11.05.2012 နေ့ဖတ်ရန်သတင်းများ

by Myanmar Journal on Thursday, May 10, 2012 at 4:34pm 

မူးယစ်ရာဇာ စိုင်းနော်ခမ်းမူးယစ်ရာဇာ စိုင်းနော်ခမ်းကိုတရုတ်လက်လွှဲ

မူးယစ်ရာဇာ စိုင်းနော်ခမ်းကို လောနိုင်ငံက ပြီးခဲ့တဲ့ လကုန်ပိုင်းက ဖမ်းဆီး ရမိထားတာ ဖြစ်ပြီး ဒီကနေ့မှာဘဲ တရုတ် အစိုးရကို တရားဝင် လွဲပြောင်း ပေးလိုက်ပြီ ဖြစ်ပါတယ်။ ရှမ်းလူမျိုး စိုင်းနော်ခမ်းဟာ ရှမ်းပြည်အရှေ့ပိုင်း ရွှေတြိဂံ နယ်မြေ မဲခေါင် မြစ်ကြောင်း တလျှောက်မှာ ကျက်စားနေတာဖြစ်ပါတယ်။

မူးယစ်ဆေးဝါး ရောင်းဝယ်မှုအပါအဝင် မြန်မာနဲ့တရုတ် လုံခြုံရေးတပ်ဖွဲ့တွေကို ပစ်ခတ်မှု၊ မဲခေါင်မြစ်ထဲ သွားလာနေတဲ့ တရုတ် ကုန်တင်သင်္ဘောတွေကို ဆက်ကြေး ကောက်မှု၊ သတ်ဖြတ်မှုတွေ နဲ့ ထိုင်း၊ မြန်မာ၊ လောနဲ့ တရုတ် နိုင်ငံတွေက ဖမ်းဝရမ်း ထုတ်ထား တဲ့သူဖြစ်ပါတယ်။

သူ့ကို ဖမ်းထားတဲ့ လောနိုင်ငံက တရုတ် အစိုးရကို လွဲပြောင်းပေးလိုက်တာ နဲ့ပတ်သက်ပြီး ထိုင်း မူးယစ်ဆေးဝါး တိုက်ဖျက်ဌာနက ဒုတိယအတွင်းရေးမှူး စူခုမ် အိုးဖတ်နိဖတ် က နော်ခမ်းကို မြန်မာ၊ ထိုင်းနဲ့တရုတ် နိုင်ငံတို့က အလိုရှိနေတဲ့သူဖြစ်တဲ့ အကြောင်း၊ ဖမ်းဆီး ရမိထားတဲ့ လောနိုင်ငံက ဘယ်နိုင်ငံ ကို ပေးမလဲဆိုတာ ဆုံးဖြတ် ပိုင်ခွင့်ရှိတဲ့ အကြောင်း အခုတော့ တရုတ် နိုင်ငံကို လွဲပြောင်း ပေးလိုက်ပြီဖြစ်တဲ့ အကြောင်း ဘယ်နိုင်ငံကိုဘဲ လွဲပြောင်းပေး လွဲပြောင်းပေး အရေးကြီးတာက မူးယစ်ဆေးဝါး အပါအဝင် ရာဇဝတ်မှု ကျူးလွန်တဲ့ နော်ခမ်းကို အရေးယူနိုင် ဖို့ ဘဲဖြစ်တယ်လို့ ဘီဘီစီ ပြောသွားတာ ဖြစ်ပါတယ်။

မူးယစ်ရာဇာ နော်ခမ်းကို ဖမ်းဆီးရမိတယ် ဆိုပေမယ့်လည်း ထိုင်း နိုင်ငံထဲကို မူးယစ်ဆေးဝါး တွေ က အလုံးအရင်းနဲ့ ဝင်လာနေတုန်း ဖြစ်ပါတယ်။ ထိုင်းနိုင်ငံအတွင်းမှာ ပြီးခဲ့တဲ့ ရက်ပိုင်းတွေ အတွင်း ယာဘ စိတ်ကြွဆေးပြားတွေ သိန်းနဲ့ သန်းနဲ့ဖမ်းဆီးရမိခဲ့ပါတယ်။

ဒီလို ဖမ်းဆီးရမိ တာဟာ ထိုင်းနိုင်ငံမှာ မူးယစ်ဆေးဝါး နှိမ်နှင်းရေးကို ပိုမို လုပ်လာတာကြောင့်ဖြစ်တယ်လို့ ထိုင်းမူးယစ်ဆေးဝါး တိုက်ဖျက်ဌာနက ဒုတိယအတွင်းရေးမှူး စူခုမ် အိုးဖတ်နိဖတ် ပြောပါတယ်။ 

ချန်ဂွမ်ချန်း ရဲ့ ဆွေမျိုးတွေ ဖိနှိပ်မှုခံရချန်ဂွမ်ချန်း ရဲ့ ဆွေမျိုးတွေ ဖိအားပေးခံရ

တရုတ်အာဏာပိုင်တွေ က မျက်မမြင် အတိုက်အခံ ရှေ့နေ ချန်ဂွမ်ချန်း ရဲ့ မိသားစုဝင် တွေ ကို ဖိအား ပေးမှုတွေ ပိုမို တိုးမြင့် လုပ်လာတဲ့ အကြောင်း သတင်းတွေ ထွက်လာပါတယ်။

သူဟာ အိမ်ချုပ် ကနေ ထွက်ပြေးပြီး အမေရိကန် သံရုံးထဲ ခိုလှုံခဲ့ပါသေးတယ်။

မစ္စတာ ချန်းဟာ အမေရိကန် ပြည်ထောင်စုမှာ ပညာ ဆက်သင်ရအောင် တရုတ်အာဏာပိုင်တွေ ဆီက ခွင့်ပြုချက်ကို စောင့်နေတါပါ။ ဒါပေမယ့် ကျန်ရစ်မယ့် တဆွေမျိုးတွေ အတွက်လည်း သူက စိတ်ပူနေပါတယ်။

မစ္စတာ ချန်း ရဲ့ တူ တဉီး ဆိုရင် သူ့အိမ် ကို ဖေါက်ထွင်းဝင်လာသူ အရာရှိတွေ ကို ဓါး နဲ့ ကာကွယ်တာကို လူသတ်ရန် ကျူးလွန်မှု နဲ့ အမှုရင်ဆိုင်နေရကြောင်း သူ့ရှေ့နေ က ပြောပါတယ်။ နောက်ထပ် ဆွေမျိုး ၁ဝ ဉီး ခန့် ဟာလည်း အိမ်ချုပ်ကျနေသလို မစ္စတာ ချန်း ရဲ့ ဇာတိမြို့ ရှန်ဒေါင်းခရိုင် မှာ အမှုရင်ဆိုင်ရတာတွေ ရှိနေကြပါတယ်။

ဒီတိုက်ခိုက်မှုဟာ အသေအပျောက် အများဆုံး တိုက်ခိုက်မှုဖြစ်ဆီးရီးယားမြို့တော်မှာ ဗုံးဖေါက်ခွဲ တိုက်ခိုက်မှုတွေဖြစ်

ဆီးရီးယားနိုင်ငံ ဒမာ့စကပ်စ်မြို့တော်မှာ ဗုံးဖေါက်ခွဲ တိုက်ခိုက်မှုနှစ်ခု ဖြစ်ပွားခဲ့ရာမှာ လူ၅၀ကျော် သေဆုံးပြီး လေးရာနီးပါး ဒဏ်ရာရသွားပါတယ်။

မနက်ဖက် ကျောင်းတက် ရုံးတက်ချိန် ဒမာ့စကပ်စ်မြို့ တောင်ဘက်ပိုင်း ထောက်လှမ်းရေးရုံး အဆောက်အအုံတခုနားက ယာဉ်အသွားအလာ ရှုပ်ထွေးတဲ့ လမ်းမကြီး ပေါ်မှာ ဒီပေါက်ကွဲမှုတွေ ဖြစ်ပွားခဲ့တာ ဖြစ်ပြီး အစိုးရ ဆန့်ကျင် ဆန္ဒပြမှုတွေ စဖြစ်ခဲ့တဲ့ လွန်ခဲ့တဲ့ တနှစ်ကျော်အတွင်း ဒမာ့စကပ်စ်မြို့မှာ လူအသေအပျောက် အများဆုံး တိုက်ခိုက်မှုတွေလို့ ဆိုနိုင်ပါတယ်။

ထိခိုက်သေဆုံးခဲ့သူ အများစုဟာ ရုံးတက် ကျောင်းတက်ဖို့ သွားနေသူတွေ ဖြစ်ပါတယ်။

လမ်းမကြီးပေါ်မှာ တွန့်လိမ် ပျက်စီးနေတဲ့ မော်တော်ယာဉ် အတော်များများ ပြန့်ကျဲနေတာ တွေ့ရပါတယ်။

ဒမာ့စကပ်စ်မြို့ ဆေးရုံက ဆရာဝန်တဦးကတော့ ဆေးရုံကို ရောက်လာတဲ့ လူနာတွေရဲ့ ဒဏ်ရာတွေဟာ အတော့်ကို ပြင်းထန်ပြီး သူမြင်ဘူးသမျှ အရေးပေါ် ကယ်ဆယ် ကုသမှုတွေ ထဲမှာ အဆိုးဝါးဆုံး ဖြစ်တယ်လို့ ပြောပါတယ်။

ရေခဲတိုက်ကို ရောက်လာတဲ့ အလောင်းတွေအားလုံး ခြေပြတ်လက်ပြတ် ဖြစ်နေပြီး မီးကျွမ်း နေတာ တွေ့ရပါတယ်။

ရုပ်မြင်သံကြားမှာ ဖေါ်ပြတဲ့ သတင်းတွေအရ ဒါဟာ အကြမ်းဖက်သမားတွေရဲ့ တိုက်ခိုက်မှုလို့ ပြောပါတယ်။

အတိုက်အခံဘက် ဖြစ်တဲ့ ဆီးရီးယား အမျိုးသား ကောင်စီကတော့ ဒီတိုက်ခိုက်မှုကို အစိုးရက နောက်ကွယ်ကနေ လုပ်ခဲ့တာ ဖြစ်ပြီး ကုလသမဂ္ဂ ရဲ့ ငြိမ်းချမ်းရေး အစီအစဉ် မအောင်မြင်ဘူး ဆိုတာကို သက်သေပြချင်တဲ့ သဘောနဲ့ လုပ်တာလို့ ဆိုပါတယ်။

ဆီးရီးယားနိုင်ငံမှာ ဒီလို တိုက်ခိုက်မှုတွေ ဖြစ်ပွားတိုင်းမှာ အမြဲလိုလို လေသံ နှစ်မျိုး ထွက်လေ့ ရှိပါတယ်။

ဒါပေမယ့် ဒီတိုက်ခိုက်မှုတွေကို ဘယ်သူပဲ လုပ်ခဲ့၊ လုပ်ခဲ့ အခုလို မနက်ပိုင်း ကျောင်းတက် ရုံးတက်ချိန်မှာ လုပ်ခဲ့တာကိုကြည့်ခြင်းအားဖြင့် ထိခိုက်သေဆုံးမှု များနိုင်သမျှ များအောင် တမင် ရည်ရွယ် လုပ်ခဲ့တာကို တွေ့ရပါတယ်။

အခင်း ဖြစ်ပွားခဲ့တဲ့ နေရာကို ကုလသမဂ္ဂ စစ်ဘက်ဆိုင်ရာ လေ့လာ စောင့်ကြည့်ရေးအဖွဲ့ အကြီးအကဲ ဗိုလ်ချုပ် Robert Mood ကိုယ်တိုင် လာရောက် ကြည့်ရှုသွားပါတယ်။

ဒီတိုက်ခိုက်မှုတွေဟာ မနှစ်မြို့စရာကောင်းတဲ့ အကြမ်းဖက်မှု လုပ်ရပ်တခု ဖြစ်ပြီး ဒီလို အကြမ်းဖက် တိုက်ခိုက်မှုတွေ လုပ်ခြင်းအားဖြင့် အမျိုးသမီးတွေ၊ ကလေးငယ်တွေအပါအဝင် ဆီးရီးယား ပြည်သူတွေကို ပိုဒုက္ခရောက်အောင် လုပ်သလိုပဲ ဖြစ်နေတယ် ဆိုတာကို ဆီးရီးယား ပြည်တွင်း ပြည်ပက လူအားလုံး သဘောပေါက်ဖို့ လိုတယ်လို့ သူက ပြောသွားပါ တယ်။

ဒုသမ္မတ နားခွင့် တောင်းတာ မှန်တယ်လို့ မိသားစုပြော

မြန်မာ ဒုတိယ သမ္မတ ကျန်းမာရေးကြောင့် အနားယူမယ် ဆိုတဲ့ သတင်းတွေ ထွက်နေ

ပြည်ထောင်စု သမ္မတ မြန်မာ နိုင်ငံ ဒုတိယ သမ္မတ ၁ သီဟ သူရ ဦးတင်အောင် မြင့်ဦးဟာ ကျန်းမာရေးအရ တာဝန်ကနေ အနားယူ ခွင့်တောင်း ထားတယ်ဆိုတဲ့ သတင်းဟာ မှန်ကန်တယ်လို့ Weekly Eleven ဂျာနယ်ရဲ့ အယ်ဒီတာချုပ် ကိုဝေဖြိုး က ဘီဘီစီကို ပြောပါတယ်။

ဒုတိယ သမ္မတ ၁ သီဟသူရ ဉီးတင်အောင် မြင့်ဉီး တာဝန် ကနေ အနား ယူခွင့် တောင်းထားတယ် ဆိုတဲ့ သတင်းတွေ ပြီးခဲ့တဲ့ သီတင်းပတ်က ထွက်ပေါ်ခဲ့ ပေမဲ့ အတည် ပြုနိုင်ခြင်း မရှိခဲ့ပါဘူး။

လောလောဆယ် ရဟန်း ဝတ်နေတဲ့ သီဟသူရ ဦးတင်အောင် မြင့်ဦးဟာ ရဟန်းဘောင်ကို ခေတ္တ မဝင်ရောက်ခင် မေလ ၃ ရက်နေ့က တာဝန်ကနေ အနားယူခွင့် တောင်းတဲ့ စာကို နိုင်ငံတော် သမ္မတ အပါအဝင် တာဝန်ရှိသူ တွေဆီ ပေးပို့ ခဲ့တယ်လို့ မိသားစုနဲ့ နီးစပ်သူဆီက သိရတယ်လို့ ကိုဝေဖြိုးက ပြောပါတယ်။

ကိုဝေဖြိုးရဲ့ အဆိုအရ ဒုတိယ သမ္မတ အနားယူခွင့် တောင်းတာဟာ ကျန်းမာရေး ကြောင့် သက်သက်သာ ဖြစ်ပြီး တခြား နိုင်ငံရေး အကြောင်း တွေကြောင့် မဟုတ်ဘူး လို့လည်း သိရ ပါတယ်။

ပြည်တွင်း သတင်း ဂျာနယ်တွေမှာ ဒီသတင်း မရေးဖို့လည်း စာပေ စီစစ်ရေးက ပိတ်ပင် သတိ ပေးခဲ့ တာတွေ ရှိခဲ့ ပါတယ်။ ဒါပေမဲ့ သူတို့ ရတဲ့ သတင်းတွေကို အခြေခံပြီး ခိုင်မာတဲ့ အတွက် Eleven Media ရဲ့ ကြာသပတေး နေ့ထုတ် အွန်လိုင်း သတင်း ထဲမှာ ရေးသား တာလို့ အယ်ဒီတာချုပ်က ပြောပါတယ်။

ဒုတိယ သမ္မတ သီဟသူရ ဦးတင်အောင် မြင့်ဦး တကယ်ပဲ ကျန်းမာရေး အရ အနားယူ သွားရင် သူ့နေရာကို ဆက်ခံ လာနိုင်ဖွယ် ရှိသူတွေကို ထင်ကြေးတွေ အမျိုးမျိုး ပေးနေ ကြတဲ့အထဲမှာ ပြည်သူ့ လွှတ်တော် ဥက္ကဌ သူရ ဦးရွှေမန်း ပြည်ထောင်စု ရွေးကောက်ပွဲ ကော်မရှင် ဥက္ကဌ ဦးတင်အေး၊ ကြံ့ခိုင်ဖွံ့ဖြိုးရေး ပါတီ အထွေထွေ အတွင်းရေးမှူး ဦးဌေးဦး၊ ကာကွယ်ရေး ဝန်ကြီး ဌာနက ဗိုလ်ချုပ်ကြီး လှဌေးဝင်း၊ ပြည်ထဲရေး ဝန်ကြီး ဒုတိယ ဗိုလ်ချုပ်ကြီး ကိုကို စတဲ့သူတွေ ပါတယ်လို့ အဲဒီ သတင်းမှာ ရေးထား ပါတယ်။

ဗိုလ်ချုပ်စောလှပယ်ဒီကေဘီအေ သတင်းစာရှင်းလင်းပွဲ

ထိုင်းနိုင်ငံက မူးယစ်ဆေးဝါးနဲ့ ဖမ်းဝရမ်း ထုတ်ပြီး ဆုငွေ ဘတ် ၁ သန်းထုတ် ထားတဲ့ ဒီကေဘီအေ ကလိုထူးဘော ခေါင်းဆောင် ဗိုလ်ချုပ်နှုတ်ခွမ်းမွှေး ခေါ် စောလှပယ်က သူဟာ မူးယစ်ဆေးဝါးနဲ့ ပတ်သက်ခြင်း မရှိဘူးလို့ ပြည်တွင်း၊ ပြည်ပ သတင်းထောက်တွေကို မနေ့မနက်ပိုင်း က ထိုင်း-မြန်မာနယ်စပ် မြဝတီမြို့ရဲ့ တောင်ဘက် ကလို့ထူးဘော ဌာနချုပ် မှာ သတင်းစာ ရှင်းလင်းပွဲ ပြု လုပ်ခဲ့ပါတယ်။ ဗိုလ်ချုပ်နှုတ်ခမ်းမွေးပြောဆိုချက်ကို ထိုင်းဘက်က ပယ်ချလိုက်ပါတယ်။

ဗိုလ်ချုပ်နှုတ်ခမ်းမွှေး က သူထိန်းချုပ်ထားတဲ့ နယ်မြေ ကနေ မူးယစ်ဆေးဝါး သယ်ဆောင်တာတွေ တော့ ရှိခဲ့ဘူးပေမယ့် သူ့အနေနဲ့ မူးယစ်ဆေးဝါး ထုတ်လုပ်မှု ရောင်းဝယ်မှုတွေနဲ့ ပတ်သက်ခဲ့ခြင်း မရှိဘူးလို့ သတင်းစာ ရှင်းလင်းပွဲ မှာ ပြောကြားခဲ့ပါတယ်။ တိကျခိုင်လုံမှု မရှိဘဲ သူကို ထိုင်းနိုင်ငံ က စွပ်စွဲ ထားတာဖြစ်တယ် လို့ ပြောပါတယ်။ မြန်မာအစိုးရနဲ့ ထိုင်းအစိုးရတို့က သူ့နယ်မြေအတွင်း မှာ တရားဝင် လာရောက် လေ့လာ လို့ရတယ်လို့ ပြောကြား ပါတယ်။

ဗိုလ်ချုပ်နှုတ်ခမ်းမွှေးရဲ့ပြောကြားချက်ကို ထိုင်းဘက် က ပယ်ချလိုက်ပါတယ်။ မူးယစ်ဆေးဝါးတိုက်ဖျက်ရေးတာဝန်ခံ ဒုတိယ ဝန်ကြီးချုပ် ခလုံမ် ယူဘမ်းလုန်းက သတင်းထောက်တွေကို ပြောကြား ခဲ့ရာမှာ ဗိုလ်ချုပ်နှုတ်ခမ်းမွှေးကို ထိုင်းဥပဒေအတိုင်း ဆောင်ရွက်ထားတာဖြစ်တယ်။ သက်သေ အထောက်အထားခိုင်လုံလို့ သူ့ကို ၂ဝဝ၃ ခုနှစ် သြဂုတ်လ ၂၆ ရက်နေ့ကတည်းက တရားရုံးခွင့်ပြုချက်နဲ့ ဖမ်းဝရမ်း ထုတ်ထားတာ ဖြစ်တယ်။ ဗိုလ်ချုပ်နှုတ်ခမ်းမွှေးအနေနဲ့ သူ့ မှာအပြစ်မရှိဘူး ဆိုရင် သက်သေအထောက်အထားနဲ့ တကွ ရှေ့နေက တဆင့် ထိုင်းတရားရုံးကို ဉီးတိုက် လျှောက်ထားခွင့် ရှိတယ်လို့ ဘီဘီစီ ကိုပြောပါတယ်။

မြန်မာအစိုးရအနေနဲ့ ဗိုလ်ချုပ်နှုတ်ခမ်းမွှေးကိုဖမ်းပေးဖို့အတွက် ထိုင်းမူးယစ်ဆေးဝါးဌာနက ထိုင်းနိုင်ငံခြားရေးဝန်ကြီးဌာနက တဆင့် တောင်းခံထားပြီးပြီ လို့ ထိုင်းမူးယစ်ဆေးဝါး တိုက်ဖျက်ရေး ဌာနက ဒုတိယအတွင်းရေးမှူး စူခုမ် အိုးဖတ်နိဖတ် က ဘီဘီစီ ကို ပြောပါတယ်။

မြန်မာ့အပြောင်းအလဲ စိတ်မချရသေး

By သင်းသီရိ

မြန်မာနိုင်ငံတွင်းက ပြုပြင် ပြောင်းလဲမှုတချို့ကို တွေရပေမယ့် ဒီအခြေအနေတွေဟာ ဘယ်လောက်ထိ ခိုင်မာမှု ရှိမလဲဆိုတာ စောင့်ကြည့်ဖို့ လိုအုံးမယ်လို့ မြန်မာနိုင်ငံကိုရောက်နေတဲ့ ပိုလန် နိုင်ငံခြားရေး ၀န်ကြီးက ပြောလိုက်ပါတယ်။ ပိုလန် နိုင်ငံခြားရေးဝန်ကြီး H.E Mr. Radoslaw Sikorski နဲ့  မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်တို့ ဒီကနေ့ တွေဆုံအပြီး သတင်းထောက်တွေကို အခုလို ပြောလိုက်တာဖြစ်ပြီး နိုင်ငံမှာ ရင်းနှီး မြုပ်နှုံသူအတွက်ရော တိုင်းပြည်အတွက်ပါ နှစ်ဖက် အကျိူးရှိတဲ့ ဥပဒေပြဌာန်းချက်တွေ ရှိဖို့လိုမယ်လို့လည်း ဒေါ်အောင်ဆန်းစုကြည်က ပြောခဲ့ပါတယ်။ ဒီအကြောင်းကိုတော့ မသင်းသီရိက တင်ပြပေးထားပါတယ်။

မြန်မာနိုင်ငံကို ရောက်နေတဲ့ ပိုလန် နိုင်ငံခြားရေးဝန်ကြီး H.E Mr. Radoslaw Sikorski နဲ့ ဒေါ်အောင်ဆန်းစုကြည်တို့ဟာ မေလ ၁၀ ရက်ကြာသာပတေးနေ့ ညနေက ဒေါ်အောင်ဆန်းစုကြည်ရဲ့ နေအိမ်မှာ တစ်နာရီ နီးပါးလောက် တွေ့ဆုံပြီး မြန်မာ့အရေး ဆွေးနွေး ခဲ့ကြပါတယ်။ အဲဒီနောက် ခေါင်းဆောင် ၂ ဦး သတင်းထောက်တွေကို တွေ့ရာမှာတော့ ပိုလန် နိုင်ငံခြားရေး ၀န်ကြီးက သူခရီးစဉ်နဲ့ ပတ်သက်လို့ ဦးစွာ ရှင်းပြရာမှာ မြန်မာနိုင်ငံထဲ အပြောင်းအလဲ ရှိလာတာကို မြင်ရတာ အားရပေမယ့် ဒီအပြောင်းအလဲတွေ ခိုင်ခံမှု ရှိမရှိ ဆိုတာကိုတော့ စောင့်ကြည်ဖို့ လိုမယ်ဆိုတဲ့ သူသဘောထား ပြောခဲ့တယ်လို့ ဒီသတင်းစာရှင်းလင်းပွဲကို တက်ရောက်ခဲ့တဲ့  ဂျပန် NHK သတင်းဌာနအတွက် ပြည်တွင်းအခြေစိုက် လုပ်ပေးနေသူ သတင်းထောက် ကိုသီဟဆွေက ပြောပြပါတယ်။ 

“သူ့အနေနဲ့ အဓိက ပြောသွားတာကတော့ အီးယူက တကယ့် မှန်ကန်တဲ့ လမ်းကြောင်းပေါ်မှာ ရှိနေတယ်ပေါ့နော်။ ဒီ Suspend လုပ်တယ် ဆိုတဲ့ ကိစ္စကလည်း သူတို့က မှန်ကန်တဲ့ ရွေးချယ်မှုပေါ့။ ဆိုတော့ သူတို့က ပိုလန်နိုင်ငံအနေနဲ့ ကတော့ မြန်မာပြည် နိုင်ငံရေး၊ စီးပွားရေး အနေအထားတွေဟာ နောက်ပြန်လှည့် သွားနိုင်လား ဆိုတာကို အနီးကပ် စောင့်ကြည့်ပြီး လုပ်ဆောင်သွားမယ်လို့ ပြောပါတယ်။ နောက်ထပ် သူပြောတဲ့အထဲမှာလည်း စိတ်ဝင်စားဖို့ကောင်းတဲ့တခုက ဘာလဲဆိုတော့ သူတို့ လာရောက် လေ့လာတဲ့အခါမှာ Reform Process တွေက သူတို့ ထင်ထားတာထက် ပိုပြီးတော့ Fragile ဖြစ်တယ်ပေါ့နော်။ ပြန်ပြီးတော့ ပြိုကွဲလွယ်တယ်ပေါ့နော်။ ဆိုတော့ အဲဒါလေး ပြောသွားတာ ရှိပါတယ်။”

ပိုလန်နိုင်ငံခြားရေး ၀န်ကြီးဟာ ဒေါ်အောင်ဆန်းစုကြည်နဲ့ မတွေ့ခင်မေလ ၉ ရက်နေ့က နေပြည်တော်မှာ သမ္မတ ဦးသိန်းစိန်နဲ့ရော အစိုးရ အဖွဲ့ဝင်တချို့နဲ့ပါ တွေ့ခဲ့ပါတယ်။ အဲဒီမှာ အီးယူက မြန်မာအပေါ်  ချမှတ်ထားတဲ့ ပိတ်ဆို့ အရေးယူမှုတွေ ၁ နှစ် ဆိုင်းငံ့တာနဲ့ ပတ်သက်လို့ ဆွေးနွေးခဲကြပါတယ်။ အီးယူရဲ့ ပိတ်ဆို့မှု ၁နှစ်ဟာ မြန်မာနိုင်ငံအတွက် ထိရောက်မှုမရှိသလို ရေရှည် ရင်းနှီးမြုပ်နှံလိုသူတွေအတွက် အခက်အခဲ ဖြစ်တာမျိူး ရှိတာမို့ လုံးဝရုတ်သိမ်းရေး ကိစ္စတွေကို အစိုးရဖက်က ဆွေးနွေးခဲ့တာတွေ ရှိပါတယ်။

“ဥရောပက မှတ်ချက်ထဲမှာ ဘာပါလဲဆိုတော့ အီးယူရဲ့ လောလောဆယ် Sanction Suspend လုပ်တဲ့အထဲမှာ ဒီ မြန်မာနိုင်ငံအပေါ်မှာ သက်ရောက်နေတဲ့ သက်ရောက်မှုတွေကို ဖယ်ရှားလိုက်ပြီ ဖြစ်တဲ့အတွက်ကြောင့်မို့လို့ မြန်မာစီးပွားရေးဟာ ဒါကြောင့် ရပ်နေတယ်လို့တော့ ငြင်းလို့တော့ မရတော့ဘူးလို့ သူထဲ့ပြောသွားတယ်။ ဒါကို သူက လက်မခံတဲ့သဘောမျိုး ရှိပါတယ်။ ဒီလက်ရှိ Suspend လုပ်လိုက်တဲ့အပေါ် မြန်မာစီးပွားရေးက အထိုက်အလျောက် တိုးတက်လာရမယ် ဆိုတဲ့ သဘောမျိုး ပြောသွားတဲ့ သဘော တွေ့ပါတယ်။”

အခုလို ပိုလန်နိုင်ငံက အဆင့်မြင့် အရာရှိတဦးရဲ့  မြန်မာပြည်ခရီးစဉ်အတွင်းမှာ ၂နိုင်ငံအကျိူးတူ စီးပွားရေး ပူးပေါင်းဆောင်ရွက်ဖို့ ကဏ္ဍတွေနဲ့ ပတ်သက်လို့လည်း ရှင်းပြသွားတယ်လို့ ဆိုပါတယ်။“အဲဒါနဲ့ ပတ်သက်ပြီး သူက သူနဲ့ တပါတည်းပါလာတဲ့ ပိုလန် စီးပွားရေး လုပ်ငန်းရှင်တွေလည်း ပါလာတယ်။ သူတို့ကိုလည်း မေးမြန်းလို့ ရတယ်။ သူတို့ရဲ့ မြန်မာပြည်မှာ Business opportunity တွေနဲ့ ပတ်သက်ပြီးတော့ လာပြီး စူးစမ်းတဲ့ ကိစ္စနဲ့ ပတ်သက်ပြီးတော့ အထူးသဖြင့်ပေါ့နော်၊ ကျနော်တို့ ဒီ Shipping နဲ့ ပတ်သက်တဲ့ ဟာတွေက အစပေါ့နော်၊ သူတို့ ဒီ စီးပွားရေး လုပ်ငန်းရှင်တွေ နယ်ပယ် အသီးသီးက ပါလာတယ် ဆိုတဲ့ အကြောင်း၊ သူတို့ရဲ့  စိတ်ဝင်စားမှုကိုတော့ ပြောသွားတယ်ပေါ့လေ။  ဒါပေမယ့်လည်း လေ့လာရဦးမယ်ပေါနော်။”

ဒေါ်အောင်ဆန်းစုကြည် ကတော့ မြန်မာနိုင်ငံထဲ နိုင်ငံခြား ရင်းနှီး မြုပ်နှံမှု ဆိုရာမှာ နှစ်ဦး နှစ်ဖက် အာမခံချက်တွေ ရှိတဲ့ ဥပဒေ ပြဌာန်းချက်တွေ ရှိဖို့လိုတယ်လို့ မြင်ကြောင်း ရှင်းပြခဲ့တယ်လို့လည်း ပြောပါတယ်။

“သူက ဖြေရတဲ့အဖြေက အင်မတန် နဲပါတယ်။ ဒါပေမယ့် စိတ်ဝင်စားဖို့ကောင်းတာက ဒီ မြစ်ဆုံ Dam နဲ့ ပတ်သက်တဲ့ ရင်းနှီး မြုပ်နှံမှုတွေလည်း ရှိတတ်တဲ့အတွက်ကြောင့်မို့လို့ ဒီ Foreign investment တွေဟာ ဟို ကောင်းကျိုးလည်း ပေးတာရှိတယ်၊ ဆိုးကျိုးလည်း ပေးတာတွေ ရှိတယ် ဆိုတဲ့ အတွက်ကြောင့်မို့လို့ ဒီဟာနဲ့ ပတ်သက်ပြီး အမြင် သူ့ကို တယောက်က မေးတဲ့အခါမှာ နိုင်ငံခြား ရင်းနှီးမြုပ်နှံမှု ဆိုတာက ရင်းနှီးမြုပ်နှံသူကိုရော၊ ဒီဖက်က တိုင်းပြည်ကိုရော နှစ်ဦး နှစ်ဖက် အကျိုးရှိတဲ့ ဥပဒေတွေ ပြဌာန်းပြီးတော့ စံနစ်တကျ လုပ်တာ ပိုကောင်းတယ်၊ နှစ်ဖက်လုံး အကျိုးရှိတဲ့ စီးပွားရေး၊ ရင်းနှီးမြုပ်နှံမှုက ပိုကောင်းတယ် ဆိုတာကို သူ ထပ်ပြောသွားပါတယ်။ အားလုံးကတော့ ဒီကို လာကြည့်ကြတဲ့အခါမှာ ဟို အင်မတန်စိမ်းတဲ့ တိုင်းပြည်တခုကို၊ စီးပွားရေးအရ စိမ်းနေသေးတဲ့ တိုင်းပြည်တခုကို လာကြည့်ရတာ ဖြစ်တဲ့အတွက် ဖြစ်နိုင်ခြေတွေကို လာပြီးတော့ စူးစမ်းတဲ့သဘော အဆင့်မှာပဲ ရှိပါသေးတယ်။”

ဒါကတော့ မေလ ၁၀ ရက်နေ့က ပိုလန်နိုင်ငံခြားရေးဝန်ကြီး H.E Mr. Radoslaw Sikorski နဲ့ ဒေါ်အောင်ဆန်းစုကြည်တို့  ၂ ဦး သတင်းထောက်တွေကို တွေ့ဆုံ ရှင်းပြခဲ့တာနဲ့ ပတ်သက်လို့ ဂျပန် သတင်းဌာနရဲ့ ပြည်တွင်းအခြေစိုက် သတင်းထောက် ကိုသီဟဆွေကို ဆက်သွယ်မေးမြန်းခဲ့တာပါ။

အိုလံပစ် မီးရှုးတိုင် စတင်သယ်ဆောင်

By VOA (မြန်မာပိုင်း)

ဇူလိုင်လမှာစတင်တော့မဲ့ လန်ဒန် အိုလံပစ်အတွက် ထွန်းညှိထားမဲ့ အိုလံပစ်မီးကို လက်ဆင့်ကမ်း သယ်ယူသွားမဲ့ မီးရှုးမှာ ထွန်းညှိတဲ့ အခမ်းအနားကို အိုလံပစ် အားကစား ပြိုင်ပွဲတွေ အစပြုရာ ဂရိနိုင်ငံမှာ ဒီကနေ့ ပြုလုပ်ခဲ့ပါတယ်။ 

အိုလံပစ် မီးရှုးတိုင်ကို ဂရိနိုင်ငံထဲမှာ ၇ ရက်ကြာ လက်ဆင့်ကမ်း သယ်ယူသွားမှာဖြစ်ပြီး မေ လ ၁၈ ရက်နေ့ကျမှ ဗြိတိန်နိုင်ငံဆီကို သယ်ယူသွားမှာ ဖြစ်တယ်လို့ အိုလံပစ်ပြိုင်ပွဲ တာဝန်ရှိသူတွေက ပြောပါတယ်။

ဗြိတိန်နိုင်ငံထဲ ရောက်ရင်တော့ အိုလံပစ် မီးရှုးကို ရက်ပေါင်း ၇၀ ကြာ မိုင်ပေါင်း ၈ ထောင်ကျော်တဲ့ ခရီးကို လက်ဆင့်ကမ်း သယ်ဆောင်သွားမှာဖြစ်ပြီး၊ ဇူလိုင်လ ၂၇ ရက် ပြိုင်ပွဲဖွင့်ပွဲနေ့ကျရင် အိုလံပစ် အားကစားကွင်းမှာ မီးကူးဆက် ထွန်းညှိမှာဖြစ်ပါတယ်။ 

ဒီအိုလံပစ် မီးရှုးကို လက်ဆင့်ကမ်း သယ်ကြတဲ့အတွက် ဗြိတိန်နိုင်ငံတဝန်းနဲ့ ကမ္ဘာတဝန်းကသူတွေရဲ့ စိတ်ဓါတ်တွေကို တက်ကြွစေတယ်လို့ လန်ဒန် အိုလံပစ် ပြိုင်ပွဲ ဖြစ်မြောက်ရေး တာဝန်ရှိသူ Sebastian Coe ကပြောပါတယ်။

ရုရှားလေယာဉ်ပျက်အနီး ရုပ်အလောင်းများ သယ်ယူ

By VOA (မြန်မာပိုင်း)

အင်ဒိုနီးရှားနိုင်ငံ ဂျကာတာမြို့တောင်ပိုင်း တောင်စွန်းနားမှာ ပျက်ကျခဲ့တဲ့ ရုရှား လေယာဉ်နဲ့အတူ လူသေအလောင်းတွေကို တွေ့ရှိတယ်လို့ အင်ဒိုနီးရှား ကယ်ဆယ်ရေးတွေက ပြောပါတယ်။ ခန့်မှန်းခြေ ၅၀ လောက်ပါသွားတဲ့ လေယဉ်ပေါ်က အသက်ရှင်ကျန်မဲ့သူ ရှိနိုင်တဲ့ လက္ခဏာ မရှိဘူးလို့  တာဝန်ရှိသူတွေက ပြောပါတယ်။ 

ပျက်ကျတဲ့နေရာဟာ အလှမ်းဝေးတဲ့ အတွက်ရော ဆိုးဝါးတဲ့ ရာသီဥတုကြောင့်ပါ၊ ရှာဖွေ ကယ်ဆယ်ရေး လုပ်တဲ့နေရာ အဟန့်အတားတွေ ဖြစ်နေရတယ်လို့ တာဝန်ရှိသူတွေက ပြောပါတယ်။

ကူညီကယ်ဆယ်ရေး လုပ်နေသူတွေနဲ့ သူတိုက်ရိုက် အဆက်အသွယ် လုပ်နေပါတယ်လို့ အင်ဒိုနီးရှားသမ္မတ Susilo Bambang Yudhoyono ကပြောပါတယ်။ ကြာသပတေးနေ့ အစောပိုင်းတုန်း ရဟတ်ယဉ်ပေါ်ကနေ ကြိုးနဲ့ ချပေးခဲ့သလို ရဟတ်ယဉ်တွေနဲ့လဲ အပေါ်ကနေ ပျံသန်း ရှာဖွေခဲ့တယ်လို့ ရှာဖွေ ကယ်ဆယ်ရေးအဖွဲ့ အကြီးအကဲက ပြောပါတယ်။

တွေ့ရှိတဲ့ အလောင်းတွေကို ယာယီ ဖြန့်ထားတဲ့ ပိုက်ကွန်တွေပေါ်တင်ပြီးတဲ့အခါ ရဟတ်ယဉ်နဲ့ သယ်ယူမယ်လို့လဲ ပြောပါတယ်။ လေယာဉ် အပျက်အစီးတွေကို တွေ့ရပြီဆိုတဲ့ သတင်းကိုကြားတဲ့အခါ ဂျကာတာလေဆိပ်မှာ စုဝေးနေကြတဲ့ မိသားစုဝင်တွေက ငိုယိုခဲ့ကြပါတယ်။ ဗုဒ္ဓဟူးနေ့တုန်းက ဂျကာတာမြို့ Halim လေဆိပ်ကနေ နေ့လည်ပိုင်းမှာ ပျံသန်းထွက်ခွာသွားတဲ့ ရုရှားလေယဉ်ဟာ ပြန်လာရမဲ့ အချိန်မှာ ပြန်ရောက်မလာဘဲ ပျောက်ဆုံးသွားခဲ့တာ ဖြစ်ပါတယ်။

မြန်မာ့တိုးတက်မှု အထွေထွေညီလာခံ အသိအမှတ်ပြုဖို့ Mr. Ban တိုက်တွန်း

By ကိုသားညွန့်ဦး

ဓာတ်ပုံ ASSOCIATED PRESS

ကုလအတွင်းရေးမှူးချုပ် ဘန်ကီမွန်း မြန်မာနိုင်ငံသို့ လာရောက်စဉ်က သမ္မတဦးသိန်းစိန်နှင့် တွေ့ဆုံစဉ်။

မြန်မာနိုင်ငံရဲ့ ပြုပြင်ပြောင်းလဲမှုတွေကို ကုလသမဂ္ဂ အထွေထွေ ညီလာခံအနေနဲ့ အသိအမှတ်ပြုပြီး တိုးတက်မှုတွေ ပိုရှိလာအောင် ကုလသမဂ္ဂအနေနဲ့ ဘယ်လို ကူညီဆောင်ရွက်ပေးနိုင်မလဲ သုံးသပ် အဖြေထုတ်ဖို့ အတွင်းရေးမှူးချုပ်ဘန်ကီမွန်းက ကုလသမဂ္ဂ အထွေထွေ ညီလာခံကို တိုက်တွန်းလိုက် ပါတယ်။ မြန်မာနိုင်ငံရဲ့ နိုင်ငံရေးအသွင်ကူးပြောင်းမှု အောင်မြင်မှုရအောင် နိုင်ငံတကာအနေနဲ့ ၀ိုင်းဝန်းကူညီကြဖို့ကိုလည်း တိုက်တွန်းသွားပါတယ်။ ဒီအကြောင်း ကိုသားညွန့်ဦးက တင်ဆက်ပေးပါ့မယ်။

အတွင်းရေးမှူးချုပ် သူ့ရဲ့ မြန်မာနိုင်ငံ နောက်ဆုံးခရီးစဉ်နဲ့ ပတ်သက်လို့ ကုလသမဂ္ဂအထွေထွေ ညီလာခံကို မနေ့က ရှင်းပြပြီး လက်ရှိ မြန်မာနိုင်ငံတွင်း ပြောင်းလဲမှုတွေကို အသိအမှတ်ကြဖို့ တိုက်တွန်းခဲ့တာပါ။ တိုးတက်မှုတွေ ပိုရှိလာအောင်လည်း ဘယ်လို ၀ိုင်းကြ၀န်းကြမလဲဆိုတာ နည်းလမ်းစဉ်းစားကြဖို့ အထွေထွေညီလာခံကို အတွင်းရေးမှူးချုပ် ဘန်ကီမွန်းက တိုက်တွန်းခဲ့ပါတယ်။

“ကုလသမဂ္ဂ အထွေထွေညီလာခံနဲ့ နိုင်ငံတကာ အသိုင်း အ၀ိုင်းက မြန်မာနိုင်ငံနဲ့ ပတ်သက် ပြီးတော့ နှစ်ပေါင်း ကြာရှည်စွာ စိုးရိမ်ပူပင်နေတဲ့ အချက်အတော်များများကို မကြာခင်က ပြုပြင်ပြောင်းလဲ မှုတွေ လုပ်လာပါပြီ။ မြန်မာနိုင်ငံတွင်း ပြုပြင်ပြောင်းလဲမှုအခြေအနေတွေဟာ မခိုင်မာသေးဘူးဆိုတာ လက်ခံရမှာဖြစ်သလိုပဲ အထွေထွေ ညီလာခံအနေနဲ့ တိုးတက်မှုတွေကို တစုံတရာ အသိအမှတ် ပြုရမှာ ဖြစ်ပါတယ်။ ဒီ ပြုပြင်ပြောင်းလဲမှု လုပ်ငန်းတွေကို အတွင်းရေးမှူးချုပ်ရုံးအနေနဲ့ ဘယ်လို အကူအညီတွေ ပေးသွားနိုင်မလဲဆိုတာကိုလည်း သုံးသပ် စဉ်းစားရမှာဖြစ်ပါတယ်။”

မစ္စတာဘန်ကီမွန်း မြန်မာနိုင်ငံခရီးစဉ်အတွင်း ပြည်ထောင်စုလွှတ်တော်ကို တက်ရောက်ပြီး မိန့်ခွန်း ပြောခဲ့ တာပါ။ ဒါဟာ နှစ်ပေါင်း ဆယ်စုနှစ် နဲ့ ကြာတဲ့ မြန်မာလွှတ်တော်အတွင်း မိန့်ခွန်းပြောတဲ့ ပထမဆုံး နိုင်ငံခြား ဧည်သည်လည်းဖြစ်ပါတယ်။ ဒီခရီးစဉ်ဟာ သူရဲ့ ပထမဆုံး မြန်မာနိုင်ငံတော်သစ်ကို သွားတဲ့ခရီးစဉ်လို့ အတွင်းရေးမှူးချုပ်က တင်စားခဲ့ပါတယ်။

“ကျနော် မြန်မာနိုင်ငံကို သွားရောက်တာ ဒီတခေါက်ပါဆိုရင် သုံးကြိမ်မြောက်ဖြစ်ပေမယ့် ရွေးကောက်ပွဲ အပြီး အရပ်သား အစိုးရတရပ် ဖွဲ့စည်းပြီး မြန်မာနိုင်ငံသစ်ကို သွားရောက်တာ ဒါ ပထမဆုံး အကြိမ်ဖြစ်ပါ တယ်။”

ခရီးစဉ်အတွင်းဟာ မြန်မာသမတ ဦးသိန်းစိန်နဲ့ အစိုးရအဖွဲ့ဝင်တွေ အာဏာပိုင်တွေကိုရော ဒီမိုကရေစီ ခေါင်းဆောင် ဒေါ်အောင်ဆန်းစု ကြည်နဲ့ အခြား နိုင်ငံရေးပါတီတွေ လူမှုအဖွဲ့အစည်းတွေ ကိုပါ တွေ့ဆုံခွင့် ရခဲ့တယ်လို့ အတွင်းရေးမှူးချုပ်က ပြောပါတယ်။ အထူးသဖြင့်တော့ သူ မြန်မာပြည် ရောက်နေစဉ်အတွင်း လွှတ်တော် တက်ရေးမှာ ကျမ်းသစ္စာဆိုရေးကိစ္စ မကျေမလည်ဖြစ်နေတာကို ဒေါ်အောင်ဆန်းစုကြည်နဲ့ အမျိုးသားဒီမိုကရေစီအဖွဲ့ချုပ် ဘက်က ပြေလည်အောင် အလျှော့ပေးလိုက်တဲ့အပေါ်မှာ ကျေနပ်နှစ်သိမ့်မိတယ်လို့ အတွင်းရေးမှူးချုပ် ဘန်ကီမွန်းက ပြောပါတယ်။ မြန်မာနိုင်ငံတွင်းမှာ အခုလို ပြုပြင်ပြောင်းလဲမှုတွေ တွေ့လာရပေမယ့် အခြေအနေတွေက ခိုင်ခံ့မှုမရှိသေးဘူးလို့လည်း အတွင်းရေးမှူးချုပ်က သတိပေးပါတယ်။

“မြန်မာနိုင်ငံတွင်း အရေးကြီးပြုပြင်ပြောင်းလဲမှုတွေ ရှိနေပေမယ့်လည်း ဒီ ပြုပြင်ပြောင်းလဲမှုတွေဟာ မခိုင်မာဘဲ အချိန်မရွေး ပြန် ပျက်ယွင်းသွားနိုင်ပါတယ်။ နိ်ုင်ငံတကာ အသိုင်းအ၀ိုင်းအနေနဲ့လည်း အခု ပြုပြင်ပြောင်းလဲမှုတွေအပေါ်မှာ အပြုသဘော ပြန်လည် တုံ့ပြန်ခဲ့ကြပါတယ်။ မြန်မာနိုင်ငံအပေါ် စီးပွားရေးအရ အရေးယူပိတ်ဆို့မှုတွေကို နိုင်ငံအတော်များများက ပြန်လည် ရုပ်သိမ်းတာ၊ ဆိုင်းငံ့တာတွေ လုပ်ခဲ့ကြပါတယ်။ မြန်မာနိုင်ငံ အသွင်ကူးပြောင်းမှုတွေ အောင်မြင်နိုင်အောင် ဒီထက်ပိုပြီး တုံ့ပြန်ဆောင်ရွက်ကြဖို့ လိုအပ်ပါတယ်။”

ပြီးခဲ့တဲ့ မြန်မာခရီးစဉ်အတွင်းမှာတော့ ကုလသမဂ္ဂနဲ့ မြန်မာနိုင်ငံအကြား ပူးပေါင်းဆောင်ရွက်မှုတွေ ပိုဖြစ်လာဖို့ကိုလည်း နှစ်ဘက် သဘောတူ ခဲ့ကြတယ်လို့ အတွင်းရေးမှူးချုပ်က ပြောပါတယ်။ မြန်မာနိုင်ငံ အပေါ် နိုင်ငံတကာ အပြုသဘောတုံ့ပြန်ကြဖို့ တိုက်တွန်းသလိုပဲ ကုလသမဂ္ဂ အနေနဲ့ကလည်း သူ့လုပ်ဆောင်ရမယ့် အပိုင်းကနေ မြန်မာ့နိုင်ငံရေး တိုးတက်မှုအတွက် ကူညီဆောင်ရွက်ဖို့ ပိုင်းဖြတ်ထားတယ်လို့လည်း ဆိုပါတယ်။

မြန်မာအပေါ်ဒဏ်ခတ်မှု ဆွစ်ဇာလန်ရုပ်သိမ်း

By ဗွီအိုအေ (မြန်မာဌာန)

မြန်မာနိုင်ငံအတွင်းက ပြုပြင်ပြောင်းလဲမှုတွေကို ထောက်ခံတဲ့အနေနဲ့ ဆွစ်ဇာလန်နိုင်ငံ က လည်း မြန်မာနိုင်ငံအပေါ် အရေးယူပိတ်ဆို့ထားမှုတွေကို ရုပ်သိမ်းပေးလိုက်ပြီလို့ AFP သတင်း တရပ်မှာ ဖော်ပြပါတယ်။

ဒါပေမယ့်လည်း မြန်မာ့နိုင်ငံရေးအခြေအနေ ပြန်ပြီးဆိုးဝါးလာမယ်ဆိုရင်တော့ အရေးယူမှုတွေ ကို ပြန်ပြီးလုပ်မယ်လို့လည်း ဖော်ပြထားပါတယ်။

မြန်မာနိုင်ငံအတွင်း ဖိနှိပ်ချုပ်ခြယ်ရာမှာ အသုံးပြု ဆက်နွယ်နေတဲ့ လက်နက်ပစ္စည်းရောင်းချမှု ပိတ်ပင်ထား တာက လွဲပြီးတော့ တခြားအရေးယူမှုတွေအားလုံးကို ပြန်လည်ရုပ်သိမ်းလိုက်ပြီလို့ ဆွစ်ဇာလန်နိုင်ငံက စီးပွားရေးဆိုင်ရာ SECO ရုံးကြေညာချက်ကို ကိုးကားပြီးတော့ ဖော်ပြတာပါ။

မြန်မာနိုင်ငံအတွင်းမှာ မကြာခင်က တွေ့လာရတဲ့ နိုင်ငံရေးဖြစ်ထွန်းမှုတွေကို ဆွစ်ဇာလန် အစိုးရကကြိုဆို ပြီးတော့ ဒီလိုမျိုး ပြုပြင်ပြောင်းလဲမှုတွေကြောင့် အရေးယူမှုတွေကို ပြန်လည်ရုပ်သိမ်းဖို့ လိုလားတယ်လို့ SECO ကြေညာချက်မှာ ဖော်ပြပါတယ်။

ပြီးခဲ့တဲ့ ဧပြီလ ၁၈ ရက်နဲ့ ၂၅ ရက်နေ့တွေမှာ ပြုလုပ်တဲ့ အစိုးရအဖွဲ့ရဲ့ အစည်းအဝေးအတွင်းမှာ အခုလို မြန်မာနိုင်ငံအပေါ် အရေးယူမှုတွေကို ရုပ်သိမ်းဖို့ ဆွစ်ဇာလန်ဝန်ကြီးတွေက ဆုံးဖြတ်ခဲ့ကြ တာဖြစ်ပြီးတော့ ဒါကို ဆွစ်ဇာလန်ရဲ့ စီးပွားရေးဆိုင်ရာ ပြည်ထောင်စုဝန်ကြီးဌာနကနေပြီးတော့ ဆက်ပြီးတော့ ရေးဆွဲ အကောင်အထည်ဖော်ဖို့ လွှဲအပ်ခဲ့တာလို့ ဆိုပါတယ်။

ဥရောပသမဂ္ဂ၊ EU အနေနဲ့လည်း ပြီးခဲ့တဲ့လကပဲ မြန်မာနိုင်ငံအပေါ် အရေးယူပိတ်ဆို့မှုတွေကို ဆိုင်းငံ့ ထားခဲ့ပါတယ်။ အလားတူပဲ ကနေဒါ၊ သြစတြေးလျား စတဲ့နိုင်ငံတွေကလည်း မြန်မာနိုင်ငံအပေါ် အရေးယူမှုတွေကို လျှော့ချခဲ့ပါတယ်။ ဂျပန်နိုင်ငံကလည်း မြန်မာနိုင်ငံရဲ့ ပြုပြင်ပြောင်းလဲမှုကို ထောက်ခံ အားပေးတဲ့အနေနဲ့ြုမန်မာနိုင်ငံက တင်ရှိနေတဲ့ ကြွေးမြီ အမေရိကန်ဒေါ်လာ ၃.၇ ဘီလီယံကို လျှော်ပေးခဲ့ပါတယ်။