က တောင်းဆို ထားပါတယ်။

နိုင်ငံရေးအကျဉ်းသား ၂၀၀ ပတ်ဝန်းကျင် အကျဉ်းထောင်တွေထဲမှာ ရှိနေတုန်းပဲလို့ အမျိုးသား ဒီမိုကရေစီအဖွဲ့ချုပ် NLD က ခန့်မှန်းထားကြောင်း ပါတီဥက္ကဋ္ဌ ဒေါ်အောင်ဆန်းစုကြည်က အင်္ဂါနေ့ မှာပြောခဲ့ပါတယ်။ နိုင်ငံရေးအကျဉ်းသားအားလုံး မလွတ်သးသရွေ့ မြန်မာနိုင်ငံမှာ စစ်မှန်တဲ့ ဒီမိုကရေစီကို တည်ဆောက်နိုင်မှာ မဟုတ်ဘူးလို့လည်း အမေရိကန်ပြည်ထောင်စုမှာ ရောက်နေ တဲ့ ဒေါ်အောင်ဆန်းစုကြည်က ပြောခဲ့ပါတယ်။

နိုင်ငံရေးအကျဉ်းသားတွေ ရှိနေသေးတာ၊ ဂိုဏ်းဂဏကွဲတိုက်ခိုက်မှုတွေနဲ့ လက်နက်ကိုင် စစ်ပွဲတွေ ဖြစ်နေသေးတာကို ထောက်ပြ ပြီး မြန်မာအစိုးရအနေနဲ့ လုပ်စရာတွေ အများကြီး ရှိသေးတယ်ဆိုတာကို အမေရိကန်နိုင်ငံခြားရေးဝန်ကြီး ဟီလာရီကလင်တန်က လည်း အင်္ဂါနေ့မှာ အသိအမှတ်ပြု ပြောဆိုခဲ့ပါတယ်။

သမ္မတဦးသိန်းစိန်ဟာ ၆၇ ကြိမ်မြောက် ကုလသမဂ္ဂအထွေထွေညီလာခံတက်ဖို့ အမေရိကန်ပြည်ထောင်စု၊ နယူးယောက်မြို့ဆီ ထွက်မလာခင်မှာပဲ အကျဉ်းသားတွေကို ပြစ်ဒဏ်ကနေ လွတ်ငြိမ်းခွင့်ပြုခဲ့တာပါ။ မြန်မာနိုင်ငံက နိုင်ငံရေးအကျဉ်းသားတွေ အားလုံးကို ပြန်လွှတ်ပေးဖို့နဲ့ အကျဉ်းထောင်တွေထဲကို နိုင်ငံတကာ လေ့လာစောင့်ကြည့်ရေးအဖွဲ့တွေ အဟန့်အတားမရှိ ၀င်ခွင့်ပြု ရေး သမ္မတဦးသိန်းစိန်ရဲ့ အမေရိကန်ခရီးစဉ်အတွင်း ဖိအားပေးတောင်းဆိုဖို့ HRW အဖွဲ့က အလှူရှင်အစိုးရတွေကို တိုက်တွန်း ထားပါတယ်။

သမ္မတဦးသိန်းစိန် အမေရိကန်ရဲ့တားမြစ်စာရင်းက ပယ်ဖျက်

 

အမေရိကန် ပြည်ထောင်စုကို ရှေ့သီတင်းပတ်ထဲ ရောက်လာဖို့ ရှိနေတဲ့ မြန်မာသမ္မတ ဦးသိန်းစိန် အပါ အ၀င် အစိုးရ တာဝန်ရှိသူတချို့အပေါ် ပိတ်ပင် တားမြစ်ထားတာကို အမေရိကန် ဘဏ္ဍာရေး ၀န်ကြီးဌာန က ဖယ်ရှားပေးလိုက်ပါတယ်။

အစိုးရအဖွဲ့ အကြီးအကဲဖြစ်သူ သမ္မတ ဦးသိန်းစိန်၊ ပြည်သူ့လွှတ်တော် ဥက္ကဋ္ဌ သူရဦးရွှေမန်းတို့အပေါ် ကန့်သတ်ပိတ်ပင်ရမယ့် အထူး ပုဂ္ဂိုလ်တွေအဖြစ် စာရင်းသွင်းထားရာက ပယ်ဖျက်ပေးလိုက်တဲ့ အကြောင်း အမေရိကန် ဘဏ္ဍာရေးဝန်ကြီး ဌာနက ဗုဒ္ဓဟူးနေ့မှာ ကြေညာချက် ထုတ်ပြန်ခဲ့တာပါ။

အမေရိကန် ပြည်ထောင် စု နယူးယောက် ကုလသမဂ္ဂ အထွေထွေ ညီလာခံ တက်ရောက်ဖို့ သမ္မတ ဦးသိန်းစိန် ရောက် လာချိန်မှာပဲ ကြေညာချက် ထွက်ပေါ်လာတာ ဖြစ်ပါတယ်။ မြန်မာနိုင်ငံက အပြောင်းအလဲတွေအပေါ် တုံ့ပြန်တဲ့ အနေနဲ့ အရေးယူ ဒဏ်ခတ်မှုတွေကို ဖယ်ရှားပေးဖို့ ကတိပြုထားတဲ့ အမေရိကန်ကတော့ ပြီးခဲ့တဲ့ ဇူလိုင်လထဲမှာပဲ အမေရိကန် လုပ်ငန်းတွေ မြန်မာနိုင်ငံမှာ ရင်းနှီးမြှုပ်နှံ မှုတွေ လုပ်ကိုင်ခွင့် ပြုခဲ့တာပါ။

ကြေးနီစီမံကိန်း ရပ်တန့်ရန် ဆန္ဒပြရုံနှင့် မလုံလောက်ဟု လေ့လာရေးအစု ဆို

နေမျိုး | ဗုဒ္ဓဟူးနေ့၊ စက်တင်ဘာလ ၁၉ ရက် ၂၀၁၂ ခုနှစ် ၂၀ နာရီ ၁၉ မိနစ်

နယူးဒေလီ (မဇ္ဈိမ) ။       ။ စစ်ကိုင်းတိုင်း၊ ဆားလင်းကြီး မြို့နယ်၊ လက်ပန်တောင်းတောင်၊ ကြေးနီစီမံကိန်းမှာ ဧရာဝတီ မြစ်ဆုံစီမံကိန်းကဲ့သို့ အန္တရာယ်ကြီးပြီး ဦးပိုင် လက်ဝါးကြီးအုပ် လုပ်ကိုင်နေသည့်အတွက် ထိုစီမံကိန်း ရပ်တန့်ရန် ပြည်သူများနှင့်အတူ ကန့်ကွက်မည်ဟု ဦးမိုးသီးဇွန်တို့နှင့်အတူ လယ်မြေသိမ်းခံ ကျေးရွာများသို့ ကွင်းဆင်း လေ့လာနေသူ ကိုရဲလင်း က ပြောသည်။

စီမံကိန်းမှမှ ထွက်ရှိသည့် ဓါတုဗေဒစွန့်ပစ်ပစ္စည်းများအား ချင်းတွင်းမြစ်အတွင်း စွန့်ပစ်မှုကြောင့် တမျိုးသားလုံး ထိခိုက်လာမှာဖြစ်သည်ဟု ၎င်းက ဆိုသည်။ 

“ဧရာဝတီ မြစ်ဆုံစီမံကိန်းလို တနိုင်ငံလုံး အတိုင်းအတာနဲ့ ပါတ်သက်တယ်။ လူထုလူတန်းစား အလွှာအသီးသီးနဲ့ ပါတ်သက်တယ်။ ဒီဖြစ်စဉ်က အရမ်း အရေးကြီးပါတယ်။ စီမံကိန်း အနီးအနားက ရွာတွေသာမကဘဲ ချင်းတွင်းမြစ်ထဲ ကို စွန့်ပစ်ပစ္စည်းတွေ၊ ဓါတုဗေဒပစ္စည်းတွေ အဆိပ်တွေ ပါတာပေါ့ဗျာ။ အဲဒါတွေက ချင်းတွင်းမြစ်ထဲကို စီးမယ်။ ချင်းတွင်းမြစ်ထဲကနေ ဧရာဝတီမြစ် ထဲကိုစီးမယ်။ ရေသံယံဇာတတွေ ထပ်ပြီးပျက်စီးဦးမယ်၊ အခုတောင် မြေသံယံ ဇာတ တွေ တော်တော် ပျက်စီးနေတာ ကျနော်တို့တွေ့နေရတယ်ဗျာ” ဟု မဇ္ဈိမကို ပြောသည်။

၈၈ ကျောင်းသားခေါင်းဆောင် ကိုဂျင်မီနှင့် မုံရွာမြို့၊ မြို့မဂါတ်ကျောင်းတွင် တည်းခိုနေကြသည့် ဝက်မှေးရွာသူ/သားများနှင့်အတူ တွေ့ရစဉ်။(ဓာတ်ပုံ-ဟိန်းထက်၊မဇ္ဈိမ)

စီမံကိန်းအတွက် လယ်အသိမ်းခံ ကျေးရွာများသို့ သွားရောက်လေ့လာနေသည့်အဖွဲ့တွင် လူ ၄ဝ ခန့် ပါဝင်ပြီး ဦးမိုးသီးဇွန်နှင့်အတူ ၈၈ မျိုးဆက် ကျောင်းသားများ၊ ဗကသ ဖြစ်မြောက်ရေးကော်မတီနှင့် လူ့ဘောင်သစ်ပါတီမှလည်း ပါဝင်ကြသည်။

အဆိုပါ စီမံကိန်းကြီးမှာ စစ်တပ်ပိုင် မြန်မာ့စီးပွားရေး ဦးပိုင်လီမိတက်နှင့် တရုတ်ကုမ္ပဏီ ဝမ်ပေါင်းတို့ ပေါင်းစပ် လုပ်ဆောင်သည့် စီမံကိန်းတခုဖြစ်နေ၍ ရပ်တန့်သွားစေရန်မှာ ကျယ်ပြန့်သော လှုပ်ရှားမှုများဖြင့် တုန့်ပြန်ဖို့လိုကြောင်းလည်း “ကုမ္ပဏီ ဘက်က ကျောထောက်နောက်ခံ ကလည်း ကောင်းတယ်ဗျ။ ဒီဘက်ကလည်း ဦးပိုင် လီမိတက် ဖြစ်တယ်။ ဆန္ဒဖော်ပြ ကန့်ကွက်ရုံလောက်နဲ့ မလုံလောက်ဘူး။ ကြီးမားတဲ့ ကန်ပိန်းကြီးတွေ လုပ်ရမယ်ဗျ” ဟု ကိုရဲလင်း က ဆိုသည်။ 

အသိမ်းခံ လယ်မြေများအရေးနှင့် စီမံကိန်း ရပ်တန့်ရေးအတွက် လယ်သူမများက ဆန္ဒပြခဲ့ကြသော်လည်း အကြမ်းဖက် ဖမ်းဆီးနှိပ်စက်ခံရခြင်းနောက်ဝယ် ငြိမ်သက်သွားခဲ့ရသည်။

လေ့လာရေးအဖွဲ့က လယ်သိမ်းခံ ဝက်မှေး၊ ဆည်တဲနှင့် ရွှေလှေရွာများသို့ ရောက်ရှိပြီးကြ ဒေသခံ တောင်သူများနှင့်တွေ့ဆုံကာ လယ်သမားများ၏ အခက်အခဲနှင့် စီမံကိန်း၏ အန္တရာယ်ကြီးမားပုံကို ကမ္ဘာသိအောင် လုပ်ဆောင်မည်ဟု ဆိုသော်လည်း “တရားစွဲဖို့အထိ လုပ်ဖို့မရည်ရွယ်သေးပါဘူး ခင်ဗျ” ဟု လေ့လာရေးအဖွဲ့ဝင် ကိုရဲလင်းက ပြောဆိုသွား သည်။

အဆိုပါစီမံကိန်းကြောင့် လက်ပန်တောင်းတောင် ပတ်ဝန်းကျင်ရှိ စံပယ်တောင်နှင့် ကြေးစင်တောင် နှစ်ခုသည် ယခုအခါ တွင်းကျယ်ကြီးများအဖြစ် ကျန်ရှိပြီး လက်ရှိစီမံကိန်း လုပ်ကိုင်လျက်ရှိသည့် ကြေးနီတောင်ကိုလည်း ယင်းတောင်များကဲ့သို့ ကွယ်ပျောက်သွားမည်ကို ပတ်ဝန်းကျင်ရှိ ကျေးရွာသူ/သားများက စိုးရိမ်လျက် ရှိကြသည်။

ထိုစီမံကိန်းရပ်တန့်ရန် တောင်းဆိုမှုသည် တိုင်းဒေသကြီး အစိုးရ အနေဖြင့် လုပ်ဆောင်၍ မရနိုင်ဘဲ ရေရှည်စဉ်းစားဆောင်ရွက်ရမည့် ကိစ္စဖြစ်သည်ဟု စစ်ကိုင်းတိုင်း ဝန်ကြီးချုပ် ဦးသာအေး က ပြောဆိုထားသည်။

ငြိမ်းချမ်းရေးနေ့ ဂုဏ်ပြု ‘Peace One Day’ မှတ်တမ်းရုပ်ရှင် ပြသမည်

ပန်းမြတ်ဇော် | ဗုဒ္ဓဟူးနေ့၊ စက်တင်ဘာလ ၁၉ ရက် ၂၀၁၂ ခုနှစ် ၁၉ နာရီ ၃၈ မိနစ်

ရန်ကုန် (မဇ္ဈိမ) ။      ။ အပြည်ပြည်ဆိုင်ရာ ငြိမ်းချမ်းရေးနေ့အား ဂုဏ်ပြုသည့်အနေဖြင့် ‘Peace One Day’ မှတ်တမ်း ရုပ်ရှင်ကို စက်တင်ဘာလ ၂၂ ရက်နေ့တွင် ရန်ကုန် နိုင်ငံရေး သိပ္ပံ ကျောင်း၌ ပြသမည်ဟု သိရသည်။

စက်တင်ဘာလ ၂၁ ရက်နေ့မှာ အပြည်ပြည်ဆိုင်ရာ ငြိမ်းချမ်းရေးနေ့ ဖြစ်သော်လည်း ထိုနေ့တွင် လမ်းလျှောက် ဆန္ဒပြမည့် အစီအစဉ်များ ရှိနေ၍ ၂၂ ရက်နေ့တွင်မှ ပြသမှာ ဖြစ်သည်။

Peace One Day မှတ်တမ်းရုပ်ရှင်ကို ပြသခြင်းမှာ အပြည်ပြည်ဆိုင်ရာ ငြိမ်းချမ်းရေးနေ့ ဖြစ်လာပုံ၊ ၂၁ ရက်နေ့ဆိုပြီး အတိအကျ ဖြစ်လာရန် ကြိုးစားစည်းရုံးခဲ့ပုံကို ပညာရေးပိုင်းမှ သိစေချင်တာကြောင့် ပြသရခြင်းဖြစ်ကြောင်း သိရသည်။

“ကျနော်တို့က ပညာရေး အဖွဲ့အစည်း ဖြစ်တာကြောင့် ပညာရေးပိုင်းကနေ ဒီလိုနေ့မျိုးကို သိစေချင်လို့ ပြသပေးမှာပါ။ ပြီးခဲ့တဲ့ သုံးလကလည်း ဗြိတိသျှကောင်စီနဲ့ ပေါင်းပြီး ငြိမ်ချမ်းရေးမှာ ပါဝင်တဲ့ နိုဘယ်ဆု ရရှိထားတဲ့ အမျိုးသမီး နှစ်ဦး အကြောင်း ရိုက်ကူးထားတာာလေး တခု လည်း ပြသပေးဖူးတယ်။ နောက်လည်း တလ တခါဖြစ်ဖြစ် နိုင်ငံရေးနဲ့ ပတ်သက်တာ လူမှုဘဝတွေပဲ ဖြစ်ဖြစ် အဲဒီအကြောင်းအရာ ပါတဲ့မှတ်တမ်း ရုပ်ရှင်တွေ ပြသဖို့ လုပ်ထားပါတယ်” ဟု နိုင်ငံရေးသိပ္ပံကျောင်းမှ တာဝန်ရှိသူ ကိုဝင်းညီညီဇော် က ပြောပြသည်။

Kofi Annan, Dalaima, Judi Dench, Helen Mirren, Alan Rick အစရှိသည့် ခေါင်းဆောင်များနှင့် တွေ့ဆုံ ရိုက်ကူးထားသည့် Peace One Day ဇာတ်ကားကို ဗြိတိသျှ ရုပ်ရှင်ပညာရှင် Jeremy Gilley ကိုယ်တိုင် ပါဝင် ရိုက်ကူးထားသလို ဒါရိုက်တာလည်း ၎င်းကိုယ်တိုင် ဖြစ်သည်။

တကမ္ဘာလုံးရှိ အပစ်အခတ်ဖြစ်သည့် နေရာများ၊ အကြမ်းဖက်မှု ဖြစ်သည့် နေရာများကို စက်တင်ဘာလ ၂၁ ရက်နေ့ တွင် ရပ်စဲရန် ချမှတ်ပေးဖို့အတွက် ရည်ရွယ်ရိုက်ကူးထားသည့် ဇာတ်ကား ဖြစ်သည်။

ပြသချိန် ၁ နာရီ ၂၁ မိနစ် ကြာမြင့်မည့် အဆိုပါ ဇာတ်ကားကို စက်တင်ဘာလ ၂၂ ရက်နေ့၊ နေ့လည် ၁ နာရီတွင် အမှတ် ၄၈၂၊ ၃ လွှာ၊ သိမ်ဖြူလမ်း၊ ဗိုလ်တစ်ထောင် မြို့နယ်ရှိ နိုင်ငံရေးသိပ္ပံကျောင်း၌ ပြသမည်ဖြစ်ပြီး မည်သူဆို သွားရောက် ကြည့်ရှုနိုင်သည်။

အဖွဲ့အစည်းများမှ လာရောက် ကြည့်ရှသည် ဆိုပါက အခြားသူများအား မျှဝေနိုင်ရန် Peace One Day ဇာတ်ကား အခွေကို ပေးဖို့ စီစဉ်ထားကြောင်းလည်း သိရသည်။  

ရန်ကုန်၊ နိုင်ငံရေးသိပ္ပံကျောင်းမှာ လွန်ခဲ့သော တနှစ်က ထူထောင်ထားခြင်း ဖြစ်ပြီး နိုငံတကာ ဆက်ဆံရေး၊ နိုင်ငံရေး သိပ္ပံ အပြင် အင်္ဂလိပ်စာတို့ကို သင်ကြားပေးနေသည့် သင်တန်းကျောင်းလည်း ဖြစ်သည်။ လူငယ်များအတွက် အဓိက ရည်ရွယ်သော်လည်း မည်သူမဆို တက်ရောက်နိုင်ကြောင်း သိရှိရသည်။

စစ်ဆန့်ကျင်ရေး ဆန္ဒပြလိုသူများ ခွင့်ပြုမိန့်မရ

သိင်္ဂီထွန်း | ဗုဒ္ဓဟူးနေ့၊ စက်တင်ဘာလ ၁၉ ရက် ၂၀၁၂ ခုနှစ် ၁၉ နာရီ ၀၃ မိနစ်

ရန်ကုန်၊ မဇ္ဈိမ။       ။ တပ်မတော် ကာကွယ်ရေး ဦးစီးချုပ်ရုံးရှေ့ အပါအဝင် လွှတ်တော်၊ သမ္မတရုံး၊ ရန်ကုန်နှင့်ကျောက်မဲမြို့တို့တွင် အပြည်ပြည်ဆိုင်ရာ ငြိမ်းချမ်းရေးနေ့ ဖြစ်သော စက်တင်ဘာလ ၂၁ ရက်နေ့၌ ဆန္ဒပြုခွင့်ပြုပါရန် ခွင့်ပြုမိန့် လျှောက်ထားရာ ငြင်းပယ်ခံရကြောင်း ဆန္ဒပြလိုသူများထဲမှ တဦးဖြစ်သည့် မခင်စန္ဒာညွန့်ကြည် က ပြောသည်။ “ခွင့်ပြုမိန့် ကျကျ မကျကျ ကျမတို့ ဆက်လှုပ်ရှားသွားမှာပါ” ဟု ဗုဒ္ဓဟူးနေ့က မဇ္ဈိမကို ပြောသည်။ 

အဆိုပါဆန္ဒပြုပွဲအတွက် နေပြည်တော်၊ ဥတ္တရသီရိမြို့နယ် ရဲစခန်းသို့ စက်တင်ဘာလ ၁၄ ရက်နေ့က စာတင်ခဲ့သည်။ သို့သော် ဥတ္တရသီရိမြို့နယ်အတွင်း ငြိမ်းချမ်းစွာ စုဝေးခွင့်နှင့် ငြိမ်းချမ်းစွာ စီတန်းလှည့်လည်ခွင့်ဆိုင်ရာ ဥပဒေအရ ထုတ်ထားသော ခွင့်ပြုမိန့်အပြင် မြို့နယ်၏ လိုအပ်ချက်အရ သတ်မှတ်သော စည်းကမ်းချက်များနှင့် ငြိစွန်းနေ၍ဟု ဆိုကာ ထိုရဲစခန်းမှပင် ၁၆ ရက်နေ့က ငြင်းပယ်လိုက်သည်ဟု သိရသည်။  

ဥတ္တရသီရိမြို့နယ်ရှိ သမ္မတရုံး၊ လွှတ်တော်နှင့် ကာကွယ်ရေးဦးစီးချုပ်ရုံးများရှေ့တွင် တပြိုင်တည်း ဆန္ဒပြခွင့် ငြင်းပယ် ခံရ ပြီးနောက် တနင်္လာနေ့တွင် ထပ်မံ၍ အယူခံ ဝင်ထားကြောင်းလည်း ကချင်ငြိမ်းချမ်းရေးကွန်ယက်မှ ကိုဂျော်ဂွန်း က ပြောသည်။ 

တနေ့တည်းတွင်ပင် ရန်ကုန်မြို့၌ နံနက် ၁ဝ နာရီတွင် လမ်းလျှောက်ပွဲ ပြုလုပ်မည်ဖြစ်ပြီး ညနေ ၃ နာရီတွင် အင်းလျားကန်ဘောင်၌ လူစုကာ ၄ နာရီတိတိတွင် ၅ မိနစ်ကြာ ဆုတောင်းပြီး ငြိမ်းချမ်းရေး ကျောက်တိုင် စိုက်ထူရန် ဆန္ဒပြလိုသူတို့က စီစဉ်ထားသည်။  

ရန်ကုန်မြို့တွင် ဆန္ဒပြခွင့်နှင့် ပတ်သက်၍ စမ်းချောင်းရဲစခန်း၊ မင်္ဂလာတောင်ညွန့် ရဲစခန်းနှင့် ကျောက်တံတား ရဲစခန်းတို့တွင် လျှောက်ထားသော်လည်း လျှောက်ထားသည့် ရှစ်မြို့နယ်လုံးအား ခွင့်ပြုမိန့် မပေးနိုင်ကြောင်း အင်္ဂါနေ့တွင် အနောက်ပိုင်း ရဲတပ်ဖွဲ့မှူးရုံးမှ ပြန်ကြားခဲ့သည်။ 

ဆန္ဒပြမှုက ယာဉ်ကြောပိတ်ဆို့နိုင်ကြောင်းနှင့် သွားမည့် လမ်းကြောင်း ရှည်လျားလွန်း၍ အများပြည်သူအား အနှောင့်အယှက် ဖြစ်စေနိုင်သည်ဟု အာဏာပိုင်များက အကြောင်းပြခဲ့သည်။

ရှမ်းပြည်နယ်မြောက်ပိုင်း၊ ကျောက်မဲမြို့နယ်တွင်လည်း အလားတူ ငြိမ်းချမ်းရေး ဆုတောင်းပွဲနှင့် ဟောပြောပွဲများ အတွက် ခွင့်ပြုမိန့် လျှောက်ထားခဲ့ရာ လျှောက်ထားသူများ အသက်အရွယ် ငယ်လွန်းသောကြောင့် ခွင့်ပြုမိန့် မပေးကြောင်း မခင်စန္ဒာညွန့်ကြည် က ပြန်လည်ပြောပြသည်။ လျှောက်ထားသူများမှာ အသက် ၂၅ နှစ်ဝန်းကျင်ရှိ လူငယ်များ ဖြစ်ကြသည်။

အခြားမြို့အတွက် တင်ထားသော ခွင့်ပြုမိန့်နှင့် ပတ်သက်၍ ရလဒ် တစုံတရာ မသိရှိရသေးကြောင်း မခင်စန္ဒာညွန့်ကြည် က ပြောသည်။

စစ်ရပ်စဲရေး ကြိုးပမ်းလိုသူများက ရန်ကုန်၊ နေပြည်တော်၊ မန္တလေး၊ မော်လမြိုင်၊ ကျောက်မဲ၊ တောင်ကြီး၊ အင်းလေး၊ ဟိုပုန်း၊ ဆီဆိုင်၊ လားရှိုး၊ သံဖြူဇရပ်၊ ပြည်၊ တောင်ငူ၊ သံတောင်ကြီး၊ ရွှေဘို၊ ပေါင်းတည်၊ ပခုက္ကူမြို့များအပြင် ကချင်နှင့် ရှမ်းပြည်နယ်တွင်းရှိ ဒုက္ခသည်စခန်းများတွင် ‘တနိုင်ငံလုံး စစ်ပွဲရပ်’ ဆောင်ပုဒ်နှင့် လမ်းလျှောက်ပွဲများ၊ ဆုတောင်းပွဲများ၊ စွန်လွှတ်ပွဲများ၊ ဖျော်ဖြေပွဲများ ပြုလုပ်ရန် စီစဉ်ထားကြသည်။

အဆိုပါ အပြည်ပြည်ဆိုင်ရာ ငြိမ်းချမ်းရေးနေ့ လှုပ်ရှားမှုများကို ကချင်ငြိမ်ချမ်းရေးကွန်ရက်၊ ငြိမ်းချမ်းရေးကွန်ယက်၊ အဖြူရောင်တွဲလက်များ၊ ကရင်အမျိုးသမီးများ လှုပ်ရှားမှုအဖွဲ့၊ ပန်းရဲ့လမ်း လူမှုရေးအဖွဲ့၊ စိမ်းရောင်စို လူမှုကူညီရေး အဖွဲ့၊ Youth For Social Change Myanmar၊r ၊ နှောင်ကြိုးမဲ့ လူမှုဖွံ့ဖြိုးရေး ကွန်ယက် (မန္တလေး)၊ ရန်ကုန်အခြေစိုက် ပရဟိတ လူငယ်များ ကွန်ယက်၊ ကျောက်မဲ လူငယ်ကွန်ယက် (ရှမ်း-မြောက်)၊ Open Network – မွန်၊ ကာတွန်းဆရာ များ အဖွဲ့၊ ရန်ကုန် ဂီတလူငယ်များ၊ ကဗျာဆရာများ သမဂ္ဂ၊ Youth Art Network၊ New Zero Art Space၊ Myanmar Ink Gallery၊ ရန်ကုန် ပြည်သူ့အကျိုးဆောင်ကွန်ရက် စသည့် လူမှုရေးအဖွဲ့ ၁၉ ဖွဲ့က ဦးဆောင် လှုပ်ရှားကြမည်ဖြစ်သည်။

"Stop Civil War"၊ "တနိုင်ငံလုံး စစ်ပွဲရပ်" စာတန်းများသုံးပြီး လက်မောင်းစီး (သို့မဟုတ်) ခေါင်းစီးကို အပြာရောင် အသုံးပြုသွားမည် ဖြစ်သည်။

တရားမျှတမှုနှင့် စေ့စပ်ရေးဆိုင်ရာ ရုံးခန်းတခု ကချင်ပြည်နယ်မှာ ဖွင့်လှစ်

ဖနိဒါ | အင်္ဂါနေ့၊ စက်တင်ဘာလ ၁၈ ရက် ၂၀၁၂ ခုနှစ် ၁၆ နာရီ ၃၁ မိနစ်

ချင်းမိုင်(မဇ္စျိမ) ။      ။ ငြိမ်းချမ်းရေးနှင့် တွေ့ဆုံဆွေးနွေးဆိုင်ရာများအတွက် ကချင်ပြည်နယ်၊ ပရန်ငေါန် ဒေသတွင် Justic and Negotiation Center (တရားမျှတမှုနှင့် စေ့စပ်ရေးဌာန) အမည်ရှိ ရုံးခန်းတခုအား အင်္ဂါနေ့ နံနက် ၉ နာရီတွင် စတင် ဖွင့်လှစ်လိုက်ကြောင်း ဖွင့်ပွဲအခမ်းအနား တက်ရောက်ခဲ့သူ ငြိမ်းချမ်းရေး အကျိုးဆောင် ဦးဂွမ်ဂျာ က ပြောသည်။

တရုတ်နယ်စပ် လွယ်ဂျယ်နှင့် မိုင်ဂျာယန် ဆက်သွယ်ထားသည့် လမ်းမပေါ်တွင် ၎င်းရုံးကို ဖွင့်လှစ်ထားရှိ၍ပြည်ထောင်စု ငြိမ်းချမ်းရေးဖော်ဆောင်ရေး လုပ်ငန်းကော်မတီနှင့် ကချင် လွတ်လပ်ရေး အဖွဲ့ KIO တို့အကြား ငြိမ်းချမ်းရေး ဆွေးနွေးခြင်းနှင့် ပတ်သက်၍ ပြည်တွင်း၊ ပြည်ပတို့မှ မည်သူမဆို လာရောက်မေးမြန်းနိုင်ကြောင်း သိရသည်။ 

“ဒီရုံးက KIO အတွက်လည်း မဟုတ်ဘူး။ အစိုးရအတွက်လည်း မဟုတ်ဘူး။ အားလုံးအတွက် ဆိုပြီး ရုံးခန်းတခု ဖွင့်ဖို့ သဘောတူညီလို့ ဖွင့်လိုက်တာ။ ဒီရုံးက ငြိမ်းချမ်းရေးရဲ့ အစဖြစ်တယ်။ ငြိမ်းချမ်းရေး စိတ်ဝင်စားသူ အားလုံး ဒီနေရာ မှာ လာရောက်နိုင်တယ်။ မေးမြန်းနိုင်တာတွေကို ဒီနေရာကနေ ရဖို့ ဖွင့်လှစ်ထားတာ ဖြစ်တယ်” ဟု ဦးဂွမ်ဂျာ က မဇ္စျိမကို ပြောသည်။

မေလ ၂၁ ရက်နေ့က ထိုင်း-မြန်မာနယ်စပ် ချင်းခရိုင်မြို့တွင် ဝန်ကြီးဦးအောင်မင်းနှင့် KIO ဒု-စစ်ဦးစီးချုပ် ဗိုလ်မှူးချုပ် ဂွမ်မော်၊ အထွေထွေအတွင်းရေးမှူး ဒေါက်တာလဂျာတို့နှင့် အလွတ်သဘော တွေ့ဆုံစဉ် အဆိုပါရုံး ဖွင့်လှစ်ရန် သဘောတူညီခဲ့ခြင်း ဖြစ်ကြောင်း ဦးဂွမ်ဂျာက ပြောသည်။

ရုံးဖွင့်ပွဲကို KIA တပ်မဟာ ၃ မှ တာဝန်ခံ အရပ်ဘက်အရာရှိ ဦးဇော်ကျန်းက အဖွင့် အမှာစကား ပြောကြား၍ ဗိုလ်မှူးချုပ် ဂွမ်မော်နှင့် ငြိမ်းချမ်းရေးကော်မတီမှ ခေါင်းဆောင် ဆရာကြီး ဦးဆွမ်းလွတ်ဂမ်တို့ တက်ရောက်ခဲ့ကြောင်း သိရသည်။ 

ထို့ပြင် ကချင်ငြိမ်းချမ်းရေးအကျိုးဆောင်များ ဖြစ်ကြသော ဦးဂွမ်ဂျာနှင့် ကျောက်သူဌေး ဦးယွပ်ဇော်ခေါင်၊ ကချင်နှစ်ခြင်းအသင်းတော်မှ သိက္ခာတော်ရဆရာကြီး ဂျမ်မော် ဂမ်မော်၊ ကက်သလစ် အသင်းတော်မှ ဘုန်းတော်ကြီး ပတ်ထရစ် တူးရှန်နှင့် ဒေသခံများ အပါအဝင် လူဦးရေ ၁ဝဝ ကျော် တက်ရောက်ခဲ့သည်ဟု သိရသည်။ ရန်ကုန်မြို့မှ Weekly Eleven၊ The Voice ဂျာနယ်များမှ သတင်းထောက်များနှင့် နိုင်ငံခြားသတင်းထောက်များလည်း တက်ရောက် သတင်းယူခဲ့သည်ဟု သူက မဇ္စျိမကို ပြောသည်။

KIO နှင့် အစိုးရ ငြိမ်းချမ်းရေး လုပ်ငန်းကော်မတီတို့အကြား တစုံတရာ သဘောတူညီမှု မရမချင်း စောင့်ကြပ်ရေးရုံး ဖွင့်လှစ်ရန် နှစ်ဖက် နှုတ်ကတိအနေဖြင့် တည်ဆောက်ထားခြင်း ဖြစ်သည်ဟု KIO တွဲဘက်အတွင်းရေးမှူး ဦးလနန်က ပြောသည်။ 

“ဒီတွေ့ဆုံမှု စောင့်ကြပ်ရေးအတွက် ရုံးတခုလိုတယ်။ ဒါကြောင့် လွယ်ဂျယ်အနီး ပရန်ဝမ်မှာ တွေ့ဖို့ နေရာ သတ်မှတ်ရအောင်လို့ ပြောတော့ ဦးအောင်မင်း က ဖြစ်နိုင်တယ်၊ ကောင်းပါတယ်ဆိုပြီး သဘောတူတယ်။ ကချင်ငြိမ်းချမ်းရေးအဖွဲ့တို့လည်း သဘောတူတယ်။ အဲဒီ အဆောက်အဦ ပြီးတာ တလ ကျော်ပြီ။ အဲဒီကြားတွေ အဲမှာ တွေ့ရအောင်လို့ ပြောတာ။ နောက်ပိုင်းကျမှ လွယ်ဂျယ်ဆိုရင် မလာနိုင်ဘူးဆိုပြီး ပြောလာတယ်” ဟု မဇ္ဈိမကို ပြောသည်။

ရုံးကို အစည်းအဝေး ခန်းမတဆောင်၊ ရုံးအဖွဲ့အတွက် အိပ်ဆောင်များနှင့် စားသောက်ဆောင်များ ထည့်သွင်းဆောက်လုပ်ထားသည်ဟု ဆိုသည်။

ဇွန်လ ၂ဝရက်နေ့က နှစ်ဖက် စစ်တပ်ပိုင်းဆိုင်ရာ အရာရှိများ တွေ့ဆုံရန် သဘောတူညီ ခဲ့ပြီးနောက် နှစ်လကျော် ကြာပြီဖြစ်သော်လည်း နှစ်ဖက် တွေ့ဆုံရန် နေရာ ညှိနှိုင်း၍ မရကြသေးပေ။ 

တနင်္လာနေ့ ညနေပိုင်းက KIO လိုင်ဇာဗဟိုဌာနချုပ် ၆ မိုင်ကျော်အကွာရှိ လဂျားယန်တွင် အစိုးရတပ်နှင့် KIA တပ်ဖွဲ့များနှင့် ငါးနာရီကြာ တိုက်ပွဲ ဖြစ်ပွားခဲ့သည်ဟု ဦးလနန်က ပြောသည်။

“စခန်းတခုကို နေရာရပြီဆိုရင် သူတို့က တပ်တွေ တဖြည်းဖြည်း အင်အား တိုးဖြည့်လာတယ်။ ဗန်းမော်ဘက်ကို တပ်အင်အား အမြဲပို့နေတယ်။ ဆင်းသွားတာ မရှိသေးဘူး။ ဒါကို ကြည့်ခြင်းအားဖြင့် ကျနော်တို့ တပ်မဟာ ၃၊ ၅ နယ်မြေတွေမှာ စစ်အင်အား အမြဲတမ်း ဖြည့်တင်းနေတယ်ဆိုတာ ထင်ရှားတယ်” ဟု ဆိုသည်။

ယခုရက်ပိုင်းများအတွင်း နေ့စဉ် တိုက်ပွဲ တခု၊ နှစ်ခု အမြဲတမ်း ဖြစ်ပွားနေဆဲ ဖြစ်ပြီး KIO အနေဖြင့် ဗန်းမော်နှင့် မူဆယ်မြို့များတွင် နှစ်ဖက် ငြိမ်းချမ်းရေးတွေ့ဆုံ ဆွေးနွေးရန် မဖြစ်နိုင်ကြောင်းနှင့် ထပ်မံ တွေ့ဆုံမည် ဆိုပါက အလွတ်သဘော တွေ့ဆုံခြင်း မဟုတ်ဘဲ တရားဝင် တွေ့ဆုံ ဆွေးနွေးရန် တရုတ်နိုင်ငံ ရွှေလီမြို့တွင် တွေ့ဆုံရန် တုံ့ပြန်ထားသည်။