10.12.2011 နေ့ဖတ်ရန်သတင်းများ

by Myanmar Journal on Saturday, December 10, 2011 at 4:01am

 

 
ဗြိတိန်ဝန်ကြီးချုပ်ဒေးဗစ် ကင်မရွန်ယူရိုဇုန်ကြွေးမြီကိစ္စ ဗြိတိန်သဘောမတူ

ဥရောပသမဂ္ဂရဲ့ အဖွဲ့ဝင် နိုင်ငံ ၂၇ နိုင်ငံက ခေါင်းဆောင်တွေနဲ့ အဆင့်မြင့် အရာရှိတွေဟာ ဥရောပသမဂ္ဂအတွင်း ဘဏ္ဍာရေး အကျပ်အတည်းကို ဖြေရှင်းနိုင်အောင် လုပ်ဆောင်မယ့် အစီအမံတွေအပေါ် မနေ့ညက တညလုံးနီးပါး ဆွေးနွေး ခဲ့ကြပေမယ့် အားလုံး သဘောတူတဲ့ အဆင့်ထိတော့ မရောက်ခဲ့ပါဘူး။
ဘဏ္ဍာရေးအစီအမံတွေထဲမှာတော့ ဥရောပ ယူရိုဇုန်အတွင်းက ငွေကြေးဆိုင်ရာ အစီအမံသစ်တွေ ပါဝင်ပါတယ်။ အစီအမံတွေအောက်မှာ ဥရောပအတွင်း သုံးစွဲတဲ့ ငွေကြေးတွေကို တင်းတင်းကျပ်ကျပ် ထိမ်းချုပ်မှာ ဖြစ်ပြီး တကယ်လို့ စည်းမျဉ်းကို ဖောက်ဖျက်ရင် အပြစ်ပေးခံရမှာ ဖြစ်ပါတယ်။ ဒီအစီအမံကို အားလုံးသဘောတူကြဖို့ နိုင်ငံအများစုက လိုအလားနေပေမယ့် တကယ်လို့ သဘောမတူခဲ့ရင် မတူတဲ့ နိုင်ငံတွေအနေနဲ့ ကိုယ့်အစီအမံနဲ့ကိုယ် သီးခြား ဖြေရှင်းရမယ့် သဘော ဖြစ်နေပါတယ်။
ဘဏ္ဍာရေးအစီအမံတွေအပေါ် ယူရိုဇုန်အတွင်းက ၁၇ နိုင်ငံလောက်က သဘောတူခဲ့ကြပါတယ်။ သဘောမတူတဲ့ အထဲမှာ ကနဦးတုန်းက ဟန်ဂေရီနဲ့ ဗြိတိန်တို့ ပါဝင်ပါတယ်။ နောက်ပိုင်းမှာ ဟန်ဂေရီက မူအားဖြင့် သဘောတူတယ်လို့ ပြောပါတယ်။ တခါ ဆွီဒင်နဲ့ ချက်သမ္မတနိုင်ငံတို့ကလည်း ချက်ချင်း သဘောမတူနိုင်သေးပဲ သူတို့ရဲ့ ပါလီမန်တွေက ဆုံးဖြတ်ပြီးမှသာ ပြောနိုင်မယ်လို့ ဆိုပါတယ်။
လောလောဆယ် ဥရောပအတွင်း ဘဏ္ဍာရေးပြဿနာတွေကို လမ်းကြောင်းနှစ်ခုနဲ့ အပြိုင်သွားရမယ့် အနေအထားဖြစ်နေပါတယ်။ပြဿနာအများအပြားဟာ ဘဏ္ဍာရေးစည်းမျဉ်းတွေ မရှိတာကြောင့် ဖြစ်တဲ့အတွက် ယူကေက သီးခြား နေရစ်ခဲ့မယ်ဆိုတာ လက်မခံနိုင်စရာ ဖြစ်တယ်လို့ ပြင်သစ် သမ္မတဆာကိုဇီက ပြောပါတယ်။
ဒါကြောင့် ဗြိတိန်ဟာ လက်ရှိ ဥရောပသမဂ္ဂအတွင်းမှာ အထီးကျန်ဖြစ်သွားမလားဆိုပြီး ဗြိတိန်အတွင်းက နိုင်ငံရေးသမားတွေအတွင်းမှာလည်း စိုးရိမ်မှုတွေ ရှိနေပါတယ်။ အများစုက ဝန်ကြီးချုပ်ရဲ့ ဗီတိုရဲ့ ပယ်ချခဲ့မှုအပေါ် ကြိုဆိုကြပေမယ့် အီးယူနဲ့ ပြန်လည်ညှိနှိုင်းဖို့ကိုတော့ အစိုးရကို တိုက်တွန်းနေကြပါတယ်။

မဲခေါင်မြစ်ဝှမ်း လုံခြံရေး အထူးရဲတပ်ဖွဲ့ ဖွဲ့စည်း
လေးနိုင်ငံ ပူးတွဲ အထူး ရဲတပ်ဖွဲ့မှာ ရဲတပ်ဖွဲ့ဝင် ၂၀၀ ကျော် ပါဝင်မှာ ဖြစ်ပါတယ်
မဲခေါင်မြစ်ဝှမ်းဒေသ လုံခြုံရေးအတွက် မြစ်တလျှောက် ကင်းလှည့် စောင့်ကြည့်ဖို့၊ မဲခေါင်မြစ်ဝှမ်း လေးနိုင်ငံ ပူးပေါင်းပြီး အထူးရဲတပ်ဖွဲ့ကို တရုတ်နိုင်ငံ ယူနန် ပြည်နယ်မှာ ဖွဲ့စည်းလိုက်ပါတယ်။
လော၊ မြန်မာ၊ ထိုင်းနဲ့ တရုတ်နိုင်ငံတို့ ပါဝင်တဲ့ ဒီအထူးရဲတပ်ဖွဲ့မှာ လုံခြုံရေးတပ်ဖွဲ့ဝင် ၂၀၀ ကျော် ပါဝင်မှာ ဖြစ်ပါတယ်။
အခုလို ဖွဲ့စည်းဖို့ ဖြစ်လာရတာကတော့ ပြီးခဲ့တဲ့ အောက်တိုဘာ ၅ ရက်နေ့က တရုတ် ကုန်တင်သင်္ဘောနှစ်စီး တိုက်ခိုက်ခံရကာ တရုတ် သင်္ဘောသား ၁၃ ဦး သတ်ဖြတ်ခံရတာက စတင်ခဲ့တာ ဖြစ်ပါတယ်။
အဲဒီနောက် မဲခေါင်မြစ်ဝှမ်း ၄ နိုင်ငံဟာ ပူးတွဲ ကင်းလှည့်ဖို့အတွက် အောက်တိုဘာလ နှောင်းပိုင်းမှာ သဘောတူ ဆုံးဖြတ်ခဲ့တာ ဖြစ်ပါတယ်။
ကင်းလှည့်တာ အပြင် အထူးရဲတပ်ဖွဲ့ဟာ ကယ်ဆယ်ရေးနဲ့ ကုန်သင်္ဘောတွေနဲ့ ခရီးသည်တင် သင်္ဘောတွေအတွက် တတ်နိုင်သလောက် ကူညီမှုတွေ ဆောင်ရွက်ပေးမှာ ဖြစ်ပါတယ်။

အကျဉ်းသားတွေ လွှတ်ပေးရေး သူရ ဦးရွှေမန်းပြော
လွှတ်တော် ကော်မရှင်ရုံးခွဲ အတွက် တရုတ် သံအမတ်က ပစ္စည်းလှူဒါန်း
ပြည်သူ့လွှတ်တော်ဥက္ကဌ သူရ ဦးရွှေမန်းက မကြာခင် ရက်ပိုင်းမှာ သွားရောက်မယ့် သူ့ရဲ့ အိန္ဒိယ ခရီးစဉ်၊ တရုတ် မြန်မာ ဆက်ဆံရေးနဲ့ အကျဉ်းသားတွေ လွှတ်ပေး ရေး စတဲ့ ကိစ္စတွေကို ဒီကနေ့ ထုတ်ဖေါ် ပြောသွားပါတယ်။
ရန်ကုန်မြို့ ယုဇန တာဝါမှာ ကျင်းပတဲ့ ပြည်သူ့ လွှတ်တော် ဥပဒေရေးရာနဲ့ အထူးကိစ္စရပ်များ လေ့လာဆန်းစစ်ရေး ကော်မရှင်ရုံးခွဲ ဖွင့်ပွဲ အခမ်းအနားမှာ သူရ ဦးရွှေမန်းက အခုလို ပြောသွားတာပါ။
အကျဉ်းသားတွေ လွှတ်ပေးရေး ဆိုရာမှာ နိုင်ငံရေး အကျဉ်းသားတို့ ယုံကြည်ချက် အကျဉ်းသား တို့ ဆိုတဲ့ စကားလုံး အသုံးအနှုန်းတွေကို အငြင်းပွားနေတာမျိုး မဟုတ်ပဲ နိုင်ငံ့ အရေးကို စိတ်ဝင်တစားလုပ်မယ့် သူတွေကို ဦးစားပေး လွှတ်ပေးဖို့ လုပ်ဆောင်နေတယ်လို့ သူရ ဦးရွှေမန်းက ပြောသွားပါတယ်။
တခါ လာမယ့် ၁၁ရက်နေ့ကျရင် လွှတ်တော်ကိုယ်စားလှယ် အဖွဲ့ကို သူ ဦးဆောင်ပြီး သွားရောက်မယ့် အိန္ဒိယ နိုင်ငံ ခရီးစဉ်အတွင်းမှာ လွှတ်တော်နဲ့ အစိုးရ ဆက်ဆံရေး၊ အိန္ဒိယနိုင်ငံ အုပ်ချုပ်ရေး စနစ် စတာတွေကို လေ့လာဖို့ ရှိတယ်လို့လည်း သူရ ဦးရွှေမန်းက ပြောပါတယ်။
အဲဒီ ပြည်သူ့လွှတ်တော် ဥပဒေရေးရာနဲ့ အထူးကိစ္စများ လေ့လာ ဆန်းစစ်ရေး ကော်မရှင် ရုံးခွဲ ဖွင့်ပွဲမှာ မြန်မာနိုင်ငံဆိုင်ရာ တရုတ် သံအမတ်ကြီးက ကော်မရှင် ရုံးခွဲအတွက် ကွန်ပြူတာ တွေ လာရောက် လှူဒါန်းခဲ့ပါတယ်။
တရုတ် မြန်မာ ဆက်ဆံရေးနဲ့ ပတ်သက်လို့ သူရ ဦးရွှေမန်းက အမေရိကန်နဲ့ ဆက်ဆံရေး မကောင်းတဲ့ အချိန်မှာ တရုတ်နိုင်ငံက မြန်မာနိုင်ငံဘက်က မှန်မှန်ကန်ကန် ရပ်တည်ပေး ခဲ့တဲ့ အတွက် မြန်မာနိုင်ငံဟာ ဒီအခြေအနေ ရောက်လာတာ ဖြစ်ကြောင်းနဲ့ အခုအခါ အမေရိကန်နဲ့ ဆက်ဆံရေး တိုးတက်လာပေမယ့် တရုတ်နဲ့ ဆက်ဆံရေးကို တိုးမြှင့် သွားမယ် ဖြစ်ကြောင်း ပြောသွားပါတယ်။

မြန်မာအတွက် အမေရိကန်-ဂျပန် ဆွေးနွေး
အမေရိကန်-ဂျပန် ပေါင်းပြီး မြန်မာနိုင်ငံ အပြောင်းအလဲ အတွက် တိုက်တွန်းမယ်
မြန်မာနိုင်ငံဆိုင်ရာ အမေရိကန် အထူး သံတမန် ဒဲရက်ခ်မစ်ချဲလ်ဟာ သောကြာ နေ့မှာ ဂျပန်နိုင်ငံက တာဝန်ရှိသူတွေနဲ့ မြန်မာ့နိုင်ငံရေး တိုးတက် ပြောင်းလဲမှု တွေနဲ့ ပတ်သက်လို့ ဆွေးနွေးခဲ့ကြပါတယ်။
အမေရိကန်-ဂျပန် နှစ်နိုင်ငံ ပေါင်းပြီး မြန်မာ နိုင်ငံမှာ တိုးတက်ပြောင်းလဲမှုတွေ ဆက်လုပ်ဖို့ တိုက်တွန်းမှာ ဖြစ်သလို ပြောင်းလဲမှုတွေ တွေ့ရသလောက် အပေါင်း လက္ခဏာဆောင်တဲ့ အကူအညီတွေ ပေးဖို့ ဆွေးနွေးခဲ့ကြတယ်လို့ ဂျပန်ဝန်ကြီးချုပ်ရုံး ပြည်သူ့ ရေးရာဆိုင်ရာ ဒုတိယအတွင်းဝန် မစ္စတာ နိုရီယူကီ ရှီကာတာက ဘီဘီစီကို ပြောပါတယ်။
အခုအချိန်ဟာ အမေရိကန်-ဂျပန် နှစ်နိုင်ငံ ညှိနှိုင်းတိုင်ပင်ပြီး မြန်မာ့အရေး ပူးပေါင်း ဆောင်ရွက်နိုင်မယ့် အခွင့်အရေး ရှိတဲ့ အချိန် ဖြစ်တယ်လို့ သဘောထားကြောင်း ကိုလည်း သူက ပြောပါတယ်။
မြန်မာနိုင်ငံမှာ ဒီမိုကရေစီထွန်းကားရေးနဲ့ အမျိုးသားပြန်လည် စည်းလုံး ညီညွတ်ရေး တိုးမြှင့် ဆောင်ရွက်မှုတွေ အတွက် အမေရိကန်တို့ ဘယ်လို ကြိုးပမ်း လုပ်ဆောင်မလဲ ဆိုတာကိုလည်း ကြည့်မှာ ဖြစ်တယ်လို့ သူကဆိုပါတယ်။
ဒီခရီးစဉ်အတွင်း ဂျပန်မတိုင်ခင်၊ မစ္စတာ မစ်ချဲလ်ဟာ တောင်ကို ရီးယားကိုဝင်ကာ မြန်မာ့အရေး ဆွေးနွေးခဲ့ပြီး ဖြစ်ပါတယ်။ ဂျပန်နိုင်ငံပြီးရင်တော့ တရုတ်ပြည် သွားပြီး ဆွေးနွေးကြဦးမှာပါ။

အိန္ဒိယဆေးရုံတခု မီးလောင်မှု လူ ၉၀ နီးပါး သေဆုံး
ဆေးရုံဝင်လမ်းတွေကျဉ်းတဲ့အတွက် မီးသတ် ကား ရောက်တာ နောက်ကျ
အိန္ဒိယနိုင်ငံ ကာလကတ္တားမြို့ ဆေးရုံတခု မှာ မီးလောင်မှုဖြစ်ပွားခဲ့တဲ့အတွက် လူ ၉၀ နီးပါး သေဆုံးသွားခဲ့ရပါတယ်။ သေဆုံး သွားခဲ့သူ အများစုဟာ ဆေးရုံ အပေါ်ထပ် ပိုင်း မီးတောက်တွေ မီးခိုးတွေကြားမှာ ပိတ်မိနေခဲ့ကြတဲ့ လူနာတွေဖြစ်မယ်လို့ ယူဆရပါတယ်။
ဆေးရုံ မြေအောက်ခန်းကို မီးကူးရာကနေ လေအေးပေးတဲ့ ပိုက်တွေ တလျှောက် မီးခိုး တွေဟာ အပေါ် ၄ ထပ်အထိ ပျံ့တက် သွားတာ ဖြစ်တယ်လို့ ပြည်နယ်အရေးပေါ်ဌာန ဝန်ကြီး ဂျာဗိ အာမတ်ခန်းက ပြောပါတယ်။
တချို့ပိတ်မိနေသူတွေဟာ လက်ကိုင်ဖုန်းနဲ့ ဖုန်းခေါ်ပြီး အရေးပေါ် အကူအညီတောင်းခံ ခဲ့ကြတာပါ။
ဒါပေမယ့်လည်း ဆေးရုံအနီးကလမ်းတွေ ကျဉ်းတဲ့အတွက် မီးသတ်ကားတွေဟာလည်း ဆေးရုံရောက်ဖို့ ခက်ခက်ခဲခဲ ကြိုးစား မောင်းဝင်ခဲ့ကြရတာပါ။
မီးလောင်မှု ဖြစ်ပွားခဲ့ပြီးနောက် ဆေးရုံဝန်ထမ်းတွေဟာ လူနာတွေကို ထားခဲ့ပြီး အဆောက်အဦးကနေ ထွက်ပြေးခဲ့ကြတာဖြစ်တယ်လို့ အိန္ဒိယအရာရှိတွေက စွပ်စွဲ ပြောကြားပါတယ်။
အခုသေဆုံးခဲ့ရတာတွေဟာ မေ့ပျောက်လို့ မရနိုင်တဲ့ ရာဇဝတ်မှု ဖြစ်တယ်လို့ အနောက် ဘင်္ဂလားပြည်နယ် ဝန်ကြီးချုပ်က ဖေါ်ပြပြောဆိုပါတယ်။
ဒီမီးလောင်မှုနဲ့ပတ်သက်ပြီး၊ စုံစမ်းစစ်ဆေးမှုတွေ အပြည့်အဝလုပ်မယ်လို့ လည်း သူက ကတိပေးပါတယ်။

အစိုးရနဲ့ SSA တို့ အပစ်ရပ်ထားဖို့ ညွှန်ကြားထားကြ
ငြိမ်းချမ်းရေးတည်ဆောက်ဖို့ မြန်မာ အစိုးရရဲ့ ရှမ်းပြည်နယ် ပြည်နယ်အဆင့် ငြိမ်းချမ်းရေး ဆွေးနွေးရေးအဖွဲ့နဲ့ နဲ့ပြီးခဲ့တဲ့ ရက်ပိုင်းက ပဏာမ သဘောတူ လက်မှတ်ရေးထိုးခဲ့တဲ့ ရှမ်းပြည် ပြန်လည်ထူထောင်ရေးကောင်စီ/ ရှမ်းပြည်တပ်မတော် (RCSS/SSA) ဟာ သူတို့ရဲ့ ဌာနချုပ် လွယ်တိုင်းလျဲန်းမှာ ဗဟိုဦးစီးကော်မတီအစည်းအဝေးကို ၂ ရက်ကြာကျင်းပခဲ့တာ မနေ့က ဗုဒ္ဒဟူးနေ့မှာ ပြီးဆုံးသွားခဲ့ပါတယ်။
အဲဒီအစည်းအဝေးဟာ ပြီးခဲ့တဲ့ ၂ ရက်နေ့တုန်းက မြန်မာအစိုးရနဲ့ အပစ်ခတ်ရပ်စဲရေးသဘောတူညီမှုရယူခဲ့တဲ့ကိစ္စနဲ့ ပက်သက်ပြီးတော့ အဓိကရှင်းလင်းတဲ့အစည်းအဝေးဖြစ်တယ်လို့ သိရပါတယ်။
လက်ရှိ အခြေအနေအရဆိုရင်တော့ တကယ်တမ်းမှာ အပစ်ရပ်တဲ့အဆင့် ၁ ဆင့်သာရှိသေးတယ် ကျန်တဲ့အဆင့်တွေ ဆက်ဆွေးနွေးရအုံးမယ်လို့ RCSS/ SSA ခေါင်းဆောင် ဒုတိယ ဗိုလ်ချုပ်ကြီး ယွက်ဆစ်က ပြောပါတယ်။
ဒီသဘောတူညီချက်ရေးထိုးပြီးတဲ့နောက်ပိုင်း မြန်မာအစိုးရစစ်တပ်ဘက်က ပြီးခဲ့တဲ့ ၆ ရက်နေ့က စပြီး သူတို့တပ်တွေကို အပစ်ခတ်ရပ်စဲထားဖို့ ညွန်ကြားထားသလို RCSS/ SSA ဘက်ကလဲ ညွန်ကြားထားတယ်လို့ ဒုတိယ ဗိုလ်ချုပ်ကြီး ယွက်ဆစ်က ဘီဘီစီကို ပြောပါတယ်။
အခုလောလောဆယ်မှာ တိုက်ပွဲဖြစ်တယ်ဆိုတဲ့ သတင်းမကြားရတော့ဘူးလို့ ဆိုပေမဲ့လဲ တကယ်တမ်း တိုက်ပွဲအားလုံး ချက်ချင်းရပ်သွားပြီလို့တော့ အတိအကျမပြောနိုင်သေးဘူးလို့ ဆိုပါတယ်။
နောက်ပြီးတော့ ဒီအပစ်အခတ်ရပ်စဲရေး ဘယ်လောက်တည်တံ့နိုင်မလဲဆိုတာဟာ မြန်မာအစိုးရအပေါ်မှာသာ မူတည်တယ်။ တကယ်လို့တိုက်လာရင်တော့ သူတို့ဘက်က တုန့်ပြန်ဖို့ရှိတယ်လို့ သူကပြောတယ်။
ဒါပေမဲ့ မြန်မာအစိုးရဘက်မှာ ပြောင်းလဲချင်စိတ်ရှိတယ်ဆိုတာတွေ့ရတယ်လို့ RCSS ကသုံးသပ်တယ်။ ဒါကြောင့်မို့ သူတို့က ဒီအပစ်အခတ်ရပ်စဲရေး ဆက်လုပ်ရင်းနဲ့ လက်တွေ့ဘယ်လောက်လုပ်နိုင်မလဲဆိုတာကိုလဲ စောင့်ကြည့်သွားမှာဖြစ်တယ်လို့ ဒုတိယ ဗိုလ်ချုပ်ကြီး ယွက်ဆစ်ကပြောခဲ့ပါတယ်။

Virginia Tech မှာ သေနတ် ပစ်ခတ်မှု ထပ်ဖြစ်
လွန်ခဲ့တဲ့ ၄နှစ် ပစ်ခတ်မှုကြောင့် သေဆုံးသူ ၃၂ယောက် အတွက် အမှတ်တရ
အမေရိကန် ပြည်ထောင်စု က Virginia Tech တက္ကသိုလ်ဝန်းထဲမှာ ပစ်ခတ်မှု ဖြစ်ပွားလို့ ရဲတယောက် အပါအဝင် လူနှစ်ယောက် သေဆုံးသွားတယ်လို့ တက္ကသိုလ် ကျောင်းအာဏာ ပိုင်တွေက ပြောပါတယ်။
သေနတ် သမား အခုဘယ်ရောက် နေသလဲ ဆိုတာ မသိသေးပါဘူး။
သေဆုံးသူ ရဲက ပုံမှန် လုပ်ရိုးလုပ်စဉ်အတိုင်း ဖြတ်သန်း သွားလာမှုတွေကို စစ်ဆေးနေတုန်း မသင်္ကာဖွယ် လူတယောက်ကို စစ်ဖို့ အတားမှာ ပစ်သတ်ခံရတာ ဖြစ်တယ်လို့ ဆိုပါတယ်။
နောက်ထပ် သေဆုံးသူ တယောက်ကိုတော့ ကားရပ်နားတဲ့ နေရာနားမှာ တွေ့ရပါတယ်။
တက္ကသိုလ်ဝန်းထဲမှာ အရေးပေါ် အခြေအနေ ကြေညာထားပြီး ရဲအများအပြား ချထား ပါတယ်။
အမေရိကန် ပြည်ထောင်စု က Virginia Tech မှာ လွန်ခဲ့တဲ့ လေးနှစ်ကျော်က တောင်ကိုရီးယား ကျောင်းသား တယောက်က လူ၃၂ ယောက်ကို ပစ်သတ် ၊ သူ့ကိုယ်သူ လည်း အဆုံးစီရင်မှုတွေ ဖြစ်ပွားခဲ့တဲ့ အဆိုးဝါးဆုံး ပစ်ခတ်မှု တခု ဖြစ်ခဲ့တဲ့ နေရာလည်း ဖြစ်ပါတယ်။

အမေရိကန် စစ်ပွဲက အလောင်းတွေ မီးရှို့ မြေဖို့ပစ်
ရာနဲ့ချီတဲ့ အမေရိကန် စစ်သား အလောင်းတွေရဲ့ တချို့ အစိတ်အပိုင်းတွေကို မီးရှို့ပြီး မြေဖို့ပစ်တယ် ဆိုတဲ့ ပြောဆိုချက်တွေကို အမေရိကန် လေတပ်က ဝန်ခံခဲ့ပါတယ်။
စစ်ပွဲ အတွင်း ကျဆုံးတဲ့ အမေရိကန်တွေရဲ့ အလောင်းတွေကို အဓိက သယ်ဆောင်လာရာ ဒိုဗာ လေတပ် အခြေစိုက် စခန်းက လုပ်ဆောင်ချက်တွေကို Washington Post ဝါရှင်တန်ပို့စ် သတင်းစာက ဖော်ထုတ် တွေ့ရှိခဲ့တာ ဖြစ်ပါတယ်။
အလောင်းတွေဟာ ဆိုးဆိုးရွားရွား ပျက်ဆီးနေတာ ဒါမှမဟုတ် မီးလောင်ပြီး ဘယ်သူ ဘယ်ဝါလို့ ထုတ်ဖော်လို့ မရတာကြောင့် အခုလို စွန့်ပစ်တာလို့ သတင်းစာက ဆိုပါတယ်။
ဒီလုပ်ရပ်တွေကို စစ်ဆေးရေးမှူးတွေနဲ့ သက်ဆိုင်ရာ မိသားစုတွေ အသိမပေးဘဲ ဖုံးကွယ် ထားတယ် ဆိုတဲ့ စွပ်စွဲ ပြောဆိုမှုတွေ ထွက်ပေါ်နေပါတယ်။
ဒါဟာ အမေရိကန် စစ်တပ်အတွက် စိတ် ကသိကအောက် ဖြစ်စရာဘဲလို့ သတင်းထောက် တွေက ပြောပါတယ်။

မြေပြိုမှုကြောင့် ကိုလံဘီယာမှာ လူခြောက်ယောက် သေဆုံး
ကိုလံဘီယာ မြောက်ပိုင်းက မြေပြိုမှုကြောင့် မြေကြီးတွေကြား ပိတ်မိပြီး လူခြောက်ယောက် သေဆုံး သွားပါတယ်။
ဘတ်စကားနဲ့ ခရီးသွားတုန်း တောင်စောင်းက မြေကြီးတွေ သူတို့ပေါ် ပြိုကျလာတာ ဖြစ်ပါတယ်။
သေဆုံးသွား သူတွေထဲက တယောက် ဖြစ်တဲ့ အသက် ၂၂နှစ် အမျိုးသမီးဟာ ပိတ်မိနေတဲ့ ကြားက ကယ်ထုတ်ပေးဖို့ မိခင်ဖြစ်သူဆီ လက်ကိုင်ဖုန်းကတဆင့် ပြောကြားခဲ့တာ ဖြစ်ပါတယ်။
သူမ ပြောပြပုံအရ မှောင်မဲနေပြီး အသက်ရှုကြပ် မွန်းနေတယ် သူတို့ထဲက တယောက်က ဒဏ်ရာ အပြင်းအထန် ရနေချိန်မှာဘဲ နောက်တယောက်က ဖြူလျော့ခွေကျ လာတယ်လို့ ဆိုပါတယ်။
ကယ်ဆယ်ရေး သမားတွေ အဖို့ ၁၂နာရီ ကြာအောင် ကြိုးစား တူးဖော် ကယ်ထုတ် ခဲ့ရပေမယ့် အပြင်ရောက်လာတဲ့ အချိန်မှာ အားလုံး သေဆုံးသွားတာ ဖြစ်ပါတယ်။

ကျောင်းသားနဲ့ သံဃာ တညီတညွတ် ရပ်တည်
2011-12-09
၈၈ မျိုးဆက် ကျောင်းသားများအဖွဲ့ အနေနဲ့ လာမယ့် ကြားဖြတ် ရွေးကောက်ပွဲကို ဝင်ပြိုင်မှာမဟုတ်ဘူး ဆိုပြီး ဒီဇင်ဘာလ ၅ ရက်နေ့က ထုတ်ပြန်လိုက်တာဟာ မိမိတို့နဲ့ သဘောထား တူညီ ကြောင်း ၂ဝဝ၇ ဗကသ ကျောင်းသားသမဂ္ဂများ အဖွဲ့ချုပ်နဲ့ မြန်မာနိုင်ငံလုံးဆိုင်ရာ သံဃာ့တပ်ပေါင်းစု က ဒီကနေ့ ပြောလိုက်ပါတယ်။
၁၉၈၈ ခုနှစ် လူထုအုံကြွမှုမှာ ပါဝင်လှုပ်ရှားခဲ့ကြတဲ့ ကျောင်းသားခေါင်းဆောင် တချို့က လာမယ့် ကြားဖြတ်ရွေးကောက်ပွဲကို ဝင်ပြိုင်မယ်ဆိုတဲ့ သတင်းတွေ ထွက်ပေါ်လာအပြီးမှာ ခုလို ကြေညာချက် ထွက်ပေါ်လာတာ ဖြစ်ပါတယ်။

၂ဝဝ၇ ဗကသ ကျောင်းသားသမဂ္ဂများ အဖွဲ့ချုပ် ပြောခွင့်ရသူ ကိုမင်းသွေးသစ်ကတော့ ကျောင်းသားတွေဟာ ပါတီနိုင်ငံရေး ဆိုတာထက် အမျိုးသားနိုင်ငံရေး လုပ်သွားဖို့ ပိုပြီး စိတ်အားထက်သန်သူတွေ ဖြစ်ကြောင်း ပြောပါတယ်။

“နိုင်ငံရဲ့ လက်ရှိ လိုအပ်ချက်အရ ဒေါ်အောင်ဆန်းစုကြည်နဲ့ NLD ပါတီ ရွေးကောက်ပွဲဝင်မယ် ဆိုတာကို ကျနော်တို့က ဘာမှ ကန့်ကွက်စရာ မရှိဘူး။ NLD ကို ဝန်းရံပြီး ဒေါ်အောင်ဆန်းစုကြည်ကိုလည်း ထောက်ခံပေးမယ်။ တချက်ရှိတာက နိုင်ငံရေးအသိုင်းအဝိုင်းမှာနဲ့ နိုင်ငံတကာမှာ ကြားနေရတာက ၈၈ မျိုးဆက်ကျောင်းသားတွေထဲက ရွေးကောက်ပွဲဝင်မယ် ဆိုတဲ့ ကိစ္စပေါ့။ ကျနော်တို့ ချထားတဲ့မူက ၁၉၆ဝ ဗကသ ရဲ့ ၆ ကြိမ်မြောက် ညီလာခံမှာ ကတည်းက ချထားတဲ့ စည်းကမ်းတွေအရ အမျိုးသားနိုင်ငံရေးပဲ လုပ်မယ်ဆိုတဲ့အတွက် ၈၈ မျိုးဆက်က ရွေးကောက်ပွဲမဝင်ဖို့အတွက် ကျနော်တို့ ဗကသ ကလည်း ၈၈ နောင်တော်တွေနဲ့ အတူတူ ရှိတယ်ဆိုတာကို ကြေညာချက် ထုတ်တာပါ”

အလားတူပဲ လက်ရှိ မြန်မာ့နိုင်ငံရေးနဲ့ ပတ်သက်လို့ မြန်မာနိုင်ငံလုံးဆိုင်ရာ သံဃာ့တပ်ပေါင်းစုရဲ့ သဘောထားကို ပြောခွင့်ရပုဂ္ဂိုလ် အရှင်ဓမ္မသီရီက အခုလို မိန့်ပါတယ်။

“ဦးဇင်းတို့ရဲ့ ဦးဆောင်သူတွေ ဖြစ်တဲ့ ဦးဂမ္ဘီရတို့၊ မင်းကိုနိုင်တို့၊ ကိုကိုကြီးတို့ အကျဉ်းထောင် အသီးသီးထဲမှာ ရှိနေတယ်။ သူတို့တွေ အပြင် ပြန်မရောက်သေးဘဲနဲ့ ဦးဇင်းတို့က ဘယ်နိုင်ငံရေးပုံစံ လမ်းကြောင်းပေါ်ကိုမှ လျှောက်လှမ်းမှာ မဟုတ်ဘူး။ ဘာလို့လဲဆို အဲဒီလိုသာ ပုံဖော်သွားမယ် ဆိုရင် သူတို့ရဲ့သမိုင်းစာမျက်နှာတွေကို ချန်လှပ်ထားခဲ့သလို ဖြစ်မယ်၊ သူတို့ကို စော်ကားသလို ဖြစ်မယ်။ သူတို့ ထွက်လာမှသာလျှင် နိုင်ငံရေးပုံစံသစ်ကို ဦးဇင်းတို့က သူတို့နဲ့ တိုင်ပင်ဆွေးနွေးပြီးမှ ပုံဖော်လို့ ရမှာပါ”

ဒီကနေ့ ထုတ်ပြန်တဲ့ ၂ဝဝ၇ ဗကသရဲ့ ကြေညာချက်မှာရော၊ သံဃာ့တပ်ပေါင်းစုရဲ့ ကြေညာချက်မှာပါ မြန်မာ့နိုင်ငံရေး ပြေလည်စေဖို့ ကျောင်းသားခေါင်းဆောင်တွေ၊ တိုင်းရင်းသား ခေါင်းဆောင်တွေနဲ့ သံဃာ့ ခေါင်းဆောင်တွေကို အမြန် ပြန်လွှတ်ပေးရေးဟာ အရေးကြီးကြောင်း ထည့်သွင်း ဖော်ပြထားပါတယ်။

လွှတ်တော်သုံးသပ်ရေး ကော်မရှင်နဲ့ ဥပဒေ ပြင်ဆင်ရေး
2011-12-09
ပြည်သူ့လွှတ်တော် ဥပဒေရေးရာနဲ့ အထူးကိစ္စရပ်များ လေ့လာဆန်းစစ် သုံးသပ်ရေးကော်မရှင်နဲ့ ပတ်သက်ပြီး ဥပဒေ ပညာရှင်တချို့က ကော်မရှင် အနေနဲ့ ၂ဝဝ၈ ဖွဲ့စည်းပုံအခြေခံဥပဒေကို ပြင်ဆင်နိုင် မှသာ အဖွဲ့ရဲ့လုပ်ငန်းတွေ အောင်မြင်ရာ ရောက်မယ် လို့ ပြောဆိုကြပါတယ်။
ပြည်သူ့လွှတ်တော် ဥပဒေရေးရာနဲ့ အထူးကိစ္စရပ်များ လေ့လာဆန်းစစ် သုံးသပ်ရေးကော်မရှင်ကို ပြည်သူ့လွှတ်တော် ဒုဥက္ကဋ္ဌ ဦးနန္ဒကျော်စွာနဲ့ ပြည်သူ့လွှတ်တော် ကိုယ်စားလှယ်တွေဖြစ်တဲ့ ဦးသိန်းဌေး ဦးမြင့်ဆွေ၊ အမေရိကန်နိုင်ငံ ဆိုင်ရာ မြန်မာ သံအမတ်ကြီးဟောင်း ဦးလင်းမြိုင်၊ ဒေါက်တာအောင်ထွန်းသက် စသူတွေနဲ့ ဖွဲ့စည်းထားပါတယ်။

ဒီကော်မရှင်ဟာ လက်ရှိ နိုင်ငံ အနေအထားတွေနဲ့ မကိုက်ညီတော့တဲ့ တည်ဆဲ ဥပဒေတချို့ကို လေ့လာဆန်းစစ်ပြီး လွှတ်တော်မှာ ဆွေးနွေးအတည်ပြု ပြဌာန်းသွားမယ်လို့ ဆိုပေမယ့် ၂ဝဝ၈ ဖွဲ့စည်းပုံ အခြေခံဥပဒေပါ ပြည်သူတွေ မလိုလားအပ်တဲ့ အချက်တချို့ကိုတော့ ပြင်ဆင်ဖို့  အကြံပေးတာ လေ့လာဆန်းစစ်တာမျိုး လုပ်မလုပ်ဆိုတာ ရှင်းရှင်းလင်းလင်း မသိရသေးပါဘူး။

နိုဘဲလ်ဆုရှင်လွှတ်ပေးရေး တောင်းဆိုမှု တရုတ်ပယ်ချ
By ဗွီအိုအေ (မြန်မာဌာန)
အကျဉ်းကျနေတဲ့ နိုဘဲလ်ငြိမ်းချမ်းရေးဆုရှင် လူရှောင်ဘို (Liu Xiabao) ကို လွှတ်ပေးဖို့ နိုင်ငံတကာရဲ့ တောင်းဆိုချက်တွေကို တရုတ်က ငြင်းဆန်လိုက်ပါတယ်။ တရုတ်နိုင်ငံခြားရေးဝန်ကြီးဌာန ပြောခွင့်ရသူ Hong Lei က ဒီကနေ့ ပြောဆိုခဲ့တာမှာ အစိုးရကို ဆန့်ကျင်ရေးသားသူ လူရှောင်ဘိုဟာ တရုတ်ဥပဒေကို ချိုးဖောက်ခဲ့တဲ့အတွက် ဥပဒေရဲ့ အပြစ်ပေးတာကို ခံရလိမ့်မယ်လို့ ဆိုပါတယ်။
လူရှောင်ဘို နိုဘဲလ်ငြိမ်းချမ်းရေးဆု ရခဲ့တာတစ်နှစ်နီးပါးအကြာမှာ သူ့ကို ပြန်လွှတ်ပေးဖို့ နိုင်ငံတကာ လွတ်ငြိမ်းချမ်းသာခွင့်အဖွဲ့ (Amnesty International) နဲ့ လူ့အခွင့်အရေး စောင့်ကြည့်ရေးအဖွဲ့ (Human Rights Watch) တို့က မနေ့က ကြေညာချက်တွေ အသီးသီးထုတ်ပြန်ပြီး တောင်းဆိုခဲ့ကြတာဖြစ်ပါတယ်။ နိုဘဲလ်ငြိမ်းချမ်းရေးဆုရှင် ၅ ဦးကလည်း လူရှောင်ဘိုကို လွှတ်ပေးဖို့ ထပ်မံ တောင်းဆိုလိုက်ကြပါတယ်။
လူရှောင်ဘိုဟာ တရုတ်နိုင်ငံရဲ့ ဒီမိုကရေစီ ပြုပြင်ပြောင်းလဲရေးဆိုင်ရာ ကြေညာစာတမ်းတစ်စောင် ထုတ်ဝေခဲ့ပြီးတဲ့နောက် နိုင်ငံတော်ကို ဖျက်လိုဖျက်စီးလုပ်မှုနဲ့ စွပ်စွဲခံရပြီး ၂၀၀၉ ခုနှစ်က ထောင်က ၁၁ နှစ် ချမှတ်ခံခဲ့ရတာ ဖြစ်ပါတယ်။ ဒီလိုမျိုး စွပ်စွဲတာဟာ အတိုက်အခံတွေကို နှိမ်နင်းဖို့အတွက် မကြာခဏဆိုသလို တရုတ်အစိုးရ သုံးနှုန်းလေ့ရှိတဲ့ စွပ်စွဲချက်သာဖြစ်တယ်လို့ လူ့အခွင့်အရေးအဖွဲ့တွေက ပြောဆိုကြပါတယ်။

ပညာရေးရန်ပုံငွေပွဲ ခွင့်ပြုချက်မရ
By မသင်းသီရိ
လာမယ့် ဒီဇင်ဘာလ ၁၅ ရက်မှာ အမျိုးသားဒီမိုကရေစီအဖွဲ့ချုပ် ပညာရေးကွန်ယက်က ဦးဆောင်ကျင်းပမယ့် ပြည်ထောင်စု တိုင်းရင်းသားများ ဒေသတွေ အတွက် ပညာရေး ရန်ပုံငွေရှာပွဲကို ကျင်းပခွင့်မပေးနိုင်ဘူးလို့  အာဏာပိုင်တွေက အကြောင်းကြားလာပါတယ်။ ဒီပညာရေး ရန်ပုံငွေရှာဖို့ပွဲကို ဒီဇင်ဘာ ၁၅ ရက်နေ့မှာ ရန်ကုန် သုဝဏ္ဏအားကစာကွင်းမှာ ကျင်းပဖို့ သဘောတူညီချက်ရပြီးမှ ၁၆ ရက်နေ့မှာ အမျိုးသမီး အားကစားပွဲတစ်ခု ရှိနေတဲ့အတွက်  ဒီရက်ကို လုပ်ခွင့်မပေးနိုင်တော့ဘူးလို့ ပြောဆိုလာတာပါ။ အပြည့်စုံကို မသင်းသီရိက တင်ပြထားပါတယ်။
ပြည်ထောင်စုတိုင်းရင်းသားများ ဒေသတွေက ကလေးတွေအတွက် ပညာရေး ရန်ပုံငွေရှာပွဲကို NLD ပါတီရဲ့ ပညာရေးကွန်ယက်က ဦးစီးဦးဆောင် စီစဉ်နေတာ ဖြစ်ပြီး တေးဂီတအဖွဲ့တွေရော အနုပညာရှင်များစွာ ပါဝင်ကူညီဖို့ စီစဉ်ထားတာပါ။
လာမယ့် ဒီဇင်ဘာ ၁၅ ရက် ကြာသပတေးနေ့မှာ ရန်ကုန် သုဝဏ္ဏအားကစာကွင်းတွင်း ဈေးရောင်းပွဲနဲ့အတူ ဂီတဖျော်ဖြေပွဲတွေနဲ့ပါ ပြုလုပ်ဖို့  စီစဉ်ထားပြီးမှ ဒီဇင်ဘာ ၉  ရက်နေ့လည်ပိုင်းမှာ ပွဲကျင်းပခွင့် မပေးတော့ဘူးလို့ သုဝဏ္ဏအားကစာကွင်းရဲ့ တာဝန်ရှိသူက အကြောင်းကြားလာတာဖြစ်တယ်လို့ ဒီရန်ပုံငွေပွဲကို ဦးဆောင်စီစဉ်နေသူထဲက တစ်ဦးဖြစ်တဲ့ Metal Zone စတူဒီယိုပိုင်ရှင် ဦးဇော်ဝင်း က ပြောပါတယ်။ နှစ်ဦးနှစ်ဘက် သဘောတူညီချက်နဲ့ ကွင်းရက်ကို ရထားပြီးကာမှ အခုလို ရက်နီးမှ ပွဲအဖျက်ခံရတဲ့အတွက် အတော်လေးအခက်အခဲနဲ့ အဆင်မပြေတာမျိုးတွေ ကြုံနေရတယ်လို့ ဦးဇော်ဝင်းက အခြေအနေကို ရှင်းပြပါတယ်။
“၁၈ ရက်နေ့တောင်းတာ။ အဲဒါကို ၁၈ ရက်နေ့ သူတို့မအားပါဘူးတဲ့။ ၁၅ ရက်နေ့ကို လွတ်လွတ်ကင်းကင်းနဲ့ လုပ်ပါတဲ့ဆိုတော့ အန်ကယ်တို့က ၁၅ ရက်နေ့ဆိုရင် ကောင်းပြီ။ ၁၅ ရက်နေ့ လုပ်မယ်ဆိုပြီး ၁၅ ရက်နေ့ကို အန်ကယ်တို့က လုပ်တာ။ ၀န်ကြီးချုပ်နဲ့ လူကြီးတွေနဲ့ သူတို့ပြောတဲ့အခါ လူကြီးကလည်း အပေါ်ဆုံးက လူကြီးက ၀န်ကြီးချုပ်ကိုယ်တိုင်ကနေပြီးတော့ သူ့နံမည်ကိုသုံးပြီးတော့ အောက်ကနေ ပတ်ပြီးတင်ပါဆိုတော့ အန်ကယ်တို့က အောက်ကနေပတ်ပြီးတော့ တင်တယ်။ ကွင်းက ရ မရ အရင်တောင်းပါဆိုလို့ အဲဒီကို သွားတောင်းတယ်။ သွားတောင်းတော့ ၁၅ ရက်နေ့ ရပါတယ်ဆိုပြီး သူတို့ကိုယ်တိုင် ပြောလိုက်တာ။ ဒီမှာလည်း သီချင်းတွေလည်း တိုက်ပြီးပြီ။ သီချင်းတွေလည်း အကုန်လုံးရွေးပြီးတော့ လူတွေလည်း ခွဲပြီးတော့ စာနယ်ဇင်းရှင်းတမ်း ပွဲတွေလည်း အကုန်လုပ်ပြီးပြီ။ ဒါက အဓိပ္ပါယ်မရှိဘူးလေ။ တကယ်ပြောရင်တော့ အနှောက်အယှက်ပေးတာပဲ။ လူတွေကို ခြောက်တာပဲ။ အမြဲ လုပ်နေကျအလုပ်ကို လုပ်တာပဲ။”
Metal Zone တေးဂီတအဖွဲ့နဲ့ Metal Zone စတူဒီယိုပိုင်ရှင် ဦးဇော်ဝင်း ဖြစ်ပါတယ်။ ဒီပွဲကိုကျင်းပဖို့အတွက် အာဏာပိုင်တွေနဲ့ ကြိုတင်ညှိနှိုင်းထားပေမဲ့ အခုပွဲခွင့်ပြုချက် ပါမစ်မှာလည်း ကြန့်ကြာတာမျိူးတွေ ကြုံနေရတယ်လို့ ပညာရေးကွန်ယက်အဖွဲ့က ကိုဖြိးမင်းသိန်းက ပြောပါတယ်။
“ပွဲ ပါမစ်ရဖို့အတွက် ရန်ကုန်တိုင်း ၀န်ကြီးချုပ်ရုံးကို ကျနော်တို့ တင်ပြရပါတယ်။ အဲဒီလို တင်ပြနိုင်ဖို့ အတွက်လည်း ရပ်ကွက်၊ မြို့နယ် ခရိုင်အဆင့်ဆင့်ကနေ ခွင့်ပြုမိန့်တွေ ယူရတယ်။ ကျနော်တို့ ဒီတဘက်ကလည်း အခွန်ဦးစီးဌာနမှာ အခွန်ထမ်းဆောင်ထားရပါတယ်။ အဲဒီပါမစ်အချက်အလက်တွေနဲ့ ပါမစ်ကိုတင်ပြသော်ငြားလည်း ပါမစ်ကလည်း ဒီနေ့အထိပေါ့နော် မနေ့ကဘုတ်ရဲ့ဆုံးဖြတ်ချက် ဘာလဲဆိုတာကို ကျနော်တို့ကို အကြောင်းပြန်ကြားချက် ခုထိ မသိရသေးပါဘူး။ ဒါကြောင့်မို့ ပွဲဆောင်ရွက်ဖို့ပါ ကျနော်တို့မှာ အခက်အခဲ တစုံတရာဖြစ်နေပါတယ်။”
ဒါပေမဲ့ သုဝဏ္ဏအားကစားကွင်းက ၀န်ထမ်းတစ်ဦးကတော့ နေပြည်တော်က စာရောက်လာပြီးတဲ့နောက် ဒီပွဲကို ဖျက်ဖို့ အကြောင်းကြားတာ ဖြစ်တယ်လို့ ပြောပါတယ်။
“ကျနော်တို့ကြားခဲ့တာကတော့ အဲဒါကလည်း အပေါ်ကနေ နေပြည်တော်ကနေ စာလာလို့။ ဖျက်ခိုင်းတဲ့စာ ဖြစ်နိုင်လောက်တယ်။”
အခုနောက်ပိုင်း အနုပညာရှင်တွေဟာ လူမှုရေးနဲ့ နိုင်ငံရေးတွေမှာ ပိုပြီးတက်ကြွမှု ရှိလာခဲ့ပြီး ဒီလို ပွဲဖျက်ရမယ်ဆိုတဲ့ အခြေအနေမျိုးတွေကြောင့် အနုပညာရှင်တွေရဲ့ တက်ကြွမှုတွေကို ခြောက်လှန့်တာမျိုး ဖြစ်တယ်လို့ အဆိုတော် ဆောင်းဦးလှိုင်က ပြောပါတယ်။
“ကျနော်တို့ဆီမှာက အစဉ်အလာလေး ရှိခဲ့တာကိုးဗျ။ ပွဲတစ်ခု ဒီလိုဖြစ်ပြီဆိုရင် တချို့ကလည်း အရင်က ကြောက်စိတ်တွေက ရှိခဲ့တယ်လေဗျာ။ အကြောက်တရားတွေက ရှိခဲ့တာကိုး။ ဆိုတော့ လာကြည့်ဖို့ ပရိသတ်ကလည်း အကြောက်တရားတွေ ဖြစ်ပေါ်လာနိုင်သလို ၀င်ဆိုပေမဲ့ ကျနော်တို့ ဂီတမိတ်ဆွေများ ကလည်း တချို့ပေါ့နော် ကြောက်တတ်တဲ့သူကတော့ အကြောက်တရား ဖြစ်ပေါ်လာနိုင်တဲ့ အနေအထားတွေ ရှိတယ်ဗျ။ ကျနော်တို့ အနုပညာသမားတွေ အားလုံးက ယုံကြည်စိတ်ချစွာ၊ ပျော်ရွှင်စွာနဲ့ တက်ကြွစွာနဲ့ ပါဝင်တာ။ ဆိုတော့ ဒီ လူမှုရေးလုပ်ငန်းလေး လုပ်ဖို့ အခက်အခဲ ဖြစ်ပေါ်လာပြီဆိုရင် တခြားဗျာ နိုင်ငံရေးတွေ ဘာတွေဆိုတာ ပိုပြီးတော့ တချို့တွေ ကြောက်ရွံ့တုန်လှုပ်တဲ့ အနေအထားမျိုးတွေ ဖြစ်ကုန်ပြီ။”
တိုင်းရင်းသားဒေသတွေက ကလေးငယ်တွေရဲ့ ပညာရေးကို ကူဖို့အတွက် ရန်ပုံငွေရှာတဲ့အဖွဲ့ထဲက ခေါင်းဆောင်တစ်ဦးဖြစ်တဲ့ သတင်းစာဆရာကြီး ဦးဝင်းတင်ကတော့ -
“ပျက်ကို မပျက်သင့်ပါဘူးခင်ဗျ။ ဘာဖြစ်လို့လဲဆိုတော့ လက်နက်ကိုင်အဖွဲ့အစည်းတွေနဲ့ ပတ်သက်တဲ့ ကိစ္စလည်း မဟုတ်ဘူး။ စစ်ပြေးဒုက္ခသည်တို့ဘာတို့ ကိစ္စမျိုးနဲ့တောင် မပြောချင်ဘူး။ ကျနော် ပြောချင်တာက တိုင်းရင်းသားဒေသတွေမှာ တကယ်ကို အခက်အခဲတွေ ကြုံနေရတယ်။ ဒါဟာ ကျောင်းသားလူငယ်တွေ အတွက် လုပ်မယ့်ကိစ္စဖြစ်ပါတယ်။ အဲဒီတော့ ဒီလိုကိစ္စမျိုးမှာတော့ ဘာမှတစုံတရာ အဟန့်အတား ဖြစ်လိမ့်မယ်လို့ ကျနော်တို့ မယူဆဘူး။ အဲ့လိုဖြစ်တယ်ဆိုရင်တော့လည်း အလွန်ကို စိတ်မကောင်းစရာ ကောင်းတဲ့လုပ်ရပ်ပဲလို့ အဲဒီလိုပဲ ပြောချင်ပါတယ်။”
မြန်မာနိုင်ငံမှာ အခုလို စင်တင်ဖျော်ဖြေပွဲတွေနဲ့ လူမှုရေးနဲ့ပညားရေးဆိုင်ရာ ရန်ပုံငွေတွေရှာဖို့ အနုပညာရှင်တွေ စုပေါင်း ကူညီနေကြသလို ဒေါ်အောင်ဆန်းစုကြည်ရဲ့ NLD ပါတီ ကြားဖြတ်ရွေးကောက်ပွဲ စည်းရုံးရေးလှုပ်ရှားမှုတွေမှာရော လွတ်လပ်ရေးဖခင်ကြီး ဗိုလ်ချုပ်အောင်ဆန်း အထ္ထုပတ္တိရုပ်ရှင် ရိုက်ကူးဖို့ တွေမှာပါ ရုပ်ရှင်နဲ့ ဂီတအနုပညာရှင် အများအပြား ကူညီဖို့ စီစဉ်ထားကြတာ ဖြစ်ပါတယ်။

ကာလကတ္တားဆေးရုံမီး လူ ၉၀ ခန့်သေဆုံး
By ဗွီအိုအေ (မြန်မာဌာန)
အိန္ဒိယနိုင်ငံ ကာလကတ္တားမြို့ ဆေးရုံမီးလောင်မှုဖြစ်ပွားအပြီး ကယ်ဆယ်ရေးဝန်ထမ်းတွေက ကူညီကယ်ဆယ်မှုတွေ လုပ်ဆောင်နေစဉ်။ (ဒီဇင်ဘာလ ၉၊ ၂၀၁၁)
ဒီကနေ့မနက်အစောပိုင်း အိန္ဒိယနိုင်ငံအရှေ့ဘက်၊ အနောက်ဘင်္ဂလားပြည်နယ် ကာလာကတ္တားမြို့က အထပ်များစွာမြင့်တဲ့ ပုဂ္ဂလိကပိုင် AMRI ဆေးရုံမှာ မီးလောင်မှု ဖြစ်ပွားခဲ့လို့ လူ ၈၈ ယောက် သေဆုံးသွားခဲ့ပြီး သေဆုံးသူအများစုဟာ မီးတောက်တွေကြားမှာ ပိတ်မိနေကြတဲ့လူနာတွေ ဖြစ်ပါတယ်။ သေဆုံးသူလူနာတွေရဲ့ အလောင်းတွေကို မိသားစုတွေက ထုတ်ယူလာနေကြတာကို ဒေသခံ ရုပ်မြင်သံကြား သတင်းတွေမှာ အဆက်မပြတ်ပြသနေပြီး ဆေးရုံရဲ့ မြေအောက်ထပ် ဓါတုဗေဒပစ္စည်းတွေ ထားရှိရာ စတိုခန်းတွေကနေ မီးစတင်လောင်ခဲ့တာလို့ ဆေးရုံအရာရှိတွေက ပြောဆိုကြပါတယ်။
မီးသတ်ကားတွေ ရောက်မလာမီမှာ ရပ်ကွက်လူထုက ဆေးရုံဝင်းထဲ ၀င်ရောက်ပြီး လူနာတွေကို တတ်နိုင်သမျှ ကယ်ထုတ်ခဲ့ကြပါတယ်။ မီးသတ်ကားတွေရောက်လာပြီး ၅ နာရီကျော် ငြိမ်းသတ်ပြီးမှ မီးညွှန့်ကျိုးသွားခဲ့ပါတယ်။ မီးလောင်စဉ်မှာ ဆေးရုံဝန်ထမ်းတချို့က လူနာတွေကို ပစ်ပြီး ထွက်ပြေး သွားကြတယ်လို့ အာဏာပိုင်တွေဘက်က စွပ်စွဲထားပြီးတော့ ဆေးရုံရဲ့လုပ်ငန်းလိုင်စင်ကို ရုပ်သိမ်းလိုက်ပြီလို့ အနောက်ဘင်္ဂလားပြည်နယ် ၀န်ကြီးချုပ် မစ္စမာနာတာဘနာဂျီ (Ms. Mamata Banerjee) က ပြောဆိုပါတယ်။
ဆေးရုံရဲ့ မီးဘေးကာကွယ်ရေး ကြိုတင်ပြင်ဆင်ထားမှုဟာ အဆင့်အတန်းမမှီဘူးလို့ စစ်ဆေးတွေ့ရှိခဲ့ရင် လုံးဝခွင့်လွှတ်နိုင်စရာမရှိတဲ့ ဒီပြစ်မှုကြီးအတွက် သက်ဆိုင်ရာတာဝန်ရှိသူတွေကို ပြင်းပြင်းထန်ထန် အရေးယူအပြစ်ပေးမယ်လို့လည်း ၀န်ကြီးချုပ် မစ္စဘနာဂျီ က ဆိုပါတယ်။ မီးလောင်စဉ်က ကုတင် ၁၉၀ ဆန့်တဲ့ ဒီဆေးရုံမှာ လူနာ ၁၆၀ ရှိပြီးတော့ မီးသတ်သမားတွေက လူနာ ၅၀ လောက်ကို မျက်နှာချင်းဆိုင်က ဆေးရုံတစ်ရုံကို ရွှေ့ပြောင်းပေးနိုင်ခဲ့ပါတယ်။ ၀န်ကြီးချုပ် မစ္စဘနာဂျီရဲ့ ယာဉ်တန်းက ဆေးရုံရှိရာ လမ်းကျဉ်းလေးမှာ လာရောက်ပိတ်ဆို့နေတာကြောင့် အရေးပေါ်လူနာတင်ကားတွေ ဆေးရုံဝင်းထဲ အချိန်မီ မ၀င်ရောက်နိုင်ဘဲ ဖြစ်ခဲ့ရတယ်လို့ လူနာတွေရဲ့ မိသားစုတွေက ဒေသခံသတင်းဌာနတွေကို ပြောဆိုမှုတွေလည်း ရှိခဲ့ပါတယ်။