VOA သတင်းများ (03.12.2011)

by Myanmar Journal on Saturday, December 3, 2011 at 9:52am

 

SSA တောင်ပိုင်းနဲ့ အစိုးရ အဆင့်မြင့်သဘောတူမှုရရှိ
By ကိုမိုးဇော်
ရှမ်းပြည်တပ်မတော် SSA တောင်ပိုင်းအဖွဲ့က ကိုယ်စားလှယ်တွေနဲ့ ရှမ်းပြည်နယ်အစိုးရအဖွဲ့က ကိုယ်စားလှယ်တွေ  ဒီကနေ့ တောင်ကြီးမြို့မှာ အပစ်အခတ် ရပ်စဲရေးအပါအ၀င် အချက် ၄ ချက်ကို သဘောတူ လက်မှတ် ရေးထိုးခဲ့ကြပါတယ်။ SSA တောင်ပိုင်းအဖွဲ့ဟာ နိုဝင်ဘာလအတွင်းက ပထမဆုံးအကြိမ်အဖြစ် ထိုင်းနိုင်ငံ ချင်းရိုင်မြို့နယ်အတွင်းမှာ တွေ့ဆုံခဲ့ကြပြီးတဲ့နောက် အခုတကြိမ် တောင်ကြီးမြို့မှာ ဒုတိယအကြိမ် တွေ့ဆုံတာဖြစ်ပါတယ်။ အခု တောင်ကြီးဆွေးနွေးပွဲမှာ ပြည်နယ်အစိုးရ အဆင့်နဲ့ ဆွေးနွေးသဘောတူခဲ့တာ ဖြစ်ပြီး နောက်ပိုင်းမှာ ပြည်ထောင်စုအစိုးရနဲ့ ဆက်လက် ဆွေးနွေးသွားမှာဖြစ်တယ်လို့ ဆိုပါတယ်။ ဒီသတင်းအပြည့်အစုံကို ထိုင်းအခြေစိုက် သတင်းထောက် ကိုမိုးဇော်က တင်ပြမှာဖြစ်ပါတယ်။

ဒုဗိုလ်ချုပ်ကြီး ယွတ်ဆစ် ခေါင်းဆောင်တဲ့ ရှမ်းပြည်တပ်မတော် SSA တောင်ပိုင်းတပ်ဖွဲ့က ကိုယ်စားလှယ်တွေဟာ ငြိမ်းချမ်းရေး ဆွေးနွေးဖို့အတွက် မနေ့က တာချီလိတ်မြို့ကနေ လေယာဉ်နဲ့ တောင်ကြီးမြို့ကို ဆိုက်ရောက်ခဲ့တာဖြစ်ပါတယ်။ ဒီကနေ့ မနက်မှာတော့ နှစ်ဘက်ကိုယ်စားလှယ်တွေ တွေ့ဆုံဆွေးနွေးကြပြီး အပစ်အခတ်ရပ်စဲရေး အပါအ၀င် အချက် ၄ ချက်ကို သဘောတူ လက်မှတ်ရေးထိုး ခဲ့တယ်လို့ ရှမ်းတပ်ဖွဲ့က ကိုယ်စားလှယ်တွေကို သွားရောက်တွေ့ဆုံခဲ့တဲ့ လဲချားမြို့နယ် ပြည်သူ့လွှတ်တော် ကိုယ်စားလှယ် ဦးစိုင်းမောင်တင်က ပြောပါတယ်။
“ပဏာမအနေနဲ့ သူတို့ ဆွေးနွေးဖြစ်တာကတော့ အပစ်အခတ်ရပ်စဲရေးပေါ့နော်။ နောက်တစ်ခုက ကန့်သတ်ထားတဲ့ သူတို့ရဲ့ နယ်မြေကနေကျော်သွားလို့ရှိရင် နှစ်ဘက်စလုံးပေါ့ လက်နက်မပါဘဲ ဖြတ်သွားခွင့်ပြုရေး၊ နောက်တစ်ချက်က ဆက်ဆံရေးရုံးပေါ့၊ သက်ဆိုင်ရာ မြို့ကြီးတွေမှာ ဖွင့်လှစ်နိုင်ဖို့ အဲဒါ ဆွေးနွေးကြတယ်။ နောက်တစ်ချက်က ဒေသဖွံ့ဖြိုးရေးအတွက်ကို ပူးပေါင်းပြီးတော့ လုပ်ဆောင်သွားမယ်။ ထိုးဖြစ်တယ်လို့တော့ သိရပါတယ်။ ကျနော်တို့ ပြည်နယ်အဆင့်ပေါ့နော်။ ပြည်နယ်အဆင့် ဆွေးနွေးကြတယ်၊ သဘောတူတယ်၊ ပြည်ထောင်စုအစိုးရကို တင်ပြမယ်ပေါ့ အဲဒီဆွေးနွေးချက်တွေ အားလုံးကို အမြန်ဆုံး အကောင်အထည်ဖော်နိုင်အောင်။ အဲဒီလို သဘောတူညီချက် ရတယ်လို့ ပြောတယ်။”
ဒီဆွေးနွေးပွဲမှာ SSA တောင်ပိုင်း တပ်ဖွဲ့ဘက်က ဗိုလ်ချုပ် စိုင်းလူး ဦးဆောင်ပြီး ကိုယ်စားလှယ် ၈ ယောက် တက်ရောက်ခဲ့ပါတယ်။ မြန်မာအစိုးရဘက်ကတော့ မီးရထားပို့ဆောင်ရေးဝန်ကြီး ဦးအောင်မင်း၊ အမှတ် (၂) လျှပ်စစ်စွမ်းအားဝန်ကြီး ဦးခင်မောင်စိုးနဲ့ ရှမ်းပြည်နယ်အစိုးရရဲ့ လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး အောင်သူ တို့ ဦးဆောင်တက်ရောက်ခဲ့ပါတယ်။
ဒီဆွေးနွေးပွဲမှာ SSA တောင်ပိုင်းဘက်က နိုင်ငံရေးပြဿနာတွေကို ငြိမ်းချမ်းစွာ ဖြေရှင်းဖို့နဲ့ မူးယစ်ဆေးဝါး တိုက်ဖျက်ရေးကို နှစ်ဘက်ပူးပေါင်းဆောင်ရွက်ဖို့ကိုလည်း တင်ပြခဲ့ပြီး နိုင်ငံရေးကိစ္စတွေကတော့ မကြာခင်မှာ ပြည်ထောင်စုအစိုးရအဆင့်နဲ့ ထပ်မံဆွေးနွေးနိုင်မယ်လို့ SSA တောင်ပိုင်းတပ်ဖွဲ့နဲ့ ရင်းနှီးတဲ့ ရှမ်းသံတော်ဆင့် သတင်းဌာနက အယ်ဒီတာ ဦးခွန်ဆိုင်းက ပြောပါတယ်။
ပြီးခဲ့တဲ့ နိုဝင်ဘာလ ၁၉ ရက်နေ့ကလည်း မြန်မာအစိုးရ ကိုယ်စားလှယ်အဖွဲ့နဲ့ SSA တောင်ပိုင်းက ကိုယ်စားလှယ်အဖွဲ့ဟာ ထိုင်းနိုင်ငံ ချင်းရိုင်မြို့နယ်အတွင်းမှာ ပထမဆုံး တွေ့ဆုံဆွေးနွေးခဲ့ပါတယ်။ ဒီဆွေးနွေးပွဲမှာ SSA တောင်ပိုင်း အဖွဲ့ခေါင်းဆောင် ဒုဗိုလ်ချုပ်ကြီးယွတ်ဆစ်က ဦးဆောင်တက်ရောက်ခဲ့ပြီး မြန်မာအစိုးရဘက်ကတော့ မီးရထားပို့ဆောင်ရေးဝန်ကြီး ဦအောင်မင်းက ခေါင်းဆောင်ခဲ့တာဖြစ်ပါတယ်။
ရှမ်းပြည်တပ်မတော် SSA တောင်ပိုင်းအဖြစ် လူသိများတဲ့ ရှမ်းပြည် ပြန်လည်ထူထောင်ရေးကောင်စီ RCSS ဟာ အရင်က မြန်မာအစိုးရနဲ့ တခါမှ အပစ်အခတ်ရပ်စဲတာ မရှိသေးတဲ့အဖွဲ့လည်း ဖြစ်ပါတယ်။ ဒီအဖွဲ့ဟာ ၁၉၉၆ ခုနှစ်က ဘိန်းဘုရင်ခွန်ဆာရဲ့ မော်ထိုင်းတပ်မတော် လက်နက်ချစဉ်က သီးခြားခွဲထွက်ပြီး မြန်မာအစိုးရကို ဆက်လက်တော်လှန်နေတာ ဖြစ်ပါတယ်။
ဒီလပိုင်းတွေအတွင်းမှာ မြန်မာအစိုးရဘက်က ကချင်၊ ကရင်၊ ကရင်နီ၊ ချင်း၊ မွန်၊ ၀ နဲ့ မိုင်းလား စတဲ့အဖွဲ့တွေနဲ့ ပြည်တွင်းငြိမ်းချမ်းရေးအတွက် ဆက်တိုက်ဆိုသလို ဆွေးနွေးတာတွေ ရှိခဲ့ပါတယ်။ ကချင်အဖွဲ့ဖြစ်တဲ့ ကချင်လွတ်လပ်ရေးအဖွဲ့ (KIO) နဲ့ကတော့ တရုတ်နိုင်ငံ ရွှေလီမြို့မှာ နိုဝင်ဘာလ ၂၉ ရက်နေ့က နောက်ဆုံး ဆွေးနွေးခဲ့ပေမဲ့ တိကျတဲ့သဘောတူညီချက် မရခဲ့သလို နှစ်ဘက်တိုက်ခိုက်မှုတွေ ဟာလည်း ဒီကနေ့အထိ ပြင်းထန်နေဆဲ ဖြစ်ပါတယ်။


ခိုင်မာတဲ့ အပြောင်းအလဲတွေ ဖြစ်ဖို့ အမေရိကန်လိုလား
By ကိုသားညွှန့်ဦး
မြန်မာနိုင်ငံမှာ ပြုပြင်ပြောင်းလဲမှုတွေ မြင်နေရပေမဲ့လည်း ပြီးခဲ့တဲ့သင်ခန်းစာအရ အချိန်မရွေး နောက်ပြန် လှည့်သွားနိုင်တာမျိုးကို သတိထားနေရတယ်လို့ မြန်မာနိုင်ငံကို သွားရောက်ခဲ့တဲ့ အမေရိကန်နိုင်ငံခြားရေး ၀န်ကြီး ဟီလာရီကလင်တန်က ပြောပါတယ်။ ဒါကြောင့် ရလဒ်ကောင်းထွက်မယ့် အပြောင်းအလဲတွေ ခိုင်ခိုင်မာမာရှိနေဖို့နဲ့ ဒီလို ပြောင်းလဲမယ်ဆိုရင် အမေရိကန်ဘက်ကလည်း ပူးပေါင်းကူညီသွားဖို့ ပြင်ဆင်ပြီးသားဖြစ်ကြောင်း နိုင်ငံခြားရေးဝန်ကြီးကလင်တန်က ပြောပါတယ်။ မနေ့က ရန်ကုန် အမေရိကန်သံရုံး သတင်းစာရှင်းလင်းပွဲအတွင်း အခုလို ပြောဆိုသွားတာတွေနဲ့ ပတ်သက်လို့ ကိုသားညွန့်ဦးက အစီရင်ခံထားပါတယ်။
နှစ် ၅၀ ကျော်အတွင်း ပထမဆုံးရောက်လာတဲ့ အမေရိကန် နိုင်ငံခြားရေးဝန်ကြီး တစ်ဦးအနေနဲ့ အခုလို လာရောက်တာဟာ အမေရိကန်ပြည်ထောင်စုအနေနဲ့ ပြုပြင်ပြောင်းလဲမှုတွေကို ကြိုဆိုတယ်ဆိုတဲ့အချက်နဲ့ ဒါတွေဟာ တကယ်ပဲ အလားအလာကောင်းတွေကို ဦးတည်နေပြီလား ရလဒ်ကောင်းတွေ ထွက်နိုင်မလား ဆိုတာကိုလည်း စမ်းသပ်လေ့လာကြည့်ဖို့ ဖြစ်တယ်လို့ ရန်ကုန်မြို့မှာ မနေ့ကလုပ်တဲ့ သတင်းစာရှင်းလင်းပွဲ အတွင်း ပြောခဲ့ပါတယ်။ အထူးသဖြင်တော့ ခိုင်ခိုင်မာမာရှိတဲ့ ပြောင်းလဲမှုတွေ မြင်ချင်တယ်ဆိုတာကို အစိုးရအာဏာပိုင်တွေနဲ့တွေ့စဉ်မှာ အသေအချာ ရှင်းရှင်းလင်းလင်း ပြောခဲ့တယ်လို့ နိုင်ငံခြားရေးဝန်ကြီးက ပြောပါတယ်။ လက်ရှိအနေအထားမှာတော့ ပြောင်းလဲမှုတွေကို ကြိုဆိုတယ်၊ ဒါပေမဲ့ သတိထားပြီး စောင့်ကြည့်နေတယ်လို့ ၀န်ကြီးကလင်တန်က သတင်းထောက်တွေကို ပြောသွားပါတယ်။
“ပြုပြင်ပြောင်းလဲမှုတွေကို အခုလိုပဲ အရှိန်ကောင်းကောင်းနဲ့ ဆက်လုပ်နေမယ် ဆိုရင်တော့ ကျမတို့ ဘက်လည်း နောက်ထပ်ခြေလှမ်းတွေ လှမ်းဖို့ ပြင်ထားပါပြီ။ ဒါပေမဲ့လည်း ပြီးခဲ့တဲ့သမိုင်းကြောင်းအရ သတိထားစရာတွေ ရှိနေပါတယ်။ ပြီးခဲ့တဲ့ ဆယ်စုနှစ်အတွင်းမှာပဲ အခြေအနေတွေ ဆိုးဆိုးရွားရွား နောက်ပြန်လှည့်သွားတာတွေ၊ အလွန်အမင်း စိတ်ပျက်စရာကောင်းတဲ့ အခြေအနေတွေ ရှိခဲ့တာပါ။ ဒါကြောင့် မြန်မာပြည်မှာ ဒီမိုကရေစီဖြစ်ထွန်းရေးနဲ့ စီးပွားရေး လွတ်လပ်ခွင့်တွေအတွက် တကယ့်ကို စစ်စစ်မှန်မှန် ရလဒ်ကောင်းတွေ ဖြစ်စေမယ့် ပြုပြင်ပြောင်းလဲမှုတွေ ခိုင်ခိုင်မာမာ ရှိစေချင်ပါတယ်။ ဒီလို အလားအလာ ကောင်းတဲ့ လမ်းကြောင်းအတိုင်း ဆက်သွားနေမယ်ဆိုရင်တော့ ဒီအတိုင်းပဲ အမေရိကန်ပြည်ထောင်စု ကလည်း အတူတွဲလျှောက်သွားဖို့ ပြင်ဆင်ထားတယ်ဆိုတာကို ထပ်ပြောလိုက်ပါရစေ။”
တချိန်တည်းမှာလလည်း မြန်မာ့လွတ်လပ်ရေးပြီးကတည်းက ဆုံးရှုံးခဲ့ရတဲ့ အမျိုးသားပြန်လည် သင့်မြတ်ရေးကိစ္စတွေနဲ့ အဲဒီအတွက် စိန်ခေါ်ချက်တွေကိုလည်း သူ့ရဲ့ခရီးစဉ်အတွင်း သက်ဆိုင်သူတွေနဲ့ ဆွေးနွေးပြောဆိုခဲ့တယ်လို့ နိုင်ငံခြားရေးဝန်ကြီး ကလင်တန်က ပြောပါတယ်။
“လှပချစ်စရာကောင်းပြီး အသွင်အမျိုးမျိုးရှိတဲ့ ဒီတိုင်းပြည်ကြီးရဲ့ ကိစ္စရပ်တိုင်းမှာ လူတိုင်း မျှဝေ ပါဝင်ပတ်သက်နိုင်မှု မရှိသေးသရွေ့တော့ စစ်မှန်တဲ့ငြိမ်းချမ်းရေး စစ်မှန်တဲ့တရားမျှတမှု ဆိုတာ ရှိမှာမဟုတ်ပါဘူး။ အခုလို နိုင်ငံရေး လူမှုရေးဆိုင်ရာ၊ အထူးသဖြင့် ရန်ကုန်မြို့ပေါ်မှာ တိုးတက်မှုအချို့ မြင်နေရပေမဲ့လည်း တိုင်းပြည်ရဲ့ အခြားနေရာတွေ အထူးသဖြင့်တော့ လူမျိုးစု တိုင်းရင်းသားဒေသတွေမှာ အကြမ်းဖက်မှုတွေ ဆက်ရှိနေပါတယ်။ ဒီလိုပဋိပက္ခတွေအပြင် ဆင်းရဲမွဲတေမှုတွေ၊ ရောဂါဘယ ထူပြောမှုတွေ၊ ပညာမတတ်မှုတွေလည်း ရာခိုင်နှုန်းမြင့်မြင့်မားမား ရှိနေပါတယ်။ အမျိုးသမီးတွေကို လိင်ပိုင်းဆိုင်ရာ စော်ကားတာကိုလည်း စစ်လက်နက်သဖွယ် စနစ်တကျ အသုံးပြုနေတာတွေ ရှိပါတယ်။”
မြန်မာနိုင်ငံဘက်က ပြုပြင်ပြောင်းလဲမှု ခြေလှမ်းတွေ တိုးလာတိုင်း ဒီအတိုင်းအတာအပေါ်မှာ အမေရိကန်ပြည်ထောင်စုဘက်က တုံ့ပြန် ပူးပေါင်းဆောင်ရွက်သွားမယ် ဆိုတာကို နိုင်ငံခြားရေးဝန်ကြီး ကလင်တန်က သူ့ခရီးစဉ်အတွင်းမှာ ထပ်ခါထပ်ခါ ပြောခဲ့ပါတယ်။ မြန်မာအာဏာပိုင်တွေဘက်က လိုလားနေတဲ့ အမေရိကန်ပြည်ထောင်စုရဲ့ မြန်မာအပေါ် ပိတ်ဆို့မှု ပြန်ရုပ်သိမ်းရေး အခြေအနေ အလားအလာဟာလည်း မြန်မာအာဏာပိုင်တွေရဲ့ လုပ်ဆောင်ချက်အပေါ်မှာ တည်လိမ့်မယ်လို့ သူက ပြောသွားပါတယ်။ လတ်တလောအားဖြင့် ဒီအရေးယူမှုတွေ ရုပ်သိမ်းဖို့ အချိန် စောသေးတယ်လို့ နိုင်ငံခြားရေးဝန်ကြီးကလင်တန်က ပြောပါတယ်။ ဒါပေမဲ့ မြန်မာနိုင်ငံအပေါ် အကူအညီ ဒေါ်လာ ၁.၂ သန်း ကူညီသွားဖို့ရှိပြီး ဒါတွေကတော့ အသေးစား ချေးငွေထုတ်ပေးမှု၊ ကျန်းမာရေးစောင့်ရှောက်မှု၊ ပညာရေးပိုင်း ဆိုင်ရာ ကူညီထောက်ပံ့မှု ကိစ္စရပ်တွေမျိုးတွေမှာ သုံးစွဲမှာဖြစ်တယ်လို့ သိရပါတယ်။ ဒါကိုလည်း လူမှုအဖွဲ့အစည်းတွေကတဆင့် ထောက်ပံ့မှာဖြစ်ပါတယ်။
တချိန်တည်းမှာပဲ လူ့အခွင့်အရေး ချိုးဖောက်မှုတွေနဲ့ပတ်သက်လို့ စုံစမ်းရေးကော်မရှင်ဖွဲ့ရေး ကိစ္စကို အမေရိကန်ပြည်ထောင်စုက ဆက်ပြီးထောက်ခံတဲ့အကြောင်း နိုင်ငံခြားရေးဝန်ကြီးကလင်တန်က ပြောခဲ့ပါတယ်။ ဒါတွေဟာ တချိန်ချိန်မှာ မြန်မာနိုင်ငံတွင်းကနေ ဆောင်ရွက်သွားနိုင်မယ်လို့ မျှော်လင့်တဲ့အကြောင်းလည်း ဆိုပါတယ်။ အရင်ဆုံးတော့ လူ့အခွင့်အရေး ကော်မရှင်ဖွဲ့တာမျိုး အရေးကြီးပြီး အခုတော့ အစိုးရက ဒီအဆင့်ကို ဆောင်ရွက်ထားပြီးဖြစ်တယ်လို့ ပြောပါတယ်။ ဒါပေမဲ့ ဒီကော်မရှင်ရဲ့ လွတ်လပ်မှု၊ သမာသမတ်ကျမှု၊ ကျွမ်းကျင်မှုတွေအတွက် နိုင်ငံတကာအကူအညီတွေ တောင်းခံဖို့လိုအပ်ပြီး ဒီလူ့အခွင့်အရေး ချိုးဖောက်ခံခဲ့ရတာတွေကို ပြန်လည် ကိုင်တွယ်နိုင်ဖို့ဟာလည်း  အစိုးရသစ်နဲ့ အတိုက်အခံတွေအကြား မိမိတို့နည်းနဲ့ ဆောင်ရွက်နိုင်ဖို့ အရေးကြီးတယ်လို့ နိုင်ငံခြားရေးဝန်ကြီး ကလင်တန်က ထောက်ပြသွားပါတယ်။

အမေရိကန်ရဲ့ထိစပ်ရေးမူဝါဒ မြန်မာ့ဒီမိုကရေစီအတွက် အကူအညီဖြစ်
By Daniel Schearf/ ကိုရန်နိုင်
မြန်မာနိုင်ငံနဲ့ စေ့စပ်ဆွေးနွေးရေးလုပ်နေတဲ့ အမေရိကန်အစိုးရ မူဝါဒတွေဟာ မြန်မာနိုင်ငံမှာ ဒီမိုကရေစီ အပြောင်းအလဲတွေ ဖြစ်လာအောင် လုပ်နေတာဖြစ်တယ်လို့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်က ပြောလိုက်ပါတယ်။ အမေရိကန် နိုင်ငံခြားရေးဝန်ကြီး ဟီလရီကလင်တန်နဲ့ တွေ့ဆုံပြီးတဲ့နောက်မှာ ဒေါ်အောင်ဆန်းစုကြည်က အခုလို ပြောလိုက်တာဖြစ်ပါတယ်။ ဒီအကြောင်းနဲ့ ပတ်သက်ပြီး ဗွီအိုအေသတင်းထောက် Daniel Schearf ရန်ကုန်မြို့ကနေ သတင်းပေးပို့ထားတာကို ကိုရန်နိုင်က တင်ပြထားပါတယ်။
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ အမေရိကန် နိုင်ငံခြားရေးဝန်ကြီး ဟီလရီကလင်တန်ကို မနေ့က သောကြာနေ့တုန်းက တွေ့ဆုံခဲ့ပြီး အခုချိန်ဟာ မြန်မာနဲ့ အမေရိကန် နှစ်နိုင်ငံစလုံးအတွက် သမိုင်းဝင်အချိန်ဖြစ်တယ်လို့ ပြောလိုက်ပါတယ်။
အမေရိကန် နိုင်ငံခြားရေးဝန်ကြီးကို သူမရဲ့နေအိမ်မှာ တွေ့ဆုံဆွေးနွေးပြီးတဲ့နောက် နှစ်ပေါင်း ၅၀ ကျော်အတွင်း မြန်မာနိုင်ငံကို ပထမဆုံးအကြိမ်လာခဲ့တဲ့ အမေရိကန် နိုင်ငံခြားရေးဝန်ကြီးရဲ့ခရီးစဉ်က နှစ်နိုင်ငံကြား ချစ်ကြည်ရင်းနှီးမှုနဲ့ နားလည်မှုတွေကို အပြန်အလှန် ဖြစ်လာစေဖို့ မျှော်လင့်တယ်လို့ ဒေါ်အောင်ဆန်းစုကြည်က သတင်းထောက်တွေကို ပြောလိုက်ပါတယ်။ အမေရိကန်ရဲ့ သံတမန်ရေး ဆက်ဆံမှုတွေက မြန်မာနိုင်ငံမှာ ဒီမိုကရေစီဖြစ်ပေါ်လာအောင် အကူအညီ ပေးနေတယ်လို့လည်း ဒေါ်အောင်ဆန်းစုကြည်က ပြောပါတယ်။
“ထိတွေ့ဆက်ဆံမှုတွေနဲ့ ဒီမိုကရေစီ ပြုပြင်ပြောင်းလဲရေး လုပ်ငန်းတွေ တိုးတက် ကောင်းမွန်အောင် လုပ်သွားဖို့ ကျမတို့ မျှော်လင့်ပါတယ်။ ဒီ ထိတွေ့ဆက်ဆံမှုတွေကြောင့် ကျမတို့ ရှေ့လျှောက်လုပ်ရမယ့် လုပ်ငန်းတွေကို ပိုပြီးတော့ ရှင်းရှင်းလင်းလင်း မြင်နိုင်မှာဖြစ်သလို ရှေ့ဆက်သွားမယ့် ဒီမိုကရေစီ ပြုပြင်ပြောင်းလဲရေး လုပ်ငန်းတွေမှာ ယုံကြည်မှုလည်း ပိုပြီးတော့ ရစေမှာဖြစ်ပါတယ်။”
မြန်မာနိုင်ငံမှာ ၁၉၆၂ ခုနှစ် စစ်တပ်အာဏာသိမ်းခဲ့ချိန်ကစတင်ပြီး အမေရိကန် အစိုးရက မြန်မာအစိုးရနဲ့ ဆက်ဆံမှုတွေ သိပ်မလုပ်တော့ဘဲ လူ့အခွင့်အရေး ချိုးဖောက်မှုတွေအပေါ်မှာ စီးပွားရေးအရ ဒဏ်ခတ် ပိတ်ဆို့တာတွေ လုပ်ခဲ့ပါတယ်။ ဒါပေမဲ့ သမ္မတအိုဘားမားအစိုးရ တက်လာချိန်ကစပြီး ဒဏ်ခတ်ပိတ်ဆို့မှု တွေနဲ့အတူ စေ့စပ်ဆွေးနွေးတဲ့ မူဝါဒ နှစ်ခုစလုံးကို တွဲလုပ်လာခဲ့ပါတယ်။
သမ္မတဦးသိန်းစိန်ဟာ သူသမ္မတ ဖြစ်လာပြီးတဲ့နောက် မြန်မာနိုင်ငံတွင်း လွတ်လပ်ခွင့်တွေ ပိုပေးလာသလို ဒေါ်အောင်ဆန်းစုကြည်နဲ့လည်း တိုက်ရိုက် ဆွေးနွေးပြောဆိုတာတွေ လုပ်တာနဲ့ နိုင်ငံရေးအကျဉ်းသား ၂၀၀ ကျော်ကို ပြန်လွှတ်ပေးပြီးတော့ ဝေဖန်သူတွေကို အံ့အားသင့်အောင် လုပ်ခဲ့ပါတယ်။
မြန်မာအာဏာပိုင်တွေဘက်က အခုမကြာသေးခင်က ဖွင့်ပေးလိုက်တာတွေဟာ အားပေးရမယ့် အခြေအနေတွေ ဖြစ်ပြီး သူမရဲ့ ခရီးစဉ်က ဒီမိုကရေစီကိုရည်မှန်းပြီး ရှေ့ဆက်ရမယ့် လမ်းကြောင်းကို ရှာဖွေဖို့ ဖြစ်တယ်လို့ ၀န်ကြီးကလင်တန်က ပြောပါတယ်။
“အမေရိကန်အနေနဲ့ မြန်မာနိုင်ငံနဲ့ မိတ်ဖက်နိုင်ငံ ဖြစ်ချင်ပါတယ်။ မြန်မာနိုင်ငံမှာ ဒီမိုကရေစီ ဖော်ဆောင်ရေးတွေ ဆက်ပြီးလုပ်သွားပြီး နိုင်ငံရေးအကျဉ်းသားတွေ အားလုံးလွှတ်ပေးတာ၊ တိုင်းရင်းသားဒေသတွေမှာ ဖြစ်နေတဲ့ ပဋိပက္ခတွေ အဆုံးသတ်သွားတာ၊ လွတ်လပ် တရားမျှတပြီး လက်ခံနိုင်လောက်တဲ့ ရွေးကောက်ပွဲတွေ လုပ်သွားတာနဲ့အမျှ ကျမတို့ဘက်ကလည်း ရှင်တို့နဲ့အတူ ဆက်ပြီးတော့ အလုပ်လုပ်သွားချင်ပါတယ်။”
ဒါ့အပြင် တိုင်းရင်းသားလူနည်းစုဒေသတွေက တိုက်ပွဲတွေအဆုံးသတ်ဖို့ နဲ့ တရားဥပဒေစိုးမိုးရေး တည်ဆောက်ဖို့အတွက် ပိုပြီးတော့ ကြိုးပမ်းလုပ်ဆောင်သွားဖို့ လိုတယ်လို့ ဒေါ်အောင်ဆန်းစုကြည်က အလေးပေးပြောကြားခဲ့ပါတယ်။
“ကျမတို့အနေနဲ့ - ပထမဆုံးက - အကျဉ်းထောင်တွေအတွင်းမှာ ဆက်ပြီးတော့ရှိနေတဲ့ ယုံကြည်ချက်ကြောင့် အကျဉ်းကျနေသူတွေ ပြန်လွတ်လာဖို့နဲ့ အနာဂတ်မှာလည်း ယုံကြည်ချက်ကြောင့် နောက်ထပ် အဖမ်းခံရတာတွေ ဖြစ်မလာဖို့ လိုအပ်ပါတယ်။ ဒါကြောင့် တရားဥပဒေစိုးမိုးမှု ရှိလာဖို့အတွက် ကျမတို့ အလေးပေး ပြောဆိုနေရတာ ဖြစ်ပါတယ်။ အမေရိကန်ပြည်ထောင်စုနဲ့ တခြား မိတ်ဆွေနိုင်ငံတွေ အနေနဲ့ မြန်မာနိုင်ငံမှာ တရားဥပဒေစိုးမိုးမှု ရှိလာနိုင်ဖို့အတွက် အကူအညီ ပေးလာနိုင်လိမ့်မယ်လို့လည်း ကျမအနေနဲ့ စိတ်ချယုံကြည်ထားပါတယ်။”
မြန်မာနိုင်ငံမှာ ဖွံ့ဖြိုးတိုးတက်လာဖို့အတွက် အများကြီးလုပ်သွားဖို့ လိုနေသေးပြီး ဒီအတွက် အမေရိကန် အနေနဲ့လည်း အကူအညီ ပေးသွားချင်တယ်လို့ ၀န်ကြီးကလင်တန်က ပြောပါတယ်။ ဒါ့အပြင် ဒေါ်အောင်ဆန်းစုကြည်ကိုလည်း ၀န်ကြီးကလင်တန်က ချီးကျူးစကား ပြောဆိုသွားခဲ့ပါတယ်။
ဒေါ်အောင်ဆန်းစုကြည်ဟာ အားကျအတုယူစရာကောင်းတဲ့သူ တစ်ယောက်ဖြစ်ကြောင်း၊ တိုင်းပြည်နဲ့ ပြည်သူလူထု တရပ်လုံးအတွက် ရပ်တည်ပြီး လုပ်ဆောင်ပေးနေတယ် ဆိုတာကို သိတယ်လို့ ၀န်ကြီးကလင်တန်က ချီးကျူးပြောဆိုသွားခဲ့ပါတယ်။ ဒါ့အပြင် မြန်မာပြည်သူတွေဟာလည်း နှစ်ပေါင်းများစွာအတွင်း အခက်အခဲအမျိုးမျိုးကို သတ္တိရှိရှိ ရဲရဲရင့်ရင့် ရင်ဆိုင်ခဲ့ကြတာဖြစ်ကြောင်း၊ မြန်မာနိုင်ငံအနေနဲ့ ကမ္ဘာ့အလယ်မှာ ရှိသင့်ရှိထိုက်တဲ့နေရာကို ပြန်ရောက်လာတာမျိုးကို မြင်ချင်တယ်လို့လည်း သူမက ပြောလိုက်ပါတယ်။
မြန်မာနိုင်ငံကို နှစ်ရက်ကြာသွားရောက်ခဲ့တဲ့ သူမရဲ့ ခရီးစဉ်အတွင်းမှာ အမေရိကန် နိုင်ငံခြားရေးဝန်ကြီး ဟီလရီကလင်တန်ဟာ သမ္မတဦးသိန်းစိန် အပါအ၀င် မြန်မာအစိုးရ ခေါင်းဆောင်တွေနဲ့ တွေ့ဆုံခဲ့ပြီး အခုလက်ရှိလုပ်နေတဲ့ ပြုပြင်ပြောင်းလဲရေးတွေကို ထပ်ပြီးတော့ တိုးချဲ့လုပ်ဆောင်သွားဖို့ တိုက်တွန်းခဲ့ပါတယ်။

ကုလ အတွင်းရေးမှူးချုပ် နောက်နှစ်ဆန်း မြန်မာပြည်လာရောက်မည်
By ကိုသားညွှန့်ဦး
ကုလသမဂ္ဂ အတွင်းရေးမှူးချုပ် ဘန်ကီမွန်းဟာ မကြာခင်လပိုင်းတွေအတွင်း မြန်မာနိုင်ငံကို သွားရောက်ဖို့ရှိပြီး အဲဒီအတွက် မြန်မာအာဏာပိုင်တွေနဲ့ ကုလသမဂ္ဂအကြား ညှိနှိုင်းပြင်ဆင်မှုတွေ လုပ်နေတယ်လို့ သိရပါတယ်။ မြန်မာနိုင်ငံရေးမှာ တိုးတက်ပြောင်းလဲမှုအချို့  မြင်လာရတာကြောင့် နိုင်ငံတကာက မြန်မာနိုင်ငံနဲ့ ပူးပေါင်း ဆက်ဆံမှုတွေ၊ ထောက်ခံအားပေးမှုတွေ လုပ်လာချိန်မှာပဲ ကုလသမဂ္ဂ အတွင်းရေးမှူးချုပ် မြန်မာပြည်ကို သွားရောက်ဖို့ ဖြစ်လာတာပါ။ အကြောင်းစုံကို ကိုသားညွှန့်ဦးက တင်ပြထားပါတယ်။
မစ္စတာဘန်ကီမွန်းဟာ ကုလသမဂ္ဂ အတွင်းရေးမှူးချုပ်အနေနဲ့ အခု ဒီတခါ သွားဖြစ်မယ်ဆိုရင် သုံးကြိမ်မြောက် မြန်မာနိုင်ငံကို ရောက်ရှိမှာဖြစ်ပါတယ်။ ဒါပေမဲ့ ဒီတခေါက် သူ သွားရောက်မယ့် အခြေအနေကတော့ အရင်အခြေအနေတွေနဲ့ မတူပါဘူး။ တစုံတရာ နိုင်ငံရေး ပြောင်းလဲမှုတွေအောက်မှာ သူတွေ့လိုသူတွေနဲ့ ကျယ်ကျယ်ပြန့်ပြန် တွေ့ဆုံခွင့်ရမယ်လို့ မျှော်လင့်ရပါတယ်။ အတွင်းရေးမှူးချုပ် သွားရောက်နိုင်ဖို့အတွက် စတင်ပြင်ဆင်နေပြီလို့ အတွင်းရေးမှူးချုပ်ရုံး ပြောခွင့်ရသူ မာတင်နာဆားကီး (Martin Nesirky) က ဗွီအိုအေ မြန်မာပိုင်းကို ပြောပါတယ်။
“သိပ်မကြာခင် ဖြစ်နိုင်သမျှ မြန်မြန် မြန်မာပြည်ကို သွားရောက်ဖို့ရှိပါတယ်။ အခုလာမယ့် နှစ်ဆန်းပိုင်းလောက် ဖြစ်နိုင်ပါတယ်။ ဒီအတွက် မြန်မာအာဏာပိုင်တွေနဲ့ ကုလသမဂ္ဂအကြား ကျေနပ်လောက်အောင် ညှိနှိုင်း ဆောင်ရွက်ပြီးရင် မြန်မြန်ဆန်ဆန် သွားရောက်မှာဖြစ်ပါတယ်။”
မစ္စတာဘန်ကီမွန်းနဲ့ သမ္မတဦးသိန်းစိန်တို့ဟာ ပြီးခဲ့တဲ့လကပဲ အင်ဒိုနီးရှားနိုင်ငံ ဘာလီက အာဆီယံ-ကုလသမဂ္ဂ ပူးတွဲအစည်းအဝေးမှာ တွေ့ခဲ့ပါတယ်။ မြန်မာနိုင်ငံကို ၂၀၁၄ ခုနှစ်မှာ အာဆီယံအလှည့်ဥက္ကဋ္ဌ ပေးဖို့အတွက် အာဆီယံရဲ့ ဆုံးဖြတ်ချက်ကို မစ္စတာဘန်ကီမွန်းက ကြိုဆိုခဲ့ပါတယ်။ မကြာသေးခင်က မြန်မာနိုင်ငံတွင်း အပြောင်းအလဲတွေကြောင့် အားတတ်မိပြီး သူ့အနေနဲ့ မြန်မာပြည်ကို ဖြစ်နိုင်သမျှ အမြန်ဆုံး သွားရောက်လိုတယ်လို့ အဲဒီကတည်းက ပြောဆိုခဲ့တဲ့အကြောင်း မစ္စတာမာတင်က ပြောပါတယ်။ အဲဒီ ဘာလီအစည်းအဝေးမှာပဲ သမ္မတဦးသိန်းစိန် ကလည်း မြန်မာပြည်လာရောက်ဖို့အတွက် မစ္စတာဘန်ကီမွန်းကို ဖိတ်ခေါ်ခဲ့တယ်လို့ သိရပါတယ်။
“မြန်မာနိုင်ငံကို ဖြစ်နိုင်သမျှ မြန်မြန်သွားရောက်လိုတယ် ဆိုတာကို သူ ဘာလီမှာ ရှိစဉ်ကတည်းက ထုတ်ပြောခဲ့ပြီးသားပါ။ ဒါပေမဲ့ ဘယ်တော့လဲဆိုတာ အတိအကျ မပြောခဲ့ပါဘူး။”
မစ္စတာဘန်ကီမွန်းဟာ ၂၀၀၈ ခုနှစ်နဲ့ ၂၀၀၉ ခုနှစ်တွေမှာ မြန်မာပြည်ကို သွားခဲ့ပါတယ်။ ၂၀၀၈ ခုနှစ် တုန်းကတော့ နာဂစ်မုန်တိုင်း ကူညီကယ်ဆယ်ရေး လုပ်ငန်းတွေအတွက် အဓိက သွားရောက်တာဖြစ်ပေမဲ့ ၂၀၀၉ ခုနှစ်မှာတော့ မြန်မာနိုင်ငံ အမျိုးသားပြန်လည်သင့်မြတ်ရေးကို ဘယ်လို ကြားဝင်ညှိနှိုင်းနိုင်မလဲ ဆိုပြီး သွားခဲ့တာပါ။ ဒါပေမဲ့ နှစ်ခေါက်စလုံးမှာတော့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ တွေ့ခွင့်မရခဲ့ပါဘူး။ ဒါကြောင့်လည်း ကုလသမဂ္ဂရဲ့ ကြိုးပမ်းချက်တွေ အရာမရောက်ဘူးဆိုပြီး ဝေဖန်မှုတွေ ခံခဲ့ရပါတယ်။ မြန်မာနိုင်ငံအရေး ကိစ္စဟာ လုံခြုံရေးကောင်စီရဲ့ ဆွေးနွေးမှုထဲမှာ စာရင်းဝင်ထားတာမို့ မကြာခဏဆိုသလို မြန်မာ့အရေးအတွက် အတွင်းရေးမှူးချုပ်ကဦးဆောင်ပြီး လုံခြုံရေးကောင်စီထဲမှာရော၊ အတွင်းရေးမှူးချုပ်ရဲ့ မြန်မာ့မိတ်ဆွေနိုင်ငံများမှာပါ ဆွေးနွေးခဲ့ပါတယ်။ အတွင်းရေးမှူးချုပ်အနေနဲ့ မြန်မာနိုင်ငံတွင်းက နိုင်ငံရေးအကျဉ်းသားတွေကိစ္စကို မကြာမကြာ ပြောဆိုတာမို့ လာမယ့်ခရီးစဉ်မှာလည်း ဒီကိစ္စအတွက် ပြောဆိုဖြစ်မယ်လို့ ခန့်မှန်းရပါတယ်။
“အတွင်းရေးမှူးချုပ်ရဲ့ အမြင်ကို ရှင်းရှင်းလင်းလင်း ပြောထားပြီးသားပါ။ နိုင်ငံရေးအကျဉ်းသားအားလုံးကို ချက်ချင်းလွှတ်ပေးဖို့ လိုမယ်ဆိုတာကို အတွင်းရေးမှူးချုပ်အနေနဲ့ ထပ်ခါ ထပ်ခါ တောင်းဆိုခဲ့ပါတယ်။”
နိုင်ငံခြားရေးဝန်ကြီးကလင်တန် မြန်မာနိုင်ငံကို သွားရောက်ခဲ့တာဟာလည်း မြန်မာအတွက် အရေးပါတဲ့ အခြေအနေဖြစ်ပြီး၊ ဒါဟာ ပြုပြင်ပြောင်းလဲမှုတွေ အားကောင်းလာစေဖို့ ဖြစ်မယ်လို့ မျှော်လင့်တဲ့အကြောင်း လည်း အတွင်းရေးမှူးချုပ်ရုံး ပြောခွင့်ရသူ မာတင်က ပြောပါတယ်။ မြန်မာနိုင်ငံ အမျိုးသားပြန်လည် သင့်မြတ်ရေးနဲ့ လူ့အခွင့်အရေး အခြေအနေတွေအတွက် အတွင်းရေးမှူးချုပ်ရဲ့ အထူးကိုယ်စားလှယ်နဲ့ လူ့အခွင့်အရေး ကိုယ်စားလှယ်တို့ဟာ မကြာသေးခင်ကပဲ မြန်မာပြည်ကို အသီးသီး သွားရောက်နိုင် ခဲ့ကြပါတယ်။

ဒေါ်အောင်ဆန်းစုကြည်နဲ့ ၀န်ကြီးကလင်တန် ပူးတွဲသတင်းစာရှင်းလင်းပွဲ
By မစုမြတ်မွန်
ရန်ကုန်မြို့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် နေအိမ်တွင် ဒေါ်အောင်ဆန်းစုကြည် (ယာ) နဲ့ အမေရိကန်နိုင်ငံခြားရေးဝန်ကြီး ဟီလာရီကလင်တန် (၀ဲ) တို့ သောကြာနေ့က တွေ့ဆုံခဲ့ကြစဉ်။ (ဒီဇင်ဘာလ ၂ ရက်၊ ၂၀၁၁)
ဒီကနေ့မနက်ပိုင်း မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ရဲ့ နေအိမ်မှာ ပြုလုပ်ခဲ့တဲ့ ၀န်ကြီးဟီလာရီကလင်တန်နဲ့ ဒေါ်အောင်ဆန်းစုကြည်တို့ရဲ့ သတင်းစာရှင်းလင်းပွဲကို သတင်းသွားယူခဲ့တဲ့ ရန်ကုန်မြို့ရောက် ဗွီအိုအေ မြန်မာပိုင်း ၀ိုင်းတော်သူ မစုမြတ်မွန်ကို ဦးရော်နီညိမ်းက တိုက်ရိုက် မေးမြန်းထားပါတယ်။
ဦးရော်နီညိမ်း။  ။ မစုမြတ်မွန်ရေ… ၀န်ကြီးကလင်တန်နဲ့ ဒေါ်အောင်ဆန်းစုကြည်တို့ရဲ့ ပူးတွဲ သတင်းစာရှင်းလင်းပွဲမှာ ဘာတွေ ပြောသွားကြလဲခင်ဗျ။ -
မစုမြတ်မွန်။  ။ ဒီကနေ့မနက်မှာ ဒေါ်အောင်ဆန်းစုကြည်ရဲ့ ခြံဝန်းထဲမှာ အမေရိကန် နိုင်ငံခြားရေးဝန်ကြီး ဟီလာရီကလင်တန်နဲ့ ဒေါ်အောင်ဆန်းစုကြည်တို့ ၁ နာရီကျော်လောက် တွေ့ပြီးတော့ သူတို့ ဘာတွေဆွေးနွေးခဲ့တယ်ဆိုတာကို သတင်းထောက်တွေကို ပြန် ပြောပြခဲ့တာပါ။ ဒေါ်အောင်ဆန်းစုကြည် အဓိက ပြောခဲ့တာကတော့ အမေရိကန်နိုင်ငံခြားရေးဝန်ကြီး အခုလို မြန်မာနိုင်ငံကိုလာတာကို အထူး ကြိုဆိုတယ်။ ၀န်ကြီးကလင်တန်အနေနဲ့ သူနဲ့တွေ့တာအပြင် နေပြည်တော်မှာ သမ္မတဦးသိန်းစိန် အပါအ၀င် အစိုးရအာဏာပိုင်တွေနဲ့ တွေ့ဆုံမှု အဆင်ပြေတယ်ဆိုတာကို သိရတဲ့အတွက် ၀မ်းသာတယ်ဆိုပြီး ဒေါ်အောင်ဆန်းစုကြည်က အခုလို ပြောပါတယ်။
“နိုင်ငံခြားရေးဝန်ကြီးကလင်တန် နေပြည်တော်မှာ အစိုးရနဲ့တွေ့ဆုံခဲ့တာ အဆင်ပြေတဲ့အတွက် ကျမ ၀မ်းသာပါတယ်။ အခုလို အမေရိကန်ပြည်ထောင်စုက မြန်မာနိုင်ငံနဲ့ ထိတွေ့ဆက်ဆံမှုအတွက်လည်း အလွန်ဝမ်းသာပါတယ်။ ထိတွေ့ဆက်ဆံမှုတွေနဲ့ ဒီမိုကရေစီ ပြုပြင်ပြောင်းလဲရေး လုပ်ငန်းတွေ တိုးတက် ကောင်းမွန်အောင်လုပ်သွားဖို့ ကျမတို့ မျှော်လင့်ပါတယ်။ ဒီ ထိတွေ့ဆက်ဆံမှုတွေကြောင့် ကျမတို့ ရှေ့လျှောက်လုပ်ရမယ့်လုပ်ငန်းတွေကို ပိုပြီးတော့ ရှင်းရှင်းလင်းလင်း မြင်နိုင်မှာဖြစ်သလို ရှေ့ဆက်သွားမယ့် ဒီမိုကရေစီပြုပြင်ပြောင်းလဲရေး လုပ်ငန်းတွေမှာ ယုံကြည်မှုလည်း ပိုပြီးတော့ ရစေမှာဖြစ်ပါတယ်။ ဒီအတွက် အမေရိကန်ပြည်ထောင်စုတင်မဟုတ်ပါဘူး၊ နိုင်ငံတကာရဲ့ အကူအညီတွေ ကျမတို့ လိုအပ်ပါတယ်။”
မစုမြတ်မွန်။   ။ ဒေါ်အောင်ဆန်းစုကြည် ၀မ်းသာတယ်လို့ ပြောခဲ့တာနောက်တစ်ခုကတော့ အမေရိကန်နဲ့ မြန်မာ ဆက်ဆံရေးပြေလည်တာကို ၀မ်းသာတဲ့အကြောင်း တရုတ်နိုင်ငံက ဒီကနေ့ ကြေညာချက် ထုတ်ပြန်ခဲ့တဲ့အပေါ်မှာ သူ့အနေနဲ့ ၀မ်းသာပါတယ်လို့ ဒီသတင်းစာ ရှင်းလင်းပွဲမှာ ပြောသွားခဲ့တာပါ။
“အမေရိကန်နဲ့မြန်မာ ထိတွေ့ဆက်ဆံမှုကို ကြိုဆိုတဲ့ တရုတ်နိုင်ငံခြားရေးဌာနရဲ့ ကြေညာချက်ကို ဒီကနေ့ ဖတ်ရတာ ကျမ အထူး ၀မ်းသာပါတယ်။ ဒါကိုကြည့်ခြင်းအားဖြင့် ကျမတို့ကို တကမ္ဘာလုံးက ထောက်ခံနေတယ် ဆိုတာကို ပြနေတာပါ။ ကျမတို့ရဲ့ အိမ်နီးချင်း တရုတ်နိုင်ငံနဲ့ ကောင်းမွန်တဲ့ဆက်ဆံရေး အမြဲတမ်း ထားရှိလိုပါတယ်။ ဒါကြောင့် ဒီအတွက် အထူး ၀မ်းသာမှုဖြစ်ပါတယ်။ တရုတ်နဲ့တင်မဟုတ်ပါဘူး၊ နိုင်ငံတကာနဲ့ ဆက်ဆံရေး ကောင်းချင်ပါတယ်။”
မစုမြတ်မွန်။  ။ ဒီကနေ့  အမေရိကန်နိုင်ငံခြားရေးဝန်ကြီးနဲ့ ဒေါ်အောင်ဆန်းစုကြည်တို့ ဆွေးနွေးဖြစ်ကြတဲ့ အထဲမှာ မြန်မာနိုင်ငံမှာ ဘယ်လိုအကူအညီတွေ လိုအပ်နေသလဲဆိုတာကို ဒေါ်အောင်ဆန်းစုကြည်က ထောက်ပြခဲ့တယ်လို့လည်း ပြောပါတယ်။ အမေရိကန် နိုင်ငံခြားရေးဝန်ကြီးဘက်ကတော့ သူ့ကို ဒေါ်အောင်ဆန်းစုကြည်က အခုလိုမျိုး နွေးနွေးထွေးထွေး ကြုံဆိုရုံတင်မကဘဲ နှစ်ပေါင်းများစွာ ကြံ့ကြံ့ခံ ခေါင်းဆောင်မှုပေးနိုင်တဲ့အပေါ်မှာ သူ့အနေနဲ့ အားကျတယ်လို့ဆိုပြီး အခုလို ပြောခဲ့ပါတယ်။
“ပထမဆုံး ဒေါ်အောင်ဆန်းစုကြည်ကို အထူး ကျေးဇူးတင်တဲ့အကြောင်း ပြောချင်ပါတယ်။ အခုလို နေအိမ်မှာ ဧည့်ဝတ်ပျူငှာစွာနဲ့ ဧည့်ခံကြိုဆိုတဲ့အတွက်ရော၊ ဒီမိုကရေစီရေးအတွက်၊ မြန်မာပြည်အနာဂတ်အတွက် ဖိနှိပ်ခံပြည်သူတွေ၊ အတိုက်အခံအဖွဲ့တွေဘက်ကနေ ခိုင်မာပြီး ရှင်းလင်းပြတ်သားမှုရှိတဲ့ ခေါင်းဆောင်မှု ပေးနိုင်တဲ့အတွက်ပါ။”
မစုမြတ်မွန်။  ။ မြန်မာနိုင်ငံမှာလုပ်နေတဲ့ ပြုပြင်ပြောင်းလဲမှုတွေအပေါ်မှာ အားရတယ်လို့ ခရီးစဉ် တလျှောက်လုံး ပြောခဲ့တဲ့ အမေရိကန် နိုင်ငံခြားရေးဝန်ကြီးက ဒေါ်အောင်ဆန်းစုကြည်အပါအ၀င် မြန်မာနိုင်ငံမှာ ပြုပြင်ပြောင်းလဲမှုတွေလုပ်ဖို့ ဆန္ဒရှိသူတွေ ပူးပေါင်း ဆောင်ရွက်သွားကြမယ်ဆိုရင် အောင်မြင်နိုင်မှာပါလို့လည်း ၀န်ကြီးကလင်တန်က ဒီသတင်းစာရှင်းလင်းပွဲမှာ ပြောသွားခဲ့ပါသေးတယ်။
“ဒေါ်အောင်ဆန်းစုကြည်၊ မြန်မာအစိုးရနဲ့ မြန်မာပြည်သူပြည်သားတွေအတွက် စောင့်ကြိုနေတဲ့ မဝေးတော့တဲ့ အနာဂတ်တစ်ခု ဖြစ်လာဖို့ ကြိုပမ်းချင်ကြတဲ့သူတွေ အားလုံးနဲ့ ကျမတို့ ပူးပေါင်းဆောင်ရွက်ချင်ပါတယ်။”
မစုမြတ်မွန်။   ။ မြန်မာနိုင်ငံမှာ တရားဥပဒေ စိုးမိုးရေးရှိဖို့က အဓိကလိုအပ်တယ်၊ နိုင်ငံရေးအကျဉ်းသားတွေ လွှတ်ပေးဖို့လိုအပ်တယ်ဆိုတာကို ဆွေးနွေးခဲ့ကြတဲ့အကြောင်း နှစ်ယောက်စလုံးက ပြောသွားခဲ့ကြတာပါ။ မြန်မာနိုင်ငံမှာ တရားဥပဒေ စိုးမိုးမှုရှိဖို့၊ အများကြီး ပြုပြင်ပြောင်းလဲဖို့ လိုအပ်နေသေးတဲ့ အစိုးရရဲ့ စွမ်းဆောင်မှုတွေကို မြှင့်တင်ပေးဖို့အတွက် အမေရိကန်က တတ်နိုင်တဲ့ဘက်က ကူညီသွားမယ့်အကြောင်း ကိုလည်း အမေရိကန်နိုင်ငံခြားရေးဝန်ကြီးက အသိပေး ပြောကြားသွားခဲ့ပါတယ်။ ဒီသတင်းစာရှင်းလင်းပွဲမှာ တစ်ယောက်နဲ့တစ်ယောက် ပွေ့ဖက်ပြီး ချစ်ချစ်ခင်ခင် ရှိပြီးတော့ အင်မတန်မှ နွေးထွေးတဲ့မြင်ကွင်းကိုလည်း ဒီကနေ့ တွေ့ခဲ့ရပါတယ်။
ဦးရော်နီညိမ်း။  ။ ဒေါ်အောင်ဆန်းစုကြည်အိမ်မှာလုပ်တဲ့ သတင်းစာရှင်းလင်းပွဲအပြင် နိုင်ငံခြားရေးဝန်ကြီး ကလင်တန်ဟာ အမေရိကန်သံရုံးမှာလည်းပဲ သတင်းစာရှင်းလင်းပွဲလုပ်တယ်လို့ သိရပါတယ်။ အဲဒီအကြောင်းကိုလည်း သိသလောက် ပြောပြပါဦးခင်ဗျ။ -
မစုမြတ်မွန်။  ။ ဟုတ်ပါတယ်ရှင့်။ ကျန်းမာရေးနဲ့ပတ်သက်ပြီးတော့ အမေရိကန်က အသေးစား ငွေချေးတာတွေ လုပ်ပေးသွားမယ်။ အင်္ဂလိပ်စာ သင်ကြားရေး အထောက်အပံ့တွေ ပေးသွားမယ်။ ပဋိပက္ခဖြစ်နေတဲ့နေရာတွေမှာ ဖွံ့ဖြိုးတိုးတက်ရေး အထောက်အပံ့တွေကို အမေရိကန်က ပေးသွားမယ် ဆိုပြီးတော့ အဓိက ပြောခဲ့တာပါ။ မြန်မာနိုင်ငံနဲ့ အမေရိကန်ကြားမှာ ပညာရေးဖလှယ်တဲ့အစီအစဉ်တွေကို လုပ်ပေးသွားမယ်ဆိုပြီးတော့လည်း ပြောသွားပါတယ်။ ဒီကနေ့ အမေရိကန်နိုင်ငံခြားရေးဝန်ကြီးဟာ ဒေါ်အောင်ဆန်းစုကြည်အပြင် တိုင်းရင်းသားအဖွဲ့ ၁၀ ဖွဲ့နဲ့လည်း တွေ့ဆုံသွားခဲ့ပါသေးတယ်။
ဦးရော်နီညိမ်း။  ။ အခု ၀န်ကြီးကလင်တန် မြန်မာနိုင်ငံကို လာရောက်တဲ့ခရီးစဉ်နဲ့ပတ်သက်ပြီး မြန်မာအစိုးရ မီဒီယာတွေအပါအ၀င် ပြည်တွင်း မီဒီယာတွေမှာ ဘယ်လောက်များ ဝေေ၀ဆာဆာ ဖော်ပြပြီးတော့ ပြည်သူလူထုကရော ဘယ်လောက်များ သိရှိပြီးတော့ စိတ်ဝင်စားမှုရှိပါသလဲ ခင်ဗျ။ -
မစုမြတ်မွန်။  ။ အဓိက ကတော့ ဒီခရီးစဉ်ကနေပြီးတော့ မြန်မာနိုင်ငံအတွက် အမေရိကန် ဘာတွေ လုပ်ပေးနိုင်မလဲဆိုတဲ့အပေါ်မှာ အများက စိတ်ဝင်စားတာပါ။ မြန်မာနိုင်ငံမှာ တကယ်လိုအပ်နေတဲ့လူတွေ အတွက်ကို ထောင့်စုံကနေ ဖြည့်ဆည်းပေးချင်တယ်ဆိုတဲ့ လူမျိုးလည်းရှိတယ်။ တချို့ကတော့လည်း စီးပွားရေးပိတ်ဆို့မှုတွေကို လုံးဝ ပြန်ပြီးတော့မလုပ်ရင်တောင်မှ အများပြည်သူအတွက် အကျိုးရှိနိုင်မယ့် လျှော့ပေါ့မှုမျိုး လုပ်စေချင်တဲ့သူလည်း ရှိတယ်။ လူငယ်ပိုင်းမှာဆိုရင်လည်း ပညာရေးကို တိုးတက်အောင် လုပ်ပေးစေချင်တဲ့သူတွေ ရှိပါတယ်။ သူ ဒီခရီးစဉ်နဲ့ပတ်သက်ပြီးတော့ ဘယ်လိုမျိုးတွေ ဖော်ပြနေသလဲ ဆိုတာကို ပြောရရင်တော့ ဒီကနေ့ထုတ်တဲ့သတင်းစာတွေမှာ မျက်နှာဖုံး စာမျက်နှာကနေစပြီးတော့ သူတို့မနေ့တုန်းက နေပြည်တော်မှာ ဆွေးနွေးခဲ့တဲ့အကြောင်းတွေကိုတော့ အပြည့်စုံ ရေးထားတာကို မြင်ရပါတယ်။
ဦးရော်နီညိမ်း။  ။ ကျေးဇူးပါပဲ မစုမြတ်မွန်ရေ။