22.03.2012 နေ့ဖတ်ရန်သတင်းများ

by Myanmar Journal on Wednesday, March 21, 2012 at 6:06pm ·

ရွေးကောက်ပွဲစောင့်ကြည့်ဖို့ မြန်မာဖိတ်ခေါ်ချက် အမေရိကန်ကြိုဆို

By ဒေါ်ခင်မျိုးသက်

မြန်မာနိုင်ငံမှာ ဧပြီလ ၁ ရက်နေ့  ကျင်းပမယ့် ကြားဖြတ်ရွေးကောက်ပွဲကို လေ့လာဖို့ အမေရိကန်အစိုးရကိုယ်စားလှယ်တွေကို ဖိတ်ခေါ်လိုက်တဲ့အပေါ်မှာ ပထမအဆင့်နဲ့ ကြိုဆိုတယ်လို့  အမေရိကန်က ပြောလိုက်ပါတယ်။ ရရှိတဲ့အခွင့်အရေးကို အကျိုးအရှိဆုံး အသုံးချနိုင်ဖို့အတွက် အမေရိကန်အနေနဲ့ အာဆီယံအပါအဝင် လေ့လာခွင့်ရတဲ့ တခြားနိုင်ငံတွေနဲ့ ပူးပေါင်းဆောင်ရွက်သွားမယ်လို့ အမေရိကန် နိုင်ငံခြားရေးဌာနရဲ့ ဗုဒ္ဓဟူးနေ့ သတင်းစာရှင်းလင်းပွဲမှာ ပြောခွင့်ရသူ ဗစ်တိုရီးယား နျူလန် (Victoria Nuland) က ပြောလိုက်တာပါ။
အခုလို ရွေးကောက်ပွဲကို လေ့လာဖို့ မြန်မာအစိုးရက ဖိတ်ကြားတယ်ဆိုပေမယ့် မြန်မာနိုင်ငံမှာလုပ်မယ့် ရွေးကောက်ပွဲဟာ နိုင်ငံတကာအဆင့်အတန်းနဲ့ယှဉ်ရင်တော့ အပြည့်အဝ ပွင့်လင်းမှု မရှိသေးဘူးလို့ ပြောကြားခဲ့တဲ့အကြောင်း အပြည့်အစုံကို ဒေါ်ခင်မျိုးသက်က တင်ပြပေးထားပါတယ်။

မြန်မာအစိုးရက  ဧပြီလ ၁ ရက်နေ့မှာ ကျင်းပမယ့်  ကြားဖြတ်ရွေးကောက်ပွဲကို စောင့်ကြည့်လေ့လာဖို့  အမေရိကန် ရွေးကောက်ပွဲ ကိုယ်စားလှယ်၂ ဦးနဲ့ သတင်းထောက် ၃ ဦးလာရောက်ဖို့  ဖိတ်ကြားခဲ့တဲ့အပြင်  အာဆီယံအပါအဝင် အီးယူ ဥရောပသမဂ္ဂနဲ့  တခြား နိုင်ငံတွေကိုပါ လာရောက် စောင့်ကြည့်လေ့လာဖို့  ဖိတ်ခေါ်လိုက်တာမို့  ဒါဟာ ဒီမိုကရေစီရေး လျှောက်လှမ်းရာမှာ အရေးပါတဲ့ ခြေလှမ်း တရပ်အဖြစ် အမေရိကန် ပြည်ထောင်စုက ကြိုဆိုကြောင်း  အမေရိကန်နိုင်ငံခြားရေးဌာန  ပြောခွင့်ရ  Victoria Nuland ကပြောပါတယ်

“ ဒါကို ပထမခြေလှမ်းအဖြစ် ကြိုဆိုပါတယ်။ ဒီရွေးကောက်ပွဲနဲ့ ပတ်သက်ပြီး တခြား အာဆီယံနိုင်ငံတွေမှာ လုပ်သလို နိုင်ငံတကာ စောင့်ကြည့်လေ့လာသူတွေ လာရောက်ခွင့်ပြုတဲ့စံနစ်ကိုဖွင့်ပေးဖို့ အမေရိကန် နိုင်ငံခြားရေးဝန်ကြီး  မြန်မာနိုင်ငံကို သွားတုန်းက   မြန်မာအစိုးရကို အားပေးခဲ့သလို အဲဒီနောက်ပိုင်း သွားရောက်တဲ့ အမေရိကန် ကိုယ်စားလှယ်တိုင်းကလည်း အားပေးခဲ့တာပါ။ ဒါဟာ ကမ္ဘာတဝှမ်း ကျင့်သုံးနေကြတာမျိုးမို့ပါ”

ရွေးကောက်ပွဲတခု ပွင့်လင်း၊ တရားမျှတမှု ရှိနိုင်စေဖို့ နိုင်ငံတကာ စောင့်ကြည့်လေ့လာသူတွေ လာရောက်တဲ့ အခါမှာ လုပ်ပိုင်ခွင့် အပြည့်ပေးဖို့  လိုအပ်တယ်လို့လည်း ပြောပါတယ်။ ဒီအထဲမှာ ရွေးကောက်ပွဲရက်မတိုင်ခင် ရက်အနည်းငယ်နဲ့ ရွေးကောက်ပွဲ ကျင်းပတဲ့နေ့အပြင် ရွေးကောက်ပွဲ နောက်ပိုင်းကာလတွေမှာ ကျွမ်းကျင်သူတွေနဲ့ အစိုးရမဟုတ်တဲ့ အဖွဲ့အစည်း NGO တွေရဲ့ စောင့်ကြည့်လေ့လာမှုက အဓိက  အရေးပါတယ်လို့ ဆိုပါတယ်။ အခု မြန်မာအစိုးရက အမေရိကန်ကို ဖိတ်ခေါ်ခဲ့တာမို့ စောင့်ကြည့်လေ့လာဖို့ သေသေချာချာသွားရောက်မှာ ဖြစ်ပြီး ထိထိရောက်ရောက် ဆောင်ရွက်နိုင်အောင် အာဆီယံအဖွဲ့ကြီးနဲ့ တခြားအဖွဲ့အစည်းတွေနဲ့အတူ ပူးပေါင်းဆောင်ရွက်ဖို့ ရှိတယ်လို့လည်း ပြောပါတယ်။

“ကျမတို့ဟာ ရွေးကောက်ပွဲ ထိရောက်မှု ရှိစေဖို့အတွက် စောင့်ကြည့်လေ့လာသူတွေရဲ့ အလုပ်ကို ပီပီပြင်ပြင်လုပ်နိုင်အောင် အာဆီယံ အဖွဲ့ကြီးနဲ့ရော တခြား စောင့်ကြည့်လေ့လာသူတွေနဲ့ပါ အတူ ပူးပေါင်းဆောင်ရွက်ဖို့ ရှိပါတယ်။ ဒါပေမယ့်  ဒီစောင့်ကြည့် လေ့လာစေတဲ့ အလုပ်ကို နိုင်ငံတကာစံနှုန်းနဲ့  အတတ်နိုင်ဆုံးကိုက်ညီအောင် မြန်မာအစိုးရဘက်က ကြိုးစားလုပ်ဆောင်ပေးဖို့လည်း  ကျမတို့က တိုက်တွန်းပါတယ်”

အခုရွေးကောက်ပွဲဟာ  သမ္မတရွေးကောက်ပွဲလောက်၊ လွှတ်တော်ရွေးကောက်ပွဲတွေလောက် မကြီးကျယ်ဘဲ အမတ်နေရာ လေးဆယ်ကျော် အတွက်သာ ယှဉ်ပြိုင်တဲ့ ကြားဖြတ်ရွေးကောက်ပွဲတရပ်ဖြစ်ပေမယ့် တက်လာတဲ့ မြန်မာအစိုးရသစ်ဟာ အရင်က တခါမှ နိုင်ငံတကာ စောင့်ကြည့်လေ့လာသူတွေကို ခွင့်ပြုလေ့မရှိခဲ့တဲ့အတွက် အခုလုပ်ရပ်ဟာ အပြုသဘောဆောင်တဲ့ ကောင်းမွန်တဲ့ ခြေလှမ်းတရပ်အဖြစ်  အမေရိကန်ဘက်က ရှုမြင်ပါတယ်။ ဒါပေမယ့်  မြန်မာအစိုးရအနေနဲ့ အခုလိုပဲ တံခါးဖွင့်ဝါဒကို ဆက်ပြီး ကျင့်သုံးမယ်လို့ မျှော်လင့်ထားကြောင်းလည်း ပြောပါတယ်။

“မြန်မာအစိုးရက နိုင်ငံတကာ စောင့်ကြည့်လေ့လာသူတွေကို တခါမှ အခုလို  လာခွင့်မပြုခဲ့ဖူးပါဘူး။ အခု ရွေးကောက်ပွဲဟာလည်း   နိုင်ငံတကာ စံနှုန်းအတိုင်း လုံးဝ ပွင့်လင်းမြင်သာမှု ရှိတယ်လို့တော့ ပြောလို့ မရပါဘူး။   ကျမတို့ကတော့  မြန်မာနိုင်ငံမှာ အခုလိုပဲ  ပွင့်ပွင့်လင်းလင်း ဆက်ပြီး ဆောင်ရွက်လိမ့်မယ်လို့ မျှော်လင့်ထားပါတယ်”

လက်ရှိ မြန်မာအစိုးရသစ်အဖွဲ့ဟာ ၂ဝဝ၈ ခုနှစ် အခြေခံဥပဒေပေါ် အခြေခံပြီး ကျင်းပတဲ့  ပွင့်လင်းမြင်သာမှု မရှိတဲ့  ၂ဝ၁ဝ ရွေးကောက်ပွဲနဲ့ တက်လာတဲ့ အရပ်ဝတ်ပြောင်း စစ်ဘက်အရာရှိအများစုပါဝင်တဲ့  အစိုးရတရပ်ဖြစ်ပါတယ်။

အခု စောင့်ကြည့်လေ့လာသူတွေသာမက နိုင်ငံတကာ သတင်းမီဒီယာတွေကိုပါ လာခွင့်ပေးထားတဲ့ ကြားဖြတ်ရွေးကောက်ပွဲဟာ ပြောင်းလဲမှုတွေလုပ်ဆောင်နေတဲ့ မြန်မာအစိုးရသစ်ကို စောင့်ကြည့်နေတဲ့ နိုင်ငံတကာအတွက် ဒဏ်ခတ်အရေးယူမှုတွေအပါအဝင် မူဝါဒ ပြောင်းလဲရေးတွေအတွက် အရေးပါနေတာမို့ ဒီရွေးကောက်ပွဲ ပွင့်လင်းမြင်သာမှု ဘယ်လောက်ရှိပြီး တရားမျှတမှု ဘယ်လောက်ရှိမယ် ဆိုတာကို အများက စောင့်ကြည့် အကဲခတ်နေကြပါတယ်။

အမေရိကန်နဲ့ EU ရွေးကောက်ပွဲ အကဲခတ် ပုဂ္ဂိုလ်တွေကို မြန်မာ အစိုးရကဖိတ်ခေါ်

By ကိုသားညွန့်ဦး

မြန်မာနိုင်ငံ ကြားဖြတ်ရွေးကောက်ပွဲကို လေ့လာဖို့ အမေရိကန်ပြည်ထောင်စုနဲ့ EU နဲ့ ASEAN နိုင်ငံတကာစောင့်ကြည့်ရေးအဖွဲ့တွေကို မြန်မာအစိုးရက ခွင့်ပြုလိုက်ပါပြီ။ ဒီအပေါ်မှာ ကျေနပ် အားရမိပေမယ့် ရွေးကောက်ပွဲ အကြိုကာ မသမာမှုတွေ၊ ခြိမ်းခြောက်မှုတွေ ရှိတယ်ဆိုတဲ့ သတင်းတွေအပေါ်မှာ စိုးရိမ်မိတယ်လို့ အမေရိကန်ပြည်ထောင်စုက တုံ့ပြန်ပါတယ်။ လွတ်လပ်မျှတတဲ့ ရွေးကောက်ပွဲဟာ မြန်မာနိုင်ငံ ဒီမိုကရေစီရေးနဲ့ အမေရိကန်-မြန်မာ နှစ်ဘက် ဆက်ဆံရေးကိုပါ အထောက်အပံ့ဖြစ်စေလိမ့်မယ်လို့လည်း အမေရိကန်ပြည်ထောင်စုက ပြောလိုက်ပါတယ်။ အပြည့်အစုံကိုတော့ ကိုသားညွန့်ဦးက တင်ပြပေးထားပါတယ်။

လာမယ့် ကြားဖြတ်ရွေးကောက်ပွဲကို နိုင်ငံတကာက အလေးထားစောင့်ကြည့်နေချိန်မှာပဲ အခုလို နိုင်ငံတကာ စောင့်ကြည့်ရေးအဖွဲ့တွေကို မြန်မာအာဏာပိုင်တွေက ဖိတ်ကြားလိုက်တာပါ။ ဒီ ရွေးကောက်ပွဲဟာ မြန်မာ့နိုင်ငံရေး ပြုပြင်ပြောင်းလဲမှုတွေအတွက် အရေးပါတယ်လို့ အမေရိကန် ပြည်ထောင်စုအနေနဲ့ ရှုမြင်ပါတယ်။ အခုလို နိုင်ငံတကာစောင့်ကြည့်ရေးအဖွဲ့တွေ သတင်း မီဒီယာတွေကို လာရောက်ခွင့်ပေးတဲ့အတွက် အားရကျေနပ်မိတယ်လို့ အမေရိကန်ပြည်ထောင်စုရဲ့ သဘောထားကို အမေရိကန်နိုင်ငံခြားရေးဌာန အရာရှိတဦးက ဗွီအိုအေကို ပြောပါတယ်။

“ဒီ ပထမဆုံးလွှတ်တော် ကြားဖြတ်ရွေးကောက်ပွဲဟာ မြန်မာနိုင်ငံရေးပြုပြင်ပြောင်းလဲမှု လုပ်ငန်းတွေ အတွက် အရေးကြီးတဲ့ မှတ်တိုင်တရပ်ဖြစ်ပါတယ်။ အာဆီယံ၊ EU အမေရိကန်ပြည်ထောင်စု အပါအဝင် နိုင်ငံတကာလေ့လာစောင့်ကြည့်ရေးအဖွဲ့တွေ ရွေးကောက်ပွဲကို လာရောက်လေ့လာဖို့ ဖိတ်ကြားတယ်ဆိုတဲ့အပေါ်မှာ အမေရိကန်ပြည်ထောင်စုအနေနဲ့ အားရမိပါတယ်။ အဲဒီ နိုင်ငံတွေက သတင်းမီဒီယာတွေကိုလည်း လာရောက် လေ့လာဖို့ ဖိတ်ကြားပြီး နိုင်ငံတကာသတင်းမီဒီယာတွေကို ပို ဖွင့်ပေးလိုက်တာ တွေ့ရပါတယ်။”

တဘက်မှာတော့ ရွေးကောက်ပွဲအကြိုကာလ မသမာမှုတွေဖြစ်တဲ့သတင်းတွေအပေါ် အမေရိကန် ပြည်ထောင်စုက စိုးရိမ်နေပါတယ်။ ဒါကြောင့်လည်း ရွေးကောက်ပွဲလွတ်လပ်မျှတမှုရှိစေဖို့ အာဏာပိုင်တွေကိုရော နိုင်ငံရေးပါတီတွေကိုပါ သတိပေး တောင်းဆိုပါတယ်။

“တချိန်တည်းမှာပဲ ရွေးကောက်ပွဲအကြို မမှန်မကန်လုပ်မှုတွေ၊ နေပြည်တော်မှာ အမျိုးသားဒီမိုကရေစီ အဖွဲ့ချုပ်ကို တိုက်ခိုက်မှုတွေလုပ်တယ်ဆိုတဲ့ သတင်းတွေ ထွက်လာတဲ့အပေါ်မှာလည်း စိုးရိမ်မိ ပါတယ်။ ရွေးကောက်ပွဲ လွတ်လပ်မျှတမှုရှိရေးနဲ့၊ နိုင်ငံရေးပါတီတွေအနေနဲ့လည်း အကြမ်းဖက်မှုတွေ၊ ခြိမ်းခြောက်မှုတွေ မဖြစ်စေအောင် ဂရုစိုက်ဖို့ အမေရိကန်ပြည်ထောင်စုအနေနဲ့ အာဏာပိုင်တွေကို တောင်းဆိုပါတယ်။ ရွေးကောက်ပွဲ လွတ်လပ်ပြီး မျှတမှုတာဟာ ဒီမိုကရေစီရေး၊ အမျိုးသားပြန်လည် သင့်မြတ်ရေးနဲ့ နှစ်နိုင်ငံ အပြန်အလှန်ဆက်ဆံရေး တိုးတက်ကောင်းမွန်လာဖို့အတွက် အထောက်အကူဖြစ်စေမယ်လို့ ယူဆပါတယ်။”

နိုင်ငံတကာရွေးကောက်ပွဲစောင့်ကြည့်ရေးအဖွဲ့တွေ ဖိတ်ကြားတဲ့အပေါ်မှာ EU ဥရောပသမဂ္ဂ ကလည်း ကြိုဆိုပါတယ်။

ဒါဟာ အပြုသဘောဆောင်တဲ့ တုံ့ပြန်ချက်ဖြစ်တယ်လို့ EU ပြင်ပဆက်ဆံရေးဌာန ပြောခွင့်ရ အမျိုးသမီး Maja Kocijancic က ပြောသွားတာပါ။

အခုလို နိုင်ငံတကာလေ့လာစောင့်ကြည့်ရေးအဖွဲ့တွေ လွတ်လွတ်လပ်လပ် လေ့လာခွင့်ရမယ် ဆိုရင်တော့ တရားမျှတတဲ့ ရွေးကောက်ပွဲဖြစ်ဖို့ အထောက်အကူဖြစ်စေမယ်လို့ အမျိုးသား ဒီမိုကရေစီ အဖွဲ့ချုပ် ရွေးကောက်ပွဲအောင်နိုင်ရေး မန်နေဂျာ ဦးဉာဏ်ဝင်းက မျှော်လင့်ပါတယ်။

“ဒီလိုဖိတ်ခေါ်တာတွေကို ကျေးဇူးတင်တယ်။ Observer တွေရှိတဲ့အခါကျတော့ ကျနော်တို့နိုင်ငံမှာ တရားမျှတတဲ့ ရွေးကောက်ပွဲလုပ်နေတယ်ဆိုတာဟာ ပိုပြီးတော့ ဂုဏ်ရှိစေတယ်လို့ ထင်တယ်။ အဲဒါကြောင့် ကျနော်တို့ ကြိုဆိုပါတယ်။ Observer က ဘယ်လို Observer ပဲဖြစ်ဖြစ် မဲရုံအနှံ့ ရောက်ဖို့ကတော့ အကြောင်းမရှိဘူး။ သို့သော်- လွတ်လွတ်လပ်လပ် လေ့လာခွင့်ရမယ်ဆိုရင်တော့ ဒါ အကျိုးရှိမှာပဲ”

ပြီးခဲ့တဲ့ ၂ဝ၁ဝ ရွေးကောက်ပွဲတုန်းကတော့ နိုင်ငံတကာစောင့်ကြည့်ရေးအဖွဲ့တွေရော နိုင်ငံတကာ သတင်းမီဒီယာတွေကိုပါ ပြည်ဝင်ခွင့်မပေးခဲ့ပါဘူး။ အဲဒီ ရွေးကောက်ပွဲအတွင်းမှာ မဲမသမာမှုတွေ ရှိခဲ့တယ်လို့ တိုင်ကြားမှုတွေ စွပ်စွဲမှုတွေလည်းရှိခဲ့ပါတယ်။ အခုလို လာမယ့်ရွေးကောက်ပွဲ နိုင်ငံတကာကို လွတ်လွတ်လပ်လပ် စောင့်ကြည့်ခွင့်ပြုလိုက်တာကြောင့် နောက်နောင်လာမယ့် ရွေးကောက်ပွဲတွေအတွက်လည်း အလားအလာကောင်းတွေ ဖြစ်လာလိမ့်မယ်လို့ ရခိုင် တိုင်းရင်းသားများ တိုးတက်ရေးပါတီ ဥက္ကဋ္ဌလည်းဖြစ်၊ အမျိုးသားလွှတ်တော် ရခိုင်ပြည်နယ် ကိုယ်စားလှယ်လည်းဖြစ်သူ ဦးအေးမောင်က ပြောပါတယ်။

“နိုင်ငံတကာအဖွဲ့နဲ့ ချိတ်ဆက်နိုင်မယ့် ပြည်တွင်း civil society ရဲ့ ပါဝင်မှုက အရေးကြီးလာအုံးမှာပါ။ အဲဒါကြောင့် ပြည်တွင်းကိုလာမယ့် နိုင်ငံတကာ စောင့်ကြပ်တဲ့အဖွဲ့တွေကို ခွင့်ပြုသလိုပဲ ပြည်တွင်းမှာ ရှိတဲ့ သတင်းစာလောက-က ပုဂ္ဂိုလ်တွေအကုန်လုံးကိုလည်း မြန်မာနိုင်ငံ တနံတလျားကို- by election ရှိတဲ့ နေရာတိုင်းကို စောင့်ကြည့်ခွင့်၊ သတင်းယူခွင့်၊ ဓာတ်ပုံရိုက်ခွင့်၊ ဗွီဒီယို မှတ်တမ်းတင်ခွင့် - အစုံပေါ့နော်၊ ပြည်သူနဲ့ထိစပ်နှီးနွယ်တဲ့ စစ်တမ်းကောက်ယူခွင့် အစုံပေါ့ဗျာ။ မဲပေးပြီးရင် ဘယ်သူ့ကို မဲပေးခဲ့ပါသလဲဆိုတဲ့ research ကလေးကို ကြိုပြီး ကောက်ယူနိုင်ခွင့်အဆုံးပေါ့- ပေးမယ် ဆိုရင်တော့ဖြင့် ၂၀၁၅ ရွေးကောက်ပွဲ အတွက်လည်း အင်မတန်ကောင်းတဲ့ အလားအလာလို့ ယူဆရမှာပါ”

အခုလာမယ့် ရွေးကောက်ပွဲမှာတော့ လစ်လပ်မဲဆန္ဒနယ် ၄၈ နေရာကို နိုင်ငံရေးပါတီတွေက ယှဉ်ပြိုင်ရမှာပါ။ အာဏာရ ကြံ့ခိုင်ရေးပါတီနဲ့ အတိုက်အခံ အမျိုးသားဒီမိုကရေစီအဖွဲ့ချုပ်တို့က အဓိက ပြိုင်ဘက်တွေ ဖြစ်ကြပါလိမ့်မယ်။ အမျိုးသားဒီမိုကရေစီအဖွဲ့ချုပ်အနေနဲ့ ပြီးခဲ့တဲ့ ၂ဝ၁ဝ ရွေးကောက်ပွဲမှာ ဝင်ရောက်ယှဉ်ပြိုင်တာ မလုပ်ခဲ့ပါဘူး။ ပါတီခေါင်းဆောင် ဒေါ်အောင်ဆန်းစုကြည် ပြန်လွတ်လာပြီးနောက်ပိုင်းမှ ပါတီကို တရားဝင် ပြန်မှတ်ပုံတင်ပြီး အခု ရွေးကောက်ပွဲကို ဝင်ခဲ့တာပါ။

အခု ဧပြီရွေးကောက်ပွဲ တရားမျှတမှု၊ လွတ်လပ်မှု ရှိမရှိ အခြေအနေအပေါ်မူတည်ပြီးတော့ နိုင်ငံတကာအနေနဲ့ကလည်း မြန်မာနိုင်ငံအပေါ်ထားတဲ့ သဘောထား ပြောင်းလဲဖွယ်ရှိပါတယ်။

ဒီ အခြေအနေပေါ်မှာ မြန်မာနိုင်ငံအပေါ် အရေးယူပိတ်ဆို့မှုတွေကို ပြန်ရုပ်သိမ်း မသိမ်း ဆိုတာကိုလည်း ထည့်တွက် စဉ်းစားမှာဖြစ်တယ်လို့ အမေရိကန်ပြည်ထောင်စုရော EU ဥရောပသမဂ္ဂ ဘက်ကပါ ပြောထားပါတယ်။ မြန်မာအာဏာပိုင်တွေအနေနဲ့ နိုင်ငံရေးပြုပြင်ပြောင်းလဲမှုတွေ လုပ်ဖို့ ဘယ်လောက် ဆန္ဒရှိမရှိ၊ လက်တွေ့ကျမကျဆိုတာဟာ ဒီရွေးကောက်ပွဲဟာ စမ်းသပ်မှုတရပ် ဖြစ်မယ် လို့လည်း နိုင်ငံတကာက ပြောထားပါတယ်။

ကမ္ဘောဒီယားနိုင်ငံကို ရောက်နေတဲ့ မြန်မာသမတ ဦးသိန်းစိန်ကလည်း အခုလို နိုင်ငံတကာစောင့်ကြည့်ရေးအဖွဲ့တွေကို ရွေးကောက်ပွဲအတွက် ဖိတ်ကြားတယ်ဆိုတာကို အတည်ပြု ပြောတယ်လို့ ကမ္ဘောဒီယားနိုင်ငံခြားရေးဌာနက ထုတ်ပြန်ပါတယ်။ အာဆီယံနဲ့ အာဆီယံ မိတ်ဖက်နိုင်ငံတွေဖြစ်ကြတဲ့ သြစတေးသျှ၊ ကနေဒါ၊ တရုတ်၊ ဥရောပသမဂ္ဂ၊ အိန္ဒိယ၊ ဂျပန်၊ နယူးဇီလန်၊ တောင်ကိုရီယား၊ ရုရှားနဲ့ အမေရိကန်ပြည်ထောင်စုတို့ကို ဖိတ်ကြားထားတယ်လို့ ဆိုပါတယ်။

အခုလို နိုင်ငံတကာစောင့်ကြည့်ရေးအဖွဲ့တွေကို ဖိတ်ကြားတဲ့ကိစ္စနဲ့ပတ်သက်လို့ ထိုင်းနိုင်ငံအနေနဲ့ ကြိုဆိုကြောင်းလည်း ထိုင်းနိုင်ငံခြားရေးဌာနက သတင်းထုတ်ပြန်ပါတယ်။ အခု လုပ်ရပ်ဟာ မြန်မာအစိုးရအနေနဲ့ ပြုပြင်ပြောင်းလဲရေးနဲ့ အမျိုးသားပြန်လည်သင့်မြတ်ရေးကို မမှိတ်မသုန် အလေးအနက်ထားဆောင်ရွက်သွားမယ်ဆိုတာ နိုင်ငံတကာကို ပြသလ်ုကတာဖြစ်တယ်လို့လည်း ထိုင်းနိုင်ငံခြားရေးဌာနက ထုတ်ပြန်သွားပါတယ်။

အီလီနွိုက် (Illinois) မှာ ရွန်မနီအနိုင်ရ

By ဗွီအိုအေ (မြန်မာဌာန)

ဓာတ်ပုံ ASSOCIATED PRESS

Republican သမ္မတလောင်းအဖြစ် ရှေ့ကပြေးနေတဲ့ မက်ဆက်ချူးဆက် အုပ်ချုပ်ရေးမှူးဟောင်း Mitt Romney နဲ့ ဇနီး Ann Romney တို့ အီလီနွိုက်ဒေသခံတွေကို နှုတ်ဆက်နေစဉ်။ မတ်လ ၂၀၊ ၂၀၁၂။

အမေရိကန်ပြည်ထောင်စု၊ Illinois ပြည်နယ်ရဲ့ အင်္ဂါနေ့က Republican သမ္မတလောင်း ပဏာမရွေးကောက်ပွဲမှာ Mitt Romney အနိုင်ရရှိခဲ့တာကြောင့် Republican သမ္မတလောင်းအဖြစ် အရွေးခံရဖို့ ရှေ့ဆုံးက ဦးဆောင်နေပါပြီ။

Illinois ပြည်နယ်ရဲ့ အင်္ဂါနေ့က Republican သမ္မတလောင်း ပဏာမရွေးကောက်ပွဲမှာ မဲအားလုံးနီးပါး ရေတွက်ပြီးချိန်မှာ Mitt Romney က ၄၇%၊ ပြိုင်ဘက် အမေရိကန်အထက်လွှတ်တော်အမတ်ဟောင်း Rick Santorum က ၃၅% အသီးသီး ရရှိခဲ့ကြပါတယ်။ Ron Paul နဲ့ Newt Gingrich တို့ကတော့ မဲအရေအတွက် မဆိုသလောက်ဘဲ ရရှိခဲ့ကြ ပါတယ်။

Mitt Romney က အခုလို Illinois ပြည်နယ်က Republican ကိုယ်စားလှယ် ၅၄ ယောက်ရဲ့ ထောက်ခံမှုကို အနိုင်ရ လိုက်တာဟာ Republican သမ္မတလောင်းအဖြစ် အပြီးသတ်အရွေးခံရဖို့ ကိုယ်စားလှယ်စုစုပေါင်း ၁,၁၄၄ ယောက် ထောက်ခံမှု လိုအပ်ချက်ပြည့်မီဖို့ နီးစပ်လာတာဖြစ်ပါတယ်။  Mitt Romney ဟာ လောလောဆယ် Republican ကိုယ်စားလှယ် ၅၀၀ ကျော်ရဲ့ ထောက်ခံမှုရရှိထားပြီး Rick Santorum ကတော့ ၂၀၀ ၀န်းကျင်ရဲ့ ထောက်ခံမှုရ ရှိထားပါတယ်။ တကယ်လို့ သူအရွေးခံရရင် နိုဝင်ဘာလ သမ္မတ ရွေးကောက်ပွဲမှာ လက်ရှိ Democrat သမ္မတ အိုဘာမားကို စိန်ခေါ် ယှဉ်ပြိုင်ရမှာဖြစ်ပါတယ်။

လာမယ့် စနေနေ့မှာတော့ တောင်ပိုင်းက ဘာသာရေး အစဉ်အလာထိန်းသူ Conservatives အများစုရှိတဲ့ Louisiana ပြည်နယ် Republican သမ္မတလောင်း ပဏာမရွေးကောက်ပွဲမှာတော့ Rick Santorum ကနိုင်ခြေရှိနေတာတွေ့ရတယ်လို့ အကဲခတ်တွေက သုံးသပ်နေကြပါတယ်။

သေနတ်သမား လက်နက်ချဖို့ ပြင်သစ်ရဲ ညှိနှိုင်း

By ဗွီအိုအေ (မြန်မာဌာန)

• ပြင်သစ်နိုင်ငံ Toulouse မှာ ကလေး ၃ ယောက်နဲ့ ဂျူးတရားဟောဆရာတစ်ဦးတို့ကို သတ်ဖြတ်ခဲ့တယ်လို့ သံသယရှိခံရသူက သူ့ကိုယ်သူ အဖမ်းခံဖို့ကိစ္စကို ပြင်သစ်ရဲက ညှိနှိုင်းဆောင်ရွက်နေပါတယ်။ သူဟာ အယ်ဂျီးရီးယန်းနွယ်ဖွား၊ ပြင်သစ်လူမျိုး အသက် ၂၄ နှစ်အရွယ် Mohammed Merah ဖြစ်တယ်လို့ ရဲက အတည်ပြုပါတယ်။

ရဲတပ်ဖွဲ့အနေနဲ့ သူ့ကို အရှင်ဖမ်းယူဖို့ စီစဉ်ဆုံးဖြတ်ထားတယ်လို့ ပြည်ထဲရေးဝန်ကြီး Claude Gueant  က ပြောပါတယ်။ အဲဒီလူဟာ al-Quida နဲ့ပတ်သက်ပြီး အာဖဂန်မှာ အဖမ်းခံရဖူးတယ်လို့ သူကိုယ်တိုင်က ပြောထားပါတယ်။ ဗုဒ္ဓဟူးနေ့ အစောပိုင်းကတော့ သူ့အိမ်ကို ရဲက ဝင်စီးမှုမှာတော့ အိမ်ထဲမှာ ပိတ်မိနေတဲ့ သူ့ဘက်က ပြန်လည် ပစ်ခတ်တာကြောင့် ရဲအရာရှိနှစ်ဦး ဒဏ်ရာရခဲ့ပါတယ်။

နိုင်ငံတကာမှာ ပြင်သစ်က ဝင်ရောက်စွတ်ဖက်တဲ့ကိစ္စတွေနဲ့ အရှေ့အလယ်ပိုင်းမှာ ပါလက်စတိုင်း ကလေးငယ်တွေ သတ်ဖြတ်ခံရတဲ့ကိစ္စအပေါ်မှာ အဲဒီလူဟာ ဒေါတတကြီးဖြစ်ပြီး အဲဒီအတွက် လက်စားချေချင်လို့ဖြစ်တယ်လို့ ပြောတဲ့အကြောင်း ပြင်သစ် ပြည်ထဲရေးဝန်ကြီးကပြောပါတယ်။

ပါလက်စတိုင်း ဝန်ကြီးချုပ် Salam Fayyad ကတော့ ဒီသတ်ဖြတ်မှုကို ပြစ်တင်ဝေဖန်ပြီး ပါလက်စတိုင်းတွေကို အသုံးချပြောဆိုပြီး ခုလို ရာဇဝတ်မှုတွေ လုပ်နေတာကို ရပ်တန့်ဖို့ ပြောပါတယ်။ တူးလုစ်မှာ အသတ်ခံရတဲ့ ကလေးငယ် ၃ ဦးဟာ အသက် ၄ နှစ် ၅ နှစ်နဲ့ ၇ နှစ်အရွယ် ကလေးတွေ ဖြစ်ကြပါတယ်။ သေဆုံးသူ အလောင်းတွေကိုတော့ အစ္စရေးမှာပဲ မြှုပ်နှံဖို့ ပို့လိုက်ပါပြီ။ ဂျေရုဆလင်မြို့အပြင်က Givat Shaul သင်္ချိုင်းမှာလုပ်တဲ့ ဈာပနကိုတော့ ပြင်သစ်နိုင်ငံခြားရေးဝန်ကြီး Alain Juppe အပါအဝင် ထောင်နဲ့ချီတဲ့ ဝမ်းနည်းပူဆွေးသူတွေ တက်ရောက်ခဲ့ကြပါတယ်။

သေဆုံးသူတွေရဲ့ ရုပ်အလောင်းတွေကို အစ္စရေး နိုင်ငံမှာ မြှုပ်ဖို့ သယ်သွားပြင်သစ် သေနတ်သမားကို ပိုက်စိပ်တိုက် ရှာနေဆဲ

ပြင်သစ်နိုင်ငံ Toulouse မြို့မှာ တနင်္လာနေ့တုန်းက သေနတ်သမားရဲ့ လက်ချက်နဲ့ ဂျူးကျောင်းဆရာတဦးနဲ့ ကလေးငယ် ၃ဦး အသတ်ခံခဲ့ရပုံကို လုံခြုံရေး ကင်မရာ ဗီဒီယိုခွေမှာ ပြန်ကြည့်တဲ့အခါ သေနတ်သမားဟာ Miriam Monsonego ဆိုတဲ့ အသက်၇နှစ်အရွယ် ကလေးမလေးကို သေနတ်နဲ့ အနီးကပ် ချိန်ရွယ် ပစ်ခတ်ခဲ့တာကို တွေ့ရပါတယ်။

အဲဒီကလေးမလေး ထွက်ပြေးဖို့ ကြိုးစားနေတုန်း သေနတ်သမားက ဆံပင်ကို ဖမ်းဆွဲထားတာကို ဗီဒီယိုထဲမှာ တွေ့ရပါတယ်။

သေနတ်နဲ့ ပစ်စဉ် ကျည်ဆံ မထွက်ပဲ ဖြစ်နေတာကို သေနတ်သမားက သွေးအေးအေးနဲ့ နောက်သေနတ်တလက် ထုတ်ပြီး ပစ်သတ်ခဲ့ပါတယ်။

အဲဒီသေနတ်သမားကိုယ်ပေါ်မှာလည်း ဗီဒီယို ကင်မရာတခု ပတ်ထားတာတာကို တွေ့ရပြီး ပစ်ခတ်မှုတွေကို သူကိုယ်တိုင်က ဗီဒီယို ရိုက်ခဲ့ပုံ ရတယ်လို့ ပြင်သစ် ပြည်ထဲရေး ဝန်ကြီး Claude Gueant က ပြောပါတယ်။

သေနတ်သမားရဲ့ လက်ချက်နဲ့ သေဆုံးခဲ့သူ အဲဒီ၎ဦးစလုံးဟာ ပြင်သစ်နဲ့ အစ္စရေး ပူးတွဲ နိုင်ငံသား ခံယူထားသူတွေ ဖြစ်ကြပြီး သူတို့ ရုပ်အလောင်းတွေကို အစ္စရေးနိုင်ငံမှာ မြှုပ်နှံဖို့ လေယာဉ်နဲ့ သယ်ဆောင်သွားပြီ ဖြစ်ပါတယ်။

ပြင်သစ် ရဲတွေဝိုင်းထားတဲ့ ရပ်ကွက်ပြင်သစ် က လူသတ်သမား ကို ဝိုင်းမိထားပြီ

ပြင်သစ် နိုင်ငံ Toulouse မြို့ က ဂျူး ကျောင်းသား သူငယ် ၃ဦး၊ ဂျူး ကျောင်းဆရာ တဦး နဲ့ ပြင်သစ် စစ်သား ၃ ဦး ကို ပစ်သတ်ခဲ့တယ် လို့ မသင်္ကာဘွယ်ရာ လူကို ပြင်သစ် ရဲတွေ က ခြေရာ ခံခဲ့ရာမှာ အသက်၂၄ နှစ်ရွယ် Algeria လူမျိုးနွယ် ပြင်သစ် နိုင်ငံသား Muhammed Merah ဆိုသူကို မြို့တွင်း က တိုက်ခန်းတွဲ အဆောက်အဦတခု မှာ ဝိုင်းမိ ထားပါပြီ။

ပြင်သစ် ပြည်ထဲရေးဝန်ကြီး Claude Gueant က သူဟာ လက်နက် အပြည့်အစုံ ရှိနေ တယ် လို့ ဆို ပါတယ်။

ရဲ တွေ ဘက် က ကြားဝင်စေ့စပ် နေသူတွေ အပြောအရ Mr Merah နဲ့ သူတို့ အဆက်အသွယ် ရနေပြီ ဖြစ်ကြောင်း၊ အဆိုပါ အဆောက်အဦ က နေသူ အားလုံး ကိုလည်း ပြောင်းရွှေ့ နေစေပြီ ဖြစ်ကြောင်း သိရပါတယ်။

Muhammed Merah ဟာ ပြီးခဲ့တဲ့လ က ပြင်သစ်နိုင်ငံမှာ အပိတ်ပင်ခံရ အစ္စလာမ်မစ် အုပ်စုဖြစ်တဲ့ ဂုဏ်သရေရှိ သူရဲကောင်းများ အဖွဲ့လို့ အမည်ရတဲ့ ဖိုဆန်း အလီဆာ Forsane Alizza အုပ်စုနဲ့ ပတ်သက် ဆက်နွယ်မှု ရှိတယ် လို့ ပြင်သစ် သတင်းဌာန BFM TV ကပြောဆိုပါတယ်။

သူ့ရဲ့ အိမ်နီးချင်းတွေကတော့ Muhammed Merah ဟာ အေးအေးဆေးဆေး နေထိုင်သူဖြစ်တယ်၊ ဘာမှ ထွေထွေထူးထူး လုပ်သူတယောက် မဟုတ်ဘူးလို့ ပြောဆိုနေပေမယ့် သူဟာ Toulouse မှာ ဥပဒေ ချိုးဖောက်သူ တဦး အနေနဲ့ သိကြပြီး သူ ကျူးလွန်ခဲ့တဲ့ ရာဇဝတ်မှု တချို့ ဆိုရင် အတော်ကို ရက်စက် ပြင်းထန်တယ် လို့ ပြင်သစ်သတင်းစာ Le Figaro က ထုတ်ဖော် ပြောဆို ပါတယ်။

ဒါပေမယ့် သူဟာ အကြမ်းဖက်တိုက်ခိုက်သတ်ဖြတ်မှု တွေနဲ့တော့ အရင်က ပတ်သက်မှု မရှိ ခဲ့ပါဘူး။

Muhammed Merah ဟာ ပါကစ္စတန်နိုင်ငံကို ၂၀၁၀ မှာ တကြိမ်၊ ၂၀၁၁ မှာ တကြိမ် သွားရောက်ခဲ့ပြီး အရင်က တာလီဘန်တွေ ခြေကုတ်ယူခဲ့တဲ့ အာဖဂန် နစ္စတန် နိုင်ငံ ကန်ဒါဟာ မြို့ မှာ လည်း အာဖဂန် နိုင်ငံရဲ့ ဥပဒေ အရ အဖမ်းခံခဲ့ရ ဖူးတယ် လို့ ပြင်သစ်ရဲ တွေ က ဆိုပါတယ်။

လတ်တလော ဖြစ်ပွားခဲ့တဲ့ သတ်ဖြတ်မှုတွေ ဟာ ပါလက်စတိုင်း ကလေးငယ် တွေအတွက် ဂလဲ့စားချေတာဖြစ်သလို၊ ပြင်သစ်နိုင်ငံရဲ့ ပြည်ပနိုင်ငံများ အပေါ် ဝင်ရောက်စွက်ဖက်မှု တွေကြောင့် အခုလို လုပ်ခဲ့တာဖြစ်တယ်လို့ Muhammed Merah က ပြောကြားခဲ့ကြောင်း ပြင်သစ် အာဏာပိုင်တွေက ဆိုပါတယ်။

သေနတ်သမား လက်နက်ချဖို့ ပြင်သစ်ရဲ ညှိနှိုင်း

By ဗွီအိုအေ (မြန်မာဌာန)

• ပြင်သစ်နိုင်ငံ Toulouse မှာ ကလေး ၃ ယောက်နဲ့ ဂျူးတရားဟောဆရာတစ်ဦးတို့ကို သတ်ဖြတ်ခဲ့တယ်လို့ သံသယရှိခံရသူက သူ့ကိုယ်သူ အဖမ်းခံဖို့ကိစ္စကို ပြင်သစ်ရဲက ညှိနှိုင်းဆောင်ရွက်နေပါတယ်။ သူဟာ အယ်ဂျီးရီးယန်းနွယ်ဖွား၊ ပြင်သစ်လူမျိုး အသက် ၂၄ နှစ်အရွယ် Mohammed Merah ဖြစ်တယ်လို့ ရဲက အတည်ပြုပါတယ်။

ရဲတပ်ဖွဲ့အနေနဲ့ သူ့ကို အရှင်ဖမ်းယူဖို့ စီစဉ်ဆုံးဖြတ်ထားတယ်လို့ ပြည်ထဲရေးဝန်ကြီး Claude Gueant  က ပြောပါတယ်။ အဲဒီလူဟာ al-Quida နဲ့ပတ်သက်ပြီး အာဖဂန်မှာ အဖမ်းခံရဖူးတယ်လို့ သူကိုယ်တိုင်က ပြောထားပါတယ်။ ဗုဒ္ဓဟူးနေ့ အစောပိုင်းကတော့ သူ့အိမ်ကို ရဲက ဝင်စီးမှုမှာတော့ အိမ်ထဲမှာ ပိတ်မိနေတဲ့ သူ့ဘက်က ပြန်လည် ပစ်ခတ်တာကြောင့် ရဲအရာရှိနှစ်ဦး ဒဏ်ရာရခဲ့ပါတယ်။

နိုင်ငံတကာမှာ ပြင်သစ်က ဝင်ရောက်စွတ်ဖက်တဲ့ကိစ္စတွေနဲ့ အရှေ့အလယ်ပိုင်းမှာ ပါလက်စတိုင်း ကလေးငယ်တွေ သတ်ဖြတ်ခံရတဲ့ကိစ္စအပေါ်မှာ အဲဒီလူဟာ ဒေါတတကြီးဖြစ်ပြီး အဲဒီအတွက် လက်စားချေချင်လို့ဖြစ်တယ်လို့ ပြောတဲ့အကြောင်း ပြင်သစ် ပြည်ထဲရေးဝန်ကြီးကပြောပါတယ်။

ပါလက်စတိုင်း ဝန်ကြီးချုပ် Salam Fayyad ကတော့ ဒီသတ်ဖြတ်မှုကို ပြစ်တင်ဝေဖန်ပြီး ပါလက်စတိုင်းတွေကို အသုံးချပြောဆိုပြီး ခုလို ရာဇဝတ်မှုတွေ လုပ်နေတာကို ရပ်တန့်ဖို့ ပြောပါတယ်။ တူးလုစ်မှာ အသတ်ခံရတဲ့ ကလေးငယ် ၃ ဦးဟာ အသက် ၄ နှစ် ၅ နှစ်နဲ့ ၇ နှစ်အရွယ် ကလေးတွေ ဖြစ်ကြပါတယ်။ သေဆုံးသူ အလောင်းတွေကိုတော့ အစ္စရေးမှာပဲ မြှုပ်နှံဖို့ ပို့လိုက်ပါပြီ။ ဂျေရုဆလင်မြို့အပြင်က Givat Shaul သင်္ချိုင်းမှာလုပ်တဲ့ ဈာပနကိုတော့ ပြင်သစ်နိုင်ငံခြားရေးဝန်ကြီး Alain Juppe အပါအဝင် ထောင်နဲ့ချီတဲ့ ဝမ်းနည်းပူဆွေးသူတွေ တက်ရောက်ခဲ့ကြပါတယ်။

သမ္မတဦးသိန်းစိန်ရဲ့ဗီယက်နမ် ခရီးစဉ်ပြီးဆုံး

မြန်မာ သမ္မတ ဦးသိန်းစိန် ရဲ့ ၂ ရက်တာ ကြာတဲ့ ဗီယက်နမ် ချစ်ကြည်ရေး ခရီးစဉ်ဟာ ဗုဒ္ဓဟူးနေ့ မှာ ပြီးဆုံးခဲ့ပြီး ခရီးစဉ် အတွင်း နှစ်နိုင်ငံကြား နယ်ပယ်စုံ မှာ ပိုမိုပူးပေါင်း ဆောင်ရွက်နိုင်ရေး ကိစ္စတွေ ကို ဆွေးနွေးခဲ့ကြပါ တယ်။

၂ နိုင်ငံကြား ပုံမှန် အစဉ်အလာ အတိုင်း ပူးပေါင်း ဆောင်ရွက်ချက် များ သာ မက ပဲ ဘက်ပေါင်းစုံ တဲ့ ပူးပေါင်းဆောင်ရွက် မှု တွေ လုပ်ဆောင် သွားမယ် လို့ ၂ နိုင်ငံ ခေါင်းဆောင် တွေ က သဘောတူ ခဲ့ကြပါတယ်။

သမ္မတ သိန်းစိန် က ဗီယက်နမ် ရဲ့ ဒွိုင်မွိုင် စီးပွားရေး ပြုပြင် ပြောင်းလဲရေး တွေ ကို လေးစား ကြောင်း ထုတ်ဖော် ပြောကြားခဲ့ သလို၊ ဗီယက်နမ် သမ္မတ ချူယင် တန်ဆန်း ကလည်း မြန်မာ ရဲ့ လုံခြုံရေး ဆိုင်ရာ နိုင်ငံရေးဆိုင်ရာ စီးပွားရေး နဲ့ လူမှုရေးဆိုင်ရာ အောင်မြင်မှု တွေ ကို ချီးကျူးခဲ့ပါတယ်။

၂ နိုင်ငံကြား ကုန်သွယ်ရေး ကို လည်း ၂၀၁၅ မှာ ကုန်သွယ်မှု တန်ဘိုး ဒေါ်လာ သန်း ၅၀၀ ထိရောက်အောင် မြှင့်တင်ဖို့ လည်း သဘောတူခဲ့ကြပါတယ်။

ဗီယက်နမ် နိုင်ငံ အနေနဲ့ လည်း မြန်မာနိုင်ငံမှာ ရင်းနှီးမြှုပ်နှံမှု တွေ ပြုမယ် ဆိုရင် ကူညီမယ့် အကြောင်းလည်း မြန်မာ ဖက်က ကတိပြုတယ် လို့ သိရပါတယ်။

သမ္မတ ဦးသိန်းစိန်ရဲ့ ဗီယက်နမ် ခရီးစဉ် နဲ့ ပတ်သက်ပြီး ဗီယက်နမ် ဝန်ကြီးဌာန ရဲ့ ဒုတိယ ဝန်ကြီးဟောင်းလည်း ဖြစ်၊ ဗီယက်နမ် အာဆီယံ ပူးပေါင်းဆောင်ရွက်မှု အဖွဲ့ ရဲ့ ဉက္ကဌ လီကောင်ဖွန်းက ဗီယက်နမ် ရဲ့ စီးပွားရေး ဖွံ့ဖြိုးမှု အတွေ့အကြုံ ကို မြန်မာ ရယူဖို့ အကြံပြုတဲ့ အကြောင်း ဘီဘီစီ ကို ပြောပါတယ်။

မြန်မာ အရာရှိတွေ နဲ့ မစ္စတာ လီကောင်ဖွန်း တွေ့ရာမှာ မြန်မာ့ အပြောင်းအလဲ တွေ ဟာ နောက်ပြန် မသွားတော့ဘူး လို့ သိရလို့ နိုင်ငံ ဟာ ပိုပြီးဖွံ့ဖြိုး လာဖို့သာ ရှိကြောင်း၊ စီးပွားရေး အရ ရော၊ လူမှုရေး အရပါ ကောင်းတဲ့ ဘက် ပြောင်းလဲ လာမှာမို့ အိမ်နီးချင်းနိုင်ငံတွေ ဖြစ်တဲ့ ထိုင်း၊ လာအို နဲ့ ဗီယက်နမ် နိုင်ငံ တွေ အတွက် ကောင်းမွန်တဲ့ သက်ရောက်မှု တွေ ရှိလာနိုင်ပုံ တွေ ဘီဘီစီ ကို ရှင်းပြပါတယ်။

လယ်ယာမြေ နဲ့ မြေရိုင်း ဥပဒေလယ်ယာမြေ မြေလွတ်မြေရိုင်း ဥပဒေကြမ်း နဲ့ပတ်သက်၍

၂၀၁၁ ခုနှစ် လယ်ယာမြေ နဲ့ မြေလွတ် မြေလပ် နဲ့ မြေရိုင်းများ စီမံခန့်ခွဲရေး ဥပဒေ မူကြမ်း တွေကို ပြီးခဲ့တဲ့ တနင်္လာနေ့ က ပြည်ထောင်စု လွှတ်တော် မှာ အတည်ပြု လိုက်ပါပြီ။

ဒီဥပဒေဟာ သာမန်တောင်သူ တွေ အကျိုးရှိ မရှိ လယ်သမား တဦး ကို မေးရာမှာ လယ်ယာမြေ ကုမ္ပဏီ ပိုင်ရှင်တွေ နဲ့ ကြွေးရှင်တွေ ကိုသာ အကျိုးရှိစေပုံ၊ လယ်လုပ်သူ လယ်ပိုင်ခွင့် ရှိမှသာ လယ်သမားတွေ အကျိုးရှိ နိုင်မယ့် အကြောင်း ဘီဘီစီ ကို ရှင်းပြပါတယ်။

ဘိုးဘွား မိဘပိုင် လယ်မြေ ဆိုပေမယ့် သားသမီး နာမည် လွှဲပြောင်းရာမှာ ငွေ အမြောက်အမြား ပေးရတဲ့ အကြောင်း၊ အကောင်းဆုံးက နှစ်ရှည် လယ်ယာ လုပ်ပိုင်ခွင့် ချထားပေးဖို့ လိုကြောင်း တောင်သူလယ်သမား က ပြောပြပါတယ်။

ဒါ့အပြင် စိုက်ပျိုးတဲ့ သီးနှံတွေ အပေါ် လိုအပ်တဲ့ ပံ့ပိုးမှု၊ စိုက်ပျိုးထုတ်လုပ်တဲ့ သီးနှံတွေ ကို နိုင်ငံတကာ ဈေးကွက်နဲ့ ဝယ်နိုင်တဲ့ အနေအထား ဖြစ်အောင် ဖန်တီးပေးမှသာ လယ်သမားတွေ အကျိုးရှိနိုင်ပုံ ကိုလည်း ရှင်းပြ ပါတယ်။

မြေလွတ် မြေရိုင်း ဝယ်ခွင့်ပေးရာမှာလည်း ကုမ္ပဏီ လုပ်ငန်းရှင်တွေ ကို ဧက ၅ဝဝဝ မှ ၅ဝ,ဝဝဝ အထိ ခွင့်ပြုထား ပေးပြီး၊ တောင်သူတွေ ကိုတော့ ဧက ၅ဝ ပဲ လုပ်ခွင့်ပေးတဲ့ အတွက် အစိုးရ လက်ဝေခံ ကုမ္ပဏီ တွေ သာ အကျိုးအမြတ် ရနေပုံတွေ ကို တောင်သူ တဦး က ဘီဘီစီ ကို ရှင်းပြပါတယ်။

Mexico City မှာ လမ်းမတွေပေါ် လူတွေ ထွက်ပြေးခဲ့ကြရမက္ကဆီကိုနိုင်ငံမှာ အင်အားပြင်း ငလျင်လှုပ်

မက္ကဆီကိုနိုင်ငံ အနောက်တောင်ပိုင်းက ဒေသအတော်များများမှာ အင်အားပြင်းတဲ့ ငလျင်တခု လှုပ်ခတ်သွားပါတယ်။

အဲဒီ ငလျင်ဟာ ပြင်းအား ခုနှစ် ဒဿမ လေး ရှိပြီး ပစိဖိတ် ကမ်းရိုးတန်း အနားက အကာပူလ်ကို မြို့နဲ့ သိပ်မဝေးတဲ့ ဂယ်ရယ်ရို နဲ့ ဝါဟားခါး ပြည်နယ်တွေနားကို ဗဟို ပြုပြီး လှုပ်ခတ်သွားတယ်လို့ အမေရိကန် ဘူမိဗေဒ တိုင်းထွာရေး ဌာန က ပြောပါတယ်။

လောလောဆယ် အဲဒီဒေသကနေ သတင်း အချက်အလက် အနည်းငယ်ပဲ ရပါသေးတယ်။

အဲဒီမှာ အိမ်ခြေ ၅၀၀လောက် ထိခိုက်ပျက်စီးခဲ့ပြီး တချို့ ပြိုကျခဲ့တယ်လို့ ဂယ်ရယ်ရို ပြည်နယ် အုပ်ချုပ်ရေးမှူးက ပြောပါတယ်။

ဒါပေမယ့် လူအသေအပျောက် ရှိတယ်လို့တော့ သူမကြားမိသေးဘူးလို့ ပြောပါတယ်။

ဂယ်ရယ်ရို ပြည်နယ်ရဲ့ အရေးပါတဲ့ အခြေခံ ဖွဲ့စည်း တည်ဆောက်မှုတွေအပေါ် ထိခိုက်မှု တစုံတရာ မရှိဘူးလို့ ပြည်နယ်ရဲ့ အရပ်သား ကာကွယ်စောင့်ရှောက်ရေး ညွှန်ကြားရေးမှူးက ပြောပါတယ်။

ငလျင်ဒဏ်ဟာ Mexico City မြို့တော် အထိတောင် ရိုက်ခတ်ခဲ့ပြီး အဲဒီမှာ အချိန် အတော် ကြာကြာ ပြင်းပြင်းထန်ထန် တုန်ခါသွားခဲ့ပါတယ်။

အဆောက်အအုံတွေ ယိမ်းယိုင်သွားခဲ့ပြီး ရုံးဝန်ထမ်းတွေနဲ့ မြို့နေလူထုတွေ လမ်းမတွေပေါ် ထွက်ပြေးခဲ့ကြရတယ်လို့ သိရပါတယ်။

ရွေးကောက်ပွဲ စောင့်ကြည့်ဖို့ အမေရိကန်ကို ဖိတ်ခေါ်

 လာမယ့် ဧပြီလ ၁ရက်နေ့ မှာ ကျင်းပ မယ့် ကြားဖြတ်ရွေးကောက်ပွဲကို စောင့်ကြည့် လေ့လာဖို့ အမေရိကန် ပြည်ထောင်စုနဲ့ ဥရောပ သမဂ္ဂ တို့က ကိုယ်စားလှယ်တွေ၊ သတင်း သမား တွေကို မြန်မာ အစိုးရက ဗုဒ္ဓဟူးနေ့က ဖိတ်ခေါ်လိုက် ပါတယ်။

ဒီ ဖိတ်ကြားမှုဟာ အားရစရာ ကောင်းတဲ့ ခြေလှမ်း တရပ် ဖြစ်တယ်လို့ ရန်ကုန်မြို့ မှာ ရှိတဲ့ အမေရိကန် သံရုံး အရာရှိ က ပြောပါတယ်။

အာဆီယံ အရှေ့တောင် အာရှနိုင်ငံများ အသင်းဝင် နိုင်ငံတွေက လေ့လာသူ တွေနဲ့ သတင်းထောက်တွေကို ဖိတ်ခေါ်ပြီး နောက်တနေ့မှာ အစိုးရက အခုလို ဖိတ်ကြား လိုက်တာပါ။

အာဆီယံ အဖွဲ့ဝင် နိုင်ငံ တခုချင်းစီ ကနေ ပါလီမန် အမတ် နှစ်ယောက်ကျ စီနဲ့ အတူ သတင်း သမား ၃ ယောက် တို့ကို လေ့လာ စောင့်ကြည့်ဖို့ အတွက် မြန်မာအစိုးရက ဖိတ်ခေါ်တယ်လို့ အာဆီယံ အဖွဲ့က ပြောပါတယ်။ 

မြန်မာ နိုင်ငံ ဆိုင်ရာ အမေရိကန် အထူး သံအမတ်ကြီး ကလည်း တောင်းဆိုခဲ့

လာမယ့် ရွေးကောက်ပွဲမှာ တရားမျှတမှု ရှိမရှိ ဆိုတာ စိုးရိမ်တဲ့ အကြောင်း ဖော်ပြ ခဲ့တဲ့ အန်အယ်လ်ဒီ အမျိုးသား ဒီမိုကရေစီ အဖွဲ့ချုပ်က တော့ ဒီဖိတ်ခေါ်မှု ကို ကြိုဆိုတယ်လို့ ပြောပါတယ်။

မြန်မာ နိုင်ငံမှာ တရားမျှတတဲ့ ရွေးကောက်ပွဲ ကျင်းပနေတယ် ဆိုတာ အပြောမဟုတ်ဘဲ လက်တွေ့ သိခွင့် ရှိတယ် ဆိုရင် ပိုပြီး ဂုဏ်သိက္ခာ ရှိတဲ့ အတွက် ကြိုဆိုတာလို့ အန်အယ်ဒီ အတွင်း ရေးမှူး အဖွဲ့ဝင်၊ ရွေးကောက်ပွဲ အောင်နိုင်ရေး ဆိုင်ရာ တာဝန်ခံ ဦးဉာဏ်ဝင်းက ပြော ပါတယ်။

ရွေးကောက်ပွဲ ကို လာရောက်လေ့လာ စောင့်ကြည့်သူတွေဟာ ရွေးကောက်ပွဲ ဆိုင်ရာ ကျွမ်းကျင်သူ၊ အလေ့ အကျင့် ရှိသူတွေ ဆိုရင် ပိုပြီး အကဲခတ်ရတာ မှန်ကန်မယ်လို့ ယူဆကြောင်း ဦးဉာဏ်ဝင်းက ပြောပါတယ်။ ဒါမှသာ လျှို့ဝှက် မဲပေး စနစ်မှာ ဘယ်လောက် ထိရောက်တဲ့ နည်းလမ်းတွေ နည်းဥပဒေ တွေကို လုပ်ထားသလဲ၊ ရွေးကောက်ပွဲ ကျင်းပပုံ မဲရုံ အနေ အထား စတာ တွေကို ကျွမ်းကျင်သူတွေ ကတော့ ချက်ချင်း မြင်နိုင်တယ်လို့ လည်း သူက ပြောပါတယ်။

လာရောက် လေ့လာသူတွေကို ကန့်သတ်ချက်တွေ မထားဘဲ လွတ်လွတ် လပ်လပ် ခွင့်ပြုဖို့ လိုအပ်ပြီး မဲရေတွက်ပုံ နဲ့ မဲစာရင်း တွေ အပြင် မဲဆန္ဒရှင်တွေရဲ့ မဲပေးမှု အခြေ အနေ စတာတွေ အားလုံးကို ကြည့်ရှုနိုင်မှသာ တရားမျှတတဲ့ ရွေးကောက်ပွဲ ဖြစ်တယ်လို့ ပြောနိုင်မှာ ဖြစ်တယ်လို့ ဦးဉာဏ်ဝင်းက ပြော ပါတယ်။