09.07.2012 နေ့ဖတ်ရန်သတင်းများ

by Myanmar Journal on Sunday, July 8, 2012 at 5:11pm ·

နေတိုးအလွန် အာဖဂန်အတွက် ၁၆ ဘီလျံ အကူအညီ

အဂတိလိုက် စားမှုတွေကို အသေအချာ တိုက်ဖျက် ပါမယ်လို့ အာဖဂန် သမ္မတ ခါဇိုင်းက ကတိပေးခဲ့

အာဖဂန်နစ္စတန် နိုင်ငံနဲ့ ပတ်သက်တဲ့ အလှူရှင် အစည်းအဝေးမှာ အရပ်ဖက် အတွက် အကူအညီ အဖြစ် ဒေါ်လာ ၁၆ ဘီလျံ အကူအညီ ပေးဖို့ တိုကျိုမြို့မှာ ကျင်းပတဲ့ အလှူရှင် အစည်းအဝေးကို တက်ရောက် လာသူတွေက ကတိပြုခဲ့ ကြပါတယ်။

အလှူရှင် ညီလာခံကို တက်ရောက်လာတဲ့ နိုင်ငံ ၇၀ က ထည့်ဝင်ဖို့ ကတိပြုတဲ့ ဒေါ်လာ ၁၆ ဘီလျံ ဆိုတာဟာ ၂၀၁၄ ခုနှစ်မှာ နေတိုး မြောက်အတ္တလန်တိတ် စာချုပ်အဖွဲ့ဝင်တွေ ထွက်ခွာ သွားတဲ့ အခါ နိုင်ငံ တည်ငြိမ်ဖို့နဲ့ ပြန်လည် ထူထောင်ရေး ဆောင်ရွက်ဖို့ အတွက် သက်သက် အသုံးပြုရအောင် လက်ရှိ တာလီဘန် သူပုန်တွေကို နှိမ်နှင်းနေတဲ့ စစ်အသုံးစား ရိတ် ၄ ဘီလျံ ကျော် အပြင် အပို ဆောင်းပြီး ပေးလိုက်တာပါ။

ဒါပေမယ့် အဂတိလိုက်စားမှုနဲ့ နာမည်ဆိုးလှတဲ့ အာဖဂန်နစ္စတန်မှာ ဒီငွေတွေ အဟောသိကံ ဖြစ်ကုန်မှာကိုတော့ အလှူရှင်တွေက စိုးရိမ်ကြပါတယ်။

အာဖဂန်သမ္မတ ဟာမစ်ခါဇိုင်းကတော့ အဂတိလိုက် စားမှုတွေကို သေသေချာချာ တိုက်ဖျက် ပါမယ်လို့ ဒီညီလာခံမှာ ကတိပြုခဲ့ပါတယ်။ ကုလသမဂ္ဂ အတွင်းရေးမှူးချုပ် ဘန်ကီမွန်းက တော့ အဂတိ လိုက်စားမှု တိုက်ဖျက်ရေးကို ကတိပြုယုံနဲ့ မလုံလောက်ဘဲ ကောင်းမွန်တဲ့ အုပ်ချုပ်မှု ရှိရေး၊ တရားဥပေဒ စိုးမိုးရေး၊ လူ့အခွင့်အရေး၊ အလုပ်အကိုင် ရရှိရေး၊ လူမှုဘဝ ဖွံ့ဖြိုးတိုးတက်ရေး စတဲ့ အချက်တွေနဲ့ အတူ ယှဉ်တွဲပြီး ဆောင်ရွက်ဖို့ လိုနေတယ်လို့ ပြောခဲ့ပါတယ်။

အမေရိကန် နိုင်ငံခြားရေးဝန်ကြီး ဟီလာရီ ကလင်တန်ကလည်း အလားတူ ဆိုခဲ့ပါတယ်။ ဒါ့အပြင် ပေးအပ်တဲ့ ရံပုံငွေတွေကို အလွဲသုံးစား မလုပ်အောင် စောင့်ကြည့် လေ့လာဖို့လည်း စီစဉ် ထားပါတယ်။

အဂတိ လိုက်စားမှုအပြင် အာဖဂန်နစ္စတန်ရဲ့ အနာဂတ် အပေါ် ခြိမ်းခြောက်မှု နောက်တခု ကတော့ နိုင်ငံ လုံခြုံရေးပါ။ လက်ရှိ အာဖဂန် လုံခြုံရေးမှာ အဓိက ပါဝင်နေတဲ့ နေတိုးတပ်ဖွဲ့တွေဟာ ၂၀၁၃ ခုနှစ်၊ နှစ်လယ်ပိုင်း ကျရင် အာဖဂန် တပ်ဖွဲ့တွေ လက်ထဲကို လုံခြုံရေး တာဝန်တွေ လုံးဝ လွှဲပြောင်းတော့မှာ ဖြစ်ပြီး တပ်တွေကို ၂၀၁၄ ခုနှစ် အကုန်မှာ ပြန်ရုပ်သိမ်းတော့မှာ ဖြစ်ပါတယ်။

နည်းပညာနဲ့ လေ့ကျင့်ရေး ပိုင်းဆိုင်ရာ အကူညီတွေကိုတော့ ဆက်ပြီး ပေးနေဦးမှာပါ။ အမေရိကန်က ဆိုရင် အာဖဂန်ကို နေတိုး အဖွဲ့ဝင် မဟုတ်တဲ့ မဟာမိတ်နိုင်ငံ အဖြစ် မကြာသေးခင်ကပဲ အသိ အမှတ် ပြုခဲ့ ပါတယ်။

လုံခြုံရေးကို ဆောင်ရွက်နိုင်တယ်ပဲ ထားဦး၊ အာဖဂန်ကို ရေရှည် ထူထောင်ရေး အတွက် အများကြီး ဆောင်ရွက် စရာတွေ ရှိနေပါတယ်။ လောလောဆယ်မှာ ဆိုရင် အာဖဂန်နစ္စတန်ရဲ့ အမျိုးသား အသားတင် ထုတ်လုပ်မှု GDP တန်ဖိုး စုစုပေါင်းရဲ့ ၉၅ ရာနှုန်းကို ကမ္ဘာ့ဘဏ်ရဲ့ရန်ပုံငွေတွေက ရနေတာပါ။

ဒီအခြေအနေကြောင့် အာဖဂန်နစ္စတန်ကို လမ်းလွဲ မသွားအောင် ပြန်စိစစ်သုံးသပ်ဖို့ ၂၀၁၄ ခုနှစ် ကျရင် ဗြိတိန်နိုင်ငံမှာ အလှူရှင်များ အစည်းအဝေးကို နောက်တကြိမ် ကျင်းပ ဖို့ စီစဉ် ထားပါတယ်။

ဆွေးနွေးပွဲကို မြန်မာနိုင်ငံခြားရေး ဝန်ကြီး ဦးဝဏ္ဏ မောင်လွင်လည်း တက်ရောက်

အာဆီယံနဲ့ လူ့အခွင့်အရေး ကော်မရှင် ဆွေးနွေး

အရှေ့တောင် အာရှ နိုင်ငံများ အသင်း အာဆီယံ အဖွဲ့ဝင် နိုင်ငံတွေရဲ့ နိုင်ငံခြားရေး ဝန်ကြီးတွေ ဟာ တနင်္လာနေ့မှာ စတင်မယ့် ထိပ်သီး အစည်းအဝေးပွဲ မတိုင်ခင် တနင်္ဂနွေနေ့ ညနေပိုင်းက ကမ္ဘောဒီယား နိုင်ငံ ဖနွန်ပင်မြို့မှာ အာဆီယံ လူ့အခွင့်အရေး ကော်မရှင် AICHR ကိုယ်စားလှယ် တွေနဲ့ တွေ့ဆုံ ဆွေးနွေး ခဲ့ကြပါတယ်။

ဒီနှစ်ကုန်လောက်မှာ ထွက်လာဖို့ ရှိတဲ့ အာဆီယံ လူ့အခွင့်အရေး ကြေညာစာတမ်း မူကြမ်းနဲ့ ပတ်သက်ပြီး ဆွေးနွေး ခဲ့ကြရာ၊ နိုင်ငံတကာ လူ့အခွင့်အရေး စည်းမျဉ်း စည်းကမ်းတွေ အတိုင်း အာဆီယံက အသိအမှတ် ပြုရေးကို အဓိက ဆွေးနွေးခဲ့ကြပါတယ်။

ဒါပေမယ်လို့ အဖွဲ့ဝင် အနိုင်ငံ အများအပြားဟာ သူတို့နိုင်ငံ သူတို့ဒေသရဲ့ ကိုယ်ပိုင် ပြဌာန်းထားချက် အတိုင်း လူ့အခွင့်အရေး အကာကွယ်ပေးမှုတွေကို ဆက်လက် ဆောက်ရွက်ကြမယ့်ပုံ ရှိနေတယ်လို့ အကဲခတ်တွေက ပြောပါတယ်။

အာဆီယံ ဆွေးနွေးဖက် နိုင်ငံတွေလည်း တက်ရောက်မယ့် တနင်္လာနေ့ စတင်မယ့် ထပ်သီး ဆွေးနွေးပွဲမှာတော့ တောင်တရုတ် ပင်လယ်က ရေပိုင်နက် အငြင်းပွားနေတဲ့ ကိစ္စရပ်ကို အဓိက ဆွေးနွေးကြဖို့ရှိပါတယ်။

ဒီကိစ္စရပ်ဟာ ဒေသတွင်း လုံခြုံရေး အတွက် စိန်ခေါ်မှု တရပ် ဖြစ်လိမ့်မယ်လို့ အာဆီယံ အဖွဲ့ အတွင်းရေးမှူး ဆူရင် ပစ်ဆုဝမ်က ပြောပါတယ်။

ရခိုင်ပဋိပက္ခ လပတ်လည်ကျင်းပ

ရခိုင်ပြည်မှာ ဖြစ်ခဲ့တဲ့ ပဋိပက္ခအတွက် တလပြည့်အဖြစ် တမြို့လုံးနီးပါး သာသနာ့အလံ လွှင့်ထူပြီး သေသူတွေကို အမှတ်ရကြ

ပြီးခဲ့တဲ့ ဇွန်လ ၈ ရက်က စတင်ခဲ့တဲ့ ရခိုင်ပြည်နယ်၊ မောင်တောမြို့က မီးရှို့မှုတွေ၊ သတ်ဖြတ်မှုတွေရဲ့ တလပြည့် အထိမ်းအမှတ်ကို ရခိုင်ပြည်နယ်ရဲ့ မြို့တော် စစ်တွေ မြို့မှာ ပြုလုပ်ခဲ့ပါတယ်။ တမြို့လုံးမှာ သာသနာ့ အလံတွေ စိုက်ထူလို့ ပြီးခဲ့တဲ့ တလက ကွယ်လွန်သွားခဲ့တဲ့ ရခိုင် အမျိုးသားတွေကို အောက်မေ့ သတိရတဲ့ အမှတ်တရအဖြစ် ဆောင်ရွက်ခဲ့ကြတာပါလို့ RNDP ရခိုင်အမျိုးသားများ တိုးတက်ရေးပါတီက စစ်တွေမြို့နယ် ပြည်နယ်လွှတ်တော်အမတ် ဦးအောင်မရကျော်က ဘီဘီစီကို ပြောပါတယ်။

တမြို့လုံးနီးပါးက အိမ်တွေမှာ သာသနာ့အလံကို လွှင့်ထူကြသလို လမ်းပေါ်မှာ သွားလာနေတဲ့ စက်ဘီး၊ ဆိုက္ကား ဆိုင်ကယ်နဲ့ မော်တော်ယာဉ်တွေမှာလည်း ချည်နှောင်ထားတယ်လို့ သူက ပြောပါတယ်။ ရခိုင်တွေဟာ ဗုဒ္ဓဘာသာဝင်တွေမို့ ဒီလို သာသနာ့အလံကို လွှင့်ထူကြသလို သေသူတွေအတွက် ရည်စူးပြီး ဆွမ်းသွပ်တာ၊ အမျှဝေတာတွေဟာလည်း ရခိုင့်ဓလေ့ပဲလို့ စစ်တွေ ပြည်နယ်လွှတ်တော်အမတ်က ဘီဘီစီကို ပြောပါတယ်။

ရခိုင်ပြည်မှာ အခြေစိုက်တဲ့ ကုလသမဂ္ဂနဲ့ အစိုးရ မဟုတ်တဲ့ နိုင်ငံတကာ အဖွဲ့အစည်းတွေကို စစ်တွေမြို့မှာ ဆန့်ကျင် ဆန္ဒပြတယ် ဆိုတဲ့ သတင်းတွေလည်း ထွက်ပေါ် နေတာမို့ အဲဒီ အကြောင်းကို မေးတာကိုတော့ အဲဒီလို ဆန္ဒပြမှုတွေ မရှိပါဘူးလို့ ဦးအောင်မရကျော်က ပြောပါတယ်။

စစ်တွေမြို့နဲ့ မောင်တောမြို့ကို ဇူလိုင် ၇ ရက်ကတော့ ပြည်သူ့လွှတ်တော် ဥက္ကဌ သူရ ဦးရွှေမန်းနဲ့ လွှတ်တော်အမတ်တချို့ သွားရောက် လေ့လာခဲ့သလို လွှတ်တော် အမတ်တွေရဲ့ နေ့တွက် ခံစားခွင့် သုံးရက်စာကိုလည်း ငွေကျပ် သိန်းရာနဲ့ချီပြီး လှူဒါန်းခဲ့ကြပါတယ်။

စစ်တွေမြို့မှာတော့ ဒီကနေ့ ဇူလိုင် ၈ မှာ သာသနာ့အလံတွေ လွှင့်ထူလို့ လွန်သူတွေအတွက် အထိမ်းအမှတ်ပွဲ ပြုလုပ်ခဲ့တာကလွဲလို့ အခြေအနေတွေကတော့ အေးဆေး တည်ငြိမ်နေတယ်လို့ သိရပါတယ်။

အာဖဂန် တိုးတက်ဖို့ နိုင်ငံတကာက ဆက်ကူညီသွားမယ်

အာဖဂန်ကို နိုင်ငံတကာက ဆက်ကူညီသွားမယ်

ဂျပန်နိုင်ငံ တိုကျိုမြို့တော် မှာ ကျင်းပနေတဲ့ အဆင့်မြင့် အစည်းအဝေးကို တက်ရောက် လာကြတဲ့ ကိုယ်စားလှယ် အဖွဲ့ဝင်တွေက အာဖဂန် နစ္စတန် နိုင်ငံအတွက် ကူညီရေး ရန်ပုံငွေ ဒေါ်လာ ၁၆ ဘီလီယံ လောက် ရနိုင်လိမ့်မယ်လို့ မျှော်လင့် နေကြပါတယ်။

ဒါကိုကြည့်ရင် အာဖဂန်က နေတိုး ဉီးဆောင်တဲ့ တပ်ဖွဲ့တွေ ထွက်သွားတော့မယ့် ၂၀၁၄ နောက်ပိုင်း အထိ ကာဘူးလ် အနေနဲ့ နိုင်ငံတကာရဲ့ အထောက်အပံ့တွေ ရနေဉီးမယ့် သဘောဖြစ်ပါတယ်။

ဒါပေမယ့် ဒီအကူငွေ တွေရရှိရေးမှာ ကြုံတွေနေရတဲ့ အခက်အခဲတွေထဲက တခုက အာဖဂန် နစ္စတန် နိုင်ငံအတွင်းက အဂတိ လိုက်စားမှုတွေ နဲ့ပတ်သက်လို့ အလှူရှင် နိုင်ငံတွေက စိုးရိမ် နေကြတာပဲ ဖြစ်ပါတယ်။

အဲဒီ အစည်းအဝေးကို တက်လာကြတဲ့ ကိုယ်စားလှယ် အဖွဲ့တွေ က အာဖဂန် အစိုးရဆီက နိုင်ငံအတွင်း အဂတိ လိုက်စားမှု ပပျောက်ရေး အစီအစဉ် သစ် တွေနဲ့ ပတ်သက်လို့ အာမခံချက် တခုခု ရဖို့ကို မျှော်လင့် နေကြပါတယ်။

ဇူလိုင် ၇ လှုပ်ရှားမှု သတင်း မထုတ်ပြန်ဖို့ ညွှန်ကြား

7 July အထိမ်းအမှတ် သတင်းဟာ ထိရှလွယ်တဲ့ သတင်းမျိုး ဖြစ်တာကြောင့် စာပေစိစစ်ရေးက ပိတ်ပင်

၁၉၆၂ ခုနှစ် ဇူလိုင်လ ၇ ရက်နေ့က ကျောင်းသား လှုပ်ရှားမှုကို ဖြိုခွဲခဲ့ပြီး နောက်တနေ့မှာ သမဂ္ဂ အဆောက်အဦးကို ဖြိုချခဲ့တဲ့ နှစ် ၅၀ ပြည့် သတင်းနဲ့ လှုပ်ရှားမှုတွေကို မထည့်ဖို့ စာပေစိစစ်ရေးက ပြည်တွင်းထုတ် သတင်း ဂျာနယ်တွေ ကို ညွှန်ကြားထား ပါတယ်။

ပြန်ကြားရေး ဝန်ကြီးဌာန လက်အောက်မှာ ရှိနေဆဲ ဖြစ်တဲ့ စာပေစိစစ်ရေးက ဒီသတင်းဟာ ထိရှလွယ်တဲ့ သတင်းမျိုး ဖြစ်တာကြောင့် မထည့်ဖို့ ညွှန်ကြားထားတာ ဖြစ်တယ်လို့ သိရပါတယ်။

ဇွန်လအကုန်ပိုင်း ကတည်းက ဆဲဗင်း ဂျူလိုင် အခမ်းအနား လုပ်မယ်ဆိုလို့ ကြိုပြီး စာပေစိစစ်ရေးကိုတင်တော့ အဲဒီ အသတင်းကို ဆိုင်းငံ့ပေးထားဖို့ ဖုန်းဆက် အကြောင်းကြား လာကြောင်း ဆဲဗင်းဒေး ဂျာနယ် အမှုဆောင် အယ်ဒီတာ ကိုအားမန်က ဘီဘီစီကို ပြောပါတယ်။

နိုင်ငံထဲမှာ လျှပ်စစ်မီးကိစ္စနဲ့ ရခိုင်ပြည်နယ်က ပြဿနာတွေလည်း ရှိနေတာမို့ အခုလို သတင်းမျိုး အစိုးရ အနေနဲ့ မထုတ်ပြန် စေချင်တာ ဖြစ်တယ်လို့ သူက သုံးသပ်ပါတယ်။

ဒါပေမယ့်လည်း ဒုတိယ အပတ်ထဲမှာ ဒီသတင်းနဲ့ ပတ်သက်ပြီး ပုံနှိပ်ပြီးသား ဖြစ်နေလို့ ထုတ်လိုက်တယ်လို့ ကိုအားမန်က ပြောပါတယ်။

စာပေစိစစ်ရေးကို ဖျက်သိမ်းတော့မယ်လို့ သတင်းတွေ ထွက်နေပေမယ့် လောလောဆယ်တော့ ဂျာနယ်တွေအနေနဲ့ ပုံမှန်အတိုင်း ဆက်လက် ဆောင်ရွက် နေရဆဲ ဖြစ်တယ်လို့ သူကဆိုပါတယ်။

ပုံနှိပ်ဥပဒေသစ် လွှတ်တော်တွင် တင်ပြ ဆွေးနွေးတော့မည်

By ကိုရဲကျော်အောင်

• အခုတကြိမ် ကျင်းပနေတဲ့ စတုတ္ထအကြိမ် လွှတ်တော် အစည်းအဝေးမှာ ၁၉၆၂ ခုနှစ် ပုံနှိပ်ဥပဒေ နေရာမှာ အစားထိုးမယ့် ပုံနှိပ်ဥပဒေသစ်ကို တင်ပြ ဆွေးနွေးမှာ ဖြစ်တယ်လို့ ညွှန်ကြားရေးမှူးချုပ် ဦးရဲထွဋ်က ပြောပါတယ်။ ဒါပေမဲ့ ဒီ ပုံနှိပ် ဥပဒေသစ်နဲ့ အဲဒီအထဲမှာပါတဲ့ စာနယ်ဇင်းကောင်စီ ဖွဲ့စည်းရေး ကိစ္စတွေနဲ့ ပတ်သက်လို့ သူတို့အနေနဲ့ ကြိုတင် သိခွင့်မရဘူးလို့ စာနယ်ဇင်း သမားတွေက ထောက်ပြ ပြောဆိုနေကြပါတယ်။ ဒီအကြောင်းကိုတော့ ဆက်သွယ် စုံစမ်းထားတဲ့ ကိုရဲကျော်အောင်က ရန်ကုန်မြို့ကနေ သတင်းပေးပို့ထားပါတယ်။

စတုတ္ထအကြိမ် လွှတ်တော် အစည်းအဝေး ကျင်းပနေစဉ်မှာ ပုံနှိပ်ဥပဒေ (press law) ကို ချပြ ဆွေးနွေးနိုင်ဖို့အတွက် သက်ဆိုင်ရာ ၀န်ကြီးဌာန ကနေ အစိုးရအဖွဲ့ကို မူကြမ်းတင်ပြထားပြီး အစိုးရအဖွဲ့က အတည်ပြု တယ်ဆိုရင် လွှတ်တော်ကိုတင်ပြသွားမှာ ဖြစ်တယ်လို့ ပြန်ကြားရေးဝန်ကြီးဌာနက ညွှန်ကြားရေးမှူးချုပ ဦးရဲထွဋ် က အခုလို ပြောပါတယ်။

“မှန်ပါတယ်။ အခုဗျာ ကျနော်တို့ အစိုးရအဖွဲ့ကို မူကြမ်း တင်ပြထားပါတယ်။ အစိုးရအဖွဲ့က အတည်ပြုလို့ရှိရင် အဲဒါကို လွှတ်တော်ကို ဆက်ပြီးတော့ တင်ပြမှာဖြစ်ပါတယ်။ ကျနော်တို့ အခု ကျင်းပနေတဲ့ ပြည်ထောင်စု လွှတ်တော် အစည်းအဝေးမှာ ကျနော်တို့ တင်ပြဖို့အတွက် ပြင်ဆင်နေပါတယ်ခင်ဗျ။”

၁၉၆၂ ခုနှစ် ပုံနှိပ်ဥပဒေကို အစားထိုးမယ့် ပုံနှိပ်ဥပဒေ အသစ်မှာ စာနယ်ဇင်း သမားတွေနဲ့ သက်ဆိုင်မယ့် အချက်တွေ၊ စာနယ်ဇင်းကောင်စီ တရပ် ဖွဲ့စည်းဖို့ ကိစ္စတွေ၊ ထုတ်ဝေခွင့်ဆိုင်ရာ ကိစ္စရပ်တွေ ပါဝင်မယ်လို့ ပြန်ကြားရေးဝန်ကြီးဌာနက ပြောပါတယ်။

စာပေစိစစ်ရေး မရှိတော့ တဲ့အခါမှာ တိုင်ကြားလာမယ့် ကိစ္စရပ်တွေကို ဖြေရှင်းဖို့ စာနယ်ဇင်း ကောင်စီတရပ် အမြန်ဖွဲ့ဖို့ ပြန်ကြားရေးဝန်ကြီးဌာနက ဆိုထားတယ်လို့လည်း သိရပါတယ်။

ဇူလိုင်လထဲမှာ စာပေစိစစ်ရေးဌာန ရဲ့ လုပ်ငန်းစဉ်တွေကို ရပ်ဆိုင်းမယ်လို့ ဆိုထားပေမဲ့ အခုထိ မရပ်ဆိုင်း သေးတာဟာ စာနယ်ဇင်း သမားတွေ အားလုံးပါဝင်တဲ့ အမတေ စာနယ်ဇင်းကောင်စီ တရပ် မပေါ်ပေါ်က်သေးတာကြောင့် ဖြစ်တယ်လို့ ဦးရဲထွဋ်က အခုလိုပြောပါတယ်။

“ဇူလိုင် မတိုင်ခင်မှာ ဖျက်သိမ်းမယ်လို့ ပြောတဲ့ကိစ္စဗျာ၊ ပထမ ကျနော်တို့  ၀န်ကြီးက ရည်မှန်းထားတာတော့ အမတေ စာနယ်ဇင်း ကောင်စီတခု၊ လွတ်လပ်တဲ့ အမတေ စာနယ်ဇင်း ကောင်စီတခု ဖွဲ့မယ်၊ ဖွဲ့ပြီးတော့ အဲဒီ စာနယ်ဇင်းကောင်စီ ပေါ်တာနဲ့ ဆင်ဆာ တင်စရာမလိုတဲ့ ထုတ်ဝေခွင့်ပေးမယ်။ ကျနော်တို့က စာပေစိစစ်ရေး မရှိတော့ဘူးဆိုရင် ဒီရေးသားချက်တွေနဲ့ ပတ်သက်လို့ တိုင်ကြားလာတဲ့ဟာတွေ၊ စောဒကတက်တဲ့ဟာမျိုး ဖြေရှင်းမယ့် အဖွဲ့တခု ရှိဖို့ လိုတယ်ဗျ။ အဲဒီအဖွဲ့တခု ရှိဖို့ဆိုတော့ ကျနော်တို့ အဲဒါလေးကို ဖွဲ့ဖို့ဆိုတော့ ၀န်ကြီးကိုယ်တိုင် ကျနော်တို့ စာနယ်ဇင်းလောကသားတွေနဲ့ တွေ့ပြီးတော့မှ တောင်းမှ။ အမည်စာရင်းတွေတောင်းတော့ တချို့လည်းပေးတယ်။ တချို့လည်း မပေးတော့ ကျနော်တို့ နည်းနည်းလေး ကြန့်ကြာသွားတာပေါ့။ အဲဒီလို အခြေအနေ ဖြစ်နေလို့ပါ။”

ပုံနှိပ် ဥပဒေသစ် ပြဌာန်းပြီးရင် နည်းဥပဒေတွေကိုလည်း အမြန်ဆုံး ထွက်ရှိလာဖို့ ပြန်ကြားရေး ၀န်ကြီးဌာနက ပြင်ဆင်နေတယ်လို့လည်း ဦးရဲထွဋ်က ပြောပါတယ်။ စာနယ်ဇင်းကောင်စီတရပ် အမြန် ဖွဲ့ဖို့ ကြန့်ကြာနေတာကြောင့် စာပေစိစစ်ရေးကို မရုပ်သိမ်းသေးတာလို့လည်း ဦးရဲထွဋ်က ပြောခဲ့ပါသေးတယ်။

ပြန်ကြားရေးဝန်ကြီးဌာနက တာဝန်ယူပြီး ရေးဆွဲနေတဲ့ ဒီပုံနှိပ်ဥပဒေသစ်ကို လက်ရှိ စာနယ်ဇင်း လောကသားတွေအနေနဲ့ ကြိုတင် သိရှိခွင့်မရတဲ့ ကိစ္စနဲ့ ပတ်သက်လို့ အပတ်စဉ်ထုတ် Open သတင်းဂျာနယ်ရဲ့ အယ်ဒီတာချုပ်တဦးဖြစ်တဲ့ ဦးသီဟစော က ဗွီအိုအေ ကို အခုလို ပြောပါတယ်။

“မီဒီယာ ဥပဒေသစ်ပေါ့နော်၊ ဒီဟာက နှစ်မျိုး သုံးမျိုး ရှိတာပေါ့။ Online မီဒီယာ၊ Print မီဒီယာ၊ Broadcast မီဒီယာ။ Broadcast မီဒီယာနဲ့ ပုံနှိပ် မီဒီယာ ဥပဒေတော့ အသစ်ပြန်ရေးတယ်လို့ ပြောတယ်။ ဒါပေမဲ့ အဲဒါက လောလောဆယ်မှာတော့ သက်ရောက်မှု မရှိသေးဘူးပေါ့နော်။ လက်ရှိ လွှတ်တော် ဥပဒေတွေအရဆိုရင် ၀န်ကြီးဌာနကို ဥပဒေကြမ်းကို ရေးတယ်၊ ရှေ့နေချုပ်ရုံးကို တင်မယ်၊ နောက် ပြန်ကျတယ်။ နောက် second draft လုပ်တယ်။ ပြီးတော့မှ အဲဒါကို လွှတ်တော် တင်တယ်။ လွှတ်တော်ကိုရောက်တော့ လွှတ်တော် ကိုယ်စားလှယ်တွေ လက်ထဲကို ရောက်မှ လွှတ်တော်က အတည်ပြုမယ် မပြုဘူး သိရမယ်ပေါ့နော်။ အဲဒီတော့ ရေးတဲ့သူတွေ လက်ထဲမှာ ဘာတွေ ရေးနေလဲ မသိရဘူးပေါ့။ အဲဒီလို အခြေအနေ ရှိတယ်။ တခုတော့ ရှိတယ်။ ပြီးခဲ့တဲ့ မီဒီယာနဲ့ ပတ်သက်တဲ့ ဆွေးနွေးမှုတွေပေါ့နော်။ ဇန်န၀ါရီ တုန်းက လုပ်ခဲ့တာရှိတယ်။ တာဝန်ရှိသူတွေက နည်းနည်းပါးပါး ရှင်းပြတယ်။ ဒါပေမဲ့ သူက ခေါင်းစဉ်လောက်ပဲ ရှင်းပြပြီးတော့ အထဲကဟာတွေ အသေးစိတ်က မသိရဘူး။ အဲဒီတော့ မီဒီယာ လောက ကလူတွေနဲ့ တခြား လွှတ်တော်အမတ်တွေက စိတ်တော့ ၀င်စားတယ်။ ဒါပေမဲ့ မသိရသေးတဲ့အခါမှာ ဒါကို ကြိုက်တယ် မကြိုက်ဘူး ပြောဖို့ တော်တော် ခက်တာပေါ့။ အဲဒါက လွှတ်တော်ကို စတင်တဲ့အခါမှာ လွှတ်တ်ာမှာ ရေးရာ ကော်မတီ ဆိုတာ ရှိတယ်။ ပြည်သူ့လွှတ်တော်မှာရော၊ အမျိုးသား လွှတ်တော် မှာရောပေါ့နော်။ ပြည်သူ့လွှတ်တော် ရေးရာကော်မတီက ဒီကိစ္စကို စိတ်ဝင်စားတယ်။ သူတို့ကလည်း သူတို့ ရပြီဆိုတော့ သူတို့လက်ထဲကို ရောက်ပြီဆိုရင်တော့ ပြည်သူလူထုကို ပြလို့ရပြီပေါ့။ အခု ဥပဒေကြမ်း ဆိုတာက အတည်တော့ မပြုရသေးဘူး။ ဒါပေမဲ့ လွှတ်တော် ကိုယ်စားလှယ်တွေ လက်ထဲကို ရောက်ပြီဆိုတဲ့ အဆင့်ပေါ့နော်။ အဲဒီလိုမျိုးကျမှ ဖြစ်ကောင်းဖြစ်နိုင်မယ်။ အခု မီဒီယာ လော ကတော့ ဘာမှလည်း မမြင်ရသေးဘူး။”

၁၉၆၂ ခုနှစ် ပုံနှိပ်ဥပဒေ ကို အစားထိုးမယ့် ပုံနှိပ်ဥပဒေ အသစ်ကို ပြည်သူ့လွှတ်တော်ရဲ့ရေးရာကော်မတီတခုက စိတ်ဝင်စားပေမဲ့လည်း အဆိုပါ ပုဂ္ဂိုလ်တွေရဲ့ လက်ထဲတောင် မရောက်သေးတဲ့အတွက် ချပြဆွေးနွေးမှုတွေ မပြုလုပ်နိုင်သေးဘူးလို့ ဦးသီဟစောက ဆိုပါတယ်။

ပုံနှိပ်ဥပဒေ အသစ် ပြဌာန်းပြီးချိန်မှာ စာပေစိစစ်ရေးဌာန အနေနဲ့ စာပေတွေကို စိစစ်တဲ့ လုပ်ငန်းတွေကို ဆက်လက် လုပ်ဆောင်မှာ မဟုတ်တော့ဘဲ မူပိုင်ခွင့် ကိစ္စတွေ၊ ထုတ်ဝေခွင့်ဆိုင်ရာ လုပ်ငန်းစဉ်တွေသာ ဆက်လက် လုပ်ဆောင်သွားမယ်လို့ ပြန်ကြားရေး ၀န်ကြီးဌာနက တာဝန်ရှိသူတွေက ပြောပါတယ်။

ကလေးတွေကို ပြုစုပျိုးထောင်ပေးဖို့ အရေးကြီးဟု ဂျက်ကီချန်းဆို

By ဒေါ်ခင်စိုးဝင်း

• ဟောင်ကောင် ရုပ်ရှင်မင်းသား ဂျက်ကီချန်း ဟာ UNICEF ကုလသမဂ္ဂ ကလေးများ အရေးပေါ် ရန်ပုံငွေအဖွဲ့ရဲ့ ချစ်ကြည်ရေး သံအမတ်ကြီးအဖြစ်နဲ့ မြန်မာနိုင်ငံကို ၃ ရက်ကြာ ခရီးရောက်ရှိခဲ့ပြီး ကလေးများ လူကုန်ကူးမှု အန္တရာယ်ကာကွယ်ရေး ဆောင်ရွက်မှုတွေကို လေ့လာခဲ့ပါတယ်။ ဂျက်ကီချန်းရဲ့ မြန်မာနိုင်ငံခရီးစဉ် အပေါ် သုံးသပ်ချက်ကိုတော့ ဒေါ်ခင်စိုးဝင်းက က တင်ပြထားပါတယ်။

မြန်မာနိုင်ငံကို ဇူလိုင်လ ၅ ရက် ကြာသပတေးနေ့ နေ့လယ်ပိုင်းက ရောက်ရှိလာတဲ့ ဟောင်ကောင် ရုပ်ရှင်မင်းသား ဂျက်ကီချန်း ဟာ လူမှုဝန်ထမ်း ၀န်ကြီးဌာနနဲ့ မန္တလေးမြို့က လူကုန်ကူးမှု တိုက်ဖျက်ရေးဆိုင်ရာ ရဲတပ်ဖွဲ့ တာဝန်ရှိသူတွေနဲ့ တွေ့ဆုံ ဆွေးနွေးခဲ့ပါတယ်။ လူကုန်ကူးခံရတဲ့ ကလေးတွေ၊ မိဘမဲ့ကလေးတွေနဲ့ အိပ်ခ်ျအိုင်ဗွီ ရောဂါပိုး ကူးစက်ခံနေရတဲ့ ကလေးတွေနဲ့လည်း ဂျက်ကီချန်းက တွေ့ဆုံ အားပေးခဲ့ပါတယ်။ UNICEF ရဲ့ ချစ်ကြည်ရေး သံအမတ်ကြီးအဖြစ်နဲ့ ကလေးတွေရဲ့ အနာဂတ်အတွက် သူ့ရဲ့ ကြိုးပမ်းမှုနဲ့ ပတ်သက်ပြီး အေပီသတင်းဌာနနဲ့ သီးသန့်တွေ့ဆုံခန်းမှာ ဂျက်ကီချန်းက အခုလို ပြောသွားပါတယ်။

“ဗီယက်နမ်၊ ကမ္ဘောဒီယား၊ မြန်မာ စတဲ့ ဘယ်နိုင်ငံကိုပဲ သွားသွား အရေးကြီးဆုံး ကျနော် ပြောချင်တာကတော့ မေတ္တာ ထားကြဖို့ပါပဲ။ အေးအတူပူအမျှ စည်းလုံးညီညွတ်ကြဖို့ လိုပါတယ်။ ကလေးတွေဟာ ကျနော်တို့ရဲ့ အနာဂတ် ဖြစ်တာကြောင့် ကလေးတွေကို စောင့်ရှောက်ကြရမယ်၊ ပြုစုပျိုးထောင် ကြရပါမယ်။ ကျနော် ငယ်ငယ်က ပညာကောင်းကောင်း မသင်ခဲ့ရပါဘူး။ ဒါ့ကြောင့် ကမ္ဘာတ၀န်းက ကလေးတွေ၊ အထူးသဖြင့် တရုတ်ပြည်က ကလေးတွေရဲ့ ပညာရေးကို အားပေးရင်း စာသင်ကျောင်း ၂၇ ကျောင်း ထူထောင်ပေးခဲ့ပါတယ်။ ကလေးတွေဟာ နိုင်ငံတိုင်းအတွက် အနာဂတ် ဖြစ်ပါတယ်။ ဒီကိုလာရတဲ့ ရည်ရွယ်ချက်ထဲမှာ ပညာရေးအတွက် အားပေးဖို့လည်း ပါ ပါတယ်။”

ကလေးတွေ ပညာသင်တဲ့အရွယ်မှာ ကျောင်းမတက်ကြရဘဲ ရောင်းစားခံနေကြရတဲ့ အဖြစ်ဟာ မြန်မာ တနိုင်ငံတည်း မဟုတ်ဘူးလို့ ဂျက်ကီချန်းက ထောက်ပြပါတယ်။ လူကုန်ကူးမှုနဲ့ ပတ်သက်ပြီး သူ ဆက်လက်ပြီး လေ့လာနေတယ်။ ကလေးတွေကို ဘယ်လို ခိုင်းစေနေကြသလဲ ဆိုတာကိုလည်း သူ သိရှိလိုတဲ့အကြောင်း ပြောပါတယ်။ လူကုန်ကူးမှု ပြဿနာဟာ ကမ္ဘာတ၀ှမ်းမှာ ရှိနေဆဲဖြစ်ပြီး အမေရိကန် ပြည်ထောင်စုမှာတောင် ရင်ဆိုင် ဖြေရှင်းနေရဆဲ ဖြစ်တယ်လို့ ဂျက်ကီချန်းက ပြောပါတယ်။ မြန်မာနိုင်ငံနဲ့ ပတ်သက်လို့ သူ အရင်က သိပ်မသိတဲ့အကြောင်းကို ရိုးသား ပွင့်လင်းစွာ အခုလို ပြောပါတယ်။

“မြန်မာနိုင်ငံနဲ့ ပတ်သက်ပြီး အရင်က သတင်းတွေထဲမှာ သိပ်မကြားမိပါဘူး။ မြန်မာဆိုတဲ့ နိုင်ငံနဲ့ ဒေါ်အောင်ဆန်းစုကြည်ကိုပဲ ကျနော် သိပါတယ်။ သတင်းတွေကလည်း စက္ကန့် ၃၀၊ တမိနစ်လောက်သာ မြန်မာအကြောင်း ပါတတ်တာ ဆိုတော့ ကျနော့်အတွက်တော့ မြန်မာဆိုတာ အသစ်အဆန်းတခုပါပဲ။ ဒါ့ကြောင့်လဲ သိချင်တာနဲ့ မြန်မာကိုရွေးပြီး လာခဲ့တာဖြစ်ပါတယ်။ မြန်မာနိုင်ငံအကြောင်းလည်း ပိုပြီး သိချင်လာပါတယ်။ ဒီကိုရောက်တော့ သိပ်ကို အံ့သြမိပါတယ်။ ကြည့်ပါအုံးဗျာ။ သာယာလှပတဲ့ ရေမြေအနေအထား၊ သိပ်ကို ဖော်ရွေကြတဲ့ ဧည့်ဝတ်ကျေပွန်ကြတဲ့ မြန်မာလူမျိုးတွေပါပဲ။ တဘက်နဲ့တဘက် မတိုက်ခိုက်ကြဘဲ အစိုးရကလည်း အားလုံနဲ့အတူတူ လက်တွဲ ဆောင်ရွက်သွားမယ် ဆိုရင်တော့ သိပ်ပြီး သာယာပျော်ရွှင်ဖွယ်ကောင်းတဲ့ နိုင်ငံရဲ့ အနာဂတ်ကို ကျနော်တို့ တွေ့နိုင်ကြမှာ ဖြစ်ပါတယ်။”

၁၉၈၈ ခုနှစ်တုန်းက ဂျက်ကီချန်းဟာ အလှူဒါန ရန်ပုံငွေ အဖွဲ့ကြီး တခုကို ဖွဲ့စည်းခဲ့ပြီးတော့ လူငယ်တွေအတွက် ပညာသင်ဆုတွေကို ချီးမြှင့်နေပါတယ်။

မြန်မာနိုင်ငံမှာ ထောင်နဲ့ချီတဲ့ အရွယ်မရောက်သေးတဲ့ ကလေးတွေ လူကုန်ကူး ရောင်းစားခံရပြီး မြန်မာစစ်တပ်ကရော တိုင်းရင်းသားလက်နက်ကိုင် အဖွဲ့တွေကပါ အဓမ္မကလေးစစ်သားတွေ စုဆောင်းနေတယ်လို့ အမေရိကန် နိုင်ငံခြားရေးဝန်ကြီးဌာန ရဲ့ နှစ်စဉ်လူကုန်ကူးမှု အစီရင်ခံစာမှာ ဖော်ပြထားပါတယ်။ မြန်မာအစိုးရဟာ ကလေးစစ်သား စုဆောင်းတာကို တားမြစ်ပိတ်ပင်လိုက်ပြီး စုဆောင်းထားတဲ့ ကလေးစစ်သားတွေကိုလည်း ပြန်လည် လွှတ်ပေးဖို့အတွက် ကုလသမဂ္ဂနဲ့ ပြီးခဲ့တဲ့ သီတင်းပတ်အတွင်းက သဘောတူ လက်မှတ် ရေးထိုးခဲ့ပြီးဖြစ်ပါတယ်။