စစ်ပွဲတော့ စစ်ပွဲ
|
1:10 AM |
No မှတ်ချက် |
အခု စစ်ပွဲက
ရန်သူပျောက် စစ်ပွဲ …
သွေးထွက် သံယိုမှုတွေ မပါ
လက်နက်ဆိုတာတွေ မလို
ဘက်သဘော အင်အားအပို စုနေစရာ ကဏ္ဍတွေ မရှိ …
တပွဲထိုးသမားတွေနဲ့
တစိုက်မတ်မတ်နဲ့ ရေရှည်အမြင်ရှိသူတွေ …
တင်းမာသူတွေနဲ့
အပေးအယူ၊ အလျှော့အတင်းနဲ့ ပျော့ပျောင်းသူတွေ …
အတ္တကို ကျောပိုးထာသူတွေနဲ့
ပရကို ဦးထိပ်ထား ထွေးပိုက်သူတွေ …
ရင်းနှီးမြုပ်နှံမှု တခုလို သဘောထားနေသူတွေနဲ့
အလှူသဘော ပေးဆပ် အလုပ်လုပ်နေသူတွေ …
ပုံသေနည်းကို ဦးစားပေးနေသူတွေနဲ့
လက်တွေ့ဘ၀ထဲက အကျိုးအမြတ်ကို မြင်တတ်သူတွေ …
ထာဝရအဆိုးမြင် အတိုက်အခံတွေနဲ့
အပြုသဘော ကွက်လပ်ရှာ ဖြည့်နေသူတွေ ….
…. စတဲ့ စတဲ့ ကွဲပြားမှုတွေကို
ဆန်တဗန်းထဲက
စပါးလုံး၊ ဆန်ကွဲ၊ မှည့်စွဲနဲ့ ခဲ၊ သလဲတွေကို ရွေးထုတ်သလိုမျိုး
…
ကြံချောင်းထဲက ကြံရည်ကို ညစ်ချလိုမျိုး …
ရွှေမြေတကျင်းထဲက ရွှေစစ်စစ်ကို ကျင်ထုတ်သလိုမျိုး …
အောင်သူနဲ့ ကျသူကို ခွဲခြားပေးမယ့် အရည်အချင်းစစ် စာမေးပွဲလိုမျိုး
…
မဟော်သဓာဇာတ်တော် သားလုပွဲထဲက
ဘီလူးမနဲ့ မိခင်အစစ်ကို ခွဲခြားပြသလိုမျိုး …
ခွဲခြား စစ်ထုတ်ပေးမယ့် … စစ်ပွဲ
ဒီနေရာမှာ
မေးလာစရာ မေးခွန်းကတော့
ငါ ဘာလဲ ဘယ်လဲပေါ့။
။
လူဗိုလ်
၁ ။ ၁၂ ။ ၁၁
0 comments:
Post a Comment