07.05.2012 နေ့ဖတ်ရန်သတင်းများ

by Myanmar Journal on Sunday, May 6, 2012 at 3:52pm 

မဲဆွယ်စည်းရုံးနေတဲ့ သမ္မတ အိုဘားမားသမ္မတ အိုဘားမား မဲဆွယ်ပွဲတွေ စပြီ

အမေရိကန် သမ္မတ အိုဘားမားကတော့ ဒုတိယ သက်တမ်း ပြန်လည် အရွေးခံ နိုင်ရေး အတွက် မဲဆွယ်စည်းရုံးခြင်းတွေကို အိုဟိုင်းယိုးပြည်နယ် မှာလူထု စည်းဝေးပွဲကြီး နဲ့ စတင် လိုက်ပြီ ဖြစ် ပါတယ်။

ဒီ အိုဟိုင်းယိုး ပြည်နယ်ဟာ သမ္မတ ရွေးကောက်ပွဲရဲ့ ရလဒ် အပေါ်မှာ အလွန် အရေးပါတဲ့ ပြည်နယ်လည်း ဖြစ်ပါတယ်။

ဒီ စည်းဝေး ပွဲကို တက်လာ ကြတဲ့ လူထုကြီးကို သမ္မတ အိုဘားမားက အမေရိကန် ပြည်ထောင်စုဟာ စီးပွားရေး ကျဆင်းမှု တွေကနေ သူ့ဉီးဆောင်မှု အောက်မှာ ပြန်လည် တိုးတက်လာ နေပြီ ဖြစ်တယ်လို့ ဆိုလိုက်ပြီး အဲဒီကနေ နောက်ပြန်မလှည့်သင့်ဘူးလို့လည်း ဆိုလိုက် ပါတယ်။

သူ့ရဲ့ ပြိုင်ဘက် ဖြစ်တဲ့ ရီပတ်ပလစ်ကန် တွေဘက်က မစ်ရွန်မနီ ကတော့ ဒါတွေကို နောက်ပြန်လှည့် သွားအောင် လုပ်လိမ့်မယ် လို့ဆိုပြီး ဝေဖန်လိုက်ပါတယ်။

ဒီကပြီးရင်တော့ မစ္စတာ အိုဘားမား ဟာ နောက်ထပ် အရေးကြီးတဲ့ ပြည်နယ်တခု ဖြစ်တဲ့ ဗာဂျင်းနီးယား ပြည်နယ်မှာ နောက်ထပ် လူထု စည်းဝေးပွဲကြီး လုပ်မှာ ဖြစ်ပါတယ်။

ဒုသမ္မတ ဦးတင်အောင်မြင့်ဦးကို သဘောထား တင်းမာသူအဖြစ် တချို့ကယူဆမြန်မာ ဒုသမ္မတ နှုတ်ထွက်ကြောင်း သတင်းတွေထွက်

မြန်မာအစိုးရ ဒုတိယ သမ္မတ ဦးတင်အောင် မြင့်ဦး နှုတ်ထွက် စာတင်တယ်ဆိုတဲ့ သတင်းတွေ အခု ရက်ပိုင်းမှာ ထွက်ပေါ်နေ ပါတယ်။

ဒါပေမယ့် ဒီသတင်းကို အခုချိန်ထိ အတည်မပြု နိုင်သေး ပါဘူး။

ဘီဘီစီက စုံစမ်းသိရ သလောက် ကတော့ ဦးတင်အောင်မြင့်ဦးဟာ လောလောဆယ် မှော်ဘီမှာ ဘုန်းကြီးဝတ်နေတယ်လို့ အစိုးရနဲ့ နီးစပ်တဲ့ အသိုင်းအဝိုင်းက ပြောပါတယ်။

ပြီးခဲ့တဲ့ ရက်ပိုင်းကလည်း စင်ကာပူကို သွားရောက်ပြီး ဆေးကုသခံခဲ့တယ်လို့ သိရပါတယ်။

ဗိုလ်ချုပ်ကြီးဟောင်း ဦးတင်အောင်မြင့်ဦးဟာ လက်ရှိ အစိုးရအတွင်းမှာ သဘောထား တင်းမာသူအဖြစ် နိုင်ငံရေး အကဲခတ်တွေက ရှုမြင် သုံးသပ်ကြပါတယ်။

သူဟာ လွှတ်တော်ထဲမှာ တပ်မတော်သား ကိုယ်စားလှယ် ၂၅ ရာခိုင်နှုန်းက အဆိုပြု တင်သွင်း ခဲ့တဲ့ ဒုတိယ သမ္မတ ဖြစ်ပါတယ်။

သူသာ ရာထူးကနေ နှုတ်ထွက်မယ်ဆိုရင် လွှတ်တော်ရဲ့ အတည်ပြုချက် ရယူဖို့ လိုနိုင်တယ်လို့ လွှတ်တော် အခွင့်အရေးကော်မတီနဲ့ နိုင်ငံတကာရေးရာ ကော်မတီအဖွဲ့ဝင် SNLD ကျားဖြူ ပါတီ ရဲ့ ပြည်သူ့လွှတ်တော်ကိုယ်စားလှယ် ဦးစိုင်းဆောင်ဆီက ပြောပါတယ်။

မြန်မာ အစိုးရအတွင်းမှာ သဘောထား တင်းမာသူတွေနဲ့ ပျော့ပြောင်းသူတွေအကြား စိတ်ဝမ်း ကွဲမှုတွေ ရှိနေတယ်လို့ တချို့က ယူဆနေချိန်မှာပဲ ဒုတိယသမ္မတ ဦးတင်အောင်မြင့်ဦး ရာထူး ကနေ နှုတ်ထွက်တယ်ဆိုတဲ့ ဒီသတင်း ထွက်ပေါ်လာတာပါ။

တချိန်တည်းမှာပဲ အစိုးရ အဖွဲ့အတွင်း ဝန်ကြီးနေရာ အပြောင်းအလဲ လုပ်ဖို့ ရှိနေပြီး လာမယ့် လွှတ်တော် ကျင်းပချိန်ကျရင် ဒီကိစ္စ ဆောင်ရွက်နိုင်ဖွယ် ရှိတယ်လို့ အစိုးရနဲ့ နီးစပ်တဲ့ အသိုင်းအဝိုင်းက ဘီဘီစီကို ပြောပါတယ်။

အမေရိကန် နိုင်ငံခြားရေး ဝန်ကြီး ဟီလာရီ ကလင်တန်ဘင်္ဂလားဒေ့ရ်ှမှာ ဒီမိုကရေစီ ထွန်းကားနိုင်လို့ ကလင်တန် ပြော

ဘင်္ဂလား ဒေ့ရှ် နိုင်ငံမှာ ၂ ရက်ကြာ ခရီးစဉ် အဖြစ် ရောက်ရှိနေတဲ့ အမေရိကန် နိုင်ငံခြားရေး ဝန်ကြီး ဟီလာရီ ကလင်တန်က နိုင်ငံတွင်းမှာ မကြာသေးခင်က နိုင်ငံရေး မတည်ငြိမ် မှုတွေ ဖြစ်ခဲ့ ပေမယ့် ဘင်္ဂလားဒေ့ရ်ှမှာ ဒီမိုကရေစီ စနစ် ထွန်းကားလာမှာ ဖြစ်တယ်လို့ ဆိုလိုက်ပါတယ်။

ဘင်္ဂလားဒေ့ရှ် အတိုက်အခံ ခေါင်းဆောင် ပျောက်ဆုံး သွား တဲ့ နောက်မှာ နိုင်ငံ အတွင်းမှာ မတည်မငြိမ်ဖြစ်နေခဲ့တာ ဖြစ်ပါတယ်။

မစ္စစ် ကလင်တန်ကတော့ နိုင်ငံရေး ပါတီတွေ အားလုံး ပူးပေါင်းဆောင်ရွက် ကြဖို့ အတွက်ကို တိုက်တွန်းလိုက် သလို ပြဿနာတွေကို မဖြေရှင်းပဲ တင်းမာမှု တွေဆက်ဖြစ် နေကြမယ်ဆိုရင် နိုင်ငံခြားက ရင်းနှီး မြှုပ်နှံ သူတွေ ထွက်သွား ကြမှာ ဖြစ်တယ် လို့လည်း သတိပေး စကား ပြောကြား လိုက်ပါတယ်။

ဘင်္ဂလားဒေ့ရှ် နိုင်ငံမှာ သတင်းပတ် တွေနဲ့ ချီပြီး သပိတ်မှောက်၊ ဆန္ဒပြနဲ့ ဖြစ်နေခဲ့ရာမှာ နိုင်ငံလဲ အထိနာ ခဲ့ရသလို လူ ၅ ဉီးလည်း အသက်ဆုံးရှုံး ခဲ့ရပြီး ဖြစ်ပါတယ်။

မစ္စစ် ကလင်တန် က ဘင်္ဂလားဒေ့ရှ် အစိုးရကိုလည်း ဒီအပေါ်မှာ ထိထိ ရောက်ရောက် စုံစမ်း စစ်ဆေး သွားဖို့ လိုအပ် ကြောင်းကို ပြောကြား ခဲ့ပါတယ်။

ခါလစ် ရှိခ် မိုဟာမက်ကို ရုံးတင်နေစဉ်စက်တင်ဘာ ၁၁ ရက် တိုက်ခိုက်မှု စီစဉ်ပေးခဲ့သူကို ရုံးတင်ပြီ

စက်တင်ဘာ ၁၁ ရက် တိုက်ခိုက်မှု ကြီးကို နောက်ကွယ်က ကြိုးကိုင် ခဲ့တယ်လို့ စွပ်စွဲ ခံထားရသူကို ဂွမ်တာနာမိုဘေးက စစ်ခုံရုံးမှာ ရုံးတင် စစ်ဆေး နေပါတယ်။

ဒီလို စစ်ဆေးရာမှာ စွပ်စွဲခံ ထားရသူက တရားသူကြီး တွေက သူ့ကို မေးလာတဲ့ မေးခွန်းတွေကို ဖြေဆိုဖို့ ငြင်းဆန် ခဲ့ပါတယ်။

ခါလစ် ရှိခ် မိုဟာမက် နဲ့ နောက်ထပ် လူ ၄ ယောက် ကို လေယာဉ် ပြန်ပေးဆွဲမှု၊ အကြမ်းဖက် တိုက်ခိုက်မှုတွေ အပြင် နယူးယောက် မြို့နဲ့ ဝါရှင်တန် မြို့တို့မှာ လွန်ခဲ့တဲ့ ၂၀၀၁ ခုနှစ်က လူပေါင်း ၃၀၀၀ နီးပါးလောက်ကို သတ်ဖြတ်ခဲ့မှု တွေနဲ့ စွဲချက် တင်ထားတာ ဖြစ်ပါတယ်။

ခါလစ် ရှိခ် မိုဟာမက် ရဲ့ ရှေ့နေကတော့ သူ့ကို ဖမ်းဆီး ထားစဉ်က နှိပ်စက် ခဲ့တာ တွေကို မကျေနပ်တဲ့ အတွက် ကြောင့်နဲ့ ဒီ ခုံရုံးဟာ တရားမျှတမှု မရှိဘူးလို့ ယူဆတဲ့ အတွက် အခုလို တရားသူကြီး တွေရဲ့ မေးမြန်းချက် တွေကို နားထောင် ဖြေဆိုဖို့ ငြင်းဆန် ခဲ့တာ ဖြစ်တယ်လို့ ပြောပါတယ်။

ပဲန်တဂွန် စစ်ဌာနချုပ် ကတော့ သူဟာ အဲလ်ခိုင်းဒါး အတွက် တိုက်ခိုက်မှုတွေ လုပ်နိုင်အောင် စီစဉ် ပေးခဲ့တာကို ဝန်ခံခဲ့ပြီး ဖြစ်တယ်လို့ ဆိုပါတယ်။

မြစ်ကြီးနားမှာ ဗုံး၂လုံး ဆက်တိုက်ပေါက်ကွဲ

 ကချင်ဒေသမှာ တိုက်ပွဲတွေ ဖြစ်နေတဲ့အတွက် ဒုက္ခသည်တွေ နေရပ် မပြန်နိုင်သေး

မြစ်ကြီးနားမြို့ အေဒင် ရပ်ကွက်မှာ စနေနေ့ မနက် ၆နာရီခွဲလောက်မှာ ဗုံးနှစ်လုံး ရှေ့ဆင့် နောက်ဆင့် ပေါက်ကွဲခဲ့တဲ့အတွက် အနည်းဆုံး လူနှစ်ဦး ဒဏ်ရာရသွားပါတယ်။

ဒဏ်ရာရသွားသူတွေထဲမှာ လုံခြုံရေး ရဲ တပ်ဖွဲ့ဝင်တွေ ပါဝင်ပြီး တဦးက ဒဏ်ရာ ပြင်းထန်တယ်လို့ မြစ်ကြီးနား ဆေးရုံက ပြောပါတယ်။

ပထမဗုံးပေါက်ရာနေရာကို ရဲတွေ သွားရောက် ကြည့်ရှုနေစဉ်မှာ ဒုတိယ ဗုံးပေါက်ကွဲခဲ့ပြီး အခုလို ဒဏ်ရာရခဲ့ကြတာလို့ သိရပါတယ်။

ဧပြီလကုန်ပိုင်းတုန်းကလည်း မိုးညှင်းမြို့နားမှာ ဗုံးပေါက်ကွဲခဲ့တဲ့အတွက် မန္တလေးကနေ မြစ်ကြီးနားကို ပြေးဆွဲနေတဲ့ မီးရထား လမ်းချော် တိမ်းမှောက်ခဲ့ပြီး လူနှစ်ဦး ဒဏ်ရာ ရခဲ့ပါတယ်။

အခုလို ဗုံးပေါက်ကွဲမှုတွေ ဖြစ်နေတဲ့အတွက် ဒေသခံတွေ စိုးရိမ် ထိတ်လန့်နေပြီး မီးရထားနဲ့ ခရီးသွားလာသူတွေ သိပ်မရှိကြပဲ ည ၇နာရီလောက်ဆို အိမ်ပြင်မထွက်ကြတော့ဘူးလို့ မြစ်ကြီးနား မြို့ခံတဦးကဘီဘီစီကို ပြောပြပါတယ်။

မြစ်ကြီးနားမြို့မှာ လုံခြုံရေးတွေ တင်းကျပ်နေပြီး ညဘက် အပြင်ထွက်ရင် မှတ်ပုံတင်ကိုင်ပြီး ထွက်ကြဖို့ သက်ဆိုင်ရာ အာဏာပိုင်တွေက လိုက်လံ ပြောဆိုထားသလို မိသားစု သန်းခေါင်စာရင်းတွေကိုလည်း လိုက်လံ စစ်ဆေးနေတယ်လို့ သူက ပြောပါတယ်။

ဒီဗုံးပေါက်ကွဲမှုတွေနဲ့ ပတ်သက်လို့ ဘယ်သူ့ လက်ချက်လဲဆိုတာ အသေအချာ မသိရသေး ပါဘူး။

ကချင်ပြည်နယ်မှာ အစိုးရတပ်တွေနဲ့ KIA ကချင် လွတ်လပ်ရေး တပ်မတော် အကြား တိုက်ပွဲတွေ ဆက်ဖြစ်နေချိန်မှာပဲ အခုလို ဗုံးပေါက်ကွဲမှုတွေ ဖြစ်ပွားခဲ့တာပါ။

သောက်ရေတွင်း ပြန်တူးဖေါ်ပြင်စလူမြို့နယ် ရေရှား

၂ဝဝဂ ခုနှစ် အတွင်း နာဂစ် မုန်တိုင်းဒဏ် အများဆုံး ခံခဲ့ရတဲ့ လွပ္ပတ္တာ မြို့နယ် ထဲက ပြင်စလူမြို့နယ် အတွင်းရှိ ကျေးရွာတွေ မှာ သောက်ရေရှားပါးမှု ကြောင့် ကလေးရော လူကြီးတွေပါ ဝမ်းပျက် ဝမ်းလျှော ရောဂါ ဖြစ်ပွားနေကြပါတယ်။

အဲဒီ အတွက် လူမှုရေး အဖွဲ့တွေ နဲ့ သံဃာတော်တွေ အန်အယ်ဒီ အဖွဲ့ဝင် ဟာ တရွာဝင် တရွာထွက် သောက်ရေ ပေးလှူ နေကြရပါတယ်။ မိုးရေ လှောင်ကန်တွေမှာ ရေခန်းကုန်သလို တွင်းရေ လည်း ခြောက်ခန်း နေကြောင်း ပြင်စလူ မှ ဆရာတော် တပါးက ဘီဘီစီ ကို မိန့်ပါတယ်။

ပြင်စလူမြို့နယ် ထဲရှိ ကုန်းကြီး၊ နသတ် နဲ့ လေယျာဉ်ကွင်း ရွာတွေ ဖက်မှာ ရှိတဲ့ ရေတွင်း ရေကန်ရေ သောက်သုံးကြလို့ ရွာခံတွေ ဖျားနာကုန်ကြောင်း၊ သဲတွင်း တူးပြန်တော့လည်း နေပူ လို့ ရေမရသလို အဝီစီ တွင်း တူးရာမှာ ရေငံ ပဲ ထွက်လို့ သောက်ရေ အခက်အခဲ တွေရပုံ ကို ဆရာတော် က ရှင်းပြပါတယ်။

အာဏာပိုင်တွေ ဘက် က ရေရရှိရေး ဝိုင်းကူပေမယ့် နေပူရှိန် ဆက်လက်ပူပြင်း နေရင် အခက်အခဲ ပိုပြီးများလာနိုင်တဲ့ အကြောင်း ဆရာတော် က မိန့်ပါတယ်။

ဓာတုအဆိပ်သင့်မှုတွေ ရှိနိုင်တဲ့ အတွက် ကျွမ်းကျင်သူတွေက စောင့်ကြည့်လေ့လာနေထိုင်းနိုင်ငံ ရေနံနဲ့ဓာတုစက်ရုံ ပေါက်ကွဲမှု လူ ၁၂ ဦးသေ

ထိုင်းနိုင်ငံက ရေနံနဲ့ ဓာတု စက်ရုံတခု ဝန်းထဲမှာ စနေနေ့က ပေါက်ကွဲမှုတွေဖြစ်ပြီး မီးလောင်ခဲ့ တာကြောင့် လူ ၁၂ ဦး သေဆုံး သွားပြီး တခြား လူ ၁၀၀ ကျော် ဒဏ်ရာ ရရှိသွားပါတယ်။

ဘန်ကောက်မြို့ အရှေ့တောင်ဘက် ရာယုံး ပြည်နယ် မှာ ရှိတဲ့ မတ်တာဖူ့တ် လို့ခေါ်တဲ့ ဒီစက်ရုံကြီးဟာ ကမ္ဘာ့ပေါ်မှာ အကြီးဆုံးသော ရေနံနဲ့ဓာတုစက်ရုံတွေ ထဲက တခု ဖြစ်ပါတယ်။

အဲဒီစက်ရုံအနီးမှာ ရှိတဲ့ နေထိုင်သူတွေကို ဘေးလွတ်ရာကို အရေးပေါ် ပြောင်းရွှေ့ပေးခဲ့ပြီ ဖြစ်ပြီး ၊ ဓာတုအဆိပ်သင့်မှုတွေ ရှိနိုင်တဲ့ အတွက် ကျွမ်းကျင်သူတွေက အဲဒီနယ်မြေမှာ စောင့်ကြည့်လေ့လာမှုတွေ လုပ်နေပါတယ်။

ပေါက်ကွဲမှုဘာကြောင့်ဖြစ်ရတယ်ဆိုတာကိုတော့ မသိရသေးပါ။

ဒေသခံတွေနဲ့ သဘာဝပတ်ဝန်းကျင် ထိန်းသိမ်းရေး အဖွဲ့တွေဟာ ဒီစက်ရုံကို အဓိက အကြောင်းပြပြီး၊ ပတ်ဝန်းကျင် ထိန်းသိမ်းရေး အတွက် လှုပ်ရှားနေကြတာ ကာလကြာရှည် ခဲ့ပြီ ဖြစ်ပါတယ်။

ဈေးသည်တွေဟာ ပြည်နယ်ဝန်ကြီးချုပ်နဲ့ တွေ့ခွင့် မရလို့ စည်ပင်ရုံးကို ဆက်ချီတက်စစ်တွေမြို့ နာဇီရွာဈေးက ဈေးသည်တွေ ဆန္ဒပြ

စစ်တွေမြို့ နာဇီရွာဈေးက ဈေးသည်တွေဟာ တနင်္ဂနွေနေ့ မနက်က ရခိုင်ပြည်နယ် ဝန်ကြီးချုပ်အိမ်ထိ သုံးဘီးတွေနဲ့ ချီတက်ပြီး သူတို့ ကြုံတွေ့နေရတဲ့ အခက်အခဲတွေကို ဖြေရှင်းပေးဖို့ တောင်းဆိုမူတွေ ပြုလုပ်ခဲ့ တယ်လို့ သိရပါတယ်။

အာဏာပိုင်တွေက ဈေးကောက် ကောက်ရာမှာ ဈေးဆိုင်ခန်း တခန်းကို ၁၀၀၀ ကျပ်၊ မုန့်တီ ဆိုင်ကို ၇၀၀ ကျပ်နဲ့ ကောက်ညှင်ပေါင်း တတောင်းကို ၅၀၀ ကျပ်နှုန်း ကောက်ခံ နေတာကြောင့် ဈေးသည်တွေက မပေးနိုင်လို့ ဖြေရှင်းပေးဖို့အတွက် အခုလို ဝန်ကြီးချုပ် အိမ်အထိ သွားရောက် တောင်းဆိုရတာဖြစ်ကြောင်း ဈေးသည်တဦးက ဘီဘီစီကို ပြောပါတယ်။

ဈေးသည်ပေါင်း ၆၀ လောက် သွားရောက် တောင်းဆိုပေမယ့် ပြည်နယ်ဝန်ကြီးချုပ်နဲ့ တွေ့ခွင့် မရတာကြောင့် မြို့နယ်စည်ပင် ဦးစီးရုံးကို သုံးဘီးကားတွေနဲ့ ဆက်လက်ချီတက်ကာ သူတို့ အခက်အခဲတွေကို ဖြေရှင်းပေးရေး ဆက်လက်တောင်းဆိုခဲ့ပါတယ်။

မြို့နယ်စည်ပင်ရုံးမှာတော့ ဌာနဆိုင်ရာ လူကြီးတွေက သူတို့ကို တွေ့ဆုံပြီး၊ ဒီကိစ္စကို ဖြေရှင်း ပေးမယ့် အကြောင်း ကောင်းမွန်စွာ ပြန်လည် ပြောကြားခဲ့တယ်လို့ ဆိုပါတယ်။

ရခိုင်ပြည်နယ်အနှံ့အပြားမှာ အခွန်အကောက်တွေ ကြီးမြင့်နေတာကြောင့် ပြည်သူတွေအနေနဲ့ အခက်အခဲတွေနဲ့ ကြုံတွေ့နေရပေမဲ့၊ အခုလို ပြည်နယ်ဝန်ကြီးချုပ်အိမ် အထိ ချီတက်ပြီး ဝိုင်းဝန်း တောင်းဆို တာကတော့ အခုအကြိမ်ဟာ ပထမဆုံးအကြိမ် ဖြစ်ပါတယ်။

ပြင်သစ်နိုင်ငံ ဒုတိယအကျော့ သမ္မတရွေးကောက်ပွဲကျင်းပ

မစ္စတာဟိုလွန်းဒ်က ယူရိုဇုန် ငွေကြေး အကျပ် အတည်းကို ပြန်လည် ညှိနှိုင်းမယ်

ပြင်သစ်နိုင်ငံနဲ့ အီးယူ ဥရောပသမဂ္ဂ တို့ရဲ့ အနာဂတ်အတွက် အလွန်တရာမှ အရေးကြီး တယ်လို့ ယူဆရတဲ့ ပြစ်သစ်နိုင်ငံ ဒုတိယအကျော့ သမ္မတရွေးကောက်ပွဲတွေ တနင်္ဂနွေနေ့မှာ ကျင်းပ ခဲ့ပါတယ်။

ပြင်သစ်နိုင်ငံတဝန်းလုံး တနင်္ဂနွေနေ့မှာ လေပြင်း တိုက် မိုးရွာပြီး ရာသီဥတု အခြေအနေ ဆိုးနေပေမယ့် မဲပေးသူတွေကတော့ ဒါကို မမှုပဲ မဲလာပေးခဲ့ကြတာ တွေ့ရပါတယ်။

ပဲရစ်မြို့က မဲရုံတခုမှာ လက်ရှိသမ္မတ နီကိုးလပ်စ် ဆာကိုဇီက ဇနီးသည်နဲ့ အတူ မဲပေးသွားခဲ့ သလို ပြိုင်ဘက် ဆိုရှယ်လစ် ပါတီက မစ္စတာ ဖရန်ဆွာ ဟိုလွန်းဒ် ကလည်း သူ့ရဲ့ နိုင်ငံရေး အချက်အချာ မြို့ဖြစ်တဲ့ Tulle မြို့မှာ မဲသွားပေးခဲ့ပါတယ်။

လက်ရှိသမ္မတ နီကိုလပ်စ် ဆာကိုဇီ နိုင်ဖို့ အလားအလာ ရှိနေပါသေးတယ်လို့ သူ့ကို ထောက်ခံ သူတွေက အခိုင်အမာ ပြောနေကြပေမယ့်၊ သူ့ပြိုင်ဘက် မစ္စတာ ဟိုလွန်းဒ်ဟာ လူကြိုက် များတဲ့ အတွက် အနိုင်ရမယ်လို့ ယူဆရပါတယ်။

ယူရိုဇုန် ငွေကြေး အကျပ်အတည်းနဲ့ ပတ်သက် ပြီး၊ သမ္မတ နီကိုးလပ်စ် ဆာကိုဇီနဲ့ ပြိုင်ဖက် ဖရန်ဆွာ ဟိုလွန်းဒ် တို့ရဲ့ ဖြေရှင်းမယ့် ပုံစံ တွေဟာ အကြီးအကျယ် ကွဲလွဲ နေတာ ဖြစ်ပါတယ်။

ဥရောပ အစိုးရတွေရဲ့ ကြွေးမြီ ပြဿနာတွေအပေါ် သမ္မတ ဆာကိုဇီက ကြားဝင်ဆောင်ရွက် ပြီး ရရှိထားတဲ့ သဘောတူချက်ကို မစ္စတာ ဟိုလွန်းဒ်က ပြန်လည် ညှိနှိုင်းဆောင်ရွက်မှုတွေ ပြုလုပ်ချင်နေတာ ဖြစ်ပါတယ်။

မစ္စတာ ဟိုလွန်းဒ်သာ ဒီရွေးကောက်ပွဲမှာ အနိုင်ရမယ် ဆိုရင် ၁၉၈၈ခုနှစ် ကစလို့ အခုချိန် အတွင်း ပြင်သစ်နိုင်ငံရဲ့ ပထမဆုံး ဆိုရှယ်လစ် ပါတီ သမ္မတ ဖြစ်လာပါလိမ့်မယ်။

အမေရိကန်နိုင်ငံခြားရေးဝန်ကြီး အိန္ဒိယရောက်

By ဗွီအိုအေ (မြန်မာဌာန)

အိန္ဒိယနိုင်ငံမှာ ရောက်ရှိနေတဲ့ အမေရိကန် နိုင်ငံခြားရေးဝန်ကြီး ဟီလာရီ ကလင်တန်က အရေးယူဒဏ်ခတ်မှုတွေ ချမှတ်ခံထားရတဲ့ အီရန်ဆီကနေ ရေနံဝယ်ယူနေတာကို လျှော့ချပစ်ဖို့ အိန္ဒိယအစိုးရကို သူ့အနေနဲ့ တိုက်တွန်းသွားမှာပါ။ တရုတ်နိုင်ငံနဲ့ ဘင်္ဂလားဒေ့ရှ် နိုင်ငံတွေကို သွားရောက်ပြီးတဲ့နောက် ဒီကနေ့မှာ ၀န်ကြီး ကလင်တန်ဟာ အိန္ဒိယနိုင်ငံ ကာလကတ္တားမြို့မှာ ရောက်ရှိနေတာပါ။ ၀န်ကြီး ကလင်တန်ဟာ အိန္ဒိယနိုင်ငံရဲ့ ထိပ်ပိုင်းခေါင်းဆောင်တွေနဲ့ တွေ့ဆုံဖို့အတွက် မနက်ဖြန်မှာ နယူးဒေလီမြို့ကို ထွက်ခွာမှာဖြစ်ပါတယ်။

အိန္ဒိယနိုင်ငံဟာ အီရန်အပေါ် ရေနံအတွက် မှီခိုအားထားနေရမှုကို လျှော့ချခဲ့ပေမဲ့ တောင်အာရှ နိုင်ငံတွေကတော့ အကြီးအမား စွမ်းအင်လိုချက်တွေ ရှိနေတာပါ။ အီရန်ဆီက ရေနံတွေ ၀ယ်ယူနေတဲ့ တိုင်းပြည်တွေက ဘဏ်တွေအပေါ် အရေးယူ ဒဏ်ခတ်မှုတွေ ပြဌာန်းထားတဲ့ အမေရိကန်ရဲ့ ဥပဒေကိုလည်း  အိန္ဒိယနိုင်ငံက ပြင်းပြင်းထန်ထန် ဆန့်ကျင်နေတဲ့ နိုင်ငံတခုလည်း ဖြစ်ပါတယ်။

အီရန်ရဲ့ နျူကလီးယား ရည်မှန်းချက်အပေါ် အမေရိကန်နဲ့ အနောက်အုပ်စု နိုင်ငံတွေက အပြစ်ပေး အရေးယူထားတာလည်း ဖြစ်ပါတယ်။ အိန္ဒိယနိုင်ငံခရီးစဉ် မတိုင်ခင်မှာတော့ ၀န်ကြီး ကလင်တန်ဟာ ဘင်္ဂလားဒေ့ရ်ှနိုင်ငံ ဒါကာကို သွားရောက်ခဲ့ပြီး အဲ့ဒီမှာ ဒီကနေ့ လူထုနဲ့ အမေးဖြေကဏ္ဍ ပြုလုပ်ခဲ့ပါတယ်။ အဲ့ဒီထဲမှာတော့ ဘင်္ဂလားဒေ့ရ်ှနိုင်ငံသား နိုဘဲလ်ငြိမ်းချမ်းရေးဆုရှင် Muhammad Yunus စတင်တည်ထောင်ခဲ့တဲ့ Grameen ဘဏ်ရဲ့ လုပ်ငန်းစဉ်တွေကို သူ့အနေနဲ့ ထောက်ခံကြောင်း ၀န်ကြီး ကလင်တန်က ပြောပါတယ်။

သူမအနေနဲ့ Yunus ရဲ့ လုပ်ငန်းတွေအပေါ်ရော၊ Yunus အပေါ်မှာရော လေးစားတဲ့အကြောင်း ပြောပါတယ်။ ဘင်္ဂလားဒေ့ရ်ှအစိုးရက Muhammad Yunus ရဲ့ လုပ်ငန်းတွေ သိမ်ငယ်အောင် လုပ်ဆောင်တာမျိုးကို သူ့အနေနဲ့ မမြင်လိုဘူးလို့လည်း ၀န်ကြီး ကလင်တန်က ပြောပါတယ်။

ပြင်သစ်ရွေးကောက်ပွဲ ဆာကိုဇီ ရှုံးနိမ့်ဖွယ်ရှိ

By ဗွီအိုအေ (မြန်မာဌာန)

ပြင်သစ်နိုင်ငံ သမ္မတရွေးကောက်ပွဲရဲ့ ပထမအဆင့် ရွေးကောက်ပွဲအတွင်း အနိုင်ရခဲ့ကြတဲ့ ကိုယ်စားလှယ်လောင်း ၂ ယောက် ထိပ်တိုက်ရင်ဆိုင်ရတဲ့ တကြော့ပြန် ရွေးကောက်ပွဲအတွက် ပြင်သစ်နိုင်ငံသားတွေ ဒီကနေ့ မဲပေးနေကြပါတယ်။

လက်ရှိသမ္မတ Nicolas Sarkozy ဟာ သူ့အပေါ် အသာစီးရနေတဲ့ အဓိကပြိုင်ဘက် ဆိုရှယ်လစ်ပါတီ သမ္မတလောင်း ဖရွန်ဆွာ အိုလွန်း(ဒ်) (Francois Hollande) နဲ့ သူ့အကြားက ကွာဟမှုကို နီးစပ်အောင် အတော်လေး လုပ်ဆောင်လာနိုင်နေပေမယ့် ရှုံးနိမ့်မယ့် အလားအလာ ရှိနေတယ်လို့ နောက်ဆုံး ကောက်ယူခဲ့တဲ့ လူထုစစ်တမ်းတွေမှာ ဖော်ပြထားပါတယ်။

ဖရွန်ဆွာ အိုလွန်း(ဒ်) ကတော့ တချိန်က သူမြို့တော်ဝန်အဖြစ် တာဝန်ထမ်းဆောင်ခဲ့တဲ့ Tulle မြို့မှာ ဒီကနေ့ မနက် မဲပေးခဲ့ပါတယ်။ သမ္မတ ဆာကိုဇီးနဲ့ ဇနီး Carla Bruni တို့ကတော့ ပါရီမြို့တော်မှာ မဲပေးခဲ့ကြပါတယ်။

သူသမ္မတအဖြစ် တာဝန်ထမ်းဆောင်ခဲ့တဲ့ ၅ နှစ်တာကာလအတွင်း တိုင်းပြည်စီးပွားရေး ကိုင်တွယ်ဖြေရှင်းခဲ့ပုံနဲ့ သူ့ရဲ့ နေထိုင်ပုံတွေအပေါ် ဝေဖန်ပြော ဝေဖန်တာတွေကို သမ္မတ ဆာကိုဇီး ခံခဲ့ရတာပါ။

မစ္စတာ အိုလန်း(ဒ်) ကတော့ ဆိုရှယ်လစ်ပါတီကို နှစ်ပေါင်းများစွာ ဦးဆောင်လာခဲ့သူတဦး ဖြစ်ပေမဲ့ အစိုးရအတွင်းက ထိပ်တန်းရာထူးတွေကို လုပ်ဆောင်ဖူးသူ မဟုတ်ပါဘူး။

ဒုသမ္မတ သီဟသူရ ဦးတင်အောင်မြင့်ဦး ရာထူးနုတ်ထွက်ကြောင်း သတင်းများ ထွက်ပေါ်

By မသင်းသီရိ

ဒုသမ္မတ သီဟသူရ ဦးတင်အောင်မြင့်ဦးကို မတ်လ ၁၃ ရက်၊ ၂၀၁၂ ခုနှစ်က တွေ့ရစဉ်။

မြန်မာနိုင်ငံရဲ့  ဒုတိယ သမ္မတ သီဟသူရ ဦးတင်အောင်မြင့်ဦးဟာ ရာထူးကနေ နုတ်ထွက်ဖို့ စာတင်ထားတဲ့ သတင်းကို ဗွီအိုအေ မြန်မာပိုင်းက မနေ့က ထုတ်လွင့်ခဲ့ပါတယ်။ ဒီသတင်းနဲ့ပတ်သက်ပြီး နောက်ထပ် ဗွီအိုအေက စုံစမ်း သိရှိရသမျှတွေကိုတော့ မသင်းသီရိက တင်ပြပေးထားပါတယ်။ 

မကြာခင်ရက်ပိုင်းကမှ စင်ကာပူနိုင်ငံမှာ ဆေးကုသမှုခံယူပြီး မြန်မာပြည်ကို ပြန်ရောက်လာတဲ့ ဒုတိယ သမ္မတ ဦးတင်အောင်မြင့်ဦးဟာ လက်ရှိရာထူးကနေ နုတ်ထွက်ဖို့ စာကို မေလ ၃ ရက်နေ့မှာ သမ္မတဆီ စာတင်ခဲ့တာ ဖြစ်တယ်လို့ အစိုးရနဲ့ နီးစပ်သူတွေက ဗွီအိုအေ မြန်မာပိုင်းကို ပြောပါတယ်။ ဒီသတင်းကိုလည်း ဗွီအိုအေ မြန်မာပိုင်းက စနေနေ့ညပိုင်း အစီအစဉ်မှာ ထုတ်လွင့်ခဲ့ပြီး ဖြစ်ပါတယ်။ 

ဒီကနေ့ ထပ်မံ စုံစမ်းသိရသလောက်ကတော့ နုတ်ထွက်စာထဲမှာ ကျန်းမာရေးကြောင့် မပါဘူးလို့ ပြောပါတယ်။ ဒါပေမဲ့ လက်ရှိမှာ ကျန်းမာရေးလည်း သိပ်မကောင်းသလို့ လည်ချောင်းမှာ ကင်ဆာလို၊ အဖုအကြိတ်မျိူး စစ်ဆေး တွေ့ရှိခဲ့တာကြောင့် ရာထူးကနေ အနားယူဖို့ နုတ်ထွက်စာ တင်ထားတာ ဖြစ်တယ်လို့ အမည် မဖော်လိုသူ အစိုးရအဖွဲ့နဲ့ နီးစပ်သူတွေက ပြောပါတယ်။ သူရဲ့ နှုတ်ထွက်စာကို လက်ခံမယ် လက်မခံဘူး ဆိုတာကတော့ သမ္မတ ဦးသိန်းစိန်အပေါ်မှာ မူတည်တယ် လို့လည်း ပြောပါတယ်။ ဦးတင်အောင်မြင့်ဦးဟာ အခု မှော်ဘီက ဘုန်းကြီးကျောင်းတကျောင်းမှာ ရဟန်းခံထားတယ်လို့လည်း ပြောဆိုမှုတွေ ရှိနေပါတယ်။

တခါ ဒီသတင်းနဲ့ ပတ်သက်လို့ သမ္မတ အကြံပေး တဦးဖြစ်တဲ့ ဦးကိုကိုလှိုင်ကိုလည်း ကျမ ဆက်သွယ် မေးကြည့်တော့ လက်ရှိ ဒီကနေ့ထိတော့ ဦးတင်အောင်မြင့်ဦး ရာထူးကနေ နုတ်ထွက်မယ် ဆိုတဲ့ သတင်းနဲ့ပတ်သက်လို့ ဘာမှမသိရသေးဘူးလို့ ဖြေပါတယ်။ 

"ကျနော်တို့တော့ ဘာမှ မသိသေးပါဘူးခင်ဗျ။ ကျနော်တို့လည်း နေပြည်တော်က မေလ ၁ ရက်နေ့က ပြန်လာတာပေါ့လေ။ အဲဒီအချိန်ထိတော့ ဘာမှ မကြားခဲ့ပါဘူး။ ကျန်းမာရေးနဲ့ ပတ်သက်ပြီးတော့လည်းပဲ ဘာမှတော့ ပြောသံ ဆိုသံ မကြားမိပါဘူး။ ဒီလိုပဲ ၀က်ဘ်ဆိုက်တွေမှာရော၊ တခြား နေရာတွေမှာရော သတင်းတွေကတော့ ပြန့်နေတာပါပဲ။ ဒါမျိုး သတင်းတွေလည်း ပေါ်ပေါ်လာတတ်တာ ရှိတယ်။ ဟို . . . အတည်ပြုလို့လည်း မရဘူးပေါ့နော်။ ဒါပေမဲ့လည်း ကျနော်တို့ ဘာမှတော့ ရေရေရာရာ မသိပါဘူး။"

တကယ်တော့ မြန်မာနိုင်ငံမှာ ဒီလို သတင်းမျိူးတွေကို အတည်ပြုချက်ရဖို့ အတော် ခက်ခဲပါတယ်။ နိုင်ငံတော်သမ္မတရုံးတွေ၊ အစိုးရအဖွဲ့ရုံးက တာဝန်ရှိသူတွေဆီ ဆက်သွယ်ပေမဲ့လည်း အတည်ပြုချက် မရသလို ဘာမှ မသိရသေးဘူးလို့သာ ဖြေကြပါတယ်၊။ ဒီလို သတင်းမျိူးတွေကိုလည်း အုပ်ချုပ်သူ အစိုးရဘက်က ကြိုတင်အသိပေး ထုတ်ပြန်တဲ့ အစဉ်အလာလည်းမရှိခဲ့ပါဘူး။

ဒုသမ္မတ သီဟသူရ ဦးတင်အောင်မြင့်ဦးဟာ အခု အစိုးရအဖွဲ့ထဲမှာ သဘောထား တင်းမာသူ တဦး ဖြစ်တယ်လို့ အများသုံးသပ်ထားတာမို့  ဒီသတင်းကို အတော်များများက စိတ်ဝင်စားနေကြတာလည်း ဖြစ်ပါတယ်။ ဦးတင်အောင်မြင့်ဦးနဲ့ တပ်မမှူး၊ တိုင်းမှူးဘ၀မှာ ဆုံခဲ့ဖူးသူ တဦးဖြစ်တဲ့ အမေရိကန်နိုင်ငံမှာနေတဲ့ စစ်သံမှူးဟောင်း ဦးအောင်လင်းထွဋ်ကတော့ သူသိတဲ့ ဦးတင်အောင်မြင့်ဦးရဲ့ စိတ်နေ သဘောထားတွေကို အခုလို ပြောပြပါတယ်။ 

"သီဟသူရ ဦးတင်အောင်မြင့်ဦး အနေနဲ့ ဒီအစိုးရထဲမှာတော့ နံပါတ်တစ် သဘောထား တင်းမာဆုံးလို့ ပြောရပါမယ်။ သူဟာစစ်တပ်ထဲမှာ နေစဉ်တုန်းကလည်း အင်မတန်မှ သဘောထား တင်းမာတဲ့သူ။ ကျနော်တို့ စစ်တပ်ထဲမှာတော့ အပြောအဆိုလည်း ကြမ်းတယ်။ အခုလည်း ကင်ဆာဖြစ်တယ်လို့ ကြားတာပဲ။ အခု ဒေါ်အောင်ဆန်းစုကြည် လွှတ်တော်ထဲ ၀င်ဖို့ မ၀င်ဖို့ ကိစ္စတွေ၊ နောက် ၂၀၀၉ ခုနှစ်က ဖြစ်ခဲ့တဲ့ ဒေါ်အောင်ဆန်းစုကြည်ကို လွှတ်ဖို့ မလွှတ်ဖို့ကိစ္စ၊ နောက် မစ္စတာယက်တောနဲ့ ပြန်ဖမ်းတဲ့ ကိစ္စတွေ ရှိတယ်ဗျာ၊ နောက် ၂၀၁၀ ရွေးကောက်ပွဲအပြီး တပတ်အကြာမှ ဒေါ်အောင်ဆန်းစုကြည်ကို ပြန်လွှတ်ပေးတာ ဒါတွေဟာ သူတို့ပယောဂတွေ မကင်းပါဘူး ခင်ဗျ။

၂၀၁၁ ခုနှစ်လောက်က ကျနော် သိရသလောက်ပေါ့လေ အခု လက်ရှိသမ္မတကြီး ဦးသိန်းစိန် ကိုယ်တိုင် တော်တော်လေး စိတ်ခံစားပြီးတော့မှ အစည်းအဝေး ခန်းကနေပြီးတော့မှ ဆွဲခေါ် ထုတ်သွားခဲ့ရတဲ့ အနေအထားမျိူးတွေ ရှိခဲ့တယ်ဆိုတဲ့ သတင်းမျိူးတွေ ကြားခဲ့ရပါတယ်။ အဲဒီချိန်ခါတုန်းကတော့  ဦးတင်အောင်မြင့်ဦးအနေနဲ့ ကျန်းမာရေး ကောင်းပြီးတော့မှ aggressive ဖြစ်တဲ့အချိန်ပေါ့လေ။ အထူးသဖြင့်တော့ မြစ်ဆုံ Dam (ဆည်) ကိစ္စတွေ ဖြစ်တဲ့အခါမှာ ဖြစ်ပါတယ်။"

ဒါကတော့ အမေရိကားမှာ နေတဲ့ စစ်သံမှူးဟောင်း ဦးအောင်လင်းထွဋ် ပြောပြခဲ့တာပါ။ ဦးတင်အောင်မြင့်ဦးဟာ DSA စစ်တက္ကသိုလ် အပတ်စဉ် (၁၂) ကျောင်းဆင်း တဦးဖြစ်ပြီး အရင်စစ်အစိုးရ လက်ထက်မှာတော့ အရှေ့မြောက်တိုင်း စစ်ဌာနချုပ် တိုင်းမှူးအဖြစ်နဲ့ တာဝန်ယူခဲ့သူ ဖြစ်ပါတယ်။ အခု အရပ်သားအစိုးရ တရပ် ဖွဲ့စည်းခဲ့တဲ့ အထဲမှာတော့ စစ်တပ်ရဲ့ ထောက်ခံမှု အပြည့်နဲ့ ဒုတိသမ္မတ ဖြစ်လာတာလို့လည်း ပြောဆိုကြတာတွေ ရှိပါတယ်။