အားလုံး တအံ့တသြ တိဗက်

by ဇာ တိ on Thursday, May 10, 2012 at 1:25am 

မီးပွားတွေက ဖွာကနဲ ဖွားကနဲ လွှင့်စင်ကျကုန်တယ်

အလွန်ပဲ အံ့သြထိတ်လန့် ထပ်ပြေးစမ်း

ငါတို့ရဲ့ချဉ်ချင်းတပ်မှုဟာ ငါတို့အတွက် မဟုတ်ဘူးမဟုတ်လား

ငေါကနဲ ငေါကနဲထွက်ကျလာတဲ့ ငါရဲ့သွေးစက်တွေ အတော်လေးကြည့်ရဆိုးစေလား ခေါင်းဆောင်

ဝင်လိုက်ထွက်လိုက်နဲ့ အရိပ်ကြီး သုံးပါးဟာ ရစရာမရှိတော့သလို ပေးစရာလဲ မလိုတော့ဘူး

ငါပြေးအုံးမယ် ဘာမှမမြင်ရတော့တဲ့အခါ ပိုလို့ကောင်းလာလိမ့်မယ်

မီးတောက်တွေကြားမှာ ငါ့ကိုငါကြည့်လို့ကောင်းနေတယ် ငါ့ကိုယုယစွာအကြမ်းဖက်ပါ ပြည်သူ

ငါတို့ဟာ အမြဲတမ်းလုပ်ကြံမှုတွေနဲ့ နေသားကျ

ဒီထက်ကောင်းတဲ့ဘ၀ကိုရဖို့ ငါခဏတာသေဆုံးခြင်းဖြစ်တယ်

ပြည်သူဟာ ငါပဲ ငါဟာ ပြည်သူပဲ လက်လွတ်စပယ်တော့သေလို့မဖြစ်ဘူး

ဒါပေမဲ့ ပြည်သူ့အတွက်ကားစင်တက်မယ် အဲ့ဒီကိစ္စအဆင်ပြေသွားမယ်ဆိုရင်ပေါ့

ငါ့ကိုငါ လုပ်ကြံဖျက်စီးပစ်လိုက်မယ် ခေါင်းဆောင် ရွရွလေးတက်လာတာမဟုတ်

အဲ့ဒီမီးညွှန့်တွေဟာ ငါ့အရေပြားကိုလောင်ကျွမ်းပူလောင်စေတာထက် အဲ့ဒီနည်းဥပဒေဟာ ပိုဆိုးဝါးတယ်

ခေါင်းဆောင် မုန်းတီးခြင်းအလျင်းမရှိ ရန်လိုခြင်းလုံးဝ မရှိပေမဲ့ ဘာကိုမှ ငါမကျေနပ်ဘူး

မြင်အောင်ကြည့်ပါ ဘာကိုမဆို ထွက်ပေါက်တွေဟာ ကိုယ်တိုင်ဖွင့်မှ ရမှာမဟုတ်လား

ငါဟာသူရဲဘောမကြောင်ပေမယ့် ငါဟာသူရဲသဘက်ဆန်ခဲ့ရတယ်

ခုလောလောဆည်တော့ ပြေးလို့ရနေသေးတယ် ငါ့နောက်ကပြည်သူတွေအတွက် ငါဆက်ပြေးရအုံးမယ် အဝေး

ဘုရားသခင် ဒီနေရာကနေ အမြန်ဆုံးထွက်သွားပါ

သူရဲကောင်းတစ်ယောက်အတွက် ခင်ဗျားဟာမလိုအပ်ဘူး

ဒါပေမဲ့ငါဟာ မိုက်ရူးရဲဆန်လွန်းတဲ့ သူရဲကောင်းတစ်ယောက်သာဖြစ်တယ်

ငါ့ရဲ့ဖြစ်တည်မှုတွေဟာ ငါ့ကိုမယုံနိုင်လောက်အောင် လန့်ဖြန့်နေရှာတယ်

အသံတွေ ညှို့မှောင်နွမ်းလျ ခေါ်သံတွေ နာကျည်းမှုနဲ့အတူ ငါ့ရဲ့မျက်ဝါးထင်ထင် ဖြစ်ပျက်မှုတွေ

ငါဟာမီးကိုဂုပ်ခွစီးစေခဲ့တယ် ငါဟာပြည်သူတွေကို ဂုပ်ခွစီးစေခဲ့တယ်

ပြီးတော့ ငါတို့အားလုံးကို ဂုပ်ခွစီးသွားတဲ့ ခေါင်းဆောင် ရောက်ရာအရပ်က ပူလောင်ပါစေသား။

  

ဇာတိ(ဖျာပုံ)

12:15AM

10.5.2012

zartipyapon@gmail.com