11.03.2012 နေ့ဖတ်ရန်သတင်းများ

by Myanmar Journal on Sunday, March 11, 2012 at 6:57am

 ·

 
သမ္မတထပ်ဖြစ်လာတဲ့ မစ္စတာပူတင်ကို ဆန့်ကျင်ဆန္ဒပြ
ဆန္ဒပြသူတွေကမစ္စတာ ပူတင်ကို သမ္မတအဖြစ် အသိ အမှတ်မပြုဘူးလို့ ဆိုပါတယ်
ရုရှားနိုင်ငံမှာ ဗလာဒီမီယာ ပူတင် သမ္မတ အဖြစ် ပြန်လည် အရွေးခံခဲ့ရ တာကို ဆန်ကျင်တဲ့ အနေနဲ့ ထောင်ပေါင်း များစွာသော လူတွေဟာ မော်စကို မြို့လယ်မှာ စုရုံး ဆန္ဒပြနေကြပါတယ်။
မစ္စတာပူတင်ဟာ မဲလိမ်ခဲ့တယ်လို့ ဆန္ဒပြ သူတွေက စွပ်စွဲလိုက်ပြီး၊ သူ့ကို သမ္မတအဖြစ် အသိအမှတ် မပြုဘူးလို့ ဆိုပါတယ်။

အခု ဆန္ဒပြ နေကြသူ အရည်အတွက်ဟာ ဒီဇင်ဘာ ပါလီမန် ရွေးကောက်ပွဲပြီးနောက် ဖြစ်ပွားခဲ့တဲ့ ဆန္ဒပြသူ အရေအတွက်ထက် နည်းတဲ့ပုံ ပေါ်ကြောင်း ဆန္ဒပြပွဲမှာ ရှိနေတဲ့ ဘီဘီစီ သတင်းထောက်က ပြောပါတယ်။
အတိုက်အခံတွေ အနေနဲ့ သူတို့ရဲ့ အခုလို ဆန္ဒပြမှု အရှိန်ကို ဆက်ထိန်းထား နိုင်ဖို့အတွက် အခက်အခဲ ရှိကောင်း ရှိနိုင်တယ်လို့ သတင်းထောက်ကပြောပါတယ်။
ဆန္ဒပြပွဲဟာ ယေဘုယျအားဖြင့် ငြိမ်းငြိမ်းချမ်းချမ်းရှိပေမယ်လို့ အတိုက်အခံခေါင်းဆာင် တဦးနဲ့ သူ့ကို ထောက်ခံသူ တချို့ဟာ ရဲတွေ အကာအရံ လုပ်ထားတာကို ကျော်ဖို့ ကြိုးစားတဲ့အတွက် အဖမ်းခံခဲ့ရပါတယ်။

ဗီယက်နမ် နဲ့ မြန်မာ
ဘီဘီစီ ဗီယက်နမ် ဌာနမှူး ဇန် က ဗီယက်နမ် ဟာ မြန်မာ ကို စီးပွာရေး အရ ပဲ စိတ်ဝင်စား လို့ ဆို
ဗီယက်နမ် နိုင်ငံခြားရေး ဝန်ကြီး ဖန်ဘင်မင်း Pham Binh Minh ဟာ တနင်္ဂနွေနေ့ မှာ မြန်မာ နိုင်ငံကို သွား ရောက်မှာ ဖြစ်ပါတယ်။
ဗီယက်နမ် မှာ မြန်မာလို ပြုပြင် ပြောင်းလဲမှုတွေ လုပ်လာလေ မလား ဆိုတဲ့ မျှော်လင့်ချက် တွေ လည်း ရှိနေကြပါတယ်။
ဒါပေမဲ့ ဗီယက်နမ် အရေး လေ့လာ သုံးသပ်သူ တွေ ခန့်မှန်း နေကြ သလို မြန်မာရဲ့ ပြုပြင် ပြောင်းလဲမှု တွေ အတိုင်း ဗီယက်နမ် ကတော့ လိုက်လုပ် နိုင်ဖွယ်ရာ မရှိဘူး လို့ နှစ်နိုင်ငံ ဆက်ဆံရေးကို လေ့လာ စောင့်ကြည့် နေတဲ့ ဘီဘီစီ ကမ္ဘာ တလွှား အစီအစဉ် ဗီယက်နမ် ဌာန ဌာနမှူး ဇန် ငုယင် Giang Nguyen က ပြော ပါတယ်။
ဗီယက်နမ် ကွန်မြူနစ် အစိုးရက မြန်မာ ကို ပြုပြင် ပြောင်းလဲမှုတွေ လုပ်ဖို့ တိုက်တွန်း ခဲ့ တဲ့ တချိန်တည်း မှာပဲ သူ့ နိုင်ငံတွင်းမှာ ကျတော့ အစိုးရအပေါ် ဆန့်ကျင်သူ တွေကို ဖမ်းတာတွေ လုပ်ခဲ့ပါတယ်လို့ Giang Nguyen က ပြောပါတယ်။
ဒါ့အပြင် သူ က ဗီယက်နမ် နိုင်ငံဟာ လွန်ခဲ့တဲ့ နှစ်ပေါင်း ၂၀ ကျော်က စတင် ခဲ့တဲ့ စီးပွားရေး ပြုပြင် ပြောင်းလဲမှုတွေရဲ့ အသီးအပွင့် တွေကို ကျေနပ် ခံစား နေတုန်းပဲ လို့ ထင်ပါတယ်၊ လောလောဆယ်မှာ နိုင်ငံ စီးပွားရေး သိပ်မကောင်းဘူး ဆိုတာတောင် စီးပွားရေး ဖွံ့ဖြိုးမှု နှုန်းက နှစ်စဉ် ၆ ရာခိုင်နှုန်း ၇ ရာခိုင်နှုန်းလောက် ရှိနေ ပါတယ်၊ လောလောဆယ် ဗီယက်နမ် နိုင်ငံဟာ စာပေ လွတ်လပ်ခွင့် ကလည်း ပိုဆိုးလာတဲ့ အပြင် ကွန်မြူနစ် ပါတီတွင်းမှာနဲ့ ကွန်မြူနစ် ပါတီ မဟာမိတ် တွေက လွဲရင် အစိုးရက ဘယ်သူနဲ့မှ တွေ့ဆုံ ဆွေးနွေးဖို့ မလိုလား တာကြောင့် ပြုပြင်ပြောင်းလဲမှုတွေ လုပ်လို တာထက် နောက်ပြန် သွားနေတယ် လို့တောင် မြင်ရ ပါတယ် လို့ ပြောသွား ပါတယ်။
လန်ဒန်က Global Poily Institute က ဗီယက်နမ် သုတေသီ Mr Loc Doan ကတော့ မြန်မာ နဲ့ ဗီယက်နမ် နှိုင်းယှဉ်ကြည့်ရင် မြန်မာ နိုင်ငံ ဘက်က ပြုပြင် ပြောင်းလဲမှု တွေ လုပ်ရတာဟာ နိုင်ငံတကာရဲ့ ဖိအားတွေ ကလည်း ရှိတယ်၊ ဒေါ်အောင်ဆန်း စုကြည် လို ဒီမိုကရေစီရေး ကို ကြိုးပမ်း ဆောင်ရွက် နေတဲ့ ထင်ရှားတဲ့ နိုင်ငံရေး ခေါင်းဆောင်လည်း ရှိတယ်၊ ပြုပြင် ပြောင်းလဲရေးကို လိုလားတဲ့ သမ္မတ ဦးသိန်းစိန်လို နိုင်ငံ့ ခေါင်းဆောင် လည်း ရှိတဲ့ အတွက် အတိုက်အခံ တွေနဲ့ ညှိနှိုင်း အဖြေရှာပြီး ပြုပြင် ပြောင်းလဲရေးတွေ ပြုလုပ် လာတာ ဖြစ်တယ်၊ ဗီယက်နမ်မှာတော့ အဲဒီလို ပုဂ္ဂိုလ်တွေ မရှိဘူးလို့ သုံးသပ် ပါတယ်။
တကယ်တန်း မှာတော့ ဗီယက်နမ် က မြန်မာနိုင်ငံ ကို စီးပွားရေး အတွက်သာ စိတ်ဝင်စား တာ ဖြစ်တယ်လို့ ဗီယက်နမ် ဌာန ဌာနမှူး Giang Nguyen က ပြော ပါတယ်။
ဘာ့ကြောင့် အခုအချိန်မှာ ဗီယက်နမ် နိုင်ငံခြားရေး ဝန်ကြီး မြန်မာ နိုင်ငံကို သွားရတာ ပါသလဲ ဆိုတာ ကိုတော့ ဇန် ငုယင် Giang Nguyen က ပြီးခဲ့တဲ့ ဒီဇင်ဘာလ တုန်းကပဲ ဝန်ကြီးချုပ် Nguyen Tan Dung ငုယင် တန်ဇွန်း က မြန်မာ နိုင်ငံ နေပြည်တော်ကို သွား ခဲ့တယ်၊ တချိန်တည်း မှာပဲ မြန်မာ နိုင်ငံမှာ စီးပွားရေး လုပ်နိုင်မယ့် အခွင့် အလမ်းတွေ အများကြီး ရှိတာကို ဗီယက်နမ် ခေါင်းဆောင်တွေ မြင်ကြ ပါတယ်၊ ဗီယက်နမ် စစ်တပ်က စီးပွား ရှာတဲ့ အနေနဲ့ လုပ်ဆောင် နေတဲ့ နိုင်ငံရဲ့ အကြီးဆုံး တယ်လီဖုန်း သက်သွယ်ရေး လုပ်ငန်း Viet-tel က မြန်မာနဲ့ ကမ္ဘာဒီးယား တို့မှာ ရင်းနှီး မြှုပ်နှံထား ပါတယ်၊ ဒါကြောင့် နိုင်ငံခြားရေး ဝန်ကြီး က မြန်မာ နိုင်ငံကို အခု အချိန် သွားတာ အချိန်ကောင်း ဖြစ်တယ် လို့ ယူဆပြီး သွားတာ ဖြစ်နိုင်တယ် လို့ သုံးသပ် ပြောပါတယ်။

Popular Resistance Committees အဖွဲ့ဝင်ဂါဇာကို အစ္စရေး ဗုံးကြဲလို့ ပါလက်စတိုင်း ရှစ်ယောက်သေဆုံး
ဂါဇာ ဒေသကို အစ္စရေးက လေကြောင်းက တိုက်ခိုက်ခဲ့တာကြောင့် ပါလက်စတိုင်း ရှစ်ယောက် သေဆုံး သွားပါတယ်။
သူတို့ရဲ့ အဓိက ပစ်မှတ်တွေထဲက တခုဖြစ်တဲ့ ဒေသတွင်းက စစ်သွေးကြွ အဖွဲ့ တခုဖြစ်တဲ့ Popular Resistance Committees ရဲ့ ခေါင်းဆောင်သစ် မစ္စတာ Zuhair al-Qaisi ကို ပစ်မှတ်ထား တိုက်ခိုက် ခဲ့ပြီး အဲဒီ ခေါင်းဆောင် သေဆုံးသွားပါတယ်။
မစ္စတာ အယ် ကွမ်စီရဲ့ မတိုင်ခင်တုန်းက အဖွဲ့ခေါင်းဆောင် ဟာလည်း ပြီးခဲ့တဲ့ သြဂုတ်လတုန်းက အခုလိုဘဲ အစ္စရေးရဲ့ လေကြောင်းက တိုက်ခိုက်မှုမှာ သေဆုံး သွားခဲ့ ပါတယ်။
ပါလက်တိုင်း စစ်သွေးကြွတွေ ကလည်း အစ္စရေး တောင်ပိုင်း နယ်စပ်ထဲ ဖြတ်ကျော် ဝင်ရောက်ပြီး မော်တာတွေ ဒုံးကျည်တွေနဲ့ ပစ်ခတ် တိုက်ခိုက်ခဲ့တာကြောင့် လူနှစ်ယောက် ဒဏ်ရာရသွားပါတယ်။

ဆီးရီးယားမှာ ရိက္ခာ အကူအညီ အရေးပေါ်လိုအပ်နေ
ကုလသမဂ္ဂ လူသားချင်းစာနာ ကူညီရေး ဆိုင်ရာ အကြီးအကဲ ဗယ်လာရီ အေးမိုးစ်
ဆီးရီးယား နိုင်ငံမှာ လူတသန်းခွဲလောက်ဟာ ရိက္ခာ အရေးပေါ် လိုအပ်နေပြီး လက်ရှိ ရထားတဲ့ အကူအညီနဲ့ မလုံလောက်ဘူးလို့ အဲဒီမှာ ရောက်နေတဲ့ ကုလသမဂ္ဂ လူသားချင်း စာနာမှု သံတမန် ဗယ်လာရီ အေးမိုးစ် က ဆိုပါတယ်။
အရေးပေါ် လူမူကယ်ဆယ်ရေး အကူအညီတွေ လိုအပ်နေတဲ့ နေရာတွေကို ကုလသမဂ္ဂက သွားရောက် လေ့လာ စစ်ဆေးမယ့် အစီအစဉ် မှာတော့ ဆီးရီးယား အာဏာပိုင်တွေက ပူးပေါင်းပါဝင်ဖို့ သဘောတူလိုက်ပြီလို့ လည်း ဘယ်ရွန်နက်စ် အေးမိုးစ် က ဘီဘီစီကို ပြောပါတယ်။
စနေနေ့တုန်းက ဒမားစကတ်စ်မြို့မှာ ဆီးရီးယား အရေးဆိုင်ရာ နိုင်ငံတကာ အဆင့်မြင့် သံအရာရှိ ကိုဖီအာနန်ဟာ ဆီးရီးယား သမ္မတ ဘတ်ရှား အယ် အာဆတ် နဲ့ တွေ့ဆုံ လိမ့်မယ်လို့ ကုလသမဂ္ဂ အတွင်းရေးမှူးချုပ် ဘန်ကီမွန်းကလည်း နယူးယောက်မြို့မှာ ပြောကြားခဲ့ပါတယ်။

အိုင်အမ်အက်ဖ် အကြီးအကဲ Christine Lagardeဂရိ ဒုတိယ အသုတ် ချေးငွေရဖို့ IMF အဆိုပြု
ဂရိနိုင်ငံရဲ့ ကြွေးမြီပြဿနာ ကိုဖြေရှင်းဖို့ ဒုတိယအကြိမ် ကူညီထောက်ပံ့မှုရဲ့ တစိတ် တပိုင်း အဖြစ် ၃၆.ရ ဘီလီယံ ဒေါ်လာ ကြွေးသစ် ထုတ်ချေးဖို့ အဆိုပြုမယ်လို့ နိုင်ငံတကာ ငွေကြေး ရန်ပုံငွေ အဖွဲ့ IMF အကြီးအကဲ Christine Lagarde က ပြော ပါတယ်။
ဂရိဟာ ပထမ အဆင့် ချေးငွေ ဒေါ်လာဘီလီယံ ၁ရဝ ချေးယူဖို့ လိုက်နာ ဖြည့်ဆည်း ရမယ့် အချက်တွေ လုပ်ဆောင်ခဲ့ပြီးပြီလို့ ယူရိုဇုန် ဘဏ္ဍာရေး ဝန်ကြီးတွေက အစောပိုင်းတုန်းက ထုတ်ဖော် ပြောကြားခဲ့ ပါတယ်။
ဂရိနိုင်ငံက ပုဂ္ဂလိက ငွေချေး ဝန်ဆောင်မှု ပေးတဲ့ အဖွဲ့တွေနဲ့ ယူရိုဘီလီယံ ပေါင်းများစွာ တန်တဲ့ ငွေတိုက်စာချုပ်တွေ အပေးအယူ လုပ်လိုက်တာကြောင့် အခုလို လိုအပ်ချက်တွေ အားလုံးကို ဖြည့်ဆည်းပေးနိုင်တာလို့ ဂရိ ဘဏ္ဍာရေး ဝန်ကြီးက ပြောပါတယ်။

အမေရိကန် သမ္မတ အိုဘားမားအမေရိကန် အလုပ်အကိုင် နှစ်သိန်းခွဲကျော် ဖြည့်ဆည်းနိုင်ခဲ့
အမေရိကန် ပြည်ထောင်စုမှာ ပြီးခဲ့တဲ့ လတုန်းက အလုပ်အကိုင်သစ် နှစ်သိန်းခွဲနီးပါး ဖန်တီးနိုင်ခဲ့တယ်လို့ နောက်ဆုံး ထွက်လာတဲ့ ကိန်းဂဏန်းတွေ အရ သိရပါတယ်။
စစ်တမ်းမှာ လူ နှစ်သိန်း နှစ်သောင်း ခုနှစ် ထောင် လောက် အလုပ်အကိုင်သစ် ရှာနိုင်ခဲ့တယ်လို့ ဖော်ပြထားပါတယ်။
စီးပွားရေး ပြန်အားကောင်းလာတယ်လို့ အတိအကျ ပြမနေပေမယ့် စီးပွားရေး အပေါ် အဓိက အာရုံစိုက်နေကြတဲ့ အခုလို သမ္မတ ရွေးကောက်ပွဲ နီးလာချိန်မှာ ဒါဟာ သမ္မတ အိုဘားမား အတွက် သတင်းကောင်း တခု ပဲ လို့ ဘီဘီစီ စီးပွားရေး ဆိုင်ရာ သတင်းထောက်က ပြောပါတယ်။
ဒါပေမယ့် အလုပ်လက်မဲ့ နှုန်းဟာ ကွဲပြားတဲ့ စစ်တမ်းကောက်ယူမှုတွေ အပေါ်မှာ အခြေခံပြီး ၈.၃ ရာနှုန်းမှာ ဆက်ရှိ နေဆဲပဲ လို့ ဆိုပါတယ်။

ကင်ညာ ကျန်းမာရေး သူနာပြု ဝန်ထမ်းကင်ညာ ကျန်းမာရေး ဝန်ထမ်း နှစ်သောင်းခွဲ အလုပ်ထုတ် ခံရ
ကင်ညာနိုင်ငံမှာ လုပ်ခလစာ နည်းပါးမှုနဲ့ လုပ်ကိုင်နေရပြီး လက်ရှိ အခြေအနေတွေ ကို မကျေနပ်ကြလို့ တပတ်ကြာ ဆန္ဒပြခဲ့ ကြတဲ့ ကျန်းမာရေး ဝန်ထမ်း နှစ်သောင်း ငါးထောင် ကို အလုပ်ကနေ ထုတ်ပယ် လိုက်ပြီ လို့ ကင်ညာ အစိုးရ က ပြောကြား ပါတယ်။
သူနာပြုတွေနဲ့ ဓာတ်ခွဲခန်းဝန်ထမ်းတွေ အပါအဝင် ဆန္ဒပြသူတွေကို ဝန်ထမ်းစာရင်းက ပယ်ဖျက်လိုက်ပြီး ဝန်ထမ်း အစားထိုးဖို့တွေ လုပ်ဆောင် နေပြီလို့ ကင်ညာ အစိုးရ အရာရှိ တဦးက ပြောပါတယ်။
ဒါပေမယ့်လည်း ဒီလို ကြေညာ တာဟာ အစိုးရက အလုပ်သမားတွေနဲ့ ညှိနှိုင်းဖို့ ပရိယာယ် ဆင်တာ ဖြစ်သလို ဝန်ထမ်းအားလုံးကို အစားထိုးဖို့ ဆိုတာ ဘယ်လိုမှ မဖြစ်နိုင်ဘူးလို့ ကျန်းမာရေး ဝန်ထမ်းတွေကို ကိုယ်စားပြုတဲ့ သမဂ္ဂ တခုက ပြောကြား ပါတယ်။
လုပ်ခလစာ နည်းမှု၊ ဝန်ထမ်းမလုံလောက်မှု၊ ဆေးပစ္စည်း ကိရိယာ မပြည့်စုံမှု တွေကြောင့် အခုလို ဆန္ဒပြခဲ့ကြတာ လို့ ကျန်းမာရေး ဝန်ထမ်းတွေက ဆို ပါတယ်။

နိုင်ဂျီးရီးယား မှာ ဓားစာခံတွေ အသတ်ခံရ
နိုင်ဂျီးရီးယားမှာ အကြမ်းဖက် ပြန်ပေးဆွဲသမား တွေ သတ်ဖြတ် လိုက်တဲ့ ဗြိတိသျှ လူမျိုး အင်ဂျင်နီယာ
နိုင်ဂျီးရီးယား မှာ အကြမ်းဖက် သမား တွေက ဓားစာခံအဖြစ် မနှစ် ကတည်း က ဖမ်းဆီးခံထားရတဲ့ ဗြိတိသျှ အင်ဂျင်နီယာ ခရစ် မက်မန်နပ်စ် နဲ့ သူ့လုပ်ဖော် ကိုင်ဖက် အီတလီ အင်ဂျင်နီယာ ဖရန်ကို လာမို လီနာရာ တို့ နှစ်ဦး ကို ကယ်တင်ဖို့ ကြိုးစား ခဲ့ကြပေမယ့် သူတို့ ကို မကယ် ထုတ် နိုင်ခင် ဖမ်းထားတဲ့ သူတွေ က သူတို့ ကို သတ်ပစ်လိုက်ခဲ့ကြပါတယ်။
နိုင်ဂျီးရီးယား နိုင်ငံ အနောက်မြောက်ပိုင်း က ကက်ဘီ ပြည်နယ် အတွင်း ဘဏ် အဆောက် အဦ တခု ဆောက် လုပ်ဖို့ အတွက် အီတလီ ကုမ္ပဏီ တခု ရဲ့ စီမံကိန်းမှာ သူတို့ အလုပ်လုပ်နေတုန်း မနှစ် ၂၀၁၁ မေလ ပိုင်းမှာ လက်နက်ကိုင် တွေ ရဲ့ ဖမ်းဆီး တာ ကို ခံခဲ့ရ ပါတယ်။
အဲဒီ အချိန် ကတည်း က နိုင်ဂျီး ရီးယား အစိုးရ နဲ့ နီးနီးကပ်ကပ် ပူးပေါင်းဆောင်ရွက်ပြီး သူတို့ ကို ကယ်တင်နိုင်အောင် ကြိုးစား ခဲ့တယ် လို့ ဗြိတိန် ဝန်ကြီးချုပ် ဒေးဗစ် ကင်မရွန်း က ပြောပါတယ်။
သူတို့ကို ဖမ်းထားတဲ့ အကြမ်းဘက်သမား တွေ ဟာ သူတို့ ကို သတ်ပစ်တော့မယ် ဆိုတဲ့ လက္ခဏာ တွေ ကို လည်း ရထားတယ်၊ သူတို့ ကို ဗွီဒီယို ရိုက်ပြီး အင်တာနက် မှာ လည်း ဖြန့်ထားတာ ကို တွေ့ရပြီး ဖြစ်တယ်၊ အဲဒီ အချိန်မှာ သူတို့ ကို ချုပ်ထားတဲ့ နေရာ ကို သိရတဲ့ အတွက် အခွင့် အရေး ကို လက်လွတ် မခံ ပဲ ကယ်တင်ဖို့ ကြိုးစား ခဲ့တာ ဖြစ်ကြောင်း ဝန်ကြီးချုပ် က ရှင်းပြ ခဲ့ပါတယ်။
နိုင်ဂျီးရီးယား လုံခြုံရေး တပ်ဖွဲ့တွေ က ဗြိတိန် ရဲ့ အကူအညီ ပေးမှု နဲ့ အတူ ဖမ်းဆီးထား သူ တွေ ကို ဝင်ရောက် စီးနင်းတဲ့ အော်ပရေးရှင်း လုပ်ခဲ့ ပေမယ့် အင်ဂျင်နီယာ ၂ ဦး ရဲ့ အသက် ကို တော့ မကယ်တင် နိုင်ခဲ့ပါဘူး။
အခု ပြန်ပေးဆွဲတဲ့ သူတွေ ဟာ ဘိုကို ဟာရမ် စစ်သွေးကြွ အဖွဲ့ က ဖြစ်တယ် လို့ နိုင်ဂျီးရီးယား သမ္မတ က ပြောပေမယ့် အသေအချာ တော့ အတည်ပြု နိုင်ခြင်း မရှိသေး သလို နိုင်ငံခြားသား အင်ဂျင်နီယာ တွေ ကို နိုင်ငံရေး အရ ဖမ်းခဲ့တာ လား၊ ငွေတောင်းချင် လို့ ပြန်ပေးဆွဲခဲ့တာ လား ဆိုတာ လည်း မရှင်း သေး ပါဘူး။
ဒေသတွင်းမှာ တော့ ဘိုကို ဟာရမ် အဖွဲ့ရဲ့ အကြမ်းဖက် လှုပ်ရှား မှု တွေ သတင်း ကို ထပ်ခါ ထပ်ခါ ကြား နေရသလို ပြီးခဲ့တဲ့ နှစ် သြဂုတ် လ က အဘူဂျာ အရပ်မှာ ရှိတဲ့ ကုလသမဂ္ဂ ရုံး ကို ဗုံးခွဲခဲ့ကြတာ လည်း သူတို့ လက်ချက် ပဲ လို့ စွပ်စွဲထား ပါတယ်။
ဒီ ဘိုကို ဟာရမ် အဖွဲ့ ဟာ အယ်ခိုင်းဒါး အဖွဲ့ နဲ့ တိုက်ရိုက် ဆက်စပ်ထားတာ မရှိပေမယ့် လည်း အယ်ခိုင်းဒါး အဖွဲ့ က ဒီအဖွဲ့ အပေါ် သြဇာ ရှိပုံ ရတယ် လို့ လည်း တွက်ဆ နေကြပါတယ်။

ကုလသမဂ္ဂ အတွင်းရေးမှူးချုပ်ဟောင်း ကိုဖီအာနန် နဲ့ သမ္မတအာဆတ်တို့ ဆွေနွေးခဲ့ငြိမ်းချမ်းရေးအတွက် အသင့်ရှိကြောင်း သမ္မတ အာဆတ်ပြော
ဆီးရီးယား သမ္မတ ဘာရှားအဲလ် အာဆတ်က ရိုးသားတဲ့ ငြိမ်းချမ်းရေး ဆောင်ရွက်မှုတွေ အတွက် သူ့အနေနဲ့ အဆင်သင့်ရှိတယ်လို့ ပြောကြားလိုက် ပါတယ်။
ဒါပေမယ့်လို့ သူ့အဆို နိုင်ငံထဲမှာ အကြမ်းဖက် အုပ်စုတွေ လှုပ်ရှားနေသ၍တော့ နိုင်ငံရေးအရ ဘယ်လို တွေ့ဆုံ ဆွေးနွေးမှုမျိုးမှ လုပ်မှာ မဟုတ်ဘူးလို့ ပြောပါတယ်။
အခုလို အကြမ်းဖက်အုပ်စု ဆိုတာဟာ ဆီးရီးယား အာဏာပိုင်တွေက အတိုက်အခံတွေကို ရည်ညွှန်း ပြောကြားတာ ဖြစ်ပါတယ်။
ကုလသမဂ္ဂနဲ့ အာရပ်နိုင်ငံများ အဖွဲ့ချုပ်တို့ရဲ့ ငြိမ်ချမ်းရေး ကိုယ်စားလှယ် ဖြစ်တဲ့ ကုလသမဂ္ဂ အတွင်းရေးမှူးချုပ်ဟောင်း ကိုဖီအာနန်နဲ့ သမ္မတ အာဆတ်တို့ ဒမားစကပ်စ်မှာ တွေ့ဆုံ ဆွေးနွေးပြီးနောက် မစ္စတာ အာဆတ်က အခုလို ပြောကြားလိုက်တာ ဖြစ်ပါတယ်။
မစ္စတာ အာနန်ဟာ လုံးဝ အပစ်အခတ်ရပ်စဲရေး၊ လူသားချင်း ထောက်ထားမှု ဆိုင်ရာ အကူအညီတွေ ဖြန့်ဝေခွင့် ရရေးနဲ့ အစိုးရနဲ့ အတိုက်အခံတွေကြား တွေ့ဆုံ ဆွေးနွေးရေးတွေ ဖြစ်လာဖို့ ကြိုးပမ်းနေတာ ဖြစ်တယ်လို့ ယုံကြည်ရပါတယ်။
ရုရှားရဲ့ ရပ်တည်ချက်
ရုရှားနိုင်ငံဟာ ဘယ်အစိုးရကိုမှ အကာ အကွယ် မပေးကြောင်း ပြော
ဆီးရီးယားက တိုက်ခိုက်မှုတွေ အပေါ် ရုရှား နိုင်ငံရဲ့ ရပ်တည်ချက်နဲ့ ပတ်သက်ပြီး အီဂျစ် နိုင်ငံမှာ ကျင်းပနေတဲ့ အာရပ်နိုင်ငံများ ခေါင်းဆောင်တွေ ရဲ့ အစည်းအဝေးမှာ ရုရှား နိုင်ငံခြားရေး ဝန်ကြီး ဆာဂီ လက်ရို့ဗ်က ခုခံ ပြောကြားသွားပါတယ်။
ရုရှားနိုင်ငံဟာ ဘယ်အစိုးရ အဖွဲ့အစည်းကိုမှ အကာအကွယ် ပေးနေတာ မဟုတ်ကြောင်း ကိုင်ရိုမြို့ အဲဒီအစည်းအဝေးမှာ မစ္စတာ လက်ရို့ဗ်က ပြောပါတယ်။
ဒါပေမယ့်လို့ ဆော်ဒီ နိုင်ငံခြားရေး ဝန်ကြီးကတော့ အာရပ်နိုင်ငံတွေရဲ့ ငြိမ်းချမ်းရေး အစီအမံပေါ် အခြေခံတဲ့ ကုလသမဂ္ဂရဲ့ ဆုံးဖြတ်ချက် အပေါ် ရုရှားက ဗီတို အာဏာသုံး ပယ်ချလိုက်တာဟာ ဆီးရီးယားပြည်တွေအပေါ် နောက်ထပ် အကြမ်းဖက်ဖို့ အစိုးရက လိုင်စင် ပေးလိုက်တာ ဖြစ်တယ်လို့ ပြောပါတယ်။
တရုတ်နိုင်ငံဟာလည်း ဒီကုလသမဂ္ဂ ဆုံးဖြတ်ချက်ကို ဗီတိုသုံး ပယ်ချခဲ့ပါတယ်။
ကာတာ နိုင်ငံခြားရေးဝန်ကြီး ကလည်း ဆီးရီးယားက သတ်ဖြတ်မှုတွေဟာ လူမျိုးတုံး သတ်ဖြတ်မှုတွေ ဖြစ်တယ်လို့ အစည်းအဝေး မှာ ပြောကြားလိုက်ပြီး၊ နိုင်ငံ တကာ အနေနဲ့ စစ်ရေးအရ ကြားဝင်ဆောင်ရွက်ဖို့ကို တောင်းဆိုလိုက်ပါတယ်။

မြန်မာဝန်ကြီးဌာန တွေ အဂတိလိုက်စားမှု
ပြန်ကြားရေး ဝန်ကြီးဌာန အပါအဝင် ဝန်ကြီးဌာန ၆ ခုမှာ ငွေကြေး အလွဲသုံးမှု၊ ငွေစါရင်း မမှန်မကန် ဖြစ်နေမှုတွေ ကျပ်ငွေသိန်းပေါင်း ထောင် နဲ့ ချီ၊ ရှိနေတာကို ပြည်ထောင်စုစါရင်းစစ်ချုပ်ရုံး က စစ်ဆေးတွေ့ရှိကြောင်း ပြည်သူ့လွှတ်တော် ကိုယ်စားလှယ်တွေက ပြောပါတယ်။
အဆိုပါ ဝန်ကြီးဌာနတွေ ထဲမှာ ပြန်ကြားရေး၊ သတ္တုတွင်း၊ လယ်ယာ နဲ့ ဆည်မြောင်း၊ အမှတ် ၁ စက်မှု၊ အမှတ် ၂ စက်မှု ဝန်ကြီးဌာန တွေ ပါဝင်ကြပါတယ်။ ပြန်ကြားရေး ဝန်ကြီးဌာန ရဲ့ ငွေအလွဲသုံးစား ပြုမှု မှာဆိုရင် နိုင်ငံပိုင် သတင်းစာတွေ ရောင်းရငွေ တွေကို ငွေစါရင်းဌာန ကို ပေးသွင်းခြင်း မပြုရာမှာ ကျပ်သိန်းပေါင်း ၂၅၈ဝ ရှိတဲ့ အကြောင်း၊ ဒါကို စါရင်းစစ်ချုပ်ရုံး က တွေ့ရှိရာမှာ ကျပ်သိန်းပေါင်း ၁၅ဝဝ ကျော် ကိုသာ ပြန်လည် ပေးသွင်းကြောင်း NDF အမျိုးသား ဒီမိုကရေစီ အင်အားစု ပါတီ မှ ပြည်သူ့လွှတ်တော် ကိုယ်စားလှယ် ဦးခင်မောင်ရီ က ဘီဘီစီ ကို ပြောပါတယ်။
အမှတ် ၁ စက်မှုဝန်ကြီးဌာန ဆိုရင် ချောက်ရေနံချက် စက်ရုံမှ ဆီဂါလံ ၂ သိန်းကျော်ကို ထုတ်ယူပြီး၊ ပြင်ပ ကို လက်လွှဲရောင်းချကြောင်း၊ သတ္တုတွင်းဝန်ကြီးဌာန ကလည်း IVANHO မုံရွာကြေးနီ စီမံကိန်း ရဲ့ အစုရှယ်ယာ ၅ဝ ရာခိုင်နှုန်းကို မြန်မာ့ စီးပွားရေးဦးပိုင် ဆီ ရောင်းချရာမှာ ဦးပိုင်က ငွေပေးချေ ရမယ့်အစား ဟောင်ကောင် ကုမ္ပဏီ တခု ဖြစ်နေပုံ ကို ဦးခင်မောင်ရီ က ပြောပြပါတယ်။
အခုလို ငွေ အလွဲသုံးစား ပြုမှုတွေ ဟာ ပြီးခဲ့တဲ့ နှစ်တွေ ထဲက စတင် ဖြစ်ပွားနေ လို့ အရေးယူသင့်ကြောင်း၊ ဒီကိစ္စတွေ မှာ အထက်လူကြီးတွေ မသိပဲ မဖြစ်နိုင်ကြောင်း၊ ပျောက်ဆုံး နိုင်ငံတော် ဘဏ္ဍာငွေ တွေ ပြန်လည်ပေးသွင်းတဲ့ တိုင်အောင်၊ ပြည်သူတွေ ယုံကြည်မှုရှိအောင်၊ အရေးယူသင့်ပုံ ကို ဦးခင်မောင်ရီ က ပြောပါတယ်။

အစိုးရနဲ့ ကေအိုင်အို သဘော တူညီချက် မရ
နောက်ထပ် ညှိနှိုင်းစရာတွေ အများကြီး ရှိတယ်လို့ ဗိုလ်မှူးချုပ် ဂွမ်မော် ကဆို
ငြိမ်းချမ်းရေး အတွက် မြန်မာ အစိုးရနဲ့ သုံးရက်ကြာ ဆွေးနွေး ခဲ့ ပေမယ့် တစုံတရာ သဘော တူညီချက် မရခဲ့ ဘူးလို့ (KIO) ကချင် လွတ်လပ်ရေး အဖွဲ့ က ပြောပါတယ်။
ပြဿနာ ရှိနိုင်တဲ့ ဒေသ တွေက တပ်စခန်း တွေ အရေးနဲ့ ပတ်သက်ပြီး အဓိက သဘောထား ကွဲလွဲ နေတာ ဖြစ်တယ်လို့ KIO ဒုတိယ စစ်ဦးစီးချုပ် ဗိုလ်မှူးချုပ် ဂွမ်မော်က ဘီဘီစီကို ပြောပါတယ်။
တရုတ် နိုင်ငံ ရွှေလီမြို့မှာ ကျင်းပ ခဲ့တဲ့ အစည်းဝေး အပြီး နှစ်ဖက် ပူးတွဲ ထုတ်ပြန် ကြေညာချက် ထဲမှာ "တဖက်နှင့် တဖက် စစ်ရေး အရှိန်များ လျော့နည်း လာမည်ဟု ယုံကြည်ပါသည်" ဆိုပြီး ဖော်ပြ ထားပေမယ့် တကယ်တမ်းမှာ တိုက်ပွဲတွေ ကနေ့စဉ်လို ဆက်လက် ဖြစ်ပွား နေဆဲပါ။
အစိုးရ ဘက်က အပစ်အခတ် ရပ်စဲ ရေးကို အရင် သဘောတူပြီးမှ တပ်နေရာ ချထားရေးကို ဆက်ဆွေးနွေးချင် နေပြီး KIO ဖက်ကတော့ နယ်မြေစိုးမိုးရေး အတွက် တမင် ချထားတာလို့ သူတို့ယူဆတဲ့ အစိုးရတပ် တွေကို အရင် ဆုတ်ခွာပေး ပြီးမှ အပစ်ရပ်မယ့် ကိစ္စကို သဘောတူ တာမျိုးကို လိုလားတယ်လို့ ဆိုပါတယ်။
နှစ်ဖက် ကြားမှာ နောက်ထပ် ဆွေးနွေးမှုတွေ လုပ်ဖို့ သဘောတူ ခဲ့ကြ ပေမယ့် နေ့ရက်နဲ့ အချိန်နေရာ ကိုထပ်ပြီး သတ်မှတ်ဖို့ လိုနေသေးတယ်လို့ ဗိုလ်မှူးချုပ် ဂွမ်မော်က ပြောပါတယ်။
အခုတကြိမ် ဆွေးနွေးပွဲမှာ မြန်မာအစိုးရဘက်က ဦးအောင်သောင်း ခေါင်းဆောင်တဲ့ ပြည်ထောင်စု အဆင့် ငြိမ်းချမ်းရေး ဆွေးနွေးရေး အဖွဲ့နဲ့ KIO ဖက်က ဦးဆွန်လွတ်ဂမ် ဦးဆောင်တဲ့ အဖွဲ့တို့ တွေ့ဆုံ ခဲ့ကြတာ ဖြစ်ပါတယ်။

အစိုးရ ဝန်ထမ်းလစာ ဘယ်တော့ တိုးမလဲ
 လက်ရှိ ဘတ်ဂျက် နည်းဥပဒေအရ လစာတိုးတာမျိုး လုပ်လို့မရပါ
အစိုးရ ဝန်ထမ်းတွေ အတွက် လစာတိုးပေး နိုင်ဖို့ ဘတ်ဂျက်ဆိုင်ရာ နည်းဥပဒေတွေကို ပြင်ဆင်နေတယ်လို့ သိရကြောင်း ရှမ်း တိုင်းရင်းသားများ ဒီမိုကရက်တစ် ပါတီက သီပေါ ပြည်သူ့ လွှတ်တော်အမတ် ဦးရဲထွန်းက ဘီဘီစီကို ပြောပါတယ်။
ဧပြီ ၁ မှာ စတင်မယ့် လာမယ့် ဘဏ္ဍာရေး နှစ်သစ် ၂၀၁၂-၂၀၁၃ က စလို့ နိုင်ငံ့ ဝန်ထမ်းတွေရဲ့ လစာကို မဖြစ်မနေ တိုးပေးဖို့ ပြည်သူ့လွှတ်တော် ဥက္ကဌ သူရ ဦးရွှေမန်းက စတင် ပြောကြားခဲ့တာ ဖြစ်ပါတယ်။
တခါ မတ်လ ၁ ရက်မှာ သမ္မတ ဦးသိန်းစိန်က အစိုးရ နှစ်ပတ်လည် နိုင်ငံအခြေပြ မိန့်ခွန်းမှာ နိုင်ငံ့ စုစုပေါင်း လူဦးရေရဲ့ ၃ ဒသမ ၃ ရာခိုင်နှုန်းပဲရှိတဲ့ နိုင်ငံ့ ဝန်ထမ်း လစာကို သင့်တော်တဲ့ အချိန်မှာ တိုးပါမယ်လို့ ပြောခဲ့ပါတယ်။
သမ္မတ မိန့်ခွန်းနောက်မှာ ပြည်ထောင်စုဝန်ကြီးတဦး ဖြစ်တဲ့ မီးရထားဝန်ကြီး ဦးအောင်မင်း ကလည်း သူတို့ဌာန ဘတ်ဂျက်ကနေ ကျပ်သန်း ၅၅၀၀ ထုတ်ပေးမယ်လို့ လွှတ်တော်မှာ ပြောလာပြန်ပါတယ်။
တကယ်တန်းမှာတော့ လက်ရှိ ဘတ်ဂျက် နည်းဥကဒေအရ ဘတ်ဂျတ်ကို လျှော့ချတာနဲ့ ငြင်းပယ်တာမျိုးပဲ လုပ်လို့ရပြီး၊ လစာတိုးတာတို့ လုပ်လို့ မရဘူးလို့ ဆိုပါတယ်။
ဒီအတွက် လစာတို့းဖို့ ဆိုရင် ဥပဒေကို ပြန်ဆွဲမှာ ရမှာဖြစ်ပြီး အခုတော့ ပြန်ဆွဲဖို့ ပြင်ဆင် နေတယ်လို့ ဦးရဲထွန်းက ပြောကြားတာ ဖြစ်ပါတယ်။

အကြမ်းဖက်မှုတွေရပ်ဖို့ ကြိုးပမ်းမည်ဟု ဆီးရီးယားခေါင်းဆောင် ကတိပေး
By ဗွီအိုအေ (မြန်မာဌာန)
အကြမ်းဖက် ဆူပူမှုတွေ ဖြစ်ပေါ်နေတဲ့ ဆီးရီးယားနိုင်ငံက ပဋိပက္ခတွေ ပြေလည်ရေးအတွက် ဘယ်လို ရိုးသားတဲ့ ကြိုးစား လုပ်ဆောင်မှုမျိုးကိုမဆို ထောက်ခံသွားမယ်လို့ အခက်အခဲတွေနဲ့ ရင်ဆိုင်နေရတဲ့ ဆီးရီးယားခေါင်းဆောင်က ပြောလိုက်ပါတယ်။
ဆီးရီးယားနိုင်ငံအတွင်း လက်ရှိဖြစ်ပေါ်နေတဲ့ ပြဿနာ အခက်အခဲတွေ ပြေလည်ရေး ကြိုးပမ်းတဲ့အနေနဲ့ ကုလသမဂ္ဂ အတွင်းရေးမှူးချုပ်ဟောင်း ကိုဖီအာနန်နဲ့ ဒီကနေ့ တွေ့ဆုံအပြီး ဘက်ရှာအယ်လ်အာဆဒ် (Bashar al – Assad) က အဲဒီလို ပြောကြားခဲ့တာလို့ အစိုးရပိုင် သတင်းမီဒီယာတွေမှာ ဖော်ပြကြပါတယ်။ ဆီးရီးယားနိုင်ငံထဲက လမ်းမတွေပေါ်မှာ အကြမ်းဖက်သမားတွေက ဆူပူသောင်းကျန်းမှုတွေ လုပ်နေသ၍တော့ နိုင်ငံရေးအရ တွေ့ဆုံ ညှိနှိုင်းလို့ ရမှာမဟုတ်ဘူးလို့လည်း သမ္မတ အာဆဒ်က သတိပေး ပြောကြားလိုက်ပါတယ်။
တိုင်းပြည်မြောက်ပိုင်းက Idlib မြို့ကို အစိုးရတပ်တွေက ထိုးစစ်ဆင် တိုက်ခိုက်မှုတွေ ပြုလုပ်နေတဲ့ တချိန်တည်းမှာပဲ သမ္မတက အခုလို ပြောဆိုလိုက်တာလည်း ဖြစ်ပါတယ်။ Idlib မြို့ကလာတဲ့ ဓါတ်ပုံတွေအရ မြို့ခံ အရပ်သားတွေဟာ ပေါက်ကွဲမှုဖြစ်ပွားပြီး မီးခိုးငွေ့တွေ ထွက်လာနေတဲ့ အဆောက်အဦးတွေ နောက်ခံနဲ့ ရရာပစ္စည်းတွေ သယ်ဆောင်ပြီး ကိုယ်လွတ်ရုန်း ထွက်ပြေးနေကြတဲ့ပုံတွေ ပြသနေပါတယ်။
ဆီးရီးယားနိုင်ငံရဲ့ ပဋိပက္ခကို နိုင်ငံရေးအရ ဖြေရှင်းကြဖို့ ဆီးရီးယားနိုင်ငံဆိုင်ရာ ကုလသမဂ္ဂနဲ့ အာရပ်အဖွဲ့ချုပ်ရဲ့ ကိုယ်စားလှယ်အဖြစ် ခန့်အပ်ခြင်း ခံထားရတဲ့ ကိုဖီအာနန်က တိုက်တွန်းလိုက်ပါတယ်။ တော်လှန်ရေး အင်အားစုတွေကို  လက်နက်တပ်ဆင်ပေးဖို့ ကြိုးစားတဲ့လုပ်ရပ်ဟာ အခြေအနေ ပိုဆိုးရွားစေလိမ့်မယ်လို့လည်း သူက သတိပေး ပြောကြားလိုက်ပါတယ်။ ဒါပေမဲ့ ဆီးရီးယားသမ္မတရဲ့ ဒီပြောဆိုချက်ကို အာရပ်အဖွဲ့ချုပ်က ပယ်ချလိုက်ပြီး တိုင်းပြည်အတွင်းက သေဆုံးမှုတွေနဲ့ ပျက်ဆီး ဆုံးရှုံးမှုတွေအတွက် တာဝန်ယူရလိမ့်မယ်လို့ အီဂျစ်နိုင်ငံ ကိုင်ရိုမြို့မှာ ကျင်းပနေတဲ့ အာရပ်အဖွဲ့ချုပ် စည်းဝေးပွဲမှာ ဝေဖန် ပြောကြားလိုက်တာပါ။
ဆီးရီးယားအစိုးရရဲ့ လုပ်ရပ်တွေဟာ Genocide လို့ ခေါ်တဲ့ အပြစ်မဲ့ပြည်သူတွေကို အစုလိုက် အပြုံလိုက် သတ်ဖြတ်တဲ့ လုပ်ရပ်ဖြစ်တယ်လို့ ကာတာ ၀န်ကြီးချုပ် Sheik Hamad bin Jassem al Thani က စွပ်စွဲ ပြောကြားလိုက်ပါတယ်။

တရုတ်ကုန်သွယ်ရေး လိုငွေပြ
By ဗွီအိုအေ (မြန်မာဌာန)

• တရုတ်နိုင်ငံ အနေနဲ့ ပို့ကုန်ထက် သွင်းကုန် ပိုသွားခဲ့တဲ့အတွက် ဖေဖော်ဝါရီလအတွင်း ကုန်သွယ်ရေးလိုငွေ အကြီးအကျယ် ပြခဲ့တယ်လို့ အာဏာပိုင်တွေက စနေနေ့မှာ ပြောပါတယ်။ ဒါဟာ ဆယ်စုနှစ် တစ်ခုအတွင်း အကြီးဆုံး လိုငွေပြမှုဖြစ်ပါတယ်။

အကောက်ခွန်ဌာနရဲ့ စာရင်းဇယားတွေအရ ဖေဖော်ဝါရီလအတွင်း ပို့ကုန်ပမာဏ ၁၁၄ ဘီလီယံကျော် ရှိခဲ့ပေမဲ့ သွင်းကုန် ပမာဏဟာ ဒေါ်လာ ၁၅၀ ဘီလီယံနီးပါး ရှိခဲ့တယ်လို့ ဆိုပါတယ်။ ဒေါ်လာ ၃၁ ဘီလီယံကျော် လိုငွေပြမှုဟာ ၁၉၉၀ ခုနှစ်တွေကတည်းက ပထမဆုံးအကြိမ်ဖြစ်ပြီး လစဉ် ဒေါ်လာ ဘီလီယံအတော်များများ ပိုငွေပြနေခဲ့ရာက ရှားရှားပါးပါး လိုငွေပြလာတာ ဖြစ်ပါတယ်။
တရုတ်နိုင်ငံရဲ့ အဓိက ကုန်သွယ်ဘက် နိုင်ငံတွေဖြစ်တဲ့ ဥရောပတိုက်အတွင်းက ယူရိုငွေကြေး အသုံးပြုတဲ့နိုင်ငံတွေမှာ ကြွေးမြီပြဿနာတွေနဲ့ ရင်ဆိုင်နေရတာနဲ့ အမေရိကန်စီးပွားရေး ပြန်လည် နာလန်ထူဖို့ နှေးကွေးနေသေးနေတာတွေက တရုတ်နိုင်ငံအတွက် အခုလို ကုန်သွယ်ရေး လိုငွေပြဖို့ ဖြစ်ပေါ်လာစေတဲ့ အဓိက အကြောင်းအရာတွေ ဖြစ်တယ်လို့ လေ့လာသူတွေ သုံးသပ် ပြောဆိုနေကြပါတယ်။