သူငယ်ချင်းများဖတ်ဖို့ တခါတုန်းက (၂)

by စာပေခရီးသွားခြေလှမ်းများ on Thursday, December 8, 2011 at 5:19pm

 

တနေ့သော အခါတုန်းက စိတ်ကူးယဉ်လွန်းတဲ့ အချစ်ကဗျာဆရာနဲ့ နုံချာတဲ့အလုပ်လက်မဲ့ဆင်းရဲသားတယောက်တို့ဆုံကြတယ်။

ကဗျာဆရာ... ... ...     ရင်ထဲမှာ ဟာနေတာပဲဗျာ
ဆင်းရဲသား ... ... ...    ကျုပ်လည်း ဆာနေတာပဲဗျာ
ကဗျာဆရာ... ... ...      ဟာ ဒါဆို ခင်ဗျားနဲ့ ကျနော်တူတယ်ဗျာ ရင်ထဲမှာ သိပ်လောင်ကျွမ်းနေတယ်
ဆင်းရဲသား... ... ...       ဟုတ်တယ်ဗျာ ဗိုက်ထဲက တဂျုပ်ဂျုပ်နဲ့ဗျ
ကဗျာဆရာ... ... ...       လောကကြီးက ဘာတွေဖြစ်နေတာလဲ ရင်ထဲမှာလည်း အုံ့မှိုင်းမှောင်ရီနေပြီကွာ ကိုယ့်ရင်ထဲမှာ မင်းမရှိတော့   အလင်းမရှိသလိုဖြစ်နေပြီ အေးစက်လိုက်တာ…..


ဆင်းရဲသား... ... ...     ဟာ ဒီလောက် နေရောင်တောက်ပြီးလင်းထိန်နေတာဗျာ ကျုပ်တောင်ချွေးပြိုက်ပြိုက်ကျနေပြီဗျ
ကဗျာဆရာ... ... ...     ဟ ခင်ဗျားကလည်း ကျုပ်ရင်ထဲမှာဗျ ကျုပ်ရင်ဘတ်ထဲမှာ ခံစားရတာ တလောကလုံးမှုံမှိုင်းနေသလိုပဲ... ချစ်သူပစ်သွားတဲ့ဘ၀ဟာ အေးစက်နာကျင်တယ်ဗျာ။ နွေးထွေးမူတွေပျောက်ဆုံးကုန်ပြီလို့ပြောတာ။

ဟာ မသိပါဘူးလို့ ဆင်းရဲသားကဆိုရင်း လမ်းရှေ့ဘက်ရှိ စားသောက်ဆိုင်ကြီးကို လှမ်းငေးကြည့်နေလိုက်ရင်း တံတွေးမြိုချလိုက်သည်။
ကဗျာဆရာက ကောင်းကင်ကိုမေ့ကြီးပြီး ခံစားရတယ်ဗျာ…ခံစားတယ်… ခင်ဗျားခံစားဖူးလား ဘယ်လိုမျိုးခံစားဖူးလဲ...

ဆင်းရဲသားဟာ ရှေ့ကဆိုင်က အစားအသောက်များကိုငေးရင်း...  ဟာ ဘာနဲ့ခံစားရခံစားရ စားရပီးရောဗျာ... ရွှတ် အရသာရှိလိုက်မယ့်ဖြစ်ခြင်း ပန်းကန်မပါလည်း ဖက်နဲ့ လာခံစားဆိုလည်း ကျွေးမယ်သာဆို စားလိုက်မယ်ဗျို့...

ကဗျာဆရာ... ... ...    ဟ ခင်ဗျားဘာတွေလာပြောနေတာလဲ တယ်ခက်ပါလား အချစ်ဗျ အချစ်အကြောင်းပြောနေတာ ဘာတွေစားတာတွေလာပြောနေလဲ

ဆင်းရဲသား... ... ...    ဘာ အချစ်ဟုတ်လား ဘယ်မှာလဲ
ကဗျာဆရာ... ... ...    အချစ်မရှိလို့မဖြစ်ဘူးဗျ ဘ၀မှာ အချစ်ရှိမှ
ဆင်းရဲသား... ... ...     ဟာ အချစ်ရှိလို့မဖြစ်ဘူးဗျို့ ပြေးမှပဲ ကျုပ်ကိုထပ်တီးလိမ့်မယ်
ကဗျာဆရာ... ... ...     ဟင် ဘာလဲ ခင်ဗျားလည်း အသဲကွဲဖူးတယ်ပေါ့လေ
ဆင်းရဲသား... ... ...     အာ ခေါင်းကွဲတာဗျ အသဲကွဲတာမဟုတ်ဘူး သူတီးလိုက်တာ ခေါင်းကွဲတာဗျို့
ကဗျာဆရာ... ... ...     ဘယ်လို ဘာ

ဆင်းရဲသား... ... ...     အချစ်ဆိုတဲ့ လက်ဘက်ရည်ဆိုင်ကမိန်းမကြီးဗျို့ သူ့ဆီမှာ အကြွေးသောက်မိတာ မပေးလို့ဆို ကျုပ်ကိုခုံဖိနပ်နဲ့ပေါက်လိုက်တာ ကွဲသွားတာ။ သူ့နာမည် အချစ်၊ ဒေါ်အချစ်တဲ့ သူ့ယောက်ကျားက မိချစ်လို့ခေါ်တယ်။

ကဗျာဆရာ... ... ...     ဟာလွဲကုန်ပြီ ကျုပ်ပြောတဲ့အချစ်က နှလုံးသားဗျ အသဲနှလုံးထဲကလာတဲ့အချစ်

ဆင်းရဲသားက ရှေ့ဆိုင်မှ အစားအသောက်များကိုကြည့်ရင်း အသဲနှလုံးဆိုလို့ ကလီစာဟင်းလေးမစားရတာကြာပြီဗျာ စားချင်လိုက်တာဟု ငြီးတွားလေသည်။

ကဗျာဆရာက တနေရာကိုငေးရင်း ကျုပ် နှလုံးသားတွေကွဲကြေကုန်ပြီ နာကျင်ကွဲအက်ကုန်ပြီ..ဟူး သက်ပျင်းချရင်း...ဆက်ကာ.... ရင်ထဲက အောင့်နေအောင်ခံစားရတယ်။

ဆင်းရဲသားကလှည့်ကြည့်ရင်း ခင်ဗျား ဆေးရုံသွားပြလိုက်ပါလားဟ ပိုက်ဆံမရှိရင် ဟိုဘက်လမ်းမှာ အခမဲ့ဆေးခန်းရှိတယ်။
ကဗျာဆရာက ဒီမှာ ကျုပ်ဝေဒနာက ဆေးရုံကဆေးကုပေးလို့မရဘူးဗျ။

ဆင်းရဲသား... ... ...    ဟာ ဒါဆိုဘယ်လိုလုပ်မတုန်း
ကဗျာဆရာ... ... ...    ချစ်သူလေးကကုပေးမှ သက်သာမယ့်ဝေဒနာဗျ
ဆင်းရဲသား... ... ...     ခင်ဗျားချစ်သူလေးက ဆေးဆရာလား
ကဗျာဆရာ... ... ...     ခက်တာပဲ ဆေးဆရာမဟုတ်ဘူး အချစ်ဆေးရှိတယ် သူလေးကုမှပျောက်မှာ ကြင်နာခြင်းတွေပေးမှ နာကျင်ခြင်းတွေပျောက်မှာပေါ့…
သူ့ကိုမတွေ့ရတာ စားလို့လည်းမ၀င် အိပ်လို့လည်းမပျော်ဘူး အချစ်ဓါတ်စာလိုနေပြီဗျာ အလွမ်းတွေကို အချစ်ဓါတ်စာဖြည့်မှ နှလုံးသားအဟာရပြည့်မယ်။

ဆင်းရဲသားက ဗိုက်ကိုပွတ်သပ်ရင်း ကျုပ်လည်းအဟာရပြည့်မှဖြစ်မယ်ဗျာ

ကဗျာဆရာ... ... ...      သူရှိမှ ခွန်အားရှိမယ်
ဆင်းရဲသား... ... ...      ဟုတ်တယ်ဗျို့ အစာရှိမှခွန်အားဖြစ်မယ် ခင်ဗျားပြောတဲ့ဓါတ်စာ အို… ဘာဓါတ်စာဖြစ်ဖြစ်စားချင်တယ်ဗျာ
ကဗျာဆရာ... ... ...      ဟေ့လူ ခင်ဗျားဘာနားလည်လဲ နှလုံးသားကမခံနိုင်ဘူး အို ချစ်လေးရေ ရက်စက်လိုက်တာ

ဆင်းရဲသားကလည်း အေးဗျာ ဗိုက်ဆာလာပြီ တောက် ရက်စက်ပါ့ကွာ ငါ့မှာတော့စားစရာမရှိ သူတို့ကတော့စားနေလိုက်ကြတာဟု ငေးရင်းပြောလိုက်သည်။

ထို့နောက် ဆင်းရဲသားက စားသောက်ဆိုင်ဘက်သို့လှမ်းကြည့်ရင်း... သွားမယ်ဗျို့ အဟာရဖြည့်ရမယ်။ ဒီတခါတော့ အချစ်ဆီသွားတောင်းလို့မဖြစ်တော့ဘူး ပါးကွဲလိမ့်မယ်ဟုပြောရင်းထသွားလေသည်။

ကဗျာဆရာကလည်း လမ်းတဘက်ဆီသို့ငေးမောရင်း အချစ်... အချစ်ဟု  ငြီးတွားရင်း လမ်းခွဲသွားကြလေသတည်း။

(သူငယ်ချင်းများ အပျော်ဖတ်စေဖို့ စိတ်ကူးယဉ်ခံစားရင်း ရေးသားလိုက်ပါသည်။)

အင်ကြင်း

7:05 pm
8 Dec. 2011