ဟင်းလင်းပွင့် တောအုပ်

by Ko Htut on Thursday, April 19, 2012 at 1:57pm

ကမ္ဘာသစ်ကိုမှီဖို့မသေချာဘူး

ကမ္ဘာဟောင်းမှာရှင်ဖို့မသေချာဘူး

ဟစ်တလာသေသွားတာသေချာတယ်

ကားလ်မာခ်ပြောခဲ့တာသေချာတယ်

ဗုဒ္ဓဟောခဲ့တာလည်းသေချာတယ်

သေချာတယ်ဆိုတာမသေချာဘူးဆိုတာသေချာတယ်

အလတ်ဆတ်ဆုံးလေကိုရှူရိူက်ဖို့

အခက်ခဲဆုံးတောင်ကုန်းကိုတက်ခဲ့တယ်

အခန့်ငြားဆုံးစီးဆင်းဖို့

အကြမ်းတမ်းဆုံးမြစ်မှာဆန်ခဲ့တယ်

ဒီလိုနဲ့

သခင်စိုးနဲ့မောင်ချောနွယ်ကိုလည်း

စိန်ခေါ်ရဲခဲ့ပြီ

ဒီလိုနဲ့

မြာပွေတဲ့မာယာကော့စကီးကိုလည်း

စိတ်ပျက်လက်ပျက်ဖြစ်ခဲ့ပြီ

ဒီလိုနဲ့

အိမ်ထောင်ဆက်များတဲ့

မော်စီတုန်းကိုလည်း

အကြည်ညိုပျက်ခဲ့ပြီ

ဒီလိုနဲ့

ကိုဗဟိန်းပြတင်းဝမှာသာတဲ့

လရောင်ကိုလည်းခံစားတတ်ခဲ့ပြီ

ပန်းပွင့်တွေနဲ့စကားပြောရင်း

ငှက်အော်သံတွေမှာအဓိပ္ပါယ်ရှာရင်း

နေပူထဲမီးပွိုင့်မိနေတဲ့လမ်းမှာ

ဖိနပ်ပေါက်ကိုစီးရင်း

အတောက်ပဆုံးခရီးကိုဆက်ခဲ့တယ်

မြန်မာပြည်ကိုပခုံးနဲ့ထမ်းတင်မယ်ဆိုရင်

သမ္မတဦးသိန်းစိန်ကိုလည်းထောက်ခံမယ်

ချစ်သူကိုပျော်တော်ဆက်နိုင်ရင်

ဗေလုဝကိုလဲကျေးဇူးတင်တယ်

ဒီလိုနဲ့

ဟိုချီမင်းနဲ့ဦးဝင်းတင်တို့ရဲ့

အထီးကျန်ရဲရဲတောက်စိတ်ဓါတ်ကိုလေးစားရင်း

အကြမ်းတမ်းဆုံးနေ့တွေကို

အခမ်းနားဆုံးဖြတ်သန်းရင်း

ရှင်ဖို့အတွက်သေခဲ့ပြီ..။…။

ငြိမ်းချမ်းအောင်

(ဧပြီ ၁၈၊ ၂၀၁၂)