10.09.2012 နေ့ဖတ်ရန်သတင်းများ

by Myanmar Journal on Sunday, September 9, 2012 at 9:18pm ·

မသန်စွမ်း အိုလံပစ် ပိတ်ပွဲ ကျင်းပ

မသန်စွမ်း အိုလံပစ် ပိတ်ပွဲမှာ ဖျော်ဖြေနေတဲ့ Coldplay အဖွဲ့

လန်ဒန်က အိုလံပစ် အားကစား ရုံကြီးမှာ ၂၀၁၂ ခုနှစ် မသန်စွမ်း အိုလံပစ် အားကစား ပိတ်ပွဲကို ကြီးကျယ်ခမ်းနားစွား ကျင်းပခဲ့ပါတယ်။

Coldplay ဂီတအဖွဲ့ အတူ တခြား အနုပညာရှင် အကျော်အမော်တွေရဲ့ သီဆို ဖျော်ဖြေခဲ့သလို ဆပ်ကပ် ဆန်ဆန် အကသမားတွေ ကလည်း ကပြ ဖျော်ဖြေ ခဲ့ကြပါတယ်။

နိုင်ငံတကာ မသန်စွမ်း ကော်မတီ ဥက္ကဌ Sir Philip Craven က ဒီအားကစားပွဲကို ကျင်းပပြီး သမျှတွေထဲမှာ အကြီးကျယ်ဆုံးဘဲလို့ တင်စား ပြောဆို ခဲ့သလို အခုလို အဆင်ပြေ ချောမွေ့အောင် ဆန္ဒ အလျှောက် ပါဝင် ဆောင်ရွက်ပေး ခဲ့ကြတဲ့ ထောင်သောင်းချီတဲ့ ကူညီသူတွေကို လန်ဒန် အိုလံပစ်နဲ့ မသန်စွမ်း အားကစားပွဲ ဥက္ကဌ ဆီဘတ်စတီယံ ကိုးကကျေးဇူးတင်ကြောင်း ပြောကြားခဲ့ပါတယ်။

လန်ဒန်မှာ ထွန်းညှိထားတဲ့ အိုလံပစ် မီးရှူးတိုင် ကိုလည်း ငြိမ်းသတ်လိုက်ပြီး ၂၀၁၆ ခုနှစ်မှာ အိုလံပစ် ပွဲတော် ကျင်းပမယ့် ဘရာဇီး နိုင်ငံ ရီယိုဒီ ဂျနဲယိုမြို့ ဆီကို သယ်ဆောင် သွားပြီ ဖြစ်ပါတယ်။

ပတ်ဝန်းကျင် မထိခိုက်မယ့် သွင်းကုန်အခွန်လျှော့ရေး APEC သဘောတူ

ရုရှားနိုင်ငံ Vladivostok ဆိပ်ကမ်းမြို့မျာ ကျင်းပနေတဲ့ APEC ထိပ်သီး ညီလာခံရဲ့ နှစ်ရက်ကြာ ဆွေးနွေးပွဲဟာ တနင်္ဂနွေနေ့မှာ အဆုံးသတ်သွားပါပြီ။ အာရှ ပစိဖိတ် စီးပွားရေး ပူးပေါင်း ဆောင်ရွက်ရေး APEC အဖွဲ့ဝင် ၂၁ နိုင်ငံက သဘာဝပတ်ဝန်းကျင် ဆိုင်ရာ အကျိုးပြုတဲ့ ကုန်ပစ္စည်းတွေနဲ့ ပတ်သက်တဲ့ အခွန်အခ လျှော့ချရေး အပြင် ဥရောပ ကြွေးမြီ ပြဿနာကို ထိန်းနိုင်ဖို့အတွက် ကုန်သွယ်ရေးဆိုင်ရာမှာ လွတ်လွတ်လပ်လပ် ကြီးထွားလာစေဖို့ အရေးယူ ဆောင်ရွက်မှုတွေ လုပ်ဖို့ပါ သဘောတူခဲ့ကြပါတယ်။

APEC အစည်းအဝေးကို တက်ရောက်လာတဲ့ အမေရိကန် နိုင်ငံခြားရေးဝန်ကြီး ဟီလာရီကလင်တန် ဟာ အန္တတိတ်ဒေသမှာ အမေရိကန်၊ ရုရုား သိပ္ပံဆိုင်ရာ နှစ်နိုင်ငံ ပူးပေါင်း ဆောင်ရွက်ရေးတွေ တိုးလုပ်ဖို့အတွက် သဘောတူ စာချုပ်တရပ်ကို ရုရှားနိုင်ငံခြားရေးဝန်ကြီး ဆာဂျေ လက်ဗရော့ နဲ့အတူ ချုပ်ဆိုနိုင်ခဲ့ပါတယ်။

တနင်္ဂနွေနေ့ကတော့ အမေရိကန်ရဲ့ မဟာမိတ် နှစ်နိုင်ငံ ဖြစ်ကြတဲ့ ဂျပန်နဲ့ တောင်ကိုရီးယား နိုင်ငံတို့ကို နှစ်နိုင်ငံ ပိုင်ဆိုင်မှုအတွက် အငြင်းပွားနေတဲ့ ကျွန်းစုနဲ့ ပတ်သက်ပြီး တဘက်နဲ့တဘက် သဘောထား သိပ်ပြီး မတင်းမာဖို့ ၀န်ကြီးကလင်တန်က တိုက်တွန်းခဲ့ပါတယ်။

ရုရှားသမ္မတ ဗလာဒီမီယာ ပူတင် ကတော့ ဥရောပဒေသမှာ ကုန်တင်ပို့မှု လျော့ပါး လာနေတာမို့ အရှေ့အာရှ ဒေသအတွက် ကုန်စည်တင်ပို့မှု တိုးမြင့်နိုင်ဖို့ အာရှ၊ ဥရောပ တိုက်နှစ်တိုက်ကို ဖြတ်သန်းတဲ့ လမ်းပန်းဆက်သွယ်ရေး တိုးမြင့်ချင်တဲ့ သူ့ ရည်ရွယ်ချက်အတွက် ဒီ APEC ညီလာခံမှာ အကောင်အထည် ဖော်ဖို့ ကြိုးစားခဲ့ပါတယ်။

ဂါဇာကို အစ္စရေး လေကြောင်းက တိုက်ခိုက်

ဂါဇာ ကမ်းမြောင် ဒေသမှာ အစ္စရေး စစ်လေယာဉ်တွေက လေကြောင်းကနေ အနည်းဆုံး သုံးကြိမ် တိုင်တိုင် တိုက်ခိုက်ခဲ့တယ်လို့ ပါလက်စတိုင်း အာဏာပိုင် တွေက ပြောပါတယ်။

Rafah ရာဖာ ဒေသက တိုက်ခိုက်မှာ အနည်းဆုံး ကလေးနှစ်ယောက် ဒဏ်ရာရခဲ့တယ်လို့ ကျန်းမာရေး အရာရှိတွေက ပြောပါတယ်။

ဂါဇာမြို့က ဖြစ်ခဲ့တဲ့ လေကြောင်းက တိုက်ခိုက်မှုတွေထဲက တခုဟာ ပါလက်စတိုင်း အကြမ်းဖက် အဖွဲ့တဖွဲ့ ဖြစ်တဲ့ ဟားမက်စ်ရဲ့ ဂါဇာမြို့က စစ်လေ့ကျင့်ရေး စခန်းကို ပစ်မှတ်ထား တိုက်ခိုက်ခဲ့တာလို့ သတင်းတွေမှာ ဖော်ပြထားပါတယ်။

ဂါဇာ မြောက်ပိုင်းက တခြား လေ့ကျင့်ရေး စခန်းတခုကို ပစ်မှတ်ထား တိုက်ခိုက်မှုကတော့ အီဂျစ် နယ်စပ်နားက မှောင်ခိုလမ်းကြောင်း လှိုင်ခေါင်း တခုနားမှာ ဖြစ်ခဲ့တာလို့ သိရပါတယ်။

 အီရတ် ဒုသမ္မတကို သေဒဏ်ချမှတ်

အီရတ် ဝန်ကြီးချုပ်ဟာ ပြိုင်ဘက် ဆူနီတွေ အပေါ် အောက်လမ်းနည်းနဲ့ အကောက်ကြံ နေတယ်လို့ မစ္စတာ ဟာ့ရှမီက စွပ်စွဲ

နိုင်ငံကနေ ထွက်ပြေး တိမ်းရှောင်နေတဲ့ အီရတ် ဒုတိယ သမ္မတ တာရတ် အဲလ် ဟာ့ရှမီကို အီရတ် တရားရုံး တခု ကနေ မျက်ကွယ် သေဒဏ် ချမှတ် လိုက်ပါ တယ်။

မစ္စတာ ဟာ့ရှမီဟာ အကြမ်းဖက် အဖွဲ့တွေကို ဖွဲ့စည်းပြီး ရှီယာ မူဆလင်တွေနဲ့ အစိုးရ လုံခြုံရေး တပ်ဖွဲ့ဝင်တွေကို ပစ်မှတ်ထား တိုက်ခိုက် တာတွေ လုပ်ခဲ့တဲ့ အတွက် တရားရုံးက အပြစ်ရှိကြောင်း ဆုံးဖြတ်ပြီး၊ ကြိုးမိန့် ချမှတ် လိုက်တာ ဖြစ်ပါတယ်။

သူ့ရဲ့ အမှုနဲ့ ပတ်သက်ပြီး အခုတော့ ဆူနီ၊ ရှီယာနဲ့ ကာ့ဒ် နိုင်ငံရေး အဖွဲ့တွေ အကြား အာဏာ မျှဝေ ယူထားတဲ့ အီရတ် အစိုးရ အတွက် နိုင်ငံရေး အကျပ်အတည်းတွေ ဖြစ်စေခဲ့ ပါတယ်။

ဒီနှစ် အစောပိုင်းက တိုင်းပြည် ကနေ ထွက်ပြေး သွားပြီး အခု လက်ရှိ တူရကီနိုင်ငံ မှာ နေထိုင် နေတဲ့ မစ္စတာ ဟာ့ရှမီက ရှီယာ လူမျိုး ဝန်ကြီးချုပ် နူရီ အဲလ် မာလီကီဟာ ပြိုင်ဘက် ဆူနီ တွေ အပေါ် အောက်လမ်းနည်း သုံးပြီး နိုင်ငံရေး အရ အကောက် ကြံ နေတာ ဖြစ်တယ်လို့ စွပ်စွဲ လိုက်ပါတယ်။

အစိုးရကတော့ ဒါဟာ တရားရေးနဲ့သာ သက်ဆိုင်တဲ့ အမှုဖြစ်တယ်လို့ အလေးအနက် ပြောကြား ပါတယ်။

မသန်စွမ်း အိုလံပစ် နောက်ဆုံးနေ့

လန်ဒန်မြို့မှာ ကျင်းပနေတဲ့ မသန်စွမ်း အိုလံပစ် အားကစားပြိုင်ပွဲ နောက်ဆုံးနေ့ ဖြစ်တဲ့ တနင်္ဂနွေနေ့ မှာတော့ ဘီးတပ်လှည်းစီး ယှဉ်ပြိုင်ရတဲ့ အမျိုးသား မာရသွန်နဲ့ အမျိုးသမီး မာရသွန် ပြေးပွဲတွေကို ကျင်းပခဲ့ရာ ထောင် သောင်းချီတဲ့ လူတွေဟာ လမ်းဘေး ဝဲယာ တလျှောက် ကြည့်ရှု့ အားပေးခဲ့ ပါတယ်။

အမျိုးသား မာရသွန်ပွဲ မှာတော့ ဗြိတိန်က ဒေးဗစ် ဝီယာ က အနိုင်ရကာ၊ စုစုပေါင်း ရွှေတံဆိပ် ၄ ခု ဆွတ်ခူး နိုင်ခဲ့ပါတယ်။ သူဟာ မီတာ ၈၀၀၊ မီတာ ၁၅၀၀ နဲ့ မီ ၅၀၀၀ ပြေးပွဲတွေ မှာလည်း ရွှေတံဆိပ် ဆွတ်ခူး ထားသူ ဖြစ်ပါတယ်။ အမျိုးသမီး မာရသွန်ပွဲ မှာတော့ အမေရိကန်က ရွှေတံဆိပ် ဆွတ်ခူး သွားပြီး ဗြိတိန်က ရှဲလီ ဝုဒ်က ဒုတိယ ငွေတံဆိပ် ဆွတ်ခူး သွားပါတယ်။

၁၁ ရက်ကြာ ကျင်းပခဲ့တဲ့ လန်ဒန် မသန်စွမ်း အိုလံပစ်ပြိုင်ပွဲ ပိတ်ပွဲ အခမ်းအနားကို တနင်္ဂနွေ နှောင်းပိုင်း လန်ဒန် စံတော်ချိန် ည ၇ နာရီမှာ အိုလံပစ် အားကစားဝင်းကြီးထဲ၊ ကျင်းပ တော့မှာ ဖြစ်ပါတယ်။ လန်ဒန် မသန်စွမ်း အိုလံပစ် ကတော့ မသန်စွမ်း အိုလံပစ်ပြိုင်ပွဲ သမိုင်းမှာ အအောင်မြင်ဆုံး အဖြစ် သမိုင်းဝင် သွားခဲ့ပါပြီ။

အိုလံပစ် ပြိုင်ပွဲ တခုကို လက်ခံ ကျင်းပတယ် ဆိုတာ တကယ်တော့ ဖိအားတွေက များလှပါတယ်။ ဗြိတိသျှတွေ ကတော့ အိုလံပစ် ပြိုင်ပွဲ နှစ်ခု စလုံးကို သမိုင်းတင်အောင် ကျင်းပ ပေးနိုင်ခဲ့ ပါပြီ။

စနေနေ့ ကလည်း တောင်အာဖရိက သံပြားခြေလှမ်း အပြေးသမားလို့ နာမည်ကျော်တဲ့ အော်စကာ ပစ်တိုရီးယပ်စ်က မီတာလေးရာ အပြေးပြိုင်ပွဲမှာ ရွှေတံဆိပ် ဆွတ်ခူးခဲ့ပါတယ်။ သူက မသန်စွမ်းတွေ ကစားတဲ့ အားကစား ပြိုင်ပွဲ အပေါ် အများသူငါရဲ့ အမြင်တွေ ပြောင်းကုန်ပြီလို့ ထင်တဲ့ အကြောင်း ပြောပါတယ်။

နောက်ဆုံးနေ့ ဆုတံဆိပ် ဇယားကို ချုပ်ရ ရင်တော့ အခု နောက်ဆုံး တရုတ်က ရွှေတံဆိပ် ၉၅ ခုနဲ့ ပထမ နေရာ၊ ရုရှက ရွှေတံဆိပ် ၃၅ ခုနဲ့ ဒုတိယ၊ အိမ်ရှင် ဂရိတ်ဗြိတိန်က ရွှေတံဆိပ် ၃၄ ခုနဲ့ တတိယ နေရာမှာ ရှိနေပါတယ်။

နောက်တကြိမ် အိုလံပစ်နဲ့ မသန်းစွမ်း အိုလံပစ် ပွဲတွေကိုတော့ ဘရာဇီးနိုင်ငံ ရီယို ဂျနေရိုး မြို့မှာ ကျင်းပမှာ ဖြစ်ပါတယ်။

 စာနယ်ဇင်းကောင်စီ ပြုပြင် ဖွဲ့စည်းရေး ဆွေးနွေးနေ

အသစ်ဖွဲ့မယ့် စာနယ်ဇင်း ကောင်စီမှာ ပါသင့်သူ တိုင်း ပါနိုင်မယ်လို့ ဦးကိုကို (စက်မှု တက္ကသိုလ်) ကဆို

မြန်မာနိုင်ငံ စာနယ်ဇင်း ကောင်စီ ကို ပြုပြင် ဖွဲ့စည်းရေးနဲ့ ပတ်သက်ပြီး ပြန်ကြားရေး ဝန်ကြီးသစ် ဦးအောင်ကြည်ဟာ စာနယ်ဇင်း ဆိုင်ရာ အဖွဲ့ အစည်းတွေနဲ့ တွေ့ဆုံ ဆွေးနွေးမှုတွေ ပြုလုပ်နေပါတယ်။

အဲဒီလို ဆွေးနွေးရာမှာ စာနယ်ဇင်းကောင်စီကို သက်ဆိုင်သူ အားလုံးပါဝင်တဲ့ အဖွဲ့အစည်း ဖြစ်လာအောင် ဆောင်ရွက်ဖို့နဲ့ စာနယ်ဇင်းကောင်စီရဲ့ တာဝန်နဲ့ လုပ်ပိုင်ခွင့် တွေထဲမှာ သတင်းစာဆရာတွေ ဘက်က လက်မခံနိုင်တဲ့ အချက် တွေကို ပြုပြင်ပေးဖို့အတွက် အဓိက ပြောခဲ့ကြတယ် လို့ မြန်မာနိုင်ငံ သတင်းစာ ဆရာအသင်း ရဲ့ ကိုယ်စား သွားရောက် ဆွေးနွေးခဲ့တဲ့ အဲဒီအသင်း ဒုတိယဥက္ကဌ ဦးကိုကို (စက်မှုတက္ကသိုလ်) ကပြောပါတယ်။

စာနယ်ဇင်းကောင်စီကို ပြင်ဆင် ဖွဲ့စည်းတဲ့ အခါ၊ မြန်မာ စာနယ်ဇင်း သမဂ္ဂ MJU နဲ့ မြန်မာသတင်းထောက်များ ကွန်ရက် MJN တို့က ကိုယ်စားလှယ်တွေလည်း ပါဝင် လာနိုင်စရာ ရှိပါတယ်။

အခုအချိန် အထိတော့ ပြန်ကြားရေး ဝန်ကြီးဌာနက စာနယ်ဇင်း ဆိုင်ရာ အဖွဲ့တွေကို တဖွဲ့ချင်းစီး ခေါ်တွေ့နေပြီး အားလုံး သဘောတူညီချက် ရတဲ့ အချိန်မျိုးကျရင် တပြိုင်နက် တွေ့ဆုံနိုင်စရာ အကြောင်းရှိတယ်လို့ ဦးကိုကိုက ပြောပါတယ်။

သမ္မတ ဦးသိန်းစိန်က အမိန့်ကြေညာချက် ထုတ်ပြန် ဖွဲ့စည်း ပေးခဲ့တဲ့ စာနယ်ဇင်း ကောင်စီဟာ စာပေ စိစစ်ရေးက လုပ်ခဲ့တဲ့ လုပ်ငန်း တွေကို ဆက်လုပ်ကိုင်ဖို့ အစားထိုး ခဲ့တာ ဆိုတဲ့ ဝေဖန်မှုတွေ ရှိခဲ့ ပါတယ်။

အခု ပြင်ဆင် ဖွဲ့စည်းမယ့် မြန်မာနိုင်ငံ စာနယ်ဇင်း ကောင်စီ (ယာယီ) မှာတော့ စာပေရေးသား ထုတ်ဝေမှု၊ ဟောပြောမှု တွေကို စောင့်ကြည့်တာ၊ လိုအပ်ရင်အရေးယူတာ မျိုး၊ နိုင်ငံခြားက တင်သွင်းတဲ့ စာအုပ် စာတမ်းတွေ ကို မြန်မာနိုင်ငံနဲ့ သင့်တော်ခြင်း ရှိမရှိ စောင့်ကြည့်ရတာမျိုး တွေ လုပ်စရာ လိုမှာ မဟုတ်ဘဲ နိုင်ငံတကာ မှာကျင့်သုံးနေတဲ့ လုပ်ပိုင်ခွင့်နဲ့ တာဝန်တွေ ပုံစံအတိုင်း ဖြစ်လာလိမ့်မယ်လို့ ဦးကိုကို (စက်မှုတက္ကသိုလ်) က ဆိုပါတယ်။

 အမေရိကန်အဖွဲ့ ရခိုင်ပဋိပက္ခ သွားရောက် လေ့လာ

ရခိုင်ဒေသမှာ အတူ တကွ ဘယ်လို လက်တွဲ နေထိုင် နိုင်ကြမလဲ ဆိုတာကို လာရောက် လေ့လာ

အမေရိကန် လက်ထောက် နိုင်ငံခြားရေး ဝန်ကြီး Mr. Joseph Yun နဲ့ မြန်မာနိုင်ငံ ဆိုင်ရာ အမေရိကန် သံအမတ်ကြီး Mr. Derek Mitchell တို့ ဦးဆောင်တဲ့ အဖွဲ့ဟာ မကြာသေးခင်က ဖြစ်ပွားခဲ့တဲ့ ရခိုင်ပဋိပက္ခ တွေနဲ့ ပတ်သက်ပြီး လေ့လာဖို့ စနေနေ့က စစ်တွေမြို့ကို ရောက်ရှိလာခဲ့ ပါတယ်။

စနေနေ့ နေ့လည်ပိုင်း မှာတော့ ရခိုင် ဒုက္ခသည်တွေ တည်းခို နေထိုင် နေတဲ့ ရွှေစေတီကျောင်းကို ရောက်ရှိ လာပြီး ကျောင်းထိုင် ဆရာတော် ဦးအာရိယာဝံသကို မကြာခင်က ဖြစ်ပေါ် ခဲ့တဲ့ ရခိုင် ပဋိပက္ခနဲ့ ပတ်သက်ပြီး မေးမြန်း စုံစမ်း တာတွေ ပြုလုပ် သွားခဲ့တယ်လို့ သိရပါတယ်။

ဆရာတော်က အနာဂတ်မှာ ငြိမ်းချမ်းစွာ အတူ နေထိုင်မယ် ဆိုရင် နိုင်ငံသား ဖြစ်သူ၊ နိုင်ငံသား မဖြစ်သူကို ခွဲခြား သတ်မှတ်ဖို့ လိုတယ်လို့ တင်ပြခဲ့ကြောင်း ပြောပါတယ်။

အမေရိကန် လက်ထောက်နိုင်ငံခြားရေး ဝန်ကြီးနဲ့ အဖွဲ့ဟာ တနင်္ဂနွေနေ့ မနက် ကတော့ မောင်တောမြို့ကို ရဟတ်ယာဉ်တွေနဲ့ သွားရောက်ခဲ့ပြီး နေ့လည်ပိုင်း မှာတော့ စစ်တွေကို ပြန်လည် ရောက်ရှိလာခဲ့ပါတယ်။

စစ်တွေမှာ နိုင်ငံရေး ပါတီတွေသာ မက လူထု လူတန်းစား အဖွဲ့ပေါင်းစုံက လူတွေနဲ့ တွေ့ဆုံခဲ့ပါတယ်။ ရခိုင် တိုင်းရင်းသားများ တိုးတက်ရေး ပါတီက ဗဟိုကော်မီတီ အဖွဲ့ဝင် သုံးဦး ကို သီးသန့် ခေါ်ယူတွေ့ဆုံခဲ့တယ်လို့ ပြောပါတယ်။

အမေရိကန် ဝန်ကြီးနဲ့ အဖွဲ့ရဲ့ ခု ခရီးစဉ်ဟာ ရခိုင် ဒေသမှာ နေထိုင်ကြတဲ့ သူတွေ အနေနဲ့ အနာဂတ်မှာ ငြိမ်းငြိမ်း ချမ်းချမ်း အတူ တကွ ဘယ်လို လက်တွဲ နေထိုင် နိုင်ကြမလဲ ဆိုတာကို လာရောက် လေ့လာတဲ့ ခရီးစဉ် ဖြစ်တယ်လို့ သိရပါတယ်။

 ရှမ်းလူမျိုးများကို နိုင်ငံသား အဖြစ် ထိုင်းလက်ခံ

ထိုင်းဖက်ကို စစ်ပြေး ဒုက္ခသည် တွေအဖြစ် ရောက်နေတဲ့၊ မြန်မာဖက် နယ်စပ်က၊ ရှမ်းလူမျိုး တွေကို ထိုင်းအစိုးရက နိုင်ငံသား ဥပဒေ အသစ် ပြဌာန်း ပြီးတော့၊ အခု နိုင်ငံသား ပေးဖို့ ဆောင်ရွက် နေပါပြီ။

အခု ထိုင်း အစိုးရက၊ ထိုင်းနိုင်ငံသား ပေးမယ် ဆိုတဲ့ သူတွေဟာ၊ လွန်ခဲ့တဲ့ အနှစ် ၃၀ လောက်က၊ မြန်မာ အစိုးရ စစ်တပ်တွေ၊ ထိုင်းနိုင်ငံနဲ့ ထိစပ် နေတဲ့၊ မြန်မာ နယ်စပ်က၊ လူမျိုးစု သူပုန် စခန်းတွေကို သိမ်းယူဖို့ စစ်ဆင် တိုက်ခိုက်တဲ့ အချိန် တုံးက၊ ထိုင်းဖက်ကို ထွက်ပြေး တိမ်းရှောင် သွားတဲ့ ၊မြန်မာ နယ်စပ် တလျှောက်က ထိုင်းလူမျိုးတွေနဲ့ ဘာသာ စကား၊ ဓလေ့ ထုံးစံ တူတဲ့ ရှမ်းလူမျိုး တွေဖြစ်ပါတယ်။

သူတို့ကို အဲဒီတုံးက၊ ထိုင်းအစိုးရက၊ နိုင်ငံမဲ့ ထိုင်းလူမျိုးတွေ အဖြစ်နဲ့ ထိုင်းနိုင်ငံမှာ ယာယီ နေထိုင်ခွင့် လက်မှတ်တွေ ကို ထုတ်ပေး ခဲ့ပါတယ်။ အဲဒီ ယာယီ နေထိုင်ခွင့် လက်မှတ်နဲ့ နေထိုင်တဲ့ သူတွေက ထိုင်းအစိုးရ အဆက်ဆက် ထံမှာ နိုင်ငံသား ဖြစ်ခွင့် တောင်းဆိုရာက အခုအစိုးရ လက်ထက်မှာ လွှတ်တော်က မွေးရာပါ နိုင်ငံသား ဖြစ်ခွင့် ဥပဒေကို အတည်ပြုပြီး ထွက်လာတဲ့ ဥပဒေပါ။

ဒီဥပဒေ အသစ် ညွှန်ကြားချက်နဲ့ ထိုင်းအစိုးရက နိုင်ငံသားပေးတဲ့ လူစာရင်းကို ဘန်ကောက်ကို သွားပြီး လက်ခံယူလာတဲ့၊ မဲဆောက်မြို့ပိုင် နိုင်ပရီချာ ကျိုင်ဖက်ပြောတာက သူတို့ဟာ ထိုင်းမြန်မာ နှစ်နိုင်ငံ နယ်နမိတ် သတ်မှတ်စဉ်တုန်းက မြန်မာဘက် အခြမ်းကို ပါသွားပေမဲ့ သူတို့ဟာ ထိုင်းလူမျိုးတွေ ဖြစ်ကြတယ်လို့ ဆိုပါတယ်။

ဒါကြောင့်ထိုင်းအစိုးရကအခုနိုင်ငံသားဥပဒေအစောင် ၅ ကိုထုတ်ပြန်ပြီး သူတို့ကိုမွေးရာပါထိုင်းနိုင်ငံသားတွေအနေနဲ့ပြန်ပေးတာလို့ပြောသွားပါတယ်။

မဲဆောက်မြို့ပိုင် လက်ခံယူလာတဲ့ ၊ စာရင်းထဲမှာ၊ မဲဆောက်နယ်က၊ ပထမအသုတ်၊ ထိုင်းနိုင်ငံသား ရ မယ့်လူ အရေအတွက်ဟာ ၁၄၀၀ ဖြစ်ပြီးတော့၊ စီစစ်နေဆဲက နောက်ထပ် လူ ၂ ထောင် ဖြစ်တယ်လို့ ဆို ပါတယ်။

ထိုင်း၊မြန်မာနယ်စပ်တလျှောက်လုံးမှာတော့၊ထိုင်းမှတ်ပုံတင်စောင့်ဆိုင်နေတဲ့လူဦးရေ သောင်းနဲ့ချီရှိတယ်လို့ဆိုပါတယ်။

အရင်တုံးက ဒီလိုယာယီ နေခွင့်ကနေ၊ အမေရိကန် ဂရင်းကပ် လိုမျိုး၊ အမြဲတန်း နေထိုင်ခွင့်ကို လျှောက်ရပါတယ်။ အမြဲတန်း နေထိုင်ခွင့် ၅ နှစ် ကိုင်ဆောင်ပြီးသူတွေက၊ နိုင်ငံသားအဖြစ် တဆင့်တက်ပြီး လျှောက်ထား ရယူခွင့်ရှိပါတယ်။

လွတ်လပ်ခွင့်အတွက် အဆုံးအဖြတ်ပေးမယ့် ဟောင်ကောင် ရွေးကောက်ပွဲ

တရုတ်အစိုးရကို လိုလားသူတွေနဲ့ ဒီမိုကရေစီ လိုလားသူတွေကြား ထောက်ခံမှုတွေ ဘယ်ဘက်က ပိုများသလဲ ဆိုတာ အထင်အရှား တွေ့လာရမယ့် အုပ်ချုပ်ရေးကောင်စီ ရွေးကောက်ပွဲ ရလဒ်တွေကို ဟောင်ကောင်မှာ စောင့်စားနေကြပါတယ်။ ဗြိတိသျှ ကိုလိုနီ လက်အောက်ကနေ ၁၉၉၇ ခုနှစ်မှာ တရုတ်နိုင်ငံ လွှဲပြောင်းရယူခဲ့ ချိန်ကစလို့ ပထမဆုံးအကြိမ် ဥပဒေပြု ကောင်စီရဲ့ ကိုယ်စားလှယ် နေရာ ထက်ဝက်ကျော် အတွက် ဟောင်ကောင်မှာ တနင်္ဂနွေနေ့က တိုက်ရိုက် မဲပေးခဲ့ကြတာပါ။

အုပ်ချုပ်ရေးကောင်စီ အသစ်အတွက် ကိုယ်စားလှယ်နေရာ ၇၀ အနက်က နေရာ ၄၀ အတွက် ဆန္ဒမဲပေး ရွေးချယ်ကြရမှာ ဖြစ်ပြီး ကျန်နေရာတွေကိုတော့ သီးသန့် ရွေးချယ်သွားမှာ ဖြစ်ပြီး ရွေးကောက်ပွဲ ရလဒ်တွေ ဒီကနေ့ ထွက်ပေါ်လာမယ်လို့လည်း မျှော်လင့်ရပါတယ်။ တရုတ် အစိုးရကတော့ ဟောင်ကောင် ဒေသခံတွေ အနေနဲ့ ၂၀၁၇ ခုနှစ် နောက်ဆုံးထားပြီး ကိုယ့်ဒေသအတွက် ခေါင်းဆောင်ကို ကိုယ်ပိုင် ရွေးချယ်ခွင့်နဲ့ ၂၀၂၀ ပြည့်နှစ်မှာ ဥပဒေပြုအာဏာ အပြည့်အ၀ အပ်နှင်းပြီး၊ ဒီမိုကရေစီ လွတ်လပ်ခွင့်တွေ ပေးအပ်ဖို့ ကတိပြု ထားတာပါ။ ဒါပေမဲ့လည်း တိကျတဲ့ အစီအစဉ်တွေ မရှိတဲ့အတွက် ကိုယ်ပိုင်အုပ်ချုပ်ခွင့် တစိတ်တပိုင်း ရထားတဲ့ ဟောင်ကောင်မှာ တရုတ်နိုင်ငံက တစတစ သြဇာလွှမ်းမိုးလာမှာကို ဟောင်ကောင် ဒေသခံတွေ စိုးရိမ်နေကြပါတယ်။

ပြီးခဲ့တဲ့ သီတင်းပတ်ထဲမှာ ဆိုရင်လည်း တရုတ်အစိုးရရဲ့ မျိုးချစ်စိတ်ဓာတ် တက်ကြွစေမယ့် သင်ခန်းစာတွေကို ကျောင်းသားတွေ သင်ယူကြဖို့ တရုတ်အစိုးရက ကျောထောက်နောက်ခံပေးထားတဲ့ ခေါင်းဆောင်က စီစဉ်နေတဲ့ အပေါ်မှာလည်း ဟောင်ကောင်ဒေသခံ ထောင်ပေါင်းများစွာ ကန့်ကွက် ဆန္ဒပြခဲ့ကြပါတယ်။

အမေရိကန် သံအမတ် ရခိုင်ပြည်ရောက်

မြန်မာနိုင်ငံဆိုင်ရာ အမေရိကန်သံအမတ်ကြီး ဒဲရစ်မစ်ချဲလ်နဲ့ သံတမန်အဖွဲ့ဟာ ရခိုင်ပြည်နယ်ကို ရောက်ရှိနေပါတယ်။ ဒီကနေ့ နေလယ်ပိုင်းကတော့ ရခိုင်လူမှုအဖွဲ့အစည်းတွေနဲ့ တွေ့ဆုံခဲ့သလို မနေ့တုန်းကတော့ စစ်တွေမြို့ပေါ်က မူစလင်တွေ ရှိရာ ရပ်ကွက်တွေနဲ့ မူစလင် ဒုက္ခသည် စခန်းတွေကို သွားရောက် ခဲ့ပါတယ်။

တချိန်တည်းမှာပဲ ရခိုင်အရေးနဲ့ပတ်သက်လို့ သမ္မတက ဖွဲ့စည်း ပေးထားတဲ့ စုံစမ်းရေးကော်မရှင် အဖွဲ့ဝင်အချို့ ရခိုင်ပြည်နယ်ကို ရောက်ရှိနေကြပါတယ်။ OIC လို့ခေါ်တဲ့ ကမ္ဘာ့ မူစလင် ပူးပေါင်းဆောင်ရွက်ရေး အဖွဲ့ကလည်း ရခိုင်ဒေသမှာဖြစ်ခဲ့တဲ့ အခြေအနေ အချက်အလက် စုစည်းစုံစမ်းရေး အဖွဲ့တဖွဲ့ကို အခုရက်ပိုင်းအတွင်း စေလွှတ်ထားတယ်လို့ သိရပါတယ်။

ရခိုင်ပြည်နယ်အတွင်း မငြိမ်သက်မှုတွေ အတန်ငယ် အေးဆေးသွားပြီဆိုပေမဲ့ အကြမ်းဖက်မှုတွေ ဖြစ်တာကြောင့် အိုးမဲ့အ်ိမ်မဲ့ ဖြစ်ခဲ့ရတဲ့ ဒုက္ခသည်တွေ အရေးကိစ္စက မပြီးသေးပါဘူး။ နိုင်ငံတွင်း လူမှုကူညီရေး အဖွဲ့တွေရော နိုင်ငံတကာကပါ ဒုက္ခသည်တွေ အကူအညီ ပေးရေးတွေကို ဆက်ပြီး ဆောင်ရွက်နေကြတာ ဖြစ်ပါတယ်။

ပြီးခဲ့တဲ့သီတင်းပတ်တုန်းကတော့ ရခိုင်အရေးနဲ့ပတ်သက်လို့ ရိုဟင်ဂျာ ဆန့်ကျင်ရေး လှုပ်ရှားမှုတရပ် မန္တလေးမှာ ဖြစ်ခဲ့ပါသေးတယ်။ ဆရာတော်ဦးဝီရသူ ဦးဆောင်တဲ့ သံဃာတော်တွေဟာ သမ္မတရဲ့ ရခိုင်အရေး ရပ်တည်မှုအပေါ်မှာ ထောက်ခံတဲ့အနေနဲ့ လမ်းလျှောက်ဆန္ဒ ထုတ်ဖော်ခဲ့ကြတာပါ။

တိုက်ပွဲမစဲတဲ့ ဖားကန့်ဒေသ စီးပွားရေးနစ်နာ

သီတင်း သုံးပတ်လောက်ရှိလာပြီဖြစ်တဲ့ တိုက်ပွဲတွေကြောင့် ကချင်ပြည်နယ် ဖားကန့်ဒေသမှာ စီးပွားရေးလုပ်ငန်းတွေ မစနိုင်ဘဲ ဖြစ်နေရပါတယ်။ ကားခတွေလည်း နှစ်ဆနီးပါး ဈေးတက်သွားပြီး ဖားကန့်ဒေသဘက်ကို လာတဲ့ ကုန်သည်တွေ မရှိသလောက်ကို ဖြစ်နေတယ်လို့ ဒေသခံတွေ က ပြောပြပါတယ်။ ဒါ့အပြင် အခုရက်ပိုင်း အဆက်မပြတ် ရွာသွန်းတဲ့မိုးကြောင့် ချောင်းရေကြီးပြီး တိုက်ပွဲကြောင့် ထွက်ပြေးကြရတဲ့ ဒုက္ခသည်တွေ ဟာလည်း ရေကြီးမှုကြောင့် ကုန်းမြင့်ပိုင်းတွေကို ထပ်မံ ပြောင်းရွှေ့ ခဲ့ကြရပါတယ်။ ဒီအခြေအနေ အသေးစိတ်ကိုတော့ ဆက်သွယ် စုံစမ်းထားတဲ့ မနန္ဒာချမ်း က တင်ပြထားပါတယ်။

ဖားကန့်ဒေသဘက်မှာ KIA ကချင်လွတ်မြောက်ရေး တပ်မတော် နဲ့ မြန်မာအစိုးရ တပ်တွေအကြား တိုက်ပွဲတွေဟာ ရပ်နားတဲ့နေ့မရှိဘဲ အနည်းဆုံး တရက် ကို တကြိမ်ကတော့ ဖြစ်ပွားနေဆဲပဲလို့ ဒေသခံတွေက ပြောပါတယ်။ လူထုနဲ့ သိပ်မဝေးတဲ့ နေရာမှာ ဖြစ်နေတဲ့ တိုက်ပွဲတွေကြောင့် ဒေသခံတွေဟာ သေနတ်သံ လက်နက်ကြီးသံတွေကို မကြာခဏ ကြားရနေပြီး ထွက်ပြေးဖို့ရာ အတွက် အမြဲတမ်း အဆင်သင့် ပြင်ထားရတယ်လို့ ဖားကန့်ဒေသခံ တဦးက အခုလို ပြောပြပါတယ်။

“ကျမတို့ ဒီမှာကျတော့ တောင်ကုန်းတွေ များတာပေါ့။ နီးနီးနားနားပဲ ဘာမှမဝေးဘူး။ ဆိုင်ကယ်နဲ့ဆိုရင် ၁၀ မိနစ်၊ ၁၅ မိနစ်ပဲ ရောက်တဲ့နေရာလေးတွေပေ့ါ။ ဒီမှာ လက်နက်ကြီးသံတွေ အတိုင်းသား ကြားရတယ်။ တုန်ခါမှုတွေ ဘာတွေ ဖြစ်တာကိုး။ ညဆိုလည်း မီးစလေးတွေကို မြင်ရတယ်။ မိန်းလားဆိုလည်း ၈ နာရီကျော် ကွာပေမဲ့ လက်နက်ကြီးသံ ကြားနေရပြီး ကျမတို့ဆီမှာကို။ ကျမတို့တွေ ကျီးလန့်စာ စားနေရတာပေါ့။ အဆင်သင့်တော့ ပြင်ထားရတာပေါ့။ စစ်ဖြစ်ရင်တော့ ဘယ်လိုပြေးမယ်၊ ရှောင်မယ် ဆိုတာမျိုးတော့ ရှိတာပေါ့။ ရှိတာတွေ စုဆောင်းပြီး နေနေရတာပေါ့။”

အခုလို ဖားကန့်ဒေသက တိုက်ပွဲတွေကြောင့် အောက်မြန်မာပြည်ကနေ ဖားကန့်ဘက်ကို လာရောက်ကြတဲ့ ကုန်သည်တွေ မရှိသလောက် နည်းသွားပြီး အရောင်းအ၀ယ်တွေလည်း အေးစက်ကုန်ပါတယ်။ မကြာခင် ပွင့်လင်းရာသီ ရောက်တော့မှာမို့ အခါတိုင်းနှစ်တွေမှာ ဒီအချိန်ဆို လုပ်ငန်းတွေ စဖို့ ပြင်ဆင်ကုန်ကြပြီလို့လည်း ဒေသခံတွေ က ပြောပြပါတယ်။ ဒါပေမဲ့ ဒီနှစ်မှာတော့ ကုန်သည်တွေရော၊ ကုမ္ပဏီတွေပါ လုပ်ငန်းတွေ မစနိုင်ကြသေးဘူးလို့ ဆိုပါတယ်။ ဒါ့အပြင် ဒီဒေသမှာ တိုက်ပွဲတွေ စဖြစ်ခဲ့ကတည်းက အခုထိ ခရီးသည်တင် ကားခတွေလည်း ၂ ဆနီးပါး ဈေးတက်သွားတယ်လို့ ဖားကန့်ဒေသခံက ဆက်ပြောပြပါတယ်။

“ကားခတက်တာ ကတော့ ဒီမှာ စစ်ဖြစ်ကတည်းကနေ ဈေးတက်သွားတာပဲ။ တစ်ယောက်ကို ငါးသောင်း၊ ခြောက်သောင်း အဲဒီလိုမျိုးတွေ တက်သွားတယ်။ နှစ်ဆနီးပါး ပြောရမှာပေါ့။ အရင်တုန်းကဆိုရင် တစ်သောင်း နှစ်သောင်းခွဲပဲ ရှိတာလေ ကားခက။ အလွန်ဆုံးမှ သုံးသောင်းပဲ ရှိတာ။ အခုက ငါးသောင်း၊ အဲဒီလိုမျိုးတွေ ဖြစ်သွားတော့ လူတွေကတော့ အရမ်းကိုပါးတယ် ဒီမှာ။ မိုးကောင်းကားတို့၊ မြစ်ကြီးနားကားတို့ အတက်ဆို လူတစ်ယောက်မှ မပါဘဲ တက်ကြတာ။ အဆင်းမှ လူတင်လို့ရတာ။ အတက်ကို လူမရှိဘူး။ လေးလပိုင်းဆို အကုန်လုံး လုပ်ငန်းသစ်တွေ ပြန်လာကြပြီလေ။ ကုန်သည်တွေ၊ ကုန်ပစ္စည်းတွေ လာကြပြုကြ လုပ်လာတဲ့အချိန်ပေါ့။ ဒီမှာ စစ်ဖြစ်နေရင်တော့ နိုင်ငံရေး အခြေအနေ မကောင်းရင်တော့ ဘယ်သူမှ မလာနိုင်ဘူးပေါ့။ ကုန်သည်တွေလည်း ပရုပ်လုံး လိုပဲ လုံးပါး ပါးကုန်ပြီ။ ဈေးရောင်းမကောင်းလို့ အကုန်လုံး။ စားဖို့သောက်ဖို့ကနေ ဘယ်သူမှ တခြားဟာကို ဦးစားမပေးနိုင်ဘူး။ အားလုံးက ဆင်းမယ်ဆင်းမယ်၊ ဆင်းဖို့ပဲ ဖြစ်နေကြတော့။”

ဒီလို တိုက်ပွဲဒဏ်ရော၊ စီးပွားရေး နှေးကွေးတဲ့ဒဏ်ပါ ဒေသခံတွေ ကြုံတွေ့နေရချိန် မှာပဲ နောက်ထပ် ချောင်းရေကြီးမှု ပြဿနာပါ ထပ်မံ ရင်ဆိုင်နေကြရပါတယ်။ အခုရက်ပိုင်း ဖားကန့်ဒေသ တ၀ိုက်မှာ မိုးသည်းထန်စွာ အဆက်မပြတ် ရွာသွန်းမှုကြောင့် ချောင်းရေ လျှံပြီး မြေနိမ့်ပိုင်းက အိမ်တချို့ ရေမြှုပ်ခဲ့ရပါတယ်။ အဲ့ဒီမြေနိမ့်ပိုင်းက ခရစ်ယာန်ဘုရားရှိခိုးကျောင်းမှာ ခိုလှုံနေကြတဲ့ စစ်ပြေးဒုက္ခသည်တွေကိုလည်း ရွှေ့ပြောင်းပေးခဲ့ရတယ်လို့ သူက ဆက်ပြောပြပါတယ်။

“ချောင်းရေ ကြီးတယ်လေ။ ချောင်းရေ ကြီးတဲ့အခါကျတော့ ကျမတို့ ဖားကန့်ဘက်က ခရစ်ယာန် နှစ်ခြင်းကျောင်းက အောက်က နည်းနည်းနိမ့်တယ်။ နိမ့်တဲ့အခါကျတော့ ဒီချောင်းရေ တက်တဲ့အခါကျတော့ လူတွေက အိပ်မယ့်နေရာ မရှိတော့ဘူး ဖြစ်ရတာပေါ့။ အရမ်းဒုက္ခရောက်တာပေါ့။ အိပ်ယာရွှေ့တာကအစ ကလေးတွေက ငိုတာနဲ့ ရယ်တာနဲ့၊ အဲဒီလိုမျိုးပေါ့။ ဆူညံပေါ့။ ကလေးငယ်တွေနဲ့ ဆိုတော့ အိပ်ယာရွှေ့တာကိုက အရမ်းခက်တာကိုး။”

အခုဆိုရင် ဖားကန့်ဒေသမှာ ခိုလှုံနေတဲ့ စစ်ပြေးဒုက္ခသည်ဦးရေဟာ ၁ သောင်းကျော် ရှိသွားပြီလို့ ဒုက္ခသည်အရေး ကူညီပေးနေသူတွေက ခန့်မှန်းထားပါတယ်။ ပြီးခဲ့တဲ့ တပတ်တုန်းကလည်း မိုးညှင်းမြို့အနီးမှာ ဖြစ်ပွားခဲ့တဲ့ တိုက်ပွဲကြောင့် မြစ်ကြီးနား-မန္တလေး ရထားလမ်း ထိခိုက် ပျက်ဆီးသွားပြီး မီးရထားခရီးစဉ်တွေကို ယာယီ ရပ်ဆိုင်းခဲ့ရပါသေးတယ်။

KIO နဲ့ မြန်မာအစိုးရအကြား ၁၇ နှစ်ကြာ တည်ဆောက်ခဲ့တဲ့ အပစ်အခတ်ရပ်စဲရေးဟာ ၂၀၁၁ ခုနှစ် ဇွန်လကုန်မှာ ပျက်သွားခဲ့တာဖြစ်ပြီး အဲ့ဒီအချိန်ကစလို့ ထွက်ပြေးကြရတဲ့ ဒုက္ခသည်ဦးရေဟာ ၁ သိန်းလောက်ရှိသွားပြီလို့ ဒုက္ခသည်အရေး ကူညီဆောင်ရွက်သူတွေနဲ့ လူ့အခွင့်အရေး အဖွဲ့တွေက ပြောဆိုကြပါတယ်။

၁ နှစ်ကျော် ကြာလာပြီဖြစ်တဲ့ တိုက်ပွဲတွေ ရပ်စဲရေး အကြိမ်ကြိမ် ဆွေးနွေးခဲ့ကြပေမဲ့ အခုထိ ပြေလည်မှု မရသေးပါဘူး။