08.12.2011 နေ့ဖတ်ရန်သတင်းများ

by Myanmar Journal on Thursday, December 8, 2011 at 4:56am

 
အာရှမှာ ကျားမျိုးတုံးမယ့် အန္တရာယ်ရှိ

မှောင်ခိုဈေးကွက်မှာ ကျားတကောင်ကို သိန်းတရာ လောက်အထိ ဈေးပေါက်ပါတယ်
ကျားရဲ့ ခန္ဓာကိုယ် အစိတ်အပိုင်း တွေဟာ ဆေးဖက် ဝင်တယ်ဆိုတဲ့ အယူအဆနဲ့ တရုတ်နိုင်ငံ အပါအဝင် အာရှဒေသ နိုင်ငံတွေမှာ ကျားတွေကို ဈေးကောင်း ပေးဝယ်နေတဲ့အတွက် ကျားမျိုးတုံးမယ့် အန္တရာယ် ပိုကြီးလာ နေတယ်လို့ ကမ္ဘာ့သားရဲ တိရိစ္ဆာန် ရန်ပုံငွေအဖွဲ့ WWF က ပြောပါတယ်။
မှောင်ခိုဈေးကွက်မှာ ကျားတကောင်ကို သိန်းတရာ လောက်အထိ ပေးပြီးဝယ်ယူနေတာ တွေကို ကိုယ်တိုင်လေ့လာ တွေ့ရှိခဲ့တယ်လို့ အဲဒီအဖွဲ့က ထိုင်း အခြေစိုက် သုတေသီ ဦးတင်သန်း ကပြောပါတယ်။
မြန်မာ နိုင်ငံမှာ သဘာဝ ကျားရိုင်းတွေကို ဘေးမဲ့ပေး ထားတဲ့တောတွေ ရှိနေပေမယ့် ဈေးကောင်း ရတာကြောင့်ခိုးယူ ဖမ်းဆီး သူတွေ ရှိနေ ဆဲဘဲလို့ ဆိုပါတယ်။
သဘာဝ ကျားရိုင်းတွေကို ဖမ်းဆီး မျိုးပွားပြီး ပြန်ရောင်းကြ သူတွေလည်း ရှိနေပြီး အဲဒီလို ကျားမျိုးတွေကို တောထဲကို ပြန်လွှတ်ရင်တော့ သူတို့ဘာသာ ရှင်သန် နိုင်မှာ မဟုတ်ဘူးလို့ ဦးတင်သန်းက ပြောပါတယ်။

ကျွန်တော်တို့ဟာ ပြည်သူတွေကို မသတ်ပါဘူး ( သမ္မတ အာဆတ်)ပြည်သူတွေကိုမသတ်ကြောင်း ဆီးရီးယားသမ္မတပြော
ဆီးရီးယားသမ္မတ ဘာရှားအဲလ်အာဆတ်က သူ့အနေနဲ့ အစိုးရဆန့်ကျင်ရေး ဆန္ဒပြသူ တွေကို ရက်ရက်စက်စက် ဖြိုခွဲ သတ်ဖြတ် တာတွေလုပ်ဖို့ စစ်တပ်ကို အမိန့်ပေးခဲ့တယ် ဆိုတာ မဟုတ်ကြောင်း ငြင်းဆိုလိုက် ပါတယ်။
ရူးနေတဲ့ လူမှသာ ကိုယ့်ပြည်သူတွေကို၊ ကိုယ်ပြန်သတ်မှာ ဖြစ်ကြောင်းနဲ့ ကမ္ဘာပေါ်မှာ ရှိတဲ့ ဘယ်အစိုးရကမှ သူရဲ့ လူထုကို သတ်မှာ မဟုတ်ပါဘူးလို့ အမေရိကန် ABC သတင်း အေဂျင်စီနဲ့ တွေ့ဆုံမေးမြန်းခန်းမှာ မစ္စတာ အာဆတ်က ပြောကြားသွားတာ ဖြစ်ပါတယ်။
သူ့အနေနဲ့ တိုင်းပြည်နဲ့ စစ်တပ်ကို ပိုင်ဆိုင်တာ မဟုတ်ကြောင်းနဲ့ ဆီးရီးယားပြည်သူတွေကို ကာကွယ်ဖို့အတွက် အကောင်းဆုံး လုပ်ခဲ့တာ ဖြစ်ကြောင်း သူက ပြောပါတယ်။
အကြမ်းဖက်မှုတွေ ဖြစ်ပွားရတာနဲ့ ပတ်သက်ပြီး သူ့မှာ အပြစ်ရှိတယ်လို့ မခံစားရကြောင်းနဲ့ ဒါပေမယ့်လည်း သေဆုံးသွားခဲ့ရသူတွေ အတွက် စိတ်မကောင်း ဖြစ်ရကြောင်း သူက ပြောပါတယ်။
ဆီးရီးယားအာဏာပိုင်တွေဟာ လူသားတွေအပေါ် လူမဆန်စွာ ညှင်းပန်း သတ်ဖြတ်တဲ့ ရာဇဝတ်မှု ကျူးလွန်နေတယ်ဆိုတဲ့ ကုလသမဂ္ဂရဲ့ အစီရင်ခံစာကိုလည်း မစ္စတာ အာဆတ်က ဂရုမစိုက်ဘဲ ၊ ကုလသမဂ္ဂဟာ အများယုံကြည်နိုင်တဲ့ အဖွဲ့အစည်း မဟုတ်ဘူးလို့ ပြောကြား ပါတယ်။

မြန်မာနိုင်ငံသို့ရောက်နေတဲ့ ဘင်္ဂလားဒေ့ရှ် ဝန်ကြီးချုပ်ဘင်္ဂလား၊ မြန်မာ ဆက်ဆံရေး
ဘင်္ဂလား ဒေ့ရှ် ဝန်ကြီးချုပ် ရှိတ်ခ် ဟာဆီနာ နဲ့ မြန်မာ သမ္မတ ဦးသိန်းစိန်တို့ တွေ့ဆုံဆွေးနွေးခဲ့ကြတာနဲ့ ပတ်သက်ပြီး သမ္မတရဲ့ အကြံပေး ဦးနေဇင်လတ်ကို ဘီဘီစီက ဆက်သွယ်မေးမြန်းရာမှာ ဘင်္ဂလားဒေ့ရ်ှနဲ့ မြန်မာအကြားမှာ ပြဿနာ တစုံတရာ မရှိဘူးလို့ ဆိုပါတယ်။
အမေရိကန်နဲ့ မြန်မာ ဆက်ဆံရေး တိုးတက်လာပြီး စီးပွားရေး ပိတ်ဆို့ အရေးယူတာကို ပြန်ဖွင့်ပေးမယ့် အရိပ်အယောင်တွေ ပေါ်ပေါက်လာတဲ့ အတွက် တခြားနိုင်ငံတွေကလည်း မြန်မာနဲ့ စီးပွားရေး ဆက်သွယ် လုပ်ကိုင်ချင်လာတာလို့ သမ္မတရဲ့ အကြံပေးက ပြောပါတယ်။
ဘင်္ဂလားဒေ့ရ်ှနိုင်ငံက ဝန်ကြီးချုပ်နဲ့ မြန်မာ သမ္မတ ထိပ်သီးခေါင်းဆောင် နှစ်ဦး တွေ့ဆုံကြပေမဲ့ ထူးခြားတဲ့ ရလဒ် ထွက်ပေါ် မလာတာရော ဘာ့ကြောင့်လဲ လို့ ဘီဘီစီက မေးရာမှာတော့ ဆွေးနွေးမှုရဲ့ အစပဲ ရှိသေးတဲ့ အတွက်လို့ ဆိုပါတယ်။
ဘင်္ဂလား ဒေ့ရှ် နိုင်ငံဘက်မှာ ရောက်နေတဲ့ ရိုဟင်ဂျာ ဒုက္ခသည်တွေကို မြန်မာနိုင်ငံသား ဖြစ်ကြောင်း စိစစ်တွေ့ရှိရရင်တော့ ပြန်လက်ခံမယ်လို့ သမ္မတ ဦးသိန်းစိန်က ပြောခဲ့ပါတယ်။
ဘင်္ဂလားဒေ့ရ်ှဘက်က ရေနံနဲ့ သဘာဝ ဓါတ်ငွေ့ ဝယ်ယူလိုကြောင်း ကမ်းလှမ်းချက်ကိုတော့ မြန်မာဘက်က သဘောမတူခဲ့ပါဘူး။
နှစ်နိုင်ငံ ထိပ်သီး ခေါင်းဆောင်တွေ ဆွေးနွေး ကြရာမှာ ပင်လယ်ရေ ပိုင်နက်ကိစ္စကို ထည့်သွင်း ဆွေးနွေးခြင်းရှိမရှိကိုတော့ မသိရပါဘူး။

ပြည်ပတင်ပို့မှု ကျဆင်းလာမယ်လို့ တရုတ်ခန့်မှန်း
ဥရောပနိုင်ငံတွေအတွက် တင်ပို့ကုန်တွေထဲမှာ တရုတ်ချုပ်ထည်တွေလည်း ပါဝင်
တရုတ်နိုင်ငံရဲ့ ထုတ်ကုန် တင်ပို့မှုနှုန်း နှေးကွေးသွားပြီး လာမယ့်နှစ်မှာ အခက် အခဲတွေနဲ့ အကြီးအကျယ် ရင်ဆိုင်ရလိမ့် မယ်လို့ တရုတ် ကူးသန်း ရောင်းဝယ်ရေး ဌာနက ထုတ်ဖေါ် ပြောဆိုလိုက်ပါတယ်။
အရေးပါတဲ့ အနောက်အုပ်စုနိုင်ငံ ဈေးကွက်မှာ စီးပွားရေး အခက်အခဲတွေ ဖြစ်ပေါ်နေတာ ကြောင့် တရုတ်နိုင်ငံရဲ့ ထုတ်ကုန် တင်ပို့မှုမှာ အကြီးအကျယ်စိန်ခေါ်မှုတွေနဲ့ ရင်ဆိုင်ရမယ်လို့ တရုတ် ကူးသန်းရောင်းဝယ်ရေး ဝန်ကြီးဌာနက သတိပေး ပြောကြားလိုက်ပါတယ်။
စနေနေ့မှာ ထုတ်ပြန်ဖို့ ရှိတဲ့ ကိန်းဂဏန်းတွေအရ နိုဝင်ဘာလမှာ တရုတ်နိုင်ငံရဲ့ တင်ပို့မှုနှုန်း အကြီးအကျယ် ထိုးကျသွားတယ်လို့ သိရပါတယ်။
တရုတ်နိုင်ငံရဲ့ ထုတ်ကုန် ၄၀ ရာခိုင်နှုန်း တင်ပို့နေတဲ့ ဥရောပနဲ့ အမေရိကန် နိုင်ငံတွေမှာ လာမယ့် နှစ်မှာ ရောင်းအား ပြန်ကောင်းလာမယ့် ပုံမျိုးမရှိပါဘူး။
လွန်ခဲ့တဲ့ တနှစ်ကထက် စာရင် အောက်တိုဘာလမှာ ဥရောပ သမဂ္ဂ နိုင်ငံတွေဆီ တရုတ်ရဲ့ ကုန်တင်ပို့မှုဟာ ၉ရာခိုင်နှုန်း ကျဆင်းသွားပြီး အမေရိကန်နိုင်ငံဆီ တင်ပို့မှုက ၅ရာခိုင်နှုန်း ကျဆင်းသွားခဲ့ပါတယ်။
ဒါပေမယ့်လည်း လက်တင် အမေရိက နိုင်ငံတွေကနေ တရုတ်နိုင်ငံထွက်ကုန်တွေ မှာလိုအား များလာတာကြောင့် တရုတ်ရဲ့ စုစုပေါင်း ပြည်ပတင်ပို့မှုဟာ ၁၅ ဒဿမ ၉ ရာခိုင်နှုန်း တက်နေ ဆဲ ဖြစ်ပါတယ်။
တရုတ်နိုင်ငံရဲ့ နှစ်စဉ် စီးပွားရေး တိုးတက်မှုနှုန်းကို ကြည့်ရင်တော့ ၂နှစ်အတွင်းမှာ အားအနည်း ဆုံးဖြစ်ပြီး လွန်ခဲ့တဲ့ တစ်လကနဲ့ နှိုင်းယှဉ်ရင် တင်ပို့မှုနှုန်း ရုတ်ချည်း ထိုးကျ သွားတာ တွေ့ရပါတယ်။
ဒါ့အပြင် တရုတ်နိုင်ငံမှာ လုပ်ခငွေတွေ တိုးမြှင့်လိုက်တာဟာလည်း ကုန်သွယ် ပြိုင်ဆိုင်မှုတွေ ကို ထိခိုက်စေတဲ့ အကြောင်းရင်းတရပ် ဖြစ်တယ်လို့ တရုတ် ကူးသန်း ရောင်းဝယ်ရေး ဝန်ကြီး ဌာနက ပြောပါတယ်။
ဒါပေမယ့် အခုလို အာရှနဲ့ လက်တင် အမေရိကနိုင်ငံတွေကို အားကိုးပြီး ထုတ်ကုန်တင်ပို့မယ့် တရုတ်ရဲ့ အစီအစဉ်အပေါ် အနှောင့်အတားတွေ ရှိလာနိုင်ပါတယ်။
လတ်တလော စာရင်းဇယားတွေအရ လက်တင် အမေရိက ဒေသရဲ့ အကြီးဆုံး နိုင်ငံဖြစ်တဲ့ ဘရာဇီးလ်နိုင်ငံရဲ့ စီးပွားရေး တိုးတက်မှုနှုန်းဟာ တန့်နေတယ်လို့ သိရပြီး အနောက်နိုင်ငံ သုံး ငွေကြေးတွေ အားနည်းခဲ့မှုကြောင့် သူတို့ရဲ့ တင်ပို့ကုန် ပြိုင်ဆိုင်မှုကို ထိခိုက်နေတယ်လို့ ဘရာဇီးလ်က ပြောနေတာပါ။
တခါ အိန္ဒိယနိုင်ငံမှာလည်း နိုင်ငံခြား ကုမ္ပဏီတွေကို အိန္ဒိယ ဈေးကွက်ထဲဝင်ခွင့် ပေးဖို့ အစီအစဉ်တွေအပေါ် ဆန့်ကျင်မှုတွေ ရှိနေပါတယ်။
အိန္ဒိယနိုင်ငံမှာ နိုင်ငံခြား ကုန်ပဒေသာ ဆိုင်တွေ လာဖွင့်ခွင့်ပေးရေး အစီအစဉ်တွေကို နိုင်ငံရေးသမားတွေရဲ့ ကန့်ကွက်မှုတွေ၊ လူထု ဆန္ဒပြမှုတွေကြောင့် ဆိုင်းငံ့ထားလိုက် ရတာမျိုးတွေ ရှိနေပါတယ်။

ဘားအံမြို့ စက်မှုဇုန် စတင်တည်ဆောက်
ဘားအံမြို့ စက်မှုရုံမှာ စုစုပေါင်း စက်ရုံ ၅ ရုံလောက် တည်ထောင်ဖို့ ရည်ရွယ်ထား
ကရင်ပြည်နယ်၊ ဘားအံမြို့အနီးမှာ စက်မှုဇုန်တခု စတင် တည်ဆောက်ဖို့အတွက် ဗုဒ္ဓဟူးနေ့မှာ အုတ်မြစ်ချတဲ့ အခမ်းအနား ကို ကျင်းပခဲ့ပါတယ်။
အခုစက်မှုဇုန် တည်ဆောက်ရေးနဲ့ လုပ်ငန်းတွေ ကို မြန်မာနိုင်ငံက လုပ်ငန်းရှင်တွေ စုပေါင်း တည်ထောင်ထားတဲ့ မြန်မာတောင်ပိုင်း ဖွံ့ဖြိုး တိုးတက်ရေးကုမ္ပဏီ (MSDC) က ဦးစီး လုပ်ဆောင်မှာ ဖြစ်ပါတယ်။
ဒေသခံ ပြည်သူတွေ အလုပ်အကိုင်ရရှိရေး အတွက် ဒီစက်မှုဇုန်ကို ရည်ရွယ် တည်ဆောက် တာ ဖြစ်ကြောင်း အုတ်မြစ်ချပွဲ အခမ်းအနားကို တက်ရောက်လာတဲ့ MSDC ရဲ့ ဦးဆောင်ညွှန်ကြားရေးမှူး ဦးမြင့်ဌေးက ပြောပါတယ်။
အထည်ချုပ်စက်ရုံ၊ သကြားစက်ရုံ အပါအဝင် စုစုပေါင်း စက်ရုံ ၅ ရုံလောက် တည်ထောင်ဖို့ ရည်ရွယ်ထားကြောင်းကိုလည်း သူကပြောပါတယ်။
ပထမအနေနဲ့တော့ အထည်ချုပ်စက်ရုံကို တည်ဆောက်မှာ ဖြစ်ပြီး သုံးလအတွင်း ထုတ်လုပ် မှုတွေ စတင်နိုင်အောင် စီစဉ်ထားကြောင်း သိရပါတယ်။
ဒီဇင်ဘာလ ၅ ရက်နေ့ကလည်း မြဝတီမြို့မှာ စက်မှုဇုန်တခု ဖွင့်ခဲ့သေးတဲ့အတွက် ကရင် ပြည်နယ်မှာ အခုဆိုရင် စက်မှုဇုန် ၂ ခုရှိသွားပြီ ဖြစ်ပါတယ်။

ဦးလွင် (ရှေ့တန်း ဘယ်အစွန်လူ) ကို စီအာပီပီ အဖွဲ့ဝင်များနဲ့ အတူ တွေ့ရစဉ်NLD ခေါင်းဆောင် တဦး ဖြစ်သူ ဦးလွင် ကွယ်လွန်
အမျိုးသား ဒီမို ကရေစီ အဖွဲ့ချုပ် ထိပ်တန်း ခေါင်းဆောင် တယောက်ဖြစ်သူ ဦးလွင်ဟာ မနေ့ည ရှစ်နာရီ လေးဆယ် လောက်က နေအိမ်မှာ လူကြီး ရောဂါနဲ့ ကွယ်လွန် သွားခဲ့ပါတယ်။
ကွယ်လွန်ချိန်မှာ ဦးလွင်ဟာ အသက် ၈၈ နှစ် ရှိပါတယ်။
ဦးလွင်ဟာ မမာ မကျန်းဖြစ်တာ ကာလအတန် ကြာ ရှိသွားပြီ ဖြစ်ပြီး အောက်တိုဘာလ လောက်ကစပြီး ကျန်းမာရေး သိသိသာသာ ယိုယွင်း လာခဲ့ပါတယ်။
မကွယ်လွန်ခင် ငါးရက်လောက်က စပြီး ကျန်းမာရေး သိသိသာသာ ဆုတ်ယုတ် လာရာမှာ မနေ့ညက သမီးဖြစ်သူရဲ့ လက်ပေါ်မှာပဲ ကွယ်လွန်သွားခဲ့တယ်လို့ သားမက် ဖြစ်သူ ဦးထင်ကျော်က ဘီဘီစီကို ပြောပြပါတယ်။
ရှစ်ရက်နေ့ နေ့လည် တနာရီမှာ နေအိမ်ကနေ သယ်သွားပြီး ရေဝေး သုသာန်မှာ မီးသဂြိုဟ် မယ်လို့ သတင်း ရရှိပါတယ်။
ဦးလွင်ဟာ သားသမီး နှစ်ယောက် ထွန်းကားပြီး ကွယ်လွန်ချိန်မှာ သမီးကြီးနဲ့ မြေး သုံးယောက် မြစ် တယောက် ကျန်ရစ်ခဲ့ပါတယ်။
ဦးလွင်ဟာ ၈၈ အရေးအခင်း အပြီးမှာ မျိုးချစ် ရဲဘော်ဟောင်းများ အဖွဲ့မှာ ပထမ ဝင်ရောက် ဆောင်ရွက်ခဲ့ပြီး အမျိုးသား ဒီမိုကရေစီ အဖွဲ့ချုပ် စဖွဲ့ချိန်ကနေ ကနေ့ထိ ဗဟိုအလုပ်အမှု ဆောင် အဖြစ် အမှုထမ်းခဲ့ အထူးသဖြင့် ဥက္ကဌ ဦးတင်ဦးနဲ့ အထွေထွေ အတွင်းရေးမှုး ဒေါ်အောင်ဆန်း စုကြည်တို့ အကျဉ်း ချခံနေရချိန်မှာ အင်အယ်ဒီ ပါတီကို ဦးဆောင် လမ်းညွှန်မှု ပေးခဲ့ပါတယ်။
ဦးလွင်ဟာ မြန်မာ့ လွတ်လပ်ရေး တိုက်ပွဲ ကြိုးပမ်းမှုတွေမှာ ပါဝင်ခဲ့ပြီး ဒုတိယ ကမ္ဘာစစ် အတွင်း အသက် ဆယ့်ရှစ်နှစ် အရွယ် ကတည်းက ဂျပန်ကို စစ်ပညာသင် သွားရောက် ခဲ့ပါတယ်။
လွတ်လပ်ရေး ရပြီးနောက် တပ်ထဲမှာ အမှတ် ငါး သေနက်ကိုင် တပ်ရင်းမှာဆက်အမှု ထမ်းခဲ့ပြီး တရုတ်ဖြူ စစ်ဆင်ရေးမှာလည်း အဓိက အခန်းက ပါဝင်ခဲ့သူ တယောက် အဖြစ် ထင်ရှားပါတယ်။
မဆလ အုပ်ချုပ်မှု အတွင်း နိုင်ငံတော် ကောင်စီဝင် ဖြစ်ခဲ့ပြီး စီမံဘဏ္ဍာ ဝန်ကြီးနဲ့ ၁၉၇၄ မှာ ဒုတိယ ဝန်ကြီးချုပ် ရာထူးထိ ထမ်းဆောင်ခဲ့သူ ဖြစ်ပါတယ်။

အကြိမ် ၁ဝဝမြောက် ILO ညီလာခံ ဂျီနီဗာမှာ ဆွေးနွေးနေပုံခလေး စစ်သား စုဆောင်းမှု ဆက်ရှိနေ
မြန်မာ နိုင်ငံမှာ ခလေး စစ်သား ပပျောက်ဖို့ ဥပဒေတွေ ပြဌာန်းပြီး ILO နဲ့ ပေါင်းလုပ် နေတယ်လို့ အစိုးရက ပြောနေပေမယ့် ခလေး စစ်သား ပြဿနာ ဆက်ရှိ နေပါတယ်။
၂၀၀၈ ခုနှစ်က မန္တလေးက အသက် ဆယ့်ခြောက်နှစ် မပြည့်သေးတဲ့ ခလေး တယောက်ကို စစ်တပ်က တပ်ထဲ အတင်း ဆွဲထည့်ပြီး သုံးနှစ် ကြာမှ ဒီခလေးဟာ မိဘနဲ့ အဆက် အသွယ် ပြန်ရခဲ့တာကြောင့် ခလေးကို ပြန်ခေါ်နိုင်ဖို့ မိဘ တွေက ILO အပါအဝင် သက်ဆိုင်ရာ အကူအညီကို ယူဖို့ စီစဉ်နေပါတယ်။
မောင်ရဲမင်းဦးဟာ အသက် ဆယ့်ခြောက်နှစ် မပြည့်ခင်မှာ တရပ်ကွက် ထဲနေ သူငယ်ချင်း စစ်သား တယောက်က အလုပ် ပေးမယ်ဆိုလို့ လိုက်သွား ရာကနေ အိမ်ပြန် ရောက်မလာဘဲ ရှမ်းပြည်နယ် အရှေ့ပိုင်း မိုင်းဖြတ် ၅၇၀ ခြေမြန် တပ်ရင်းမှာ တာဝန် ထမ်းနေတာကို မိဘတွေက ခုရက်ပိုင်းမှာ စုံစမ်း သိရှိ ခဲ့ပါတယ်။
သူအိမ်က ပျောက်သွား ကတည်းက မိဘတွေက လိုက်ရှာ ခဲ့ပေမယ့် သတင်း အစအန မရခဲ့ဘဲ ပြီးခဲ့တဲ့ ရက်ပိုင်းကမှ သူတာဝန် ကျတဲ့ တပ်ရင်းက ဖခင်ရဲ့ မှတ်ပုံတင် မိတ္တူ လှမ်းတောင်းမှ သိရတယ်လို့ မိဘတွေက ပြောပါတယ်။
ဒီဇင်ဘာ ၅ ရက်နေ့က ကာယကံရှင် မောင်ရဲမင်းဦး ကိုယ်တိုင်က တပ်ထဲမှာ မနေချင်ကြောင်း အိမ်ကို ဖုန်းဆက်ပြောလို့ အကြောင်းစုံ သိရတဲ့ အကြောင်း မောင်ရဲမင်းဦးရဲ့ မိခင် ဒေါ်နီနီဆန်း ဘီဘီစီကို ပြောပြပါတယ်။
သူငယ်ချင်းက အလုပ်ပေးမယ် ခေါ်ပြီး စစ်တပ်ကို ရောင်းစားခဲ့ကြောင်း၊ သားနဲ့ စကား ပြောတဲ့အခါ သူက တပ်ထဲမှာ စိတ်ညစ်တယ် ရေတောင် ဝအောင် မသောက် ရဘူး ဆိုပြီး ပြောပြ တယ်လို့ ဆိုခဲ့သလို သူ့ကို အမြန်ဆုံး ပြန်ခေါ်ပေးဖို့ တောင်းပန် တိုးလျှိုးပြောဆိုကြောင်း မိခင်က ဘီဘီစီကို ပြောပြ ပါတယ်။
မောင်ရဲမင်းဦး မိဘရင်ခွင် ပြန်ရောက်ရေး ကလေး စစ်သား ကိစ္စ အကူအညီ ပေးနေတဲ့ မန္တလေးတိုင်းက NLD အဖွဲ့ဝင်တွေက တဆင့် ILO ကို တိုင်ကြား ပေးဖို့ အကူ အညီ တောင်းထား တယ်လို့ ပြောပါတယ်။
ကလေး စစ်သား အရေး အကူ အညီ ပေးနေတဲ့ သပိတ်ကျင်း NLD အဖွဲ့ဝင် ကိုအေးသိန်းက ဒီကလေး မိဘရင်ခွင် ပြန်ရောက်ရေး ဆောင်ရွှက် နေတယ်လို့ ပြောပါတယ်။
ခလေး စစ်သား အရေး လုပ်ဆောင် နေသူတွေနဲ့ ဥပဒေ ပညာရှင်တွေ ကတော့ ခလေး စစ်သား စုဆောင်းမှု ပပျောက်ရေး အတွက် ခလေး စစ်သား စုဆောင်းသူကို ထိထိ ရောက်ရောက် အရေး ယူနိုင်တဲ့ ဥပဒေမျိုး လွှတ်တော် ကနေ ပြဌာန်း ပေးပြီး အမှန် တကယ် ကျင့်သုံးမယ် ဆိုရင် ပပျောက် နိုင်တယ်လို့ ဘီဘီစီကို ပြောပါတယ်။

ဥရောပ ကောင်စီ ဥက္ကဌ Herman Van RompuyEU စာချုပ်ဘောင် အတွင်း ဘဏ္ဍာရေး စည်းမျဉ်းချမှတ်နိုင်
လက်ရှိ ဥရောပ သမဂ္ဂ သဘောတူ စာချုပ် ဘောင်အတွင်း ယူရိုငွေကြေးသုံး နိုင်ငံတွေအပေါ် တင်းကျပ်တဲ့ ဘဏ္ဍာရေး ဆိုင်ရာ စည်းမျဉ်း စည်းကမ်းတွေ ချမှတ်နိုင်လိမ့်မယ်လို့ ဥရောပ ကောင်စီ ဥက္ကဌ Herman Van Rompuy က ပြောကြားလိုက် ပါတယ်။
လာမယ့် ရက်တွေ အတွင်း ကျင်းပမယ့် လက်ရှိ ယူရိုဇုန်ရဲ့ ကြွေးမြီပြဿနာ အပေါ် ဖြေရှင်းဖို့ ဆွေးနွေးကြမယ့် ဥရောပ သမဂ္ဂ ညီလာခံမှာ မစ္စတာ ရွမ်ပွိုင်းက ဥက္ကဌ အဖြစ် ဆောင်ရွက် မှာလည်း ဖြစ်ပါတယ်။
ပြင်သစ်နဲ့ ဂျာမဏီတို့ကတော့ ယူရိုဇုန် နိုင်ငံတွေ အနေနဲ့ ဘဏ္ဍာရေး ပေါ်လစီတွေကို တင်းတင်းကြပ်ကြပ် ဆုပ်ကိုင်နိုင်မယ့် အချက်တွေ ထည့်သွင်းဖို့ လုပ်ဆောင် နေတယ်လို့ ပြောပါတယ်။
ဒီအစီအစဉ်ကို အမေရိကန် ဘဏ္ဍာရေး ဝန်ကြီး Timothy Geithner က ထောက်ခံခဲ့ပြီး ဗြိတိန် ဝန်ကြီးချုပ် David Cameron ကတော့ အပြောင်းအလဲ မှန်သမျှဟာ ဗြိတိန် အကျိုးစီးပွားကို အကာအကွယ် မပေးဘူး ဆိုရင် ဗီတိုသုံးရနိုင်တယ်လို့ ဆိုပါတယ်။

အစိုးရတပ် ဗျူဟာကုန်းကို ကေအိုင်အေ ၀င်ရောက်တိုက်ခိုက်
2011-12-07
ရှမ်းပြည်မြောက်ပိုင်း မုန်းကိုး အခြေစိုက် အစိုးရ စစ်ဗျူဟာကုန်းကို ကေအိုင်အေ တပ်ရင်း ၃၆ နဲ့ ၃၈ တပ်တွေက ဒီဇင်ဘာ ၆ ရက်နေ့ မနက် ၁ နာရီလောက်က ၀င်ရောက် စီးနင်း တိုက်ခိုက်ခဲ့တယ်လို့ နယ်စပ်သတင်းတွေ အရ သိရပါတယ်။
ဒီအကြောင်းနဲ့ ပတ်သက်လို့ ကေအိုင်အို ပြောရေးဆိုခွင့် ရှိသူ ဦးလနန်ကို မေးမြန်းကြည့်တဲ့အခါ-“မုန်းကိုးဘက်မှာ ရှိတဲ့ ဗျူဟာကုန်းလို့ပဲ ကျွန်တော် အကြမ်းဖျင်း သိရတယ်ခင်ဗျ။ မနက် အစောကြီး တစ်နာရီ ညသန်းခေါင်ပေါ့။ အဲဒီမှာ မိုးနည်းနည်း ရွာတဲ့ အချိန်မှာ ကျွန်တော်တို့ဘက်က သွားတိုက်ခိုက်တော့ သူတို့ဗျူဟာမှူးနဲ့ တပ်ရင်းမှူး ကတော့ တရုတ်ပြည်ကမ်းမှာ သွားအိပ်တယ်။ အဲဒါကြောင့်မို့ သူတို့ နှစ်ယောက်က မရှိဘူး။ သူတို့ နှစ်ယောက် လွတ်သွားတာပေါ့ဗျာ။ ကျန်တဲ့ အိမ်အဆောက်အအုံတွေ အားလုံးက ထိခိုက်သွားတယ်ခင်ဗျ။”အဲဒီတိုက်ပွဲမှာ နှစ်ဘက် ထိခိုက် သေဆုံးမှု အတိအကျ မသိရသေးပေမယ့် အစိုးရတပ်က ရဲနဲ့ စစ်သား စုစုပေါင်း ၁၀ ယောက်ကျော် ကျဆုံးပြီး ကေအိုင်အေဘက်က အရာရှိ တစ်ယောက် ကျဆုံးသွားတယ်လို့ နယ်စပ် သတင်းတွေ အရ သိရပါတယ်။ ကေအိုင်အိုက အဲဒီဗျူဟာကုန်းကို ၀င်ရောက် တိုက်ခိုက်ရတာဟာ ကေအိုင်အိုတပ်တွေနဲ့ ရဲဘော်တွေကို ဗျူဟာမှူး ဗိုလ်မှူးကြီး မြင့်သန်းက ခြိမ်းခြောက်နေတာကြောင့်လို့ ဦးလနန်က ပြောပါတယ်။“အဲဒီဗျူဟာကနေပြီး ကျွန်တော်တို့ တပ်ရင်း ၃၆ နဲ့ ၃၈ ကို ထိုးစစ်လုပ်တာ။ နောက်ပြီးတော့ အဲဒီ ဗျူဟာမှူးကလည်း ကျွန်တော်တို့ရဲ့ ကေအိုင်အို တပ်ဖွဲ့ဝင်တွေကို အမြဲတမ်း ကြိမ်းဝါး နေတာပေါ့။မင်းတို့ ဘာတွေလဲ ဆိုတဲ့ဟာတွေပေါ့။ ကြိမ်းဝါးနေတဲ့ဟာတွေ ရှိတော့ အဲဒီမှာ ရှိတဲ့ ကျနော်တို့ တပ်တွေကလည်း အခွင့်ကောင်း ရှာပြီးတော့ တိုက်ခိုက်တဲ့ သဘောပါပဲ။ အဲဒီမှာ ဗျူဟာမှူးရဲ့အိမ်က လုံးဝ မီးလောင် ပျက်စီးသွားတယ်။”ကေအိုင်အိုနဲ့ အစိုးရတပ်တွေ တိုက်ခိုက်နေကြတာ အခုဆိုရင် ၆ လနီးပါး ရှိပါပြီ။ အပစ်အခတ် ရပ်ပြီး ငြိမ်းချမ်းရေး ဆွေးနွေးကြတာတွေ ရှိခဲ့ပေမယ့် အခု အချိန်အထိ အစိုးရတပ်တွေက နေရာ အတော်များများမှာ ထိုးစစ် ဆင်နေတာကြောင့် တိုက်ပွဲတွေ ကတော့ ပြင်းထန်နေဆဲ ဖြစ်ပါတယ်။ဝါရှောင်မြို့နယ် ဆဒုံး ဆမားဒေသရှိ ကေအိုင်အို တပ်ရင်း ၃ ဌာနချုပ်ကို သိမ်းပိုက်နိုင်တဲ့ အထိ ထိုးစစ်ဆင် တိုက်ခိုက်ဖို့ အစိုးရတပ်က ညွှန်ကြားထားပေမယ့် အခုအချိန် အထိ မသိမ်းပိုက်နိုင်သေးတဲ့ အကြောင်း ဦးလနန်က ပြောပြပါတယ်။“နေရာ အနှံ့ပါပဲ။ အခု တပ်ရင်း ၃ ဘက်မှာလည်း အခုထိုးစစ် လုပ်နေကြတယ်။ သူတို့ ရည်မှန်းချက် ကတော့ ၆ ရက်နေ့ ညနေ ၄ နာရီမှာ မရမနေ ထိုးစစ်လုပ်ပါဆိုပြီးတော့၊ ဒါပေမယ့် သူတို့ရဲ့ရည်မှန်းချက်က မရသေးဘူးခင်ဗျ။ ဒါကြောင့် မရရအောင်ထိုးစစ်လုပ်ရမယ်။ အဲဒီတပ်ရင်း ၃ စခန်းကို သိမ်းရမယ်။ တကယ်လို့ မသိမ်းနိုင်ဘူးဆိုရင် ခင်ဗျားတို့ ရှေ့တန်းမှာနေတဲ့ တပ်ဖွဲ့တွေကို အရေးယူမယ် ဆိုပြီး နောက်တန်းကနေ ညွှန်ကြားထားတာမျိုး ရှိတယ်။ ဒါကြောင့်မို့ အခုအချိန်လည်း ဖြစ်နေတုန်းပဲ ခင်ဗျ။ တပ်မဟာ ၃ တပ်ရင်း ၁၅ ခွင်ထဲမှာလည်း တော်တော် ပြင်းပြင်းထန်ထန် ဖြစ်တယ် ခင်ဗျ။”ကေအိုင်အိုနဲ့ အစိုးရ ကိုယ်စားလှယ်တွေ နိုဝင်ဘာ ၂၉ ရက်က တရုတ်နိုင်ငံ ရွှေလီမြို့မှာ ငြိမ်းချမ်းရေး အတွက် တွေ့ဆုံ ဆွေးနွေးခဲ့ကြ ပါတယ်။ အဲဒီ ဆွေးနွေးပွဲမှာ သာမန် အပစ်အခတ် ရပ်စဲရေး လုပ်တာထက် နိုင်ငံရေးအရ ဆက်လက် ဆွေးနွေးဖို့ ကေအိုင်အိုဘက်က ပြောဆိုခဲ့တယ်လို့ သိရပါတယ်။

မြန်မာအတွက် အမေရိကန်နဲ့ တရုတ် ထိပ်တိုက် မတွေ့လို
2011-12-07
မြန်မာနဲ့ ပတ်သက်လာရင် အမေရိကန်နဲ့ တရုတ် ထိပ်တိုက် ရင်ဆိုင် မတွေ့ဘဲ ညှိနှိုင်း ဆွေးနွေးယူကြမယ့် သဘော တွေ့ရတယ်လို့ တရုတ်နိုင်ငံ အခြေစိုက် ဗမာပြည် ကွန်မြူနစ် ပါတီရဲ့ ပြောခွင့်ရ ပုဂ္ဂိုလ် ရဲဘော် ဖိုးသံချောင်းက ပြောပါတယ်။
အမေရိကန် အစိုးရရဲ့ မြန်မာနိုင်ငံ ဆိုင်ရာ အထူးကိုယ်စားလှယ်နဲ့ မူဝါဒ ညှိနှိုင်းရေးမှူး မစ္စတာ ဒဲရက် မစ်ချယ်လ်ရဲ့ ၅ ရက်ကြာ မြန်မာနိုင်ငံ ခရီးစဉ်အပြီး ရန်ကုန်လေဆိပ်မှာ စက်တင်ဘာလ ၁၄ ရက်နေ့က သတင်းစာရှင်းလင်းပွဲ ပြုလုပ်ခဲ့ရာ ဒီမိုကရေစီရေး၊ လူ့အခွင့်အရေးနဲ့ အမျိုးသား ပြန်လည် သင့်မြတ်ရေး ကဏ္ဍတွေမှာ တိုးတက်မှုရှိဖို့ ကိစ္စဟာ အမေရိကန် မြန်မာ ၂ နိုင်ငံ ဆက်ဆံရေးမှာ မဖြစ်မနေ အရေးကြီးကြောင်း ပြောကြားသွားသည်။
အမေရိကန် ပြည်ထောင်စု မြန်မာနိုင်ငံ ဆိုင်ရာ အထူး ကိုယ်စားလှယ် Derek Mitchell ရဲ့ ဒီဇင်ဘာလ ၈ ရက်က ၁၃ ရက် အထိ အာရှနိုင်ငံကြီး သုံးနိုင်ငံကို သွားပြီး မြန်မာ့အရေး ဆွေးနွေးမယ့် ခရီးစဉ်မှာ တရုတ်နိုင်ငံ ပါဝင်တာကို ကြည့်ပြီး အဲဒီလို ပြောလိုက်တာပါ၊Mr. Mitchell ဟာ ဒီဇင်ဘာလ ၁၂ ရက်မှာ တရုတ် နိုင်ငံကို ရောက်မယ်လို့ သိရပါတယ်။သူ့ခရီးစဉ် မတိုင်ခင် တရုတ် နိုင်ငံကို သွားခဲ့တဲ့ မြန်မာ ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင်ရဲ့ ခရီးစဉ်မှာ ၂၀၁၃ ကျရင် တရုတ်နိုင်ငံ သမ္မတ ဖြစ်လာဖို့ လျာထား သတ်မှတ်ခံရတဲ့ လက်ရှိ ဒု-သမ္မတ ရှီကျင်ဖင်နဲ့ တွေ့ဆုံပြီး နှစ်နိုင်ငံ စစ်ရေး ပူးပေါင်း ဆောင်ရွက်မှုတွေ တိုးမြှင့် လုပ်ဆောင်သွားဖို့ သဘောတူ စာချုပ် ချုပ်ဆိုခဲ့ပါတယ်။ အဲဒါကို ကြည့်ရင် အမေရိကန်နဲ့ ဆက်ဆံရေးဟာ တရုတ်ကို ထိခိုက်မှု ရှိမှာမဟုတ်ဘူး ဆိုတဲ့ အကြောင်း သွားရောက် ရှင်းပြတာ ဖြစ်မယ်လို့ ထင်ကြောင်း ရဲဘော်ဖိုးသံချောင်းက ပြောပါတယ်။Derek Mitchell ရဲ့ခရီးစဉ်မှာ တရုတ်အပြင် တောင်ကိုးရီးယားနဲ့ ဂျပန် နိုင်ငံတွေလည်း ပါဝင်ပါမယ်။

ဝါရင့် နိုင်ငံရေးသမားကြီးများ အဖွဲ့ဝင် သခင်လှကွန်းဝါရင့်နိုင်ငံရေးသမားကြီး သခင်လှကွန်း ကွယ်လွန်
2011-12-07
မြန်မာ့နိုင်ငံရေး သမိုင်းမှာ ပါဝင်လှုပ်ရှား ဆောင်ရွက်ခဲ့သူ ဝါရင့် နိုင်ငံရေးသမားကြီးများ အဖွဲ့ဝင် သခင်လှကွန်း ဒီဇင်ဘာလ ၄ ရက် မနက်က ရန်ကုန်မြို့ နေအိမ်မှာ ကွယ်လွန်သွားခဲ့ပြီး ဒီဇင်ဘာ ၆ ရက် မနေ့က ဈာပန ပြုလုပ်ခဲ့တယ်လို့ သိရပါတယ်။
မနှစ်က အာရ်အက်ဖ်အေနဲ့ ဆက်သွယ်မေးမြန်းခန်းမှာ မြန်မာနိုင်ငံမှာ အမျိုးသား ပြန်လည်သင့်မြတ်ရေး လမ်းစ ပေါ်လာခဲ့တဲ့ အတွက် ၀မ်းမြောက်ကြောင်း ပြောကြားခဲ့ဖူးပါတယ်။မြန်မာ့ လွတ်လပ်ရေး ကြိုးပမ်းမှု တော်လှန်ရေး ကာလမှာ ပါဝင်လှုပ်ရှားဆောင်ရွက်ခဲ့ပြီး နိုင်ငံရေးကိစ္စတွေမှာ ပါဝင်ဆောင်ရွက်ဆဲ သက်ရှိထင်ရှား သခင်ကြီးများထဲမှာ သခင်သိန်းမောင်၊ သခင်သိန်းဖေ၊ သခင်ချန်ထွန်းနှင့် သခင်တင်မြတို့သာ ကျန်ပါတော့တယ်။စာရေးဆရာ သတင်းစာဆရာ တစ်ဦး အဖြစ်လည်း ထင်ရှားခဲ့တဲ့ သခင်လှကွန်းဟာ ကွယ်လွန်ချိန်မှာ အသက် ၉၀ ရှိပြီလို့ သိရပါတယ်။

အမေရိကန် တရုတ် ကာကွယ်ရေး ဆွေးနွေး
By VOA (မြန်မာပိုင်း)
တရုတ်နိုင်ငံမှာ တရုတ်နဲ့ အမေရိကန် အရာရှိတွေက စက်တင်ဘာလမှာ နှစ်နိုင်ငံ ဆက်ဆံရေး တင်းမာ လာပြီးကတည်းက ဆိုရင် ပထမဆုံး အကြိမ်အဖြစ် အဆင့်မြင့် ဆွေးနွေးပွဲတွေကို ပြန်စလုပ်နေပါပြီ။

အမေရိကန်ဖက်က ထိုင်ဝမ်ကို လက်နက်ရောင်းတာနဲ့ သြစတေးလျမှာ အမေရိကန်စစ်သားတွေ တဖြည်းဖြည်း ပိုချထားဖို့ ကြေငြာတာတွေနဲ့ ပတ်သက်ပြီး နှစ်နိုင်ငံ ဆက်ဆံရေး အဖုအထစ်တွေ ဖြစ်လာခဲ့အပြီးမှာ အခုလို ပထမဆုံးအကြိမ် ဆွေးနွေးပွဲတွေ ပြန်စနိုင်တာ ဖြစ်ပါတယ်။

ဘေဂျင်းမြို့တော်မှာ ၁၂ ကြိမ်မြောက် နှစ်စဉ်လုပ်တဲ့ ဒီဆွေးနွေးပွဲကို ဒီနေ့မှာပဲ အမေရိကန် ပေါ်လစီဆိုင်ရာ လက်ထောက် ကာကွယ်ရေးဝန်ကြီး Michel Flournoy နဲ့ တရုတ်ကြည်းတပ် စစ်ဦးစီးရုံး ဒုအရာရှိချုပ် မား ရှောင်တီယာ (Ma Xiaotian) တို့က ဖွင့်လှစ်ပေးလိုက်တာပါ။

အမေရိကန်တို့ဖက်က ထိုင်ဝမ်လေတပ်ကို အဆင့်မြင့်ပေးဖို့ ကာကွယ်ရေးပစ္စည်း ဒေါ်လာ သန်းပေါင်း ၅၈၀၀ ကျော်ဖိုး ရောင်းချဖို့ ကူညီပေးတာကို စက်တင်ဘာလမှာ ကြေငြာပြီး တရုတ်ဖက်က ဒေါသထွက်ခဲ့တာကြောင့် ဒီဆွေးနွေးပွဲလုပ်ဖို့ ရွေ့ဆိုင်းလာခဲ့တာ ဖြစ်ပါတယ်။

အနီရောင် ဆန္ဒပြခေါင်းဆောင် ထိုင်းအစိုးရထံ အဖမ်းခံ
By VOA (မြန်မာပိုင်း)
ထိုင်းနိုင်ငံမှာ မနှစ်ကဖြစ်ပွားခဲ့တဲ့ အင်္ကျီနီဝတ် အစိုးရဆန့်ကျင်ရေး ဆန္ဒပြပွဲတွေကို ဦးဆောင်ခဲ့ပြီး တိမ်းရှောင်နေသူ ခေါင်းဆောင်ဟာ သူ့အပေါ် တင်ထားတဲ့ အကြမ်းဖက်မှုဆိုင်ရာ စွဲချက်တွေကို ရင်ဆိုင်ဖို့ အာဏာပိုင်တွေထံ လာအဖမ်းခံခဲ့ပါတယ်။

ဝန်ကြီးချုပ် အဘီဆစ် ၀ိချာချီဝ ဦးဆောင်တဲ့ အစိုးရကို ဆန့်ကျင်တဲ့ လူထု ဆန္ဒပြပွဲတွေကို ဦးဆောင်ခဲ့ပြီး လွှတ်တော် အဆောက်အဦးနဲ့ ဆက်တယ်လိုက် အသံလွှင့်ဌာနတွေကို ၀င်စီးခဲ့တယ်ဆိုပြီး Arisman Pongruangrong ဟာ စွပ်စွဲခံထားရတာပါ။

လက်ရှိ အစိုးရအောက်မှာ သူ့အမှုကို တရားဥပဒေနဲ့အညီ စီရင် ဆုံးဖြတ်နိုင်လိမ့်မယ်လို့ ယုံကြည်တဲ့အတွက် သူ့အနေနဲ့ အဖမ်းခံတာလို့ ဆန္ဒပြပွဲတွေအပြီး အိမ်နီးချင်း ကမ္ဘောဒီးယား နိုင်ငံထဲမှာ ထွက်ပြေး တိမ်းရှောင် နေတယ်လို့ ယူဆရတဲ့ အဲဒီ အင်္ကျီနီဝတ်အဖွဲ့တွေရဲ့ ခေါင်းဆောင်က ပြောပါတယ်။

မနှစ်က ဧပြီလမှာစပြီး သီတင်းပတ် ၁၀ ပတ်လောက်ကြာခဲ့တဲ့ အဲဒီ ဆီန္ဒပြပွဲတွေအတွင်း Arisman နဲ့ တခြား အင်္ကျီနီဝတ် ခေါင်းဆောင် တဒါဇင်လောက်ဟာ ဆူပူမှုတွေ ဖြစ်ပွားအောင် လှုံ့ဆော်မှု၊ အစိုးရ အရာရှိတွေကို ခြိမ်းချောက်မှု၊ အကြမ်းဖက်လုပ်ရပ်တွေ လုပ်ဆောင်မှု စတာတွေနဲ့ စွဲချက် တင်ခံထားရတာပါ။

Arisman ရဲ့အမှုကို ဒီကနေ့ ထိုင်းရာဇ၀တ်ခုံရုံးမှာ ကြားနာမှာဖြစ်ပြီး တရားရုံးက သူ့ကို အာမခံနဲ့ လွတ်ပေးလိမ့်မယ်လို့ မျှော်လင့်ရပါတယ်။

တရုတ်နှင့် အမေရိကန် မြန်မာ့အရေး ဆွေးနွေး မည်
မြန်မာနိုင်ငံ၏ ဖွံ့ဖြိုးတိုးတက်မှုများနှင့်ပတ်သက်ပြီး လာမည့် အပတ်အတွင်း အမေရိကန်နှင့် တရုတ်နိုင်ငံ တို့ ဆွေးနွေးရန် ရှိကြောင်း သိရသည်။ အမေရိကန် နိုင်ငံခြားရေးဝန်ကြီး မစ္စ ဟီလာရီ ကလင်တန် မြန်မာနိုင်ငံမှပြန်သွားပြီးနောက် ထိုသို့ ဆွေးနွေးရန် ဖြစ်ပေါ်လာခြင်းဖြစ်သည်။ ယင်းကိစ္စနှင့် ပတ်သက်၍ မြန်မာနိုင်ငံဆိုင်ရာ အမေရိကန် အထူးကိုယ် စားလှယ် မစ္စတာ ဒဲရက်ခ် မစ်ချယ်လ်သည် ဒီဇင်ဘာ ၁၂ ရက်နှင့် ၁၃ ရက်တွင်တရုတ်နိုင်ငံသို့ သွားရောက် မည်ဖြစ် ကြောင်း JapanToday အင်တာနက် စာမျက် နှာ၌ ဖော်ပြထားသည်။ ဒဲရက်ခ် မစ်ချယ်လ်သည် ယခု အပတ်အတွင်း ဂျပန်နှင့် တောင်ကိုရီးယားနိုင်ငံ တို့ကို လည်း သွားရောက်မည် ဖြစ် သည်ဟု ဆိုသည်။

မြန်မာကို လေယာဉ်ပို့သည့် ကုမ္ပဏီ အရေးယူခံရ
မြန်မာနိုင်ငံသို့ တရားမ၀င် လေယာဉ်နှင့် လေယာဉ် အစိတ်အပိုင်း ပစ္စည်းများ တင်ပို့မှုဖြင့် ကနေဒါ နိုင်ငံရှိ Calgary firm Kenn Borek Air Ltd. ကုမ္ပဏီကို ယမန်နေ့ က အမေရိကန်ဒေါ်လာ၂၅၀၀၀ ဒဏ်ငွေဆောင်ရန် ကနေဒါအစိုးရက အရေးယူ လိုက်သည်။ အဆိုပါ ကုမ္ပဏီသည် မြန်မာနိုင်ငံသို့ Havilland DHC-6T Twin Otter လေယာဉ်အမျိုးအစားကို၂၀၀၇ ခုနှစ် နိုဝင်ဘာလက ခွင့်ပြုချက် မယူဘဲ တရားမ၀င်တင်ပို့ခဲ့သည်ဟု ကနေဒါမှ လာသော သတင်းများက ဆိုသည်။ ကနေဒါ အစိုးရက ၁၉၉၇ ခုနှစ်ကတည်းက မြန်မာနိုင်ငံကို စီးပွားရေး ဒဏ်ခတ်ပိတ်ဆို့မှု ပြုလုပ်ထားသည်။

နေပြည်တော်၌ ဘင်္ဂလားဒေ့ရှ် သံရုံး ပန္နက်တင်
နေပြည်တော် ဒက္ခိဏသီရိမြို့နယ်၌ ပထမဆုံးနိုင်ငံခြားသံရုံးအနေဖြင့် ဘင်္ဂလားဒေ့ရ်ှသံရုံးကို ဆောက်လုပ်ဖွင့်လှစ်ရန် ယမန် နေ့ မွန်းလွဲပိုင်းက ပန္နက်တင် အခမ်းအနား ကျင်းပပြီး ဘင်္ဂလားဒေ့ရှ် ၀န်ကြီးချုပ် ရှိတ်ဟာဆီနာ နှင့် မြန်မာ ဒု နိုင်ငံခြားရေး ၀န်ကြီး ဒေါက်တာ မျိုးမြင့် တို့ တက်ရောက်သည်ဟု နေပြည်တော် စည်ပင်သာယာရေး ကော်မတီမှ တာဝန်ရှိသူ တဦးက ပြောသည်။ ဒက္ခိဏသီရိမြို့နယ်တွင် သံတမန်ဇုန်အဖြစ် သံရုံးများကို နေရာပေးရန် ပေ ၅၀၀ ပတ်လည်မြေကွက် ၁၂၀ ဖော်ထုတ်ထားပြီးဖြစ်ကြောင်း သိရသည်။ ရှိတ်ဟာဆီနာသည် မြန်မာနိုင်ငံသို့ ဒီဇင်ဘာ ၅ ရက်နေ့က ရောက်ရှိနေသည်။